|
جمـــال بحـــري !!
|
صباح الخير ,,
عثرت بمحض الصدفه علي أغنيه جديده لطه سليمان, الأغنيه اسمها "جمال بحري", وبما اني من أهل بحري وعاشقيها وبالرغم من اني لا أستمع عادة لطه سليمان, الا اني اثرت الاستماع الي الاغنيه لأسمع ماذا قال طه عن بحري, ولدهشتي وجدت أغنيته تذكر مناطق لا نعتبرها "معشر سكان بحري" داخل حدود منطقة بحري اطلاقا, اغنية طه سليمان أشعر بها لاتتحدث عن بحري التي نعرف,
شعرت بضرورة ترسيم حدود بحري للحفاظ علي مسماها,
علي ماذا تطلق كلمة "بحري"؟
السؤال للأعزاء ناس "بحري طراوه" .. ولكل محبي بحري,
--- الأغنيه لمن يود الاستماع ..
[B] طه سليمان - جمال بحري [/B] [SIZE="1"]♫ أغاني سودانية»» ♪ SUDANIANA ♪ مكتبة الأغاني السودانية أغاني سودانية فيديو اغاني سودانية[/SIZE]
(عدل بواسطة Amany Elamin on 03-11-2010, 07:35 AM)
|
|
|
|
|
|
|
|
Re: جمـــال بحـــري !! (Re: Amany Elamin)
|
بحري التي أعرف, موطن الاباء والأجداد, تتكون من مجموعة أحياء قديمه جدا, كانت بدايتها علي ما أظن من حلة خوجلي وحلة حمد, هجرة محس توتي الي ضفة النيل المواجهه والاستقرار هناك, ودليل قدم تاريخ المنطقه قبة الشيخ خوجلي أبو الجاز, والشيخ حمد ود أم مريوم, بعمر يناهز مئات السنوات, هذه المنطقه علي حد علمي هي أقدم مناطق بحري, تماثلها في القدم منطقة "خور شمبات" و"حلفاية الملوك", ثم تم التوسع لتشمل علي سبيل المثال أحياء, مثل الأملاك (منطقة سوق بحري), الختميه, حي المزاد, الشعبيه, الدناقله, الصبابي,
دي في اعتقادي مجموعة الأحياء التي نطلق عليها منطقة "بحري" أما ما عداها فتوسع أفقي يقع في تخوم المنطقه ولا يحمل نفس المسمي,
الخوجلاب علي سبيل المثال منطقه عريقه جدا, وتنتمي في الأصل الي حي "حلة خوجلي" من حيث السكان, ولكن لا تسمي الخوجلاب, ولا نطلق عليها في مسمانا "بحري" اطلاقا,
وكذلك عموم منطقة شرق النيل, تحمل مسمياتها, ولاتعتبر تنتمي الي مسمي بحري الحقيقي !!
ياناس بحري تعالوا نحافظ علي مدينتنا الحبيبه بحري, وعلي حدودها مرسومه بعنايه وعلي مسماها بمنتهي الوضوح ..
| |
|
|
|
|
|
|
Re: جمـــال بحـــري !! (Re: محمد عبد الماجد الصايم)
|
لووووووول ياود الصايم ,,
دي كتلتني بالضحك, القالها ده تعبان من ناس بحري شديد لووووول
بعدين يعني كيف طه سليمان يقول "الجيلي" بحري ؟!!!! وأنا الكنت مستنيه الغنيه تصل بحري يقوم ينهيها "الله فوق زوزو" ؟!!!!!!!
| |
|
|
|
|
|
|
Re: جمـــال بحـــري !! (Re: Amany Elamin)
|
Quote: وأنا الكنت مستنيه الغنيه تصل بحري يقوم ينهيها "الله فوق زوزو" ؟!!!!!!! |
دي معاناها إلخ إلخ إلخ
هسي بي سببكـ الليلة سمعنا: ماشة معاكـ عسل .. أنا ليكـ كيفن أصل! وماشة معاكـ باسطة .. والدنيا ليكـ باسطة!
يالله أهو ماشة معاكـ حــلاوة
| |
|
|
|
|
|
|
Re: جمـــال بحـــري !! (Re: Hussein Mallasi)
|
ملاسي سلامات,,
Quote: ناس أمدرمان حلوا المشكلة دي باستحداث محليتي كرري و امبدة. |
طيب شرق النيل محليه برضو قايمه بذاتها المفروض, ناس الحاج يوسف والجريف شرق, لغاية العيلفون وأم دوم وبقية المنطقه ,
لكن المنطقه شمال الحلفايه أول مره أعرف انه طه سليمان تحديدا معتبرها بحري !!
نطالب باستحداث محليه للمنطقه وترسيم حدود بحري ,,
| |
|
|
|
|
|
|
Re: جمـــال بحـــري !! (Re: Amany Elamin)
|
ود الصايم صباح الخير,
الحاج يوسف ياها الحاج يوسف, يعني شرق النيل, أووووعه تكونوا بتقولوا ساكنين بحري ؟ّّ!! لوووووووول
طيب الكباشي كيف يعني؟ الكباشي دي برضو ياها الكباشي, الا لو كلمة "بحري" دي غيروها !!
بعدين عندي سؤال جادّي, "أبو حليمه" دي وين؟ جهة الكدرو والدروشاب وكده؟
لأنو دي برضو ما بحري ..
--- معا لترسيم حدود بحري, عشان ود الصايم ومن لف لفه ما يقولوا معانا لوووول
| |
|
|
|
|
|
|
Re: جمـــال بحـــري !! (Re: Amany Elamin)
|
Quote: "أبو حليمه" دي وين؟ جهة الكدرو والدروشاب وكده؟ |
هسي عليكـ الله في زول من بحري ما بحرف أبو حليمة وين؟ كان ما من بحري .. ما بتمشي رحلات كمان!
أيوا ياخ! بعد الكدرو السقاي أبو حليمة
| |
|
|
|
|
|
|
Re: جمـــال بحـــري !! (Re: Amany Elamin)
|
Quote: معا لترسيم حدود بحري,
|
دا إنقسام يا أماني و بصورتك دي بتخلي الوحدة ما جاذبة
-------------- نسينا السلام ذاتو يا خي كيفك اماني و زوراك الفي و الجايين
| |
|
|
|
|
|
|
Re: جمـــال بحـــري !! (Re: حافظ حسن ابراهيم)
|
حافظ ازيك ياصديق, وصباحك خير,
Quote: دا إنقسام يا أماني و بصورتك دي بتخلي الوحدة ما جاذبة |
لكن الوحده بوضع اليد, وللا بالاتفاق؟
نرسّم الحدود بعدين ممكن نتفق مع محبي بحري علي حسن الجوار, علي تقاسم السلطه والثروه, علي الوحده ذاتو لو حكمت,
خليك معاي في حركة تحرير بحري وترسيم حدودها :)
تسلم ياصديق,,
| |
|
|
|
|
|
|
Re: جمـــال بحـــري !! (Re: Amany Elamin)
|
Quote: خليك معاي في حركة تحرير بحري وترسيم حدودها |
والله! دي تلقيها عند الغافل يا أماني نناضل ليكم نحنا و تجي تأكل الثروة و السلطة براكم
يا ود الصايم بالله يدك معانا نحرف البوست الجهوي دا .... أنا أصلاً اليومين دي مرفود من الشغل بحسن السير و السلوك و داير أخش كورس بتاع لئامة أها قلت أبدا من بوست الجهوية أماني الامين *
------------------------------------ غايتو نتعلم الحجامة في قفا اليتامي........ بإعتبار أماني دي ما شكالة شديد و لا إتعلمت
| |
|
|
|
|
|
|
Re: جمـــال بحـــري !! (Re: حافظ حسن ابراهيم)
|
امانى سلام..
سكنا فى بحرى فى الفترة ما بين سنة 78 كل ما اتذكره هى عبارة نرددها عند اقتراب عربة (....) لتفريغ الجرادل الممتلئة ب(......) العبارة هى (العيفونة الليمونة) ...وبعدها نلوذ بالفرار ... والويل لمن يمسكوه عمال عربة (....) حيغطسوا راسو فى أقرب جردل...
