أهلية منار ولن تنهار ( معاً من أجل ملاحقة المجرمين )

Quote: مؤسف يا خدر الحدث مؤسف وفوق اى تصور يا خدر مافي اى مستند بثبت انو انحنا طلبة في الجامعه والكيزان بعد ما ضربو الطلبة وطلعو منعو المطافى والاسعاف من دخول الجامعه لحدى ما كملوا الحريق كلو ودخل الاسعاف والمطافي وطفو الحريق الكيزان جو راجعين تانى الساعه 12 وكملو اى نسوها قبل كده عموما كان في حاجة اسمها جامعة امدرمان الاهلية والله يا خدر اى زول بحب الاهلية في اللحظة دى قاعد يبكى في زميل كان مختفي في حتة جوه الجامعه قال بعد الكيزان حرقو اى حاجة لفو في الجامعه وهم بيحتفلو بتحرير جامهة امدرمان الاهلية وبهتفو فلترق منا الدماء** فلترق منهم دماء فلترق كل الدماء يا خدر اتخيل معاى انو الطلبة والاساتذة والعمال والموظفين والادارة وستات الشاى ديل كلهم في خندق واحد عشان تعرف فداحة الموقف 550 كادر من الكيزان مسلحين بي رشاشات ام بي فايف وطبنجات وبنبان وطلق مطاطية وكمية خرافية من الملتوف المشهد في الجامعه كان كالاتى شلتر النجمة ركن اليو بي اف تنظيم من دارفور مع ملاحظة انو اليوم في شلتر النجمه كان للكيزان حسب التقسيمات وتنظيم دارفور رفض اخلاء المنبر شلتر ادارية الاتحاديين وحشدهم مركزى الامريكى حفله منسقة بين شله الامريكى والجبهة بتتخللها ثقافة انتخابية انا وفيصل التاى كنا في ركن الاتحاديين ومن هناك اتحركنا نحو موسكو قبل ما نصل الامريكى كان الاقتحام تم بي تاتشرات وبكاسى لي ركن الاتحاديين وال يو بي اف اتيام الكيزان كانت كالاتى 150 من اتجاه الجامع بين مكاتب ادارية وبيئية 50بين فيزياء واليونت بتاع كمبوتر 100من اتجاه رابطة دارفور والكلينك القديم دى القوات الكان قصدها حصار منطقة موسكو وتفريق الجامعه من الطلاب 100 كادر ديل كل المهمة الدخلو الجامعه من اجلها حريق المكاتب 50 كادر ديل حماية في البوابة الشرقية اسامى اتنين من من كانو يحملون السلاح ود البكرى كلاش توفيق طبنجة ملحوظة الطالبة سارة العمده اعتقلوهامن داخل الجامعه قالو ليها انحنا جايين لي الادارة والشيوعيين الارقام المذكوره سليمة بنسبة 90% يا جامعه وحافظة معانيك لي شعبك وشعبك بانيك يا اول طلق في ارض بتول يا صوت الحق يوم نحنا نقول جامعتنا الجامعه الاهلية تحياتى

(عدل بواسطة خضر حسين خليل on 06-17-2005, 02:48 PM)