|
|
 قبل عيد العشاق .. أين التوعيه لشبابنا ؟
|
دفعني لكتابة هذا الخيط مقال قرأته عن استعداد العديد من الدول وعلي رأسها الدول الغربيه,
بكل سبل التوعيه والارشاد اللازمه لرفع الوعي بين الشباب من الجنسين,
تحسبا من ازدياد انتشار الايدز وغيره من الأمراض المنقوله جنسيا خلال عيد العشاق تحديدا ..
فالتوعيه هناك تمارس في المدارس وجميع وسائل الاعلام, خاصة أن الفئه العمريه الأكثر اصابه بالايدز هي من 13-24 عام,
ومع هدايا الفلانتاين تتوفر في الشوارع والمحال و الحدائق ارشادات طبيه بمنتهي الوضوح,
من أجل علاقات امنه صحيا Safe relations
ثم هاهي جنوب افريقيا الرائده في القاره علميا وطبيا تقترح فحصا طبيا خاصا للايدز في عيد الفلانتاين بسعر زهيد
تشجيعا للشباب (حسب رويرترز)AIDS activists in Cape Town are setting up free testing facilities in shopping malls for Valentine's Day
ويتضمن الفحص ارشادات مصاحبه عن كيفية البقاء HIV-free لمن تم ثبوت خلوهم من المرض ..
وتوفير الارشاد والتوجيه للمصابين ..
من المعلوم أن فرد واحد من كل تسعة أشخاص في جنوب افريقيا مصاب بالايدز ..
يتبع,,
|
|
  
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: Amany Elamin)
|
وفي بلادنا تمارس طقوس النعام في دفن الرؤوس والاتكال علي أن قيمنا الاجتماعيه والدينيه هي أفضل حامي لشبابنا ..
متناسين عمدا التقرير الذي تم الكشف عنه في العام 2005 عن اعلان السودان من أكثر دول المنطقه -الشرق الأوسط وشمال أفريقيا أعني- من حيث معدلات الاصابه..
ومن المسح الذي تم نشر نتائجه عام 2007 تبين ان 1.6 % من المجموعه التي شملها المسح كانت مصابه بالايدز,
4% من اللاجئين مصابين بالايدز و 2.5% من بائعات الشاي في الطرقات مصابات بالايدز !!
وغيرها من النتائج المفجعه نشرها التقرير ..
وفي New America Mediaكتبت Hana Baba عام 2006 تقريرا أوضحت فيه معلومه غايه في الخطوره
وهي أن الحكومه السودانيه كانت والي عهد قريب تحظر ابتياع المستلزمات الطبيه التي تجعل العلاقات بين الجنسين امنه صحيا (Condoms and Contraception)
ثم قامت وزارة الصحه حين انتباهه الي خطر الايدز وبعد اهتمام المنظمات الدوليه بالظاهره
بتشجيع بيع هذه المنتجات الطبيه لكل راغب دون اسئله تطرح علي الشاري,
يقول التقرير
Most of them are either students, or poorer people. Even young ladies come and buy them for their boyfriends!
معظم الراغبين في شراء هذه المنتجات من الطلاب والفقراء وحتي من الفتيات صغيرات السن !!!!!!!!
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: Amany Elamin)
|
ليس لي أن أمارس الوعظ والارشاد
فلذلك مختصون وان سخر منهم الساخرون,
أنا فقط أسلط ضوءا علي شباب وشابات صغار السن,
بعضهم أمي لايقرأ ولايكتب ..
بعضهم من أسر فقيره جدا,
وبعضعهم مشردون أو لاجئون,
وبعضهم يعتقدون كما أوضح التقرير الذي ذكرت,
أن الايدز مرض يتم انتقاله من خلال الأكل والشرب مع شخص مصاب,
وأحيانا من خلال لدغ البعوض,
لاحتواء خطر الايدز وغيره من الأمراض المنقوله جنسيا,
لابد من نشر الوعي والشفافيه عن خطر المرض المحيط بالبلاد,
بل بالجنس البشري ككل,
حتي ان احدي المنظمات طبعت مع منتجاتها الصحيه المصاحبه لهدايا عيد العشاق,
صورا لكائنات مهدده بالانقراض,
للفت الانتباه لخطر حقيقي محدق بالجنس البشري يدعي الايدز ..
أين لشبابنا الراغبون في الحب كأفيون للعصر من مرشد؟
أين يجد شبابنا التوعيه والمجتمع من حولهم يتكتم اصرارا وترصدا عن كشف المستور؟
وفي المايقوما أطفال صغار يشهدون علي جهل شبابنا وانعدام المرشد الاجتماعي أو الديني أو حتي الطبّي !!
| |
|
|
|
|
|
|
|
|
 Re: قبل عيد العشاق .. أين التوعيه لشبابنا ؟ (Re: Amany Elamin)
|
يا امانى بت الامين
اسعد الله اوقاتك بكل الخير
انا بعتقد اننا لمن نتكلم عن الكوندوم ووسائل وقاية شبابنا من الامراض الجنسيه
دى بيعنى اننا اعترفنا فعليا بان الجنس اصبح عندنا مباح وان بلادنا اصبحت
كبلاد الغرب وخاصه اذا ما نظرنا للشريحه التى تشترى الكوندوم من الصيدليات
طلبه + بنات صغار فى السن
ولماذا لا نرجع الى مربع واحد ونكثف من التوعيه الدينيه والاخلاقيه والاجتماعيه
وتحصين شبابنا وشاباتنا بالامتناع عن ممارسة الجنس خارج اطار العلاقات الشرعيه
ومن ثم نققن الفحص الطبى قبل الذواج ونجعل شهادة الفحص شرط اساسى لعقد النكاح
وبذلك يمكننا ان نرجع بمجتمعنا الى القيم الفاضله ونجعل شبابنا يهتمون بالعلم
والتحصيل وعدم التشبه بالغرب وذلك سعيا لاستيلاد جيل سليم ومعافى وقادر على النهوض
باليلاد فى شتى مناحى الحياه .
