|
|
|
 Re: لو كنت فى مكان ياسر عرمان لفتحت حوار مع تراجى مصطفى. (Re: خالد خليل محمد بحر)
|
..تراجى مصطفى لها(كاريزما) وسط الأجيال
الصاعدة من أبناء الهامش السودانى,,للدرجة أن
بعضهم يضع صورتها كخلفية فى الموبايل(دى حقيقة)
والبعض الأخر يتحتفظ بمقاطع فيديو لتسجيلاتها وحوراتها
فى الهواتف النقالة(والله شوف عينى وغير مرة كمان)...
..طيب...تراجى مصطفى لها علاقات واسعة مع شخصيات معتبرة
فى أزمة دارفور(فى الداخل والخارج)...هل من مصلحة الرفيق ياسر
عرمان أن يكون هنالك سوء فهم بينهم(تراجى وياسر)..قد يرى البعض أن
ياسر مافاضى للمواضيع دى...ومن يرى ذلك فهو قطعا خاطئ...المهم...
| |
  
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: خالد خليل محمد بحر)
|
Quote: ...ياسر عرمان على بعد خطوات من الإستحقاق
الإنتخابى,,المنطق يقول أنه ربما يدخل إلى البناية
المُطلة على شارع النيل رئيسا,,ومشكلة ياسر عرمان أن
تراجى مصطفى عندها موقف منو...موقف سياسى طبعا... |
تراجى مصطفى جهلوله صغيره ،
عنصرية بشروط القرن السابع عشر...
ضاره وفوق هذا مدعية، كذابه و ملفقه وتمارس كل أنواع السياسة القذره.
كل مشكلة تراجى مصطفى مع ياسر عرمان إنو ياسر عرمان "جلابى" وملامحه غير "زنجية" !
وهذا ليس موقف سياسى ، انما هذا موقف عنصرى متخلف.
يكفى ياسيد أن تنظر الى إحدى الصور القادمة من لقاءات ياسر عرمان لتعرف من يقف معه .
هؤلاء هم المهمشين الذين يستحقون زمن عرمان.
فلماذا لاتركزوا على تدبير أنشراخ جديد فى حركة دارفورية تم إنشراخها عشرين مرة فى الشهر الأخير!
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Khalid Kodi)
|
كـــودى
| Quote: كل مشكلة تراجى مصطفى مع ياسر عرمان إنو ياسر عرمان "جلابى" وملامحه غير "زنجية" ! |
البينة على من إدعى
| Quote: فلماذا لاتركزوا على تدبير أنشراخ جديد فى حركة دارفورية تم إنشراخها عشرين مرة فى الشهر الأخير! |
لو الباقير فيها طير,,اكيد ده كلامو,,,معليش عندى مشكلة فى الفهم
ممكن تبسط لى الجملة دى ....
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Khalid Kodi)
|
كــــودى
| Quote: لمصلحة من وأنت "المثقف" تحاول جرنا الى الاعتقاد بأن العنصرية والتسطيح والابتذال أكثر من مايعنوه؟ |
ياكودى أول انا ما مثقف ولا غيرو,,خلاص,,,بعض ماقالته تراجى
عن ياسر عرمان متداول بكثرة حتى وسط كوادر فى الحركة الشعبية
خلينا من كلام جلابى وما جلابى,,,البعض حتى وسط الشماليين يرى ان ياسر
عرمان يتعمد تهميشهم فى قطاع الشمال,,دى تصورا متداولة عند بعض عضوية
الحركة الشعبية خلينا من تراجى,,,
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: خالد خليل محمد بحر)
|
السيد خالد بحر,
السؤال هو:
هل ياسر عرمان موهل لقيادة السودان?
هل هو موهل للحديث عن الوحدة وسط الجنوبين?
هل هو موهل للحديث عن برنامج السودان الجديد فى الشمال?
هل بامكانه الدفاع عن برنامج السودان الجديد ?
ما هى معتدات ياسر السياسية?
هل نثق فى ياسر?
هل بامكان ياسر إدارة هذه المواضيع بكفاء فى مواجهة مع بشير?
دى ياهو كل الموضوع.
