|
Re: بنـــات البــــورد :) (Re: خالد درق)
|
الحبيبة امانى الامين سلام بالاحضان سلام بحجم محبتك ونقاء قلبك والله انت اول واحده متربعه فى عرش كل القلوب تسلمى يا غالية وربنا يعمر القلوب جميعا ان شاء الله
الاخ العوض الطيب سلام وحبابك الله يجبر بى خاطرك يا الحنين ويعمر دارك وقلبك بالمحبة دائما شكرا مارقة من الجوف
| |
|
|
|
|
|
|
Re: بنـــات البــــورد :) (Re: Hussein Mallasi)
|
أماني أنا سعيدة أنك حشرتيني مع البنوت المتميزات ديل وبشاركك أيضا محبتهم والإعجاب بيهم كتر خيرك وتسلمي يا حبيبة وأن شاء الله نكون عند حسن الظن ونستحق هذه المحبه ويعلم الله إني برضو بحبك وبحب رجاحة عقلك ربنا يزينك ويكملك بعقلك كمان وكمان
| |
|
|
|
|
|
|
Re: بنـــات البــــورد :) (Re: وجن)
|
امانى....جميل أن نحتفى بمن نحب ...وأجمل أن نعبر عن ذلك الحب والإحتفاء................
...............وغايتو ...كتر خير ود المشرف الحشر اسمى فى النهايه كدى.....لو ما كده ، ما كان زووول عبرنى.........
...يعنى حتى ملاسنات عمر الفاروق لم ينبنى منها نائب...... غايتو إما أنا واحده ما معدوده مع البنات أو ما من البورد....!!
..................... هناك بالفعل نماذج كتابه "نسويه" فى البورد مميزه وتجارب كتابه حره جاذبه وممتعه جدا...... فالتحيه لنساء بلادى.....
| |
|
|
|
|
|
|
Re: بنـــات البــــورد :) (Re: Shiraz Abdelhai)
|
يا أمانى سلامات
تصدقى يا أمانى أول مره أشوف البوست ده....!!! مع إنى أخدت لى دخلتين الصباح.... وشايفه حصلت فيهو شكله... وحركات نسوان وما أدراك...لمن إتحسست شنبى.....ههههههه ولا يهمك يا حبيبه...سيذهب الزبد جفاءً ويبقى ما ينفع الناس....
ياخى شكراً ليك...ووالله العظيم ببادلك نفس الشعور وما حبيبى كسر لى وأنا أكسر ليك...هئ هئ هئ (والهئ هئ دى عشان نحنا نسوان..)
بالجد كتابتك واعيه...وإختيارك لمواضيعك مسئول والبوست بتاع السرطان نموذج الرابع من فبراير: اليوم العالمي للسرطان , تحت شعار: " ا...الوقايه منه أيضا "..
وزى ما قلتى البورد حقيقه فيهو بنات بسدوا عين الشمس...عينى بارده ده فخر المرأه السودانيه...وبعد ده يجو ناس الإنقاذ بى دى لبست بنطلون أجلدوها وعرسوا فيها...وكل الخُزعبلات...عايزين يرجعونا العصور الوسطى
___________________________
يا شيراز أنا كنت قايلاكى برلومه....لحدى ما شفته تاريخ التسجيل 9/21/2003
Shiraz Abdelhai تاريخ التسجيل: 21-09-2003 مجموع المشاركات: 815
| |
|
|
|
|
|
|
Re: بنـــات البــــورد :) (Re: Egbal Elmardi)
|
أماني ياخي انت عسللللللللللل
كده اتخيلي المنبر كده بدونا,,,,انا جامعة روحي طبعا رغم قلة مداخلاتي وانعدام بوستاتي. :).
بالجد القلوب عند بعضيها وانا اكن كل الحب والاحترام والتقدير لكل من ذكرت بنات على خالات.وحتى من سقط سهوا.