ودى
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: على محمد على بشير)
|
الزميلة امانى سلام عليك
مالم افهمه من طرحك الربط بعيد الحب مقرونا بممارسة الجنس
إن كانت هذه العادة الدخيلة علينا فى السودان وجدت طريقها خلال سنوات عولمة السودان الاخيرة ، وبشكل ضيق جدا على ما اعتقد
فهى ليست كما فى الغرب يحتفل فيها العشيقان بالحب الذى يمتد لممارسة الجنس وما اليه
مجتمعنا السودانى ورغم الدخيل عليه من العادات التى نوصفها بالتحضر لكنه مازال بخير ، وان الفئة العمرية التى نتحدث عنها ربما ان الحب لايزال فى نظرهم برومانسيته المعهودة التى لا تتعدى رسائل الموبايل وهدايا العطور والورود مؤخراً
اوافقك الرأى ان التحفظ هام ، وان الشارع العام به العديد من الفلتان الاخلاقى ، الا ان ذلك غير مربوط بالحب الذى تقام له الاحتفالات او يعيشه الصبية فى الجامعات او المجتمعات المفتوحة
قيم المجتمع السودانى لا شك قد اصابها الكثير من الاختلال ، لكن لم تصل الحالة لهذه النظرة السوداوية لقرن الحب بالجنس فى السودان تحديدا
اما ان كنا نتحدث عن الجنس مطلقاً فالامر كما اشرتى اليه يحتاج لكثير من الوقفات ، ونسال الله ان يجنب البلاد والعباد شرور أخر الزمن التى بدات تظهر فى كل المجتمعات
تقديرى ومودتى
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: عادل سهل)
|
عادل سهل سلامات ومرحبا ..
Quote: فهى ليست كما فى الغرب يحتفل فيها العشيقان بالحب الذى يمتد لممارسة الجنس وما اليه
مجتمعنا السودانى ورغم الدخيل عليه من العادات التى نوصفها بالتحضر لكنه مازال بخير ، وان الفئة العمرية التى نتحدث عنها ربما ان الحب لايزال فى نظرهم برومانسيته المعهودة التى لا تتعدى رسائل الموبايل وهدايا العطور والورود مؤخراً |
الفئه العمريه المذكوره هي الاعلي اصابه بالايدز ..
وكما ذكر التقرير فان
Most of them are either students, or poorer people. Even young ladies come and buy them for their boyfriends
التقارير المذكوره اتعملت في السودان,
فلماذا نعتقد أن مجتمعنا امن؟
أنا لا أربط بين شئ وشئ اخر,
أنا فقط أتسائل ومجتمعنا في حراك مستمر نحو العولمه واحتفالات عيد الحب وما الي ذلك ..
وبه نسب مخيفه لأطفال غير شرعيين واصابه بالايدز,
أتسائل هل يتلقي الشباب التوعيه اللازمه؟
تحياتي,,
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: على محمد على بشير)
|
علي بشير ازيّك ..
Quote: انا بعتقد اننا لمن نتكلم عن الكوندوم ووسائل وقاية شبابنا من الامراض الجنسيه
دى بيعنى اننا اعترفنا فعليا بان الجنس اصبح عندنا مباح وان بلادنا اصبحت
كبلاد الغرب وخاصه اذا ما نظرنا للشريحه التى تشترى الكوندوم من الصيدليات
طلبه + بنات صغار فى السن |
ياصديق ما قلنا سلوك النعام ده هو الجايبنا ورا ..
ياسيدي ما مباح ولا أعرافنا ولا تقاليدنا ولادينا بتقبله,
لكن مازال الايدز شائع بل الأكثر شيوعا بين دول المنطقه,
والسبب هو ال Hetero-sexual relations
وأطفال المايقوما شاااهد علي النسب المهوله للجهل وانعدام الوازع,
نعمل شنو؟
نواصل دفن الرؤوس في الرمال وللا نمارس التوعيه بكل اتجاهاتها في ان واحد؟
عايزين ياعلي بشير توعيه صحيه في كل المحال والطرقات والحدائق بالمخاطر الصحيه,
عشان الما خاف من الله يخاف علي روحه ويحمي نفسه والحوالينو,
وعلي فكره حتي المنتجات الطبيه (للعلاقات الامنه) لاتحمي بنسبة 100 %
من الأمراض المنقوله جنسيا,
لكنها تخفف الضرر واحتمال الاصابه بصوره ملحوظه,
نكثف حمله توعية دينيه وأخلاقيه؟ ومالو؟
بس الحل الناجع في Multidisciplinary efforts لاحتواء المشكله,
يعني الحكومه تعقلها وتتوكل, مش تتواكل !!!!!!
