|
Re: شاركوني أفــراح قلبي (Re: كمال سالم)
|
أخي الحبيب كمال سالم تقبل عميق شكري وتقديري للتهنئة الرقيقة ..احمد يشكرك كثيرا ويقرئك السلام وقال أنه تشرف بلقائك في مقهى باحد الأماكن التجارية في الدوحة عند زيارته لها في العام الماضي .
تقبل تحياتي ومودتي ووافر احترامي
| |
|
|
|
|
|
|
Re: شاركوني أفــراح قلبي (Re: Gaafar Ismail)
|
الأستاذ العزيز جعفر اسماعيل
ألف مبروك نجاح أحمد وربنا يعطيك طولة العمر وتحضر نجاح أولادهم..
والحاجة التانية مبروك علينا أننا عرفنا لسعد الدين ولى أمر فى المنبر إذا بكرى احتاج حضور ولى الأمر..
ولو ماخانتنى الذاكرة أقول قد كنا فى يوم من الأيام فى سيرتك العطرة مع أخونا عبدالله المليك فى روشستر منسوتا..
لك التحية وربنا يفرحك بزواجهم يارب.
| |
|
|
|
|
|
|
Re: شاركوني أفــراح قلبي (Re: Balla Musa)
|
أخي الحبيب د. بله موسى ألف ألف شكر على التهنئة الرقيقة وادعو المولى عز وجل أن يمتعك بالصحة والعافية وتشوف نجاحات اولادك وتفرح بيهم ..أسعدني جدا ذكر الأخ الفاضل والصديق العزيز د. عبدالله المليك ..قضينا معا هنا في اليابان أيام حلوة لكن منذ سفره لأمريكا انقطعت عنا اخباره ...رقم هاتفي موجود في البروفايل وارجو تعطيه الهاتف لو سمحت ظروفك وتقرئه واسرته الكريمة السلام وقول ليهو اننا نهفو إلى سماع صوته الحبيب . تقبل اخي الفاضل تحياتي ومودتي ووافر احترامي
| |
|
|
|
|
|
|
Re: شاركوني أفــراح قلبي (Re: Gaafar Ismail)
|
حبيبنا أبو الجعافر أولا بالتبادي ألف مبروك للكابتن أحمد وفرحنا كثيرا بالخبر السار
لكن
معقول ياأبو الجعافر
نسمع الخبر من الأغراب ونحن ناس البيت؟؟؟
غايتو عشان ترضيني إلا تكلم ناس الجامعة يعيدو الحفلة ولا أحمد يربت السنة الأخيرة دي
بالله بلغ التهاني لأم أحمد وأخو أحمد أبو صلعة داك
.
| |
|
|
|
|
|
|
Re: شاركوني أفــراح قلبي (Re: جعفر سومي)
|
مبروك لأحمد يا عم جعفر وعقبال الماجستير والدكتوراة. التحايا والتبريكات موصولة لأخيه سيف الدين وبقية أفراد الأسرة.
___________________ لاحظت يا عم جعفر ... أحمد فى المتوسطة بقى يشبه اليابانيين
| |
|
|
|
|
|
|
Re: شاركوني أفــراح قلبي (Re: شول اشوانق دينق)
|
الحبيب شول اشوانق دينق ألف ألف شكر وتقدير على التهنئة وإن شاء الله نحضر أفراحك.... تحياتي ومودتي ووافر احترامي
--------------- احمد يقرئك السلام ويشكرك وبقول ليك من عاش مع قوم 22 سنة صار منهم
| |
|
|
|
|
|
|
Re: شاركوني أفــراح قلبي (Re: جعفر سومي)
|
سمي الحبيب ابو الجعافر ألف ألف شكر وتقدير للتهنئة الرقيقة ..إن شاء الله نبارك ليك نجاح تنزيل وسومي الصغير واخوانهم ..تسلم يا حبيب...ما تنسى سيف ابو صلعة وسعدالدين من صالح دعواتكم ليهديهم الله للزواج .
| |
|
|
|
|
|
|
Re: شاركوني أفــراح قلبي (Re: Gaafar Ismail)
|
الحبيب جعفر.. كم يسعدنا تفوق أبنائنا وبناتنا وإخوتنا في بلاد المهجر.. الفرح الذي أظل أسرتك الصغيرة أظل كل معارفك وأصدقائك.. .. لقد ملأتني سرورا يا أحمد.. يالك من نجيب ابن نجيب .. واصل درب النجاح.. متع الله والدك بالعافية.
| |
|
|
|
|
|
|
Re: شاركوني أفــراح قلبي (Re: محمد على طه الملك)
|
الأخ والإبن الصديق العزيز الفاضل محمد علي طه الملك تقبل عميق شكري وتقديري على التهنئة الرقيقة، أسأل المولى عز وجل يحفظكم والأسرة الكريمة ونحضر أفراحكم ..تسلم يا حبيب . احمد يشكرك كثيرا ويقرئك السلام . تقبل تحياتي وصادق مودتي ووافر احترامي
| |
|
|
|
|
|
|
Re: شاركوني أفــراح قلبي (Re: Gaafar Ismail)
|
العم العزيز جعفر ..
