|
|
|
 Re: شيوعيين نُص النِهار (Re: خدر)
|
قصة شيوعيين نص النهار حكاها صديقنا (**) و حدثت في إحدي قري الجزيرة , حكي انو إبان الحملات الانتخابية في الديمقراطية الثالثة . كان في واحد من كِرام مواطني الجزيرة المُتأثرين بإعلام (الوان) آنذاك , قاعد جنب الكنتين العمومي في القرية و بمارس في هوايتو اليومية .. إستطلاع اخبار الانتخابات القادمة و تحت تحت و قطع شك , بِتّم الباقي خيال كعادة اهلنا البقعدوا و يقوموا علي كيفهم.
الحصل انو في اليوم داك و صاحبنا قاعد جنب الدكان في حِلتهم , بتكلم عن انو الشيوعيين بتزوجوا اخواتهم مُستندا علي التفكير السوداني المُحافظ و (المبكوك أب *) من صحيفة الوان , تصادف ان عربة الدعاية الانتخابية للحزب الشيوعي مّرت و صاحبنا في قِمة إندماجو لإقناع مٌرتادي الكنتين بأفكارو و تلميعو لنفسو كـ إنتليكشوال ما ساهل مُعلنه عن ندوة للحزب الشيوعي السوداني في الزمان و المكان المُحددين , دون وعي , همس صاحبنا لمُحدثه بإنفعال حقيقي :
اها .. إتفضل .. شويعيين نُص النهار .. يا كافي البلاء لا براعوا شعور الناس ولا بخجلوا ؟ 
____
Back up
| |
  
|
|
|
|
|
|
|
|
Re: شيوعيين نُص النِهار (Re: خدر)
|
يا طارق اي شي بقى نص النهار و على عينك يل تاجر و الاختشوا ماتو و شبعو موت .
و حتي لو بقى التقديم للوظائف دي علني و مفتوح للجميع باعتبار انها وظائف حكومية فالاعلان بيتعمل لذر الرماد في العيون و لو ما جبت التزكية ما عندك طريقة .
| |
|
|
|
|
|
|
|
|
|
Re: شيوعيين نُص النِهار (Re: سيف النصر محي الدين محمد أحمد)
|
ابو السيوف سلامات يا صاحب
المدهش في الامر اكثر انو جهاز الامن من متين كان بيعلن عن حوجتو لمجندين ؟ و ليه في الوكت ده بالذات ؟
ده المضحك المبكي يا سيف
ناجي صاحبنا المختفي
شكرا يا صاحب علي الرفع المدوي و انت ذاتك ما تطول الغياب
و تابع معانا التندر بجلكسات صبيان الوان موديل انتخابات 2010
| |
|
|
|
|
|
|
|
|
|
Re: شيوعيين نُص النِهار (Re: خدر)
|
Azzizi خدر
Don't you think there is no comparison here?
The Alwan story and the 'intelectual' guy was shamefully a big lie.... however, this regrettable news of Security Thugs recruits draws a real shame based on the true fact of a corrupt institution.....
I know you did not mean this but I was provoked by even sarcastically to do any comparison...!
mohamed elgadi
| |
|
|
|
|
|
|
|
|
|
Re: شيوعيين نُص النِهار (Re: Mohamed Elgadi)
|
القاضي سلامات
المتأمل يا محمد لمسيرة حسين خوجلي فتي الجبهة الاسلامية المُدلل الاعلامية في منتصف تمانينات الالفية السابقة وصولا لـ (الوان) الصحيفة المُبتدعه لمبدأ التشهير بالخصوم - الفجور في الخصومة - و الارهاب المُجتمعي , سينتبه قطع شك للدور القذر اللعبتو الصحيفة دي في تقويض الديمقراطية التالتة و لو تذكر - مثالا- الكاريكاتير الشهير بصحيفةألوان عقب مبادرة الميرغني الشهيرة و قرن الميرغني يحتسيان الويسكي كأنصع دليل لفجور الخصومة و اللعب علي عقلية المواطن البسيط بأن الاتفاقية تمت تحت تأثير خمر لعبت برأس مولانا. من إستطاع و بدم بارد الطعن في رمز ديني ك محمد عثمان الميرغني و ربط مبادرته و جلوسه مع الراحل قرن بزجاجة وسكي فقط بسبب اختلاف الرؤي السياسية ليس بعيد عليه صب الزيت في نار النسيج الاجتماعي السوداني بمثل تلك الترهات .