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: Amany Elamin)
|
اماني ازيك
ها انت قد دخلت عش الدبابير برجليك
ستأتيك فتاوى على شاكلة تحريم "عيد الحب"
و حكم موالاة الغربيين و تقليدهم الخ...
كما ان الناس فعلاً يحاولون دفن الرءوس في الرمال
وما ان يأتي الحديث عن مرض الايدز و سبل الوقاية منه
الا وسمعنا مكرور الحديث عن ديننا و كريم اخلاقنا الخ...
الله يعينك
______________________
بعيداُ عن كل هذا ... الا يمكن للشباب الاحتفال بعيد الحب
بعيداً عن التوغل في physical intimacy express of their relations
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: حاتم علي)
|
Quote: بعيداُ عن كل هذا ... الا يمكن للشباب الاحتفال بعيد الحب
بعيداً عن التوغل في physical intimacy express of their relations |
ممكن يا حاتم .... في شكل تي شيرتات و قلوب حمراء و بس ... هاهاهاهاهاها
و هابي فالانتاين داي ......... لكل الشباب
| |
|
|
|
|
|
|
|
|
 Re: قبل عيد العشاق .. أين التوعيه لشبابنا ؟ (Re: غباشي)
|
Quote: ممكن يا حاتم .... في شكل تي شيرتات و قلوب حمراء و بس ... هاهاهاهاهاها
و هابي فالانتاين داي ......... لكل الشباب |
غباشي ! امنع الفوضى زي ما قالت ليك أماني :)
_____________________________
تقديراً لحالة منع الفوضى ، و عشان الناس ما تخرج من
موضوع البوست ، اتفهم تحفظك عن اجابة سؤالي يا اماني
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: حاتم علي)
|
حاتم يا صديقي ..
Quote: ها انت قد دخلت عش الدبابير برجليك
ستأتيك فتاوى على شاكلة تحريم "عيد الحب"
و حكم موالاة الغربيين و تقليدهم الخ... |
تصدق قبل كده سمعت شيخ سوداني معروف في التلفزيون بيقول نفس كلامي ده !!
البيقول كده ما معناتها بيحلل أو بيجيز حرام,
بس ده من باب دفع الضرر عن الناس ..
والشفافيه مطلوبه بشده في الحاله دي,
ياريت لو المدارس بتدرس المواضيع دي بأبعادها الوقائيه والدينيه والاجتماعيه بمنتهي الوضوح,
وياريت لو الاعلام يهتم بالقضيه,
بصراحه حاسه اننا بنفتقد للاعلام الهادف الصادق ..
والمسكوت عنه كتير ياصاحب,
| |
|
|
|
|
|
|
|
|
|
نكثف حمله توعية دينيه وأخلاقيه؟ ومالو؟ (Re: وجن)
|
Quote: نكثف حمله توعية دينيه وأخلاقيه؟ ومالو؟
|
اكعععععب حاجة الزول يجيب الكلام الدوغرى ويختو للزينة
وينحرف عنه لى اللولوة الما بتودى ولا بتجيب ..
الكلام الدوغرى ياهو الذى اوردو التقرير ..
الايدز مرض يجب ان يترك امر الحديث عنه فقط للاطباء والمختصين ..
ما دخل ائمة الجوامع والدعاة والوعاظ بالحديث عن مرض ؟
اسبابه وعلاجه وطرق الوقاية منه امر علمى وطبى بحت ؟
بعدين المسلمين مثلا اذا اخدناهم نموذجا .. ما متفقين فى
امر العلاقة الجنسية نفسها واطارها الشرعى وهو الزواج ،،
بعضهم يجيز ويحلل زواج المتعه بالدين والقانون
.. ذى الشيعه فى دولة البحرين .. تدخل الفندق تعبى كبون زواج
مع من تصطحبها ،، الصباح تقوموا كل زول يمشى فى اتجاه !! والكلام دا فى نظر السنة
دعارة مقننه وغير قانونى وغير شرعى .. بعضهم يجيز ويحلل الزواج
العرفى .. وبعضهم يعترف بالمسيار ويعتبره زواج شرعى .. وبعضهم ما زال يرى انه لو استرقيت
شخص كما مذكور فى الاسلام ببقى مباح فى اطار ما ملكت ايمانكم وهكذا !!
يبقى ما للدين متروك لقناعة كل شخص حسب مذهبه هو ودينه ..
مابجيب فايده لو دخلنا فى تحليل وتحريم معتقدات الناس
الدعوة تكون طبية بحته وكل زول يشوف يولفها كيف مع معتقداته وقناعاته
اما الحديث عن الاخلاق .. فدا حفرة كبيييييرة
هاوية بتلاقيك اول ما تطلع ونفسك قايم من مطب الدين ..
ـــــــــــــــــ
ما تخلونا نكثف فى توضيح الحقايق العلمية والطبية دى !! ومالو ؟؟
التانية ديك بتجيب كثافتنا هى ،، فاحذروها ...
| |
|
|
|
|
|
|
|
|
|
Re: نكثف حمله توعية دينيه وأخلاقيه؟ ومالو؟ (Re: دينا خالد)
|
Quote: علي بشير ازيّك ..
