|
|
 مليون دولار للجالية اسودانية بالقاهرة
|
رشوة
ام تبرع
والانتخابات على الابواب
واللبيب بحرف الاشارة والالف المنقلبة الى ياء ( مانع من ظهورها اشتغال المحل بحركة المناسبة )
والمناسبة هى الانتخابات المزمع عقدها فى ابريل القادم .... ولا كــــــيف
قاسم المهداوى
|
|
  
|
|
|
|
|
|
|
|
Re: مليون دولار للجالية اسودانية بالقاهرة (Re: عبد الحكيم نصر)
|
حكيم يا حكيم
سلامون
Quote: مليون دولار
ومصر فيها 4مليون سوداني
امممممممممممممم
ربع دولار لكل فرد
|
شفتا كيف القصة محسوبة
صوتك بى ربع دولار بس ( فكة ساكت )
| Quote: الاستلا بكم يا مهداوي؟ |
فنزوبيلا ( قول فنزويلا علشان المتلصصين يدقسو )
فى بى 8
وايضا بى 10
وبرضو بى 15 مع الرأفة
وكمان بى 24 وامتاع النظر
واختار ما شئت ولا كــــيف
ياخى وين انتا ليك مدة ما بنتا يا حبيب
قاسم
| |
|
|
|
|
|
|
|
|
|
|
Re: مليون دولار للجالية اسودانية بالقاهرة (Re: قاسم المهداوى)
|
الأخ الحـبيـب الحـبـوب،
قاسم المهداوى،
تحياتي ومودتي،
***- شوف ياقاسم، انا اخوك ده عارصت تاريخ الانتخابات من سنة 1954 والله يدينا العمر ونشوف بتاعت 2010. وعاوز اقول لك بكل صراحة، اياك وتصدق اي كلام حول فلوس ودولارات حتدخل لمصر من السودان لزوم الانتخابات. ماحصل في تاريخ الانتخابات السودانية وفي فلوس طلعت مصر لزوم شراء الاصوات،بل بالعكس،حصل في انتخابات سنة 1954 ان قام اللواء محمد نجيب برصد مبلغ ضخم لتغيير الانتخابات عسي وان يفوز حزب الميرغني الموالي لمصر وتكون النتيجة بقاء السودان ومصر تحت حكم واحـد، الحكومة المصرية وقتها كانت مستعدة تدفع اي مبالغ مقابل ان يصوت الشعب للوحدة مع مصر، وفشلت خطة نجـيب ضاعت الفلوس او بمعني اخر دخلت جيوب المراغنـة!!!!
***- نجئ لحكاية المليون دولار ( عنوان مقالتك ). واحلف لك ياقاسم،مافي مليم واحد حتدخل مصر، الا اذا كانت فلوس (غسيل اموال)، ولكن فلوس ودولارات عشان شراء اصوات لصالح الحزب المصيبة الحاكم في السودان فده كلام لايدخل العقل بسبب واحد وهو كيف وباي اسم وتحت اي مسميات حتدخل الفلوس?، واذا دخلت بواسطة سفارة السودان بالقاهرة يبقي المليون دولار دي لحـقت فلوس خزينة ولاية الجزيرة?، وكان دخلت بواسطة جـنابو بتاع معسكر (العيلفون) يبقي ضاعت زي ماضاعت ارواح المجندين القتلوا عام 1998!!!،
***- ناس الحزب الحاكم في الخرطوم عارفين كويس،انو المليون دولار دي لو دخلت القاهرة حيسفوها ناس (فرع الحزب في القاهرة)!!!وماتودي غرضها!!! الا اذا كان في اتفاق بين المافيا في الخرطوم وفروعها في القاهرة لتهريب المليون دولار!!!!
***- وبعدين ماتنسي ياقاسم، 90% من السودانيين في مصر بكرهوا ابو دين الانقاذ، والحزب الحاكم في الخرطوم عارف انه مكروه وممقوت لدي الغالبية، يبقي بالعقل كده ماحيجازف ويرسل فلوس لناس اصـلآ ماطايقيين خلقة البشير وعصابته!!
| |
|
|
|
|
|
|
|
|
|
Re: مليون دولار للجالية اسودانية بالقاهرة (Re: بكري الصايغ)
|
عزيزى جدا
بكرى اصائغ
شكرا حضورك بوستنا هذا والتداخل
ولكن حكاية المليون دولار دى من فم نائب ثانى رئيس البلد فى سفارة السودان بالقاهرة فى المؤتمر الصحفى
واعتقد بعض الاخوة الصحافيين شهود ايضا
عموما كدا النشوف ,,, ويا خبر بفلوس بكرة يطلع بطيخ
قاسم المهداوى
| |
|
|
|
|
|
|
|
| |
قاسم المهداوى
Omayma Alfargony
amir jabir
baha eassa
عبد الحكيم نصر
فيس بوك
تويتر
انستقرام
يوتيوب
بنتيريست