نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 من الخرطوم ..... سلامات
|
أستلقيت في مقعدي المخصص في طائرة ذاك اليوم علي الخطوط العربية قادماً من بلاد ( حكيناها فأدمتنا دروبها) فور جلوسي بدأت في عملية إسترجاع لشريط سنواتي الاربعة (الا) التي قضيتها في تلك البلاد (العويصة) .
لاأدري كم من الوقت أستغرقني ذلك لكن هذا ماحدث .
كنت أحمل في جيبي اليمين بعضاً من (الريالات) القليلة طبعاً بحسابات سنوات الاغتراب . حساباتي كانت تختلف للامانة كثيراً كانت تتجه نحو ثروة أخري راكمتها سنوات الغربة فغزلتها حتي أصبحت تضاهي صناعات (لانكشير) نفسها . كان في مقدمته ( هم العيشة الحرة الدغرية) وقصائد باقية في البال .
وأنا غارق في شريط ذاك النهار تعجبت لفكرة أن تمضي سنوات هكذا من عمرك دون لون أو رائحة أو مذاق ... رتابة الحياة التي عشتها هناك علمتني كيف تحب هذا الوطن الغارق في البساطة .
نسيت أن أقول أنني كنت أحمل الي جانب تلكم الريالات عدد لاذلت أشتم فيه رائحة تلك البلاد من صحيفة الوطن وعدد من مجلة (المجلة) كنت موهوماً أذ ظننت بأنهما ستعينانني في رحلتي هذه . فأكتفيت بقراءة سريعة للمانشيستات ومن ثم العودة لمربع الزاكرة .
قطعت تفكيري بالدخول في فكرة أخري هكذا دون أي محاولة مني للمواصلة في سياق الفكرة الاولي . بدأت أفكر في حال الخرطوم وحال أهلها خاصة بعد الخيبات السياسية الكبيرة والصغيرة التي وقعت ( هكذا الخرطوم شيال مصائب دوماً ثم تذهب مساءاً بغنج)
قطع تفكيري كابتن الطائرة مهنئاً ايانا سلامة الوصول لمدينة الشارقة وما أدراك ما الشارقة وتلك قصة أخري .....
نواصل
خضر
الخرطوم
|
|
 
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
ويـــــــــــــــــــــــــــــــــــــــــاااااااى
ويـــــــــــــــــــــــــــــــــــــــــاااااااى
أسمع دى بى صوت وردى فى اغنيته الجديده0000(سلامات
هديه منى
ياخضر
وأشر على جهة الخريطه فى القلب
وماتنسى
| |
|
|
|
|
|
|
|
|
|
Re: من الخرطوم ..... سلامات (Re: عمر ادريس محمد)
|
خضر أيها الخط المستقيم... وذاوية الصدق في مثلث متساوى الأضلاع
حمدلله على السلامة
اتوهط... بترهل .. وعش ليالينا الغنجة.. ونهاراتنا المدهشة الموغلة في الجري.
لك كل الأمنيات أوسعها..
أبوالشوش
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
خضر حسين
أزيك وسلامات
وحمد الله على السلامة
كان تدينا خبر يا الحبيب نلاقيك في المطار ونحسن إستقبالك ...
هلا فيك والله ...
يبقى نشوفك قبل تمشي الشمالية .... الستة دي كلنا معيدين في الشمالية ...
مع محبتي
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
العزيز خضر
والله ليك وحشة وكل سنة وانت طيب
اولا حمد علي سلامة الوصول ولو كانت متاخرة
بالله كيف لقيت الاهل والاحباب
نحن هنا كما تركتنا لاجديد وكل في همه
بالله ماتنسانا من الشمارات وتتحفنا بيها دائما
ونلتقي بعد العودة من الحج باذن الله وسادعو لك بالتوفيق ان شاء الله عند وقوفي
في رحاب عرفات الطاهرة
خالص تحياتي للجميع لاسيما الباشمهندس ماهر وقول ليه مالك قطعت اخبارك
لك ودي ،،،
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
| Quote: كنت أحمل في جيبي اليمين بعضاً من (الريالات) القليلة طبعاً بحسابات سنوات الاغتراب |
يا خضر ياخي انتا سافرتا في نص شهر ودا القدرنا عليهو الله يعني مساهمات الشباب في الكشف كانت على قدرهم وأهو برضو أفضل من أن يبكي جيبك اليمين على جيبك اليسار فتجلس الحبيبة تبكي عليك وبعدين ياخي انتا زمان كنتا بترضى بالقليلة انتا بقيت كوز ولا شنو ياخضر ؟ بعت القيم والمبادئ ياخضر؟ تنازلت عن الاشتراكية ياخضر؟ بقيت رأسمالي يا خضر ؟؟ نهبوا ضميرك يا خضر؟؟ سأظل أبكيك محتضناً بندو ولطيف زملاء كفاح الغربة والدعم المسلح أرضاً يا حيف اربعة سنوات راحت هدر
| Quote: عدد لاذلت أشتم فيه رائحة تلك البلاد من صحيفة الوطن |
تذكر يا خضر كفيلك الصحفي الفي جريدة الوطن الكنا جارين وراهو قبل العيد عشان حفنة ريالات ؟؟ خضر بلاهي عليك احكي لأكيج عن ما يفعله العرب في الغلابة حالتنا عشان تعرف من أين أتى أولئك الذين يتبجحون في بلادنا وينعمون بخيراتنا وينهبون ثرواتنا وكمان يشتمونا آآآآآه يا خضر صدق القال أن العرب أشد كفراً ونفاقاً
تحياتي للحبيبة وقول لأخونا أسامة داود كل سنة وأنتا طيب والسنة الجاية ذي ما عايز ( ياربي حيكون عايز شنو يا خضر ؟؟) سؤال صعب مش يا خضر
| |
|
|
|
|
|
|
|
|
|
Re: من الخرطوم ..... سلامات (Re: Badri)
|
Quote: يا خضر ياخي انتا سافرتا في نص شهر ودا القدرنا عليهو الله يعني مساهمات الشباب في الكشف كانت على قدرهم
|
حسي عليك الله يا البدري في داعي للفضايح دي . . . كشف وما كشف . . . شكيتك علي الله
| |
|
|
|
|
|
|
|
|
|
Re: من الخرطوم ..... سلامات (Re: هشام آدم)
|
عزيزي جدا خضر
كل سنة و إنت بألف خير
و حمدا لله على السلامة .. أرجو أن يكون كل الأهل بخير.
أرجو أن تواصل سردك و يا حبذا لو ركزت على حكاية تجارب الإغتراب و ما صاحبها من تداعيات سلبا أو إيجابا ..
و تحدثنا عن إستقرارك هناك ..
في الإنتظار
أرقد عافية
| |
|
|
|
|
|
|
|
|
|
Re: من الخرطوم ..... سلامات (Re: راشد يحى مدلل)
|
رافقتك السلامة.. لتحتضن الوطن ابنا يحمل من الهموم وتجارب الغربة (ولو كانت قصيرة ) بحساب ومهوم اهلنا النوبيين اول 15 سنة هي الصعبة !!! وتبقي الرياض في غياهب العتمة وترهل العمل بغياب النشطاء !!!
لك المودة والامنيات الطيبة !!
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
سلام كتير وشوق ثم شوق
جري الوحوش هنا إيقاع أسرع من نفس خيل ( العدو)
عمر محمد أدريس
قادتني قدماي مباشرة نحو الثورة الحارة (21) كان محجوب صديقك في أنتظارنا علي غير موعد ذهبت وأديت له قسم ( عدم الخروج من هذا الوطن) مرة أخري أحتضنني حدثته عن اشواقك ( شوق شوق) وعن الغربة وعن هذي البلاد حدثته كثيراً كان ( صاني ) زي عوايدوا شربنا من ( زيروا) العامر بالمحنة ثم غادرنا أنصرفنا .