الان الوضع هو نفس الوضع كأننا رجعنا القهقري عشرون عام للوراء , منسوبي المؤتمر الوطني و كوادر الامن بالمنبر شغالين بنفس المنهج الان وسط حُمي الانتخابات حتي وصلنا للاعلان و بكل قوة عين عن وظائف شاغرة لجهاز الامن و المخابرات ( ومن متين جهاز الامن و المخابرات كان بعلن عن حاجتو لمجندين في الصجف ؟) و قوة عين لانهم مفتكرين انو ذاكرة السودانيين تآكلت بفضل العشرون عام السابقات و ايضا لانهم صدقوا كذبهم و إنطلت عليهم حِيلة صمت السودانيين و ذهدهم في جدل فضح كذبهم فصاروا يأتونا كل يوم و هم مُصدقين ,بجديد
| |
|
|
|
|
|
|
|
|
|
Re: شيوعيين نُص النِهار (Re: GamarBoBa)
|
| Quote: منسوبي المؤتمر الوطني و كوادر الامن بالمنبر شغالين بنفس المنهج الان وسط حُمي الانتخابات حتي وصلنا للاعلان و بكل قوة عين عن وظائف شاغرة لجهاز الامن و المخابرات |
وبلا حياء
| |
|
|
|
|
|
|
|
|
|
Re: شيوعيين نُص النِهار (Re: lana mahdi)
|
تعرف يا خدر بوستيك ده ذاتو ذكرني بموقف قبل اسبوع كدة
وانا طالع ضربت للشيوعي الاسمه خضر ومشيت للمحل ومعاه واحد صحبه كذلك شيوعي
المهم بالصدفة طلع داك داير يودي خروف لزول كرامة وانا داير خروف مشينا وبعد جدال عقيم جدا اشترينا
رافقنا الجزار
هم كانو متكيفين من تدشين العلمين وكانوا بحكوا عنه
في السكة صاحب خضر ده اتشالق كدة وقال يسأل الطبقة العاملة (الجزار) قال ليه انت شيوعي؟؟
الجزار نطا طوالي قال ليه يا زول انا كاهلي
كرر ليه الكلام قال ليه انا سعدابي كاهلي
قمنا انا وخضر رطنا في حاجة
سألبإستغراب الشيوعيين برطنوا بالله؟؟؟
عاينت ليهم قلت ليهم دي طبقتكم العاملة هسة ؟؟؟
خليه هو زاتو يحكي ليك وفي صورة في نوبة اون لاين خضر مع الخرفان والجزار خليه اليجي ينكر
| |
|
|
|
|
|
|
|
|
|
Re: شيوعيين نُص النِهار (Re: GamarBoBa)
|
| Quote: بدء معاينات المتقدمين للالتحاق بجهاز الأمن والمخابرات الوطني مطلع مارس |
مولانا خضر سلامي لشخصك الكريم ..
هل استنكارك لكون معاينات الامن والاستخبارات مفترض تكون سرية أم مفترض ان تكون البلد سائبة بدون امن واستخبارات بان يبتعد اي مواطن عن الالتحاق بها؟
| |
|
|
|
|
|
|
|
|
|
Re: شيوعيين نُص النِهار (Re: Hussein Mallasi)
|
مولانا خدر يرحب بمنسوبي المؤتمر الوطني بالبوست
و يُحيي المواطن قمر بوبا في هرشتو لعمر صديق
| Quote: الكلام دا عام وان كان مستوحي من مشاركتك |
احيييييييييييييييييييي انا 
| |
|
|
|
|
|
|
|
|
|
Re: شيوعيين نُص النِهار (Re: محمد عبد الماجد الصايم)
|
سلام يا خدر
فك لينا قمر بوبا ده ياخ
Quote: المهم بالصدفة طلع داك داير يودي خروف لزول كرامة وانا داير خروف مشينا وبعد جدال عقيم جدا اشترينا
رافقنا الجزار |
هم ما بعرفوا يضبحو
المتشوعين ليها شنو ؟!
| |
|
|
|
|
|
|
|
|
|
Re: شيوعيين نُص النِهار (Re: سفيان بشير نابرى)
|
Quote: في السكة صاحب خضر ده اتشالق كدة وقال يسأل الطبقة العاملة (الجزار) قال ليه انت شيوعي؟؟
الجزار نطا طوالي قال ليه يا زول انا كاهلي
كرر ليه الكلام قال ليه انا سعدابي كاهلي
قمنا انا وخضر رطنا في حاجة
سألبإستغراب الشيوعيين برطنوا بالله؟؟؟
عاينت ليهم قلت ليهم دي طبقتكم العاملة هسة ؟؟؟ |
بالمناسبة:
اين جبهة كفاح الطلبة؟؟؟؟؟
| |
|
|
|
|
|
|
|
|
|
Re: شيوعيين نُص النِهار (Re: Mohammed Ibrahim Othman)
|
| Quote: هل استنكارك لكون معاينات الامن والاستخبارات مفترض تكون سرية أم مفترض ان تكون البلد سائبة بدون امن واستخبارات بان يبتعد اي مواطن عن الالتحاق بها؟ |
المعروف انو القوات النظامية كلها بتقبل دفعات جديدة عشان في دفعات قديمة طلعت المعاش.
