|
|
 د. عبد الله محمد سليمان يستعرض برنامج الحزب الاتحادي الديمقراطي الاصل..."المرتكزات والمحاور"
|
يستعرض الدكتور عبد الله محمد سليمان مساءالغد الخميس
ما بين الساعةالثامنة والتاسعة مساءا
وعلي القناة القومية برنامج الحزب الاتحادي الديمقراطي الاصل
والذي يلقي الضوء وبتركيز علي المرتكزات والمحاور
المرتكزات والتي يستعرض فيها الارث الاتحادي الديقراطي الاصيل
ومجمل القضايا القومية
كالديمقراطية والتحول الديمقراطي
الهوية والتنمية المتوازنة
والسلام
اما المحاور ففيها يلقي الدكتور عبد الله الضوء علي الخدمات
والشئون الاقتصادية
والاعلام وهياكل الحكم
من المتأمل ان يكون البرنامج طموحا ملبيا تطلعات الشعب السوداني
كما عودنا الاتحاديون
نتمني للجميع مشاهدة طيبة
وكلنا ثقة ان الدكتور عبد الله اهل لذلك.
|
|
  
|
|
|
|
|
|
|
|
Re: د. عبد الله محمد سليمان يستعرض برنامج الحزب الاتحادي الديمقراطي الاصل..."المرتكزات وال (Re: طارق ميرغني)
|
من بوست الاخ ابو الحسين
كلمات د. محمد ود بادي...
سموك حاتم علي رمز الكرم والجود
وأبوك السر خليفة الفي الحرم مشهود
أقدل في المحاص بجناحك المفرود
وما أظن الرخم ياكل معاك.. يالدود
********
سموك حاتم.. في شان نصرك اكيد ومحتم
وتاريخك مجرتق بالدما.. ومختم
بلدنا اتيتمت.. ليلا المكوزن عتم
واياك مرواد عماها.. واياك بدر التم
********
الباشاب جدودك والولي الباسبار
حلق في السما ولا يهمك الباجبار
خوجل في المحاص بي توبك الجرجار
سيد ملكا قديم.. حاتم بجيب التار
********
البتقولا بتسويها.. ما بتِهدَّد
ما بتضل.. معاك ابو هاشم المتحدد
السودان بحر خيرو الكتير متجدد
وشايفك من بعيد زي ابكريق متمدد
********
حزب الاتحادي الاصلي اصلو مركن
خيلو مأصلة وزي الصقور اتفكن
ناس المؤتمر في اللفه خيلن جكَّن
ومتحول كبيرُن في الحداره مجكن
*******
ديل عشرين تماماً ونحن مخنوقين
وديل عشرين عجافاً ونحن مسروقين
المال مو فزع ما بكاتلو ملكوزين
افطر بالكبير.. واتغدي بالكوزين
*******
يمين الاتحادي الاصلي.. مو متندم
يقطع من حشاهو ويرقع المتهدم
نحن ان عشنا بنجود بي سخا ونقدم
وان كوعنا.. فوق عزا قديم متردم
*******
يالانقاذ مصيبتك انتي من فتحت
اتلجيتي بالرشوات ومال السحت
بعد ماشبعت من ثدي الحرام ونتحت
بقيتي ملايكة يالانقاذ.. وجيتي نصحت!!!
********
كل ما إنشق واحد راسو فيهو شقيقة
تهزَبو إنت لكن مابفكلو ضيقة
لميت التمور النية والدفيقة
معا تمر الهبوب المابفكلو ريقه
********
وين مايو..ووين اب عاج.. وين عبود
ثورات بالكضب.. والصح مصيرو يعود
يالانقاذ شدرتك باقي فيها العود
اختمي بالشهادة.. ووحدي المعبود
********
دا حال المؤتمرجية الجيوبه ملانه
قالو بسيطة.. نرشي فلان وندَي فلانه
قايلين بشتروهم بالفلوس والهانه
ما بياكلو الحرام لو يسكنو الجبانه
********
فوق كم يا المؤتمرجي بلا فهم متنبر
لاك سيد في الخلا ولا في البحر متشير
قولك في مديح حالنا الصبح متعبر
زي القام بعد حرجم ضبيحتو.. يكبر
*********
ما بنقلب الدرَاب ... ومابِنصدق الكضاب
و النطانا بالشباك مابنفتحلو خشمالباب
شوفو المؤتمرجي الماكر الملعاب
غير اسمو تاني... وجانا بالقرباب
| |
|
|
|
|
|
|
| |
حسن طه محمد
فيس بوك
تويتر
انستقرام
يوتيوب
بنتيريست