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Zakaria Joseph)
|
السيد/زكريا
تانى جيتك صادى:
| Quote: حكاية انو ياسر بيهمش البعض فى قـطاع الشمال, دى كلام دى? |
للأسف الشديد هذه ليست تخريجات الأمن الشعبى ,وإنما كلام سمعته من شماليين فى الحركة
الشعبية, خاص الذين إلتحقوا بالحركة بعد إتفاقية السلام,,عموما أنا ماعنى مصلحة عشان
أبهت ياسر عرمان,,أنا على العكس من تراجى مصطفى أرى ان ياسر عرمان شخص مختبر نضاليا وسياسا
ويكفى أنه من إلتحق بالحركة مبكرا(فى أيام الرصاص),,لك ودى
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Zakaria Joseph)
|
عارف يا زكريا جوزيف يا اخوي انا لو جاوبته على اسئلتك دي الا تقوم جاري
Quote: السيد خالد بحر,
السؤال هو:
هل ياسر عرمان موهل لقيادة السودان?
|
الاجابه:
لا
لانه فشل في ادارة قطاع الشمال
بتصعيد العناصر الضعيفه
وممارسة المحسوبيه و الفساد السياسي
وتصعيد العناصر المطيعه له واضعاف العناصر القويه.
| Quote: هل هو موهل للحديث عن الوحدة وسط الجنوبين? |
ولماذا تسأل عن الجنوب فقط؟؟هل ستعتمد عليه في الانتخابات؟؟
انت يا زكريا تعلم جيدا انك تحتاج اصوات كثيره وكثيره جدا في الشمال
طيب نجيء لعرمان بتاعكم ده
هل هو مؤهل للحديث عن الوحده وسط الشمالين؟؟
برضو الاجابه:
لا.
و السؤال الاكبر من همي جماهيرك التي تعتقد بانها ستصوت لعرمان بالشمال؟؟؟
امثال ناس خالد كودي ديل ما تامين مائات على فكره وبعضهم عاجز عن ان ينقل فكره
لاهل بيته ناهيك عن الآخرين.
رهانك يا زكريا يفترض يكون على قاطني الاحزمه السوداء من بقية مهمشي السودان
وهؤلاء على فكره عرمان اضطهد قياداتهم ولمع امثال هؤلا الانتهازيه فوق رؤسهم.
Quote:
هل هو موهل للحديث عن برنامج السودان الجديد فى الشمال?
|
الاجابه برضو:
لا
الا اذا كان برنامج السودان الجديد صار بنطلون لبنى وكيف تسكر؟؟!!
وانا فهمي لبرامج السودان الجديد انه اكبر واعمق من ذلك.
تطبيقات عرمان كلها تدل على ضعف بنائه الفكري لا في هذين الامرين.
Quote: هل بامكانه الدفاع عن برنامج السودان الجديد ?
|
شعبنا لن يشتري مزيد من الكلام...لابد ان يقرن الكلام بالتطبيق
وعرمان تطبيقاته فضيحه وفقيره ومقرفه وفاسده!
ولو دخلنا في الامثله حتعتبوا ونبقى في سكتوا تراجي.
| Quote: ما هى معتدات ياسر السياسية?. |
اعتقد تقصد معتقدات
بواقي شيوعيه مرفوضه شعبيا...و الا لظل في حزبه..لو انه واثق بانه بيملك الحل لمشاكل بلادنا
بالاضافه لمقتطفات لشعارت فشل في تطبيقها في اول محك وهو قطاع الشمال.
الاجابه ببساطه:
لا
والبيثق فيه كله مجنون....ويا زكريا وللمره الالف قلت لك لا ونسات ولا كلامات
اثبت لي انه عرمان لم يكن يقف وراء قرار ابعاد باقان اموم من تولي اي منصب في آخر
مؤتمر عقد بجوبا!! وانه لوال تحالف الجنوبين بيتوع الدياسبورا لكان باقان غادر لاستراليا!
يبقى اثقوا انتو...لكن نحن نعي تماما اين نضع ثقتنا.
| Quote: هل بامكان ياسر إدارة هذه المواضيع بكفاء فى مواجهة مع بشير? |
الاجابه برضو:
لا .
وامامنا تراث غريب من الاداء خلال الفتره الماضيه
اي يوم وقف قدام البشير اثبت ضعفا وتخازلا وتراجعا!
يا زكريا...
اذا اردتم الاعتماد على الماضي واداء العامين ونصف فهم مؤسفات
آخير تشوفها غيرها ولو بقت نضمي انتخابات لكن يمكن تكون افضل
لانها الماضي مهبب.
واقول لك حاجه
انا خليني
اعمل دراسه لناس المنبر وشوف الناس المتحمسه لمشروع السودان الجديد قديما بهذا المنبر
كم منهم ايد هذا الترشيح...و لا تراهن على من صمتوا....قريبا سينطقون وستندهش
مما سيقولون.
