نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 كيتاً في الانصاري / أستغفرتك يامالك روحي 1- 2
|
هذا البوست بدأته قبل الارشفة الاخيرة بأيام ( ولانو الكلام ماكمل) ولان القلب ماذال يتلفت يمنة ويسرة وطالما أن هناك أصدقاء يطالبونني بالسترة ( ذاعمين بأن السترة والفضيحة متباريات ) سأواصل كيتتةً في الصديق محمد عبد الرحمن الذي أوصاني بذلك . فألي مالك روحي مرة أخري .
عفواً أذا كان القليب
ضماك في الاحساس هوا
وشالت مع النسام حنين
وماكل من فرط الجوي
أحلامنا ياناكر العهود
ماتت عشان مافي الدوي
وأنا وأنت بالواضح عديل
ساهمنا في موتن سوا
( الغنا لجعفر السقيد )
ياجرح
تحابا ( لله والرسول) وأيضاً لتفاصيل جمعتهما .
كان ذلك في الالفية التي مضت كغيرها تاركة لنا الجدل البيزنطي في من سيحكم السودان . ظهر ذلك اليوم ملبداً بغيوم ولكأنها أتت لتشهد بداية هذه الثنائية الي جانب نفسيهما . هو كان يحلم ذات حلم الملايين من أبناء وطنه وطن يسعه ويسع احلامه البالغة الحساسية . وتحت تلك الغيمة أيضاً نشأءت علاقات أخري ( غير ملم بتفاصيلها الان ) فقط أتمني ان يكونو كما ينبغي .
كانت أيضاً من اللواتي يدخلن الي القلب مباشرة ( ودون أحم ولادستور) دخلت هكذا تسابق الغيمة في هطولها ودعاشها . باعته مساء نفس اليوم احدي الصحف التي كانت تحملها . اعتزر بانه لايملك ثمن الصحيفة علي أمل أن يسدد لها مية جنيه يومياً ( هكذا كانت الجيوب خاوية علي عروشها أذن) . أبتسمت وتعجبت لفكرة ( الخمسمية جنيه البقت أقساط) .
دخلا بعد ذلك مباشرة الي كافتريا النشاط . وبالطبع كان عدس ذلك النهار الاجمل في تاريخه . كيف لا وهو لاول مرة يتناول عدساً بتلك الخصوصية ( للعدس احوال كما للحب أحوال) . .
ودعها بعد ذلك بقليل لاستدعائه من قبل زملائه في العمل السياسي لامر هام ( تقول القيامة قامت) كان يردد في سره بعد أن همس له صديقه بضرورة حضوره لذلك ( الفراكشن) .
كانت هي الاخري مشدوهة جداً بهذا الشاب المتسخ الثياب لايحمل معه مايدل علي انه طالب سوي رأسه وفكره توادعا علي امل ان يلتقيا غداً ومن ( الصباح) . في تلك الليلة حكي لاحد أصدقائه بعد أن أشتعل الرأس
تعرف ياهاشم يبدو لي كده انو أخوك باكر بينجز الثورة الثقافيه علي اليمين بت زي البرتكانه ( برتكانة شنو ياخي زي التفاحة ) ....
حاشية :
في لقاء أجري مع الشاعر الاستاز محمد الحسن سالم حميد قال أن بعض الشعراء يخجلون من نوريق البرسيم فيغنون للياسمين الذي لم يروه ( وها أنذا أقتفي أثر الياسمين علي ما أعتقد) .
أعود لما حدث .
هي تشبه ياهاشم ياصديقي جل ماقاله أمرؤ القيس وجميل بثينه وعنتر ومن تبعهم في الحب بأخلاص الي يوم الدين تشبه عندي جزر القري ( علي وزن جرز البهاما) وتشبه كثيراً مايسميه أؤلئك المصاقيع ( الكحروته ) او الشوشاوة وتشبه ياهاشم ياصديقي تلك الدروب التي حلمنا بها .
هي ببساطة خلاصة البشرية عندي بالطبع ياهاشم .
كان هاشم موغلاً في تفاصيل تخصه ومهموما بمهام التحول الديمقراطي مقدماً أياها علي واجباته الانسانية . لذا لم يكن في مقدر صاحبناالا ان يستديرو يغني لنفسه وهو يناجي تلك القوس قزح .
( لامن القاك بلقي روحي وكتين يضيع مني الكلام. وكتين يضيع مني الكلام بتوسدك . ياكي الحروف وياكي المعاني الازهرت جواي جروف . ياسكة الريد البقت وقصرت درب الطريق . أرجيني يا عشمي البقي .. لي هالدروب الباعدت خطو الطريق .. عبي المسامات بالفرح . دوزني الخطوات نشيد .. )
ثم نام بعد أن مص ( كيس الجيلاني )
في الصباح كانت هنالك بعض الواجبات المتعلقه به ( سريع سريع وعلي الماشي ) هناك في منتصف الجامة ينتظره أهم واجب يحمله في حياته . ( أذن ياربنا مشي الزمن ) هكذا دعي ولاول مرة تقريباً في حياته فهو كان قنوعاً جداً علي الرغم من أرائه المتطرفة في تقسيمات الثروة . كان معجباً جداً ومفتوناً بابوزر الغفاري وكانت الاية الوحيدة التي يحفظها بجانب سورالمعوزتين والاخلاص ( الذين يكنزون الذهب والفضة ) . ( هسي يقولو كفار )
دخل الي حيث موعد اللقاء كانت تدرس في أحدي الكليات المرموقة والتي عرفت ( بكليات الحناكيش ) لذلك عندما قرر الذهاب اليها في الكلية كان أول شيئ فعله ان أمتطي بنطلون صديقه والذي يبدوا أكثر نمواً أذا قورن بمايسمي أن جازت التسمية هنا ( بنطلونه) . أستاك جيداً حتي رأي الدم يخرج من فمه ليبعد قليلاً شبح ( الريحة البتعمل قعدة) . وعرف في صباح ذلك اليوم زيت النارجيل الطريق الي شعره لاول مرة في حياته تقريباً . ( التقول ماشي يقابل كونداليزا رايس ) هكذا علق هاشم وهو يلعن أبو اليوم العرفو فيهو .
ياخي ده بنطلون شنو عليك الله . علي الايمان حقو نعمل ليك حفله بي عقد الجلاد عشان ( ونسميها كسوة الزميل)
ضحكا من القلب وسارا الي حيث القوس قزح .
وصاه هاشم بأنو ماتتكبكب وكب الحنك وشتت وأضرب علي الحديد وهو سخن الي جانب العديد من الشعارات الثورية وبعضاً من الاشعار .
أنت جادي ياهاشم عليك الله انا ماشي ركن نقاش ولا ماشي أحب ديل بشر شنو ديل .
المهم خليك واثق من أمكانياتك يازميل وياخي ماتشيل هم . كانت هذه هي أخر كلمات هاشم
كويس خلاص سمعنا حاضرب علي الحديد وأطلع صليبو زاتو .
هي كانت عادية جداً تلبس بنطلون جينز ( من الورقة) شنطة جينز وو لن تصدقوني حذا ء برباط من الجينز
أزيك
أهلين خالد
كيفك شاهندا
والله تمام
لسته دقائق علق صاحبنا في كيفك ياشاهندا ومرة تانية شاهندا كيفك بالله وكيف القراية وكيف صحتك ( يالهذا القروي ) صحة شنو عليك الله البتسأل عنها والبنية زي الحصان قدامك .
عن أذنك لحظة ودعته هكذا وأنطلقت لتعود مرة أخري حاملة معها ( أجمل عرديب في حياته ) .
بعد العرديب لم يستمر الحديث طويلاً لانو البنية طلعت عندها محاضرة مهمة .
ردد في سره ( أخ من حظك ياالجابرية ) ثم ودعها وذهب الي حيث زملائه .
هاشم كان مشغولاً قليلاً وعندما رأهو في حالته تلك بادر قائلاً
ها أنشاء الله خير
كويس ( ولم ينبس ببنت شفة مرة أخري)
أسمعني في موضوع مهم دايرك فيهو . بخصوص الاتحاد بتاع الجامعة ورؤيتنا وفي كلام أنو ( الكيزان بستعدوا لي عنف عشان ينسفو أستقرار الجامعة )
ياخي قول بسم الله قول كلام غير ده .
في بلادي دائما الامور تترك للحظ والحظ وحده لاشريك له من يعيد الامور الي نصابها أو بالقرب من نصابها لذا كان أن بادرت الحركة الاسلامية بعنف غير مبرر هدفه كان علي حسب تحليلات خالد نسف استقراره قبل استقرار الجامعة .
*******************************
ومرقت بس كايس شنو
يوماتي نحكي وننتظر
يمكن تــــ
يمكــــ
يمـ
يـ
هكذا الي أن صار اليمكن ( ذاتو عيب )
حاشية :
وردي الاستاز وقبل الحصل عجبني جداً في أولي لياليه للسودان عندما غني ( أقابلك )
كنت حينها لاذلت مفتونا اتغذي وكغيري الاشعار أشعار محجوب وحميد والقدال وأبكر أدم
أسماعيل و عاطف خير والصادق الرضي و عيسي النبي ياشباب ( أنا في تلك الساعة من
شهوات الليل )
سأواصل
|
|
 
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: معاوية كرفس)
|
ياكرفس
ياصاحبي وصاحب صاحبي
أذيك ياخينا
وصلنا أن جو الخرطوم معكنن اليومين ديل .
Quote: خضر حسين إزيّك وخميسك زي الورد
مزيداً من البوح
أصلو أنا غلبتني الفرجة ساكت
قلت أخش أوريك إنو نحنا قاعدين في المصاطب الشعبية
فتك بعافية ،
ماشي أفتش معتز بنبن
|
تخيل خميسي بقي يعدي ذي يوم السبت . غظتني والله بفتيشك ( لبنبن ) أتمني أن يكون الخميس حسب تنسيقكم العالي ياشاب . قال مساطب شعبية قال علي الايمان أنتوا في اللوج عديل لكن البحس منوا . تحياتي للصاحب بنبن ومن تبعه من الاصدقاء الي يوم الدين . شوق وسلام
كرفس . ياريت تديني رقم النضيف في السودان .
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
الصديق العزيز جداً/
خضر...