ألف ألف مبروك لأحمد و عقبال تحضر تخريج أولادو يا رب..
فرحنا معاكم من كل قلبنا..
و صورو بالزي القومي تشرح القلب و ترفع الرأس..ما شاء الله و تبارك الله
خالص التهاني و التحايا للخالة العزيزة مسرة..و لسعدالدين و سامي و كل الأسرة
من خالد و مني
| |
|
|
|
|
|
|
Re: شاركوني أفــراح قلبي (Re: Sana Khalid)
|
إبنتنا العزيزة الفضلى سناء خالد تقبلوا عميق شكرنا وتقديرنا للتهنئة الرقيقة وعقبال نفرح بوليداتكم إن شاء الله . تقبلوا تحيات وشكر مسرة وسلافة واحمد وسامي وسيف اليزل وسعدالدين مع أطيب الأمنيات بدوام الصحة والتوفيق والنجاح .
| |
|
|
|
|
|
|
Re: شاركوني أفــراح قلبي (Re: Gaafar Ismail)
|
Quote: ما تنسى سيف ابو صلعة وسعدالدين من صالح دعواتكم ليهديهم الله للزواج . |
والله يا حاج..
الواحد بقى ملاوز لو ما استجاب للمرسوم الملكي اعلاه في السنة دي يطلع مغضوب عليهم و ضالين :)
| |
|
|
|
|
|
|
Re: شاركوني أفــراح قلبي (Re: saadeldin abdelrahman)
|
إبني الحبيب ابو السعود الحقيقة إنت وسيف ابوصلعة طعنتو في العمر والأهل ماكلين لحمي بالأسئلة من نوع (اولادك ديل منتظرين شنو) والبنات السمحات والمتعلمات راقدات ..الخ ....اعمامكم واخوالكم كلهم عرسو دون الثلاثين
------------------------------
الحج ما بطال لكن كلمة يابا لها وقع أحلى وأعمق
| |
|
|
|
|
|
|
Re: شاركوني أفــراح قلبي (Re: Gaafar Ismail)
|
عمنا : ألف مبروك لأحمد وعقبال الدكتوراة وما فوقها إن شاء الله وربنا يخليك له ولينا كلنا يا رب في زحمة أشياء كثيرة لم أعلم بهذا النبأ السار فهذا الساموراي الباسل يستحق أن تلهب له الأكف نشيدا عذبا لجديته ومثابرته كم أحبه هذا الأحمد الخلوق لك وللخالة لآلاف التبريكات والتهاني وموصولة لسيف وسعد وبقية العقد وربنا يخليك ليهم ولينا يارب بهاء /طوكيو
| |
|
|
|
|
|
|
Re: شاركوني أفــراح قلبي (Re: Baha Elhadi)
|
أخي الحبيب والصديق العزيز الفاضل بهاء شكرا جزيلا على التهنئة الرقيقة وإن شاء الله نفرح بالشبل علي وشقيقته وربنا يمتعهم واياكم بالصحة والعافية ودوام النجاح والتوفيق..أحمد يعبر لك عن عميق شكره وتقديره للتهنئة والكلمات الطيبات والتشجيع. اكرر عميق شكري ووافر احترامي وتقديري.
| |
|
|
|
|
|
|
Re: شاركوني أفــراح قلبي (Re: Gaafar Ismail)
|
طعنتوا؟ أكلوا اللحمة؟ تسلم إنت. إنت يايابا صاحبت إيهاب الظاهر :)
Quote: اعمامكم واخوالكم كلهم عرسو دون الثلاثين
|
و لنا في خالنا الطاهر أسوة ( ما عارفها حسنة ولا سيئة) و الله بقيت صعب خلاص ... غايتو المداخلات بقت مشهد من أفلام أبيض و أسود إسماعيل وهبي : مش ناوي تعقل كدا و تكمل نص دينك يا أبني رشدي أباظة : حاضر يا حج بس لما الاقي بنت الحلال وهبي: البنات على قفا من يشيل يابني..إنت نقي كدا و قول يا هادي و سيب الباقي عليا.. أباظة: مش لما الاقيها الأول يا حج وهبي: يووووه حتفضل طول عمرك رأسك ناشفة! أباظة: بس إنتو ادعو لي. ---------- لا تنسونا من صالح الدعاء :)
| |
|
|
|
|
|
|
Re: شاركوني أفــراح قلبي (Re: الفاتح ميرغني)
|
Quote: والله يا حاج..
