دة كلام شنو يا خينا ؟

Quote: سلام يا الهام و طه كلاب او ما كلاب ده موضوع تانى لكن لا حوار مع شخص او جهة خاته لى مسدس في راسي و بتملى براها شروط الحوار يكون كيف لا حوار مع شخص او جهة تحدد للاخرين يقولو شنو و ما يقولو شنو لا حوار مع شخص او جهة تهددك بالقتل و تقطيع الاوصال زى ما قال نافع و الاستهداف من قبل " شباب المجاهدين" زى ما قال حاج ماجد ... ده الموقف الرسمي و المعلن من الدولة - نافع - و حزب الدولة - حاج ماجد - دى حرب .... برغم عدم الندية التام الفيها حرب تتخاض بوسائلها او ما تيسر منها الان .... كونو يجي كوز هنا يعمل فيها لسه "معتدل و متحضر" زى ما قال نافع يلقاها عند الغافل ... الاتنين ما بتلمو مع بعض , يا اما انك بتاع قطيع اوصال و استهداف تبقي تبطل حركات Quote: كيف اتحاور واتداخل مع من يصــف تيار سياسي بانهم كلاب سؤال عجيب!! ما انت قاعد في حركة سياسية بتهدد علنا بتقطيع الاوصال , حركة سياسية سحلت علنا عشرات الالاف؟ سحل عديل كده ...حركة سياسية بتعتبرهم حشرات موش كلاب و حرمتهم حق الحياة زاتو او انك بتاع حوار و تداخل يبقي تمرق من الجهة البتقطع الاوصال و تستهدف دى ... ما حتستخدمونا لترويج انكم بتحاورو ... يا حرب للاخر ... يا حوار - دولة وحزب - بي شروط و قوانين حوار يضعها الجميع و تسري عليهم بالتساوى ... دولة و احزاب غير كده تتواصل الحرب ....