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Zakaria Joseph)
|
نرجع لاخونا زكريا جوزيف مره ثانيه
Quote: و بعدين انا جد فى زهول تام من ان البعض منا ياتى بحكايات
و قصص مختلقة و التى غالبا ما تعود الى الامن الشعبى. يعنى حكاية
انو ياسر بيهمش البعض فى قـطاع الشمال, دى كلام دى? ذول واحد
بيهمش بافراد فى حزب عضويته تقدر بملاين? و حتى الاخت تراجى
بقت تردد حكاية غيرة وخلافات بين كير و
سلفا!!! دى كلام دى يا خالد?
دى شئ مؤسف للغاية لاننا بنخدم الموتمر الوطنى بطريقة دى.
هو ياسر عرمان ياهو بقى المشكلة يا جماعة? |
نعم يا زكريا ياسر عرمان هو المشكله
وطريقة اخيتاره مشكله اعوص تدل على خلل كبير في الحركه الشعبيه
الحركه الشعبيه اعرف لها قيادت منتشره بكل العالم
ودارت معي ومعهم حوارت لحظة اعلان الترشيح وكانوا كلهم
منهدشين ان لم اقل مصدومين!!الحركه لم تعطي اي ايحاء
لعضويتها او تمهدهم لهذا الاختيار.وبعضهم ضده لليوم
وانا صوتا لهم على فكره.
ضحكتني هنا لانه شكلك منفعل لحد ما لخبطت الشخصيات
Quote: بقت تردد حكاية غيرة وخلافات بين كير و
سلفا!!! |
اعتقد تقصد سلفاكير
وباقان اموم!!
نعم يا صديقي...واذا انت من ثقافتكم في الجنوب بالتموا النقاش كتامي
نحن لا....انت ادرى بهذه الغيره وتعرف انها حقيقه....وتعرف ان سلفاكير وصل
بالاغلبيه الميكانيكه لهذا المنصب...وتعرف ان القيادات الشابه لا ترى بيدلا غي باقان اموم.
ولعلمك في آخر نقاش مع قيادات جنوبيه كثيره وشابه وقبل اعلانكم لقنبلة ترشيح ياسر عرمان
كانوا يناقشون بيأس بانه لا حل الا انتظار الموت لكل هؤلاء (قدماء المحاربين)
وبعدها يمكن للجيل الجديد ان يقدم قيادات واعده!!
واستغربت وقتها....وقلت لهم...لا يمكن ان نرهن مصير الوطن بالقدر!
ان كنتم مقتنعين بانه هذا جيل كامل يجب ان يتقاعد فالتروا لنا حلا
غير انتظار الموت هذا...لابد ان تطور آليات لتحجيم الاطماع الشخصيه
وفرض القيادات القادره على المنافسه و القادره على تنفيذ مشروع السودان الجديد.
اما حكاية اسكتوا واتحملوا وما تدوا للكيزان فرصه ده كله ما بينفع
الوضوح و الشفافيه تخليك ماشي وضامن نفسك وزمان عندنا مثل بيقول
(امشي عدل يحتار عدوك فيك) ولك في اوباما اسوءة حسنه.
ولولا انه شخص نظيف وممارساته نظيفه لبشع به الجمهورين,لكن سمعته جيده بين اعدائه
قبل انصاره.
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: خالد خليل محمد بحر)
|
Quote: ومشكلة ياسر عرمان أن
تراجى مصطفى عندها موقف منو...موقف سياسى طبعا... |
شوف يابحر
اول حاجة ازيك
اي سوء فهم او عدم تفاعل بين تراجي وآخر أياً كان
دائما بتكون المشكلة في تراجي دي ما دايرة اي كلام
تراجي انسانة سطحية للحد البعيد وتفكيرها اقل ما يوصف به أنه ساذج
تراجي اتمنى انها تعود للبيت والمطبخ وتعيش باقي حياتها كربة منزل وست بيت ممتازة
مع تمنياتي لها بالتوفيق ... | Quote: لو كنت فى مكان ياسر عرمان لفتحت حوار مع تراجى مصطفى. |
انت قايل ياسر فاضي للكلام الفارغ دا ياخالد ياخ ؟
نحن لو قعدنا نفهم اي زول وخصوصا الزي تراجي دي
بنلقى الانتخابات انتهت والجماعة فوروها وكاريزما شنو البتتكلم عنها دي
انت ياخالد مالك دايرنا نخت راي في نباهتك دي
ياراجل شوف موضوع غير دا
قال كاريزما قال
| |
|
|
|
|
|
|
|
|
 Re: لو كنت فى مكان ياسر عرمان لفتحت حوار مع تراجى مصطفى. (Re: خالد خليل محمد بحر)
|
خالد بحر سلامات،
بالغت وشذيت ياقول امي،
بالأول كنت مفتكرك بتتمسخّر علي تراجي، لكن بعد كم مداخلة كده لقيتك جادي، وكمان جابت ليها "حيران ومريدين" يعلقون فيديوهاتها وصورها في هواتفهم المحمولة؛ وأيم الحق يا بحر ده إستظراط منك للمناضل عرمان، ما بعد إستظراط، ماذا دهاك يا بحر؟
____
بحر يا خوي، كلامك ده خليهو مدفون في البوست ده، وبصراحة يا صديق ما دايرين نفقد صوتك في الإنتخابات القادمة لعدم الأهلية..
