|
|
 احساسكم شنو لما تعملوا بوست و ما في زول يرد عليه .. مغسة تشق
|
و اظرف حاجة لما تكون بتفكر ليك فترة في موضوع يثير اهتمام الناس
غير الكورة و السياسة و العرس و تلقى موضوع تتخيله حيوي جدا
و بعد اليوم التالت و لا الرابع تلقى الردود ما فاتو العشرة و فيهم خمسة
كاتبوهم الزول الكتب البوست ذاته
عايزة اعرف الوصفة السحرية لبوست غير السياسة و العرس و الكورة و يكون عدد الردود فيه لا تقل عن 50 من اشخاص مختلفين
|
|
 
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: معتز زيزي)
|
Quote: اظرف حاجة لما تكون بتفكر ليك فترة في موضوع يثير اهتمام الناس
غير الكورة و السياسة و العرس و تلقى موضوع تتخيله حيوي جدا
و بعد اليوم التالت و لا الرابع تلقى الردود ما فاتو العشرة و فيهم خمسة
كاتبوهم الزول الكتب البوست ذاته
عايزة اعرف الوصفة السحرية لبوست غير السياسة و العرس و الكورة و يكون عدد الردود فيه لا تقل عن 50 من اشخاص مختلفين |
الاخت/ ندى
سؤالك في محله
حسب رأيي المتواضع ايا كانت قيمة الموضوع لا يمكن تطويره افكار بدون شلة و اصحاب.
وصلت الى هذه القناعة عن تجربة شخصية. قمت بايداع مجموعة موضوعات افتكرتها مهمة لكنها انتهت الى لا شي.
| |
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: Tabaldina)
|
زي احساس واحد يجي ماري بي مجموعة من الناس
يسلم عليهم ولا يشتغلو بيهو الشغلة ....
أما حكاية البوستات دي زي الرزق تلاقيط
مرات التوقيت وعدد المتواجدين بيلعب دور كبير
كل بوست محكوم بظرفيته .. بوستات جيدة المحتوى وتناقش قضية
حيوية يكون مصيرها الخور غير مأسوفا عليها .. بوستات انصرافية
وبها كميات من العوارة تبقى لأكثر من اسبوع أو أكثر كل شخص يركلها الى أعلى
نصيحتي أن تكتبي البوست وتمضي دون ان تلتفتي الى الوراء الا بعد ساعات .. يعني
ترمي سنارتك ياجابت حوت يا بالعدم صير ياجاتك فاضية ........ بوست موفق
| |
|
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: خالد المحرب)
|
Quote: بعد اليوم التالت و لا الرابع تلقى الردود ما فاتو العشرة و فيهم خمسة
كاتبوهم الزول الكتب البوست ذاته
عايزة اعرف الوصفة السحرية لبوست غير السياسة و العرس و الكورة و يكون عدد الردود فيه لا تقل عن 50 من اشخاص مختلفين |
مبروك ..ندى .. حتى الان وفى نصف اليوم الاول للبوست وصل عدد الردود أكثر من 15 رد
دون رد منك؟؟!
..انشاء تكوني عرفتي الوصفه السحرية!..
| |
|
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: Tabaldina)
|
يا سلام و الله فشيتوني .. اشكركم فردا فردا على المداخلات الممتازة الساهمت
شديدة في تخفيف المغسة
و افتكر انه ناس البورد ديل احسن ناس .. حنان جدا من يلقوا اخت ليهم ممغوسة
ما بقصروا و بشيلوا مغستها
اها القالوا انه الا بالصحبة و الشلة حتى الزول يلقى ليه زول يرد عليه
وجهة نظرهم سليمة لانه احنا بالفطرة بنميل لي انه نسمع عن الزول البنعرفه
زي ما بنركز مع اخبار المشاهير اكتر من الناس العاديين
و القالوا الردود ما مهمة و المهم الموضوع ببقى انك ما بتكون عارف هل
موضوعك وصل الناس ولا لا .. الطريقة الوحيدة انه زول يرد عليك
ندى جماع
| |
|
|
|
|
|
|
|
|
 Re: احساسكم شنو لما تعملوا بوست و ما في زول يرد عليه .. مغسة تشق (Re: Tabaldina)
|
| Quote: دى زولا من عندنا واختنا من 2007 |
من الفين وسبعة يا تنقـا ..؟ ومشقوقة بي مغصته دي ..؟
والله طششتني زيادة ..
