|
كارثة في حافلة ..... لعن الله القبيلية والعنصرية ومن ايقظها
|
ساقني حظي التعيس ظهر اليوم لركوب حافلة من امدرمان الي بحري .. الكل اتخذ كرسيه والكل سرحان في همومه .. والمزاج محرر قليلا وغير معكرمن ارتفاع الحرارة والجو يميل للبرودة وغيمة تلقي بظلالها علي الطقس ... يعني كل الركاب في حالة انسجام ومصالحة مع النفس . في الكرسي الثالث يجلس رجل اربعيني يبدومن ملامحه من اواسط السودان ويمسك بجريدة قوون ويقلب صفحاتها وعندما وصلت الحافلة لكوبري شمبات والرجل منسجم في القراة ما بين معسكر المريخ في كينيا والهلال في ابو ظبي ولكن لم يستطيع التحكم في الجريدة بسبب الهواء المندفع من الشباك ..وقام بقفل الشباك وليته لم يفعل ..احتج علي ذلك من يجلس خلفه ..ومن ملامحه يبدو انه من ابناء النوبة ... حدثت نقاش واحتجاج ثم ملاسنة ثم شتائم ...ثم عراك داخل الحافة ... والمؤسف انقسام الركاب الي قبيلتين ..واعاد التاريخ نفسه بداحس والغبراء ... توقف السائق فور عبور الكوبري لحسم الصراع .. باعتبارها مشاجرة صغيرة تنفض بوصول كل واحد لمحطته ... ولكن فور نزول الركاب قام صاحب الجريدة بحركة فجائية واسقط المحتج علي الارض وانهال عليه ضربا مبرحافي الوجه .. فما كان الا وواحد ابناء جلدته يقوم بضرب الرجل بحجر خرصانة علي راسه وصدرت منه صرخة مدوية وخر صريعا في الحال ونقل للمسشفي ولا اظنه حيا.....
بالله ايها البودراب الكرام ...هل هذا هو السودان .. بلد الطيبة والمسامحة !!!!! من ايقظ هذه العنصرية والقبلية البغيضة؟؟؟؟؟؟ كم تبقي لنا لنصبح كالصومال ***** اعذروني من ترتيب وتنظيم ا لسطور بسبب غضبي واحساسي بالمرارة والقرف !!!!!!!
|
|
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: مجدي كنة)
|
الأخ مجدي كنة
ليتك لم تأتي لنا بهذا الخبر ليس هناك سودان الآن وليس هناك سودانيون بالمعنى المعروف قديماً السودان الآن اصبح قبائل وتناحر قبلي وسلاح في العاصمة وقتل في الجامعات يكفيك القتل في منابر العلم والتعليم يا مجدي
السبب هو الحكومة التي اعطت الفرصة لكل شخص أن يحمل السلاح ليأخذ حقه بيده.
السودان دا يا مجدي ما عندي وجيع ولا احد يهتم له وكل من يأتي يريد أن يأكل هو ويؤكل من يحمي كرسيه
الصادق
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: مجدي كنة)
|
الاخ مجدى
لك التحية
حقيقة حادثة مؤسفة جدا ولا تنم عن اى وعى ومن الغريب انك وصفت الجو بانه هادىء والناس رايقة فلم الانفعال لامر بسيط مثل هذا؟ الحكاية كلها ليست مبررة ابدا بس الناس روحها محرقاها ساكت والزول ده يومو تامى
لكن بكل صدق هذا ليس السودان الذى عرفناه وفارقناه ...
شىء من التسامح لا يضر ابدا ...
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: خالد درق)
|
الأخ مجدى كنه سلامات يا أخى القصة غير مفهومة .. كدى روق قليل وأئتنا بالتفاصيل .. هنا حديثك ..
