|
|
|
 Re: أيضاً : القلم ليـــهو رافع (Re: sumah)
|
يا خضر بالمناسبه دي حسادة بس
الزول ده مفقوع كيف انك رجعته معزز مكرم فما تشتغل بيه
واضحك وبس:
| Quote: ملطشة ما حصلت .. يطردوك تنطرد .. يرجعوك ترجع .. و تشكر كمان. |
انت حارقك وين يا ملاسي؟؟؟!!!
| |
 
|
|
|
|
|
|
|
|
Re: أيضاً : القلم ليـــهو رافع (Re: sumah)
|
الاخ العزيز خضر حسين
مرحب بعودتك
وفي إنتظار كتاباتك الشيقة
________________________-
التمارين في ميادين الوليد بن طلال
مفتقدة خرخرتك .
تجي متأخر وعاوز تنزل طوالي ....
| |
|
|
|
|
|
|
|
|
|
Re: أيضاً : القلم ليـــهو رافع (Re: Ishraga Mustafa)
|
أخت دمي
يا إشراقة يا مصطفي احامد
غنا البلابل أتاني وحالي حال ، فتشت عن مساعد ياي يعينني وهذا الليل وما وجدت
أعود يا إشراقة وفي البال أنت وكثيرات من بنات الناس الرائعات اللائي يدفرن
بما أوتين من صلابة حال هذا الكون المايل وصولاً لي وطن (معقول)
اشراقة : تحياتي للاستاذة روزمين وحنتقابل في تشريح الحال وحاصل الحاصل بكل تأكيد
| |
|
|
|
|
|
|
|
|
|
Re: أيضاً : القلم ليـــهو رافع (Re: elsawi)
|
الصاوي
لي هسي طبعاً أنا حيرتي لساها مكانك (سر)الباب داك متزكرو يا صاحب
لاحولتن لا حولتن زمناً بجي وبيمر عبر النشيد المر موش كدة بالله يا الصاوي
والله يا صاحبي هناك أنا عارف قدر شنو إنت سعيد وثق بإنو أخوك سعيد بذات الشوق
ويلاك نشوف الحاصل سوا
| |
|
|
|
|
|
|
|
|
|
Re: أيضاً : القلم ليـــهو رافع (Re: خضر حسين خليل)
|
مرحباً بك أيا صديقاً أشتم فيه رائحة الخلاص..
يا صديقاً يمور و يمور كرحم ساعة مخاض..
من يوم رحيلك من البلاد و الدار موشحه بالسواد..
لكن
غنوا معاي غنوة العيد و الفرح .. الليله يوم ميلاد فرحنا
هل الى سبيل من تلاقٍ
| |
|
|
|
|
|
|
|
|
|
Re: أيضاً : القلم ليـــهو رافع (Re: محمد الباقر)
|
دكتورنا
يا محمد يا باقر
ياخ مرحباً بك في سودانيز اونلاين انت والكنزي سوا سوا سوا
إشتاق لبلاد تمور وتسوي العجب يا صاحبي
إشتاق لبلاد مافيها شئ من سيرة الخراب
إشتاق جداً لاصدقائي هنا وهناك يا صاحبي
وينك انت انعل ابو الشوق ياخ
| |
|
|
|
|
|
|
|
|
 Re: أيضاً : القلم ليـــهو رافع (Re: خضر حسين خليل)
|
Quote: جانا الخبر شايلُه النّسيم في الليل يوشوش في الخمايل
هشّ الزّهر بكت الورود سالت مشاعر النّاس جداول
رجع البلد بعد السّنين المُرّة يادوب العيون سهرن هجد
|
يا أخدراني القلب والقلم
إنا والله نشتاقك ونشتاق أيامك
سعادتي لاتوصف يا صديقي
محبتي
| |
|
|
|
|
|
|
|
|
|
Re: أيضاً : القلم ليـــهو رافع (Re: نهال الطيب)
|
إلي روح صديقي .... خضر حسين...الذي رسموا علي وجهه ألوان الغياب ... وعلّقوا علي صدره قلادة الإختباء..