ياخ .. (تحية كاريوكـا) الجات امبارح دي .. بتفتح ليها بوست العميان .. بجي شايل المكسر .. Quote: وركز معاها بتنفعك فى العودة الطوعية .. قريبا
صدقنى .. |
.. تنفع في العودة الطوعية دي حبابه الف .. بس تحددوا لينا حجم الاستثمارات قدر كيف ..؟ لانو عندنا عرض ترشيح نواب ولاة ..
ــــ
البركة فيكم يا صالح وانا قبل السفر اتصلت عليك كتير جدا رقمك المعاي مقفول .. وجيت دخلت الدوامة الانت عارفه دي ..
| |
|
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: ابو جهينة)
|
ندى يا قطر الصباح وصباحك وكل أيامك ندى
البوستات خشم بيوت يا ندى
صراحة حاجة تغيظ خاصة لو موضوع مهم ومتعوب فيهو ويستاهل يتقري
زيما قالوا ليكي الأخوان فوق الحكاية كلها شلليات وقروبات في هذا المنبر
ومعظم الردود مجاملات (يعني الكحة ولا صمة الخشم) في بوست كاتبو صديق أو صديقة
بس إنتي ما تتوقفي عن الكتابة والمشاركة وحبة حبة تكتسبي جمهور ومشجعين ومجاملين وكمان قراء.
| |
|
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: محمد الجيلى)
|
الاخت ندى
بتخيل لي العنوان هو اهم حاجة في الموضوع لازم العنوان بتاعك يكون جاذب للوحدة بعد داك ان شاء الله تختي نقطة بس باقي الناس ح تجي تطلع ليك من النقطة دي عصير تفاح عشان المواضيع كتيره والناس ماعندها زمن لازم العنوان يكون قوي .
بعد داك العميان ح يجي شايل المكسر والشله ليست قوة البوست وانما البوست ممكن يعمل ليك شلة
بعد تعملي الشلة اها لو كتبتي اي حاجة الناس ح تجيك من كل فج عميق رجالا وراكبين ركشات حتى لو الواحد دخل وخته لي صورة من باب تبسمك في بوست اخيك صدقة 
لو ده كلو مانفع ادخلي بوست بوست وتداخلي مع العالم الاسفيري وليكن توقيعك العاقبة عندكم في المسرات لوووووووووووولز
تحياتي
زاتوووو
| |
|
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: د.نجاة محمود)
|
تحتقر نفسك وتشعر بالبؤس خاصة إذا كنت جاي ونافش ريشك ولاطش مداخلتك أو موضوعك من موقع من مواقع google الله والرسول الماليه الدنيا سواء لطشه بتصرف أو على نظام الكسالى والتنابلة copy & Paste دون الإشارة إلى المصدر وبجيك إحساس بأنه في رأسك في ريشه
جوه جوه الواحد بياكلها في حنانو ويحاول يعيش حياتو السايبيرية ويطنش
بيظهر للناس روح رياضيه وديمقراطية وإيمان بحرية تعبير وإختيار بالرغم من إنه الكلام دا ما الجواهو
بيصاب بإحباط وخيبة أمل خاصة إذا كان لعب لي أحد الأعضاء الـ one وأنتظر الـ two ولغاية ما بقي في وضع تسلسل العضو الغتيت ما باصي ليهو وهو ما يعرف سايبرياً بـ scratch my back I scratch yours وفي الحته دي بالذات بتكون كرشت ضهر صاحبك وبقيت تفتش علي حيطة زبالة خشنة عشان تحك فيها ضهرك.