كيفك والحاله عموم ؟؟؟
خضر ... انصفتنى بشكل شخصى حينما قررت ان تدق هذه السرادق مرةٍ اخرى فخالد وشاهندا يحق ان يكتب عنهم الكثير والكثير... فشكراً لك لاعادة هذا البوست ... الذى سوف لن اتركه (( بهين)) بس اصبر لى شويه كل يومين كده (( بجى طابى اصابعينى وادور فى الكيبورد كتابه))
اول يوم من اليومين:-
خالد ياخذ مكانه الطبيعى فى الجلوس داخل ذاك (( الحوش الوسيع)) وينظر الى الناس فى بطيبة وتصالح (( هى عادته فى النظر )) ... يمروا عليه عدد من الشبات والشباب ويوزعون الضحك معه وهو يحدثهم بكل للطف كلاً على حسب نفسيته (( كان تفتيحه وبيعرف كيف يصاحب الناس ، حتى شفع المويه كانو بحبوهو ولمن يشرب منهم مويه بيكرموهو وبيحاول مايشلو منو قروش)) ... ازكر جيداً حينما صحت عليه منادياً :- شنو يا اخينا الليله مالك سرحان وتعاين ساى زى الداير تكتب شعر ، ضحك خالد ضحكه جميله وقال :- بس خلاص جيت وانا لقيتك ، ياخى ارح نتكئ شويه كده برانا ونطق الحنك - طبعاً تكئ وحنك معا خالد ده ما بلقاها الا زول زى انا (( جنو ناقع )) المهم انا قلته خلاص نمشى ونشرب قهوة قالى لا لا ولا مويه نمشى نتناضم سااااى (( نضم حاف )) قلتليهو خلاص ارح ، بس الموضوع شنو يعنى ، قالى هو شنو يعنى الماداير نضم ؟؟؟ ما كلو حاجه لسع باب النضم فاتح فيها فى السودان ده يعنى من قلة المواضيع ياخى نحن ممكن نبداء (( الف لام التعريف لحدى نون النسوه )) ولا شنو رايك؟؟؟ قلتليهو يا خالد ياخوى هو انت مالك شنو شابكنى الف لام ونون نسوه انت قاصد شنو تحديداً قالى :- مالك الليله راسك الشاغلو شنو ولا نسيت الفهامة بتاعتك فى البيت ، ياخى انا ما قاصد اى حاجه غير الف لام التعريف القدام اسم السودان ونون النسوه دى ياها اخر حرف فى كلمة السودان صعبه دى عليك !!!! - وواصل طوالى - بالمناسبه اها ياهو ده الموضوع الداير اتكلم معاك فيهو !!! قلتليهو يازول هوى قول بسم الله وين الموضوع ده ؟؟؟!!!! قالى الف لام التعريف ونون النسوه ده (( يعنى من ال الى سودان ن)) لانو انا اصلاً بافتكر انو مسالة الاسم هى زى ماقالولينا فى التاريخ القريناهو بلاد الشمس وبلاد السود وكوش السوداء وكل الحاجات دى لكن انا براى عندى اعتقاد خاص انو الاسم ده ليه مايكون مؤانث ؟؟؟!!! اصلو العربى واللغة العربية دى قوانينه فى التانيث والتزكير والنحؤ الصرف والبلاغه وكل القصص دى اصلها ما اقدم من بلاد السود بتاعتنا دى يعنى الخلاها هسى تكون مونثه (( شنو)) طال ما انها اقدم من العلوم النحويه للغة العربية الجات (( زكرته دى)) وفى نفس الوقت عملت على ان تنسيها كل تاريخها (( الامومى القديم )) مش كلام منطقى ولا رايك شنو؟؟؟!!! ياخالد ياخوى هو الدنيا صباح اصبر شويه خلينا نمشى نشوف العدس والقصص التانيه ديك ما تلفلينا راسنا من الصباح ياخى اصبر لى بعدين نص النهار الونسه الذى دى بتكبر ونلقى فيها اراء تانيه وكده ، قال :- كلامك صاح والله بس يامان نحن لازم نكسب اى وكت عشان نعرف اى حاجه ما مهم الترتيب بقدر ما مهم المعرفه بشكل سليم ولا شنو رايك ؟؟؟ قلت ليهو :- والله انت ابو العريف زاتو لكن المحيرنى فيك يا صديق انك عامل فيها ما ناقش اى حاجه ... وضحكنا وسرنا وسط الاصدقاء نتجازب اطراف الحديث ، ولم ولن يكمل الحوار بيننا بعد...
تخريمة اضر من ضرورية:-
خضر شايفك قلته لكرفس:-
| Quote: كرفس . ياريت تديني رقم النضيف في السودان |
بقيت بتاع استثمار ولا شنو يا عمك (( با التلفون كمان)) هاهاهاهاها
اعمل حسابك بقى كلو مضروب مافى اى نضيف ياعمك هاهاهاهاهاهاها
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: محمد عبدالرحمن)
|
محمد
أذيك ياوغد
تحياتي
يادوب ياخينا ( بعدما زيتنا مرق ) علي العموم سأنتظرك وصدقني لو شفتها كنت ستري حروفي خضراء ( خضراء ويانعة ومنعتقة ) كانت تحب أيضاً الي جانب سعادتنا هذا المقطع البين قوسن ياسلام عليها . أبكتني لكنني سعيد بأنني صادفتها يوماً ما ( الصدفة بالمناسبة تعوض أحيانا عن كثير من الملاقاة ) سأنتظر فرصتي القادمة والي ذلك سنواصل في هذه اليانعة شاهندا .
لك الود ياصديقي
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: سفيان بشير نابرى)
|
سفيان ياخينا
أذيك وأذاي الناس
في هجير الصيف لقيتك
تفتل من حبال صوتك
غناوي البكرة لو تأتي
زرع أبواتنا ماكفي
ضرع أماتنا صبحت بور
أعاين في هموم الناس
الاقي وجيهك الضواي
يلف ويدور
يكوسلو دخول
عشان تتفتح الابواب
وتدخل في قلوب الناس
وبين اللحظة والجايات
أماني كتيرة تتحقق
أماني كتيرة
أماني
وكانت الامنية أن نكون سوياً ونرتع ونمرح علي راح الراح نغني كما كنا قديما ليعربد فينا هذا المسكون بحب الخير ( لازنزانة تتلقانا حي الشعب ياأشلاق) كلها أمنيات وشاهندا كانت من ضمن مجموع الغنيوات التي صارعنا بها ضد هذا الزمن الزيف .
لو تعرفونها كما نعرف ( هو حديثي وحديثك) لو تسمعونها كماينبغي ( هو حديثي) .
ياسفيان ياصاحبي
عديدة هي تلك المرات التي نضمنا وخالد وشاهندا هذا النضمي الحاف . هل تزكر ياصديقي أؤلئك المغتربون نفسيا الذين كان يجلسون دائماً عند بوابة السوري وجوار البنك . كانو يغيظونني فأهتف لشاهندا ( ديل مالهم ديل فاكنهم في رقبتهم ) .
تعرف متوتر جداً وماسكاني الكاروشة أنوم وأصحي لاكتب . هي تحتاج لتوثيق أكثر من هذا ولو مدوني بمحابر الدنيا كلها لن أستطيع أن أوفيها حقها . سلامي لخالد ولشاهندا .
وسلام الي يوم يبعثون لقلبك النضر
أنتظرك صديقي فلاتغيب
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
جئت مملوأً كما ذكرت و(أخر قشرة) ضربت العرديب زي الماحصل ( عرديب زاتو)
بشيشكن ياقميريات
عشكن أبني بي أيدي
( حميد/ شعب اليقان)
إحدي معارك الحركة الطلابية دارت ( أو لتصحيح اكتر بدأت الحركة الاسلامية في
برز أنيابهافي وجوه الشرفاء من الطلاب( بقو يتحسبو باليدين) .
شاهندا لم تكن لتدي بما يحدث في أروقة الجامعة ( مخلياها للخموم ولرموم ديل) تصاعدت الاحداث في نهار ذلك اليوم الامدرماني أحد زملاء خالد أعتدي علي أحد أفرادالحرس الجامعي ( بالسليقة) لاتوضيح أكثر هنا ( الكاتب) .
أتهم في مساء نفس اليوم خالد والذي كان بعيداً عن الاحداث الي جانب ياسر وناصر وواحد
كدة. كان قرار الرفاق بأن ( حي علي السفر ) أو الاختفاء لفترة قصيرة الا أن ينجلي الموقف
سافر خالد كعادته ( أي إشكال يسافر) ..المحطة التي لمته ( وأوته هذه المرة) كانت عطبرة ( لظروف تتعلق بخوفي علي أؤلئك الناس )الذين قاسموني الفرح والحزن سأحتفظ بالأسماء)
فرسان ..أولاد قابيل .. بنات ناس... (هذه كانت أوصاف تلك القرية التي تقع بالقرب من مدينة عطبرة ( أقول شنو علي الناس ديل ) ( أخيييييييييييييييييي)
ملحوظة :
فات علي الكاتب ولم يفت علي هنا ( الكلام لي خالد) بأنو أنا كنت زول لعاب بتاع كفر ( قالو القصير ياكفر يا وتر وانا طلعت في الكفر)
ناس الحله ديل مشيت ليهم علي أساس أنو لاعب كورة ومعاي نفرين تانيين المهم ماقصرنا ( دقينا معاهم الكفر لاميييييييييين امنو ( أسامة معاوية أنت وين ياخي ) .
هؤلاء السودانيين بسيطين وجميلين سوق عطبرة بقينا نمشي زينا وزي الجلابة بعربية بوكس موديل 94 ما لاعيبه وكدة . ( وياما تحت السواهي دواهي ) .
من قمت من بيتنا ومشيت
دهشتني صورة عطبرة
عطبرة يا أصدقائي تشبه الثورة البلشفية ( الشباب اللفي روسيا البيضاء أو الخضراء يورونا الفرق
المدينة كلها تستقبلك ولكأنك من ( بقية أهلها ) شاهدت علي ضفاف نهر عطبرة حالات المد والجزر وتألمت لموت صديقي ( أمجد ) في تلك البرك .
مأت هكذا دون سابق موعد ( أمجد ياهؤلاء وأولهم أنت يا سيدي المبجل عمر البشير/ كبير البيت فاجأته أنت ورفاقك المتاعيس بقرارات الخدمة الالزامية ( الله يحرقك ) فقدنا نحن أبناء ذلك النادي العريق أحسن حارس مرمي .. امجد التاج لك أبواب الجنان كلها ولك التفرد ولك عدم إستعجالنا بتمسكنا بهذه الأوووووف .
الجامعة وقالو تتقفل لأجل غير مسمي ( بس البرالمة يواصلو في دراستهم) الاشكال أنو خالد
ومعه أتنين تلاتة كده ( عملوا في اليوم الاخير أشكال مع ناس الحرس الجامعي وعلي هذا الاساس )
فتحت ضدهم بلاغات ( في الجنوبي) أذن وعلي قول حميد ( مافي غير تلكع تسافر ) خيروه رفاقه بين عطبرة ومدينة أخري علي ما أعتقد أحدي قري النيل الابيض . ( جننو جن لكن ) .
ظهر ذلك اليوم ذهب اليها في كليتها جلسا قليلاً قبل أن يعتزر لها بأنه مضطر للسفر لظروف أسرية
قاهرة .
طيب حتجي متين ؟
خالد والله ماعارف اسبوعين تلاته اربعة مامعروف
سلم لي علي أهلك ياخالد
هي لم تكن لتدري بأنها ومنذ مساء العدس أصبحت بقدرة الحب أهله جميعاً ( مقطوع ولقي ليهو شجرة)
طيب يلا باي
ودعتك الله خالد
.........................................
ذهب الي موقف شندي ( وعاين للعمارة هذه المرة ) سبعة سبعة وردد في نفسه الله يحرقكم البلد زي ماحرقتو قلوب الناس . كان متوجساً بعض الشيئ . هسي لو شافني واحد من أولاد الحرام ديل وضعي حيكون شنو .. لالالالالالا ياخي ياريت لو جيت مسافر بالقطر . ذهب الي اقرب طبيلة تناول ستة حبات برنجي قام بأخراجهامن برطمانية مربي ( سعيد ) ومن ثم قدرمها له رجل في الأربعين من عمره يبدو عليه جل مقتضيات الوقار . شكراً ياعم .
عليك الله ياعم مافي بتاع تنباك قريب من هنا .
