نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
كانت إجازة سعيدة في السودان (صور ممكن)...
|
بحمد الله وتوفيقه ؛قُدر لي إجازة سنوية لمدة اربعة شهور
قضيتها بين الاهل بالجزيرة والخرطوم ؛
بدت بدخولي ميناء جدة الاسلامي مرورا بميناء سواكن ؛
تحركنا من جدة الحادية عشر مساء ؛ بالباخرة السعودية نماء
كانت بطيئة جدا ؛الرحلة استغرقت حوالي 14ساعة .
|
|
|
|
|
|
|
|
Re: كانت إجازة سعيدة في السودان (صور ممكن)... (Re: بشير أحمد)
|
داخل الباخرة إلتقيت قريبي من قرية الهبيكة ريفي المسيد اخونا محمد علي البشير ومحمد علي الطيب برضو من الهبيكة
وكانوا في اجازة بغرض الزواج
(قرابتنا بهم من جهة الوالد الله يرحمه)
كانت رحلة جميلة بصحبتهم والله .
وصلنا سواكن حوالي الساعة الواحدة ظهرا ؛
صالة الاستقبال كانت حارة جدا بدون تكييف ؛الا من المراوح فقط.
| |
|
|
|
|
|
|
Re: كانت إجازة سعيدة في السودان (صور ممكن)... (Re: بشير أحمد)
|
.في لنش صغير بيدفر البتاعة دي بالجنبة
والله قوي بشكل ؛بس دخاخينو في السماء
التقول شغال بي حطب.
نفسي أعرف علاقة القوة بالدخاخين شنو أصلاً إذا كانت هنالك علاقة؟!!
أوع تقولي عشان أداكم دفرة بالجنبة أصبح قوي.
إتمني أن تكون كانت الإجازة سعيدة بين الأهل.
| |
|
|
|
|
|
|
Re: كانت إجازة سعيدة في السودان (صور ممكن)... (Re: بشير أحمد)
|
السفر بالسيارة واجراءتها :
استخراج دفتر التربتك من اي مكتب للسفريات او الوكالات
دفتر تربتك +تذكرتك والسيارة كلف حوالي 1850ريال ذهاب فقط .
الاوراق المطلوبة : جوازك +تاشيرة الخروج والعودة الالكترونية ؛
رخصة قيادة سارية المفعول
تُسلم السيارة مع العفش بداخلها للمكتب او الوكالة يوم السفر
حوالي الساعة العاشرة صباحا .
سيارتك دي الا تشوفها في سواكن تاني.
والله يعينك علي سيارات الليموزين لتقضية بعض المشاوير قبل السفر.
| |
|
|
|
|
|
|
Re: كانت إجازة سعيدة في السودان (صور ممكن)... (Re: بشير أحمد)
|
غايتو...
الباخرة تتلولح بينا الليل كلو ؛ناس تتونس وناس نايمة
وناس حايمة وناس تتفرج في الليل البهيم ده ؛حاجة كده ما ليها اخر؛السواد يلف السماء والماء ولا نور ساي حايم الا من بعض البواخر
تشوفها من بعيد .
في الغرفة ؛معاي قرايبنا من الهبيكة
انا شخصيا نمت وما صحيت الا والجماعة قالو لي قربنا من سواكن ؛
يعني يمكن مشاهدة جبال البحر الاحمر .
| |
|
|
|
|
|
|
Re: كانت إجازة سعيدة في السودان (صور ممكن)... (Re: بشير أحمد)
|
غايتو...
وصلنا سواكن حوالي الواحدة ظهرا ؛طلعت السيارات اولا
وبعدين نزلنا ...