Quote: انا بعتقد اننا لمن نتكلم عن الكوندوم ووسائل وقاية شبابنا من الامراض الجنسيه
دى بيعنى اننا اعترفنا فعليا بان الجنس اصبح عندنا مباح وان بلادنا اصبحت
كبلاد الغرب وخاصه اذا ما نظرنا للشريحه التى تشترى الكوندوم من الصيدليات
طلبه + بنات صغار فى السن
ياصديق ما قلنا سلوك النعام ده هو الجايبنا ورا ..
ياسيدي ما مباح ولا أعرافنا ولا تقاليدنا ولادينا بتقبله,
لكن مازال الايدز شائع بل الأكثر شيوعا بين دول المنطقه,
والسبب هو ال Hetero-sexual relations
وأطفال المايقوما شاااهد علي النسب المهوله للجهل وانعدام الوازع,
نعمل شنو؟
نواصل دفن الرؤوس في الرمال وللا نمارس التوعيه بكل اتجاهاتها في ان واحد؟
عايزين ياعلي بشير توعيه صحيه في كل المحال والطرقات والحدائق بالمخاطر الصحيه,
عشان الما خاف من الله يخاف علي روحه ويحمي نفسه والحوالينو,
وعلي فكره حتي المنتجات الطبيه (للعلاقات الامنه) لاتحمي بنسبة 100 %
من الأمراض المنقوله جنسيا,
لكنها تخفف الضرر واحتمال الاصابه بصوره ملحوظه,
نكثف حمله توعية دينيه وأخلاقيه؟ ومالو؟
بس الحل الناجع في Multidisciplinary efforts لاحتواء المشكله,
يعني الحكومه تعقلها وتتوكل, مش تتواكل !!!!!! |
ده كلام سليم و عاقل.
دينا خالد و وجن كلامكم ميه ميه
اماني شكرا على البوست,
نحن نوعي الشباب و نوفر ليهم الحمايه و هم و ربهم. الحكومه بتمارس في الوعظ و الارشاد من سنة 1989 و الحصيله نشوفها في المايقوما.
| |
|
|
|
|
|
|
|
|
|
Re: نكثف حمله توعية دينيه وأخلاقيه؟ ومالو؟ (Re: Dania Elmaki)
|
..
.
سلام يا امانى
يبدو لى وكأنك ربطت بين الحب والجنس ..يبدو !!
وهل هذا يعنى ان بالضرورة ان الحب فى عيده هو الجنس ..؟؟
ام نبعد عن هذا ونتكلم عن التوعية الجنسية والدينية والاخلاقية
ومحاولة ان نعيد السمو لعاداتنا ومثلنا واخلاقياتنا ..
لاجل جيل صحى ومعافى ومحافظ ..
---------
اعلاه مجرد تساؤلات حتى نستوعب
جوهر الموضوع .. هل هو الحب وتبعاته
ام الجنس .. وتبعاته ..
| |
|
|
|
|
|
|
|
|
|
قبل عيد العشاق .. أين التوعيه لشبابنا ؟ (Re: Tabaldina)
|
تبلدينا..
Quote: أنا لا أربط بين شئ وشئ اخر,
أنا فقط أتسائل ومجتمعنا في حراك مستمر نحو العولمه واحتفالات عيد الحب وما الي ذلك ..
وبه نسب مخيفه لأطفال غير شرعيين واصابه بالايدز,
أتسائل هل يتلقي الشباب التوعيه اللازمه؟ |
شكرا علي حضورك,,
| |
|
|
|
|
|
|
|
|
|
Re: نكثف حمله توعية دينيه وأخلاقيه؟ ومالو؟ (Re: Dania Elmaki)
|
دانيه المكي ..
| Quote: نحن نوعي الشباب و نوفر ليهم الحمايه و هم و ربهم. الحكومه بتمارس في الوعظ و الارشاد من سنة 1989 و الحصيله نشوفها في المايقوما. |
ميه الميه يا حبيبه,
دورنا ك Scientists, ودور الأطباء والعاملين في المجال الصحي,
مع المثقفين والناشطين, في الموضوع ده هو التوعيه والتثقيف,
بس مش بتوافقيني انو كلمة دين لا ترادفها كلمة حكومه؟
الواعظ ده ممكن يكون زول امام جامع في الحله,
لما يعمل درس وللا محاضره ويلم شباب الحله, ويوعيهم الشباب ويكلمهم عن الموضوع,
مش بيكون ساهم في مكافحة المشاكل المترتبه ؟
بس زي ما قلتي ما نعتمد عليهم .. ماكفايه,
دورنا هو التوعيه والتثقيف الصحي,
ولابد انه الحكومه تتبني دور مشابه وتقوم بواجبها في كافّة وسائل الاعلام ..
شكرا علي مرورك الباهي :)
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: Amany Elamin)
|
Quote: الايدز مرض يجب ان يترك امر الحديث عنه فقط للاطباء والمختصين ..
ما دخل ائمة الجوامع والدعاة والوعاظ بالحديث عن مرض ؟
اسبابه وعلاجه وطرق الوقاية منه امر علمى وطبى بحت ؟ |
الأئمه والدعاه, دورهم توعوي وبيأثروا علي الشباب علي فكره جدا,
داعيه زي عمرو خالد عندو مريدين عديل من الشباب,
ديل بيسمعوا كلامه بيقين وفعلا أثر علي العديد من الشباب وغيّر حياتهم,
البتكلم عنه هو الأثر الايجابي للعديد من الدعاه وده دور حميد ومطلوب ..