................
................
................
محاره
(أُعصِبت أعينهم بأغطيةٍ سوداء....
ثمّ أُسنِدت ظهورِهم علي جدارِ البحرِ .....
أطلقوا عليهم رصاصاً بدماءِ الغبن مبلله.... فانفلق البحر إلي شقين كمحاره.. وضمهم عليه.
........
لأنهم لم يروا إلاّ مصائرهم علي جرائد النخلِ مكتوبة ... ولم يعرفوا إلاّ الأغاني السائحات بلا مرسي ..
فأسلموا أنفسهم لها .. رسموا وشم الفرح علي صدورهم ...
وأعطوا أصواتهم للريح....
(في ذلك اليوم تيبّست الريح).!
لا تتنزّل عليهم كلماتهم..
لا....
تأتي من سماواتٍ بعيده...... ليس بينها ورموشِ السماء حجاب..
كلماتهم ....
خيط من ضوء يتسلّق جدران المدن... يطرق كلّ باب ... يرجّع نهد الغناء المشدود...
كانوا يُخبئون حبيباتهم تحت جلودهم ...
تتخلل أصابعهم إبتسامات المساء ... تتماهي أصواتهم في بعضها ...
تنشق أوتار الموسيقي... فيصبحوا جدائل لأغنيه لا تعرف النهايات...
تجمّعوا .. بكل سحناتهم
أسود ..
أبيض ..
إفريقي بلسان عربي..
عربي بسحناتٍ إستوائيه...
وألوان لا يغطيها الغمام...ولا يمطرها تهجدٍ صوفي ... ولعنات الحجاره...
تجمّعوا ليغسلوا مساحات أجسادنا من غبائها ونيئ اللحم من رائحته...يعطوننا إمراةً لا تعرف في تواريخها لغة الإنكسار...
وأرضاً لا تعرف بين حبّاتها ... حصاد البوار...
أمام أصواتهم تصبح اللغة بكماء ... وتضلُ طريقها في إكتواء صمتها .... وتضلّ طريقها ... في يباس حلقها .. تعودك كنظرك.. مُنْكَسِرةً خاسئةً ..
وأنت حزين....
(في ذلك اليوم وُصِفوهم بالزندقه.. رغم أنَ الخريف كان مبشراً وأن السماء صافيه ولها عيون النصاري زُرقةً ..والكلام مسموح به في الأزقه والحواري وبين أعين الحبيبات....)
...................
أُنظر إليهم يا مارا...
أُنظر إليهم ... إنهم يصعدون إلي العرش كأنما كانوا يصعدون إلي مشنقه ...
أليس هذا قمّةْ الفساد...
صمت.....
صمت... لا تسمع فيه إلاّ أنّات الاّلهه الورقيه ودبيب ذرات الاوكسجين بين قطرات دمّكْ ... يصيبك الغثيان
وتداهم شعرات جلدك حمي تشبه الإنتشاء فتنتصبْ واقفه ... تقدِِس ذاك الإنتشاء....
لا تملك فكاكاً منه اليوم...
( يتعالي صوت المغني موجوعاً ....
يزدري بصوته ... أوتار اللحن .... فتتقطع أوصاله ....)
مارا .. ماذا حدث لثورتنا ...
اليوم نريد التغييرات الموعوده......
اليوم نريد التغييرات الموعوده....
(صمتُ آخر تنتصب فيه أنت ويتساقط شعرك!)
......
الماركيز دي صاد يتواري خلف كلماتٍ قٌدت من ُدبرها ... وعليها تراكمت لعنات المجون .... وكبرياء الزُهري وما من سبيل لإسعافه إلاّ ... تركه حياً في بحيرة إفرازاته البشريه... ربما يسمونها رصاصة رحمه...!
ستار...
مارا.... الماركيز دي صاد... شخوص من مسرحيه بإسميهما....
تأليف بيتر فايس....
قّدم هذه المسرحيه .... جمعية الموسيقي والمسرح والفن التشكيلي(كلية الطب ) 1985
إخراج: محمد المهدي عبدالوهاب.
