|
|
|
 Re: يا أخوانا ناس تشاد عملوا ليهم قناة فضائية.. هسه دي يفـوتونا (Re: حواء سليمان ابراهيم)
|
Quote: ود الباوقة إنت رفيقي تب
أنا أموت في الحاجات الشعبية والبسيطة.. وأحاول أشوف مدنهم وقراهم كيف؟ وحاجاتهم كلها..
لكن القناة دي خلقت لى مشاكل مع المدام
....
قالت لى( اصلك ما بتمشي إلا على الوسخ والقرف) افتح لندن.افتح اي قناة حسينة
أي حاجة تشغلني عنها المدام طوالي تتحول لضرة عندها.. مرة الكمبيوتر مرة قناة تشاد مرة سودانيز أون لاين.. ومرة حاجات تانية حامياني
........
عشان أنا بحب قناة تشاد واحب البسطاء والبؤساء واجد نفسي بينهم واطرب... قمت عملت تلفزيونات أخرى.. عشان يتفرجوا بي هناك ويخلوا لى قناة تشاد..
|
يعنى هسع يا المنصورى فرحان اوى بالكلام القالتو مرتك دى وجايبو هنا ؟؟؟؟
يا راجل اختشى وراعى على الاقل مشاعر اخوانك التشاديين المعاك فى المنبر دا !!!!!
| |
  
|
|
|
|
|
|
|
|
Re: يا أخوانا ناس تشاد عملوا ليهم قناة فضائية.. هسه دي يفـوتونا (Re: عمران حسن صالح)
|
منصورى ...موقد نار
ازيك
اعتقد ان تشاد تسير بخطى صحيحة رغم ان النظام هناك لا يزال نظام الرجل الواحد وهم يوظفون دخل البترول بشكل اسلم مما عندنا فى السودان ..
هل تصدق يا منصورى ان دخل السودان من البترول منذ تصديره ولا يوم الليلى وصل الى 34 مليار دولار ولم تدخل مليم فى التنمية كلها ضربت الكركى وانت مزارع بتعرف كلامى دا معناه شنو يبقى نسال انفسنا الكبارى والشوارع التى تم افتتاحها مع اخطائها الفنية البارزة تمت من وين ؟
..من الدين طبعا من دول الخليج والصين وماليزيا وتركيا والدين البقى علينا على وعليك وعلى وليداتنا ومستقبلهم لى جنا الجنا ..
ولو ناس الانقاذ دخلوا القروش دى فى محلها التنموى ماكان مشروع الجزيرة انهار ولا كانت الزراعة والصناعة اصبحت عبء على البلد ..ولكان حالنا اليوم احسن وكنا سوف ننتخب حزب المؤتمر الوطنى مرةاخرى بارتياح وما كان حزب المؤتمر الوطنى محتاج لتزوير ولا كذب ولا عوارة وكوراك وتهريج زى ما بنشوفه اليومين دبل ..
تحياتى
نشوفك متين ؟
| |
|
|
|
|
|
|
|
|
|
Re: يا أخوانا ناس تشاد عملوا ليهم قناة فضائية.. هسه دي يفـوتونا (Re: حسن محمود)
|
Quote: يجب أن لا ننسى: السودان الفرنسى!!!!
|
أخونا حسن مكاوي ذكرنا بالسودان الفرنسي.. يعني الممتد كلو في الرقعة الجغرافية.. وكذلك السودان الانجليزي..
و يمكن في معظم السودان أن الاستعمار قد كان إنجليزياً.. يمكن الاستعمار الانجليزي كان أحسن حالاً على كل حال أورثنا خدمة مدنية كانت منضبطة وأورثنا مشروع الجزيرة لسه ناكل منو ومشروع القاش وبعض المشاريع الأخرى..
.............
أخونا الصحفي القدير الكيك فعلاً هبش الموضوع بحسه الصحفي وهو المقارنة بين فضائيتين وبرامجها وليس بين شعوب ولا قبائل.. و وقال ( الكيك هنالك) أنهم يسيرون بخطى ثابتة )
وفعلا من هنا مصدر إعجابي الشديد بهذه القناة الوليدة بأسنانها وبالتالي خصصت لها تلفزيون خاص بها عندي لأتابعها حباً فيها وحباً في أهلها
......