الدين علي فكره هنا ما بس الدين الاسلامي,
معلوم انه حتي الكنيسه بتقتصر العلاقات علي مؤسسة الزواج,
والعديد من الديانات الأخري بتحرم العلاقات الغير شرعيه,
ليه نقصي دور الأديان الايجابي ونبعدهم من الموضوع؟
اللي عليهو لغط وخلاف ما موضوع نقاشنا,
زواج مسيار, زواج متعه, أي مسميات زي دي هي في نفسها عايزه وقفه واعادة نظر,
وده برضو دور الدعاه والشيوخ انهم يعملو عقلهم وينقوا الدين من الشوائب,
الدين مؤسسه تربويه, حتي وان انخفض اسهامها في عصر من العصور أو زاد في عصر اخر,
مابنقدر نقصي دوره الايجابي اطلاقا,
لو الأديان ما اتدخلت هنا تتدخل وين؟
البوست أنا فاتحاهو أساسا للكلام من ناحيه علميه,
لأنه ده مجالي وده موضوعي هنا,
لكن تكاثف الجهود علميه وقائيه توعويه تربويه كله مطلوب,
والغرض مكافحة المرض والحد من انتشاره,
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: الشامي الحبر عبدالوهاب)
|
أخ الشامي ..
سلامات ومرحبا ,,
Quote: نمارس التوعية بكل اتجاهاتها طبعا وواحد من هذه الاتجاهات
يا استاذة اماني الامين اتجاهنا الديني والايماني وكيف اننايمكن ان
ننهل من معين الحب من هذا المنهل الصافي فهنا ديننا يدفعنا للسمو بالحب
فوق الشهوة البهيمية حب يبدأ من اعلي(وما خلقت الانس والجن الا ليعبدون)
فالعبادة هي قمة الحب ولا ينبغي ان تكون الا لله وثاني درجاته(قل ان كنتم تحبون
الله فاتبعوني يحببكم الله) فلن تكون محبتنا صادقة لله الا باتباع رسوله ولن نكون صادقين في اتباع
الرسول الكريم حتي نحبه اكثر من انفسنا التي بجنبين ثم ياتي بعد ذلك الحب للوالدين
والاخاء في الله حيث يسأل الله سبحانه وتعالي يوم القيامة وهو العليم بخلقة (اين المتحابين
من اجلي) فالحب هو زهرة هذه الحياة وهو النجاة يوم القيامة
ولكن الحب الذي ينصرف فيه الاهتمام الي المتعة العاجلة والواقي الذكري وما شاكله فهو دخيل
علينا وعلي ان نكثف التوعية بالحب الصحيح |
ده كلام جميل جدا,,
بشكرك عليهو, وهو مسار من مسارات التوعيه,
بس الجمله دي عايزين نعدّلها في المسار ده:
| Quote: لكن الحب الذي ينصرف فيه الاهتمام الي المتعة العاجلة والواقي الذكري وما شاكله فهو دخيل |
بنقول للشباب يا أخ الشامي,
حرام وغلط وفي مخاطر صحيه كتيره,
وربنا قال "ولاتقربوا الزنا " في ده كللللو معاك,
وبنقول ليهم في نفس الوقت ضروري لوقاية نفسك وزوجتك لاحقا وأطفالك من بعد من خطر الايدز,
الحرص علي المعرفه التامه بضرورة استعمال المنتجات الطبيه للعلاقات الامنه,
وده ما بغير انه السلوك ده غلط ومرفوض من قبل الأديان والأعراف,
يعني نملكّه المعلومه كامله يا أخ الشامي وهو لو ارتدع بالوازع الديني كفي نفسه ومن حوله خطر كبير,
ما ارتدع نكون مطمئنين انه حمي مجتمعنا من الخطر علي الأقل وحسابه عند ربنا دون شك ..
(عدل بواسطة Amany Elamin on 02-14-2010, 01:02 PM)
| |
|
|
|
|
|
|
|
|
 Re: قبل عيد العشاق .. أين التوعيه لشبابنا ؟ (Re: Amany Elamin)
|
Quote: الأئمه والدعاه, دورهم توعوي وبيأثروا علي الشباب علي فكره جدا,
داعيه زي عمرو خالد عندو مريدين عديل من الشباب,
ديل بيسمعوا كلامه بيقين وفعلا أثر علي العديد من الشباب وغيّر حياتهم,
البتكلم عنه هو الأثر الايجابي للعديد من الدعاه وده دور حميد ومطلوب .. |
Quote: البوست أنا فاتحاهو أساسا للكلام من ناحيه علميه,
لأنه ده مجالي وده موضوعي هنا |
| Quote: لكن تكاثف الجهود علميه وقائيه توعويه تربويه كله مطلوب |
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: داليا حافظ)
|
داليا حافظ:
Quote: النصح الديني ممكن يكون عامل مساعد لكن لا يمكن إعتماده أبدا بديلا للوقاية وأغلب الناس في أي مكان
من غير المتدينين .. |
هو ذاك ياداليا ..
الحل هو ال Multidisciplinary efforts لاحتواء المشكله,
بشقيها انتشار الايدز والأطفال الغير شرعيين ..