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Yassir Tayfour)
|
الفارغ ياسر طيفور
انت بيهمك شنو من الموضوع كله؟؟؟تكون حاسب روحك وسودان جديد؟؟برضو؟؟
وزولك الخاتي في بروفايلك ده حتديه صوتك ولا بس بتجار ساي؟؟؟
يا اخي ان شاء الله عرمان العندك بطل ده تديه صوتك ويشبع بيه كمان
تراجي تعرف من هي وتعرف قيمتها بين ابناء وبنات شعبها
مش تايهه عن واقعها زيك؟؟؟ولا منتفخة الاوداج زي صحبك كودي.
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Tragie Mustafa)
|
هسي يا طراجي في داعي للإساءة؟ هل انا في مداخلتي الفوق دي أسئت ليك؟ والله لو قبلت عليك بيبقى ليك حار، المهم يا طراجي، الأمر برمته- جلوس عرمان مع ست الحسان- امر يدعو للضحك، فشتان ما بين مناضل حقيقي حمل روحه منذ ان كان يافعاً مدافعاً عن الهامش الحقيقي وقضاياه وما بين مستنضلة من منازلها، أنفقت بضع سنين تطقط أزرار كيبوردها بعد ان وضعت الحرب أوزارها، بإمكانيات متواضعة وفقيرة، وبلغة عاجزة وجائعة-والتعبير لكيكي-، شتان يا ست الحسان، شتان؛ ووالله هذا إستظراط لعرمان ما بعده إستظراط، هل تظنين يا ست الحسان أن مشروع السودان الجديد الذي قدّم الشهداء من بعد الشهداء حتى وصل هذا المكان سيقبل له قادته الخلص ان يتم تشويهه بأمثالكم الذين ركبوا قاطرته بعد أن وصل المحطة الأخيرة؟
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: خدر)
|
Quote: ونحن عندنا ثأر شخصي معهم.
ثار قد لا ينجح امثال ياسر عرمان الجعلي في شرحه لباقان اموم
لانه لم يعرف الاضهاد و الاستغلال لاهله...ولكننا عرفناهو...في شرق السودان
من الختميه وفي غرب السودان من الانصار وفي وسط السودان من الطرق الصوفيه المتنوعه.
لذا نحن خير من يعرف كيف يشرحه....و( ناس الجزيره )بالذات آخر من يقف
ضد الصوفيه فاللاسف اغلب القيادات العملت تقدميه
هي ابناء الشيوخ..دخلوا الاحزاب اليساريه ورفضوا كثير من الممارسات المتخلفه لشعبنا وابقوا على
الصوفيه بل ودافعوا عنها لانها من يمول بيوتهم ويطعم اخوتهم....ويرسلهم للبعثات للخارج فيعودوا
بافضل الخبرات ليغننوا بشكل اخطر لاستغلال اهلنا تحت افضل المسميات ويدافعوا عن استمرار الصوفيه
بشكلها المستغل.
هؤلاء المشعوذين ياباقان لازالوا يستغلون اهلنا كعبيد عندهم باسم الدين
ولا نقبل اي تطبيع مع هؤلاء.
يخطيء اي شمالي مسلم عضو حركه شعبيه ينصحك بتحالفات غير مبدئيه مع هؤلاء. |
ماهذا إن لم يكن حهل عنصرية وإبتذال لقضايا الناس؟
من يكتب هذا لايحتاج الى الحوار إنما الى التعليم.. ومن يعتقد أن هذا أى شىء غير جهل وعنصرية وإبتذال بدوره يحتاج الى ماتحتاجه كاتبته!
Quote: انوه
بان الاشاره لجعلية ياسر عرمان لا علاقة لها بالقبيله
وانما اشاره لانه لا ينحدر من المهمشين عرقيا. |
ماهذا إن لم يكن عنصرية وجهل وإبتذال؟
Quote: عرامان انا لما يجي وقت المواجه معاهو
بعرفو بواجهو بشنو وكيف عطل توثيق العلاقات بين
مناصري الحركه الشعبيه من الردافورين وبين بقية عضوية الحركه القديمه.