هو لاذال كما تركته ضواي ووسيع زكرك بالخير وحدثني عن ايامكم كثيراً رأيت في عينيه بعضاً من الحنين الحنين ياعمر ياعزيزي لايامكم .
راسلني ياصاحبي وأسفين علي التأخير
بالمناسبة
بجانبي ميمي ودكة وأشرف . لم يفارقوني ساعة أشرف غني لنا بالامس ( تحت ) العمود كان جميلاً أهديناكم ماتبقي من الليل بتفاصيله فأهدونا بعض من حضوركم وعودا مرة أخري وسدوا مكانكم .
والشوق بحر
...........................................................................................
محمد الحسن
أذيك ياخينا
سلام عليك من كل فج
شكراً للحضور ( وحمديل السلامة) السودان جميل ياصاحبي تحسست ذلك قبل أن تطأ قدماي أرض البلاد هواء خفيف لفني ربما كانت الخرطوم ساعتها تحاول أن تعيدني لدوامتها الاذلية ( كتاحة مابتدي الدرب) سأكتب لك ولي وللاصدقاء عن هذه البلاد المدهشة المطمئنة علي قول الاصدقاء الذين لم يحبطوا بعد جراء الخيبات . أنتظرني حالما انتهي من المشاوير .
شكرا
...........................................................................................
أبو الشوش
أذيك ياجميل
مساءات هذه البلاد تجعلك تعيش في أنتصارات مؤقته حالما تزول بزوال المؤثر (الليل لاتمش بعيد) نهارات الخرطوم لاذالت كصبية تفتش عن باقي طفولة ضاعت منها وهي تمشي علي عجل بالله بلغ عني التحايا لللاصدقاء بمنتدي عمارة فرداً فردا ولينوب عنهم صلاح وسمير وعوض الله وكلامينكوف وكل الذين ابادلهم المحبة .
شوق وسلام يادوغري
..........................................................................................
حمد فتح الرحمن
أذيك ياجميل
أنتظرتك في ذاك المساء الذي أتلفته بعدم حضورك أنتظرت تلفونك أكثر من أنتظاري ( لحبيبة في الخاطر) تخيل حضرت اليها أيضاً ولم أجدها . عموما لاذال البحث عنها جارياً علي قدم وقدم . شوق يامرتاح والزير تراني حارسوا ومتوهط جنبوا .
كتير خيرك
...........................................................................................
السوباوي
أذيك ياالمبروك
شكراً للجية وشكراً لهذا الوطن حأكتب ليك عشان تشوف أي خيار كان خيارنا ياصديقي وأي فقد كان فقدنا واي بلاد تلك التي أنجبتنا الان أنا أصبحت أكثر كفراً بالاغتراب (فال اليخونك ويزدريك) قرب جاي ياخينا سلامي لعزيز وكل الاصدقاء .
..........................................................................................
عاصم ياكتة
تحايا لك ولهاجر ولملاذ الامنيات
شكراً لحضورك وشكراً لروحك ياصديقي .
كته قاطع مالك ....
...........................................................................................
عبدالله ابراهيم الطاهر
عفوا اذا كان القليب ضماك في الاحساس هوا
ياصاحبي لك كل الكرنفالات القادمة ولك الاعياد كلها للاسف معيد هنا وماشي سنجة رابع يوم تلفونك فاقدوا (جدا) لااراك الله فقدا في عزيز لديك . ده تلفونوا ومنتظرك في موبيتيل (0915399515) يلا سمعنا صوتك .
...........................................................................................
سأعود للباقين (واحد واحد واحد)
وكتر خيركم كلكم
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
خضر الخضر ،، حمدا لله على سلامة الوصول ، بلحيل كنت خايف عليك من كترت ملاهاتك بالوطن وحنينك إليه،،
يعني خلاص كملت الحندكة هنا وقطعت البحر وقفت فوق القيف البيغادي تواصل ما انقطع من حندكة ،، عليك الله الوصية بالمهلة : المركب لا تأخرها بهناك رسلها لينا عسى الله يرفع ساجورنا ونعدي معاكم للضفة التانية الاكثر خضرة وحنين ودفء.
هنيئا لك.
شرووم
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
هشام أدم
جيت وكملت (العشاء) كنت واثقاص من حضورك يعلم الشوق ذلك ماذا عن بكاب سلامي له وقول ليهو ( صابونك وصل ناقص) وترهاقا لاذالت صامدة وتشتكي غيابك .
...........................................................................................
خالد جمال
حجاً مبرورا
تمشي وتجي باللاسمة تهانينا مقدما لك وللوالد والوالد الاهل هنا جيدين ومناسبين ومفتقداكم جدا جداً عجلوا يااصدقائي تعالوا وحصلوا هذا الجمال.
تنبيه ياخالد
هنا لامكان للمنبه علي الاطلاق
سلامي للجيران والاهل
...........................................................................................
مني خوجلي
تحياتي
شكراً لحضورك هنا سيدتي الامنيات أن نلتقي هنا في الخرطوم او في عيد في الشمالية السودان يفتقد خطواتكم وحسكم كوني كما اود عافية وشوق .
..........................................................................................
متوكل بحر
اذيك ياخينا
سلام وود
ولايهمك ياصاحبي وياريت نتلاقي عديل ( السلك ده ماببل الشوق ) شوق ثم شوق
..........................................................................................
بدري
اذيك واذاي (العواليق) المعاك صداع ماهر محمد الزبير والذين معم
وصلت الخرطوم ومكانكم لاذال شاغراً ( دمعة ذاك المساء) وعلي علاتها ستكون دوماً في الخاطر بكتب ليك في رد طويل بس أرجوك ماهسي هسي أخوك مشغول حبتين .
نقطة اود توضيحها .... القروش وين يابدري قروش الجمعية وين ياشاب ؟
تحياتي للاسرة واهلي ناس لشرقية خالد الطيب ام سهي زهير عوض هارون وكل الجميلين
حأجيك راجع
بدري بالمناسبة انا هسي في السوق العربي ( حندكتك مش كدة)
سأعود مرة أخري
خضر
| |
|
|
|
|
|
|
|
|
|
Re: من الخرطوم ..... سلامات (Re: عزاز شامي)
|
ياود ياخضر
حمد الله على سلامة وصولك ..وان شاء الله البلد مرحب بيك ..
كلام ابوساندرا ده (ماترميهو واطة ) امشى شوف الحاصل بعينك
وزولنا ده الظاهر بقى عليك ..غير كده والله (رشيدة ) عندها
(مفروكة بامية) ماتدى الجنبك ..يعنى لو رفضوا اوراقك
بالميت بتطلع ليك بغدوة مكربة ...
ودى
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
أعود مرة أخري للاصدقاء
أبو جهينة
سنلتقي في الزمن النضيف ( بس أرخي أضانك للبلد ) شكرا للحضور الجميل
.........................................................................................
راشد يحي
أذيك يامدلل
ليلة جميلة بكل المقياييس ورغم أنني كنت مشغولاً بالسلام والاذي منو الا أن عقد الجلاد كانو مناسبين جداً ومدخل جيد نستقبل به سنة جديدة مليئة بالاحلام .
ثم طلال ده عرس متين زاتو ؟
راشد تلفونك ياصديقي.....
..........................................................................................
ولياب
أذيك والجاية علي الامنيات
وجودكم خير داعم للقضية النوبية فشكراً لايامي التي قضيتها بينكم أمنيات لاتحد بوحدة نوبية حول قضاياهم العادلة والمضي قدماً نحو الحلول . شكراً مرة أخري صديقي ولياب
..........................................................................................