غايتو امبدة وهواءها النقى وحيشانها الواسعة نعمة
| |
|
|
|
|
|
|
Re: جمـــال بحـــري !! (Re: ombadda)
|
يادكتور سلامات,,
بوست الكانسر الظاهر في زول عمر لي فيهو عمل, كل ما أقول بسم الله عشان أرفعو ونواصل قلبي ياباهو لوووول
Quote: غايتو امبدة وهواءها النقى وحيشانها الواسعة نعمة |
أول شئ سنة 78 دي أنا لسه ما اتولدت, لكن ناس بحري الزمن داك بيكونوا ما سمعوا بحاجه اسمها أمبده لسه
بعدين في أهدأ وللا هوا أجمل من هوا بحري وحيشانها؟
بالمناسبه انتو كنتوا ساكنين وين في بحري؟
| |
|
|
|
|
|
|
Re: جمـــال بحـــري !! (Re: حافظ حسن ابراهيم)
|
هوي ياحافظ,
Quote: يا ود الصايم بالله يدك معانا نحرف البوست الجهوي دا .... أنا أصلاً اليومين دي مرفود من الشغل بحسن السير و السلوك و داير أخش كورس بتاع لئامة أها قلت أبدا من بوست الجهوية أماني الامين *
|
يعني السودان ده كلو مرسّم حدوده وباقي عليها عشره, حقارتكم فينا نحن ناس بحري عشان هادئين ومسالمين؟
ياناس بحري, طه سليمان ما براهو الظاهر لوووووول
--- وهبه ده مالو اتأخر كده لوووووول
| |
|
|
|
|
|
|
Re: جمـــال بحـــري !! (Re: Amany Elamin)
|
الخدار المرشوش دا قاصد بيهو
خدار النيل
ولا جرجير الخدرجية يا أماني؟؟
وبعدين قال جناين الخوجلاب لي قلبو محتكرة وهناك النيل بغازل في أرض بِكرة
هني بي صراحة كان دخل فيها كلمة كسرة كانت بتظبط 100%
| |
|
|
|
|
|
|
Re: جمـــال بحـــري !! (Re: جلال جبريل)
|
Quote: نحرفو نوديهو شارع الغابة مثلا؟ |
الغابة , المشتل , أم طرقاً عراض ما فارق بس في النهاية يتحرف و السلام و لا أقول ليك حاجة وديها امبدة يا خي
Quote: غايتو امبدة وهواءها النقى وحيشانها الواسعة نعمة
|
بس دي كيف يا أم بدة؟ و لا نظام القرد في عين أمو غزال.... انت عارف ذكرتني أمي جات من البلد كرت الخرطوم أها وقت جات راجعة سألناها : الخرطوم كيف؟ الله ينعل ابو الخرتوم ( التاء دي طاء لكن في لسان بتاع رطانة لسا ما اتعالج منها)... الله ينعل ابو الخرتوم حيشانم الديقات ديل... و الله الزول لو داير يتمغي الا يمرق برا الشارع... أخوي الصغير برضوا حماكم الله بعرف من الجنون الوراثي رد عليها والله الكديسة الما لحقت اللحمة و قالت هي زاتها عفنة......
بالله شتت الكور دي كويسة و لو ما قادر نشوف وهبة النادوها داير يسوي شنو؟ تدعي وهبة ندعو حيدر الزين
--------------------- ------------------ قال أبو حليمة ما بحري كيف يعني؟ معاً لاجل ابو حليمة البحراوية أم عن جدة
| |
|
|
|
|
|
|
Re: جمـــال بحـــري !! (Re: حافظ حسن ابراهيم)
|
ياحافظ, والله ود الصائم بيضحكته دي يحرف أجدعها بوست :)
Quote: بالله شتت الكور دي كويسة و لو ما قادر نشوف وهبة النادوها داير يسوي شنو؟ تدعي وهبة ندعو حيدر الزين
|
وهبه صاحب المقوله الشهيره, "أولاد الديم ما خلوا لأولاد بحري حاجه" ماكان عارف حينها انو كلمة "بحري" تم تحريفها قدر ده :)
أمّا حيدر الزين فقوّات صديقه ..
حافظ انت زاتك باين لي من كلامك مع د. أمبده بتحب بحري وناس بحري, ما تعمل فيها معارضه ساي لووووول
| |
|
|
|
|
|
|
Re: جمـــال بحـــري !! (Re: جلال جبريل)
|
جلال جبريل:
Quote: الخدار المرشوش دا قاصد بيهو خدار النيل ولا جرجير الخدرجية يا أماني؟؟ وبعدين قال جناين الخوجلاب لي قلبو محتكرة وهناك النيل بغازل في أرض بِكرة هني بي صراحة كان دخل فيها كلمة كسرة كانت بتظبط 100% |
انت كان خدار النيل وللا الجرجير مالك مابيهو؟ مزارع بحري دي في أجمل منّها؟
-- انت مش أخو طارق جبريل؟
| |
|
|
|
|
|
|
Re: جمـــال بحـــري !! (Re: Amany Elamin)
|
Quote: هي نعمل شنو يا عمكـ بقيت علينا إنت وأمكـ! ياخي بلا يخمك
|
ايو كدا تمام... بشوية إجتهادات و إعتقادات ممكن تبقي شاعر ظليل (كلمة قريبة من ظليل يا خي)
والله يا ود الصايم دي ضحكت فيها ضحك بس مشكلتي ما بعرف أختت الوشوش,,, بالله في واحد بعرف الحركة دي يجدع لينا هنا وشين تلاتة مكشرات... و الله لا يضيع أجر من أحسن عملاً
-----------------------
بالله الب الاحمر دي من انتاجي انا شخصياً بعدين ما تكلنا حنك وقت القصيدة دي الفوق تتم و تتلحن
| |
|
|
|
|
|
|
Re: جمـــال بحـــري !! (Re: حافظ حسن ابراهيم)
|
Quote: أمّا حيدر الزين فقوّات صديقه |
أماني ... أماني من متين حيدر مين القوات صديقة دا... أها كمان كنور بقت من بحري؟
Quote: حافظ انت زاتك باين لي من كلامك مع د. أمبده بتحب بحري وناس بحري, ما تعمل فيها معارضه ساي لووووول |
أماني للمرة التانية بقول ليك لو دايرا تفاوض ممكن نخت السلاح و نجي نتفاوض لكن بشرط ان اكون والي لولاية شمبات .... وود الصايم أخوي دا ندمج ليهو حلة خوجلي و حمد ولاية واحدة و ييبقي عليهم والي و يا دار ما دخلك شر؟
-------------------- ختي في بالك نحن هسا ماسكين ابو حليمة , و أم ضريوه , و تاني وين يا ود الصايم؟
| |
|
|
|
|
|
|
Re: جمـــال بحـــري !! (Re: حافظ حسن ابراهيم)
|
حافظ باحافظ ..
Quote: أماني ... أماني من متين حيدر مين القوات صديقة دا... أها كمان كنور بقت من بحري؟ |
أشرح ليك ياسيدي, حيدر الزين صاحب عمو وهبه لحام ستالين, والاتنين بيطلقوا عليهم قوي الظلام يعني حاجه واحده, وعمو وهبه بحراوي أصيل .. فأكيد حيدر معانا ضد تحريف حدود بحري, واطلاق مفردة "بحري" علي أبو حليمه وأم القري, والجيلي ..
Quote: أماني للمرة التانية بقول ليك لو دايرا تفاوض ممكن نخت السلاح و نجي نتفاوض لكن بشرط ان اكون والي لولاية شمبات .... وود الصايم أخوي دا ندمج ليهو حلة خوجلي و حمد ولاية واحدة و ييبقي عليهم والي و يا دار ما دخلك شر؟ |
لووووووول مرحبا بأبو حليمه في رحاب مدينة بحري, ههههههههههههههههه
| |
|
|
|
|
|
|
Re: جمـــال بحـــري !! (Re: Amany Elamin)
|
Quote: قال أبو حليمة ما بحري كيف يعني؟ معاً لاجل ابو حليمة البحراوية أم عن جدة |
لووووووول ياحافظ,
والله العظيم ما قايله روحي بسمع لي غنيه اسمها جمال بحري, ألقي فيها أبو حليمه والجيلي,
مع احترامي الكامل لكل المناطق دي, لكن هم زاتو لو قالوا ليهم بحري حيضحكوا
| |
|
|
|
|
|
|
Re: جمـــال بحـــري !! (Re: Amany Elamin)
|
Quote: هي نعمل شنو يا عمكـ بقيت علينا إنت وأمكـ! ياخي بلا يخمك شوف ليكـ بورد يلمّكـ! أو قبر يضمك |
الظليل ود الصايم دي حتكون رائعة 2010 ... و منها نطلع لين بقرشين تلاتة
انا ال ب الأحمر ------------- أها يا أماني قلت لي بحري مالا؟
| |
|
|
|
|
|
|
Re: جمـــال بحـــري !! (Re: حافظ حسن ابراهيم)
|
Quote: أها يا أماني قلت لي بحري مالا؟ |
قلت ليك بحري البعرفها أنا, ياها الفي القصيده دي:
Quote: في ربوع بحــــــــري لاقيته
في ربوع بحري لاقيتــــــه بسم حياني حيتـــــــــــــــو *************
في ربوع بحري لاقيتــــــه وماكان املي القــــــــــــاه فتح قلبي وسكن فيــــــــــه بخمره حبه اسقــــــــــــاه
قلبي علي الضني اتعلـــــم وحين ما اطراه اتالــــــــم مابسلاه يا احبــــــــــــــاب ومهما فؤادي اسقــــــــاه *************
طالعين كنا في نشــــــــوه علي البلديه مرينــــــــــــا ناجينا الطيور في الروض وقلنا ليها سامرينـــــــــــا
سامرتنا بالتغريــــــــــــد وريناها معي الريـــــــــــد قمنا وقالت اطرونـــــــي وقلنا ليها اطرينــــــــــــــا ************* عبرنا الكبري والكبـري راجعين بقعه ام درمـــان مزجت دموعي بدموعه والجو كان امان في امان ************* ودعته ورجعت بـــراي لاروح لافكــــــــر لاراي انا قلبي التركته وراي غائب مني ليه زمــــــان |
-- بحري شارع البلديه وماجاوره :)
| |
|
|
|
|
|
|
Re: جمـــال بحـــري !! (Re: Amany Elamin)
|
سلام يا أماني بعيداً عن المغني الذي وصفتيه (بالفنان) دا نقول أن بحري (كانت) أكثر المدن هدوءاً بس بعد كبري (المك نمر) الحكاية جااااطت !!!
