|
Re: بصراحة احزنني منظر البشير في ملكال واخجلني في ان واحد (Re: امال حسين)
|
سلام يا امال وهاك دي كمان رقصتو في جوبا
Quote: وتصدق يا ابو السيوف جوبا انا عشت فيها سنين وبكون حضرت فيها زي ديششليون حفلة وجالوه وديسكو في صالات عديدة منها صالة ناكوري وحضرت جالوووه تقيلة في كراكير اطلع بره وكتور وملكية وحي لوفيت... ومتعت ناظري بالفرجة علي مئات الراقصين والراقصات امثال شووتي وكاك واميقو ودجدج رقيص زي بتاع البشير ده انا ما شفتوووووو الا عند البشير في جوبا ياخ ده ضرب جالووووه حرم كوفي لانقا لانقا رائد الجالوووه الافريقي حيقعد يتحير فيها.. شتارة و عدم هارموني ما بين حركة الراقص والموسيقي وغايتو فضحية رئاسية راقصة ودخلنا في اضافيرنا مع الراقصين الافارقة والمشاهدين في كل انحاء العالم...
ده كلو يا ابوسيوف هو ابتذال الاشياء من اجل تحقيق مكسب سياسي.. ترقص اشتر ...ترقصة ششششششششين ولكن المهم هو الصندوق.. والكنكشة وسيادة الشبع والطمع.. |
والبعمل فيهو البشير من نطيط وعوليق ماهو الا تشويه للفكرة الجمالية للرقص والفنون ابتذالها علي قارعة الكسب السياسي الرخيص وتحياتي
| |
|
|
|
|
|
|
Re: بصراحة احزنني منظر البشير في ملكال واخجلني في ان واحد (Re: امال حسين)
|
السودانيون هم الوحيدون بين كل شعوب العالم ويقولون عن وطنهم... ( بلد السـجم والرماد)!! ------------------------------------------------------------------------------------------- السودانيون هم الوحيدون بين كل شعوب العالم ويقولون عن وط...د السـجم والرماد)!! الـمصـدر:(سودانيز اون لاين)- المنبر العام. 22-01-2010- بكري الصايغ.
***- انبعاجت خلفية و امامية و بالجنبة خادشة للحياء في ملكال، ***- ونـهب وهـمبتـة 10 مليار جـنيه في الخـرطوم!! ***- ملعـون ابوك نظام... وفعلآ هو بلد السـجم والرماد!!
الاخت الحبيـبـة الحـبـوبـة،
أمال حسيـن، تحياتي ومودتي، ***- انت غلطانة، شنو البخليكي ومع الاطفال وتشوفي التلفزيون السوداني، وكمان بعرض لقطات للبشير?!!!، التلفزيون السوداني وصور ولقطات ناس الانقاذ هي السبب في ارتفاع حالات فقع المرارة والسكري الضغط!!.
***- انت ماعندك فيديو?!!لو اتفرجتي مع اطفالك علي فيلم قديم لاسـماعيل ياسين بالله مااحسن?!!
***- لك مودتي،وخلي بالك من صـحتك!!
| |
|
|
|
|
|
|
Re: بصراحة احزنني منظر البشير في ملكال واخجلني في ان واحد (Re: طارق ميرغني)
|
Quote: الذى اصبح في اخر عمره وحدوى رغم انه حارب الجنوبيين جنديا ورئيسا { من حمرة عيونو اسلموا نصارى}فكاد ان يغمي علي من فرط الدهشة سالتني طفلتي الصغيرة { وعد } وانا اصرخ {معقول } ماما الما معقول شنو الغنا والا الرقيص ؟ ضحكت وانا اجيبها ما معقول الرئيس |
فعلا ... المامعقول الرئيس. ومع هذا فإن الانسه (وعد) يجب القبض عليهابتهمة إثارة الأسئله التى قد تقود الى الاجابات اللامعقوله!
أهل الجنوب يعرفون البشير هكذا، وهكذا وحدها مهما تزخرف بالذوق المريض!