شروووم
وتر الكمنجات (ما) أترخي
وسكب الاغاني علي الارض
دوبيت
نشيد
شعر
وتقابة خلاص
وليل المغنين (ما) أنهزم
وياداك صباح المشتهين
مشرور علي قيف الامل
والنيل موهط في الجبين
لا أتبل شوقنا من الهتاف
لارجعت قوافل الكلمة
لي هذي الدروب
ولا صابو الدوار حرفي
( خضر )
حندكتك بالذي رفع قدمك عن هذه البلاد المطمئنة أرجع ياخينا وعمر خلاوينا أفتقدكم بشدة هذه الايام أخوك متجدع من شارع لي زقاق ومن بيت لي ضل .. ياسلام ياصاحب .
تحايا واشواق تعلمها جيداً
سنهبكم من ليالينا المزيد ياصديق
..........................................................................................
مسعود علي
(والدهشة ساساقت الدروب لي وين تمش )
الخرطوم مدهشة كما ذكرت وأنا لاأملك الان سوي السرحي هكذا فاغراً جوفي سلامات ياجميل
.........................................................................................
أبوساندرا
سلامات يازول يازين
أعتزر للتأخير وعدم الجية ( رقدت لي رقدة خفيفة) بالامس أبلغتني هميمة بأنك غادرت هذه البلاد عائداً الي بلاد الاخرين حتما سنلتقي ومابيننا من نقاشات ستصلك حتما .
حأمشي البيت وأصاحب ناس البيت كلهم واليبقي يبقي .
..........................................................................................
بدري
ماذا عن حائط البؤساء
صداح بقي يلقط قروش ولاشنو ( رسالة في العيد مافي) يبدوا أنه أنتبه أخير لسبب الوجود تحياتي لقلبك العامر بالقوارير .
..........................................................................................
عثمان حسن الزبير
حاسني مالك ياخينا أركب تعال تغيظ حسادك أكتر صدقني هنا هواء نضيف ومجاناً وداعاً للفريون ياجميل شكراً للحضور
..........................................................................................
عزاز ياشامي
أذيك وأمنيات لاتحد لك ولست الحبايب عام جديد عمر مديد حياة هانئة
الغربة مرة وأنا أعلم ظروفها وتصاريفها جيداً التفي أكثر بمن تثقين فيهم حينها ستردين سهام الغربة وتنعمين بهدوء نسبي سلام ياجميلة .
..........................................................................................
محمد عبد الرحمن
وينك وينك
ماقلت بتجي
للاسف ماقدرت الم في أبو ساندرا لكن (بنلم في عقابوا أكيد) والمفروك ده حنتغدي بيهو قبال ما يتعشي بينا أبو ساندرا سلام ياصاحبي وكل سنة وأنت طيب وأهلك بعافيتهم .
رقمي ياصديقي 00249915399515
مميز مش كده هكذا السودان يكرم من يشاء .
..........................................................................................
محمد صلاح
بنبن
أذيك وأذاي رجاء
لكم ماحلمتم به
الوطن كما تركته ياصديقي جميل وضواي ووسيع وفسيح أدري أن رغبتك في العودة لاذالت هي أرجع ياخينا وبلاش الغربة .
سلامي للجميع الخبر الدمام وبالعودة
..........................................................................................
شكراً لكل الذين حضروا هنا شكراً للجميع وأسفين مرة تانية علي التأخير
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
نواصل هنا
المطار كان كبيرا جداً تزاحمنا نحن المجموعة القادمة علي تلك الخطوط لايجاد ثمة مخرج وكنت أظنني لن نجد موطئ قدم أسقبلنا ذلك المطار بمجموعة من الفتيات والصبايا جميلات حد الدهشة أتوق جداً لرؤية هذه الكائنات الجديدة . جديدة بمقدار اربع سنوات الا .... ولأول مرة أري الإخوة الاسيويين مبسوطين . هكذا الحرية ما إن تتجه في أولي خطواتك لنزع القيد حتي تملأ فمك الإبتسامة لتحولك بقدرة الحزن لاسعد كائن بشري علي وجه البسيطة . يالجمال الإبتسامة عندما تأتي هكذا دونما ( تحانيس) كنت أحمل في يمناي شنطة (هاندباك) مليئة بالزكريات التي خلفتها الغربة ومليئة بخردوات العمر كله وبأحلام سنوات ستأتي . قادتني قدماي مباشرة نحو أسواق تلك البلاد المفرطة في الحرية هكذا إذن تباع الخمور بأنواعها (علي عينك يابتاع الكاشير) التفاتة لخلفي كانت كفيلة لأري تعطش الاخوة سودانيي الخارج لفقدان الوعي . وهكذا قادتني قدماي مرة أخري بعد أن سكرت من الفرجة فخرجت بعد أن تأبط السعادة . الان يمكنني أن أحكي لميمي ودكة وأصدقاء الليل عن كمية الخمور ( الراقدة ساي) هذا المخزون سيكفي سكاري البلاد الي يوم يفرحون .
تناولت ماتناولت من السندوتشات بيض شاورما جبن لاأذكر بالتحديد غير أني تناولت الكثير .
سبع ساعات كانت كافية جداً لاذالة أحزان العمر كله غسلتني هذي السبع جيداً فعدت لا أولوي الا علي الفرح هكذا إذن ما إن أسمع النداء ويكون بيني وبين هذا السودان الواحد الاحد مقدار اربع ساعات أحلق فيها فوق أجواء الدنيا والعالمين .
نواصل
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
مني خوجلي
إذ زارتنا الأحلام والامنيات هنا مرة أخري جميل هذا الحضور والاجمل ( سودانا العجابنا) بالأمس قادتني قدماي للسوق العربي تجولت فيه (جنس حوامة) كنت كالهائم أتفرج في عباد الله أتونس لوحدي وكنت مفتوناً كعادتي ببساء هذا الشعب الفنان . عربات الشرطة التي غزت ثقافة هذا الوطن وبالرغم من كثرتها لم تفسد علي بهجة الاستمتاع . الكجر يامني يسدون الدروب والامال لاذالت كما هي رهان ثم رهان علي هذا الشعب وقدرته في صنع المستحيل لاشيئ لي لك الان غير الاماني الطيبة وبيت من الشعر لصديق همنا المشترك محجوب شريف ( إذا سديت مطامن الارض وأنطامن علي أبوابا كيف تضمن سما الخرطوم سماها الماها كضابا) ....... شكراً مني وخليكي قريبة .
..........................................................................................
عمر أدريس
تحياتي ياصديقي
منذ حضوري لك أن تتخيل ( مصاقرتي ) أمام الازيار ( لامين قربنا نلحق الزي سالم. محجوب يودك حدثني عنك كما ينبغي الفة وود كانت تنطلق من عينيه ربما لسعته بكهرباء الحنين وأنا أذكر أسمك أمامه أتاني بحلوي ( أسماها بروحه المرحة حلاوة خضر) أحتفظت بها في جيبي ولاأزال .
دكة خرج لتوه من هنا ( سايق ركشة) أكاتبك من الكلاكلة اللفة مزدحمة جداً اللفة والكواريك مابتديك الدرب باعة متجولين ومتجولين ساي وناس ماشين وناس جايين هكذا كان صباحي .
بجواري الان عددين يفتقدان لتحليلاتك الموضوعية الايام + الصحافة .. لاذالتا تحتفظان بنكهة الموضوعية وتلتزمان جانب الشعب . كون بخير ياصديقي خليك كويس .... ولا يهد الحنين جواك أبد.
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
خضر أخوي
غيابك ..يزعجنا كما الناموس بليلة كثيرة الحرارة
نغطى الكرعين تخمش رؤووسنا
وبالعكس
كنا في زكرك ليلة أول امس
وافتقدناك
النذير جريس ومحمود اكمنتود
وكان سؤالنا
هل تناولت كثيراً من الوطن
فكانت اجابة النذير انك
تدمن تناول ليالي الخرطوم
وتثمل من غبار اسواقها
أبق لنا في الدن قليلاً من الوطن..
