* الله يجازيكم كان قطعتو نفسى افتش من الصباح والم فى بوستاتكم وانتو مترشحين بى بره 00 مساخيط00 كدى ده اول الغيث لمن نجيكم بى رواقه 00 وبعدين انتو وين 00 قايتو انا دقيت اعلانات فى كل مكان وكوشه لافين فيها طيب انتو لو بتشوا الكوش الراقية ما تسوقنى معاكم00 اصلو الفاتح ده راس الهوس بكون ساقكم يحوم بيكم ودينى تبارو الجنى ده تروحو وهم 00 ده كلو هين مسكينه بت الناس المعاكم دى رجلينها اتغبرت وحالهتها بقت زى عيوشه الفى القصيده دى00
شعيراتها منكوشه00
عيــــــــــــوشـــــــــــــــة منبوشة .. منبوشة نبشوها قبالك .. بت حالا زي حالك ذي كلمة مربوشه عودها إنبعت حرقان .. زي شتلة معطوشة عينيها رماشة .. أم لمبة فتاشة من طاقة جاتا الريح كتر البكا .. التجريح خلاها دعموشة تلوشة .. ولا ضفاف خيم عليها جفاف زي صرخة الغرقان فوق موجة بين فيضان شعراتا منفوشة وشفع مبارياها .. عيوشة .. عيوشة الليل هديماتا .. وشمش الله برطوشة تشرب من الشارع .. وتاكل من الكوشة عيوشة .. عيوشة وترقص لهن رقبة ، صقرية ، جابودي ، السامبا .. كاروشة عيوشة .. جامايكا .. الهورس عيوشة .. اسلولي عيوشة وعيوشة ما بترقص .. لكنها الدوشة وتفلت من الشفع في الفلتة تترتع .. تدخل على بيتاً .. ستاتو منمدِّي .. ناساً بعرفوها لكن بعافوها دايرين غسيل عدي .. شاكرين يا دقلوشة ويدوها عيشايي بي دمعة مرشوشة وتنملك الشارع .. خطواتا مربوشة السوق مع الأطفال .. عيوشة .. عيوشة الليل هديماتا .. وشمش الله برطوشة تشرب من الشارع .. وتاكل من الكوشة عيوشة .. عيوشة على قدر ما كاست .. عينيها ما لاقت غير مطبقة وبصلة المطبقة انهردت .. والبصلة مقروشة ما قلنا مقشوشة قشوها قبالك .. ديشك يا عيوشة يا الحاضر الغايب .. في الدنيا ما جايب خبر المدينة الكان على رغم ما فيها من فاقة من حرمان مرات اياديها تعطف على الإنسان بي فكة في قروشا بي كلمةً طيبة .. بي فضلة في مطعم او برتكانايتاً ضرباني في كوشة والليلة بانت زي .. بيتاً في آخر الحي .. ناساتو منبوشة يا جرحنا الهايم .. طول النهار حايم يلبد إذا ما شاف صحبانو مكشوشة يضحك إذا الكومر .. قبل على كوبر ولا المديرية .. ينمطق الفرحة .. بس فرحة مغشوشة إن تنجا من كشة .. دردير وتلتيلة .. كيف تنجا من جوعة .. من بردها وليلا عزت برنداتا واوكارها مطروشة بيت الله قافلنو مستشفى غافرنو .. ساحاتو مرشوشة كم يوم يعز النوم رغماً عن المشموم .. والدوخة والدوشة دي مدينة ما هيلك مافي البيشبهلك .. ما في البناديلك لافي البخاويلك غير ناس أحاويلن قطعن أحاويلك أصحابك الساعتك لا بد يعاينولك .. صمتاً يجيبولك باكر تلاقيهن .. في وجبة فوق كوشة جنب مجرى يحكولك ودونا لي ضابط .. كالعادة وانكفرن قال وين أوديهن والعندي ما قادر بالموية أكفيهن والعسكر أدونا سوطين وفكونا كالعادة يا اخونا .. حيكومة مربوشة دايرين شغل .. مافيش غير نغسل العربات غير نضرب الاورنيش عتالة .. جرسونات .. شغلاً ما يوكل عيش وبالحالة دي الكشة بلدية والبوليس ... مرات يجيك الديش ما يقبضوا الباعوض .. ما يقبضوا الضبان .. والما بدور فتيش الارزقي السمسار .. إشمعنى نحنا وليش إحنا الحرامين ولا البدسو العيش الزول يخاف يكفر .. يرجع