الواحد بقى ملاوز لو ما استجاب للمرسوم الملكي اعلاه في السنة دي يطلع مغضوب عليهم و ضالين :) |
غايتو يا سعد الدين كلامك ده كلام زول كايس ليهو سبب ساى للإستجابة إستجب إستجب :دي على طريقة نداء يا سارية الجبل.
عم جعفر سلامات ياخ
| |
|
|
|
|
|
|
Re: شاركوني أفــراح قلبي (Re: tmbis)
|
العزيز الفاضل إبننا العريس تمبس ألف ألف شكر على التهنئة الرقيقة وإن شاء الله نبارك ليك جديدك ...تسلم يا حبيب
تحياتي ومودتي ووافر احترامي
| |
|
|
|
|
|
|
Re: شاركوني أفــراح قلبي (Re: Souad Taj-Elsir)
|
أختي العزيزة الفضلى د. سعاد تاج السر أتمنى أن تكونوا والأخ د. عبدالله والأنجال بخير وصحة جيدة. شــكرا جزيلا على التهنئة الرقيقة، وأسأل الله العلي القدير أن يمد في العمر لنبارك لكم نجاح الأولاد وجديدهم. تقبلوا تحيات اسرتي وتحياتي ومودتي ووافر احترامي وتقديري
| |
|
|
|
|
|
|
Re: شاركوني أفــراح قلبي (Re: الفاتح ميرغني)
|
قميحة إزيـك ياخي و لعلك طيب و بعيد من الساوند سيستم و الحاجات الصعبة ديك.. يعني فليق كل بلد براه.. في الأبيض مثلا تفلقك دومة ولا دليبة.. تجي لليابان يفلقك ساوند .. تجينا هنا يفلقك خروف.. ربنا يغطي بس.
Quote: غايتو يا سعد الدين كلامك ده كلام زول كايس ليهو سبب ساى للإستجابة إستجب إستجب :دي على طريقة نداء يا سارية الجبل. |
قلت لي أخوك قاعد على الهبشة? عايزين نرضي الحلوين طرفكم.. زعلهم طال و صعب :)
كن بخير.
| |
|
|
|
|
|
|
Re: شاركوني أفــراح قلبي (Re: Gaafar Ismail)
|
بسماتكم تحكي الكثير و ليس "قصة أحلامكم" فقط ما شاء الله تبارك الله .. رغم الفلفلة الكتيرة في المكتبة و الالبومات..ما عارف إذا شفت الصورة دي قبل كده ولا لأ يمكن شفتها و نسيت.. بعيد عنك الواحد طعن و كدا :)
| |
|
|
|
|
|
|
Re: شاركوني أفــراح قلبي (Re: اساسي)
|
عمنا العزيز جعفر اسماعيل 1000مبروك لي أحمد اسعدنا الخبر السار وان شاء الله عقبال الماجستير والدكتوراة. ربنا يديك طولة العمر وتفرح بأولادهم.
| |
|
|
|
|
|
|
Re: شاركوني أفــراح قلبي (Re: saadeldin abdelrahman)
|
زغروده طويييييله وعاليه بمناسبه تخرج ابننا احمد وكل التهانئ الطيبه وصادقه لاخي الكريم اسماعيل وللاخت العزيزه مسره وعقبال جديد الوليدات بحياتكما. شفت البوست اول ما نزل وكان وقتها ما عندي طريقه ادخل البورد متل ما بقولوا الوليدات لاسباب لوجستيه . بعد ربنا سهل الاتصال ما لقيت البوست فوق نزلت بوست دق ريحه لابنتي نعام حيموره وبعدها اختفت باسويردي الا اليوم قام المهندس بكري مشكورا بارجعها والحمد لله لقيت البوست اترفع تاني اردو قبول عذري يا اخي اللطيف والف الف مبروك لاحمد التخرج
| |
|
|
|
|
|
|
Re: شاركوني أفــراح قلبي (Re: doma)
|
أختي العزيزة الفضلى دوما البوست نوّر بمقدمك الميمون ألف ألف شكر للتهنئة الرقيقة ، أنا دائما مقدر لظروف الناس مع المشغوليات الكثيرة التي تضطر المرء للابتعاد من الكمبيوتر لبعض الوقت ....إن شاء الله نبارك ليك جديد وليداتك وأسأل المولى عز وجل يجعل -والأسرة الكريمة- أيامكم أفراح ومسرات .
تقبلي تحيات وشكر مسرة واحمد وتحياتي ومودتي واكيد احترامي وتقديري
| |
|
|
|
|
|
|
Re: شاركوني أفــراح قلبي (Re: KOSTA)
|
العزيز الفاضل الأستاذ كوستا شكرا جزيلا على التهنئة الرقيقة، إن شاء الله نشاركك أفراحك يا حبيب ليك زمن غائب من البورد وافتقدنا موضوعاتك وقلمك الرشيق والحمد لله على الظهور وتاني ما تطول الغيبة تحياتي ومودتي ووافر احترامي
| |
|
|
|
|
|
|
|