لك الود كاسا من الشوق
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
ألف مرحب بك في الوطن الممكون وصابر.. إلى منى لا أدري؟؟
أظنك أدركت بالملامسة أن لا سبيل لتحرير وطننا وتحقيق العيش الكريم لأهله ناهيك عن الرفاهية وزبانية المتأسلمين والموالين لهم على سدة الحكم ..
إيدك وإيدي وأيادي كل الشعب المقهور لكنس هؤلاء من كراسي السلطة ووطننا قراؤه يكفي أهله وجيرانه.. هيا نشد الخيل لمعركة التحرير..
سآد آشا
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
شوقي بدري
أذيك ياجميل
بالاس اهدتني الخرطوم ليلة أظنها ستكون خالد نوعاً ما كنا جميعنا الاصدقاء والليل والعود وتفاصيل أخري سيحكيها لك النزير ذات صفاء ما . بدأ ليلنا ياصديقي من رابعة نهار الامس أثاره ظلت باقي وستبقي في وجوه كل الاصدقاء الذين عبروا عن أمنيات لاتحدها حدود الكي بورد كنت مستمتعاً كعادتي بهؤلاء الذين ماحدثوا أنفسهم الا بالوطن ( طوالي هم مهمومين بهذا النشيج الذي أسميناهو وطن ) ليالي الخرطوم ونهاراتها البيضاء تفتقدكم جداً ( وخيمة السعودية دفوا مابتدفيكا لبن اليهودية بلدك ينسيكا قمحاً من أمريكا خازوق ركب فيكا غير خير بواديكا مافي البكفيكا) وأنا وأنتم وأخرون في الامنيات سيخرجون هذا الخير حتي وإن طالت ليالينا . شوق وسلام لكل الذين يجالسونك في غيابي حاضرون هم بما تركوهوا في دواخلي من نقاء تحياتي لهم واحد واحد وزول زول . وسلام عليك من كل فج
خضر
.........................................................................................
الجليلة سعاد
شكراً لانك لاذلت تقاتلين من أجل العدالة الاجتماعية وقضايا الانسان شكراً وإنت ترحبين بي في هذا الفضاء . الممارسة علمتنا الكثير وتجربة الانقاذ كانت ملهمة لكل الاحرار والشرفاء لدغنا كثيرا من سياسات المتأسلمين وشعبنا كما تعلمين سيد العارفين يوم قصاص قريب عادل سيأتي هذه قناعاتي بشعبي الذي يقتل ولا يموت .
معاً من أجل وطن حر وشعب سعيد
تحياتي مرة أخري
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
الزميل الرائع / ود حسين
كل سنة وانت طيب
وحبابك فى بلادك ويا فرح بيوت الطين بى جيتك وصحاب الهم بحضورك وما اسعدك ...
بختك ونحن ما زلنا نتسكع فى هذه الاماكن التى لا نحس بالانتماء اليها واشيائها المزعجة والمحبطة وتفاصيلها الغريبة التى لا تخصنا فى شئ.
سلامى للرائعين هناك وسلام وامانى بعام جديد سعيد للاهلية وناسها من عم سيد الى الخالة جمعية مرورا بكل ذلك الزخم الحميم من ناس واماكن انت تذكرها جيدا..
اتمنى لك التوفيق وجاييكم بس القدم ليهو رافع
لك الود
تقبل تحايا وسلام صالح والطيب وبقية الشتات
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
أذيك يامحمد أحمد( حمدون)
أمنيات العيد ياصديقي والاعياد القادمة كلها لك وللاصدقاء في الشتات . بقلب وجل تابعت مجزرة ميدان (مصطفي محمود) كنت والاصدقاء وسودانيي القاهرة في القلب قبال العين . مؤسف ياصديقي أن تنهار أحلام الكثيرين بالعيشة الحلوة الدغرية لتنتهي تحت أبوات عساكر مبارك . وخراطيم المياه الساخنة التي ذهقت أرواح الأطفال الابرياء كان يبل ريقه من نيلنا الذي هجره السودانيين بفضل سياسات البطش والقهر . يامحمد عودوا وأرجعوا لهذه الديار عودوا لنستكمل تفاصيل ثورة سودانية ينعم فيها شعبنا بالامن والرخاء عودوا أصدقاء فالميادين التي ضاقت بأرواحكم حتماً ستقودكم لجحيم أخر .
ذهبت كما العهد للجامعة الاهلية هالني ما رأيت الاولاد والبنات والملصقات ذهبت أولاً نحو حائط الجبهة الديمقراطية وجدت المتاريس ( شامخات في بلادي) قرأت مانشيتاتها برواقة وبإطمئنان بعدها مباشرة وجدت نفسي أقالد في (جمعية) لاذالت كاهي شيبتان فقط في الرأس وبعض من تجاعيد الزمن . شربت قهوتي وما أحتملت البقاء فغادرت الاهلية وعيناي تراقبان مدرجات العلوم الادارية .
تزكرت وأنا عائد صالح ود الرقيقة بكامل أناقته وصديقي الطيب الجعلي وهو (يمد يده في أنتظار تخميسة برنجية) عدت يامحمد عدت ياصديقي ليستقبلني (الكبري الجديد) برياحه العاتية القيت أخر أحزاني وأنا أتأبط فرحي حينها لم أجد من الارض متسعاً لهذه السعادة التي تمثلني أو أمثلها الان .
تحياتي ياصديقي للجعلي وقول ليهو البرنجي بقي مايديك الدرب
ولصالح أستكمال بدلته الانيقة وأنا هنا لمنتظرون .
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
أذيك يامحمد أحمد( حمدون)
أمنيات العيد ياصديقي والاعياد القادمة كلها لك وللاصدقاء في الشتات . بقلب وجل تابعت مجزرة ميدان (مصطفي محمود) كنت والاصدقاء وسودانيي القاهرة في القلب قبال العين . مؤسف ياصديقي أن تنهار أحلام الكثيرين بالعيشة الحلوة الدغرية لتنتهي تحت أبوات عساكر مبارك . وخراطيم المياه الساخنة التي ذهقت أرواح الأطفال الابرياء كان يبل ريقه من نيلنا الذي هجره السودانيين بفضل سياسات البطش والقهر . يامحمد عودوا وأرجعوا لهذه الديار عودوا لنستكمل تفاصيل ثورة سودانية ينعم فيها شعبنا بالامن والرخاء عودوا أصدقاء فالميادين التي ضاقت بأرواحكم حتماً ستقودكم لجحيم أخر .
ذهبت كما العهد للجامعة الاهلية هالني ما رأيت الاولاد والبنات والملصقات ذهبت أولاً نحو حائط الجبهة الديمقراطية وجدت المتاريس ( شامخات في بلادي) قرأت مانشيتاتها برواقة وبإطمئنان بعدها مباشرة وجدت نفسي أقالد في (جمعية) لاذالت كاهي شيبتان فقط في الرأس وبعض من تجاعيد الزمن . شربت قهوتي وما أحتملت البقاء فغادرت الاهلية وعيناي تراقبان مدرجات العلوم الادارية .
تزكرت وأنا عائد صالح ود الرقيقة بكامل أناقته وصديقي الطيب الجعلي وهو (يمد يده في أنتظار تخميسة برنجية) عدت يامحمد عدت ياصديقي ليستقبلني (الكبري الجديد) برياحه العاتية القيت أخر أحزاني وأنا أتأبط فرحي حينها لم أجد من الارض متسعاً لهذه السعادة التي تمثلني أو أمثلها الان .