تدريب أصوات وموسيقي الفنان الراحل: مصطفي سيد أحمد
تنفيذ وأزياء : إبراهيم . ع . حسن (كوجان)
الأدوار
مارا
د. كمال عباس حسين (يعمل حالياً بآيرلندا ... باحثاً ومعالجاً للسرطان).
الماركيز دي صاد:
د.هشام عمر النور( ترك طب الأسنان وأصبح أساتذاً في الفلسفه)... أفتقده كثيراً
د. مختار فضل (أخصائي أمراض نفسيه ) ...شقيق الشهيد علي فضل.. لندن مازال عنوانه لبيته ...إبتسامه بعرض الصباح.
جوقة المغنين د: مروان بخاري ، د. نصيف صامويل، د. ناديه، د.شاديه واخرون) ...وحتي أجمعهم أمامي اللعنه علي ذاكرتي!.
1986
من ثلاثية حزن قديم...
--------------------
اها يا خضر رجعت وفي وفي غيابك كتبت ما كتبت.... عليك لعنة الاشواق يا صديقي التعيس!!
| |
|
|
|
|
|
|
|
|
|
Re: أيضاً : القلم ليـــهو رافع (Re: خضر حسين خليل)
|
يا مواطن
كنت متيقن من عودتك
كحتميات كتيرة اثقلت الكاهل
بركة الجيت
و يا زول بالله ملاسي شنو البردوا ليهو ؟
تحداه يكتب تلاتة سطور وراء بعض في نفس المداخلة . . . و لن يفعل
و كان سواها خلي يتحمل عقباها . . .
بتطرشق ليهو دماغو ساي . . . دا زول جرابو فاضي
| |
|
|
|
|
|
|
|
|
|
Re: أيضاً : القلم ليـــهو رافع (Re: قيقراوي)
|
Quote: و يا زول بالله ملاسي شنو البردوا ليهو ؟
تحداه يكتب تلاتة سطور وراء بعض في نفس المداخلة . . . و لن يفعل
و كان سواها خلي يتحمل عقباها . . .
بتطرشق ليهو دماغو ساي . . . دا زول جرابو فاضي |
كنت ولا زلت أتعامل معه كمرض من ضمن منظومة الأمراض التي أصابت
شعبنا في مقتل ، كنت ولا زلت أتعامل معه كحشرة من حشرات الخريف
وكطفيل ينمو في الظلام ليس الا يا قيقراوي ياصاحبي
هوذا ملاسي عندي لا أكثر
| |
|
|
|
|
|
|
|
|
|
Re: أيضاً : القلم ليـــهو رافع (Re: خضر حسين خليل)
|
شفت
كما يرى النائم في الحلم
{ أيضآ : القلم ليهو رافع }
ظننته قديمآ تولاه رافع بالرفع
كما يفعل رفاعة رافع
فلم احفل
لأن كتر التوسلات مؤذية للكرامة الوطنية
وكنا قد اهرقنا دمعآ صافيآ ونقيآ هنا
وبكور الذي يرتدي مسوح الكرم اليوم
لم يكن هكذا يومها
عندما لم يعر توسلاتنا نظرة
نظرة على عجل
او كما قال المغني
{ نظرو يالسمحة أم عجن
لو كان قليل يشفي الشجن
أذكر صفاء الايام
وأذكر جمال تلك الوجن }
ثم
عندما حن وتفضل
صدر حنانه من عل
فكتب ذلك البوست البلدونا
وخشيتك ان تكتب { بلدونا }
ووضعت يدي على صدري
أتبن قلبي
وأتبين
وفي سري أتلو المعوذتين
واتمتم ب { محمد معانا ما تغشانا }
يا خضر اوعك
يا خا حا خا
أوع
وإذا بك
بدل البلدونا
تجينا رافع
هاند اب
او كما قال ود الصايم { مهنضب }
وتعود
كما ودالمكي
{ اعود لا أبلآ وثقت ولايكفي القصيد روائعا }
غايتو
انا حزمت حقائبي
والمطار فركة كعب
على مرمى حجر
ماشي أحضن أمي اسماء وأنوح
ممكن اوفر ليك بضع دميعات
لو ضمنت إنك ح تعبر البحر
وبالمرة نحضر { الخامس }