لكن بالطبع طبعاً وطني السودان دائماً عايز أشوفو قدامي وفوق ومرفوع الرأس ويتقدم الشعوب واستاذ الشعوب ومعلمهم في كل المجالات.. دي أمنية ولذلك خايف الناس يفوتونا.. لأننا زمان بدينا بدايات كويسة في التعليم بخت الرضا والمعاهد الأخرى.. الغناء الفن.. التدين الطبيعي بدون تكلفة.. يعني زي الزول البي يقولوا ليك جاب دبلوم بعد شوية جاب بكالريوس بعد شوية ماستر بعد شوية دكتوراه.. شعبنا كان كدة.. ما عيزنوا يتراجع تاني.. أليس من حقي أن ارفع شعبي على الشعوب الأخري.. ولكن أيضاً المقارنة هنا لم تكن هكذا.. كانت فقط المقارنة بين ( القناة الفضائية السودانية والقناة الفضائية التشادية) إذا تصورت أننا بدأنا البث الفضائي في أواخر الستينات قبل قنوات فضائية كثيرة كان يجدر بنا الآن أن نكون في مستوى متقدم جدا جدا.. هسه قنوات كثيرة بدأت بعدنا وفاتتنا.. بشهادة البروفسور في هذا الفن( الأستاذ على شمو) ولذلك هى مجرد أمنية أن اري وطنى قناته متقدمة.. الفنان أحمد المصطفي في أنشودة ( لى غرام وأماني قال( سامي قدرو جليل بين شعوب النيل)
أنا أحب فضائية تشاد
لكن بالطبع لا أحبها أكثر من قناة وطني مثلاً.. مجرد سودانية في نفسي فقط. ليس انحياز لأي شئ
وخايفها قريباً تفوتنا إذا استمرت بهذه القوة الخلاقة..
إذن المقارنة بين قناتين
وبالتأكيد أن كل قناه لها معجبين ولها ناس غير معجبين
فأنا ارجو من الأخوة الكرام هنا أن يقبلوا الرؤية المزدوجة
الغريبة هي ماشي تتحسن كل يوم
حتى بعض القلة الكان عندهم رأي فيها أضحوا وغيروا رأيهم للأحسن وهكذا كسبت هذه القناة قواعد جديدة
شكري ومحبتي للجميع بدون فرز
.. وإن شاء الله قناة تشاد تفوت السودان ذاتو إذا فاتتو تفوتو ما الحكاية تنافس الناس متضايقة مالا..
لكن عندي هذا مجرد أمنيات أن ارى وطنى فوق دائماً وإلا أكون موش سوداني
| |
|
|
|
|
|
|
|
|
|
Re: يا أخوانا ناس تشاد عملوا ليهم قناة فضائية.. هسه دي يفـوتونا (Re: منصوري)
|
يا منصوري.. ياخي تركت موضوعك الأساسي وإتجهت تحكي عن الحبش
وحشرتهم دون أي سبب.. الحبش بلدهم إتغيرت وأصبحت فيها الكباري
على أحدث التصاميم الهندسية، وفي الغناء تتطوروا أحسن مننا،
وفي التمثيل برضو تطوروا أحسن مننا.. وثاني شنو.. أي حتى في
الرياضة سمعتهم دوليا أفضل مننا بكثير.
ياخي ليه أنحنا ما ننظر لنفسنا عملنا شنو بدل نمشي ونطقع في
الجيران ونحسدهم على ما رزقهم الله من نعمة.
| |
|
|
|
|
|
|
|
|
 Re: يا أخوانا ناس تشاد عملوا ليهم قناة فضائية.. هسه دي يفـوتونا (Re: Osman Musa)
|
المكرم / منصوري
خالص التحايا والتقدير ,,,
يأخي الكريم لما تتكلم عن إثيوبيا معنها بتتكلم عن بلد 50% ويمكن أكتر من أهلوا مسلمين
العربي عندهم لغة عبادتهم يعني بتعلموا في المساجد والخلاوي
99% من البتكلموا عربي ديل ما شافوا السودان أصلا ...
و80% من البتكلموا عربي لهجتهم تكاد تطابق لهجتنا في النطق
_ شوف البرامج البتتقدم بالعربي في التلفزيون الإثيوبي _
------------------------------------------------
عن باقي الكلام لا تعليق ...
| |
|
|
|
|
|
|
|
|
|
Re: يا أخوانا ناس تشاد عملوا ليهم قناة فضائية.. هسه دي يفـوتونا (Re: عبد الناصر الخطيب)
|
المكرم / منصوري
برضو لو سمحت لى أرجع وأعلق على الكلام ده
Quote: ياخصارة ماضينا بقا احسن من حاضرنا
راجعين القهقرى.. حركة ورا
واصعب شئ على النفس البشرية إنو ماضيها يكون احسن من حاضرا
مع ياس مطبق من التطور
ومن يطور
الماضي أحسن من الحاضر
] |
ودي برضه نغمة ماشه بتقول كانت أجيالنا السابقة أفضل برضوا كلام ما دقيق
لو عينته بإنصاف لظروف الاجيال السابقة والحالية حتعرف إنو الاجيال الحالية
بتواجه تحدياته وصعوباته في الحياة بأفضل من ما وجهتوا أجيال كانت بظروف مختلفة
وتحديات أقل وبرضها ما حققت الكتير ...
واقعنا إنو أجيال بحسب الأتيح ليها من معرفة وقدرة على التحدي أنها تشق طريقه في وأقع أصعب
هم أفضل وحتجي كمان أجيال بعدهم أفضل منهم ودي سنّة الحياة
البتاكيد بتتطور من جيل لجيل ويصعب إنها تتقهقر أو تتراجع
----------------------------------
تقديري
| |
|
|
|
|
|
|
| |
منصوري
Hassan Makkawi
Abureesh
حواء سليمان ابراهيم
عمران حسن صالح
حسن محمود
عزيز عيسى
Osman Musa
فيس بوك
تويتر
انستقرام
يوتيوب
بنتيريست