وده بعرف انا وين محله ومتين نقاشه وليس انت من يحدد وقع لك؟؟؟ |
وماهذا إن لم يكن الكذب والتلفيق والادعاء؟
ايحتاج (باقان اموم)مهادنة الصوفيه كتكتيك لضرب الانقاذ(ا...بو قرون نموذجا)؟؟؟!!
هذا بوست واحد، وأعتقد أنه قبل ترشيح ياسر عرمان حتى!
فإن أردت المزيد الارشيف امامك...
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Khalid Kodi)
|
شخصياً لدى بعض التحفظات على ما كتبته تراجى مصطفى فى هذا المنبر فيما يختص بخلافها مع ياسر عرمان.. و أنا أكن كل الإحترام لتراجى و لرأيها و ليس بينى و بينها أى عداوة و بالعكس ربما أعجبت بكثير من كتاباتها.. و لكن بخصوص كتاباتها عن ياسر عرمان ( فى هذا التوقيت بالذات ) اختلف معها تماماً لأن هنالك أسئلة موضوعية تطرح نفسها.. أولاً ( حسب تراجى ) فقد ظل ياسر عرمان يدير قطاع الشمال بطريقة خاطئة و لكنى لا أعلم و لا أفهم لماذا لم تثير تراجى هذا الأمر إلا فى هذا الوقت ؟ هل كان عرمان يدير القطاع بصورة جيدة طيلة السنين المنصرمة منذ تأسيسه و أصبحت ممارساته سيئة ( الآن فقط ) ؟ هذه واحدة .. و حسب علمى فإن تراجى تقيم خارج السودان إذاً ما هى المصادر التى تستقى منها معلوماتها هل هى مصادر تتبع ( تنظيمياً ) للقطاع أو لمؤسسة ( الحركة الشعبية لتحرير السودان ) إذا كان مصادرها من خارج القطاع فليس من المنطق أن تستند تراجى على اقوالهم.. و لكن إذا كانوا من داخل المؤسسات التنظيمية للقطاع فمن الأجدر بهم معالجة هذه الأخطاء التى يتحدثون عنها داخل مؤسساتهم التى ينتمون اليها و ليس على صفحات المنابر الإسفيرية .. لأن هذه المنابر ليست مؤسسات تابعة للحركة الشعبية حتى نعالج قضايانا التنظيمية على صفحاتها.
و أنا ضد إفتراض أن هنالك (خلاف ) بين تراجى و ياسر .. لأن ياسر لا يمثل نفسه عندما يكون الحديث عن قطاع الشمال و لكن إذا كان هنالك خلاف على المستوى الشخصى فهذا أمر لا يهمنا كثيراً .. و لكن ما نعلمه تماماً هو أن القضايا التنظيمية لا تعالج بهذه الصورة و لا أعتقد أن تراجى لا تعلم ذلك.
مع خالص تحياتى
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Tragie Mustafa)
|
يا خالد نبدأ من عنوانك
| Quote: لو كنت فى مكان ياسر عرمان لفتحت حوار مع تراجى مصطفى. |
الموضوع ما عرمان...عرمان ليس الا راس جبل الجليد
لكوم كبير من المبرطعين و المندسين دخل جسم الحركه الشعبيه
وهذا الكوم على فكره يضم شمالين وجنوبين!
يبقى هذا الكوم مطالب بالقيام بخطوات تصحيحه
والا فاليتحموا نتائج لخبطاتهم السابقه و التي سيرون حصادها قريبا.
وقد حذرناهم لمصلحتهم وليس لمصلحتنا.
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Zakaria Joseph)
|
| Quote: هذا تبسيط للامور و لا يليق بك يا تراجى? مسالة اكبر من كدى. بخصوص البتطلون, فالمسالة تتعلق بحريات النساء و خاصة النساء الاقليات داخل العاصمة و لا يمكن السخر بها على الاطلاق. اما الخمر, فلا ادرى عن ماذاتتحدث? |
ياراجل !!!!!
طيب إيه رأي سعادتك إنو النساء حتى اليوم يُضربن بقانون النظام العام ؟؟؟؟
ولا نجيب ليهم فضائيات عشان سعادتو الريس يقيف معاهم ؟؟؟
بالمناسبة القانون الحالي شاركت فيه كتلة الحركة بالمجلس التشريعي ولاية الخرطوم !!!!!!!!!!!!!!!!!!!!!!!!