والخمس في العيون الرمش
يا صاحب { العمر في الدنيا واحد ، غير قليل ماباقي منو }
| |
|
|
|
|
|
|
|
|
|
Re: أيضاً : القلم ليـــهو رافع (Re: Nadia Elsir)
|
نادية السر
البنت الـ(جدعة)
إزيك إنت والدنيا
والشوق كما تعلمي
قبل يومين إتنين كنا في سيرتك معاي أزهري (الله يرفع قلمو برضو)
فقدناك وكنتي معانا
فاقدكم شديد
متين تضحك سما الخرتووم يا نادية
ومتين نصحي
ومتين هي زاتها (تصحي)
سلميلي علي الطبيعة الحواليكي والأسرة الكريمة
| |
|
|
|
|
|
|
|
|
|
Re: أيضاً : القلم ليـــهو رافع (Re: أبو ساندرا)
|
عمنا أبو ساندرا
وفي مقولةٍأخري وعلي قول صاحبنا عماد
كيفنك يا كبير
من أمس بفتش فيك
ختيت ليك وصية عن هارون دياب
وكويس إني ما خيبت ظناً ليك
إنت ما سمعت جعفر السقيد شن قال :
دة ما القلب البجرسو شوق
لو إختار سميرو بعاد
ولا القلب التبكي حبيبة
إذا غابت عن الميعاد
بالله حاول إشتري الشريط دة فيهو غنا (مهنضب) بمناسبة الهنضبة القايمة اليومين ديل
طبعاً حاسدك علي التوقيت التاريخي والزيارة التاريخية دي ياعمك
أمش يعدل عليكم الله و(نقتنا) بتجيكم كرتونة كرتونة
سلم لي عليهم واياهم يفرفرو جاي ولا جاي
ترانا نحنا آب نفكو بالهين كدة
سلم لي علي معاك وعلي الوالدة ربنا يديها الصحة وعلي الخامس شديد
قول ليهو (إنتظرناك كثيراً ياخ)
سلمت يازول يا كيك
| |
|
|
|
|
|
|
|
|
|
Re: أيضاً : القلم ليـــهو رافع (Re: خضر حسين خليل)
|
Quote: Quote: سؤال حارقني في حشاي..
ألا زلت تعمل موظفاً في مكتب الحزب الشيوعي مكلفاً بالسكرتارية الإعلامية..
أم تفتحت لك آفاق الحظوظ عقب مشاركاتكم سلطة المؤتمر الوطني..
|
Quote: حول أسئلتك الطرحتها ديك :
الاجابة : آي آيي آي
بمعني نعم نعم نعم
يس يس يس
داون داون يو اس ايه |
|
كفى بذلك عن اختلاف الأهواء..
شكراً خضر..
| |
|
|
|
|
|
|
|
|
|
Re: أيضاً : القلم ليـــهو رافع (Re: naeem ali)
|
خضر الجميل
فى البداية بعتذر من عدم شوفتى البوست وبقول ليك مشاغل الدنيا وجرى الرزق و التعب ورا المستحيل
البنحلم بيه يوماتى .
مرحب بعودتك الحتمية
ودعنا نمتع نفسنا بالدهشة معاك
شكرا حنين وبكرى
| |
|
|
|
|
|
|
|
|
|
Re: أيضاً : القلم ليـــهو رافع (Re: خضر حسين خليل)
|
الأعزاء/ت هنا
التحايا كما تجب
وعذراً للتأخير ألا قاتل الله الظروف
صديقتي نهال
كيفنك يازولة معليش وحاتك إنتبهت لي مداخلتك دي يادوب
أنا سعيد بترحيبك يا نهال يا بنت عمنا الطيب
غير أنني إفتقد صاحبي كرفس سمعت أنه في بورتسودان
تحياتي له وخليهو يفتح موبايلو
ــــــــــــــــ
عزيزي محمد إدريس
أو هنوف كما جاء في الأسافير
أمس قاعدلي مع ناس من كيمتو
مزعجون هم أهالي كيمتو ياخ
وفي الشاطئ ياحبان (ساهرتو بينا)
قدمت اللوتري كالعادة في إنتظار الفرج
يقيني إنها ستصيب هذه المرة (لأنك ما قدمت لي)
أصلك كج من زمان .