تمشي طوالي حتلاقيك طبيلة تانية حتلقي عندو .
رفض هذه الفكرة لانو الموضوع قريب جداً من ( وكر الارهاب )
أخيراً جاءت حافلة أم اربعتاشر نفر ساعدته نحافته ان يكون أول الراكبين ومن ثم ( عزيل الكراسي) .
جلس في الاتجاه المعاكس ليبعد عن وجهه رؤية البوابة عند المرور من هناك . وأخرج جريدته المفضلة وأخذ يقرأ العناويين .
الرئيس البشير يؤكد خلو المعتقلات من السياسيين
النائب الاول وفي زيارته لام تلبت يؤكد للجماهير بأن الثورة باقية الي قيام الساعة
ردد ( خالد) قيام الساعة ولا القيامة قامت ) يلا كلو محصل بعضوا .
جاءته فتاة تحمل طبق بها جميع أنواع المعجنات ( التسالي / الفول / قراصة النبق / الدوم
أي حاجة ) تناول كيس تسالي وأشتري قراصتين نبق .
ضجيج المسجل جعله يبادر ياخينا عليك الله وطي المسجل ده . وعلق أحدهم( أن أنكر الاصوات لصوت الحمير) السواقين ديل كمان مابعجبوك داس الصوت لي أخرو . الداير يركب يركب والماداير الباب يفوت ............ ( أستحمل أصوات القعو لامن تلاقي الهمبريب .. والليل غناوي نولعو ... يايمة تفرحي من طرف ...... عاد والمسافرين يرجعو ... دة كأنو لادمع أنزرف .... لاخيوط قلوب أنقطعو .... يختونايمشو يودعوا .... فقراً علينا أتربعوا .... ديل لابخافو من الحساب .... لابشبعو لا بختشو)
لمتين حتهرب بالاغاني والاناشيد الدنيا ياخالد محتاجة للبفكفك دروبا محتاجة جداً ياصديقي لزول دوغري الحال ..
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: حمزاوي)
|
خضر ...
مررت حسب التزامى بهذا البوست وتزكرت الكثر الذى اريد ان اسجله عن شاهندا وخالد ، فهم دوماً يجبرونى على الكتابة عنهم لما تعلمته منهم من صبر وكد وجمال روح واللق ، وفوق هذا كله ثقافة سودانية بسيطة وعاليه... شاهندا فتاه جذابه بجمالها وجذابه بحديثها وبجنونها جذابه فى كل شى ... كل شى ...
خالد ... خلق من اجل شاهندا ومن اجل ان يحمل فى صدره الحب لها وللوطن
خضر اعزرنى صاواصل ان سنح الظرف...
فى مرقه وكده...
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: سفيان بشير نابرى)
|
الزميل
ود حسين / سلامات
الحوش الكبير كان ومازال مسرحا للكثير المثير ولكن انت وحدك الذى تملك ذاكرة استعصت على افات النسيان .. وكلما اتذكر او احاول ان اهرب الى تلك الفضاءات الحميمة ارانى اهيم على وجهى زمنا منفلتا من هذا الضجيج ولكن سرعان ما يجرفنى بوق احدى السيارات او صياح الباعة المتجولين او او او ... فاقوم مفزوعا واردد معك (أستغفرتك يا مالك روحى)
.. شاهندا وخالد ديل قريبين شديد والقصة ما غابيانى ؟؟
وينك يا ود الحلال كده واصل ...
وراجينك يا ود حسين
ولك كل الود
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: محمد احمد النور)
|
يامحمد أحمد
همتك
Quote: (أستغفرتك يا مالك روحى)
|
هي كانت تردد ذلك . أذكر جيداً ذلك المساء الخرطومي جداً جئنا بالقرب من سينما كلزيوم المحطة الوسطي السوق العربي جنوب نادي ناصر سابقاً كانت بجانبي شربناكوبين من ليمون البلاد ونحن في طريقنا الي حيث تسكن رددت هذه الكلمة لثلاث مرات ( ورا بعض) لامين أتخلعت الحاصل شنو .
هذه الثلاث مفردات مربوطة عندي من ذلك المساء ياسلام علي البلاد يامحمد وهي تهديك الامان نسير دون أي ضجيج ولا كوراك ( رغم الكواريك المابتديك الدرب) الا أنك لاتسمع من ضجيج السوق العربي الا همسها هي .
تهمس فيصمت الباعة المتجولين واللاحقين بيوتهم تتحدث فيتوقف السوق العربي بجلالة هيبته عن الحركة . لاأكاد أطير وأنا بالقرب منها ( ياخينا ديل حسادك ) كنت أهمس وأغمز لنفسي عندما أري علامات التعجب في وجوه البعض وهم يتساءلون بخبثهم الخرطومي ( عليك الله اللمي الكرور ده مع بت الناس دي شنو ) .
الخرطوم تلك المدينة وعلي الرغم من نومها البدري الا أنها كانت تساهر ضاربة بقوانين حظر التجول في تحالف غريب بين شمالها وجنوبها ( الحاج يوسف ( سابقاً والكلاكلات) الخرطوم التي لاتعرف الاسرار ( نقشت سرنا ) قبل أن نخرج به للفضاءات المتاحة .
ذدت وجعي ياصديقي ونبشت في الغريق .
سأعود اليها ولذلك الفضاء الذي جمعنا
خليك أريب علي قول المصريين ( الالف مضمومة)
تحياتي للمهاجرين لكل الذين في الطابور
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: حمزاوي)
|
العم حمزاوي
تحياتي ياكبير
سأبدأ من الاخر
| Quote: ابوراقي تبايع . . ميمد سالي |
لاذالت الدعاية الانتخابيه لهذا الرجل الفاضل تملاْ شوارع أبوراقة حيطة حيطة وذقاق ذقاق وليته يعود رحم الله محمد صالح قدر ماقدم لشعبه .
للناطقين بغيرها
المقصود ميمد سالي هو الراحل المقيم محمد صالح أبراهيم أبن المنطقة البار وأحد صناع البرلمان السوداني الاخير .
تسلم ياحمزاوي علي سؤالك عن الاخ محسي . وليته يقرؤ حرفك الان .
سلمت
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
خضر ...
يا صاحب عمرى كيفك؟؟؟
غالباً مايكون الوضع مهترى فى وطن لا تضمن فيه الحقوق ، النفس بكون ضيق شديد ، وصدر الاحتمال مابتسع لنشقتين من نسيم ، تبدؤ فى اهذا الوطن الامنيات عرجاء تماماً ، يغادرك فيه الامل من غير عوده او فالنقل انك لاترى امل فى الاساس (( واصبحته ياوطنى زى منفاى )) وطن يحسن المتسلطين فيه عملهم جيداً فى اذلال الشعب ... رغم كل هذا رفع الكثيرين من بناته وابنائيه شعار ان الوطن يصنعه بنوه ، ومضوا باسمهم ورسمهم وخطاهم على هذا الطريق يبتدعون العمل من اجل الوطن ... كان خالد احد هولا (( ياقوم)) يحسن الوقوف على امر نفسه وامر احساسه بالمسؤلية تجاه شعبه ... وشاهندا تلك الانثى العجيبه كانت احدى ملكات الجن الواتى رزقن الكمال فى الجمال ... انثى ليست كاملة الرقه كاملة الثقافه والمعرفه تجيد المعرفه وتحذق قراءت الاشعار بل واجمل الشعار صراحة تحدثك عن روسو وعقده الفريد ، وعن برتناد رسل ونظرياته الرياضية ، عن دريدا عن قاسم حداد واشعاره العجيبه ...
حقاً شاهندا حينما تعرف عليها خالد كانت فتاة فى قمة اللق ذات مزاج خاص وصافى جداً ، انيقه هادية ، الى الان لا ادرى ماهو الشى الذى ساعد فى تكوينها (( واظننى لا اريد ان اعرف ايضاً )) لكنى اعتقد انه طبيعة التربية الاسرية الجيده التى نشأت فيها فهى تربية بعيده عن العقد تربية بسيطة تتماشى مع السلوك السودانى الامومى وليس الزكورى (( مسكاقمى ... ويا فلو )) ووسط بداية المعرفه بين هاذين الاسطورتين كان خالد كل يوم يذداد حباً وارتباطاً بهذه الانسانه ويزداد اندهاشاً بها وبمقدرتها الفايقه فى النقد والحس العالى فى التذوق والتداول للاحاديث مهما كانت صعوبتها(( يا سفيان بت الذينا دى لاحووووووووووولا وحياتك مش عشان بحبها لكن عشان ده حقها الطبيعى فى انو اعترف ليها بمقدرتها فى النقاش لاحولا لاحولا)) وحقاً يصدق خالد فى هذا القول كما يصدق فى حبه لها.
شاهندا... تزداد التصاق داخل ذاك (( الحوش الوسيع )) با الطلاب وتتعرف على حوجة الشارع السودانى بضرورة التضامن معه وتعمد مباشرةٍ للخدمة من اجل الشعب ومن اجل الطلاب (( الروابط الاقليمية - جمعية المراءة - المنتديات الثقافية والسياسية )) ... شاهندا وخالد ندان حقيقى ونموذج جديد لعلاقة حب تقوم على الندية والاحترام المتبادل ... شاهندا كانت شديده جداً ومنطقية فى دفاعها عن حقوق المراءة متخذه من نفسها الانموذج الافضل للمطالبة بهذه الحقوق متصالحة تماماً مع طبيعتها وتربيتها وسلوكها السودانى تخطط بعقلانيه ان تساير ما يعتبر عرف وعادة وتقليد داخل المجتمع وفى ذات الوقت ربما يمثل هذا (( العرف والعاده والتقليد مشكلة )) تسايره لمرحله تستطيع فيه ان توضح انه مشكلة يجب بترها واجتثاثها ، تقدم ذلك فى قالب صحيح ومتماسك من الافكار (( مره بت قبائل )) ...
الليله فاض بى الحنين
شايفنى اجرى واتلبش
من زكرة الحلوين دوام
قلبى فائر ومرتعش
ياربى طارنى هم
ولا الزمان اصبح ضنين
دكه القبيل كان منتعش
خضر لك الحب والسلام
ولشاهندا وخالد الخلود الدايم
خضر ...
دى التخريمة البقت زى العاده :-
Quote: الخرطوم تلك المدينة وعلي الرغم من نومها البدري الا أنها كانت تساهر ضاربة بقوانين حظر التجول في تحالف غريب بين شمالها وجنوبها ( الحاج يوسف ( سابقاً والكلاكلات) الخرطوم التي لاتعرف الاسرار ( نقشت سرنا ) قبل أن نخرج به للفضاءات المتاحة .
|
خضر... مش الخرطوم براها النقشت سركم هاهاهاهاها اتخيلى انا زاتى الخرطوم هاهاهاها
وسلم لى على جبرة (( حالياً))
دوماً
سفيان
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: سفيان بشير نابرى)
|
خضر حسين
سفيان بشير
:-
البيت خلاء
حتى العصافير
البتفضح سر صباحات الغناء
نفضت جنحاتهاو خاصمت حتى السماء
- يحى فضل الله العوض
تلاحقنى كثير من العبارات التى شكلت قاموس الرصيد اليومى من المفردات التى تخص تلك الامكنة وعلاقاتها التى لا تفصلها او تحدها كل ذلك الضجيج والزخم السياسى والفكرى والتحالفات العجيبة بين ما تتفق او تختلف معه من مناكفات.. او.........