ـــ زول من (حلة خوجلي) منذ عشرة سنوات ... بس !!
| |
|
|
|
|
|
|
Re: جمـــال بحـــري !! (Re: عبود عبد الرحيم)
|
عبود عبد الرحيم سلامات ,,
Quote: بعيداً عن المغني الذي وصفتيه (بالفنان) دا
نقول أن بحري (كانت) أكثر المدن هدوءاً بس بعد كبري (المك نمر) الحكاية جااااطت !!! |
أنا قلت علي طه سليمان فنّان؟ ما قلت والله, قلت طه سليمان حاف :)
المك نمر عيبو انو جاب لينا ناس أمدرمان مارين بعندينا
ياسلااااااااام,
Quote: زول من (حلة خوجلي) منذ عشرة سنوات ... بس !! |
بالله ساكن الحي الأمامي جوار الاسبتاليه؟
<object width="425" height="344"><param name="movie" value="http://www.youtube.com/v/boK2RugTMSU&hl=en_US&fs=1&&quo...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/boK2RugTMSU&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
| |
|
|
|
|
|
|
Re: جمـــال بحـــري !! (Re: Amany Elamin)
|
Quote: والله العظيم ما قايله روحي بسمع لي غنيه اسمها جمال بحري, ألقي فيها أبو حليمه والجيلي, |
أماني .. سلامات .. طه سليمان بقصد جمال بحري المستوردة من الصومال .. (ذات السنامين)
ودي ..
| |
|
|
|
|
|
|
Re: جمـــال بحـــري !! (Re: بشير جبريل علي)
|
Quote: هي نعمل شنو يا عمكـ بقيت علينا إنت وأمكـ! ياخي بلا يخمك شوف ليكـ بورد يلمّكـ! أو قبر يضمك خلاص قمت لجنك ودا أنت الراجنك أقوم أشيل حجر وأفنك |
ياخ دي من البحر القصير ..بتقطع النفس .. واحد مركب مكنة شاعر .. عندي معاكم ثلاثة بيوت في العشوائي ..بالخط المائل .. عشان تحفظوا لي حقي المادي ..
تحياتي ..
| |
|
|
|
|
|
|
Re: جمـــال بحـــري !! (Re: ياسر عبدالعزيز الطيب)
|
أهلا بيك أخ ياسر:
Quote: تصحيح بسيط: خور شمبات ده في أمدرمان لكن اظنك قاصدة شمبات قلب بحري (بكل عنصرية). |
شمبات البقصدها أنا, شمبات الحله, لأنه ده هو الحي العريق, أمّا أي شمبات غير كده فانضمت لاحقا,
Quote: تصحيح تاني: بحري دي ممتدة على حدود النيل الغربية من حلة حمد لحدي الجيلي، يعني المناطق دي كلها مناطق أصيلة في تكوين بحري وارتبطت بيها قبل كتير من المناطق الجديدة المافي خلاف على أنها جزء من بحري زي المغتربين والصافية مثلاً. |
غير صحيح, البتتكلم عنها دي قري تقع شمال بحري, مع التوسع العمراني الأفقي للعاصمه بقت ما في حدود بتفصلها عن بحري, بحري البعرفها أنا حدها الحلفايه, وفي الحلفايه اللاسلكي كانت أقصي حدود بحري شمالا, الباقي دي كلها قري ومناطق قائمه بذاتها,
بحري المدينه بتشمل في حدودها المغتربين والصافيه كأحياء حديثه بدون شك,
تحياتي واحترامي,,
| |
|
|
|
|
|
|
Re: جمـــال بحـــري !! (Re: ياسر عبدالعزيز الطيب)
|
Quote: هي نعمل شنو يا عمكـ بقيت علينا إنت وأمكـ! ياخي بلا يخمك شوف ليكـ بورد يلمّكـ! أو قبر يضمك خلاص قمت لجنك ودا أنت الراجنك أقوم أشيل حجر وأفنك ] |
*
يا الله يا الله شوف الكلمات يا ود الصايم ... بشير موهبة موهبة و محتاجة لرعاية حقيقية
يا سيد بشير كأعلان بتاع حسن نوايا كدا نحنا بنقوم نقتسم معاك الإسم... اصلاً كان اسمنا حافي-حايم الحرفين الاوائل من اسم العبد لله(حافظ), الياء من ود الصايم , الحاء البعديها من إسم والد العبد لله طيب الله ثراؤه (حسن), و ايم الأحرف الاخيرة من ود الصيام.... هسي الإسم حيتغير يا ود الصايم لانو جاتنا موهبة ما حصلت في المستقبل القريب الشاعر (بشييييييييييير) لكن يا بشير انا بتنازل ليك عن حرف من نصيبي في الإسم لانو إسهاماتك شوية جات متأخرة عشان كدا إسمنا الجديد حيكون
(حابي-حايم) ---------------------- اللون الأخضر لبشير و انا ال ب الأحمر وود الصايم كائن مائي لا لون له
| |
|
|
|
|
|
|
Re: جمـــال بحـــري !! (Re: حافظ حسن ابراهيم)
|
Quote: هي نعمل شنو يا عمكـ بقيت علينا إنت وأمكـ! ياخي بلا يخمك شوف ليكـ بورد يلمّكـ! أو قبر يضمك خلاص قمت لجنك ودا أنت الراجنك أقوم أشيل حجر وأفنك |
قد تبين أنهم ما أتوا لحوار, محاولاتكم لحرف البوستات أصبحت مكشوفه , ميزانيات كبيره مرصوده وما عارفه شنو , الخ الخ الخ
التجاهل .. التجاهل .. التجاهل ..
| |
|
|
|
|
|
|
Re: جمـــال بحـــري !! (Re: بشير جبريل علي)
|
بشير جبريل سلامات,
Quote: أماني .. سلامات .. طه سليمان بقصد جمال بحري المستوردة من الصومال .. (ذات السنامين)
|
لأ وانت الصادق, هو قاصد الجمال الواحد ده, بس هو الظاهر ما عارف بحري دي وين !!
| |
|
|
|
|
|
|
Re: جمـــال بحـــري !! (Re: Amany Elamin)
|
موضوع جميل للنقاش...
معاك 100% إنه شمبات الحِله هي الأصل وهي قلب بحري الأناقاصده تحديداً، وإمتداد شمبات دي زيادة لشمبات من زمن قريب جداً وانا عندي فيها مليون راي بالرغم من إنه معظم أهلنا ناس الحِلة إتجبروا يرحلوا ليها لظروف التخطيط. أنا تصحيحي ليك لإنك قلتي (خور شمبات) و الخور ده في أمدرمان جهة وادي سيدنا ويمكن سموهو كده لأنه مقابل لشمبات.
Quote: غير صحيح, البتتكلم عنها دي قري تقع شمال بحري, مع التوسع العمراني الأفقي للعاصمه بقت ما في حدود بتفصلها عن بحري, بحري البعرفها أنا حدها الحلفايه, وفي الحلفايه اللاسلكي كانت أقصي حدود بحري شمالا, الباقي دي كلها قري ومناطق قائمه بذاتها,
بحري المدينه بتشمل في حدودها المغتربين والصافيه كأحياء حديثه بدون شك,
تحياتي واحترامي,, |
سؤال قبل مانواصل، بس عشان أعرف جهة الحوار: إنتي بتتكلمي عن بحري المحددة حسب رأي الحكومات بالمجالس، ولا بحري الأصل البنعرفها من ولدونا؟؟؟ لو الحكاية بتوزيع حكومات ومجالس، حتلقي إنه بحري دي مع كل حكومة عندها حدود مختلفة، أما لو بالمستقر عند الناس أصلاً وبحكم القدم، أنا بأكد على كلامي الفات، لأنه زمااااااااان كانوا بيقولوا: فلان ناظر الخط. أها ناظر الخط ده مسئول من بحري السوق لحدي الجيلي.