تحياتي ياصديقي للجعلي وقول ليهو البرنجي بقي مايديك الدرب
ولصالح أستكمال بدلته الانيقة وأنا هنا لمنتظرون .
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
ألف مرحب بك في الوطن الممكون وصابر.. إلى منى لا أدري؟؟
أظنك أدركت بالملامسة أن لا سبيل لتحرير وطننا وتحقيق العيش الكريم لأهله ناهيك عن الرفاهية وزبانية المتأسلمين والموالين لهم على سدة الحكم ..
إيدك وإيدي وأيادي كل الشعب المقهور لكنس هؤلاء من كراسي السلطة ووطننا قراؤه يكفي أهله وجيرانه.. هيا نشد الخيل لمعركة التحرير..
سآد آشا
أمنا الحبيبه سعاد
يا
خضر
أى صوت كان يمشى فى ألدماء
ورصاص وسحابات دخان
وبقاء
بقاء
هل تركنا بعضنا بعضا
هل نسينا أن نشد على أيادينا
ضاعت صرختى فيكم فأصبحتم زحام
مصطفى ترنيمه بالعود
| |
|
|
|
|
|
|
|
|
|
Re: من الخرطوم ..... سلامات (Re: عمر ادريس محمد)
|
Quote:
ذهبت كما العهد للجامعة الاهلية هالني ما رأيت الاولاد والبنات والملصقات ذهبت أولاً نحو حائط الجبهة الديمقراطية وجدت المتاريس ( شامخات في بلادي) قرأت مانشيتاتها برواقة وبإطمئنان بعدها مباشرة وجدت نفسي أقالد في (جمعية) لاذالت كاهي شيبتان فقط في الرأس وبعض من تجاعيد الزمن . شربت قهوتي وما أحتملت البقاء فغادرت الاهلية وعيناي تراقبان مدرجات العلوم الادارية .
تزكرت وأنا عائد صالح ود الرقيقة بكامل أناقته وصديقي الطيب الجعلي وهو (يمد يده في أنتظار تخميسة برنجية) عدت يامحمد عدت ياصديقي ليستقبلني (الكبري الجديد) برياحه العاتية القيت أخر أحزاني وأنا أتأبط فرحي حينها لم أجد من الارض متسعاً لهذه السعادة التي تمثلني أو أمثلها الان . |
الزميل العزيز / ود حسين
هى الايام تفعل افاعيلها حتى باشيائنا الجميلة التى اردنا ان نحفظها من كل غدرها .. كم تمنيت ان اكون معك ..هناك التفاصيل الحميمة وحتى الهم ينتمى اليه باريحية لا تعرف الاحباط او الزعل
كل صباح ارتشف قهوة لا مذاق له ولكننى اتخيله بطعم- جمعية- تلك الامرأة النخلة التى لا تحس معها الا بالالفة والحب والامومة حتى لو لم تتعرف عليها جيدا . هى والاهلية تالفتا روحهما معا واستعصتا على كل افات النسيان .. تزيدهما مرور الايام وتداعيات الازمان والكروب شكلا مهيبا واجلالا اكبر واعمق ورغبة صادقة فى مواصلة العطاء .. لكليهما اتمنى دوام الصحة وطول العمر.
الجبهة الديمقراطية تلك اجمل المحطات واصدقها لاصراراها على الحفر فى الجدار بحثا عن ثلة الضوء ورغم ضالتها فهى شعلة ستظل تنشر بريقها وضجيجها وخطوطها ان لابد يوم باكر يبقى اخير وتتحرر كل شبر من بلادنا من الخوف والجوع والذل والمرض ..
دعهم يعيشون حياتهم فهم جيل لم يجد الا الهزيمة والقهر ويدفعون اثمان اخطاء لم يرتكبوا منه شيئا سوى انهم الصاح فى زمن خطأ. احسه جيل يملك الكثير ليفعله ويقوله فقط عليهم البحث عن طرائق لقولها وقليل من الصبر والاتزان ..
لك الود ايها الحميم فقد اخذتنى فجأة الى تلك الفضاءات التى ادمنت دروبها وشخوصها وكل تفاصيلها والفتها جدا
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
عزيزي حمدون
تحياتي ياجميل
أعزرني ياصديقي إن أصابك رشاش من زكرياتنا (ده الله وده حكمتوا) ولك أن تتصور أنني أكتب لك الان من (وازا) بجواري الان صديقي (كوارث) لاذال حظه العاثر يقوده من عمل لعمل أخر وبقربي حسناء من شقروات البلاد أظنها تكتب لحبيب في الغربة ربما كان هذا هو سبب الدموع التي تحاول أن تداريها في هذا الهار الخرطوم القائظ هكذا الخرطوم وما أن (تسخن) حتي تطلع الزكريات والاحزان كلها وهي تمد لسانها لك وعلي عينك يا (صبر).
الاهلية جميلة سأكتب عنها غير أن الذي فاجأني سؤال طرحته لاحد ركاب احافلة ي ذاك النهار ونحن في طريقنا للاهلية سألته ببراءة الطلاب ياخينا لساكم بتمشوا تزوروا قبر البروف محمد عمر بشير في عيد الجامعة؟ أجابته كات خيبة أخري من خيبات هذه البلاد فسحبت نفسي علي عجل من الونسة .
يامحمد سأكتب بيمين الذي بيننا سأكتب ياصديقي بالله عليك وصل الاشواق للجعلي وود الرقيقة ومن لف لفهم في بلاد مبارك .
...................................................................................
عمر أدريس
تحياتي ياجميل .
وسعاد أشا هي أحدي ملامح هذا الوطن الجميل
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
نواصل
.........................
أربع ساعات كانت الطائرة تحلق فيها علي أجواء مدن كثيرة وكنت أنا محلقاً بروحي نحو مدينة أختزنت جل أمالي بجرة حب . الخرطوم وحدها من تملك كل ذلك الجذب الصوفي شدتني كما شدت الملايين نحوها أربع ساعات وأناأحلق لوحدي في سماوات البلاد في خيباتها في أحزانها في جموع من غادرتهم وجموع من غادروني بعد أن تركوا بصماتهم في حياتي . أرتبكت وأنا أري الجالس علي يميني مضطرباً بعض الشئ أذ كانت الطائرة تمر بمطب هوائي ربما كانت هي الاخري تحاول أن تستعيدني بقدرة الخوف الي الواقع وماربحت تجارتها .
الان كابتن الطائرة يهنئ الركاب علي سلامة الوصول مع التحزيرات بضرورة ربط الاحزمة ( نحن ياسيدي القبطان شعب ولدنا ونحن نربط من الاحزمة مايكفي لتقييد شعوب العالم ) لذا دعنا من هذا السخف هكذا كنت أردد مع نفسي فأي حزام هذا الذي سيبقيني صامداً .
الان أري من النافذة بقايا أنوار ربما هي الجمر الخبيثةهي التي جعلت من الخرطوم مدينة لاتري بالعين المجردة إجتهدت جداً وأنا أري ( نورين تلاتة) كانتا كفيلتان بإضاة مامضي من سنوات العمر في تلك البلاد ( الماكرة) .
تحركت بخطي ثابتة نحو البص ( المعد أصلاً للذهاب بنا لصالة القدوم) وجدت هنا ماوجدت من الحنين . الحنين ياسادتي الذي قتل أخاكم (.....) قبل أن يتسرب للاخرين من أبناء وبنات هذا الشعب الأنيق الاجراءات الروتينة سارت علي قدم وساق مددت للضابط جوازي ومددت بيسراي قسم البقاء أعاد لي جوازي مرة أخري . ذهبت لانتظر ماتبقي لي من متاع كانت الدموع وانهار الدنيا كلها تجتمع في عيناي الان جئتك غازياً ياخرطوم جئتك متصالحاً مع البقاء جئتك وأنا أكثر إلتصاقاً بفكرة ما بوطن ما بحزن ما بوجع ظاهر لايخفي لكل ذي بصر .