لك ولكل نساء بلادي كل الحب والتقدير.
:).
| |
|
|
|
|
|
|
Re: بنـــات البــــورد :) (Re: د.يوسف محمد طاهر)
|
ألأخت/امانى..السلام عليكم...
بنات البورد....ونساء البورد....بناتنا وأخواتنا...
كلهن فى نظرى رائعات....تعرفت على جزء منهن وكن قدر المسئولية....فى كل مجتمع هناك الصالح والطالح..أتمنى من الله ان لا ألاقى الطالح فيهن....
كان سديتو عين الشمس..نوركن يكفى.....
لكن منى خالص التقدير وألأحترام ومن يحترمكم....
| |
|
|
|
|
|
|
Re: بنـــات البــــورد :) (Re: SHIBKA)
|
Quote: فاديه صحبتي .. ياستي ربنا يديم المحبه .. وشكرا لانك نبهتيني أذكر سهام المجمر وكمان ما أنسي شاديه عبد المنعم وميسون النجومي .. كلهم حبيبات علي قلبي جدا مع اني ما التقيتهم .. وبتمني أتعرف بيهم وألتقيهم :) |
عاد انتى يا فادية اليمنى لاتفوتى لا تموتى كان فشيتينى و جبت اسمى كان بالخط العريض يا يمه الله كدى يعرض (يوسع) ليك رزقك ياختى احىىىىىى انا يا نفسى كدى كيتا فى عاطف عمر البفطنى ده و ود المشرف اشيل و اتفق معاهو سياسيا و يجى يفوت فينى كدى ويرفع القزاز يعنى عشان شنو يعنى
____________________________ والله الواحد ما عارف يقول شنو فى هذه السانحه يحرر البليلة و الا يقول يا جماعة صلو على النبى
لغاية ما اقرر ياملاسى البوست اسمو بنات البورد فلا حرج ان تذكر اسمائهن جميعا :) :) :)
عمر الفاروق والله كما سارة على حجزت الشكل معاك لكان بيننا سجال عريض نتساجله ثم نسأل عن ماذا ولماذا وفى ماذا
امانى الحردانه سلامات ياخ وشكرا ان استجبت لتذكير فادية :):) علنا نلتقى فى وقت ما
تعالى راجعة لبوستيك لانى سمعت قالو ويكفينا شر قالو وقالو انو فى زول كده قال لزول كده "حرد ام قرضو" استغفرالله شكلى كدى اخترت البليلة ياامانى
اضحكى تضحك ليك دنيتك و اخرتك
| |
|
|
|
|
|
|
Re: بنـــات البــــورد :) (Re: bent awad el kareem)
|
bent awad el kareem
Quote: برضو مافى ياربى نحن وين |
سجمي ... سجمي .. انتي مافي .. لا لا لا يمكن مكتوبه بالحبر السري .. اصبري اصبري .. الحين اسمك بكتبو وكان ما كتبو بكتبك انا ..
تكتبك الملائكة في الصفوف الاولى .. قولي آمييييييين ..
| |
|
|
|
|
|
|
Re: بنـــات البــــورد :) (Re: عفاف الصادق بابكر)
|
الاخت امانى
اسعد الله ايامك
وشكرا لمحبتك للجميع
بس خذيها منى نصيحة اوعك تحردى حاجة عشان راجل عشان كدا بكون اتبسط شديد .
وبعدين با اختى نحن هنا عشان نختلف ونتفق ونعكس وجهات نظرنا اصلا معظم الرجال عندهم فهم مختلف لاختلاف اراء النساء
ارجعى للبوست نحن انتظارك
| |
|
|
|
|
|
|
Re: بنـــات البــــورد :) (Re: Dalal Ezzaldin)
|
الاخت امانى
اسعد الله ايامك
وشكرا لمحبتك للجميع
بس خذيها منى نصيحة اوعك تحردى حاجة عشان راجل عشان كدا بكون اتبسط شديد .