شكراً تاني
| |
|
|
|
|
|
|
Re: جمـــال بحـــري !! (Re: ياسر عبدالعزيز الطيب)
|
أبو محمد فؤاد:
Quote: ** بت الامين. ** مساءك خير.. ## إذا زرتى المفوضيه العُليا لست الهوى والطراوه :- بحري طراوة... ويا ناس بحري .. قالوا بتحبوا يلا حبونا..] ## تجدين كل الديناصورات البحراويه من حلة الميرى الى واوستى و ودرملى ,, ومن الصبابى وحمد وخوجلى الى ابودليق .. ** يكفى بحرى أنو هواها بيرد الروح.. |
تابعت البوست الجميل لمده طويله, لكن لما مشي خالص بقيت ما قادره أتابعه, ممكن اخد اجازه من الشغل عشان أخلص منه كله :)
ياريت لو تفتوا لينا هنا بموجز عن حدود بحري, والمنطقه اللي بيطلق عليها بحري بتشمل شنو؟
تسلم علي زيارتك,
| |
|
|
|
|
|
|
Re: جمـــال بحـــري !! (Re: Amany Elamin)
|
اماني الامين ياخي والله انا من الصباح ببكي وبكلم امي اجي واشوف بوستيك ده يعني ما ازيتينا شديد
(خور شمبات ) هو الخور الفاصل بين الشعبية وشمبات يعني تبدا شمبات من الخور ومقابر شمبات الجديدة
بيت بكاء في بحري ولا حفلة في .............
--------------- اماني بجيك صادي وتحياتي لكل ضيوفك
| |
|
|
|
|
|
|
Re: جمـــال بحـــري !! (Re: وليد عبد اللطيف)
|
وليد عبد اللطيف سلامات: سامحني علي موجة الحنين لبحري الانتابتك بسبب البوست, ربنا يخلي الوالده وتحياتي ليها ..
Quote: (خور شمبات ) هو الخور الفاصل بين الشعبية وشمبات يعني تبدا شمبات من الخور ومقابر شمبات الجديدة |
أيوه كده, بصراحه ياسر حيّرني, لأني سمعتها كده من جدي الله يرحمه,
أكيد في انتظار عودتك,
| |
|
|
|
|
|
|
Re: جمـــال بحـــري !! (Re: ياسر عبدالعزيز الطيب)
|
Quote: سؤال قبل مانواصل، بس عشان أعرف جهة الحوار: إنتي بتتكلمي عن بحري المحددة حسب رأي الحكومات بالمجالس، ولا بحري الأصل البنعرفها من ولدونا؟؟؟ لو الحكاية بتوزيع حكومات ومجالس، حتلقي إنه بحري دي مع كل حكومة عندها حدود مختلفة، أما لو بالمستقر عند الناس أصلاً وبحكم القدم، أنا بأكد على كلامي الفات، لأنه زمااااااااان كانوا بيقولوا: فلان ناظر الخط. أها ناظر الخط ده مسئول من بحري السوق لحدي الجيلي. |
ناظر الخط دي وظيفه حكوميه؟ الظاهر انت البتتكلم عن بحري الحكوميه, أنا بتكلم عن بحري التاريخ والأصل, حمد وخوجلي وشمبات الحله كأعرق المناطق,
ما عندي شك انو مناطق الكدرو وأم القري والجيلي, مناطق عندها احدثياتها وتاريخها, ومتصله جدا ببحري المدينه,
بس تظل قري شمال بحري المدينه, كلمة بحري في عرفنا (ونحن من أعرق وأقدم سكان بحري), تعني أحياء بحري الذكرتها ليك فوق كمركز, والأحياء المجاوره ليها كامتداد ليها,
--- عرفتك انت أخو ناس شبكه :)
| |
|
|
|
|
|
|
Re: جمـــال بحـــري !! (Re: Amany Elamin)
|
Quote: ناظر الخط دي وظيفه حكوميه؟
|
لا ما حكومية. أنا قلت ليك لو بعدنا عن الكلام الحكومي، يعني دي وظيفة أهلية زي العمدة وشيخ الحِلة.
Quote: الظاهر انت البتتكلم عن بحري الحكوميه,
|
أبداً أنا كلامي ده كله عن بحري الأصل، التاريخ، بحري الأهلية.
Quote: ما عندي شك انو مناطق الكدرو وأم القري والجيلي, مناطق عندها احدثياتها وتاريخها, ومتصله جدا ببحري المدينه,
|
أم القرى دي ماعندها أي علاقة بالكدرو والجيلي وشمبات الحَلة، زيها زي الدروشاب والسامراب و إمتداد شمبات ونبته، وكل المناطق الواقعة شرق شارع المعونة. أنا قلت ليك إنه المناطق الواقعة على النيل هي الأصل المكون لبحري وبعد كده جات الزيادة الجديده شرق الشارع دي.
Quote: كلمة بحري في عرفنا (ونحن من أعرق وأقدم سكان بحري),تعني أحياء بحري الذكرتها ليك فوق كمركز, والأحياء المجاوره ليها كامتداد ليها |
العرف ده أنا ذاتي معاكم فيهو لأني أنا ذاتي من أعرق وأقدم سكان بحري
Quote: عرفتك انت أخو ناس شبكه :) |
لقيتك عرااااااااااااافه لكن
| |
|
|
|
|
|
|
Re: جمـــال بحـــري !! (Re: ياسر عبدالعزيز الطيب)
|
ياسر يا ود البروف :
Quote: أم القرى دي ماعندها أي علاقة بالكدرو والجيلي وشمبات الحَلة، زيها زي الدروشاب والسامراب و إمتداد شمبات ونبته، وكل المناطق الواقعة شرق شارع المعونة. أنا قلت ليك إنه المناطق الواقعة على النيل هي الأصل المكون لبحري وبعد كده جات الزيادة الجديده شرق الشارع دي. |
كده يادوب فهمتك, انت بتتكلم عن محاذاة النيل, وشرق ظلط المعونه, بتفق معاك انو محاذاة النيل هي المناطق العريقه, وشرق الظلط أحياء مستحدثه,
بس محتاجين لضبط مصطلح كلمة "بحري",
الخوجلاب كمثال منطقه تقع بمحاذاة النيل, وهم أصلهم مجموعه من أبناء الشيخ خوجلي أبو الجاز, استقروا هناك وأقاموا وتكاثروا حتي تحولت المنطقه من قريه الي منطقه قائمه بذاتها, بيتصلوا بقرابه قويه ونسب عادة مع ناس حلة خوجلي, لأنهم زي ما قلت ليك أصلهم واحد, مع ذلك الخوجلاب لا يطلق عليها بحري اطلاقا, لأنو الخوجلاب قريه شمال بحري وان حاذت النيل وعرقت أصلا ,,,
فاهمني؟
Quote: العرف ده أنا ذاتي معاكم فيهو لأني أنا ذاتي من أعرق وأقدم سكان بحري |
أكيد أسرتك بعرفها تماما, نحن كده اتفقنا, خلينا معا في لجنة ضبط مصطلح "بحري" ,, :)
(عدل بواسطة Amany Elamin on 03-09-2010, 02:01 PM)
| |
|
|
|
|
|
|
Re: جمـــال بحـــري !! (Re: تيسير عووضة)
|
Quote: هي نعمل شنو يا عمكـ بقيت علينا إنت وأمكـ! ياخي بلا يخمك شوف ليكـ بورد يلمّكـ! أو قبر يضمك خلاص قمت لجنك ودا أنت الراجنك أقوم أشيل حجر وأفنك حافي أضحك الله سنك وبارك لك في فنك وأبعد الحساد عنك بما إني منهم وأنك ] |
ياحافظ .. حافظ على حقوق المواهب ..ورموز الإبداع .. حرام بعد المجهود الجبار ..البذلتو دا ..يكون نصيبي حرف واحد أتيم ..(بالطريقة دي حنفض الشراكة لأنو الوحدة غير جاذبة) ملحوظة لعناية المتلقي: إنتاجي الإدبي بالأسود العريض .. لأني لا أعرف التلوين واللف والدوران والذي منو .. أخشي ما أخشي ..عدد شعراء العصيدة ..يفوق عدد بيوتها ..لأن حافظ وود الصايم أحدهم يؤلف صدر البيت والآخر يؤلف عجزه رغم صغر مساحة القطعة كما ترون ..ما عشوائي وهامش ..وقد يكون معهم شركاء في الظل ..مين عارف ..لذلك شعاري الإنفضاض ..الإنفضاض ..
