|
|
 Re: الألـــــــــم... (Re: Mohamed Abdelgaleel)
|
خالص التحايا
الاعزاء..
قرشـــو
ازيك.. عزيزى
والله انا مفجوع كيف ..
وماعارف من يدخل هذا الداء والذى لانتحسسه فى الاعصاب ولا فى اللحم ولا الانسجه..
لكنه مرتبط بالروح..
والروح هذه عميقه كتير...
يدخل علينا الالم من الاشياء التى ذكرتها وربما اشياء كثيره ايضا لم اذكرها..
لكن الاموات هم يتذوقن طعم الالم الذى فى الموت وهذا هو اكثر الالام حقيقه..
يصبح العالم الاخر ؛شيئا به كل الحقائق واضحه..
فاحيانا يصبح الموت راحة مابعدها راحة...
عزيزى اتفق معك فى هذا..
Quote: الألم سيدى رغم مرارته لكنه مبعث الابداع ومبعث الأفكار النبيلة
فى زماننا هذا اصبح الألم شىء آخر وله مذاق آخر
فهانت تراه متجسدا حولك ومعك وفيك طيلة لحظات حياتك حتى طغى على حس السعادة
فاصبح الالم رفيق الكل سيدى |
نعم اصدق التعابير هى التى تاتى بعد مخاض تجارب الم...
*هذا ذكرنى ابيات التى تقول:
اضحك امام الناس وادارى دمعاتى ..
وانا ببكى من جواى معاناتى...
الناس تشوفنى سعيد يتمنو بسماتى..
ياريت لو عارفين الجوه فى ذاتى..
وانا فى انتظار الشوق تشرق صباحاتى..
نشوفك الحبيب قرشو..وكان جيت لقيتنى مافى البيت بيتك.
----------------------------------------
doma
ماما دوما ضحكتى وحاتك بالرغم انو غصبا عنى (فشر البليه مايُضحك)..
الحاجات وصلتها ليك ؛ ارجو ان تكون كما يجب ...
وحاتك ياماما انا متالم كيف ؛يعنى كمية اشياء تراكمت لكن زى مابنقول دى نفير شده للمرض..
ماتشيلى هم ماما...
ياهو حال الدنيا البنصنعها بى يدينا..
زيف زيف وكضب ماعادي..
ياااااااااااااااااااااااااااه..
انا داير اقول اكتر من كده لكن ماقادر...
ياااااااااااااااااااااااااااه..
----------------------------------------
najma
تعرفي ياعزيزه...
مرات بتخيل لى الالم ده زى الابره ولا شى ماقادر اوصفو وده المحيرنى..
قايتو لمن اصل لى شيى يقربنى من فهمو ياهو كل مره نحن بناخد (ريست) فى احد اركانو..
وده احد اركانو ..
قلبى معاك يانجمه..بل كل لحظات المى تقف جوارك...
سلمتى كتير...
-------------------------------------------
عبد الناصر الخطيب
ناصر ياخ انا بالجد شاعر انو مرتاح ليك ؛فاسمح لى ان انال شرف صداقتك ياخ...
ولو عندك شي عايز تقولو ارجو تعال صادي ..
اخوك القدرة بقت للمواضيع الطويله والدايره نقاش يادوب من جرى الشغل والكتب يجى بالقوه يكتب ليهو كلمتين بالقوه..
خلينى مستمع ..
Quote: فمثلما تكون الفرحة بمولود قادم للدنيا يكون الألم في مفارقه أخر يغادرها للدار الآخرة .
وما بين الحدين تقف الحياة وأقدارها |
تعبير بليغ جدا..واؤكد عليه
طيب اذا كانت العملية كده بمعنى انها سلسله ثابته ا لا يوجد تغير (فالثابت هو المتغير)؟؟!!
-------------------------------------------------
Mohamed Abdelgaleel
ابوحميد سلامات وعوافي.
| Quote: وبينهما يكمن الأمل أيضاً .. فتدور عجلة الحياة بعد أن يشدهها الألم والحزن .. فكأنه يبثها طاقة جديدة . |
والامل ما لم يمر بمرحله الالم لن يزدهر..
شفت المنطق كيف بليد ومحير..
التحايا النواضر
|
|
 
|
|
|
|
|
| العنوان |
الكاتب |
Date |
 الألـــــــــم... | معتز تروتسكى | 05-02-06, 04:14 AM |
| Re: الألـــــــــم... | قرشـــو | 05-02-06, 04:22 AM |
| Re: الألـــــــــم... | doma | 05-02-06, 04:43 AM |
 Re: الألـــــــــم... | najma | 05-02-06, 05:05 AM |
 Re: الألـــــــــم... | عبد الناصر الخطيب | 05-02-06, 05:30 AM |
| Re: الألـــــــــم... | Mohamed Abdelgaleel | 05-02-06, 07:02 AM |
| Re: الألـــــــــم... | معتز تروتسكى | 05-02-06, 11:36 AM |
| Re: الألـــــــــم... | Ahmed El Gasim | 05-02-06, 12:57 PM |
| Re: الألـــــــــم... | عبد الناصر الخطيب | 05-02-06, 12:14 PM |
| Re: الألـــــــــم... | هشام آدم | 05-02-06, 12:26 PM |
| Re: الألـــــــــم... | A.Razek Althalib | 05-03-06, 03:15 AM |
| Re: الألـــــــــم... | ناذر محمد الخليفة | 05-03-06, 06:30 AM |
| Re: الألـــــــــم... | ناذر محمد الخليفة | 05-03-06, 06:31 AM |
| Re: الألـــــــــم... | معتز تروتسكى | 05-04-06, 02:07 AM |
| Re: الألـــــــــم... | Marouf Sanad | 05-04-06, 02:20 AM |
| Re: الألـــــــــم... | gamal elsadig | 05-04-06, 03:48 AM |
| Re: الألـــــــــم... | محمدين ايدام | 05-04-06, 03:51 AM |
| Re: الألـــــــــم... | معتز تروتسكى | 05-05-06, 02:21 AM |
| Re: الألـــــــــم... | Ahmed Abdallah | 05-05-06, 03:18 AM |
| Re: الألـــــــــم... | نهال كرار | 05-05-06, 04:17 AM |
| Re: الألـــــــــم... | معتز تروتسكى | 05-06-06, 10:09 AM |
|
| |
معتز تروتسكى
فيس بوك
تويتر
انستقرام
يوتيوب
بنتيريست