Quote: في الكرسي الثالث يجلس رجل اربعيني يبدومن ملامحه من اواسط السودان ويمسك بجريدة قوون ويقلب صفحاتها وعندما وصلت الحافلة لكوبري شمبات والرجل منسجم في القراة ما بين معسكر المريخ في كينيا والهلال في ابو ظبي ولكن لم يستطيع التحكم في الجريدة بسبب الهواء المندفع من الشباك ..وقام بقفل الشباك وليته لم يفعل ..احتج علي ذلك من يجلس خلفه ..ومن ملامحه يبدو انه من ابناء النوبة ... حدثت نقاش واحتجاج ثم ملاسنة ثم شتائم ...ثم عراك داخل الحافة ... والمؤسف انقسام الركاب الي قبيلتين ..واعاد التاريخ نفسه بداحس والغبراء ... توقف السائق فور عبور الكوبري لحسم الصراع .. باعتبارها مشاجرة صغيرة تنفض بوصول كل واحد لمحطته ... ولكن فور نزول الركاب قام صاحب الجريدة بحركة فجائية واسقط المحتج علي الارض وانهال عليه ضربا مبرحافي الوجه .. فما كان الا وواحد ابناء جلدته يقوم بضرب الرجل بحجر خرصانة علي راسه وصدرت منه صرخة مدوية وخر صريعا في الحال ونقل للمسشفي ولا اظنه حيا..... |
أن صاحب الجريدة من أواسط السودان .. وكلمة أواسط السودان لا تعنى أى شيئ هنا .. لأن الجزيرة تجمع كل قبائل وأعراق السودان ..؟
أنت حددت أن الرجل الذى أحتج أنه من أبناء النوبة .. أى نوبة .. نوبة الشمال أم نوبة الجبال؟
وإلى أى جهة يتنمى الأنسان الذى ضرب بالحجر .. وهل ضرب صاحب الجريدة الذى هو من الوسط أم ضرب النوبى؟
ثم ماهو التأريخ الذى أعاد نفسه هنا .. ركز معى فى هذه النقطة لأنك هنا تبدو لى أن لك خلفية عن ما دار بين هؤلاء القوم المتشاجرين على خلفية تأريخية؟
لا يضير يا أخى أن تسمى الحقائق بأسماءها .. أنت فقط مراقب وليس لك أى ضلع فى مربع الجريمة. تحياتى بريمة
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: بريمة محمد)
|
.. ..
تعرِف يا مجدي
لو كنتَ إنت وود عمك في نفس الحافله وقام واحد إعتدى على ود عمك بنفس الطريقه الوصفتها لن تقف مكتوف الأيدي, وما حتفكر في الطرف التاني قبيلتو شنو فقط حتدافع عن ود عمك....على طريقة أنا وابن عمي على الغريب.
تعرف يا مجدي في كرش الفيل المسماه بالعاصمة المثلثة دي بتحصل يومياً زي ثلاثة آلاف شكلة زي دي.... (خليها سوداني شاكل سوداني).
كامل تقديري
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: بريمة محمد)
|
اخ مجدي تحياتي
لأ اتفق معك فى موضوع العنصرية الخرطوم بالذات فيها اكثر من 500 قبيلة وكل يوم بتحصل مشاكل بين الناس وده طبيعى ونسبة حصول مشكلة بين ابناء القبيلة الواحدة فى الخرطوم نسبة ضئيلة جدا لكثرة القبائل فى الخرطوم
Quote: فما كان الا وواحد ابناء جلدته يقوم بضرب الرجل بحجر خرصانة علي راسه |
يا مجدي الواحد من ابناء جلدته ده ممكن يكون اخوهو ولأ ابنه ولأ ود عمو ولأ حتي صاحبو .. وده ممكن يحصل حتى لو كان المعتدي من نفس القبيلة
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: بريمة محمد)
|
الاخ / بريمة ... خالص تحياتي... ارجو ان تجد لي العذر فما شاهدته من دماء ربمااربك تفكيري قليلا واخل بجزئيات القصة. وبشرح مبسط ومباشر 1/ من يقراء الجريدة من مواطني قري الجزيرة مدني تقريبا 2/من احتج علي قفل الشباك من ابناء كادوقلي او الجنينة تقريبا 3/ربما اخطات في الوصف بالتشبيه التاريخي ( صراع قبيلتي داحس والغبراء )الذي دام 40عاما.. اردت اعطاء احساس كريه زرعه المستعمر بين ابناء الوطن الواحد 4/الشحص الذي بادر بالغدر بعد وقوف الحافلة هو الذي كان ممسكا بالجريدة وهو نفسه المضروب بحجر الخرصانة راسه لك احترامي
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: مصطفى توفيق)
|
ألأخ/مجدى السلام عليكم...
شىء مؤسف ماحدث..إن كان من قبيلتين مختلفتين او من قبيلة واحدة حتى...
هذه الحادثة..قد تكون بين اشخاص من قبيلة واحدة..وشى عادى....
أوافق كلام اخى اشرف ..بأن ليس فى الحادثة عنصرية..
...وسيظل هو السودان الذى نعرفه من سماحة وطيبة
شكرآ اخى مجدى لآيراد الخبر..ولك خالص التقدير وألأحترام.والمتداخلين..