( وين يا منقة) اعزمنى قهوة ( خلاص باكمبا)
وكده؟؟
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
| Quote: Quote: لمتين حتهرب بالاغاني والاناشيد الدنيا ياخالد محتاجة للبفكفك دروبا محتاجة جداً ياصديقي لزول دوغري الحال |
توقف خالد هنا ... في المرة السابقة
ودخل في ( سرحة تخصه) كانت هذه العادة ( عادة السرحي) لاتفارقه ياخي علي الايمان كان
في كاس عالم( للسرحي ) كان شلتو . هكذا كان هاشم صديقه يشاغله كلما و جده في
حالته تلك قبل أن يقاطعه دائماً بـ
هوي سارح وين ؟
ياللأيام ياهاشم وياللأحلام ياصديقي كلها نبتت من رح ذاك المساء الي أن ضاهت (اللبلاب)
في علوه وسموه . كنت كمثل أؤلئك الذين يقضون جل يومهم من أجل حلم رؤوهو لكن يالسبحان
تعاسة هؤلاء حتي احلامهم تأتي علي حين غرة وتذهب علي حين غرة .
قرأت في رساله بين محمود دورويش وسميح القاسم بأن الشعر يحلم بأن يحلم بأحلام البسطاء بمعني أن يكون ناطقاً باسمهم مجيباًلرؤاهم منادياً بقضاياهم لكن وين معاك ( استغفرتك يامالك روحي ........ ) ( لكن بالغتي )
أنقضت ايامه في عطبرة كأن لم يكن هذه المدينة لاول مرة يحضره المقارنة بين الموقف الطبقي كنظرية والموقع الطبقي . الان فقط سيثكون باستطاعته تمييز الاشياء .
هذه الدراسات وهذه النظرية لابد أنها خرجت من هذه الورش التاريخية وتزكر في رحلته تلك
عمال السكة حديد وورش المرمة ياه عطبرة اذن ربما أنطلق البلاشفه ذات فقر ما من هنا. ربما ......
أنتهت أيام عطبرة
الان هاهو يحمل ( شنطة يده الصغيرة جداً ) قياساً بشنط المسافرين يعود الان وقد تربعت شاهندا علي العرش تماما ( عرش قلبه) ودع عطبرة كلها علي الرغم من أنه كان ولايزال لايجيد صنعة الوداع بل ويمقتها . الوداع عنده هو أحساس الموت نفسه لذا كان يكره الوداع علي
اية حال . ياخي عليك الله سيرة الموت دي جايبا ليه هنا . وصل تقريباً الي موقف شندي في الخرطوم بحري حوالي الثانية عشر ظهرا وكان عند بوابة الجامعة عليه غبار عطبرة كلها. الحصايا . الشمالي , السودنة ......... ( والشفيع راجل السرور المرق النصيحة وقال تمرقن للشغل ... وقال متلنا اليستحق .. يسكن بيوت السودنة .. وياكل رغيف التوسته
أجل هالكسرة برت بطونا .. الشافع ان مرق ماش يجيبا يقع يموت .. ايابا يكبرو
في حواك .. شفعنا يكبرو في ضراك ... تفضل شفيعنا الما أنكري ... تحفظ عيونا
من الشري ....) ( حميد)
ياسلام ياخي أخيراً وصلنا ..
الجامعة كلها كلها تقريباً كانت واقفة علي رجلين ( الليلة النتيجة) هكذا أجابه صديقه (الطيب الجعلي )... ياخي والله كويس وأختصره ولكأن لانتيجة ولا يحزنون وسط دهشة صديقه .
وطوالي يا شاهندا جاكي بلا ..
هي في تلك اللحظة كانت خارجة لتوها من محاضرة .
ازيك ياشاهندا وقبل أن تجيب وتحمد ليهو السلامة ياخي لوسمحتي دايرك في موضوع اول شيئ هاكي التلتمية جنية باقي الجريدة ( الود ما مقرش كمان ) تاني حاجة أنا عازمك قهوة .. ( جنس ثقافة)
....................
في طريقهما نحو الخالة جمعية ( صوصيتي ) قابلهما صديقه هاشم ياخي حمدالله علي السلامة جيت متين ومبروك النتيجة ياخي .. كويس كويس بجيك كمان شوية ياهاشم( وكأن الامر لايعنيه) ( لامين هاشم نفسو استغرب ورفع حاجبيه الايسر والايمن معاً) وبتوتر واضح خالتي جمعية عليكي الله اتنين قهوة . شوفي بابت الناس ياخي أنا ماعارف اقول ليكي شنو لكن بالجد فقدتك في الاسبوعين الفاتو ديل
وياخي أنا داير أقول ليكي أنو أنا أنا ...........
والله أنا ذاتي فقدتك ياخالد وأنا ذاتي ............
سأتوقف هنا ....
وسأعود
لهذه القوس قزح
سفيان بشير بلغها التحايا كما يجب ياصديقي وتحياتي لفاروق جبرة زاتوو.
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
ولان الحلم يبقي ولانني اؤمن بأن الامنيات لاتظل حبيسة ( لاميين تكتل البني أدم) جئتكم اليوم لا لاحدثكم عن الحلم فطريق الاحلام أصبح مليئاً بزوار الليل وأحباطاتنا طغت علي مجمل او ماتبقي من مجمل الاحلام لتحيلها بقدرة الحلم الي كابوس لنصحوا ونعاقر المهدئات علنا ننوم ( درون) بدون حلم ولاكابوس يؤرق منامنا .
لم ننل من الحلم شيئاً ( ونظل نحلم ونحلم ونحلم ونحلم) ساي . لاجديد وكل من تصادفه والله مافي جديد لكن فلان اتوفي الاسبوع الفات . والله مافي جديد لكن فرتكان نقلوهو المستشفي والله مافي جديد لكن الحكومة والحركة سووها واضحة .
ونحنا كيف ؟
حدثني صديقي العزيز كوارث ( القارئ الجيد لعبد الرحمن منيف) بأنه أصبح تماما كالياس نخله ينتقل من عمل الي عمل وأنه لايري في الافق ما كان يؤسس له في حلمه مداً لخلق ارضية لوا قع الغد ( الجا ومافيهو اي من الاحلام) .
هدأت من روعه وقلت له ( يازول ماتشتغل بالحاصل) فقد قتل الصدق والهم رجال من قبلك وأنا أحتاجك جداً ياصديقي . أحتاجه جداً في الكثير وبيننا الكثير من المواعيد .
سأعود
لخالد وشاهندا ( ربنا يديهم العفاية)
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: محمد عبدالرحمن)
|
خضر ...
كيفك يازول؟؟؟
Quote:
حدثني صديقي العزيز كوارث ( القارئ الجيد لعبد الرحمن منيف) بأنه أصبح تماما كالياس نخله ينتقل من عمل الي عمل وأنه لايري في الافق ما كان يؤسس له في حلمه مداً لخلق ارضية لوا قع الغد ( الجا ومافيهو اي من الاحلام) .
|
صدق صديقك النحيل (( كوارث)) كعادته ... وتصدق انت دوماً بحديثك عن زمن جاى اجمل واجمل
لك خالص الحب والسلام
وياخضر انا جاى راجع لشاهندا وخالد
اذاً الى العوده القريبه...
سفيان
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: سفيان بشير نابرى)
|
| Quote: صدق صديقك النحيل (( كوارث)) كعادته ... وتصدق انت دوماً بحديثك عن زمن جاى اجمل واجمل |
سفيان ياصديقي
كيفن حالك والخرتوم
كوارث الجريمة ماذا عنه عله أتوظف في بلاد السجم والرماد أم أنه لاذال يحاور الحلال ليلاً تحياتي له وبلغه من الحب ما يكفي ( قدر قدرتك) .
تعرف ياصديقي كوارث من أصدق الجميلين اللاقيتهم في ( دنيتي دي) بني ادم وفوق ده كلو نديم جميل . تناولت معه في أمسيات البلاد مجمل القضايا بدأً بالرأسمالية الطفيلية المرتبطة والغير مرتبطة بالاستعمار أنتهاءً بشاهندا المرتبطة والغير مرتبطة بخالد ياخي دي قسمة شنو . مفكر وناقد جيد وقارئ جيد لمنيف كما قلت . ذات مرة والممرات كثيرة وحين أتعبته من القصص وبعد ان نال منه ( البكر) مناله حدثني عن وجعه ولأن منيف يطوقه حتي في أحاديثه قال لي ( في قلب كل منا أمرأة قد تكون أمه قد تكون زوجته قد تكون أخته فأذا رأيت قلب الرجل يخلوا من أمرأة فأعتبره جثة هامدة لاتريد سوي القبر) ثم أطلق ضحكته المشهورة ههههههههههههههههههه تلك ضحكة لم أري مثلها الا عند صديقي عوض هارون طيب الرب مقمه نفس النقاء ( والقدلة زاتو ومشيتوا ) وبما أنو يخلق من الشبه اربعين فباقي لي في الضحكات والناس النقيين تمانية وتلاتين بني ادم موعود معهم أين متي كيف لاأعلم فالحب كما يقول مظفر النواب أن لاتعلم شيئاً.
وبرجاك في المطرة
لاتغيب أوعااااك
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
ومن يتناول مني هذا الحزن الان
الاهلية بغضها وغضيضها أحترقت هكذا أمام أعين السلطة جهاراً ونهاراً حتماومهما فعلوا لن يستطيعو حرق ذكرياتنا وبالطبع ذاكرتنا التي أصبحت تتقد مع كل حريق بشكل يثير الدهشة . أحرقوا ودمروا فساعة الحساب قادمة والثورة قادمة وأنبياء الحقيقة ومهما هم تأخروا قادمون . شدوا حيلكم معانا بس . ونحنا عشمنا في الجايات .
أتوقف عن هذا البوست لايام معدودات حداداً علي مباني وممتلكات الجامعة والتي طالتها ايادي العابثين . ولاصدقائي وصديقاتي بالجامعة الاهلية خالص التحيايا وهم في حزنهم النبيل ( ونحنا بيناتنا الثبات ) لكم وبكم ستكون الاهلية دوماً هي ذات التلاتين فدان المحررة من ارض المليون . فشكراً لثباتكم الجميل .
سأعود
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
ريتا ترتب ليل غرفتنا : قليل
هذا النبيذ ،
وهذه الازهار اكبر من سريرى
فافتح الشباك كى يتعطر الليل الجميل
ضع ، ههنا ، قمرا على الكرسى .ضع
فوق ، البحيرة حول منديلى ليرتفع النخل
أعلى وأعلى ،
هل لبست سواى ؟ هل سكنتك امرأة
لتجهش كلما التفت على جذعى فروعك؟
حك لى قدمى ، وحك دمى لنعرف ما
تخلفه ا لعواصف والسيول
منى ومنك ...
تنام ريتا فى حديقة جسمها
توت السياج على أظافرها يضى الملح فى
جسدى .احبك.نام عصفوران تحت يدى...
نامت موجة القمح النبيل على تنفسها البطىء،
ووردة حمراء نامت فى الممر،
ونام ليل لايطول
والبحر نام امام نافذتى على ايقاع ريتا
يعلو ويهبط فى اشعة صدرها العارى ،فنامى
بينى وبينك ، لاتغطى عتمة الذهب العميقة بيننا
نامى يدا حول الصدى ،
ويدا تبعثر عزلة الغابات ، نامى
بين القميص الفستقى ومقعد الليمون ، نامى
فرسا على رايات ليل عرسها ..
