|
لما تصدق يوم عيونك !
|
أيه أكون فى الدنيا غيرك ..
كل كلمة حب أقولا
نابعه من دفقات وجودك
وكيف نعيش الشوق بدونك ؟؟
لهفة خطاي..
ساعة تجيلك
إحنا سامحنا وغفرنا
وتانى لو بتريد آذانا
زيد ..وإتدلل علينا
أصلو السماح ..مخلوق عشانك
إنتا لو غلطان معانا
برضو غافر ليك هوانا
أصلو فرحان بى وجودو
شعله لو بتنير حياتك
ديمه تبخل بى حنينك
مرَّات إفاجئنا ويفيض
لما تصدق يوم عيونك
ومرَّات تدسدس فيهو عِنيه
تجافى فينا وبرضو نهوى
لحظة صدودك ..ومحال نخونك
ريدنا ساساق فى مدارك
ما بنبدِّل يوم شجونك
ولا طرينا غير ودادك
رغم إنو معطون بى جنونك
مرَّه تفرح بينا ترضى
دهشتنا تشهق يوم نكونك
ومرَّه تغضب ..تحرم وصالك
حتَّى فى غضبك نصونك
إنتا بس مخلوق نريدك
نشقى ..
نفرح ..مامهم
يكفى عايشين جوَّه كونك
|
|
|
|
|
|