دا كلو هين بس الما هين لمن الواحد يفكها في نفسو وفي الناس ويصدقها
يقولو ليك المنبر وطن من لا وطن له
يقولو ليك المعارضه حا تعمل وتعمل
يقولو ليك الحكومة عملت وعملت
يقولو ليك لا تهاون مع التعاون (دي من عندي طبعاً)
يقولو ليك ........
ومنتظرين منبر بكري أبوبكر يحل مشاكل تساقط الشعر والصلع الوراثي وقضية المهمشين وتطوير الرياضة والأغنية الشبابية
| |
|
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: عبدالله كع)
|
أهل يا ندي مبسوطة,,,, كومك كبر وعملتي ليك شلة ,,, لعبتيها كويس ,,,أها تاني ما بنفوتك .
| |
|
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: سيف الدولة كامل)
|
أحمد الله .. اعتقد انه مشكلتي في المنبر اتحلت و المغسة خلاص راحت الي غير رجعة
انا سعيدة بيكم كلكم و سعيدة بانه اكون جزء من الاسرة المتميزة دي الما بترضى المغسة لي زول
و اشكركم كلكم على فك المغسة و الاراء العظيمة و النصائح المفيدة .. و شكلي كدي عرفت الوصفة
و ربنا يكبر الشلة و يكتر الاخوان و الاخوات .
وربنا يديمه منبر عامر بالخير و الاخيار
| |
|
|
|
|
|
|
|
|
 Re: احساسكم شنو لما تعملوا بوست و ما في زول يرد عليه .. مغسة تشق (Re: Nada Jamma)
|
| Quote: اعتقد انه مشكلتي في المنبر اتحلت و المغسة خلاص راحت الي غير رجعة |
خلاص بعد كدا حقو طوالي تقفلي البوست دا طالما مغستك راحت ..
يا كمان
تطلبي حذفو عشان تتيحي فرصة لي غيرك .. شايله ليك مغسة من الفين وسبعة تفشيها في الفين وعشرة .. مغسة ليها تلاتة سنوات ..؟
دي مغسة واللا عقد ايجار ..؟
ــــــــ
أمبارح كتبت ندى جمعة .. والصواب ندى جماع ..
| |
|
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: محمد الطيب حسن)
|
الأخت ندى
السلام عليكم
والله الإخوان ما قصروا ذكروا كل الأسباب الممكنة!
وأعجبتني خاصة مداخلة (الملا عمر)!
أنا عاوز أضيف أن أسلوب تناول الموضوع الحيوي أيضاً له دور كبير!
وكذلك شعور الإنسان عند الكتابة، وأنه يوجه خطاب عام لجميع أعضاء المنتدى!
يعني ممكن واحد يكون عندو موضوع حيوي، لكن ما استطاع أنه يخرجه من إطار ذاته
إلى عامّة القارئين، فظل أسلوبه فيه نوع من الانغلاق على الذات!
المهم:
وهناك من حذرك من الرد الجماعي، وقال ليك لازم: فرداً فرداً!
لا/ خدي راحتك، ما دام الآراء متوافقة ما يحتاج!