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Ahmed musa)
|
يازكريا السيد عرمان بعتمد على حل كثير من القضايا على ظهوره بسبب شوفونية مميتة
وقاعد يفشل في حل كثير من القضايا
حل المشكلة السودان لو كانت بتتحل بأشخاص كانو حلوها السيدين الكُبار أو البعدهم
مشكلة السودان بتحل مشروعات و(أجهزة) ومؤسسات تعمل جنباً إلى جنب
ولكن عرمان هذا (دكتاتور) كبير ...لا يؤمن بالمؤسسية داخل قطاع الشمال ناهيك عن السودان
ياسيدي نحن دايرين نخلص من سيدي وسيدك ومادايرين لينا طائفية حديثة
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Zakaria Joseph)
|
| Quote: لست ملم بما يجرى فى قطاع الشمال و لكن ما تفضلتى به هو ما يردده الوفاق و الانتباه و جماعة لام اكول و غازى سليمان. |
طيّب يا زكريا ياخوي وكت إنت
لست ملم بما يجرى فى قطاع الشمال
مالك بتدافع عن حاجة إنت لست ملم بيها ؟؟؟؟
بعدين والله قطاع الشمال ده باب لو إتفتح بتطير رُقاب كتيرة
عشان كدة ما تفتي ساي ...
القصة ما تبقى بس دافعوا دافعو دافعو ... الناس حقو يقول الصاح
قبال الفاس تقع في الراس .... (كُتار) تركو الحركة عشان عرمان
وباقان يعلم ذلك ويسكت !!!!
والناس حتى وسط قيادات بالحركة يتساءلو عن صمت باقان
و .... خلينا سشاكتين يازكريا
بس عموما عرمان لا يصلح لإدارة قطاع الشمال خليك من رئاسة الجمهورية
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: رأفت حسن عباس)
|
شكرا اخي رأفت حسن عباس
على المرور و الاسئله
وعارف يا رأفت لو تأملت بدقه وقرأت بقلب مفتوح ولجدت اني طرحت اجوبه بنفس البوستات
ولكن يبدو ان البعض يقرأ بتعجل....او دون تدقيق.
Quote: شخصياً لدى بعض التحفظات على ما كتبته تراجى مصطفى فى هذا المنبر فيما يختص
بخلافها مع ياسر عرمان.. و أنا أكن كل الإحترام لتراجى و لرأيها و ليس بينى و بينها أى عداوة و بالعكس ربما أعجبت بكثير من كتاباتها.. و لكن بخصوص كتاباتها عن ياسر عرمان ( فى هذا التوقيت بالذات ) اختلف معها تماماً لأن هنالك أسئلة موضوعية تطرح نفسها.. أولاً ( حسب تراجى ) فقد ظل ياسر عرمان يدير قطاع الشمال بطريقة خاطئة و لكنى لا أعلم و لا أفهم لماذا لم تثير تراجى هذا الأمر إلا فى هذا الوقت ؟ |
طيب يا حبيب..اولا عرفت نفسي باني لست عضوة حركه شعبيه....وان كنت للاسف ربما على وشك الانضمام
حيث كنت اتحدث مع طالب تيه قبل ليله واحده من اعلان هذا الترشيح الغير مسؤل...وكان طالب يناقشني
ان اي نقد لو قدم من داخل التنظيم افضل....
طيب قبل هذا وصفت نفسي باني من اكثر مناصري الحركه الشعبيه بين بقية اهل الهامش ولن اقول الدرافورين تحديدا فانا لي صوت واصل حتى مع اهلي في الشرق...وكنت احرص على بناء جسور المودة و التواصل و البحث عن الارضيات المشتركه بين كل حركات الهامش ليتحدوا.
لذا لجأ الي المتضررين ممكن كنت اقود حوار معهم....ولسان حالهم يقول اتفرجي اهوا...شوفي الحركه الشعبيه...عملت معانا شنو؟؟؟؟
لذا كان لابد ان اتبنى مظالمهم....وانا من ورط بعضهم في الانتماء للحركه.
نرجع للماذا الآن...صرخنا وانبح صوتنا ان بعض الدوائر تتمزق....وتنشطر...وتتشظى
وقلنا الحقوهم....ووحدهم فكلمهم مخلصين لفكر السودان الجديد....وقلنا كلنا بشر
وخير الخطاؤن التوابون...اشاره لان عرمان يمكن ان يخطيء ولكن ليس معنها اننا رمينا طوبته تماما
وانه لو ورائه حركه قويه ومؤسسيه قويه سيتضوع هو وبقية العضويه في الطريق الصحيح.
ولكن البعض تعود التطبيل...و البعض يتعمد طمس الحقائق....وكله لغير مصلحة الحركه.