الماعندهم سيارات ركبو البص الي صالة الوصول والباقيين كلو زول ركب الدابة حقتو الي مظلات الجمارك داخل حوش الميناء
وبعدين مشينا الصالة وادونا فورمة معنونة (وصول مواطن)
ختمنا الجواز (حوالي الساعة واقفين في الصف)....
| |
|
|
|
|
|
|
Re: كانت إجازة سعيدة في السودان (صور ممكن)... (Re: بشير أحمد)
|
تم ايقاف كل السيارات في المظلات حقت الجمارك
وكل مظلة فيها 5من اخونا الادروبات لتنزيل العفش
والنقة في المقاولة (تنزلوا وترفعوا بي كم )
والكواريك تحصل .
بعديها يجيك الضابط ويعاين في العفش ؛كم تلفزيون وكم غسالة
النصيحة مرات ما بيكتب ليك ايصال جمارك ؛ولو كتبو بيكون 50 جنيه
بعديها بيجيك مُعقب الجمارك ولابس بدلة سفاري يشيل ورق السيارة كلو ؛ويدخل ويمرق وكل دخلة بيقول ليك جيب قروش
شئ قروش شيكان للتامين وشي رسوم طريق وعييك المهم 800ريال يمكن تحلك حسب موديل سيارتك .
ناس المرور بيدوك فترة سماح دخول لمدة 3شهور ؛ولو عايز تمددها
تمشي مكافحة التهريب في الخرطوم وتدفع 150جنيه (50جنيه تدفها لشركة المهاجر ) و100جنيه لمكافحة التهريب وبيمددو ليك لمدة 3شهور تانية غير قابلة للتجديد ولو ال3شهور دي انتهت برضو ماعندك حل غير تجمرك السيارة .
| |
|
|
|
|
|
|
Re: كانت إجازة سعيدة في السودان (صور ممكن)... (Re: مزمل خيرى)
|
الاخ/مزمل خيري
تحياتي؛؛؛
Quote: يادكتور بشير حقنا الادبى بالله ماتنساهو فى الصور تشيل تلصق ساااااى كدا
|
والله يا ابوصلعة غايتو اي صورة عملتها انت ما طلعت ؛
بالذات صورتك ...ظهرت الصلعة بس
الكميرا حقتي اظنها جنت.
كان يوم جميل والله بحضوركم.
| |
|
|
|
|
|
|
Re: كانت إجازة سعيدة في السودان (صور ممكن)... (Re: بشير أحمد)
|
عوداً حميدا يا دكتور ..
يا زول إنت من زمن المطر في السودان .. والله دي إجازة سمبر بس ..
السمبر دائماً بقضي شهر العسل الخريفي عندنا .. لذلك تلقى الفنادق 5 نجوم فل ومحجوزة لفترة شهرين ..
خاصة فنادق الأبراج الخضراء .. التي تتمايل مع أنسام الخريف وزخات المطر ..
مرحباً يا أخ بشير ..
جاد
| |
|
|
|
|
|
|
Re: كانت إجازة سعيدة في السودان (صور ممكن)... (Re: JAD)
|
الاخ/جاد
تحياتي؛؛؛
الله يقبل حمدك؛
Quote: يا زول إنت من زمن المطر في السودان .. والله دي إجازة سمبر بس ..
السمبر دائماً بقضي شهر العسل الخريفي عندنا .. لذلك تلقى الفنادق 5 نجوم فل ومحجوزة لفترة شهرين |
والله جيت بدري ؛بس مافي زمن لفتح البوست
ومشغولين بحملة السيد الرئيس.
| |
|
|
|
|
|
|
Re: كانت إجازة سعيدة في السودان (صور ممكن)... (Re: بشير أحمد)
|
أبو أحمد حمدا علي السلامة يازول
بس ياصحبي الشجرة دي لو مخضرة الكهرباء قاطعة ولو مصفرة المياة ملوثة وكان جابت ظُل بتدفع حقو ولوكلها رقراقات تبقي القصة بايظة. شوف أي دعاية للريس هنا بدفعك بالعملة الصعبة أنتو الدفع ده إلا للكيزان تحياتي لكل بورداب الخرطوم
،،،،أبوقصي،،،،
| |
|
|
|
|
|
|
|