اعلانهم ده رغم انو بحصل لاول مرة في تاريخ الانقاذ و عطفا علي شفافية جهاز الامن الجديدة لنج دي ,
الناس ديل لسه ما ورونا :
- قوائم الدفعات النزلت معاش و الرانكر الاترقوا لي ضباط السنة دي !!
- وين إعلانات عشرين دفعة سابقة منذ 1989 !!
- قوائم المفصولين طوال العشرين سنة الفاتو !!
___
القصة ما طلقيت يا محمد ابراهيم عثمان
| |
|
|
|
|
|
|
|
|
|
Re: شيوعيين نُص النِهار (Re: GamarBoBa)
|
| Quote: خليه هو زاتو يحكي ليك وفي صورة في نوبة اون لاين خضر مع الخرفان والجزار خليه اليجي ينكر |
انا و معي آخرون مستعدين ندفع عمرنا كلو و نشوف خضر و الخروف يا قمرنا
| |
|
|
|
|
|
|
|
|
|
Re: شيوعيين نُص النِهار (Re: خدر)
|
يا خدر يا زميلي في الفن
نحكي ليك واحده معدلة حكاها لي صاحبنا طارق م عثمان
قالوا في واحد كدا جا من الانداية واقف نن
أيام الانتخابات, جا ماشي جم خيمة الحزب الشيوعي لقا ليك
اغنية حلالي انا وا حلالي مدورة في المكرفون-طبعا فيها عرضة ما تخلص
بس, صاحبك نزل ليك عرض عرضة لي رب السما
فجأة كدا صوت المذيع قطع الاغنية " انتخبوا مرشح الحزب الشيوعي السوداني"
زولك لامن قعد في الواطة وقال مخاطبا نفسه, سجمك يا ود البلولة, شيوعية ,,,,,
| |
|
|
|
|
|
|
|
|
|
Re: شيوعيين نُص النِهار (Re: esam gabralla)
|
Quote: فجأة كدا صوت المذيع قطع الاغنية " انتخبوا مرشح الحزب الشيوعي السوداني"
زولك لامن قعد في الواطة وقال مخاطبا نفسه, سجمك يا ود البلولة, شيوعية ,,,,, |
إتخيلتو خاتي يدينو في راسو
شكرا علي النكتة و شكرا انك جبت لينا عصام
بالمناسبة الفيديو بتاع آخر حفلاتك عندي
| |
|
|
|
|
|
|
|
|
|
Re: شيوعيين نُص النِهار (Re: خدر)
|
Quote: اها .. إتفضل .. شويعيين نُص النهار .. يا كافي البلاء لا براعوا شعور الناس ولا بخجلوا ؟
|
مبالغة لكن والله انك لوغد ياطارق
ــــ
هالأيام في نكات كتيرة مدورة بي جاي
بنتضاير(من البلاغات) ونرشكم
متي تسهلت التساهيل
ــــ
بخصوص سؤال سفيان شيوعيين وما بتعرفوا تضبحوا
والله يافردة أنا غايتو بضبح
علا الكلام ده ما أدونا ليهو في حلقات المرشحين (نظام جايين بيهو من أهلنا)
غايتو تخلو الكتيل يموت من الضحك
| |
|
|
|
|
|
|
|
|
|
Re: شيوعيين نُص النِهار (Re: خدر)
|
Quote: هالأيام في نكات كتيرة مدورة بي جاي
بنتضاير(من البلاغات) ونرشكم
متي تسهلت التساهيل |
شكلهم مقّرضنها اليومين ديل و الزملاء سمهم فاير
إتأخرت علينا يا زميل
| |
|
|
|
|
|
|
| |
خدر
الملك
محمد الشيخ أرباب
GamarBoBa
BAKTASH
lana mahdi
Mohammed Ibrahim Othman
محمد عبد الماجد الصايم
Hussein Mallasi
سفيان بشير نابرى
عمر صديق
Marouf Sanad
خضر حسين خليل
Emad Abdulla
فيس بوك
تويتر
انستقرام
يوتيوب
بنتيريست