وبعدين با اختى نحن هنا عشان نختلف ونتفق ونعكس وجهات نظرنا اصلا معظم الرجال عندهم فهم مختلف لاختلاف اراء النساء
ارجعى للبوست نحن انتظارك
الغاليه دوما شكرا لك يا حبيبه لذكر اسمي العزيزة اماني انا متاكده لو كنتي بتعرفيني كنتي ذكرتي اسمي لكن عشان انا برلومة في المنبر انتي ما بتعرفيني , وانا هسه بقول ليك انا اتشرف بمعرفتك ومعرفه كل الاخوات العزيزات هنا بالمنبر , ولكم مودتي واحتراماتي
| |
|
|
|
|
|
|
Re: بنـــات البــــورد :) (Re: Dalal Ezzaldin)
|
Quote: بس خذيها منى نصيحة اوعك تحردى حاجة عشان راجل عشان كدا بكون اتبسط شديد . |
قال ليك الراجل برنامجو كللل يوم مع اصحابو شي كشاتين وشي ونسات واااخر إنبساطة .. يوم جا داخل البيت العصرية كده والجو مغييم والسحاب شااااااااايل قام كورك لي مرتو في المطبخ : ياااا وليية علييك الله ختي لينا الغدا ده سريع المطرة دي ما تزرنا في البيت ده ..
تخريمة : سارة أريتو شكلك شكل السرور ..
| |
|
|
|
|
|
|
Re: بنـــات البــــورد :) (Re: عمر الفاروق)
|
Quote: ياااا وليية علييك الله ختي لينا الغدا ده سريع المطرة دي ما تزرنا في البيت ده ..
|
عمر الفاروق انت مالك مصر تكره البنى آدمين ديل فيك ؟؟ ياخ انا متأكده انو قلبك ابيض .. حتى لو حسه قبلت علي واديتني في كنكوجي كلمتين حارات
بس انت كترتها على منو (دلع اماني) .. ياخ دي ماقاصده انها تصنف بنات البورد ولا تعمل قصه اتعرفت على جزء منهن وحبت تعكس ليكم رايها .. فالبرنامج ما مجامله منها ولا كسير قزاز ..
ياريت لو عند اي زول من القصدك بي كلام خاطر واولهم ساره على .. تعدل سوء الفهم دا
اماني حبيبتنا ودينا خالد روحنا وانت والله زول ما هين .. ما تصعبوها علينا ياخ
| |
|
|
|
|
|
|
Re: بنـــات البــــورد :) (Re: Siham Elmugammar)
|
Quote: احىىىىىى انا يا نفسى كدى كيتا فى عاطف عمر البفطنى ده |
والله غلطااااااان ماااا بتنفطي يا سهام مكانك شاغر رغم غيابك الطويل لكن برضو العتب على ( توالي السنين ) والمخ البقى ما بيجمع كتير
أماني سلامات عليك الله تعالي ضيفي
سهام المجمر ( بالإنجليزي )
وواصلي الحردان بعد كدا
| |
|
|
|
|
|
|
Re: بنـــات البــــورد :) (Re: عاطف عمر)
|
سهام بعد السلام والأشواق والحسد علي منابكم( النبي ما وصلو ليك حسدي ليكم ؟؟) النبي يا سهام المجمر كان ما جيتي حكيتي لينا قصة حرد ام قرض انا غايتو بعرف حرد الفار وحرد ام العروس وحردان السوق
ــــــ اماني الامين عليك الله اجبري خاتر حبيباتك ديل قالو يا بتي خاتر المؤمن مقيم بي خراب الدينا وشوفي ديل كم دنيا هسي
| |
|
|
|
|
|
|
Re: بنـــات البــــورد :) (Re: smart_ana2001)
|