Quote: هل كان عرمان يدير القطاع بصورة جيدة طيلة السنين المنصرمة منذ تأسيسه و أصبحت ممارساته سيئة ( الآن فقط ) ؟ هذه واحدة .. و حسب علمى فإن تراجى تقيم خارج السودان إذاً ما هى المصادر التى تستقى منها معلوماتها هل هى مصادر تتبع ( تنظيمياً ) للقطاع أو لمؤسسة ( الحركة الشعبية لتحرير السودان ) إذا كان مصادرها من خارج القطاع فليس من المنطق أن تستند تراجى على اقوالهم.. و لكن إذا كانوا من داخل المؤسسات التنظيمية للقطاع فمن الأجدر بهم معالجة هذه الأخطاء التى يتحدثون عنها داخل مؤسساتهم التى ينتمون اليها و ليس على صفحات المنابر الإسفيرية .. لأن هذه المنابر ليست مؤسسات تابعة للحركة الشعبية حتى نعالج قضايانا التنظيمية على صفحاتها.
|
جزء من هذه الاسئله اجبت عليها فوق....وصدقني حكاية الناس تمسك التلفونات وتشتكي
دي ما نافعه...طالما هم مصرين لا بيطلعوا على ايميلات ولا راضين يطوروا (ايميل لست قروب) لمناقشة ماشكلهم وتطوير ادائهم فاليتحلموا.....المناقشه عبد المنابر.حيث لا خيار لنا.
Quote: وأنا ضد إفتراض أن هنالك (خلاف ) بين تراجى و ياسر .. لأن ياسر لا يمثل نفسه عندما يكون الحديث عن قطاع الشمال و لكن إذا كان هنالك خلاف على المستوى الشخصى فهذا أمر لا يهمنا كثيراً .. و لكن ما نعلمه تماماً هو أن القضايا التنظيمية لا تعالج بهذه الصورة و لا أعتقد أن تراجى لا تعلم ذلك.
مع خالص تحياتى |
يا حبيب احمد الله اني لا اعرف ياسر عرمان شخصيا ولم التقي به...عشان ما يكون
في اي سبب شخصي لاي نقد....انا نقدي لبعض التطبيقات...شيء تتحمل مسؤليته الحركه الشعبيه
وشيء ياسر عرمان.
وهذا كل ما هنالك.
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Tragie Mustafa)
|
Quote: اعتقد تقصد سلفاكير
وباقان اموم!! |
نعم يا تراجى,
اقصد سلفا كير او كير بدون اسم كنيسة و بقان اموم.
انا فى الحقيقة بعرف بقان جيدا و هو استاذى و صديق شخصى و درست معه فى نفس الجامعة. كيير لم ياتى الى قيادة الحركة بالاغلبية الميكانيكية بعد رحيل الزعيم قرنق, بل اتى الى القيادة بحسب موقعه كنائب للراحل و دى هو دستور الحركة. حكاية الغيرة هذه غير وارد من الرجلين و حياتهما كلها قضوا فى تكوين الحركة و هم اخر من يسمحوا لانفسهم ان تسيطر عليهم صغائر الاشياء. فى شخص واحد يغير من بقان اموم, ابن عمه لام اكول.
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Tragie Mustafa)
|
Quote: وامثال عبد الوهاب الراس ماله مع اهل السودان الجديد
( صوره مع عرمان في حفلة زواج) |
تراجي
اكرر لك ندائي ورجائي بالعودة الفورية للمطبخ
وممارسة دورك كست بيت نظرا لماعونك الخالي من كل ما هو سياسي وفكري
ربما اعود غدا او بعد غد ببوست منفصل لكشف تناقضاتك ومدى سطحيتك
وسذاجة طرحك انا لازلت عند رأيي ان وجودك ضار بفكرة السودان الجديد
وربما كنت احد الاسافين الموضوعة ببراعة انت وهباني وسط المعارضين
بغرض خلخلتها وافراغها من محتواها
واقيف هنا والى عودة قريبة واتمنى لك التوفيق كربة منزل
_______
ولمعلوميتك صورتي مع ياسر عرمان جبناها للمنبر
عشان نتونس بيها مع دينق بس للغرض دا فهمت ؟
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: عبدالوهاب علي الحاج)
|
Quote: اكرر لك ندائي ورجائي بالعودة الفورية للمطبخ
وممارسة دورك كست بيت نظرا لماعونك الخالي من كل ما هو سياسي وفكري
ربما اعود غدا او بعد غد ببوست منفصل لكشف تناقضاتك ومدى سطحيتك
وسذاجة طرحك انا لازلت عند رأيي ان وجودك ضار بفكرة السودان الجديد
وربما كنت احد الاسافين الموضوعة ببراعة انت وهباني وسط المعارضين
بغرض خلخلتها وافراغها من محتواها
واقيف هنا والى عودة قريبة واتمنى لك التوفيق كربة منزل |
عزيزي عبدالوهاب هذا تحقير غير مقبول لجنس النساء ، أرجو أن تركز على ما تقوله تراجي ، سـواءً كنت معه أو ضـده . ما تفعله هنا خطأ لسببين، السبب الأول أنك تركت الموضوع الرئيسي (فتح حوار بين ياسر عرمان وتراجي مصطفى) وحولت القصة إلى موضوع شخصي يتعلق بالسيدة تراجي مصطفى وقدراتها العقلية، إمكانياتها المحدودة، أسباب وجودها هنا، وصلاحيتها في أماكن اخرى، والسبب الثاني، مستبطن في حديثك، ويعطي إشارةً غير كريمة حول عدم صلاحية النساء لغير الطبيخ والنظافة ورعاية البيوت.