خرجت كانت جموع السودانيين هادرة كانت كمظاهر (ذات مطالب عادلة) كان الاولاد والبنات وبعض النسوة الائي قررن المجيئ لاستقبال من عادوا . بعضهن جئن للتعزية في قريب أو حبيب أو صديق مضي وبعضهن جئن لاستقبال يليق بالشوق وبعضهم أتو لود ظل غائباً في براثن الاغتراب .
وأنا كنت في أشد الشوق لاعزي نفسي وأعزي الجميع .
كان سفيان ينتظرني بكامل غبار (الشهداء) ممتطياً ذات الحلم الذي لا أدري من أين يستمد صموده بها في واقع يتناثره الاحتراب والاحباط من كل فج . وكان فيصل بلذعاته الساخرة وأخرون في الحلم والود الانيق .
وتحركنا أخيراً نحو الواقع .
خضر
الخرطوم
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
خـضـر..
تحية بتوقيت الوطن
كيف هى بيوت الطين هل ماتزال بذات الشموخ..
وكيف الوجوه السُمُر..
كيف (أبو ضلوع)..، تبريد(الباجة)،(الدبة) ومسار النيل
ثم كرمة؟
نحن ان سألت عنا مازلنا نرتشف القهوة السوداء فى أمسية كل جمعة ونقهقهة ثم يمضى كلٌ فى سبيله
تحية
| |
|
|
|
|
|
|
|
|
|
Re: من الخرطوم ..... سلامات (Re: walid taha)
|
وليد ياطه ياعريس
أذيك والاولاد
وصلتني تحيتك بتوقيت مدينة أمدرمان . بيوت الطين وجدتها كعهدها وإن كان هناك عمارات كثيرة نبتت هكذا من عروق أهل الطين وعلي حين غرة من مواطن السودان الاسمر البسيط . الخرطوم أيضاً مليئة كغيرها من المدن بغرباء أتو لان رائحة النفط بدأت تزكم الانوف لتحولنا لدولة ( عربنفطية ) مؤتمر القمة لم نراهو الا مثلنا مثلكم (البلاد كانت في عطلة رسمية) والرؤساء الافارقة كما مضيفيهم ( قنبو بيتو شبعو لحوم) وذهبوا تاركين الخرطوم مرة أخري لغرباء الوجه واليد واللسان (الناس ديل) .
ودباهي وتبريد الباجة والباجة ستطأها أقدامي مرة أخري هي لاذالت جنينة وتصر كعوائدها أن تلفك بغبار الارض ياصديقي .
لاتكثر من القهوة السوداء نصيحتي لك وللاصدقاء في الغربة (ماناقصكم مشاكل) .
ود وشوق للجميل دكين والاصدقاء تمبس تمبس ومعتصم وشتات وعموم بورداب وبوردابيات الرياض عنهم عزاز .
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
دكين الوغد
تحياتي ياوسيم
بالمناسبة بنطلونك الذي إخترته سقط في أول تجربة(جماهيرية)
عند أول إحتكاك أخاف جدا أن تذهب باقي خياراتك في أثره حتما
حينهاسأصبح عارياً الا من حب هذه البلاد وتلك التي في الخاطر
............................................
عن الاصدقاء/ت جميعهم بخيرين ورافلين فيالنعيم جنباً الي جنب المعايش
أيزابيلا وجدتها تماما كخطاها التي هنا وهناك بت مدهشة .تناولنا سيرتك
للحظات ثم أنصرفنا .
عمار جيد جداًموعود بمبيت أخر في (تورا بورا) حال إستقرارنا المادي قريبا
تحياتي لقلبك الاخضر يادكين
بالمناسبة عنها هي ...
حضرت ولم أجدها..
أراك بخير
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
مباشرة وبعد قدومي من العمل إتصل بي أحد الاصدقاء ليتأكد من حضوري لامسية درويش فكان له ما أراد عدت مرة أخري أنهب الارض نهباً للوصول في الموعد المحدد للقاء بشاعر الانتفاضة الفلسطينية درويش . كانت الخرطوم مزدحمة جداً ربما صادف حضوري زروة المواصلات تأملت الوجوه كلها ولكأنني أعرفهم أحداً أحد . كنت أحاور في شوارع الخرطوم بمهارة تفوق مهارات لاعبي السامبا . السوق العربي مليئ بالمعلبات والساردين وشنط المدارس وأكوام اللاجئين . لمحت من علي البعد شاب وشابة كانت أحلامها تتطاير في هذا المساء الخرطومي وصدقوني رأيت ما رأيت من الامال تسير ثالثهما . ربما كنت الوحيد (الماشي ساي) لذا لم يستمر معي قطع المسافة حتي الجامع الكبير أكثر من سبع دقائق .
الشوارع الخلفية كانت شبه فارغة من الجماهير ربما هذا الطريق الذي سلكته هو الطريق الذي يؤدي للقصر الجمهوري ربما . ربما كان هو ذات الطريق الذي ضل طريقه لجماهير شعبنا وأوصل المارون من خلاله لنعيم الدنيا ومجمل مطايبها . ماعليك ياصاحبي ستزول كل هذه الحمي وأنت تستمع لدرويش وهو يتحدث عن قهوة أمه الساخنة أنا أيضاً أتوق لجبنة أمي .
صادفت في طريقي أحد زملاء الدراسة كان غائباًبجسده ولكن وعيه كان أكثر حضوراً كان هو الاخر في طريقه لدرويش . ترافقنا وضحكنا دون أن نعير أي إنتباه لحركة الشارع وربما أؤلئك الذين كانو يتلصصون علينا من نوافذ الحافلات .
هكذا الاصدقاء ما أن يعثروا علي بعضهم حتي ليكاد يخيل إليهم أنهم الوحيدون في هذا الكون . وكان درويش أنيقاً كمفرداته في تلك الامسية .
نقيف هنا ونجيكم باكر .
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
العزيز خضر
لك التحية وانت تصول وتجول وترتع وتمرح وتـ ....... في ارض الوطن الحبيب
شنو الحكاية قاطع اخبارك ولا حتي برسالة واحدة بيه اصبر شوية والوعد بيناتنا
انو كل يوم تكتب الي
عموما ايه الاخبار واتمني ان تكون بكامل عافيتك واكيد مبسوط طالما بتاكل الفول
المصلح وبتسف من ودالريح
بالله كيف اخبار الاهل عموما وكيف اخونا الباشمهندس
ارجو ان تمدنا باخبارك بالتفصيل واخبار السودان عموما
ختاما لك خالص تحياتي
الكلام كتير والي اللقاء
| |
|
|
|
|
|
|
|
|
|
Re: من الخرطوم ..... سلامات (Re: ابو جهينة)
|
العزيز خضر حسين
اتصل بي حاتم محمد احمد(فرفور) من داخل الامسيه الشعريه واسمعني عبر الموبايل صوت درويش...ثم جاءتني رساله رقيقه من هشام مامان....ثم رساله ارق من مبارك شمبول...ثم رساله رقييييييييقه من (......)..شكلها كانت امسيه اكثر من رائعه...تحياتي لك ياغالي..وتحياتي لجميع الاصدقاء..ساحضر للسودان شهر سته..ودعنا نلتقي في تلك الناحيه من ذاك الزقاق....تقبل تحياتي وتحيات المدام...
نصرالدين عبدالرازق
السعوديه 0507668786
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
| Quote: كان سفيان ينتظرني بكامل غبار (الشهداء) ممتطياً ذات الحلم الذي لا أدري من أين يستمد صموده بها في واقع يتناثره الاحتراب والاحباط من كل فج . |
غايتو جنس حساده !!! فى الغبار ده حاسدننا ؟؟؟
ياخينا شوف ،،
ماعندى غير حالتى دى ، قدر ما قبلته هى (مداقرانى) ياصاحب خلاص بقينا صحبان
شديد وهى لا بتفوتنى لا انا بفوته.
