|
عامل مطبعة بسنار يسرب امتحان الشهادة لعشيقته ثم المدينة
|
القت الشرطة القبض على عامل مطبعة بمدينة سنار عقب انتشار ورقة امتحان الشهادة لمادة التربية الاسلامية في المدينة وقادت تحريات الشرطة الى ان الورقة تم تسريبها من المطبعة بواسطة العامل الذي سلمها لعشيقته والتي قامت بدورها بكشفها لصديقاتها ثم الى آخرين قاموا بالمتاجرة فيها لتنتشر في كل المدينة ...
|
|
|
|
|
|
|
|
Re: عامل مطبعة بسنار يسرب امتحان الشهادة لعشيقته ثم المدينة (Re: معتصم محمد صالح)
|
. وسلام
عادي يعني جريمة عادية في زل جرائم تقوم بها الدولة .
لو ان فاطمة سرقت لقطع محمد يدها دي بقت من تخاريف الماضي
في ظل سُلطة وشُؤطة البشير ... وتعال اقول ليك كلام جد جد كدا
الزول دا مفروض يكرموه لانو لسة بيعشق وعندو عشيقة سرّب لها امتحان
لوم يسرب لها حاجات تانية يعني برضو قدر أخف والله كسف يا صاحبي .
.............................................................حجر.
| |
|
|
|
|
|
|
Re: عامل مطبعة بسنار يسرب امتحان الشهادة لعشيقته ثم المدينة (Re: شمائل النور)
|
Quote: سلام يا مريوم ممكن نعرف كيف بقت مبهدلة؟ |
مرحب د.نجاة... تحية ليك، ولأولادك....
الشهادة السودانية بقت مبهدلة من اتجاهات عدّة، ممكن اديك عليها امثلة... الاتجاه الاول: التضخم الحاصل في الدرجات.... بقت الشهادة عندها زي الشهادة الثانوية السعودية... الاتجاه الثاني: نوعية المقررات البمتحن فيها الطالب، رديئة، الطلاب بطلعوا من الشهادة السودانية تحصيلهم أقل من المطلوب، لدرجة تجعلهم ما منافسين للطلاب في نفس عمرهم في دول أخرى... ومن هنا بقارن بي طلاب معارفنا، ومستوياتهم تعتبر عالية.. وبقارن بي السنة المشيت قريتها هناك، وبعدها مشيت الاردن.... وانا كنت موزّعه في مدرسة نموذجية! .... وكفاية بس اللغة الانجليزية، التي هي لغة العلوم... الاتجاه التالت: الفضائح المتتالية من تسريبات (ما حأشمل من ضمنهم الحادثة دي، لأنها حادثة بادرة من شخص واحد)، لكن ما غايب عن ذاكرتي انه طارق وندى، ابناء عمّي اضطروا يعيدوا الامتحان مرّه اخرى بعد شهر من أدائه بسبب اكتشاف تسرّبه! الاتجاه الرابع: المعلمين الذي اصبحت المدارس بالنسبة إليهم محطة، مع الدروس الخصوصية التي يضطرون للسعي وراءها من اجل لقمة العيش، مثل هذا لا يكون أداؤه بأي حال، يماثل اداء المعلّم المتفرّغ، والمرتاح نفسياً ومادياً... الاتجاه الخامس: الخلل الذي خلقه السلّم التعليمي الناقص الذي ابتدعته الانقاذ... والذي جعل، أطفالاً يواجهون بقرار مصيري مثل قرار تقرير حياتهم فيما بعد، في عمر صغير!
كل هذا يفقد الثقة في الشهادة السودانية، ويجعلها في نظري "مبهدلة"...
وشكراً
| |
|
|
|
|
|
|
Re: عامل مطبعة بسنار يسرب امتحان الشهادة لعشيقته ثم المدينة (Re: معتصم محمد صالح)
|
هو قالوا ليكـ تعال افتي لينا في العلاقات غير الشرعية ولا في خيانة الأمانة بعدين العشيقة نفعت واستنفعت وهو تسريب امتحان الدين حرام يا معتصم؟ ــــــــــــــــــــــــــــــــــــــــــــــــــــــــــــــــــ الأخت شمائل .. إنتي عارفة أهم حاجة في الوظيفة حاجة إسمها الشرف والأمانة ! وزولكم دا طلع غير شريف .. وغير أمين !! يبقي مفروض نحاسبو أولاً علي الشرف ثم ثانياً علي الباقي .. ولاشنو ؟؟ ولا عشان الولد ولدكم وعايزين تعملوا ليهو حماية وكدا !! حررررم لو طلع محصن إلا نطالب بإقامة الحد عليه ..
تحيسبوا لعب .. قال عشيقة قال !!
ــــــ الإقتباس عندي معطل . لذا وجب التنويه .
| |
|
|
|
|
|
|
Re: عامل مطبعة بسنار يسرب امتحان الشهادة لعشيقته ثم المدينة (Re: عاطف عبدون)
|
Quote: الحاجه البعرفها انو الزنا دا بالذات داير شهود
عندك شهود انو الزول دا زني؟ |
وزي ماقلت ليك فوق وتاني بعيدو ليك .. إنو الشهود والإثبات دي حيثيات بتاعت محكمة !! بمعني لو قدر يثبت براءته في المحكمة .. خير وبركة أما إذا ثبت عندو علاقة بالمذكورة أعلاه .. فيحاكم وفق قانون جمهورية السودان .
ـــــــــــــ أرجو أن أكون أوضحت .
| |
|
|
|
|
|
|
Re: عامل مطبعة بسنار يسرب امتحان الشهادة لعشيقته ثم المدينة (Re: Hafiz Bashir)
|
Quote: : «واللاتي يأتين الفاحشة من نسائكم فاستشهدوا عليهن أربعة منكم»، النساء الآية 15، وقوله تعالى «والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبداً وأولئك هم الفاسقون»، النور 4 |
لو عندك اربعه شهود امشي بيهم المحكمه
لو ما عندك نبقي نجيب ليك حكم القذف في الاسلام
Quote: . قال الله تعالى: ( وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلا تَقْبَلُوا لَهُمْ شَهَادَةً أَبَداً وَأُوْلَئِكَ هُمْ الْفَاسِقُونَ ) النور/4 .
|
Quote: وعن أبي هريرة رضي الله عنه أن رسول الله صلى الله عليه وسلم قال : (اجتنبوا السبع الموبقات ، قالوا : يا رسول الله ، وما هنَّ ؟ قال : الشرك بالله ، والسحر ، وقتل النفس التي حرم الله إلا بالحق ، وأكل الربا ، وأكل مال اليتيم، والتولي يوم الزحف ، وقذف المحصنات المؤمنات الغافلات) رواه البخاري ( 2615 ) ومسلم ( 89 ) .
|
| |
|
|
|
|
|
|
|