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: ismeil abbas)
|
نعم اخي اسماعيل ... اتفق معك ان المشاحنات تحدث بين ابناء القبيلة الواحدة .. وتصل حد القتل ولكن ما سقط سهوا من السرد نتيجة لزعلي وانفعالي بالموضوع هو نوعية السباب الصادر بين المتخاصمين ولا اود الخوض فيها ويعف لساني عن ذكرها ..... كلها مليئة بالقبلية والعنصرية القبيحة بالمناسبة هذه واحدة من الاف تحدث كل يوم ... ولكن ان تصل حد القتل هذه هي المأساة!!!!!!
ولك احترامي
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: بكري عباس علي)
|
الاخ مجدي السلام عليكم انا في تقديري الجماعة ديل بيمثلوا عليك لانك قبل سنة تقريبا عملت بوست بنفس الموضوع مع اختلاف بعض التفاصيل الصغيرة
Quote: في واحدة من اسوا صور الفبلية والعنصرية البغيضة الكالحةالتي استفحلت بصورة فجة في السودان بسبب قفل وفتح شباك في حافة مواصلات حدث اشتباك وعراك بالايدي ثم بالسكاكين وسط ركاب الحافة بين اثنين انضم لكل طرف عدد من قبيلته وسالت فيه دماء وكادت تصل للقتل لو لا اصطدام الحافلة لارتباك السائق بسور الكوبري لضاع كل الركاب ...من ايقظها ؟ ولماذ؟ ولمتي ؟درك لله يا وطن!!!!! " |
هنـا القبلية البغيضة تهز كبري شمبات..والي اين المسير؟؟؟ نصيحتي ليك المرة الجاية لمن تكون ماشي امدرمان والجماعة ديل يقوموا يعملوا الحركة دي ركز في وجوههم الجماعة شكلهم كدا دايرين ينشلوك انا شخصيا حصلت لي الحكاية دي . مودتي
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: Faisal Elrasheed)
|
اخي فيصل ... من يركب المواصلات يشاهد كثيرا من هذه المواقف الواقعية ولكنها لا تري النور علي منابر النت ... واذا حكيت عن المواقف التي تحدث فقط مع الكماسرة والتي تصل ولا تصل للشرطة لما كفاني كل المنبر حظي التعيس جعلني اسرد ما اري امامي من مواقف شاذة . وربما غدا يحدث نفس الموقف وانت تعلم ادمان الناس علي قراءة الصحف داخل المركبات .. صحة الرواية قسم شرطة بحري التي اكيد فتحت محضر ... بعد نقل المجني عليه ... وسبحان الله عندما رويت هذه الحكاية لزملاء العملاء فاجئني احدهم برواية مشابهة في مواصلات الجريف - الخرطوم... ايضا بسسب راكب زايد واعتراض السائق علي التحرك .. ولك مودتي
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: مجدي كنة)
|
الأخ مجدي كنة ..
لك التحية والتقديــر وانت تنقل صورة واقعيــة لما يحدث في المواصلات والبلد لنا نحن البعيدون من الوطن .. فلك كل التقدير للمشاركة ويا اخي
Quote: واذا حكيت عن المواقف التي تحدث فقط مع الكماسرة والتي تصل ولا تصل للشرطة لما كفاني كل المنبر حظي التعيس جعلني اسرد ما اري امامي من مواقف شاذة . |
صدقني بالمنبر متسع .. انقل ما تستطيع ذاكرتك حمله وستري ان ذاكرة المنبر كبيرة .. انقل اي صورة تراها ومن اي زاوية وصدقني هنا سوف تُكبر وتُلون بل وقد تُعرض ثلاثية الابعاد كالفيلم الذي يضع اخي فيصل الرشيد صورته في بروفايله..
ولك الود
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: HAIDER ALZAIN)
|
Quote: تصدقوا اول ما قريت القصة دي تلقائيا كدة اتذكرت الحادثة البشعة الوقعت في مطعم القراصة
وأعادت احداث يوم الاتنين الاسود
|
فعلا يا حيدر .. تلك الحادثة كادت ان تؤدي الي انعدام القراصه في البلد .. بل وهدد بعض اصحاب المطاعم الدناقله بمنع اي هدندوي من تناول القراصه لديهم .. تصدق يا حيدر عندي جماعه اصحابي كانو جايين زيارة من هاييتي كنت ناوي اعزمهم قراصه الايام ديك ..تصور الا مشيت ناس النظام العام وادوني تصديق عشان اسوقهم السوق العربي.. ياخ حسيت اني عاوز اعمل صبحية عدييل كده.. اااااايه يا حليل القراصه وبوست القراصه .. عليك الله يا حيدر الرابط بسرعه ... دي نوع البوستات المفروض الواحد يكبشره لليوم الاسود .. ... ..... .......