.
| |
|
|
|
|
|
|
Re: بصراحة احزنني منظر البشير في ملكال واخجلني في ان واحد (Re: امبدويات)
|
Quote: ماذا تعنى عبارة نقل خاص ......الفى الصور |
نقل خاص معناها انو دافعين حق البث والنقل للقناة يعني اسع لو كان التلفزيون القومي هو الناقل للتدشين كان طالعتنا احزاب المعارضة بان البشير يستغل المؤسسات القومية في حملته الانتخابية زي ما احتجوا انو البشير متصور امام منشات ومباني قومية لما ظهر لينا وهو متصور امام سد مروي ولا طريق شريان الشمال او الانقاذ الغربي ووووووو
مع انهم تناسوا انو من غير قام بانشاء تلك المرافق فيحق له ان يباهي بها اما الاخرين.... او ان يرسل لمواطنينه رساله مفادها انه مرشح لاستكمال ما بداه من تنمية
| |
|
|
|
|
|
|
Re: بصراحة احزنني منظر البشير في ملكال واخجلني في ان واحد (Re: mayada kamal)
|
Quote: فيحق له ان يباهي بها اما الاخرين.... او ان يرسل لمواطنينه رساله مفادها انه مرشح لاستكمال ما بداه من تنمية |
جمعة مباركة ياميادة
فى خيط آخر طرحت ليك سؤال عن مناهج التحليل السياسى وياريت بالمره نعمل معا لتعريف التنمية كمفهوم شامل لا ينفصل باى حال من الاحوال من السياسة التى نتنفسها فى الهواء ونشربها فى الموية وتغلى مع حلة الملاح
مودتى
| |
|
|
|
|
|
|
Re: بصراحة احزنني منظر البشير في ملكال واخجلني في ان واحد (Re: د.نجاة محمود)
|
Quote: دا استقبال مرشح ودي مظاهرة بعيد البحر ولا حلوة المنقة.. |
لندع القراء يحكمون على دعوتك للمواطن "الطيب" العام الماضي ان يلزم بيته ودعوتك اليوم لإحترام خيارات الناس في الخروج للبشير او نقد
Quote: واصل المسكين الزول البكتب ليك غائب ولا شنو |
هذه مجرد مهاترات لا أدخل فيها ولا انزل لهذا المستوى من الكلام
Quote: اها ما قلتا لينا اخبار المحكمة الدولية شنو؟ |
هذا ليس موضوع البوست ولاعلاقة له لا من قريب ولا من بعيد بما كتبته
| |
|
|
|
|
|
|
Re: بصراحة احزنني منظر البشير في ملكال واخجلني في ان واحد (Re: BAKTASH)
|
Quote: ان قادة الجبهة الانقاذية قد نسجوا ثوباً جميلاً وطرزوه بالأوهام والأباطيل، وقالوا للرئيس هذا الثوب لن يراه المنافقون والعلمانيون والشيوعيون والمخمورون، بل يراه المخلصون فقط، وألبسوه له، فأصبح يختال به أمام العالم في الداخل والخارج، إلا أن الدكتور معتصم عبدالله محمود كان في براءة طفل فرعون، فقال للعالم في الداخل والخارج:- أنظروا الى هذا الرجل العريان.... |
جزء من مقال الاخ عصام مبارك الجزولى اجراس الحرية ..التحية له وللدكتور معتصم عبدالله محمود ..
| |
|
|
|
|
|
|
Re: بصراحة احزنني منظر البشير في ملكال واخجلني في ان واحد (Re: الصادق الزين)
|
آمال إزيك مالك وماله تحنى عليه واحد أهبل جماعته بغشو فيه بس عليك الله تانى أطفالك ماتخليهم يحضروا المناظر دى لأنه ممكن يرسخ فى ذهنهم أنو الرئيس ممكن إكون كدا وتبقى مصيبه
أجمل منظر لمن زحو الناس وجابوا ليه التربيزة للرقيص والله ذكرنى العروس لمن إجيبوا ليها السباته
الحشود دى ما مقياس دا شغل وأكل عيش
| |
|
|
|
|
|
|
|