نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
الى قرفنا ....مع خالص التبجيل
|
شجرة ام سوسة حلفنا ندوسا
فى نصايص الليل وفى وانتظار الويل فى حر النهار وفى وسط الغبار وسط الناس الباكية وساكتة وما عارفة تقول لى منو
وسط الشفع والنسوان ..جنب العامل وجنب العاطل وجنب الشايل هم الاسرة وبس ما عارف يقول يامنو
فى عينو ووشو كلب الامن
فى عين البوليس وسلاحو دوغرى كلامكم ما اتأخرتو ولا اترددتو وقلتو الحق المسكوت منو ..والداسنو والناسينو ومتناسينو ما خليتو فرضا ناقص
نحن مدينين ليكم بنضالكم ..وبالحرية الشمسها كانت تحت الهم مدفونة وباكية
نحن مدينين ليكم بالكلمة ..وشرف الكلمة ..غلبنا نقولها ... توقيتكم صاح ومكانكم صاح وكلامكم صاح
نحن مدينين ليكم بالصاح
وصحى قرفنا ...
قرفنا قرفنا
من ماتوا الشهدا ...وديل ما زحوا ونحنا قرفنا
من ما اتشردوا ناس دارفور وديل ما حسوا انحنا قرفنا
من ما شردوا ناس كجبار والموية اندلقت فى واديه الخصب قرفنا
من ما فتنوا الشرق فى بعضو ...وقرروا يقعدوا نحنا قرفنا
من ما دمروا كم مشروع ..وملوا جيوبهم منو قرفنا
من ما قامت اخلاق الفرد بدل الحلة . .وصوت الفرد يعلو على الحلة ومصالح الفرد بقت اكبر من مصلحة الحلة ..البلد القرية ..الوطن الغالى ...ونحن قرفنا
دوسوا الشجرة ام سوسة ...وخاطبوا وقولو كلامكم ..نحن قرفنا
قولو الما قدرنا نقولو ...وسووا الما عرفنا نسويهو
مددكم دافر وغمر ارواحنا
دموعنا انفجرت من عرفتكم والوعى المسئول ...للهم
..واسباب الهم الشايلو "الزول"
زول سودانى ... مش مفروض يكون متكرم وجبهتو عالية يعيش فى بلادو من غير "هم"
من اجل الناس الماتو سلام من اجل الغرقوا سلام من اجل الاتعذبوا والاتشردوا ألف سلام من أجل الساكنين فى معسكر من اجل المشوا للمهجر من أجل اللاكوا الحنضل من اجل شباب واطفال وصغار وكبار باتوا جياع ودموعهم نشفت وضلوعكم ظهرت ...
ألف سلام
|
|
|
|
|
|
|
العنوان |
الكاتب |
Date |
الى قرفنا ....مع خالص التبجيل | Tumadir | 03-24-10, 03:24 PM |
Re: الى قرفنا ....مع خالص التبجيل | Tumadir | 03-24-10, 03:30 PM |
Re: الى قرفنا ....مع خالص التبجيل | Tragie Mustafa | 03-24-10, 03:34 PM |
Re: الى قرفنا ....مع خالص التبجيل | Tumadir | 03-24-10, 03:38 PM |
Re: الى قرفنا ....مع خالص التبجيل | Amani Al Ajab | 03-24-10, 03:35 PM |
Re: الى قرفنا ....مع خالص التبجيل | Tumadir | 03-24-10, 03:39 PM |
Re: الى قرفنا ....مع خالص التبجيل | كمال عباس | 03-24-10, 04:03 PM |
Re: الى قرفنا ....مع خالص التبجيل | Amin Mahmoud Zorba | 03-24-10, 05:01 PM |
Re: الى قرفنا ....مع خالص التبجيل | BAKTASH | 03-24-10, 08:24 PM |
Re: الى قرفنا ....مع خالص التبجيل | Tumadir | 03-24-10, 10:01 PM |
Re: الى قرفنا ....مع خالص التبجيل | Amjed | 03-24-10, 10:39 PM |
|
|
|