|
|
 ***** مـا بنشبهـكـ *****
|
مابنشبهِكـ !
كونكـ ملاكـ ونحن البشر ...
مابنشبهِكـ ...
كونكـ شعاع ونحن الضلام ...
مابنشبهِكـ ...
كونكـ متقلة بالرزانة وبالعقل ...
مانشبهِكـ ...
لا في الكلام ...
لا في الوئام ...
لا في الغُنا ...
ماااااابنشبهِكـ !
حتى الوصف ...
حتى الحرف ...
مابنصفكـ !
كل العيون محمومة بيكـ ...
نظراتنا فيكـ ... ومااابتلحقكـ
كل القلوب تتمنى قربكـ ...
ونظرتكـ!
كُل النفوس تتشابى ليكـ ...
لبسمتكـ !
كل الأماكن والمساحات تزدان فرح ...
بخطوتكـ !
حتى البنات !
أيوة البنات !
مبهورة بيكـ ... بمشيتكـ ...
بجيّتكـ عليهم ... وطلّتكـ
ومابنشبهِكـ !
يا الطالي من خدِكـ قمر ...
وشارقة من عينيكـ شموس
والنيل إفتّش إلثمكـ ...
والليل إفتّش إحضُنكـ
ومابنشبهِكـ !
كيفن أنحنا نشبهِكـ ؟
وإنتِ الحروف ...
وكُل الكلام ...
مابوصفكـ !
فيض الحنان ووتر الغُنا
ساكن دوام في مُهجتكـ
وريني بس كيفن نشبهِكـ ؟
|
|
 
|
|
|
|
|
|
|
 Re: ***** مـا بنشبهـكـ ***** (Re: هند محمد)
|
Quote: Quote: يا الطالي من خدِكـ قمر ...
وشارقة من عينيكـ شموس
والليل إفتّش إحضُنكـ |
جمال وعذوبة
تحية |
ما بنشبهكـ
يافرحة نستنا الصعاب
يا لمسة ودّرت العذاب
وسقياها نستنا اليباب
وما بنشبهكـ
شاعرتنا الرقيقة المُبدعة هند
تشكرات لأناقة المرور
ودي
| |
|
|
|
|
|
|
|
|
|
Re: ***** مـا بنشبهـكـ ***** (Re: محمد الجيلى)
|
ما بنشبهكـ !
يا واهبة لينا أفواج فرح بجيّتكـ
يا حاضرة فينا مُكمّلة من خلقتكـ
لحن الغُنا بنساب حنين بلمحتكـ
وما بنشبهكـ !
في يومي داكـ !
أهديتي لجرفي السُقا
وزرعتي في جوفي اليقين ... بطلّتكـ
دوّختي لريحة الدُعاش
ونثرتي عطر الحُب عليّ
من نفحتكـ
عانقتي لكُل الحقائق الرافضة ليكـ
ولي فكرتكـ !
جرتقتي ليّ حُلمي المدسس في العروق
وفالكـ مصندّل بلمستكـ
ورقصتي لي شبال طُمأنينة وسلام
في ليلتكـ
وماااا بنشبهكـ !
| |
|
|
|
|
|
|
|
|
|
Re: ***** مـا بنشبهـكـ ***** (Re: حبيب نورة)
|
مابنشبهكـ
لو جيتي مارة على الدروب
كُل الأزاهر ترقصكـ
إنتشي زرع الحقول
وإميل عليكـ شأن إلمسكـ
تزقزق عصافير الدُنا
وتحلق فرح فوق قامتكـ
ومابنشبهكـ !
غيّرتي لينا الإندهاش بدهشتكـ
حيّرتي لي لُغة الجمال برسمتكـ
فتّشت في بحر الخيال !
مالقيت حِروفاً توصفكـ !
نقّبت في كُل الوجوهـ!
إمكن ألاقي البشبهكـ!
وريني بس!
من ياتو جنس!
من ياتو نوع!
من ياتو كون!
طلّيتي لي بنزعتكـ!
مابنشبهكـ
| |
|
|
|
|
|
|
|
|
|
Re: ***** مـا بنشبهـكـ ***** (Re: محمد الجيلى)
|
ما بنشبهكـ
يا زولة مُترعة بالجمال
والكون طرب بغنيتكـ
دوزنتي ليو لحن الغرام
وأديتي أنغام بهجتكـ
علمتي للفرح النبيل
كيفن إقالد مُهجتكـ
كيفن إضج لونو الفريد
كيفن بيرسم نزعتكـ
وما بنشبهكـ
| |
|
|
|
|
|
|
| |
محمد الجيلى
هند محمد
حبيب نورة
فيس بوك
تويتر
انستقرام
يوتيوب
بنتيريست