يقول معليش شقيش نقع شقيش .. حتى السجن مافيش مافيش يا عيوشة من تكبري آهة وآه وآدم بدور حواه الطيرة بي عشوشة الفارة بي جحارة .. الكل بي مأواه وهنا في إبن آدم تاه ملجاه أرض الله لا أوضة لا حوشة يا أبونا يا الأسود يا أمنا القرقد يا داجي وين نرقد جاك المحل قاسيت .. لامن هجرت البيت فض المطر صديت .. أو صددوك غصب دارك لقيتا حرب كرت عليك فريت .. كان مافي غير تنفد بي لونك الأسود .. بي شعرك القرقد وبي فالك الشامخ زي تاج أبو الهدهد لامن يطير في الجو .. من ها المدن ينفد حاشاك من عيب تب لي شينة ما ختيت .. دغري وعراض إيديك بس كفها إتعود في الأرض يرمي الحب ما قنبلة وديناميت جيت المدن لاقيت من سيدا ما لاقيت تحرس عماراتو .. علشان تمسي تبيت ويتربو زي ما ربيت كم للعرق شديت زوغت أمن .. كريت جاملت جاراتو وأو تتم ترحل لي سيد خلاف السيد يتغيروا الأسياد .. لكنو نفس القيد نفس الربط ذاتو يا ماشي دون راس خيت وين كنت لما الناس إنقسموا ا########## في مدن تجز الراس كان زولو ما طاطا كت مافي ولا أبيت .. واصبحت مقطوع راس زي ديل كتير من ناس لا أوضة لا ضل بيت وفتحنا لاقيناك .. أول ما شالنا الحيل بالراحة في ذات ليل يا أبونا خليناك .. خففنا ليك الشيل تقلت بنا الخرتوم وفرنا لقمة عيش .. موية ومحل للنوم سامحنا .. عافينا .. يا أصلنا الحنّان غيرنا اسامينا شان نحيا باطمئنان دينق إنقلب عثمان .. هاشم بدل دلدوم من وين ؟؟ من ام درمان وناس بيتنا منوفين بس لكنة الرطّان تفضحنا .. بعض الحين وإن كنا يوم في يوم ماشين بننعوّد على لهجة الخرتوم في ولاد عرب بالكوم طالعين سوا ونازلين .. يفرقنا إلا النوم ما الحالة من بعضا .. مطروش ومطروشة وأكوان وقد قابل .. في كوشة عيوشة يا التحكي دون تبكي .. وفي وشو بتعاين شوف فيهو شن باين .. غير دمعة مقشوشة قشوها ناس أخوان .. أكوان وعيوشة بي صبر كم طول على حال حا يتحول قصر الزمان يا زول ولا الزمن طوّل لا بد يتحول ما فيهو من آلام .. في يوم من الأيام لي دنيا مفروشة بالعافيي والطعام لي كل فم .. ما دام في غلابة بي ديوشا وبجاي و بغادي قلة وكتر بوشة تخمت حكام مندلدلة كروشة فاوة وتفل لاقّي ونار الغضب باقّي تالاها محموشة جرفت لبقة الليل وانطنبجت د######## لا عينا بي شموشة الحال حا يتحول .. قصر الزمان يا زول ولا الزمن طول لابد من فوقة .. ومن تنتهي الدوشة قولاً قبل قلنا .. وكتين نصر نحيا مافي البكتلنا قولك يا عيوشة .. يا اب نفس طماعة غاشاك ومغشوشة الدنيا دنيانا زرع إيدنا نديانا .. لا صيص لا كدموشة وماك ماشي جيت غاشي .. ليك خيرها ينسبّل لا كُتّي شحّادة .. نديك وتتوكل لا جيتنا دنّاعة .. نمسح لك الجردل أخرت للساعة وتلبت في حوشة في حزك المنجل وشوالة مخموشة ناسي انو مزروبة .. بي شوق حبايبنا وحارساها كلوبة وكلوبة بات ووبة .. ويات لوبة بتحوشة يا النفسو ماهية شن جبهة متكية بي عمة كاكية .. وطاقية طربوشة جنب جبهة دغرية .. العمة مكوية .. فوق راسها ملوية ترقش بياض نية .. وبالهيبة منقوشة زي وشم فوق أكوان .. شلخاً في عيوشة يا جرحنا الطوّل جاييك زمن طيب .. خيراتو ليك أول صدقني يا طيب .. يا أرض يا جدول كارتنو بي معول والليلي تتجول .. عينيك مدهوشة من كنت تتسول .. في مدينة ما هيلك ومن كوشة لي كوشة