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: فايزودالقاضي)
|
Quote: دي شكلة عادية لا فيها عنصرية ولا للحكومة علاقة بها ولا البشير ليه دخل بيها ... |
القال لك منو يا فائـــز ..
يآخ صدقني دي بتكون اتخططت مع الانقلاب الكيزاني الكان الترابي بيخطط ليهو تلاتين سنة ..
ولا استبعد من صلاح قوش الضلوع فيها بصورة مباشرة او غير مباشرة ..
اقلاها ممكن نعتبرها نتاج للسياسات الخاطئة للمؤتمر الوطني ..
ـــــــــــ قلبي على وطني
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: Faisal Elrasheed)
|
هسة يا مجدي لو بتاع الجريدة دا كان إستأذن كان دا كلو حصل?! لو كان الموضوع موضوع قبلية و عنصرية زي ما وصفته ممكن يبقى الأصح هنا هو "الإستعلاء" طالما بتاع الجزيرة/الجريدة راح قافل الشباك دون إستشارة صاحب الشباك! بعدين ياخي هو قافله مالو, أنا زاتي زهجت بيجاي .. هبريب بحر دا تاني يلموا فيه وين! السلوك المتمدن مدخل لعلاج بلاوي كتيرة من ضمنها العنصرية و الجهوية لكن ضمن إعلام بلد غير المسخ القابض دا!
| |
|
|
|
|
|
|
Re: كارثة في حافلة ..... لعن الله القبيلية والعنصرية ومن ايقظها (Re: المعز ادريس)
|
الاخ العزيز مجدي كنة كادوقلي هي العاصمة الادارية لجبال النوبة واكبر مدن المنطقة ومنطقة جبال النوبة سكانها هم النوبة وهم ذوو ملامح أفريقية. ويسكن جبال النوبة كذلك العرب البقارة وكثير منهم ملامحهم تشابه أهل وسط السودان اي اللون أفتح ويميل الي الصفرة كما هو الحال لدي كثير من اهل اواسط السودان (اي الجزيرة ، لان الوسط الجغرافي للسودان في الواقع هو جبال النوبة!) ويمكنك ان تجد شخص فاقع اللون وتكوين ملامحة مائلة الي العربية ويمكن ان يكون من كادوقلي ، لان اهله من القبائل العربية العديدة التي تسكن في داخل او حول كادوقلي منذ مئات السنين. أما الجنينة في حاضرة غرب دار فور وقصتها لا تختلف كثيرا عن كادوقلي رغم اختلاف المسميات. هذا ما وجب التنبيه به. أما القصة المجزنه التي اوردتها، فاظنك انك قصدت لفت النظر الي الشحن النفسي والتغابن الاجتماعي الذي انتظم السودان في السنوات الأخيرة واصبح يتخذ طابع التوتر بين المجتمعات التي في ظاهرها أفريقية السحنه والمجتمعات ذات السحنات المائلة الي العربية ويوصف كثيرا بانه صراع او تغابن او توتر بين العرب والافارقة. ويوصف في احيان اخري بانة الصراع بين العرب والزرقة كما هو الحال في دارفور. ولنا ان نتساءل اذا ماكان ذلك شكل اخر للتوصيف القائل انه صراع يين التوجهات الاسلاموعربية والتوجهات السودانوية ام هو صراع المركز والهامش او صراع السودان القديم والسودان الجديد؟! أي ان التوصيف مهم لمحاولة فهم الظاهرة وفهمها بالطبع ينقلنا من مرحلة التعامل بالشكل العاطفي النوستالجي الي مرحلة التعاطي مها مفهوميا وسياسيا. ففي رأي ان التوصيف الذي تفضلت بعرضة بان الظاهرة هي تعبير عن القبلية والعنصرية والتي كانت نائمة وتم ايقاظها بفعل فاعل وكأنما نومها كان نعمة. هذا التوصيف تبسيطي لا يفيد كثيرا نسبة لانه لا يصالح الجغرافيا كما اوضحت في صدر الموضوع ولانه لا يصالح التفهم العميق للظاهرة ومحاولة التعامل بمستويات اخري. لك الشكر علي نقلك لمثل هذه الاحداث الي دائرة الضوء
| |
|
|
|
|
|
|
|