| |
|
|
|
|
|
|
Re: جمـــال بحـــري !! (Re: تيسير عووضة)
|
تايسا ياحاقده :
Quote: والله يا ناس بحري بعد دا إلا نرحل نخلي ليكم البورد |
انتي ماسمعتي بحري يا ناس بجيها عشان محبوبي فيها؟
حتي الما من بحري بيكونوا بحبوا ناس بحري وبيغنوا ليهم كمان :)
بحري سر الهوا يا تايسا :)
-- مشتاقين والله ياعسل :)
| |
|
|
|
|
|
|
Re: جمـــال بحـــري !! (Re: ياسر عبدالعزيز الطيب)
|
Quote: إنتي بتتكلمي عن بحري المحددة حسب رأي الحكومات بالمجالس، ولا بحري الأصل البنعرفها من ولدونا؟؟؟ لو الحكاية بتوزيع حكومات ومجالس، حتلقي إنه بحري دي مع كل حكومة عندها حدود مختلفة، أما لو بالمستقر عند الناس أصلاً وبحكم القدم، أنا بأكد على كلامي الفات، لأنه زمااااااااان كانوا بيقولوا: فلان ناظر الخط. أها ناظر الخط ده مسئول من بحري السوق لحدي الجيلي.
|
يسلم كيبوردك يا ود د. عبد العزيز الطيب
هشام
| |
|
|
|
|
|
|
Re: جمـــال بحـــري !! (Re: ياسر عبدالعزيز الطيب)
|
Quote: إنتي بتتكلمي عن بحري المحددة حسب رأي الحكومات بالمجالس، ولا بحري الأصل البنعرفها من ولدونا؟؟؟ لو الحكاية بتوزيع حكومات ومجالس، حتلقي إنه بحري دي مع كل حكومة عندها حدود مختلفة، أما لو بالمستقر عند الناس أصلاً وبحكم القدم، أنا بأكد على كلامي الفات، لأنه زمااااااااان كانوا بيقولوا: فلان ناظر الخط. أها ناظر الخط ده مسئول من بحري السوق لحدي الجيلي.
|
يسلم كيبوردك يا ود د. عبد العزيز الطيب
ياسر إنت خليت الجيش والا شنو ؟؟
معرفة قديمه أنا
هشام
| |
|
|
|
|
|
|
Re: جمـــال بحـــري !! (Re: بكري اسماعيل)
|
هلا يابكري:
Quote: والله فيك الخير يا أماني ما طلعتينا ناس ضهاري زي بوست ناس بحري طراوة |
هههههههه شوف عايز الحقيقه؟ شمبات الحله من أقدم أحياء بحري, وياها بحري الأصليه, الحلفايا في ناس كتار بيعتبروها منطقه قايمه بذاتها, تاريخها قديم ومعروف, يعني حتي الحلفايا أهلنا المتشددين بيعتبروها "ما بحري"
عليه شوف نفسك من ياتها فيهم تعرف نفسك أكيد بحراوي وللا نص نص ههههههه
| |
|
|
|
|
|
|
Re: جمـــال بحـــري !! (Re: بكري اسماعيل)
|
Quote: والله فيك الخير يا أماني ما طلعتينا ناس ضهاري زي بوست ناس بحري طراوة |
بكري إسماعيل...
تحياتي ليك وللأهل....
يا أخي منو القال عنكم ضهاري... والقال كده بيقصد يقول out skirts
والعتب على الترجمة...
بعدين الضهاري مالها يا بكري... الضهاري هي الأساس.. والماعندو.. ضهاري
ينضرب على بطنو,,,,
تحياتي يا بكري
| |
|
|
|
|
|
|
Re: جمـــال بحـــري !! (Re: جلال جبريل)
|
سلامات يا أماني صحبتي و سلا لناس بحري و ناس الخرطوم اللي جو يتفرجوا و سلام خاص لناس امبده، ناس الشيخ دفع الله الصايم.
مساكين إحنا ناس الصافية البقينا بيجمعونا بناس المغتربين و المذاد و الشعبية. و يقولوا علينا احيا جديده. يا جماعة عشان البوست ده يمشي صاح و نعرف منو القديم و منو الجديد، ختو تواريخ. الكلام ساي كده ما بينفع. مثلا أنا عارفه انو والدي عليه رحمة الله اشتري قطع اراضي من حاج الصافي و بناها في سنة ستين. و كان بيقول لي انو لما بني البيت كان من البيت بيشوف البحر غربا و سكة حديد شرقا و المؤسسة جنوبا. الحاجة اللي أنا متأكده منها ان الشعبية اتبنت في حكومة عبود. اها .... باقي التواريخ بعدين بحري شارع المعونة. اي حته غير كده. بحري اسما لكن ما فيها روح بحري. صح؟
| |
|
|
|
|
|
|
Re: جمـــال بحـــري !! (Re: smart_ana2001)
|
سمارت صحبتي, ازيك ومشتاقين :) شوفي ياستي,
Quote: مثلا أنا عارفه انو والدي عليه رحمة الله اشتري قطع اراضي من حاج الصافي و بناها في سنة ستين. و كان بيقول لي انو لما بني البيت كان من البيت بيشوف البحر غربا و سكة حديد شرقا و المؤسسة جنوبا. الحاجة اللي أنا متأكده منها ان الشعبية اتبنت في حكومة عبود. اها .... باقي التواريخ بعدين بحري شارع المعونة. اي حته غير كده. بحري اسما لكن ما فيها روح بحري. صح؟ |
ياسمارت بحري الأصليه أقدم من كده بكتير, الصافيه بحري ليس في ذلك شك, لكن ما بحري العريقه, لما نتكلم عن أحياء زي حلة خوجلي وحلة حمد, بنتكلم عن تواريخ زي 1156هجرية الموافق 1743م ده تاريخ وفاة الشيخ خوجلي وتأسيس الخلوه والقبه بحي حلة خوجلي حسب وصيته لإبنائه بإنشاء الخلوة والمسجد والمسيد مكان دفنه
يعني 267 سنه بالتمام والكمال هو عمر حي حلة خوجلي كمثال,
ياريت ياسر عبد العزيز يورينا عمر شمبات الحله كم؟
ووليد عبد اللطيف أو عمو وهبه يكلمونا عن الشعبيه,
الصافيه حديثه جدا يا سمارت, وبحري الأصليه ما شارع المعونه :)
بحري القديمه بمحاذاة النيل راجعي حوارنا أنا وياسر :)
تحيات كتار :)
--
التعديل لأضافة صورة قبة الشيخ خوجلي, علي اليمين القبه الخضراء هي مدفن الشيخ خوجلي وهي مشرفه علي النيل,
العلي اليسار ده المسجد الجديد, تم افتتاحه قبل كم سنه يعني جديد جدا,,
(عدل بواسطة Amany Elamin on 03-09-2010, 02:29 PM)
| |
|
|
|
|
|
|
Re: جمـــال بحـــري !! (Re: smart_ana2001)
|
بحري مدينة وبحري شرق النيل في سنة 1956 للميلاد كان سكانها حوالي 39،100 نسمة وفي آخر إحصاء في العام 2007م قبل 3 سنوات - النسمات - ما بتاعت النيل أو المنطقة الصناعية مع إختلاف الروائح النسمات هنا من نسمه ما مشكلة المهم سكان بحري وصلو لي 1.725.570 نسمه بدون العشوائي ، وبحري هي المنطقة الوحيدة الفي السودان لمن تجي المحطة وتكون عاوز تركب الحافلة الكومسنجي يقول ليك بحري نفر ، طبعاً لو كنت ماشي أم درمان أو الحلة الجديدة ما ممكن يقول ليك بحري نفر ، حتى لو قال نفر والسفر برضو ما حا يقول بحري ما عليكم أصلو أنا من بحري وأنا عكليت شديد والما عجبوا يفتح ليهو بوست عن أبو سعد لأنني ما بعرفها كويس. يا حليل بحري كان فيها أكبر منطقة صناعية نموذجية وكان فيها النقل النهري صرح يبني السفينة زي الما كان شئ وفيها أيضاً السكة الحديد وفيها وفيها ودا كلو إتلحس. وهي أصغر مساحة من أمدرمان والخرطوم. وبحري القديم غير بحري الآن ومن أشهر أحياءها الشعبية والمزاد (جنوب وشمال) وحلة حمد وحلة خوجلي والدناقلة (جنوب وشمال) والديوم والختمية والأملاك وكرش الفيل وكوبر وشمبات (الحلة والأراضي) والحلفايا (عشان بكري أبوبكر ما يزعل) والصافية والإشلاقين (المزاد والسوق) و..... وبها (4) دور سينما. كثير من الناس تغنوا لي بحري
المرحوم رمضان زايد كان بيقول يا بنات بحري قالو بتحبو مره حبونا نحنا من بحري
| |
|
|
|
|
|
|
Re: جمـــال بحـــري !! (Re: almulaomar)
|
Quote: ودليل قدم تاريخ المنطقه قبة الشيخ خوجلي أبو الجاز, والشيخ حمد ود أم مريوم, بعمر يناهز مئات السنوات,
|
والله يا أمانى ماطالبانى حليفة لى اكثر من شهرين فكرت فى بوست خاص عن منطقة حلة حمد بالتحديد ومشيت صورت قبة الشيخ حمد ومسيد ابوالجاز ومعظم معالم منطقة حلة حمد ، بس قلت اجمع معلومات كاملة وبعد داك ارفع البوست .. قريب انشاء الله حينزل ..