| |
|
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: محمد الطيب حسن)
|
مرة الدكتور منصور خالد كتب مقال في هذا المنتدى ، الناس العملت مداخلات في المقال أكثر من الأعضاء المسجلين رسمياً وإحتياطياً كمان والتاوقو ساكت ديك إييييييك من هنا لغاية نيفاشا (أنا أحد المتاوقين) أها بوست زي بوست منصور خالد دا أنا من يوم ما هداني القوقل للتسجيل في منتديات سودانيز أونلاين ما شفت ردود عليهو بهذا الكم الكبير لكين للأسف لو قلت ليك 99ر99%[من الردود كانت تتمسح بتراب الدكتور والسياسي المعارض والأديب ، يعني يمشي الواحد ويقول ليك والله الليلة رديت علي مقال كاتبو د. منصور خالد ، آآيي منصور خالد وزير الخارجية السابق ومنظر الحركة الشعبية والصديق المقرب من الراحل الدكتور جون قرنق ، هو ما عضومعانا في سودانيز أونلاين ، وكان سودانيز أونلاين دي كل أعضاءها صفوة وناسي وهو أولهم أن المنتدي يضم المنخنقة والموقوذة والنطيحة جمباً إلى جمب مع الصحيحة السليمة المعافاة./B]
ومرة واحد دقس الناس كلها بي الأدمنيستريتور وخت ليهو صورة مذيعة شهيرة في قناة النيل الأزرق في البروفايل بتاعو وتحدث بإسمها وهاك يا مداخلات بالله لو قح في موضوع ساكت يقولو ليهو يا رائعة والله كلامك جميل ، كفيتي ووفيتي ، وهلم كضباً .... والقصة دي كشفت ما يعرف حالة بعض الأعضاء عافاهم الله المصابين بمتلازمة المراهقة السايبيرية أونلاين وأوف لاين
من الحاجات الممكن تجيب دخل أو زبائن للمقال أن يكتب العضو مقال أو موضوع ما عنده موضوع أصلاً بشرط أن يتخير اللغة ويتحزلق فيها ويمارس أى طريقة تخلق منه فيلسوفاً ذكي ويجعل القارئي ينظر مشدوها وكأنه في إختبار IQ وبالضرورة لابد أن يستنتج القارئ ما يعتقد أن الكاتب العبقري قد عناه أو بإعتبارات ما ستؤول إليه الأمور أو قصة قصد الجزء وأراد الكل.
وفي كمان أن تكتب بغباء مستحكم حتى يظن الناس أنك أذكي خلق الله.
الناس هنا في سوادها الأعظم قسمين ، قسم ما عندو رأي وقسم لا يؤمن بالإختلاف في الرأي
التعدي على الآخرين سباً وقذفاً وشتما بألفاظ أقل ما توصف بها أنها سوقية ولا تستثني حتى - الذات الإلهية والعياذ بالله - هي أقصر الطرق للبطولات والنضال وأن يكون كاتبها أو قائلها من الطبقة المستنيرة ذو فكر وفلسفة ورؤية ورسالة ربما أتت قبل زمانها أو في غير محلها
تخيلو واحد يغلبو يودي الكورة وين ويقعد يردد في كل مداخلاته كلمة من سبعة أحرف ومع ذلك هو مناضل وطني غيور
font>
| |
|
|
|
|
|
|
|
|
|
Re: احساسكم شنو لما تعملوا بوست و ما في زول يرد عليه .. مغسة تشق (Re: د.محمد حسن)
|
انا غايتو لمن أزهج بكتب (إنتو الشيوعيين ديل مالهم ؟؟؟) أها يجوك عُفارهم يلوي ... والأعمي شايل المكسر
شي شيوعيين وشي حقانيين وشي ليبراليين يطلعوا ليك كل مغايس الحركة الشيوعية لمان لينين يجيه أبوالشهِّيق
أها إنت مرة مرة شوفي الشيوعيين ديل مالهم ؟؟؟؟
ـــــ
ملحوظة : قبل كدة في زول كتب بوست زي حقك ده أوقريب ليه ... وقع فيه أمر الله و (عرّس) ... الله يستر ...
| |
|
|
|
|
|
|
| |
فيصل نوبي
معتز زيزي
معروف حمدين
الصادق يحيى عبدالله
محمد كابيلا
محمد الشيخ أرباب
محمد عبد الماجد الصايم
إدريس محمد إبراهيم
tmbis
منتصرمحمد زكى
عمار عبدالله عبدالرحمن
فايزودالقاضي
خالد المحرب
ابو جهينة
Habib_bldo
كمال ادريس
محمد الجيلى
ALZOLZATOO
Abdelrahim Elamin
almulaomar
عبدالله كع
سيف الدولة كامل
اينانا
داليا الكباشى
محمد الطيب حسن
د.محمد حسن
Ahmed musa
فيس بوك
تويتر
انستقرام
يوتيوب
بنتيريست