اما درويش الذى زارنا ،،
ده كلام تانى
امنته بالله العظيم
وحياتك درويش ولاقى دراويش ،،
دى كانت ليالى رهبانية عالية فى الوجد
السمع فيها كان رهيفاً يضاهى اسطورة الاله
والقلوب وديعه وديعه
والوجوه صديقه واليفه
لاتمر أمام انسان وتنظر اليه
الا فرة منه بسمه،،
يـــــاالهـــــى
انها ليالى محرابية ، ممتلئية بالناسكين
اما بعد يا خضر:-
عودتك الى هذا المكان
تجعلنى اكثر سعادة.
| |
|
|
|
|
|
|
|
|
|
Re: من الخرطوم ..... سلامات (Re: سفيان بشير نابرى)
|
أذيكم ياشباب
............
طبعاً حأجيكم بكرة هنا (مفتوحة) تماما كيوم باكر (ضواي ووسيع) لذا من الاعزار ماشئتم للتأخير في التعقيب .
..........................................................................
خالد ياجمال
تحياتي ياوسيم قاطع أخبارك والله لو ( كان التلفون جبلاً لصعدت اليه ) علني أراك مرة أخري الوطن جميل قبل قليل عدت من العمل هادي البال ومرتاح . وشايل معاي كيس موز ( أصفر منقط) الاتزكر هذه المقولة .
ماهر بخير وسعيد بوجوده هنا أخر توازن موعود بسهرة جميلة هذا المساء تمنيتك معنا في هذا اليوم البلا أخر حتي العودة تحياتي للاهل منعم ومن لف لفه وياسر وتهانينا له بالمولود جعله الله من ابناء ابوراقة الصالحين تماما كأبيه وتحية اخري ليسري وجزولي (بالمناسبة وين الراجل ده) قول ليهو شكراً ياعبد الوهاب .
خضر
...................................................................
أبو جيهنة
مليون سلام
مرورك أسعدني أموري هنا تسير علي قدمين والوطن لاذال كسابق عهده يلم الجميع في امسياته ليفكهم فك غرائب الابل في الصباحات . عود لهذا الوطن والغربة سيبا وفارقا هكذا كنت اردد دوما مع صديق أحمد في تلك البلاد الماكرة وأنا أجرجر خيبتي عائداً في طرقها السريعه حد الالم . أستمع اليه حينها صدقني ستفعل مافعلته أنا .
قبه هنا بخير وعافيها وشبابها مابدوك الدرب جميلون ويحلمون ووووووو. الا يكفيني كل هذا . شكرا مرة اخري وسلامي للجمعيه حيطة حيطة .
خضر
.......................................................................
نصر الدين ياعبد الرازق
إذيك والوليدات
ياسلام علي أولاد فيزياء فرفور شمبول مامان . التقيت بمحض الصدفة بشمبول تزكرنتك حينها ونحن نسترجع شريط الزكريات فرفور لاذال البحث جارياً عنه أمامامان إتصل بي وموعود بزيارة خاطفة قريباً هو لايحب المواعيد الصارمة .
ياصاحبي ماذا عن شباب البطحاء علهم صامدون لاشيئ هناك غير الصمود وهنا غير القتال من أجل باكر ياصديقي . أرمونا بأحلامكم إذن وحتما ستصيبنا في الامنيات . كلها واحدة ومعروفة ومعتقة . وطن حر وشعب سعيد (بالله في بساطة اكتر من كدة) .
ومن صدف ليلة درويش ملاقاتي لشهاب الدين علي يوسف . تونسنا كثيراً وسألني عنكم زول زول هو كما تركته صامد ومرتاح البال ومحدد هدفوا وحتما سيصيب . فشكراً لدرويش وهو يرتب لملاقاة الاصدقاء . سلامي للمدام.
وتحية اخري لقلبك الاخضر .
خضر
......................................................................
سأعود للباقين وشكراً لحضورهم مقدماً
خضر
| |
|
|
|
|
|
|
|
|
|
Re: من الخرطوم ..... سلامات (Re: محى الدين ابكر سليمان)
|
خالد كودي المحترم
أذيك ياجميل
شوارع الخرطوم مزدانة دوما بالاصدقاء/ت لاشئ يعكر مزاجها سوي أؤلئك الكجر وبعض الوجوه القميئة الكيزان ياخالد . مالوا وأستطال بنيانهم وشعبنا لاذال قادراً علي العطاء فقط إن توفرت فرص العطاء . هذه الايام تمر الخرطوم بحزر مبالغ فيهو شائعة مقتل القائد سلفاكير كانت كفيلة لرفع درجة الحزر بكامل المبالة . ورغم ذلك مواصلين نحنا والشباب اللطيفين في برامجنا كاملة غير منقوصة . حنحددا مع السودان ده ياخالد حنحددا للنهاية .
تحياتي لقلبك الاخضر
خضر
.................................................................................
محمد عبد الله شريف (م ع ش )
إذيك ياجميل
وعندنا شنو تاني غير السودان ده يامحمد حلمنا ياصديق الان يتناثره الاحتراب من (كل فج جوك لاجوك لا أستجدوك) هكذا ستدخل قوات وقرارات وربما بلاد بأثرها .
يامحمد هذا الوطن بريئ لم يشهد زورا لكن شهدوا بالذور عليه .
طمني عن أحاويلك ولاتنقط وتحياتي لصديقنا معروف .
خضر
..................................................................................
ود الباوقة ( الراجل الضكران )
تحياتي لك وللاسرة وللود دكين طيب الرب مقامه
وشكرا لليالي التي جمعتنا علي أمل أن نلتقي وسط المعايش هنا عود ياصاحبي فالغربة مرة بالحيل . بالله بلغ عني بورداب وبوردابيات الرياض التحايا والاشواق وتحية كبيرة لاخينا أبو جودة ووين الراجل ده مدسي ؟
خضر
...................................................................................
سفيان بشير ( مساء الامس أيضاً فقدتك جداً يشهد الليل علي ذلك )
أمتطينا صهوة الافراح بحضور الوريف أشرف كتر الله من أمثاله هو مثل الاصدقاء الذين مروا بجدران قلبك تاركين خبزهم وأحلامهم لتكون علي أهبة الاستعداد .
غبارك الامدرماني كان شاهداً علي خبز ومساء سيأتي ياصديق الاحوال كلها مؤمن جداً بأن الوطن يمر بتيار مضاد عاتي جداً مالم ينتبه شعبنا سنكون علي شفا حفرة من القبائل . هنا ملايين الساسة الفاسدين ولم يعد الصمت مجدياً أمام إستهتارهم .
جاء درويش ياصديقي ليعمق فينا الوطن (جوة الجوة) هكذا كان (عركي) أيضاً يغني ذات بلاد عن حبيبة في الخاطر وأحبك جوة وفي ترنيمة العشاق . وأنا لاذال الليل صديقي الاول ولاذال درويش يهمس في أذني بالا نخون .
وأنا مثلك سانتظر عودتك لتكتمل السعادة .