عندنا بت صحبتنا زماااان في الجامعة عزمت شباب الدفعة شاي مغرب في بيتهم ..اها بعدين عندها ود أختها صغمبرووووتي كده وشكلو النوع الهباااش داك .. اليوم كلللو من الصباح شغالة تحذر فيهو : حموووودي أوووووووعك بعدين تجي تشيل ليك حاجة قدام الضيوف.. حموووودي أووووعك تجي تشيل من الكيك ده وأوووعك تهبش البسكويت .. أها فعلاً الشباب جا المغرب ودخل وسلم على ناس البيت والبرتوكولات إياها ديك.. اها الناس قاعدين كده قام حمودي جا داخل وطبعا الشاي والطيبات كلها قاعدة .. واحد شلييق من اصحابنا الخفيفين ديلك البيكون عامل فيها ظريف(والله ما انا) شبكو ليك اووو ازيييك يا عسل اسمك منو ؟حمووودي؟؟ اووووووو تعال يا حموودي ياخ .. وقام مد ليهو من الكيكة حقتو وبيقول ليهو هااك يا حمودي.. وحمودي يعاين للكيكة ويعاين لي خالتو .. وصاحبنا يقول ليهو : حمووودي هاااك تعال شييل يا حلو .. وحمودي يعاااين لي خالتو ويعاين في الكيكة .. صاحبنا لسة مواصا: تعال يا بابا شيل من عمو الكيكة دي.. اها قامت صاحبتنا(اللي هي خالتو ) قالت ليهو امشي يا حمودي فاااالح شيل من عمو فااالح حبيبي.. فجأة حمودي قبل على صاحبتنا دي وإنفعل ليك فيها : ياااااا خالتو حيرتيينا زاااااتو والله أسة نشيييل ولا ما نشييييييييل...
أها أسة والله يا خااالتو إسمارت حيرتينا ... نشيل ولا ما نشيل ؟
تخريمة : ثم وقف يردد: مالكم ومالي يا الشايلين حالي .. افتح يدي تقولوا باي باي.. اقفل يدي تقولوا كلاي.. البس كت تقولوا هناي.. المرة الجاية بجيكم ساي..
| |
|
|
|
|
|
|
Re: بنـــات البــــورد :) (Re: عمر الفاروق)
|
ما كمان ما معقول يا عمر الفاروق...تشاكل من طرف...من تراجى و بشاشا ( الناس الى ادها و ادود) لحدى امانى الامين الزولة الرايقة و....(باقى الغنية) ...و تجى عندى انا و تقول نشيل و لا ما نشيل. ??? شكلك بالجد لابد لى!
| |
|
|
|
|
|
|
Re: بنـــات البــــورد :) (Re: مريم بنت الحسين)
|
عارفة يا مريم : إنتي أكتر زول بين كل خلق الله ديل بيكون عارف تماماً لو انا غلطان أو حسيت بي ذنب أو حتى اتخيلت إنو ساي في مس اندرستاند بتصرف كيف مش؟ صدقيني ما حاسي بي أي ذنب تجاه أي حاجة في البوست ده .. وكلامكم القلتوهو هنا ده ما شرط أعلق عليهو عشان ما نجرجر المواضيع لي حتت انا ما كنت قاصدها وإنتو إتصورتوها .. ياخ بطلوا حركات النسوان دي.. (أسة في داعي تخلوني أخت وش الضحكة ده ؟)
تخريمة : والله يا إسمارت كتر خيرك ياخ وخليك على الصورة الراسماها عني دي صدقيني ما بخزلك ..
| |
|
|
|
|
|
|
Re: بنـــات البــــورد :) (Re: عمر الفاروق)
|
Quote: شكرا علي اضافتك وحقيقي كل الذكرتهم يستحقوا المحبه والاحتفاء , برضو ماننسي العزيزه شبكه, أميمه الفرجوني, وبنات العباسي العزيزات :) ومازالت القائمه مفتوحه للاضافه ..
مشكور .. |
رودا مردا
| |
|
|
|
|
|
|
|