هدأ الصهيل
هدأت خلايا النحل فى دمنا ،فهل كانت هنا
ريتا وهل كنا معا؟
...ريتا سترحل بعد ساعات وتترك ظلها
زنزانة بيضاء .اين سنلتقى ؟
سألت يديها ؟ فألتفت الى البعيد
البحر خلف الباب والصحراء خلف البحر ، قبلنى
على شفتى قالت – قلت : ياريتا ، أأرحل من جديد
مادام لى عنب وذاكرة ، وتتركنى الفصول
بين الاشارة والعبارة هاجسا؟
ماذا تقول ؟
لاشيء ياريتا ، اقلد فارسا اغنية عن لعنة الحب المحاصر بالمرايا ..
عنى؟
وعن حلمين فوق وسادة يتقاطعان ويهربان ، فواحد يستل سكينا
واخر يودع الناى الوصايا
لاادرك المعنى تقول
ولا انا ، لغتى شظايا
كغياب امرأة عن المعنى وتنتحر الخيول
فى آخر الميدان..
عزيزى خضر
لك خالص الود ..
اخيرا قررت ان اخوض هذه المحنة ، وابدا نزف بعض من الشوق والوجع اللذيذ ،
رغم سيف (الكيتنة) المصلت على الرقاب ، استغفر الله ماشاء لك الاستغفار ، وتنهد
وابكى وتحسر ، فليس البحر كالنيل ولا الرياض تماثل الخرطوم ، ولاحتى جدة
فى دعة وسماحة سواكن ، والنخل ليس هو النخل ، اما الابنوس هنا كالعنقاء ..لا
الوجد هو ا لوجد ..ولاانت هو انت ، لم يبقى لك الا (الولوله ) فمارسها كما تشاء
وكما تكون الولولة ، وابكى (شاهى) كما يبكى درويش (ريتا ) مع مراعاة فروق
الوجد ...
خضر
دي (تستا) ورفعة بوست (اتحزم) جاييك ...
مودتى ....
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
ولريتا الرحيل طالما بقيت ذاكرتنا متقدة
محمد ياصاحبي
لاأدري لكنك أنعشتني ومددتني بجمال لا أجد نفسي تجاهه الا شاكراً لك
Quote: Quote: ...ريتا سترحل بعد ساعات وتترك ظلها
زنزانة بيضاء .اين سنلتقى ؟
سألت يديها ؟ فألتفت الى البعيد
البحر خلف الباب والصحراء خلف البحر ، قبلنى
على شفتى قالت – قلت : ياريتا ، أأرحل من جديد
مادام لى عنب وذاكرة ، وتتركنى الفصول
بين الاشارة والعبارة هاجسا؟
ماذا تقول ؟
لاشيء ياريتا ، اقلد فارسا اغنية عن لعنة الحب المحاصر بالمرايا ..
عنى؟
وعن حلمين فوق وسادة يتقاطعان ويهربان ، فواحد يستل سكينا
واخر يودع الناى الوصايا
لاادرك المعنى تقول
ولا انا ، لغتى شظايا
كغياب امرأة عن المعنى وتنتحر الخيول
فى آخر الميدان..
|
|
وهل في بلاد الدنيا ياصديقي مايشبه الخرطوم أو نيلنا العظيم ( صدقني فتشت فتيش ) لاأعتقد بأن هناك أعظم من الذين تركناهوا بمحض أرادتنا وهكذا كان الانسان ( عجولا) مستعجل حتي في التقييم ومستعجل حتي في الخطوة ( تقول لقينا حاجة) أنت هكذا لاتكف عن تنبيهي وماذا تبقي ياصديقي لتمارس سطوة القهوة علي لا أحتاج الا للحسرة علي مامضي وهل لنا غيره ؟ لا أظن .
ولاالحزن القديم أنتي ولا لون الفرح أنتي .
أحتاج لالف عام ياصديقي كي أتخلص من هذه الذكريات والف أخري كي أمارس حياتي العادية( ذيو وذي البني أدميين) فهل يسمح لنا العمر بذلك ؟ لا أعتقد
نحن جيل ياصديقي تربي علي الحزن فأجاده بل وأصبح منتجاً للهزائم وربما الانقلابات العسكرية . ستظل أجيال وأجيال تسير بكل هدوء علي هذا الدرب ( سايرين سايرين في طريق ... ) وتظل أجيال أخري في بلاد أخري وفي طقوس بالحيل جميلة تعيش واقعها قبل الغد ( فلمتي سننشد هذا الغد الماداير يجي ذاتو) . أنا سعيد خالص وكلما وجدت نفسي قادراً علي أستنطاق هذا الطايوق أذداد فرحي . سأنتظرك فلا تغيب .
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
وجدتها وجدتها
وجدتك
هكذا صرخ أنشتاين ذات تفكير ما هذا اليوم صرخت مثله كيف لا وأنا أتحدث مع زميلي وصديقي ياسر هينوا ( شاهدنا علي العصر)
هــــينوا يااااا للزمان
شكراً ( وكتر خيرك ) ياصديقي وأنت تثلج صدور المهمشين ( مهمشي القلب ومهمشي الواقع ) ففي وطننا أصبح التهميش يمارس في كل شيئ من السلطة وحتي الحبيبة ( يالله ياصديقي ) أفهكذا أذن دخلت العالم السعيد من كل أبوابه ( وشميت الهوا) ( عنوة كدة وأقتدار) حدثني أذن من أين نبدأ أمن نهلة فتاة الغيوم . أم نبدأ من ذقاقات كوستي وطرق ليلها الملتوية جداً أم نبدأ من تلك الدروب التي مشيناخطاها ( سنة ورا سنة) .
أم نبدأ بترهات همولا الغير مسؤل ؟أم نتحدث حول الهدوء الذي يتميز به صديقنا ود أبكر أم نتحدث عن كريزي أم عن بهاء الدين أم زكريا أم علي حجر الطير أم لذا سنفتر والبباري هؤلاء المساخيت صدقني مصيره النواح .
يومياً لايكاد ماكان يقوله صديقنا فرفور ( الحجر الاسود ماها البروة .......) يفارقني لكأنني في ركن نقاش هادي وبسيط وكل واحد يجي يقول فرمانتوا فلتبدأ أنت وتشوف حاجاتك التانية ( ياوالداً أحبنا) . كلهم بلون واحد ياصديقي فقراء الا من الايمان بثورتهم الاتية وهل بالامكان أن لايعدل التاريخ ولو في شق . حتما سننتصر .
يؤسفني أننا جميعاً أصبحنا خارج ذاك النشيد ( ولو بالايد يا أكستيرنل جاكي زول) تخرجنا لننعي أنفسنا في بلاد الدنيا والعالمين أنت في سقط لقط وود أبكر في جيهة وأنا في جيهة وكريزي في جيهة وكل الناس الزولهم صامد في جيهة .
وحكم العسكر مابتشكر .. صدقني ياصاحبي لاشئ عندي الان غير هذا الكي بورد يجرجرني لاعترف علي ماذا أعترف ومتي أصبح السجان يأخذ مالانريد سأقول مااريد نعم هكذا أتونس في الفاضي والمليان . ده كوم وعرس ياسر كوم ياسر بدر الدين هذا ( أقول شنو) فرحت جداً لحالة الوعي التي أنتابته مؤخراً وفرحت أكثر لانه سيكون بالامكان أن نذهب الي ذاك المنزل ( بي حقنا )
لاذلت كما تري ياصديقي معشش روحي في حتة واحدة ضارباً بعرض الديالكتيك ومتغيراته . لاذلت ثابتاً كما تراني أسوي شنو ( براهو الواهب العطاي) .
سأعود بعد قليل ياهينو قليل من الوقت ياصديقي .
والنشوف أخرتا
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
هينوا
وأفتقدتك ألف مرة
وكنت علي الناقة وحدي
أستجدي أمجاد ملوك العرب القدماء
( النواب)
تافهة هذه البلاد ياصديقي تافهة أكتر من الفريق القومي ذاتوا لدرجة أنني أبكي مرات مرات ياخي ( ده حظ شنو ده) . أشتهي لقعدة عاجلة كيفما أتفق ( وبين مقاماتنا الحالية أنهار ووديان ومساحات من الحب والامل بأن نلتقي ) لا أدري هل كتب علينا هذا الشقاء الي أبد الابدين والسودان ده حيبقي وطن يلم ناسوا المشتتين ديل في بلاد الدنيا والعالمين متين؟ متين ياهينو ؟
هل تصدق بأن حارسنا وفارسنا كان متجدع الليلة وعلي عينك ياجهاز الامن في الديوم الشرقية الاعلام الحمراء كانت هناك تزين شوارع وطني وتزين قلوب العديدين من ابناء وبنات حزبنا الشرفاء عاد الحزب ليواجه مرة أخري ويقدل بين جماهيره . كان نقد هناك ليوفي السودان والذين قادوهو لمقاعد البرلمان عاد ليوفي لهم هذا الجميل عاد ويافطة الطبيب علي فضل لاذالت في أنتظاره لكي عود من أجتماع أو لقاء في نقابة الاطباء عاد وجميعنا ننتظره بفارغ الصبر لينطلق من أفواه الشيوعيين قصدية المحجوب شريف ديل أنحنا القالو فتنا وقالوا متنا وقالو للناس أنتهينا نحنا جينا .. جينا زي ماكنا حضنك يحتوينا لما فارسك فينا هب وعب حجرك بالمحبة وبالاماني صحا نار الثورة تاني جانا داخل وجانا داخل .
فتمي نعود ياصديقي وتحياتي لنهلة والشافع المقترح راشد .
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
هينو العظيم
تحياتي الحارة لك مرةأخري
وبعد أن أعتزلت الكتابه عن النفرين ديل تحديداً ( أغراني من أغراني للعوده ) وها أنذا اعود طائعاً لكي أواصل رغم الضيق المحل والحاله الحرن اليوم فقط والصدفة وحدها قادوني لهذا الماسنجر لاجد أحدي قريبات الهم والوجع (بنبن) قلت فلتكوني ياغادة شاهدة علي حضوري وعدم لقائي بكم .
بالامس فقط وجدت أحد الاصدقاء يخبرني بأن التهاب الكبد الوبائي قد نال مالم يناله خالد من دفئها حزنت لهذه الاخبار الشيئه أيما حزن ورحت أعيد شريط ذكرياتي . هسي عليك الله الالتهاب ده مالقي زول يمشي ليهو الا شاهندا ؟ عموما هو حال السودان الشقيق يعجل برحيل الجميلين تماما كما يعجل بالانتصارات المزيفة .
تجدني الان الملم ماتبقي من ذاكرتي هنا ربما لاحزم امتعتي لبلاد فيها متسع من الحنين ومتسع من الحياة ايضاً هذه البلاد قاسية حد الفجيعة .
أشتهي ياصديقي كما ذكرت سابقاً للمة الناس القراب ودابكر اتمني أن اراهو قويباً حينها سأقص علي من سيبقي شاهداً علي مرور احد البسطاء بعد رحيله أجمل القصص بل ربما سنحكيها في مساء يضمنا جميعاً لكني بالطبع لااتمناه تحت سماوات البلاد التي نحن فيها كلنا فليكن ياصديقي تحت سماء صافية اخري حلمنا ولم ننل من حلمنا الا الاصرار وتعقب المستحيل .