سفيان مدني بهاتفك إذ ضاع مني مرة أخري
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
صديقي الاول
محي الدين
أذيك ياراجل ياجميل
ويمين الاشواق ياصديقي لا ذلت غير قادراً علي أستيعاب عدم وجودك هنا فقط ياسر فينست عندما أقابله وننزوي نحو النهايات أتأكد من عدم حضورك . ثالث أيام حضوري ذهبت دون تردد لمرزوق وللثورة 34 لم أتعرف علي ملامح الثورة . ذهبنا الي حفل أقامه الاصدقاء في منزل د/ الشاطر هذا الذي لايجيد سوي مهنة الحب . جلست الي جانبه أحتضنته طويلا وبدأ يحدثني عن ذكريات سنينه وهو طريح الفراش 21 عاما من الصمود اليس هذا هو القتال بأم عينه وشفتيه ياصديقي . كان صوت العود يأتيني من الخارج ليضيف لمسائي ذاك بعداً إخر وكان عريس الحمي (معمر مكي) قد تعب من البشير(من أبشر) بالرغم من أنه أنتهي من إمر الاول منذ وصوله لسدة الحكم في الثلاثين من يونيو المشؤوم .
كانت ليلة ولا الف ليلة أنتهي بي المقام واليل في منزل صديقنا فينست دخلنا 34 دخول الفاتحين هذا وطن يعطيك هذا الاحساس بمجرد أن تتذوقه جيداً تماما كما (النص) .
كان برنامج اليوم التالي زيارة صديقنا (صلاح علي) في منزله لاذال يتمتع بحس الفقراء صلاح لاذال كما هو متسامح حتي وهو (يجرجر لحيته) صلاح الان أصبح ماركسي متدين ليس الا ياصاحبي كان الله في عونه .
تسالمنا وجبنا سيرتك كالعادة كان السنجك الصغير وكوارث أيضا مشرفين معنا منزل صلاح تجادعنا الاخبار ثم غادرنا أنصرفنا .
تحياتي للأتنين المعاك سامي العبري وللبني أشواق وأشواق
محي أنتظرك فلاتغيب (سامع)
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
اخى خضر ..
الف حمد الله على السلامه وبركة الشفت اهلك طيبين وسالمين
حتى لو بعد اربعه سنين عاشهم القلب غربه وشوق وحنين
فى الليهو اربعات مردمه ما خبر درب السفر للاهل
واااااااشرى عليهم..
ان شاء الله لقيت اهلك فى امن وامان ..
وحمد الله على سلامة وصولك .. وصولك انت طيب
لكن ما وصولك لى بلد الغربه ورجعوك ليها تانى
وحات الله دى ما بتتبارك ..لكن الله غالب
ربى يرجعك سالم طيب.. والريالات خلينا ليها القدرها
تحياتى
اسماء الجنيد مسقط
| |
|
|
|
|
|
|
|
|
|
Re: من الخرطوم ..... سلامات (Re: soma)
|
عزيزتي أسماء
إذيك وكيفنك
شاكرين جميل حضوركم هنا في هذا المقام . عن الغربة صدقيني (مرة بالحيل) خرجت منها بالتعادل وتلك سمة أظنني أشكر الغربة بها كثيراً . التعادل السلبي في بعض الاحيان إنتصار تحديدا( لحالاتي ) .
ياستي لاشيئ يستحق (الريالات) هنا هواء يرد الروح يرده ياسوما روح روح ووداعاً للشحتفات .
سأعود مرة أخري
شاكرين مرورك الوسيم
خضر
| |
|
|
|
|
|
|
|
|
|
Re: من الخرطوم ..... سلامات (Re: فيصل محمد خليل)
|
عزيزي فيصل
سلامات ياصديقي
مرورك الوسيم يجعلني أكثر ثقة لمواصلة هذه الشخبطة ويمين هذا البوست لاأدري الي أين يتجه . دخلتهالاكتب عن الكثير ولكم ضلت مفردتي وما وجدت للكي بورد سبيلا . حضورك يشحذ فيني الهمة ويلهب مفردتي بالصمود تماما كما الخرطوم .
شكراً ياصاحبي كن كما أود
خضر
| |
|
|
|
|
|
|
|
|
|
Re: من الخرطوم ..... سلامات (Re: keiga2000)
|
: keiga2000
سلامات ياجميل
تحياتك وصلت وتجاوزت النشيشيبة سلمنا ليك علي (المليون ميل مربع) حدادي مدادي
هيثم حسين ( يبدوا أن هناك خلط في الاسماء) .
شاكرين مرورك الوسيم وأتفضل جاي أعملك شاي
خضر
| |
|
|
|
|
|
|
|
|
|
Re: من الخرطوم ..... سلامات (Re: Muna Khugali)
|
عزيزتي الفاضلة مني خوجلي
شكراً لدعواتك الصالحات وشكراً لحضورك البازخ هنا .
اليومين ديل (معصور) وزيتي مارق فقط كلما تحسست الوجوه زال عني الارهاق فأجد نفسي متحملاً للمزيد من المتاعب . الخرطوم تليق بك جداً سيدتي الفاضلة اتحاد النساء السوداني لاذالت تواصل إحتفالياتها الخميس القادم مدعو لاحتفالية (وكورال الاتحاد) حتما سيكون هناك كما أنا .
شكراً مني وخليكي قريبة .
خضر
| |
|
|
|
|
|
|
|
|
|
Re: من الخرطوم ..... سلامات (Re: خضر حسين خليل)
|
جاءتنا في صيف الخامس والثمانون ضمن أفواج النازحين كانت غضة ملئية بفرح لايتمعنه الا من جاورها (وشرب من جبنتها) كان الوطن نفسه يعيش حالة خاصة ديمقراطية راقدة بالهملة ورئيس جمهورية السودان (يتفلع بالطماطم والشرطة ترمي البشر فقط بغاز مسيل لللدموع فاقد الصلاحية وربما كان من أنتاج الوطن ربما ) هل أبكي علي الوطن الان أم أحدثكم عن أمنة . الواحد بقي ماعارف يبكي علي شنو ولا شنو زاتوا.
...................................................................................
أمنة وعائشة وأدريس وعبدالله أربعتهم كانو يقطنون هكذا في العراء الي جانب أطفالهم كان التكافل الاجتماعي في ذاك الوقت عند أبهي صوره ( ليته عاد لانقاذ إنسان دارفور ليت ذاك الزمن يعود يا أمنة
بين ليلة وضحاها كان العراء عبارة عن غرفة إنهالت التبرعات (دون إعلان) فقط كان الانسان مركزاً في ذاك الوقت وكفيلاً بتغطية الواجب .
...................................................................................
في هذا الصباح رحلت أمنة عن الكرة الارضية مخلفة وراءها غبار الحياة ومشاهد وزكريات ستبقي في ذاكرتنا الجماعية أمنة ذهبت دون رجعة ياهؤلاء .........
...................................................................................
وداعاً أيتها النقية
المكلوم
خضر
| |
|
|
|
|
|
|
|
|
|
Re: من الخرطوم ..... سلامات (Re: Ishraga Haimoura)
|
ماضاق الوطن بس كبرت الزنزانة
أشراقة ياحيمورة
تحياتي الحارات وكل أبريل وأنت أكثر توهجاً وشعبنا بعافيتوا
مسؤولية الجمال هي مسؤليية جماعية يحملها ناشدي الخير والعدل
والسلم معاول الهدم تتمترس كلما فتحنا كوة في ظلام دولتهم سنظل
دوماًأجمل من ظروفنا ولن نرتهن لكائن من كان .
ودي ياجميلة
خضر
| |
|
|
|
|
|
|
| |
خضر حسين خليل
عمر ادريس محمد
mahmed alhassan
showgi idriss
حمد فتح الرحمن
السوباوي
عبد الله إبراهيم الطاهر
هشام آدم
Muna Khugali
متوكل بحر
Badri
ابو جهينة
راشد يحى مدلل
welyab
شرووم
أبو ساندرا
محمد عبدالرحمن
محمد ابو القاسم
walid taha
Khalid Kodi
سفيان بشير نابرى
ابراهيم بقال سراج
keiga2000
فيصل محمد خليل
Ishraga Haimoura
فيس بوك
تويتر
انستقرام
يوتيوب
بنتيريست