وكان لى القبيح داك الا خليهو احىىىىىىى منو00 كدى لمن ناخد نفسى ونجى 00 ودينى (الذى هو انتم) اشمت فيكم خلق الله وافضحكم 00
*ساعه ساعة انا بتاوقن00 ساعه ساعة انا بتاوقن00 ولحظه ما بقدر افارقن00 لعيونى الشوق حارقن 00 والدموع دايرى تغرن00 والدن قال ما يمرقن00 خايف النظرات تلحقن00 وخايف العين لاتعوقن00 هن وين تانى بيتلقن 00 ولى يحفظن الخالقن00 متلى كم زول مات بالشجن00 وقبلى ود الزومه انسجن00 كان زمان00 كان زمان لى شتلو بيسقن00 وديمه فى اللوبه يورقن00 ومره فى القعده ينقنن00 يحلفنو ولا يصدقن00 انا مابخاف الموت والسجن00 ولسه جسمى الصد بتعجن00
متواجدون الان بالمنبر الحر 353 شخص » (28 )عضو و (325) زائرا »abdalla BABIKER »Balla Musa »Dr Mahdi Mohammed Kheir »Ehab Eltayeb »Isa »loai omer »mulhim »osama elkhawad »Rawia »Shams eldin Alsanosi »Yasir Elsharif »أبوالريش »أبوالزفت »أنور أدم »اشرف البشاري »ثروت سوار الدهب »حمزاوي »خدر »د. بشار صقر »عزاز شامي »علي محمد علي »عماد شمت »غادة نصر »محى الدين ابكر سليمان »مريم بنت الحسين اضبط عيوشه ظهرت واختفت البقية على المساخيط نوره وتوحه »معتز تروتسكى» نادية عثمان »ودقاسم هذه الصفحة يعاد تحديثها كل 120 ثانية
02-22-2005, 02:05 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
تروتسكي... بالله من مريم سميتني عيوشه.. وبي قصيدتها كمان... عاد ما بسألك...
عاش من شافك، وبركة سلامة الجيّة... والله انا يا تروتسكي لا اجر ايد لا كراع.. يومي بكمل سريع خلاص التقول 24 دقيقة... وقبل ما اتم حاجاتي تلقى الوقت خلاااااااااااص... بقعد في (النصيبه) ده .. بكون أونلاين لكن شغاله في حاجات تانيه... بجيكم راجعه..
تخريمه.. مبسوطه ، اول مره يكتبوا اسمي في العنوان
02-22-2005, 10:58 PM
benyya benyya
تاريخ التسجيل: 03-09-2003
مجموع المشاركات: 774
تروتسكي اها انا جيت بي خشم الباب لكن ح أضطر ارفع عليك دعوة ياخي دة تشهير و سب علني ما بسووها كدة يا قبيح عملتها ظاهرة لو عندك عقدة طبقية او من صلعتك انا ما دخلي ياخي خليني في حالي سمح؟؟؟!!!
عيوشه بركه الجيتى قبال المطاليق ديلك 00 قايتو القصيده دى لايقة عليكى كيف 000 اقراها واتخيل شكلك واضحك000 يا أستاذ عبد الرزاق.. بوستكم داك حصلت فيهو مشكله.. تعالو واصلوا هنا ده مش بتاعك ؟؟؟ مشروع لم العفش اتوسع بقى لامى اروبا ودول الخليج 00 ماعندكم مشكله تب بس كلو بى حقو *********************************************
البنيه السمحه وفنجريه 00 Happy Birthday To MEEEEEEEEEEEE وعقبال كم هائل من العمر الجميل فى صحتك00 اخبارك وصحتك ورسالتك الكلها ارقام ديك بس برضو سعيد بيها وبيك00 تسلمى كتير والمكان ناير بى وجودك ياستى المجهوله 00 فرحان بيك كتير00 ونحن اتلاقينا مره 00 فى خيالى وفى شعورى الف مره00 الف مره وعاش سلامك00 ومن بعيد بتعيش معاى00 ***************************************************
خشم الباب فى عينك يامعولق00 قال دعوة تشهير قال هو انت لاقى زول يتذكرك التقول مركب كرونة كلب بتاع الفاتح داك الزنقو فى الطاحونه
قال شنو كمان؟؟!!!!