المستحيل الذين قادنا للخروج عبر بوابات الافراح الوهمية فلم نصد غير القليل .
ياهينوا وياودابكر ويااصدقائي في المدن البعيدة متي سنلتقي . اجيبوني فالغربة ادمتني من كل الجهات وأنا لاذلت في البعد انادي وأحلم ببلادي .
اذن سأعود هنا ولنواصل هنا طالما قررنا أن نلتقي ولو عبر الحروف .
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
هذا أنا ياسيدتي
أتوسم في الحرف عله ينجيني من هذا العناء ولم يصد توسمي خيراً ولم ينقطع حبل الرجاء اليوم قرأت كثيراً عن أحدي اللواتي يزكرونني بك وتكون بالتالي أحدي أجنحتي في فضاء هذا العالم ليستقر معي أينما حللت فلا بلاد ولا يحزنون للذين هم مثلي أولئك الذين طاردتهم الاذقة ليختاروا المنافي هي كانت معي كانت في ذلك المغلف جيداً في الاربعمائة أناقة والتي أختارت فيها أيزابيلا اللندي مفرداتها بعناية ادهشت القراء في تلكم البلاد الاخري ليصلني اخيراً نسخة أستعضت بها غيابك وربما حضورك اخريات الحلم أستعضت بها ولا اخفيك بلادي ايضاً فأنت بلادي .
سرج خيلك
مابرجاك
الذمن الغافر
وما بتستنى
اللحظه حضورك
لو رحته من نفسك
بعيد او سقته في
جواك بلد برضك
حاتاخد في الطريق
سجنك معاك الى الابد
شكراً محمد ياصديقي
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
دعوني اليوم أحدثكم ياناس عن احد مظاليم الهوي
جاءنا من أحدي اقاليم السودان والتي نالت وبفضل السلطة حظها من الحرائق
والابادات وكل مايمكن أن يصنف ضمن تصنيفات الحط من كرامة البني ادم جاء يحمل
الينا فرشاته التي لكم زين بها حوائط الجامعة شعراً وابداعاً قبل أن يزين بها
ليالينا بالحكي الماهل عن تلك التي سكنته في الخاطر .
ياسلالالام ياخي علي الايمان فيها حلوة حلاة بيضا التقول مصرية
المحيريني بس انو انا مالامي لي فرصة زي الناس عشان اكب معاها الحنك
وبما أن شن لم يوافق طبقه يوما من الايام تحديداً عندما يكون في الامر بعضاً من الفوارق
وبالرغم من انهما كانا يضمهما مؤسسة تعليمية واحدة وبالرغم من انه كان يدرس علي نفقة شعبنا الكريم كأحد أبناء هذا الشعب وفي المقابل كانت هي احدي هجينات الاغتراب والذي صار يمشي علي رجلين لم يشأ له حظه العاثر بأدني فرصة للاقتراب الاقتراب يعني ان تمسح هذه الطوابق ( وتمشي عامل فيها ماشفت حاجة ) .
هجينات الاغتراب لهن مايميزهن في الواقع السوداني ويلتقين مع المؤسسة العسكرية في بعض الامور تحديداً في مايخص الاقتراب والتصوير ومن بعيد لبعيد .
شجعناهو في ليالي السمر بأن الثوري هو الذي يستطيع التمدد علي فراش الاخرين وياخينا وسع مداخلك في الحرف ( هي الدنيا كلها كام حرف لامن يطول فيها الاسف ) شجعناهو ذلك المساء تماما كما كنا نشجع فريق مدرستنا التسعين دقيقة وهو الذي تعود علي ان يقصم ظهورنا في الدقيقة الواحد والتسعين لنعود الي مناذلنا مثقلين بهزائم الدنيا والعالمين . لم أشأ ان تمر ذكري الهزائم مرور الكرام في تلك الليلة . وياخينا امش اصو حتعمل ليك شنو يعني بالكتير حتقول ليك مرتبطة . كنا نمدد جثته دون ان ندري ونهيئ له مقعده بين المحبطين الذين يمشون في الارض مرحاً بعد أن تحولو لكائنات لاعلاقة لها بالواقع .
كنا ندري ان مجرد الاقتراب بمثل تلك الهيئه قد تصيب هجيات الاغتراب بنوع من الهستريا ولربما سيتم طلب الاسعاف في اول ظاهرة من نوعها لتقل بدورها الي السلاح الطبي او مستشفي امدرمان حالات متأخرة .
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
Quote: ذلك يوم سيكون الاكثر حضوراً في ذاكرته إن لم يكن الاكثر بهاءاً في ذاكرة الوطن تلكم الذاكرة المجبولة علي الصمت المتقنه جيداً علي نحت الحزن والنزيف . كان اكثر من موت يودع فيه بعضنا البعض ثم نختمه في جلسة علي اطراف المقابر لنواصل ونستنا في الصيوان نفسه المعد لاستقبال المعزيين . كان خلافاً لكل ذلك أو ربما كان هذا هو الانتصار الوحيد له وللعديدين الذين أثرو ان يسيروا بحلمهم أينما ساروا . للشهداء ايضاً ذاكرتهم وذكرياتهم وافراحههم واحزانهم كما لهم تلكم الابتسامات التي لايشاهدها سوي أصدقاء الحلم والامل .
|
فشن قولك .
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: معاوية كرفس)
|
كرفس شخصياً
أذيك ياشاب وكيف الناس المعاك
بن بن ماذا عنه بلغنا أنهم متجدعين وشغالين شغل الجن اليومين ديل
لو تعرف ياصديق كمية القرف الانا فيهو كنت كملت الحكي براك لكن لاعليك
الوجع وجعي براي . اليوم وصل احد الاصدقاء قادما من السودان الشقيق اتصل بي
فور عودته من تلكم البلاد كنت أحلم فقط بعدد جريدتين صحافة وتلاته ايام حكي لي عن البلاد وكنت استمع ولكأنني لم تطأ قدماي السوق العربي في يوم من الايام ولكأنني ماسفيت من ود الريح ذاتو . سألته عن الجميع فرداً فرد ووصل مااستطاع توصيله من اشواق الاصدقاء مؤسف مانحن فيه ياصديقي مؤسف أنو يجيك زول يكون شاف الناس كلها وماشاف الانا شفتوا .
يلا تحياتي لبنبن وصديقنا الليل .
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: Khalid Jamal)
|
خالد جمال
تحياتي الحارة جداً
كيف الشرقية والرطوبة معاك . تعرف ياخالد أنا شخصياً مستمتع جداً بالكتابة التسل الروح دي خالد وشاهندا ( هو في غيرهم تاني ) ياسلام لو رأيتهم وهما يتجاذبان الحديث في ليل الخرطوم لو رأيتهم وهما يتماسكان ولكأن السودان ده مافي زول غيرهم ولكأن البلاد لم تسن قوانينها بعد بخصوص النظام العام والاذي منو . ياخي ديل ماكانو شغالين بي زول الشغلة .
احلام البعض تذهب لااسفاً عليها ياصديقي .
خالد تحياتي للاولاد وللجيران الشوق الواحد
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
اليوم تحققت لي رغبتان في هذه الدنيا رغبة أن أضمك قليلاً الي صدري ورغبة في حديث فاجر لاتحده حدود اللغة أبتسمت دون أن ادري وانا اتطلع( لشوفتك) البهية أتونسنا في كل ماجري وسيجري . حدثتك دون أن أنطق وسمعتك دون أن تنبسي ببنت شفه حملنا كالعادة الذمن والوطن ماجري ولكأننا أستشرناهم أول ماالتقينا . نحن هكذا من طينة شعب يجيد الاعتذار مجبول علي التسامح مما مهد الطريق كثيراً في وجوه العسكريين ليقودونا بدورهم الي هذا الدرك الذي نحن فيه كاتبيني ياعزيزتي فالقلب أصبح مستودعاً كبيراً للذكريات . يقال أن الحروف وحدها تجيد التسلل دون أوراق ثبوتية . فلنتسلل طالما أصبح الواقع يمدنا بلسان السخرية .
اليوم وأناأعود الي حيث أقيم أدرت مسجل العربية لأسمع غناءاً يعيدني الي مربعات الفرح كان هناك شريطان الاول لمصطفي طيب الرب مقامه والثاني لاحد شعراء المقاومة العربية واحد الموعوديين بالملاحقة اينما حلوا . قررت في سري مصطفي وفي تواطؤ تام كعادته مع الاحزان بدأ يدندن في الاسي ضاعت سنيني فاذا مت اذكريني . لم افهم اذ كان يعنيني انا بالذات ام كان كعادته ينعي نفسه ام هي قوانين الحياة التي تفرض كل ذلك في تواطؤ تام مع القدر أذن صرت تؤمن بالقدر ياحبيبي . القدر لعبة الحياة المفضلة وشماعتها التقليدية وكل مايمكن أن يكون ونحن البني ادميين كثيراً ماكثيراً ماككل الناس ( علي قول احمد عباس) نلوز بهذا القدر لنكفي انفسنا شر ( الاسئلة واولاد الحرام) . الحياة ياصديقتي بحر نتوه فيه وسواحل بلا شطئان نظل نسبح ونسبح ونسبح الي ان يأتينا القدر .
لكم نحن ساذجان صغيران .
لاادري لماذا احاول الكتابة في هذه الساعة بالتحديد علي الرغم من انني موعود غداً بيوم عمل طويل وشاق للغاية ربما هو في تلك الرغبة ( والجرجرة ) التي قادتني مساء هذا اليوم لادخل بيوتاً لم أألفها ربما لانني اليوم فقط أستطعت أان اهزم الغربه بأتباعي وسائل اخري اليوم تونست مع تلك الغجرية تحدثنا حول الحب ثم حول العلاقات الانسانيه أدهشتني تلك الغجرية بما تملكه من ثقافة . ياخي دي طلعت احرف من ( رونالدينيو) هكذا فاجأتني وأنا أجرجر أذيال خيبتي بعد أن فشلت في أقناعها بأن القدر يتربص ببيوت الناس لتصيبنا ونحن في نشوة الاحداث . هكذا فاجأنا القدر ياصديقتي وهكذا وجدت نفسي لا أملك في الدنيا الا ذاكرة خربة وقلب مهترئ وعيون تتطلع دوما نحو مستقبل أفضل وغد يليق ببني ادميته وماحوله يلفه السراب السراب فقط ياصغيرتي وبعضاً من ذكريات أذن فلتتمددي في ذاكرتي ولتمارسي سذاجتك مرة اخري ومنك لله .
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
صديقى الودود /
خضر...