شكرا وكلامك موزون ..
| |
|
|
|
|
|
|
|
|
 Re: قبل عيد العشاق .. أين التوعيه لشبابنا ؟ (Re: Amany Elamin)
|
س سؤال يا أماني اللمين:
يوم العشاق دا .. المفروض نوجه
فيهو حبّنا دا تجاه شخص واحد
ولا نوجه محبتنا للناس كلّها؟؟
ليه ما يكون عن الحب بين الناس
الحُب بين الأخوان .. الحُب بين الأهل!!
شايف أغلب الناس بقت تحصر الموضوع دا في العملية الجنسية!
بي ذا وي:
جنّي وجن كل شوية أشيل كلامكـ دا أوديهو قوقل عشان يترجمو!!
لو عاوزه تكتبيهو كـدا بالله ترجمي لينا الكلام بعدو طوالي!!
الواحد يحب بالطريقة دي زاتو كيف ما معروف!
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: محمد عبد الماجد الصايم)
|
ود الصايم:
كلامك واضح ومباشر شكرا,
Quote: يوم العشاق دا .. المفروض نوجه
فيهو حبّنا دا تجاه شخص واحد
ولا نوجه محبتنا للناس كلّها؟؟
ليه ما يكون عن الحب بين الناس
الحُب بين الأخوان .. الحُب بين الأهل!!
شايف أغلب الناس بقت تحصر الموضوع دا في العملية الجنسية! |
شوف ياسيدي عيد الفانتاين الواحد ده ما لحب أم ولا أخت ولا أصدقاء,
أكيد قريت عنه وعن مناسبته وعارف انه لحب موجه لشخص واحد,
أمبارح في الكلاس بتاع ال Communication البحضرو,
معانا واحد مصري شليق, والاستاذ أمريكي,
قوم يالمصري في نهاية الكلاس قول للاستاذ Happy valentine day,
الاستاذ قال ليهو لكن الجمله دي بتقولها لزوجتك ما لي أنا هههههههه
وانفجر الكلاس كله ضحكا ,,
أوعه ياود الصايم تضرب لوالدتك تلفون تقول ليها Happy valentine day
عيد الأم براهو, كويس؟ 
بيني وبينك دي المشكله ذاتها نحن بنلفح أعياد الناس وما عارفين هم قاصدين بيها شنو,
غايتو الفالنتاين الاخترعوهو أسيادو ياهو كده,
حب خاص بين واحد وحبيبته ..
السؤال الأصح ممكن يكون عن الحب وهل هو جسدي أم روحي,
ده بقي تفتح ليهو بوست براااااك,
أنا موضوعي هنا التوعيه للشباب عن مخاطر العلاقات الخاصه ..
-----
بالمناسبه أسلوبي فعلا علمي,
لكن لو عايز ترجمه للرطانه برضو ممكن,
انت تأمر بس ياود الصايم ههههههه
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: Amany Elamin)
|
..
.
Quote: تبلدينا..
Quote: أنا لا أربط بين شئ وشئ اخر,
أنا فقط أتسائل ومجتمعنا في حراك مستمر نحو العولمه واحتفالات عيد الحب وما الي ذلك ..
وبه نسب مخيفه لأطفال غير شرعيين واصابه بالايدز,
أتسائل هل يتلقي الشباب التوعيه اللازمه؟
شكرا علي حضورك,, |
دا ما انا ..
ولو هو ولا انا اختصرتينا شديد ..
مع القيد الصحفى دا
الواحد تانى يقيد مشاركاته ..
----------
غايتو جنس غايتو
| |
|
|
|
|
|
|
|
|
 Re: قبل عيد العشاق .. أين التوعيه لشبابنا ؟ (Re: Amany Elamin)
|
..
.
..
.
Quote: دفعني لكتابة هذا الخيط مقال قرأته عن استعداد العديد من الدول وعلي رأسها الدول الغربيه,
بكل سبل التوعيه والارشاد اللازمه لرفع الوعي بين الشباب من الجنسين,
تحسبا من ازدياد انتشار الايدز وغيره من الأمراض المنقوله جنسيا خلال عيد العشاق تحديدا ..
فالتوعيه هناك تمارس في المدارس وجميع وسائل الاعلام, خاصة أن الفئه العمريه الأكثر اصابه بالايدز هي من 13-24 عام,
ومع هدايا الفلانتاين تتوفر في الشوارع والمحال و الحدائق ارشادات طبيه بمنتهي الوضوح,
من أجل علاقات امنه صحيا Safe relations ثم هاهي جنوب افريقيا الرائده في القاره علميا وطبيا تقترح فحصا طبيا خاصا للايدز في عيد الفلانتاين بسعر زهيد
تشجيعا للشباب (حسب رويرترز)AIDS activists in Cape Town are setting up free testing facilities in shopping malls for Valentine's Day
ويتضمن الفحص ارشادات مصاحبه عن كيفية البقاء HIV-free لمن تم ثبوت خلوهم من المرض ..
وتوفير الارشاد والتوجيه للمصابين ..
من المعلوم أن فرد واحد من كل تسعة أشخاص في جنوب افريقيا مصاب بالايدز .. |
Quote: حقيقي ما عندي رغبه أناقش الموضوع بتاع الحب وأنواعه وجسدي ولا روحاني وما الي ذلك,
وحتي لو اتفتح بوست مخصوص اخر ما حتكون عندي الرغبه في النقاش ده وما حأشارك, |
Quote: موضوعي علمي توعوي,
في متلازمه في كل دول العالم بين عيد الفالانتاين وبين رفع التوعيه لمخاطر العلاقات خارج اطار الزواج ..
