صابر الحواتى .... كادقلى نفر ! !
بالامس بحثت عن الحبوب صابر الحواتى لامر هام .. وصف لى اخى متوكل امان مكانه .. فرأيته جالسا على الارض و منهمك فى محادثة استمرت لفترة طويلة جدا حتى فقدت الامل فى مقابلته - بالاحرى تركته - لاننى افتكرت ان لديه امر هام .. فجأة و انا منهمك فى حديث مع د . سراج .. فاذا بى اجد صابرا منتصبا امامى و دار بينناالحديث التالى : - وين يا حبوب .. شايفك فى المصطبة خلف المرسيدس ماسك الموبابل .. ان شاء الله خير ؟ - و الله يا سعادتك موضوع كادقلى دا شاغلنى شديد ! - انت يا صابر نازل الانتخابات فى دائرة كادوقلى و نحنا ما عارفين ؟ - انتخابات شنو يا سعادتك !! - عملت ليك مزرعة فى كادقلى ؟ - يا سعادتك انا بصلة ما بعرف ازرعها !! - اكيد عايزين تفتحوا ليكم فرع للمصنع فى كادقلى !! - فرع فى كادقلى ؟؟؟ .. فرع شنو ياااااااخ !! - شنو طيب انت ود ام درمان علاقتك بكادفلى .. انت عايز تجننى و لا شنو !! - يا سعادتك مغلوبين اتنييييييييييييين من هلال كادقلى !! - يا زول !!!!! - و الله اتنيييييييييييين صفر ! - صرف بالمليارات و مدرب ( برازيلى ) .. و مغلوبين اتنيييين من هلال كادقلى ؟ - برازيلى .. احا !! برازيلى قال .. شفت ليك يا سعادتك مدرب يستبدل ليه اربعة لاعبين كلهم بيلعبوا شمال ؟؟؟؟؟؟؟؟؟؟ - كيف الكلام دا .. دى برازيلى شيوعى ولا شنو ؟ - اكيد .. اكيد .. انت رأيك شنو ؟ - زمنا يا حبيننا صابر .. كان واحد بس فى الفريق كله بيلعب شمال .. الونق ( الجناح ) الشمال .. انتو يا ناس الهلال عملتوهم اربعة !! - فلسفة بس ... برازيلى .. قال !!! - و بعدين ؟؟ - شايف الكلام دا كلو ... عايزين لينا صرفه مع صلاح ادريس !! - ............ متوكل مبارك آمان - متدخلا - فى النقاش : - خلاص يا صابر نرشحك فى دائرة كادقلى عشان تفوز و تمسك هلال كادقلى .. و خليك من هلال ام درمان ؟ صابر الحواتى .. مبتعدا : - كادقلى .. قوم لف بالله ... قوم لف (عدل بواسطة يوسف محمد يوسف on 03-26-2010, 04:27 PM) (عدل بواسطة يوسف محمد يوسف on 03-26-2010, 04:32 PM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]