اتمنى ان اكون انا صاحب هذه:-ساضع نجمات تخص أحد الاصدقاء والذين أثروا الغياب والفرجة من بعيد
***
بالامس استطاعت اقدامى ان تحملنى لمقابلت تلك الفتاة (( شاهندا)) لهف نفسى على خطاى وهى ترتجف فى الطريق اليها ... نعم ياصديقى فقد كنت اخاف ان اراها قد انهكها المرض الخبيث(( التهاب الكبد الوبائى)) هل تصدق ياصديقى وجدتها فارعة الابتسامة سريعة الحركة كما عهدتها تستقبلك بطيبتها المعهودة ... بل اكثر من ذلك وجدتها قد ذهبت لفعالية ثقافية بوسط الخرطوم ... لذا تشجعت خطائ فى الذهاب اليها هناك ... وحين ما قابلتها كان العتاب العظيم بيننا تقول هى:- لماذا انت تعلم بمرضى لم تاتى لزيارتى اليس نحن باصدقاء ؟؟؟ وقبل ان اجيبها بانى لا استطيع رويتها وهى مريضة تسالنى بطبيعتها العفوية قولى وقول سريع جداً: خضر حسين اخباروا شنو ؟؟؟ وهو عارف انى مريضة ؟؟؟ ياخى عليك الله هو قاعد يكتب الايام دى والا زهجان ؟؟؟ اها بطل احباط من الوضع السياسى الراهن ولا لسع زى ماهو الحلم قدام عينو؟؟؟ والا اقوليك تعال لى يوم على رواقة ونمشى نقراء نشوف الزول ده بكتب شنو؟؟؟ وانا اقوليها يا شاهندا اصبرى خلينى اجاوب وهى تضحك وتقولى ياخى مادايره منك اجابة طال ما انكم لسع صحبان ولسع حيين اها ياسفيان الليلة انا مبسوطة شديد لانو سعود امام وشاهيناز عبدالوهاب حيعرسوا وانت طبعاً حتمشى معاى نهجج معاهم فى العرس وهناك بنلاقى الشباب الطولنا منهم صاح يا سفيان ؟؟؟
وطبعاً ياصديقى بالامس تزوج سعودامام وشاهيناز عبدالوهاب ونحن ذهبنا وهججنا كما قالت شاهندا.
ولك دوماً الحب...
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: سفيان بشير نابرى)
|
سفيان ياصديقي
تفهمني جداً جداً يعلم الرب ذلك
اجيك من وين هسي انا من سعود امام وشاهيناز العرسهم كان امس ولا من التهاب الكبد الوبائي الماشايف زول غير شاهندا . تصدق بالامس ودناً عن الايام اخرجت مكرتي الصغيرة عشان استعيد ايام قديمة لقيت من ضمن الارقام البفتش عنها سعود امام ياللصدف ياصديقي .
الان لاأملك الا هذا الكي بورد عله يوصل امنياتي لهما بالعمر الجميل لهما مني ياسفيان ورود الارض كلها واحلام العمر كلها ياصديقي شكراً لجامعة لاهلية وهي تحتفل بكرنفالات ابنائها كأضافة واعية ومسؤلة في اتجاه الوعي العام سعود وشاهيناز لهما ماتبقي من نجوم البلاد ياصديقي .
كان بودي ان اكون هناك لنهجج ونتم الباقي كمان لكن ده الله وده حكمتوا ياسفيان .
قل لها ياصديقي بأني أكتب الي أن اشاهد ولو ماتيسر من احلامنا القليل الذي يجعلنا سعداء فقط في هذه الدنيا هي تعلم أن الحلم جزؤ من ايهام النفس لكنها تعل أن الواقع سيتجيب رغما عنه لاوهامنا يوما ما . صدقني لا امنية لي الان سوي قعده معاك ياسفيان قعدة كيفما اتفق .
تهانينا لسعود وشاهيناز ياصديقي .
سأعود
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
ياهذه البنت التي تمتد في دنياي سهلا و .... و.....
قسماً بعينيك سأواصل فانا بدأت أتيقن بأن هذا البوست سيكون ملاذي الاخير وعندما تضيق مساحات الارض سيتمدد مداد مااسكبه من حزن هنا مفسحاً الطريق لاستريح من السفر . هدتني الغربة ياصاحبتي هدتني ولا أجد للهروب من معاولها الا بالهروب اليك عبر هذا ( المايتسماش ) يومياًولكأنك تنتظرينني في هذه المساحة أعتذر عن جميع واجبات الحياه لاكون هنا بجانب ذكرياتي أصدقائي يأتون الي هنا فور حضوري . صدقيني ياصغيرتي أنا أتونس ماشاء لي من الونسات واخرج من هنا مخلفاً ضحكات الامس لاعود الي تلك الغرفة محاولاً التناوم علي افيق في بلاد ليست كهاتيك البلاد . يومياً اتسكع في طرقات هذه البلاد ولكم هي موحشة ياصديقتي موحشة حد الفجيعة أشاهد البشر فأتعجب لبؤسهم الذي يحاولون السيطرة عليه بالغصب ( ياخي دع الخلق للخالق ) هكذا يحدثني صديقي والذي يبدوا أنه مل من شفاء حالتي ياخينا عليك الله ديل بشر شنو ديل
ياخي اليوم كلوا الواحد مايشوف ليهو بنية
دي مصيبة شنو دي الوقعنا فيها
ثلاث سنين وخمسة عشر يوماً منذ أن شاهدتك وبالتالي منذ مشاهدتي لوجه حسن ثلاث سنين ياصديقتي وأنا أبحث عن رائحتك علك تخرجين من بين هذه العباءات السوداء أدمنت التأمل في عيون من أصادفهن فلا أجدك أبحث عنك وسط هذه الحدائق والميادين وعبر الاشارات الخالية بالطبع من المتسولين فلا أجدك . كل شيئ هنا لايشبه هناك الاشياء تتغير عبر الامكنة وربما (سوداناالعاجبنا) هو الواقف وحيد في مكانوا .
الاصدقاء كذلك من بقي منهم ومن سوف . كلهم ياصديقتي يهمون بالرحيل . مؤسف أن يكون همنا الرحيل . اليوم ودون ان ادري وجدت نفسي ادافع عن احد الاخوة في الشقاء لم أصادفه في حياتي ولن أصادفه بالطبع أن لم يوفي بوعده الذي قطعه لي بالاتصال ( حينها سيذيد عدد جعليي البلاد واحداً) شاب سيرلانكي وجدته في حالة يرثي لها ومجموعة من شباب هذه البلاد يضربونه بعنف من لايخشي سلطة او قانون . لم أجد الا سودانيتي وبياض نيتي ايضاً لمساعدة هذا الشاب اوصلته معي حدثني عن نفسه وعن قاطعي الطرق اؤلئك حدثني والدموع تملأ عينه عن ظروفه وعن بلاده وعن اهله اجمعين ومن بين الدموع سقطتت دمعة تخص تلك التي تنتظره ( وعشمانه في باكر) طمنته بأنو جاليلو مات والارض ماذالت تدور وأن الغد سيكون بأنتظاره وبأن الحلم سيأتي يوماً ما ( ياخي اليشوف مصيبة غيروا تهون عليهو مصيبتوا) حدثته عني ومن أكون حدثته بأني ( مليئ بالزهج والحمي من هذه البلاد ) ودعني بالدموع وذهب لاادري الي أين .
ولاذالت تدور
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
بوفاة جون قرنق ديمبيور أعقد جاذماً بأن صفحة جديدة قد بدأت في تاريخ هذه البلاد ياعزيزتي وبهذه الفاجعة التي أضافت عبئاً أخري علي قوي الحداثة والتنوير لمواجهة هذه التناقضات التي أصبحت تطفح علي التربة السودانية مؤسف ماجري بكل تأكيد ومؤسف أن يدخل أبناء الوطن ويسقط من يسقط والسفاحون ومصاصي دماء الشعب لاذالوا في غيهم ويحاولون تخديرنا بتلك الخطب الجوفاء خطب الجودية والارتجالات أنتهي ذلك العهد أو كان من المفترض أن ينتهي لو عاش الحلم قليلاً أتري خذلنا الحلم أيضاً . وأنا أستمع لنافع علي نافع أحد سفاحي الانفاذ وهو يتحدث عن التسامح شعرت بالغثيان ونازعتني رغبة في البصق علي شاشة التلفزيون علي أستطيع أن أبرد هذا الذي بداخلي . الرجل يحدثنا ولكأنه لم يساهم في هذا الخراب والدمار ولكأنه لم يساهم في موت العديدين من اللشهداء الذين لم يتسني لهم حتي سماح خطاب غير مشوش للقائد جون قرن من ساحة شهدائهم . تلك هي سياسات الارتزاق وهؤلاء بالطبع دهاقنة السياسة السودانية في هذا المجال .
كنت أحلم سابقاً بأن أعود للخرطوم وأمني نفسي زي وزي باقي الخلق بحضور ليلة سياسية دافئة لادغدغة فيها للمشاعر ولا يحزنون ليلة يصنعها تاريخ هذا الشعب الذي لاشريك له في الكوارث والاذمات ليلة يكون حاضراً فيها صور شهداؤنا ومناضلينا جنباً الي جنب مع صوت الشارع الشريف .
كنت أمارس بعض الوقت سذاجتي المفرطة ( ياسلالالام السيلام ماجا ياخي ) وأحس بأن بذرة الخير قد نبتت لتظلل هذا الوطن هكذا دائما نحن نحلم ونحلم ونحن في أوج الالم والحزن ولا ندري بأن علي شعبنا التوقف والامتناع عن ممارسة الاحلام قاتل الله الاحلام ياصديقتي قاتل الله من زرع في دواخلنا كل هذا الالم .
حدائق الخرطوم الان تمارس نحيبها الشوارع مقفرة الا من الجنود والاصدقاء في ذوايا الدرب متكئون يغنون النزيف ويلعنون ماشاء لهم من اللعنات علها تصيب .
الان أناأنا علي وشك أن الانفجار حتي الكتابة لم تعد تجدي لم تعد تنفع ياصغيرتي .
أين كنت أنا من كل ماجري ؟ لا أدري فقط علي أن أغادر بهدوء .
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: Ehab Eltayeb)
|
الاخ إيهاب
تحياتي الحارة لك ولهينوا العظيم
سعدت جداً بمرورك من هنا هذه قصاصات حياتي وحياة أخرين مروا في ذات التوقيت الذي بدأنا فيه تكوين هيئتنا الاولي وحبنا الاول وولهنا الاول كانت الاحلام ياصديقي تتبعنا وكان الامل ايضاً يحدونا مشينا جنس مشي أسأل هينوا هو يعلم الكثير بالرغم من أنه أثر الغربة ذيي وذي الباقين . هربنا جميعاً لتبقي بيننا جمعية ( صوصيتي ) بكامل شحمها ولحمها فينا مابقينا وتبقي الاهلية جزؤ من تاريخ طويل صنعه أمامنا رجال ونساء لاذالوا جميعهم قادرين علي العطاء والمحبة . سلامي لهينوا ولنهلة ماتبقي من سواقي العمر .
لك المحبة وخليك قريب
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: محمد عبدالرحمن)
|
أعود الان أدراجي في أتجاه الغرفة
اليوم يامحمد شاهدت العجب أقسم لك ياصديقي بأنني كنت قاب قوسين أو أدني أستعذت من المكان والذمان فأصرت روحي للمذيد من المغامرة ( تعبت جنس تعب ) لاحولا لاحولا هكذا كانت تردد أيضاً في نهارات أمدرمان ليردد الخلق خلفها في كورال قل أن يوصف به بأنه جنائزي من فرط الاصوات التي تردد دون أن تدري ماتفعله . المهم هي تقول والناس تشيل بي وراها وأنا اشيل مع الجثث البتردد بي وراها . لاحولالالالالالالالالا من الايام ديك .