محمد ياخ والله مشتاقين لي معسل تفاح وجراك ني واياك
ـــــــــــــــــ
ود المايقوما
شنو ياخ من ديكـ وعيكـ أينك في هذا الزحام
شايفك خاتي مشاركاتك القديمة الراحت في سقط لقط
هكذا حال المنابر فيها بعض شئ من أحاويل الدنيا
المليئة بإستلاب الطلايب والحقوق
دم بخير ياصاحبي
ـــــــــــــــــ
الوليد محمد الأمين
ياخ شكراً علي ترحيبك الحار وتسلم ياجميل
ــــــــــــــــ
أميرة الشيــ(ك)
كيفنك يازولة
إتصلت وإتصلت وإتصلت
ولما ما جاء رحت زرتو ، متذكرة آخر مرة الإتصل منو؟
عن الانتخابات الزول يكفيهو بس يصوت ولو لمرة يا أميرة
قبيل قريت لي مقال لي الاستاذ فتحي الضو إتكلم فيهو عن
الانتخابات الامريكية وبث فيها كثير شجون هذا الفتحي رجل
محترم للغاية يا أميرة .
ـــــــــــــــ
أمجد
شيل شيلتك بقيت للنص
ماعارف أقول ليك شنو لكن فلنحاول يا صديقي
لنحاول ليس في الأمر مستحيل
ــــــــــــــــ
الجميل مجاهد
ياخ مرحباً بك أنت أيضاً والأمنيات يا صاحبي
أن نكون قدر العشم
سلمت يامجاهد
ـــــــــــــــ
أشرف يس
آيا صاحبي كيفنك لساك بتحلم بي بلد
أم إن الغربة هدت حيلك كما أنا
خضروف دي ذكرتني نشاط الجامعة وفتة العدس
وضحكات أميمة الأصفي من اللبن !!
ورأفت الساخر وقرين والضب ومبارك وحافظ
ونبيل كممثل لاتحاد الروابط النوبية
ياخ شكراً لترحيبك يا أشرف
ــــــــــــــــ
نعيم علي
ياخ شكراً لجميل الترحاب وربنا يديم الود
سلمت ياخ
ـــــــــــــ
تيسير النوراني
إذيك يازولة ياترس ، هسي نكتي البوست دة من وين
حنبنيهو موش يا تيسير ما ظنيت تعبنا دة يروح هدر
ولكن دمنا الترع
يروح ساكت
يروح مجان
دة ما ممكن
ولا بيكون
ولا إن كان
هكذا قال (حميد) أما التاريخ فقد قال الكثير وفي
النهاية الأمر يومئذ لشعبنا الذي يقتل ولا يموت
سعيد بطلتك بي جاي وتسلمي لينا يا تيسير وتسلمي
للمشاوير الجايات والجايات
يسنن سن
| |
|
|
|
|
|
|
| |
احمد سردوب
خضر حسين خليل
نهال الطيب
sumah
Tragie Mustafa
ممدوح عثمان
Ishraga Mustafa
ود محجوب
هيثم درار
ابو جهينة
Hafiz Bashir
كمال علي الزين
Elmoiz Abunura
elsawi
عبداللطيف حسن علي
ibrahim kojan
قيقراوي
Ashraf el-Halabi
أسامة الفضل
hanouf56
أبو ساندرا
A.Razek Althalib
ارصد محمد جلال
Amjed
Ashraf yassin
naeem ali
Magdi Ahmed Elsheikh
نهي محسن أبوراس
فيس بوك
تويتر
انستقرام
يوتيوب
بنتيريست