كن بخير.
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: ود شاموق)
|
| Quote: والسبب الثاني، مستبطن في حديثك، ويعطي إشارةً غير كريمة حول عدم صلاحية النساء لغير الطبيخ والنظافة ورعاية البيوت. |
ود شاموق
تحياتي
انا الا اكون مجنون حتى اقول كلام زي دا
اواكون احد الاغبياء حتى يُفهم ما اكتب على غير ما اقصد
كلامي واضح وانا اتكلم عن حالة الست تراجي فقط
ولم اذكر او المح بان كلامي دا شامل لكل النساء
الموضوع بيني وبين تراجي له ماقبله ومابعده
ارجو ان تعيد القراءة بتروي مرة اخرى
وكن بخير انت برضو
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Tragie Mustafa)
|
مواصلة:
| Quote: مش تايهه عن واقعها زيك؟؟؟ |
واقع أيه يا طراجي؟ علاقتك بمشروع السودان الجيد أشبه بعلاقة القرادة والجمل، حيث قالت القرادة: أنا والجمل جبنا العيش من القضارف؛ قادة السودان الجديد لا يرفضون إنضمام القراد لمشروعهم الكبير، ولكن يرفضون سرق القراد لمجهود الجمل..
| Quote: ولا منتفخة الاوداج زي صحبك كودي. |
كودي منتفخ الأوداج بي حقو، فنان كبير ومثقف يحمل رؤية واضحة للسودان الجديد، لا يختلف معه فيها راشدان؛ المجهود الذي تبذلينه في الكتابة بغير علم، فيعود عليك بالساحق والماحق والبلاء المتلاحق، لوول، أولى بك أن تبذلينه في القراءة، لكي تفيدي مشروع السودان الجديد؛ والسودان الجديد يحتاج لمبشرين مثقفين وواعين، ولكن في حالتك الراهنة، أكتر حاجة ممكن تفيدي بيها مشروع السودان الجديد هي أن تعطي صوتك له، في صمت، وهذا منك أعلى مراتب الإيمان..
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: Yassir Tayfour)
|
يا بحر يا اخوى خذلتنى عديل كده,
تابع ردود الاخ خالد كودى جيدا , تراجى مصطفى لبست اكثر من ست بيت نصف متعلمة وجدت نفسها بقوة دفع منطق الصدفة تتحدث عن مفكرين ومناضلين
هل من المعقول ان يضيع ياسر عرمان وقته لمناقشة وتعليم ربات البيوت البسيطات فكر السودان الجديد؟
تراجى مصطفى امراءة مصابه بذهان اللون , وهى حالة متاخرة جدا من العنصرية, وهى مضرة لدعاه السودان الجديد اكثر من ضرر اضخم ثور فى مستدع خزف
| |
|
|
|
|
|
|
|
|
|
Re: لو كنت فى مكان ياسر عرمان لفتحت حوار مع تراجى مصطفى. (Re: ماجد حسون)
|
Quote: يا بحر يا اخوى خذلتنى عديل كده,
تابع ردود الاخ خالد كودى جيدا , تراجى مصطفى لبست اكثر من ست بيت نصف متعلمة وجدت نفسها بقوة دفع منطق الصدفة تتحدث عن مفكرين ومناضلين
هل من المعقول ان يضيع ياسر عرمان وقته لمناقشة وتعليم ربات البيوت البسيطات فكر السودان الجديد؟
تراجى مصطفى امراءة مصابه بذهان اللون , وهى حالة متاخرة جدا من العنصرية, وهى مضرة لدعاه السودان الجديد اكثر من ضرر اضخم ثور فى مستدع خزف |
| |
|
|
|
|
|
|
| |
خالد خليل محمد بحر
Khalid Kodi
خدر
Zakaria Joseph
Tragie Mustafa
عبدالوهاب علي الحاج
Yassir Tayfour
رأفت حسن عباس
Ahmed musa
Hassan Makkawi
ود شاموق
ماجد حسون
فيس بوك
تويتر
انستقرام
يوتيوب
بنتيريست