تابعى بس !
| |
|
|
|
|
|
|
Re: جمـــال بحـــري !! (Re: Kamal Karrar)
|
مشتاقين بالكتر يا أماني
يا بنتي أنا مامغالطات في قدم حلة حمد وخوجلي. أنا زعلانه في ان الصافية بقت بتتحسب مع المغتربين و المذاد و الشعبية بعدين حكاية بحري شارع المعونة دي ما قصدي برضو ان اقدم اجزا بحري في شارع المعونة. ابدا. قصدي ان الان اكرر الان شارع المعونة هو قلب بحري. شيلي شارع المعونة و ختي بدله زقاق صغير ما فيه كل المحلات و الزحمة و شوفي بحري ح تبقي بحري. و أظن ان شارع المعونة هو اقدم شارع ظل في بحري. و ما سمعتي الاستاذ بيغني (أنا دستوري نازل في الصافية و بنتاها)؟ ----------------------- الاستاذ -طبعا- مقصود به طه سليمان
| |
|
|
|
|
|
|
Re: جمـــال بحـــري !! (Re: smart_ana2001)
|
Quote: ناس أمدرمان حلوا المشكلة دي باستحداث محليتي كرري و امبدة |
الغريبه انه كرري مثلا تعتبر اقدم احياء ام درمان تاريخا بل تعتبر من اقدم المناطق في ولاية الخرطوم والسودان عموما بعض مناطقها يرجع تاريخها الي العصر الحجري والاخر الي 400 سنه قبل الميلاد اين كانت ام درمان بحدودها التي يريدونها الان في ذلك الوقت ؟ اي زول جاء اشتري بيت ولا أجر بيت ولا دخل مع المهديه القريبه دي عايز ينفي سكان ام درمان الاصليين ويحصر حدود ام درمان في مناطق بعينها
والكلام دا بنطبق علي بحري وقري شمال بحري ايضا يا اماني فهي اعرق واقدم من الاحياء التي تطلقي عليها الان مسمي بحري
.....................
عندك فكرة يا اماني عن نشأة حلة حمد ؟ عن الصراع التارخي الذي حدث فيها قبل ان تصبح حلة حمد ؟
تحياتي
| |
|
|
|
|
|
|
Re: جمـــال بحـــري !! (Re: نوفل عبد الرحيم حسن)
|
هوووووووووي يا اماني نحن ناس ضهااااااااااااري نحن الاصل والناس فرع بكلم ليك بكري يحذف البوست دة لو طلعتي ناس حلفاية الملوك ناس ضهاري التوقيع : ملك سابق من حلفاية الملوك والان جندي ما لامي فيها بالمناسبة يا اماني الفنان الشهير النور الجيلاني من ابو حليمة اخيرا دي خواطر ملك صغير برجع ليك لانه بحري مافي زيها
| |
|
|
|
|
|
|
Re: جمـــال بحـــري !! (Re: سامى عتبانى)
|
Quote: بنتكلم عن تواريخ زي 1156هجرية الموافق 1743م ده تاريخ وفاة الشيخ خوجلي وتأسيس الخلوه والقبه بحي حلة خوجلي حسب وصيته لإبنائه بإنشاء الخلوة والمسجد والمسيد مكان دفنه
يعني 267 سنه بالتمام والكمال هو عمر حي حلة خوجلي كمثال,
ياريت ياسر عبد العزيز يورينا عمر شمبات الحله كم؟
|
شمبات الحلة أول نشأتها كان سنة 1740م
| |
|
|
|
|
|
|
Re: جمـــال بحـــري !! (Re: السبع)
|
السبع:
Quote: هوووووووووي يا اماني نحن ناس ضهااااااااااااري نحن الاصل والناس فرع بكلم ليك بكري يحذف البوست دة لو طلعتي ناس حلفاية الملوك ناس ضهاري التوقيع : ملك سابق من حلفاية الملوك والان جندي ما لامي فيها بالمناسبة يا اماني الفنان الشهير النور الجيلاني من ابو حليمة اخيرا دي خواطر ملك صغير برجع ليك لانه بحري مافي زيها |
والله منك خوف, طالما في البورد من 2008, وعندك تسعه مداخلات, اختصيتني بواحده فيهم الليله, فشكلك فعلا واحد من ملوك الحلفايا, زي توت عنخ امون القاعد في بيت ناس أمين محمد سليمان لوووووول
ياسيدي الحلفايا بعد ما اتذكرت موضوع سيد الحوش ده, فهي بحري ونحن ديل الضهاري, بس ما تزعلوا مننا لووووول
مرحب بعودتك في مداخلتك العاشره في البورد :)
| |
|
|
|
|
|
|
Re: جمـــال بحـــري !! (Re: السبع)
|
السبع:
Quote: هوووووووووي يا اماني نحن ناس ضهااااااااااااري نحن الاصل والناس فرع بكلم ليك بكري يحذف البوست دة لو طلعتي ناس حلفاية الملوك ناس ضهاري التوقيع : ملك سابق من حلفاية الملوك والان جندي ما لامي فيها بالمناسبة يا اماني الفنان الشهير النور الجيلاني من ابو حليمة اخيرا دي خواطر ملك صغير برجع ليك لانه بحري مافي زيها |
والله منك خوف, طالما في البورد من 2008, وعندك تسعه مداخلات, اختصيتني بواحده فيهم الليله, فشكلك فعلا واحد من ملوك الحلفايا, زي توت عنخ امون القاعد في بيت ناس أمين محمد سليمان لوووووول
ياسيدي الحلفايا بعد ما اتذكرت موضوع سيد الحوش ده, فهي بحري ونحن ديل الضهاري, بس ما تزعلوا مننا لووووول
مرحب بعودتك في مداخلتك العاشره في البورد :)
| |
|
|
|
|
|
|
Re: جمـــال بحـــري !! (Re: نوفل عبد الرحيم حسن)
|
هلا يا أخ نوفل:
Quote: الغريبه انه كرري مثلا تعتبر اقدم احياء ام درمان تاريخا بل تعتبر من اقدم المناطق في ولاية الخرطوم والسودان عموما بعض مناطقها يرجع تاريخها الي العصر الحجري والاخر الي 400 سنه قبل الميلاد اين كانت ام درمان بحدودها التي يريدونها الان في ذلك الوقت ؟ اي زول جاء اشتري بيت ولا أجر بيت ولا دخل مع المهديه القريبه دي عايز ينفي سكان ام درمان الاصليين ويحصر حدود ام درمان في مناطق بعينها والكلام دا بنطبق علي بحري وقري شمال بحري ايضا يا اماني فهي اعرق واقدم من الاحياء التي تطلقي عليها الان مسمي بحري |
كلام مهم, أظني بديت فيهو فوق,
يا سيدي نحن لما نقول الخوجلاب ما بحري, ده مامفروض يعني أي حاجه لناس الخوجلاب, مش بس لأنه الخوجلاب فعلا ما بحري, لأ لأنه الخوجلاب منطقه عندها تاريخها, ورجالاتها المعروفين واحداثياتها المعلومه, واسهاماتها في المنطقه,
نحن ما بنتبرأ من من منطقه أو بننفيها, صدقني تاريخ بحري بيقول بحري مجموعة أحياء لاتشمل منطقة شمال بحري (أي شمال الحلفايا) وان عرقت تاريخا دي مناطق مستقله عن بحري المعروفه,
Quote: عندك فكرة يا اماني عن نشأة حلة حمد ؟ عن الصراع التارخي الذي حدث فيها قبل ان تصبح حلة حمد ؟ |
العارفاهو انه الشيخ حمد ود أم مريوم والشيخ خوجلي أبو الجاز أولاد خالات (حسب ما أذكر), وانهم الاتنين تتلمذوا علي يد الشيخ أرباب العقائد اللي هو خالهم, وانو الشيخ حمد كان أكبر سنا من الشيخ خوجلي, وانو سكان المنطقه دي (مريوماب), محس برضو لكن بسموا نفسهم (مريوماب), دي علي وزن خوجلاب كده :)
صراع شنو؟ أحكي لينا لو عندك معلومه ,,
شكرا علي مداخلتك وواصل ,
| |
|
|
|
|
|
|
Re: جمـــال بحـــري !! (Re: smart_ana2001)
|
Quote: يا بنتي أنا مامغالطات في قدم حلة حمد وخوجلي. أنا زعلانه في ان الصافية بقت بتتحسب مع المغتربين و المذاد و الشعبية بعدين حكاية بحري شارع المعونة دي ما قصدي برضو ان اقدم اجزا بحري في شارع المعونة. ابدا. قصدي ان الان اكرر الان شارع المعونة هو قلب بحري. شيلي شارع المعونة و ختي بدله زقاق صغير ما فيه كل المحلات و الزحمة و شوفي بحري ح تبقي بحري. و أظن ان شارع المعونة هو اقدم شارع ظل في بحري. و ما سمعتي الاستاذ بيغني (أنا دستوري نازل في الصافية و بنتاها)؟ |
أوكي اَي قوت يور بوينت لووووول
شارع المعونه فعلا بقي قلب بحري النابض, من البلديه مرورا بسعد قشره لغاية السوق المركزي ولاَخره, موضوع منو الأحدث الصافيه وللا الشعبيه وغيرها ما عارفه, أكيد خيجوا أصحابها يفتونا :) لكن طالما والدك الله يرحمو أشتري من حاج الصافي نفسو, تبقو من أوائل ناس الصافيه,
علي فكره الأستاذ (اياهو) والعديد من الأساتذه الأجلاء من جيله بيغنوا دستوري نازل في (بحري) وبناتها لوووووول
---- مبروك صورة د. هاوس الجديده :)
| |
|
|
|
|
|
|
Re: جمـــال بحـــري !! (Re: Kamal Karrar)
|
كمال كرار, ناس "بحري طراوه" الأصليين :)
Quote: أماني الأمين... سلامات بحرواية مليانة طراوة.. بالله أنت من بحري... يا سلام عليك.. وعلى كل ناس بحري... |
من بحري وبحري القديمه كمان, معانا في ترسيم الحدود وضبط مصطلح "بحري"؟ :)
تحيه بحراويه ليك وللأسره وشكرا علي المرور ,,
| |
|
|
|
|
|
|
Re: جمـــال بحـــري !! (Re: Emad Ahmed)
|
الأخ عماد أحمد:
Quote: بوست رائع دون شك وبرؤية مغايرة عن بوستات بحري الموجودة في المنبر . متابعين |
هلا بناس "بحري طراوه" , عارفه في ناس ممكن يفهموا البوست علي انه جهويه أو تعصب لمنطقه معينه, وهو ما كده بقدر ما هو توضيح تاريخ منطقه, ومحاولة وضع التسميات بصوره صحيحه,
بعدين أي منطقه مذكوره (ما بحري) So what?