وفي السودان في غياب تام لدور التثقيف والتوعيه,
فحبيت ألفت النظر في اليوم ده لحجم المشكله, |
الكلام دا يا ربي ..
مكتوب لشخصين مختلفين ولا شخص واحد ؟؟
__________
عندى صداع حسي
لكن تناقشى ما تناقشى
تنسحبى ما تشاركى .. ما دام دا كلامك
وانت طرحت موضوع للنقاش
بجيك راجع ..
لو فى زول مسك الخيط دا لمن اجى ما قصر
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: Amany Elamin)
|
| Quote: بس الحل الناجع في Multidisciplinary efforts لاحتواء المشكله, |
ازيك يا اماني
غايتو الواحد ما عندوا نفس لي طرقعة عضام الكيبوردات دي
مع البنسمع فيهو كل يوم من بلد السجم و الرماد دي
لكن
قلتي لي : Multidisciplinary efforts
ثمح
اولاٌ بالتبادي : انتي قاصدة بالجملة عاليه (بذل الجهود للتوعية في إتجاهات متعددة)
او كما قال نافع (رض) : البجينا بي مصلايته و تبروقته مرحب بيهو و البجينا بي قزازتو برضو مرحب بيهو
ثانيا: دورك انتي as scientist specialist التوعية في إطار المنهج العلمي يعني تشرحي بي وضوح
المخاطر المترتبة على
intimacy relations for youth without using the correct prevention methods such as possibility of contracting AIDS or any other related diseases
إذا إنتي منتظرة دور لنقل - مماثل - من المؤسسة الدينية سواءً اكانت دعاة حداثيين مثل عمر خالد و الجندي و غيره
او دعاة تقليديدين مثل شيوخ الفضائية السودانية و علماء السلطان لطال إنتظارك أو لنقل إستحال حصولك على ردة الفعل المماثلة لما تقومين به
لأن هؤلاء الشيوخ حداثيون كانوا ام تقليديون يعتبرون هذه العلاقات خارج إطار الحياة الزوجية (حرام شرعاُ) و إستخدام أية وسائل لحماية مرتكبيها
يدخل في إطار تقنين الفاحشة و نشر الرزيلة ، و محاولة لحماية هؤلاء (العصاة) من غضب الله و رسوله الذي سيحوق بهم لا محالة بهذه الامراض الفتاكة
as their point of view and understanding
الخطاب أعلاه دا يا أماني هو الغالب - مجتمعياٌ - و غير مرتبط بحكومة او تيارات سلفية او خلافه ، مرتبط بمفهوم عام يعلي من شأن الاديان و الاخلاق على حياة الإنسان نفسه
(ولسنا هنا لنقد و تفنيد هذا الخطاب من ناحية علمية او فلسفية او حتى دينية)
خلي الشيوخ و الجماعة ديل و ركزي في شغلتك و نجضيها
وبالتوفيق
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: حاتم علي)
|
حاتم ياصديق:
شكرا علي مداخلتك الجميله وقيّمه كلها,
حتي اني ما عارفه أكوّت جزء وأخلّي جزء ..
كلامك في مجمله سليم,
ما ابتدرت الخيط للحديث من ناحيه دينيه اطلاقا,
دورنا الحقيقي هو زي ما قلت علمي بحت,
شوف ياسيدي ..
الانسان يا حاتم بيختلف في تعاطيعهو مع المواضيع المشابهه,
في البتقول ليهو حرام بيرتدع (ده خايف من ربنا)
في البتقول ليهو عيب ومامقبول بيرتدع (ده عامل حساب المجتمع وأسرته مثلا)
وفي البتقول ليهو خطر وصحتك بيرتدع (ده خايف علي نفسه ويمكن علي أطفاله لاحقا),
ده اللي قصدتو من ال Multidisciplinary efforts
نخاطب المجتمع بكافة قطاعاته, بكل نواحي الموضوع ومحاذيره,
وكل زول يشيل الخطاب البيناسب معتقداته,
لكن قطعا زي ما قلت مابنقدر نعتمد علي الخطاب الديني فقط في التوعيه, خطابنا في الأساس علمي ووقائي,
بس لمحاصرة المخاطر تكاثف الجهود مطلوب ولازم برضو نستصحب الخطاب الديني معانا,
فهمتني؟
Quote: لأن هؤلاء الشيوخ حداثيون كانوا ام تقليديون يعتبرون هذه العلاقات خارج إطار الحياة الزوجية (حرام شرعاُ) و إستخدام أية وسائل لحماية مرتكبيها
يدخل في إطار تقنين الفاحشة و نشر الرزيلة ، و محاولة لحماية هؤلاء (العصاة) من غضب الله و رسوله الذي سيحوق بهم لا محالة بهذه الامراض الفتاكة |
صدّقني في علماء بيتبنوا خطاب ديني مخفف للشباب,
بنفسي قبل كده سمعت داعيه سوداني معروف في التلفزيون بيدعوا لاستعمال المنتجات الطبيه للعلاقات الامنه,
لدفع الضرر عن الناس !!