لو عندك عقدة طبقية او من صلعتك انا ما دخلي ياخي خليني في حالي سمح؟؟؟!!!
استغفرتك يامالك روحى صحى قالوا الفيك بدر بو
وكان جيت لى بتاع الخضار والبطاطس داك خليهو ساى مامعروف بتاع طاحونه ولا خضرجى00 تعرف بى خضرجى دى اتذكرته نكتة الزول الشغال فى الجزاره ....... فى النهاية00 لمن سالو قال شفته بى عينى دى000 الفاتحححححححححححح توحه مشتاق ليك ليكككك
تعرف ياحبيبو لو فى زول فى الدنيا دى طيب اكيد هو طبعا حكاية الطيبه دى انت تطلع منها بره خالص 00 لكن الود ده كان اترشح رئيس محلية ودينى ارشحو كان بقيت معارضه ارشحو00 واصفيهو بعد داك وامسك الخضرجيه فى البلديه00 بااااااااى فى عينك تعال راجع حبيبو 00 وجيب معاك المسسوخ داك00
يلا منتظركم الليله السهر وين؟؟؟
القطـر الشالك أنت..ياحبيب نوره
اعظم قطر ليه تكسر00
يلا شوف هنا القطارات كيف ياحليلزمن سرور وكرومه والشفيع00
فى الرصيف مستنى ولى الثوانى بحاسب امتى يظهر نورواليهو ديمه براقب.... القى فيهو هناى ويلقى فيا هناهو ننسجم لى ريدنا الكان يامريودى000 القطار يتهادى حلا فى وداينا يلا نجرى المن زمان ناسينا قلبى زاد خفقانو وليك فى ولاهو للحبيب الماضى اليهو زاد شوقى السلامة سلامه يالليل السلامة سلامه اه خلاص جنيتها فى المحطه بكيتها يالقطار تدشدش الشلته مريودى00 .................................
تقول قطرك صحى كل برميل بمافيه بكركب لكن قفله الاغنية واحده (يالقطار تدشدش)
يا حليلى انا .. فترت من المشى وقعدت فى نص السهلة اتاوق لقافلة ابو سفيان تأتى عن طريق شارع البلدية ... اتاريك يا ممسوخ قاعد تتفرج فينا ونحن بنغزل فى البعاد بين الشوق والرجا .. وبين الحنين للمنتدى وناس حيرانا عدت فى الصبا ... ياخ انت عارف جريتنى جر بحبلك الطويل دا ... وبحبك الشايلو فى حنانك عشان توزعو ونحن مستنيين الكوتة باللهفة والترقب ...
اها انت عارف كنا مع مريم بت الحسين ساقتنا ودتنا الاردن وجابتنا الدوحة تانى ... يا حليلا ... البت بتعرف تعمل اجمل قطيفة للدهشة ... مرة لقيت حبيب نورة وهو قاعد مستنيها فى راكوبة بيتهم ... جاء اخوها الصغير وقال ليهو تعال اشرب معانا الجبنة تصدق ... حبيب ولا كضب توووش دخل البيت والغريبة مريم طبخت ليهو بأيديها ... واظن لحدى هسع هناك يتمنى الا لا ينتهى هذا التساؤل ... فكتبت ليهو :
غدا اذّوب مهجتى فى بحر انفاس الغرام ارنو اليك وا لوعتى ظمأى تؤجج فى ضرام ابيت اعشق فى الدجى صوتا ينادى فى ملام ابدا اعيش لحبك انا غير احبابى حطام
تعال ياخ كفاك من الغربة ... انت فى زول قال ليك محمد معانا ما تغشانا ولا شنو ؟ تعال واقفل معاك الباب بوراك عشان عندنا ليك كلام الطير فى امتداد ناصر دايرين نقولوا معاك ... ادفر خطوتك بسراع .. واتحزم للقيا يا اجمل الاهات ... وبركة بت الحسين جات سليمة .. شايفا قالت مشغولة شغلة كدا بطالة ... الله يكون فى عونا ... البت من المشاوير فترناها معانا ... ويبدو انو دايرة ليها دفرة عشان تمشى هسع ... بس باقى انت .. تقول لى انا نايم فى البطاطس !! ..