كلها في النهايه مناطق عندها تاريخها وأصحابها الأصليين,
شكرا في انتظار افادتك في الموضوع,
| |
|
|
|
|
|
|
Re: جمـــال بحـــري !! (Re: almulaomar)
|
الملاعمر..
Quote: يا حليل بحري كان فيها أكبر منطقة صناعية نموذجية وكان فيها النقل النهري صرح يبني السفينة زي الما كان شئ وفيها أيضاً السكة الحديد وفيها وفيها ودا كلو إتلحس. وهي أصغر مساحة من أمدرمان والخرطوم. وبحري القديم غير بحري الآن ومن أشهر أحياءها الشعبية والمزاد (جنوب وشمال) وحلة حمد وحلة خوجلي والدناقلة (جنوب وشمال) والديوم والختمية والأملاك وكرش الفيل وكوبر وشمبات (الحلة والأراضي) والحلفايا (عشان بكري أبوبكر ما يزعل) والصافية والإشلاقين (المزاد والسوق) و..... وبها (4) دور سينما. |
فعلا دي بحري البنعرفها, أوجزتها في تلاتة أسطر بأجمل ايجاز ..
طبعا نسيت انه بكري أبوبكر من الحلفايا :) هسي عليه أنا بغير أقوالي, والحلفايه قلب بحري النابض لووووووول
شكرا وفي انتظار عودتك,
| |
|
|
|
|
|
|
Re: جمـــال بحـــري !! (Re: خالد درق)
|
خالد درق البحراوي,
Quote: يكفى ان البوست يحمل اسم جمال بحرى ... وياخى بحرى دى سرها باتع ولا كيف .... |
أغنية جمال بحري (الأستاذ) طه سليمان, "حسب مقولة سمارت :) ما قصّر فيها وكتر خيرو, بس يذاكر شويه ويعرف بحري دي وين هههههه
شارك معانا في ترسيم الحدود :)
| |
|
|
|
|
|
|
Re: جمـــال بحـــري !! (Re: Amany Elamin)
|
نضع ليكم علامة من علامات ترسيم الحدود
"حي البدوان"....
"حي الزهور"...
أها البيعرف الحيين ديل وين...
يتم إختياره في ترسيم الحدود....
ناس بحري طراوة يمتنعون لأنهم داخل الهيئة
| |
|
|
|
|
|
|
Re: جمـــال بحـــري !! (Re: Kamal Karrar)
|
هلا بكمال كرار وب (بحري طراوه) ,,
Quote: نضع ليكم علامة من علامات ترسيم الحدود "حي البدوان".... "حي الزهور"... أها البيعرف الحيين ديل وين... يتم إختياره في ترسيم الحدود.... ناس بحري طراوة يمتنعون لأنهم داخل الهيئة |
حي الزهور ده أظنو الدناقله شمال, صاح؟
حي البدوان ده لو استنيت للصباح بجيب ليك خبرو, ناس بيتنا نايمين لووووول بس شكلها تسميات لوكال داخل الأحياء,
بعدين تعرف أنا شئ مزوغني من بوست بحري طراوه غير كلام الفطاحله ده مافي, نحن ناس صغار والله مابنعرف لقصص الناس القدام الغميسه دي ومعلوماتي مصدرها حكاوي أهلنا الكبار, وشوية كتب اتكلمت عن تاريخ المنطقه, لكن لو جبت ناس بيتنا الكبار أكيد حيشاركوا في البوست بتاعكم زي الورد لووووول,
المهم لو نجحت في الامتحان طوالي تبدوا لينا في ترسيم الحدود عشان نرسل نسخه منو لطه سليمان :)
| |
|
|
|
|
|
|
Re: جمـــال بحـــري !! (Re: Amany Elamin)
|
البروف محمد هاشم عوض في حوار اجريته معاهو ذكر انو والدو هو مؤسس حلة الدناقلة بعدما جمع قروش من اهلو الدناقة واشترى الاراضي من الانجليز وجمع الدناقة من كل العاصمة في ذلك الحي ومن هنا جاء الاسم.
غايتو لو طلتوا شمبات الاراضي خارج بحري المقصودة نقوم نرجع استيلا تاني... بالمناسبة صاحبة البوست وضيوفا عازمك عشا في استيلا في تاني ايام عيد الاضحي.
بوست مفيد شكرا يا اماني
| |
|
|
|
|
|
|
Re: جمـــال بحـــري !! (Re: كمال ادريس)
|
الأخ وليد صباحك زين
Quote: (خور شمبات ) هو الخور الفاصل بين الشعبية وشمبات يعني تبدا شمبات من الخور ومقابر شمبات الجديدة |
الخور الفاصل بين شمبات والشعبية ده نحن في شمبات بنسميهو خور الشعبية (والظاهر إنكم في الشعبية بتسموهو خور شمبات) وده في حد ذاته بيوري كرم وأصالة ناس بحري (كل واحد متنازل للتاني). لكن ياأماني:
Quote: أيوه كده, بصراحه ياسر حيّرني, لأني سمعتها كده من جدي الله يرحمه,
|
ربنا يرحم جميع أمواتنا، لو سألتي أي زول من جهة وادي سيدنا بيقول ليك خور شمبات ده بهناك، وهو مقاصد لحدود شمبات الشمالية.
| |
|
|
|
|
|
|
Re: جمـــال بحـــري !! (Re: ياسر عبدالعزيز الطيب)
|
الأخ هشام
Quote: يسلم كيبوردك يا ود د. عبد العزيز الطيب
|
يديك العافية ياحبيبنا
Quote:
ياسر إنت خليت الجيش والا شنو ؟؟
معرفة قديمه أنا
هشام |
ياخ فعلا معرفة قديمة لأنه أنا بطلت الموضوع ده من سنة 2001.
ياخ ذكرني بالله عليك لأنه الكبر دخل
| |
|
|
|
|
|
|
Re: جمـــال بحـــري !! (Re: ياسر عبدالعزيز الطيب)
|
البسمعكم بتتكلموا عن بحري وما بحري يقول بحري دي (العمارات) ......
قوموا لفوا كلكم وراء ودالصايم ده ......