تصدق يامحمد أني لم أعد كسابق حلمي الان بدأت أفيق من فوبيا هذه البرتكانة وبدأت أتحسس الاماكن والحسان بدأت ياصديقي رحلة البحث عن الاخر الاخر الذي هو بالطبع لن يكفيني بأندوثات الدنيا والعالمين في فك طلاسمها ( ياخينا بس النلقاها ) هكذا أردد وهكذا أنتظر كلت يداي وأنا أفتش بين أذقة الكي بورد عن تلك المواصفاق والمقاييس ( بالمناسبه الهيئة دي ماحلوها بعد الاتفاق ) ياخي ديل قصقصوا رقاب الخلق قبال يقبلوا علي الحروف .
أذكر في خريف أمدرماني وفي أحدي أركان الجبهة الديمقراطية وكان المتحدث هو الحبيب عصمت الدسيس قبال يشوف دريبات سيدي الصادق علي قولو عرضت الجبهة الديمقراطية في ذلك الركن درب كلوركين كان الدرب يشوبه شوائب الدنيا والعالمين ( والتقول ده كلوركين مجاري) ولم يسمع اذناهو يوماً عن معمل ولم يتشرف سيادته ( الكلوركين أعني) بلمسة من المختصيين . كان ذلك اليوم فاجعة والافجع أنو المصنع كان بتاع عصامك الترابي والافجع خالص يامحمد أنو الترابي لاذال هو وأبنه يتمتعان بالنسيم وخريف البلاد . شفت المصيبة وين . الان وبعد كل هذه السنين أتخيل هذا الكلوركين الفاسد تري كم كان عدد ضحاياه أعتقد جاذماً بأنهم أكثر عدداً من اؤلئك الذين غدروا في أثنين البلاد الحزين وماجاورها من أيام بين طرفي أبناء الوطن الواحد .
منتظرك علي عجل
نكتة للخروج من هذه الشوائب
جاء أحد المحافظين الي قريتنا المتواضعة وبما أن القرية والقري المجاورة تعاني ماتعاني من تهميش لملموا الخلق وتقدم أكبرنا سناً ليحدث محافظ المنظقة الذي لم يحافظ الا علي أرصدته في البنوك وبما أنو عندنا أشكال كبير مع اللغة العربية وقف هذا الكبير وقال ( ياسيادة المهافز أن الارامل يلدون تهت النهيل ) بمعني أن الارامل يلدون تحت النخيل . فما كان من المحافظ الا أن أصدر فرمانا بأنشاء بسط أمن شامل . ليتقدل الكاكي بخداره المميت وسط حرائق القندول .
تري ماذا قصد كبيرنا من خطابه ؟
قصد يامحمد ياعبد الرحمن
أنو القرية في حوجة لمستشفي لان هناك حالات وفيات نتيجة لبعد المستشفي عن القرية وان بعض امهاتنا يضعن مواليدهن تحت النخيل قبل أن يسعفهم بنطون أو حكيم .
لكن العربي ده صعب عديل ومشكلتنا مشكلة .
سأعود
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
بالامس فاجأتني عادة (السرحي) من السرحة للذين يطيقونه فدية طعام مسكين .
كنت سارحاً ولكأني تحت سماوات أخري جميلة نوعاً ما .
فاجأتني يامحمد فاجأتني
تحالف الحظ والسعد معي قبل أسبوعين لاأكثر ووجدت أخير الطريق لهذه القوس قزح مرة أخري كان الامر بيدي هذه المرة .
هذه البلاد ذات مواصفات جيدة للنعي والتبول اللا أرادي كل الاشياء وكل التفاصيل تدلل كثيراً علي ذلك . الامراض المستطوطنة / الظلم والاضطهاد الواقع/ حرارة الشمس/ تحالف الارهاب أو ما يسمي بالحزام الناسف الذي يلف جيد هذه البلاد . كلها تدعوني للفرار وأنا أستعد جيداً .
كثرة اللصوص ياسيدتي دليل علي رخاء الوضع الأقتصادي . وبالتالي فوجئت بأن حتي بعض مقولاتك الخالدة تسربت لتصبح شعارات لدي الذين أنعدمت فيهم بذرة الحياء بقدرة الله وحده لاشريك له . ( فأستغفرتك يامالك روحي) . أظنك تفهمني لاحاجة لي بالمزيد من التوضيح وهكذا لصوص البلاد دائما ماينحازون لصف ( العيونهم قوية) .
بي مزاج رايق للكتابة سأعود ياشاهندا
سأعود صديقي الانصاري ( محمد عبد الرحمن)
وللصوص لن أعود مرة اخري.
وأستغفرتك شديد ياملك روحي
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
سأرتاح من سكلبة الروح هذه
وأملأ عيناي بالتأمل سأكون هناك ياصغيرتي
عشرة أيام تفصلني من وطني من شوارعه من ناس
البسطاء من بيوت أحن اليها جداً من السوق العربي
بمجزوميه وأصحائه .
أغادر هذا المنبه نهائياً لاصحوا وفي البال متسع
من المشاوير والمحطات الموعودة بالحضور .
الان فقط يمكنني أن أمارس عادتي المفضلة ( السرحي بلا أخر)
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
للذين لاذالو يعيشون علي الاماني المترفة سلام
لذلك الذي مضي الي ربه مطمئنا وواثقاً بأن الشمس ستنجب أطفال بحجم الامنيات سلام
لتلك التي في الخاطر ( كلام)
وطني علمني أن حروف التاريخ تكون مزورة
حين تكون بدون دماء
(مظفر النواب/ وتريات ليلة)
تعلقنا نحن الموقعون علي جدران الوطن بأمنيات ستأتي هكذا حدثني (مصطفي). وهو يهش من وجهه ماتعلق من غبار وذباب الوطن .
الخرطوم
خضر
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
Quote: ذاك سر الكون
أن تبصر في كل حسن
آية لله والسحر الإلهى المهيب
ذلك سر العدل
أن تتفجر الأشياء,
تفصح عن قداستها
ترى في الشئ ما كان إحتمالاً
ثم تنفتح الكنوز
الأرض كانت تدخر القمح لأطفال لها
فقراء لايتوسدون سوى التراب
قل للذين يوزعون الظلم - باسم الله - فى الطرقات
إن الله في نار الدموع
وفى صفوف الخبز والعربات والأسواق
والغرف الدمار
البحر ... ياصوت النساء الأمهات
القحط ... ياصمت الرجال الأمهات
الله حي لا يموت
كيف إستوى ماكان بالأمس هواءً نتناً
ريحاًًًً بغيضاً
بما كان هواء طيباً
ريحاً يؤسس معطيات الشارع الكبرى
عبيراً ضد تلك الرائحة
ما أشبه الليلة بالبارحة!
كل ماكنا نغنيه
على شارع النيل تغيّب
وانطوى في الموج منسياً حطاماً
فى المرافئ أو طعاماً للطحالب
فى إنزلاق الصوت للقاع
وفى صمت المسافات القصيّة
نحن فى ساعة الحزن وميقات الفجيعة
والفراغ العاطفي الوطنى
الآن لن نبكى
ولكن من يساوم بالغد الآتى
ماذا سوف نخسر؟؟
نحن رتبنا بلاداً
لاتقابل غير وجه الذات بالمرآة
إمرأةً هي اللغة الرماد ..
تخون عاشقها ولا تخشى مصابيح النهار ..
لا تثق بالقلب
إن العشق يؤذى
بينما يجدى التحرك فى السكون
فى مساحات الأنا
وعى التكون وإبتكار الفرد مجموعاً
يوازى سلطة الإطلاق
تحديد الموضع بالإشارة نحوها بالإسم تفتيت الهلام
وإختراق السر
فتح نوافذ الأشياء
تكريس التفاصيل الدقيقة
قوة تنسف الأحلام والذكرى
وأشباه الحبيبات - الدمى والأصدقاء
لا تثق بالقلب
كى يتصاعد الضوء على كل المساحات
وحدق جيداً
إختر مكانك واحترق حيث انتهيت
أنت منسوب الدم الآن
وأنت الإشتعال – النار
مجمرة الغضب
أنت إذاً ضياء اللحظة الآتى
أنا أنت
نحن الناس والشارع
والعواميد التي تمتد بالأسفلت
صوتي....... صوتك المشروخ في صدأ المقاعد
وإنهيار البرلمان
لم أقل أن الفضيحة
قد تراءت تحت أكمام الجلاليب
تعرّت في تلافيف العمامة
وامتداد اللحيّة الزيف
لماذا لم تقل أن العمارات إستطالت
أفرغت أطفالك الجوعى على وسخ الرصيف!
أنت تعرف أنهم يقفون ضدك ضدنا ضدى
أعرف اننى سأظل ضد السلطة اللاوعى
نحن الآن في عمق القضية
مركز النار
وبالهامش تبقى
سلطة اللغة الخفية كى تعلق بالفراغ
نعم سننسى كل ما يأتون من فعل
وقول
سوف نصلبهم عرايا بالمسامير
على بوابة التاريخ ..
ثم نعبىء الأيام النسيان
والصمت الخرافى المهيب
لست من نور لتغفر
أنت من طين لتبنى فأبن لى بيتاً
لنا لك للصغار القادمين
إن يك للعدل فى الأرض وجود
فليكن دمنا هو المقياس
إن تكن السماء مقابلاً للأرض
فلتكن الدماء مقابلاً للأرض
قال الله كونوا ثم كنا
هل تحققنا تماماً
من وجود الذات في أرواحنا
ضد التكون
وانطلاق الكائنات؟
نحن نخرج عن حصار العزلة الكبرى
لنكتب عن غناء العزلة الكبرى
ولكنا نصاب بضربة حزن
أوان خروجنا فى داخل الصمت
وفى جوف السؤال؟
|
صديقي خضر
مرحبا بك شريكا في هذا الشظف واقتسام اللقمة والفرح
| |
|
|
|
|
|
|
|
|
|
Re: كيتاً في الانصاري / أستغفرتك يامالك روحي 1- 2 (Re: خضر حسين خليل)
|
حبيبة قلبي ياسودانية
آيا أخت دمي
إشراقة
صباحاتك
للصادق الرضي أية حسن ورثتها ضمن من ورثت من مشاريع القيم الحرة (لاتثق بالقلب إن العشق يؤزي) لن نثق سيدي الصادق ود الرضي . لن نثق عزيزتي إشراقة قرأت فيما قرأت بأن أجمل العلائق الانسانية هي التي لاتنتمي لعوالم الاستقرار ربما كانت هذه هي (مساكتي) الاخيرة لخلق معادل موضوعي مع حالة القرف التي تنتابني جراء الحبيبة .
فمن أين أتيتي لي بهذا الصادق ؟ من وين ياإشراقة ؟
دعوتي لعالم مفتوح (البيبان) تظل هي هي لطالما فاجأتنا السدود ونحن في أوج الانتصار (خلوا الهوا النضيف يغشانا ) ولو لمرة أنا بحاجة ماسة لهواء يغسل ماتبقي من جراح العمر . وهواء هذه البلاد حتما ستعيد للقلب شرايينها التي سكتت (عن الضخ) .
شكراً حيمورة وموعودة بالخير
خضر
| |
|
|
|
|
|
|
| |
خضر حسين خليل
معاوية كرفس
سفيان بشير نابرى
محمد عبدالرحمن
Ehab Eltayeb
humida
Ishraga Haimoura
فيس بوك
تويتر
انستقرام
يوتيوب
بنتيريست