تروتسكى ... اجضمك ؟؟؟؟ غايتو ما بقدر اجازيك الا ... اهددك بى مطوة ... واخليك ترجف زى الكوارع ... شكرا كثيرا ياخ ... وعليك الله ستف لى كرتونة من ناسكم الصغار ديلك وانا بنتظر فى المطار ... المهم اهديك باقة ورد كبيرة شيلها فى ركشة واهديها للغاليين . وتسلم للسؤال المستديم فى الزمن المسغبة ..
03-02-2005, 10:04 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
كيفنك والحاله عموم اصلو البوست ده كلو الغاز لكن بالجد كلامك ده ماقع لى ....
Quote: تخريمه.. مبسوطه ، اول مره يكتبوا اسمي في العنوان بالله عليك كل يوم نزل بوست ... للحبيب .. حبيب نوره.. بس: من غير تخريمة: أنا جيت ماشي بهنا... لفتك ... نظرك...
قايتو ربك يكضب الشينه ومانشدها ليك لانو فى كل الدكشنريات لقيتو بدى معنى واحد فقط..
وسلامات وعوافى...
03-12-2005, 03:38 PM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
بسم ايات الله امين مدخل اول : معاي وغشيتك اسلم عليك اتكل قصادك هموم الحراز اطمن طيوف الخريف الوشيك وابشر دواخلك بوعد الرزاز مدخل تاني : في خضم الاشواق لا يفوتني ان اسئلك عن احوالك واتمني ان تكون كما انت رايع مدخل خاص جدا : حقيقي لا نحس بقيمه الاشياء الا عندما نفتقدها (
مدخل اخير :لا اقتني شمسا ولا ظلا سواك وفي كل عام تورقني تمددا وتوهجا وتالقا تبحر بقاربي وتعزز تماسكي في وجة اعاصير الهلاك
03-13-2005, 04:29 PM
عشة بت فاطنة عشة بت فاطنة
تاريخ التسجيل: 01-06-2003
مجموع المشاركات: 4572
نورتى البوست وماتصدقى كلام الاسمها مريم دى دايره توقع بينا .. لكن بالجد سعيد انك معانا هنا النبى فوقك كان تطولى وتطلى علينا بالجد الواحد بشعر بالراحه بى بوجوده فى ظل الممسسوخين ديل..
اها انا اتسممت جذبتنى الاهة الكانت تقود معول الصراخ وقعدت اعاين للسم الهارى الكشحتو فينا يا ممسوخ ياخ انت زول ممتاز موز لكن .. يا تروتسكى بقدرة قادر ارى حبيب نورة خرج يتوكأ وممسك بيسراه وردة آآآى غيب وتعال ... ياخ هو على كيفك تخلينا نتشحتف ؟؟ وكان لمريومة ديك خليها ساى ما عارفها قاعدة تطرز فى قطيفة للبعاد وشايلها جواها عناد تعالى تعالى يا اجمل منك الا انتى .. ومن يوم المرأة ... انشا الله يوم المرأة دا يجى فى الشهر مرتين عشان نشوفك بين الحروف مزدانة تحكى للمشاعر
اريتو يوم الرجل ما يجى
عشة قلتى واطتك صبحت
السهر ما اصلو حق الفنانين
03-14-2005, 01:38 PM
عشة بت فاطنة عشة بت فاطنة
تاريخ التسجيل: 01-06-2003
مجموع المشاركات: 4572
Quote: تروتسكي وعيوشة المنكوشة دي نعلي ما أنا ؟ ولا بت أخوي ؟؟ كدي التصبح ا########## ولا هي واطتي صبحت وانا مصنقرة !!