وزي ما قلت للشامي:
Quote: يعني نملكّه المعلومه كامله يا أخ الشامي وهو لو ارتدع بالوازع الديني كفي نفسه ومن حوله خطر كبير,
ما ارتدع نكون مطمئنين انه حمي مجتمعنا من الخطر علي الأقل وحسابه عند ربنا دون شك .. |
مره تانيه بتكلم عن علماء الدين ما عن (علماء السلطان),
لازم نأثر علي طرحهم ما يكون عنيف,
لأ يكون شامل ومنطقي,
عموما نصيحتك سليمه,
وحاضر ياسيدي حأسيب كلام الدين لناس الدين,
وخلينا في الجانب العلمي ..
شكرا ياحاتم علي نقطتك الهامه :)
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: Amany Elamin)
|
عزيزتى أمانى
والضيوف
سلامات
دايماَ مواضيعك حيه وثريه...
فعلاً ده موضوع محتاج لمعاوده طرقه حتى يستقيم
وال Multidisciplinary efforts الذكرتيها
تكرار فتح الموضوع ومناقشته دى واحده منها
مالو فى عيد الحب نناقشو...
وفى غير عيد الحب نناقشو
صاح عيد الحب لكثير من الشباب هو زهور وكروت
ويمكن قصيدة حب...
لكن برضو فى الشريحه البتنظر للموضوع بشكل مختلف
وكثير من الشباب ديل وغير الشباب ما عارفين الأيدز بنتقل كيف وفى العصر النحنا فيه ده!!!
وحاجه معروفه فى مجتمعاتنا الشبان هم العندهم علاقات جنسيه متعدده...
ومن خلال هذه العلاقات بوسع فرصتو فى الإصابه...
وبالتالى...الزوجه القاعده فى البيت ممكن تكون عُرضه للمرض...
أو الحبيبه البتفتكر حبيب روحها هو حبيبها وحدها...وبالتالى مافى داعى للعازل...
الضحك بشرُطها وبشرُطو ..وبشرُطنا نحنا كمجتمع .....
لأنه الطفل. البتولد ده.(حتى لو كان شرعى) ممكن يكون حامل للمرض
ويمشى المدرسه ويلعب مع اصحابو...
ولما صاحبو يتجرح هو بيدو المجروحه وما فيها لصقه حتى... ينظف ليهو الدم....
أو الممرضه الفى المدرسه بدون( قلفظ)بيدها بس الفيها قطعة سكين من بصلة أمبارح
تجى تنظف ليهو الجرح...وممكن تكون الحاله معكوسه..هى المصابه وما عارفه!!!
عشان كده طرق الموضوع من كل جوانبه وإعاده طرقه كلما أتت سانحه.. مهمه جداً
عشان السمع يكلم الما سمع
وأكيد بجيك راجعه
ولحدى ما أجى
ليك كل الود
إقبال
| |
|
|
|
|
|
|
|
|
|
Re: قبل عيد العشاق .. أين التوعيه لشبابنا ؟ (Re: Egbal Elmardi)
|
العزيزه اقبال:
Quote: فعلاً ده موضوع محتاج لمعاوده طرقه حتى يستقيم
وال Multidisciplinary efforts الذكرتيها
تكرار فتح الموضوع ومناقشته دى واحده منها
مالو فى عيد الحب نناقشو...
وفى غير عيد الحب نناقشو
صاح عيد الحب لكثير من الشباب هو زهور وكروت
ويمكن قصيدة حب...
لكن برضو فى الشريحه البتنظر للموضوع بشكل مختلف
وكثير من الشباب ديل وغير الشباب ما عارفين الأيدز بنتقل كيف وفى العصر النحنا فيه ده!!!
وحاجه معروفه فى مجتمعاتنا الشبان هم العندهم علاقات جنسيه متعدده...
ومن خلال هذه العلاقات بوسع فرصتو فى الإصابه...
وبالتالى...الزوجه القاعده فى البيت ممكن تكون عُرضه للمرض...
أو الحبيبه البتفتكر حبيب روحها هو حبيبها وحدها...وبالتالى مافى داعى للعازل...
الضحك بشرُطها وبشرُطو ..وبشرُطنا نحنا كمجتمع .....
لأنه الطفل. البتولد ده.(حتى لو كان شرعى) ممكن يكون حامل للمرض
ويمشى المدرسه ويلعب مع اصحابو...
ولما صاحبو يتجرح هو بيدو المجروحه وما فيها لصقه حتى... ينظف ليهو الدم....
أو الممرضه الفى المدرسه بدون( قلفظ)بيدها بس الفيها قطعة سكين من بصلة أمبارح
تجى تنظف ليهو الجرح...وممكن تكون الحاله معكوسه..هى المصابه وما عارفه!!!
عشان كده طرق الموضوع من كل جوانبه وإعاده طرقه كلما أتت سانحه.. مهمه جداً
عشان السمع يكلم الما سمع |
كفيتي ووفيتي,
و ببساطه شرحتي كلام كتير مهم,
شكرا ياحبيبه وفي انتظار عودتك أكيد,,
| |
|
|
|
|
|
|
| |
Faris Mohamed
على محمد على بشير
عادل سهل
نجوان
حاتم علي
غباشي
وجن
دينا خالد
Dania Elmaki
الشامي الحبر عبدالوهاب
داليا حافظ
محمد عبد الماجد الصايم
HAIDER ALZAIN
Egbal Elmardi
علاء الدين محمد بابكر
أبو عبيدة البصاص
فيس بوك
تويتر
انستقرام
يوتيوب
بنتيريست