هو يقول : راحات راحات
وانتو تقولوا : اولاد العمارات
والله كان بحري ماعارف ...................
| |
|
|
|
|
|
|
Re: جمـــال بحـــري !! (Re: omer osman)
|
Quote: شكرا في انتظار افادتك في الموضوع, |
الأخت / أماني
سلام
أول انتخابات اجريت في دائرة بحري القديمة في العام 1954 م
تم فيها تحديد حدود بحري وهي تشمل الأحياء التالية :
حلة الميري ( الوابورات ) , حلة حمد , حلة خوجلي ,
حلة الدناقلة , الصبابي , الديوم , الختمية , الاملاك ,,
تلك هي حدود بحري القديمة .
وجدير بالذكر بان الشيخ المرحوم علي عبد الرحمن الأمين
الضرير هو من فاز في تلك الدائرة ممثلا للحزب الاتحادي وشغل
منصب وزير المعارف في أول حكومة وطنية برئاسة اسماعيل الأزهري ..
ونسبة لتمدد الأسر توسعت رقعة بحري فشملت أحياء المزاد والشعبية
والميرغنية والصافية والمغتربين وغيرهما من أحياء بحري الطرفية ..
( شمبات وحلفاية الملوك تعتبر مناطق قائمة بذاتها لعراقتها ) .
تحياتي وإحترامي
| |
|
|
|
|
|
|
Re: جمـــال بحـــري !! (Re: Emad Ahmed)
|
Quote: الأخ وليد صباحك زين |
زين ولا تي ام تي يازول انت ما عرفتني ولا شنو انت ماياك ياسر المحامهي بتاع شمبات ولك شقيق بيغني مع عقد الجلاد ولك سقيق اخر كان من احرف لاعبي الكرة الطائرة بنادي شمبات ياريت ما اكون غلطان
------------------------ اماني يظهر ح تعملي فرع تالت لناس بحري هنا يقوموا يدونا عين ناس عمر عثمان الحاقدين ديل
| |
|
|
|
|
|
|
Re: جمـــال بحـــري !! (Re: وليد عبد اللطيف)
|
اختنا اماني
اولا احييك لدفاعك المستميت عن بحري
مما يدل علي اصالتك البحراويه
وعليه انابة عن سكان بحري وعن ديناصورات بوست بحري طراوه
قررنا منحك العضوية الكاملة في البوست
وطيب من زمان ليه ما شايفنك بي هناك.
ثانيا بخصوص معلومة الاحياء القديمة ببحري والتي لا تقل عن الحلفايا او شمبات كما ذكرتي
اؤكد ان الحلفايا تعتبر تاريخيا اول منطقة سكنت في العاصمة
ومن ثم هجرة المحس الذين يعتبرون اول من عمر العاصمة
في توتي والمقرن وبري المحس
ولا شنو ؟
| |
|
|
|
|
|
|
Re: جمـــال بحـــري !! (Re: طارق ميرغني)
|
ياهلا بفطاحلة بحري طراوه, الأخ طارق ميرغني,
Quote: ثانيا بخصوص معلومة الاحياء القديمة ببحري والتي لا تقل عن الحلفايا او شمبات كما ذكرتي اؤكد ان الحلفايا تعتبر تاريخيا اول منطقة سكنت في العاصمة ومن ثم هجرة المحس الذين يعتبرون اول من عمر العاصمة في توتي والمقرن وبري المحس |
تسلم علي عضوية بحري طراوه, شرف لينا والله :)
بالنسبه لي (الحلفايا) أكيد كلامك صحيح, لقيت التعريف ده ليها في مجموعه في الفيس بوك تحمل اسم (حلفاية الملوك)
Quote: يجدر بنا ان نشير الى ان الحلفاية لم تكن فى كل الازمان مدينة الحلفاية بحدودها المعروفة لدينا الان بل كانت تشمل فى بعض الازمان منطقة واسعة تضم الحلفاية وما حولها وتشمل فيما تشمل منطقة الخرطوم بحرى اذ ان اسم بحرى لم ينتشر الا موخرا كما يشير الى ذلك اسم السينما المسماة بسينما حلفايا فى الاملاك وذلك لايعنى ان معالم بحرى الحالية لم تكن موجودة ولكن نشأتها حديثة العهد وهذه النشأة مرتبطة بالشيخ خوجلى وقبته الشهيرة والحلة المسمية على اسمه اما المنطقة الواقعة بين الحلفايا والى حلة حمد كانت عبارة عن غابات كثيفة والحلفايا كانت عاصمة لدولة الفونج والعبدلاب او كما يطلق عليها السلطنة الزرقاء فالحلفايا عريقة كما التاريخ واهلها من اطيب الناس وهم اهل خلاوى وشعر وغناء ويكفيهم الشيخ ود ضيف الله مثالا والرائع ادريس جماع شعرا واللواء حسن بشير نصر عسكريا واصل تسمية الحلفاية اختلف فيها ولايعرف بالظبط حتى الان اما الحاق اسم الملوك بها فكان لان بها ملوك العبدلاب ومن بعدهم اتى ملوك من الشايقية والحلفايا تقع حاليا شمال مدينة بحرى |
ده الرابط بتاعهم: http://www.facebook.com/topic.php?uid=38775370918&topic....php?gid=38775370918
الاقتباس بيأكد انه (بحري) كمسمي بدأ بحلة خوجلي وحلة حمد, ثم شمل لاحقا الأراضي المجاوره,
حأواصل معاك في مداخله منفصله,
| |
|
|
|
|
|
|
Re: جمـــال بحـــري !! (Re: Amany Elamin)
|
أواصل مع الأخ طارق ميرغني:
محس حلة خوجلي وحلة حمد, تاريخهم ما بدأ في العاصمه مع الأحياء الحاليه, أكيد تعلم انه أصلهم يرجع لجزيرة توتي التي يبدأ تاريخها منذ القرن الثالث عشر الميلادي:
Quote: ويقول أهل جزيرة توتي إن جدهم من قبيلة الخزرج النجدية المعروفة، وأن نسبه ينحدر من صلب الصحابي الجليل أبي بن كعب الخزرجي الأنصاري، ويقولون إن أجدادهم "العظماء" نزحوا مع قبيلة المحس من شمال السودان .. ثم وفدوا لهذه الجزيرة الصغيرة في القرن ال 13الميلادي وإستقروا فيها .. لموقعها الآمن من وحوش الغابات التي كانت تغطى ما يعرف الآن بالعاصمة المثلثة . وكان لعلماء توتي دور عظيم في نشر الدعوة الإسلامية والاشعاع الحضاري في آن، حيث انطلق من جزيرة توتي الشيخ ارباب العقائد وأنشأ الخلاوي والمسجد بالخرطوم . ومع شُعلة العلم التي أوقدها هذا الشيخ بدأ عمران الخرطوم وهكذا الحال في مدينة بحري التي إرتحل إليها الشيخ الولي خوجلى أبو الجاز وكذلك حينما إرتحل الشيخ ادريس ود الأرباب لمدينة العيلفون. ويقال أن التقاء سيدنا موسى بن عمران عليه السلام مع الخضر عليه السلام المشار إليه في سورة الكهف قد كان في هذه الجزيرة عند صخرة فيها. |
زي ما عارف انه تاريخ مملكة العبدلاب أكثر حداثه من تاريخ جزيرة توتي:
Quote: وبعد صراع طويل ظهرت مملكة العبدلاب بقيادة عبدالله جماع علي انقاض مملكة علوه وامتد نفوذ مملكة العبدلاب علي اجزاء كبيره من سودان وادى النيل وكان ذلك في منتصف القرن الخامس عشر الميلادى . |
توتي القرن الثالث عشر ومملكة العبدلاب القرن الخامس عشر,
طيب بين جزيرة توتي وبحري حلة خوجلي وحلة حمد نهر النيل بيعبروهو السكان بمركب خشبي بسيط في أقل من عشره دقائق, عليه ما أعتقد انه العلاقه بين توتي وبحري حديثه, بس فعلا بحري أبتدات علي الضفه كتجمع سكاني منتظم بعد وفاة الشيخ خوجلي حيث طلب من أولاده نقل مسجده ومسيده من توتي (المقر الأصلي لمسجده القديم وأصله وعشيرته) الي الضفه الأخري من النيل, وهناك بدأت بحري المدينه,
وفعلا تاريخ منطقة بحري منفصل عن تاريخ الحلفايه, يبقي أنا بتفق معاك يا أخ طارق ميرغني علي قدم تاريخ الحلفايه وانفصاله عن تاريخ (بحري), لكن مسألة انه الخرطوم بدأت بالحلفايه وليس توتي عندي فيها رأي كبير :) الخرطوم عمروها المحس في المقام الأول, وتاريخ قدومهم من الشمال الي توتي وانتشارهم بعدها في الخرطوم هو الأقدم,
تحياتي وفي انتظار تعقيبك, -------- معلومة انه موسي بن عمران والخضر اجتمعوا في توتي دي عاجباني بشكل لووووول
| |
|
|
|
|
|
|
|