شفته كيف يا تروتسكي... ضرب في المليان... عمتي عشه والأجر على الله.. عشان تاني تقول عنّي منكشه.. ... عاد يا يابا يحلك الحلّ بلّه.. تصدق، ده زاتو ما بحلّك..
جاياكم تاني
بنت الحسين
04-11-2005, 05:37 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
حبيب نورة كُر علينا منك انت يا الموعولق.. اسى تكون مجدوع وين ما معروف فى ياتو كوشه حايم الله تعلم .. قايتو يكفينا شرك .. وبلاويك المتلتله البتقع فى راسنا نحن.. (يوم تفوت انت ..ياحبيبو يا انت..ياسيدى يا انت).. والاهل واقفين بيقروا فى يـــــسن تحفظ الوزين ومن شرور العين.. اها ..اها.. دى الرايقه.. و كُر[/B ] النسوان ديل الله يضرهن!!!!!!!!!!!!! كـُر علينا ليل الشجن و الشوق بري يـا يـابـة!!
alfatih توحه (ماعرفتك لكن) تامين يازميل. . قايتو ربك يكون فى عون ناس (الشانزلزيه) (وجكسو). . ياود مشيت تضهب بى هناك جد ولا هظار.. اسمع ترفع تقرير مفصل عما جرى (كما كان وماسيكون).. تانى كان كده مابتعاين لينا ولا بتنيظر (كراتينا وكونتينراتنا).. ياحلينا واطته صبحت مع ناس تووحه ديل . .. هى يالشقى غاطس فى البطاطس قدر ده.. وتشيل تشرب من الطيبات.. ياحليل ايامك.. زمن كنت بتلمها بالجنيه للفته.. يلا ابقى اطلع لى بره النظره للمساكين رحمه.. (صبرت واستنين كتير ..اتمنى .. امنى نفسى واقول بكره الجنه ومن بعيد ..ياما سالنا ومن قلبك بدعيلك...) (ماتخجلى يا السمحه قوولى استعجلى...) فتك بعافيه.. والسلام يالمهدى الامام.. ندوة سياسية كبرى فى باريس بتحدث فيها الامام الصادق المهدى برج الاسبــــــــــــــــــوع على الطلاق السودان دا مسكون !!! مولاتى بأعتبار ما سيكون
TROTSKY انت قايتو مع مشروع لم العفش ده وفى جنس الخلق دى ربك يكون فى عونك.. (خلاص كبرت وليك ؟ ؟سنه) عمر الزهور عمر المنى..
كل البوستات دى نهديها ليك وربك يدوم عليك دايما بالتوفيق والصحه ليك ولكل من تحبيهو.. انتى برضو اظهرى ماتكونى غاتسه فى البطاطس.. وابراج الممسوخ ده.. ده بتعمل ليك احباط..وتساقط شعر . . اسالنى انا.. يلا والتحايا النواضر.. كلكم..
لحن الختام.. اعمل ليك لو ترجعلى تانى .. اقطف ليك ورود وانظملك اغانى.. اعزف ليك عود ويغرد كمانى .. يا احلى الوجود يا اغلى الامانى.. ********************************* ما كنت الودود حنين وغافر .. من وراك تصد مين وراك التجافى.. كم اوفيت وعود جيت فى تصافى.. واليوم التعود يوم فرحى وزفافى.. ********************************** من كاسات محنه من ينبوع حنان.. من فردوس وجنه اهدتنا ريحان.. كنت ربيع حياتى كنت منى الزمان.. كيف هان ليك حبى ودمعى الغالى هان.. *********************************** نار الحب نعيم مر الحب حلو.. والشوق الكبير قلبى مبهدلو.. درب الحب طويل براى مابدخلو.. يا احباب زمان تعالو واسالوا.. ********************************** اعمل ليك لو ترجعلى تانى .. اقطف ليك ورود وانظملك اغانى.. اعزف ليك عود ويغرد كمانى .. يا احلى الوجود يا اغلى الامانى..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معتز تروتسكى
اشمت فيكم خلق الله وافضحكم 00
مريم بنت الحسين
benyya
حبيب نورة
alfatih
motaz
A.Razek Althalib
عشة بت فاطنة
فيس بوك
تويتر
انستقرام
يوتيوب
بنتيريست