|
|
|
 Re: الفنان طارق ابوعبيدة يغنى فى اريزونا الجمعة 1 ينائر 2010 (Re: Magdi Ahmed Elsheikh)
|
يا طارق الجو فى Arizona نفس
الجو فى عطبرة . بختك .
اها يازول بعد تنتهى من الدلاليك حقتك .
خلى بكرى ابوبكر يوديك ال Grand Canyon ودى محمية طبيعية .
فيها جبال اطول من جبل الحسانية . جبال اريزونا مشهورة للتسلق .
وتحت الجبال البحيرات . اريزونا يا طارق ولاية جميلة والجو فيها
جو دندنات وتلاحين . انشاءالله ربنا يوفق . وألف شكر لشباب اريزونا
| |
  
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 ينائر 2010 (Re: Osman Musa)
|
أخيرا سنلتقي أخي العزيز طارق (خدر)..بإذن الله ..
أما كلام كوستاوي ده ما تشتغل بيهو .. ويادوب لما تجي أريزونا حتشوف أمريكا والأمريكان الجد .. ناس كوستاوي ديل عايشين في أوروبا لسة ما شافوا أمريكا..
ياأخي ديل حتى ما بحتفلوا بالهلوين .. و عندهم مشكلة أمامة في صلاة العيد..
وحينما يغضب عليهم عمر البشير يمطرهم الله جليدآ و ثلوجآ ..
وبلدهم مليانة سناجب و نحل .. قال عاصمة قال ..
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 ينائر 2010 (Re: عادل نجيلة)
|
Quote: ما تسمع كلام أب صلعة دا
هو زاتو جاي من الحلفايا
و إنتا قايلو إختار يسكن أريزونا ليه ?
|
كبير خرد واشنطن
هل تعلم ان احسن و اجمل سكن فى الخرطوم هو فى الحلفاية من حيث الطراوة , قلة الزحمة و الشوارع الواسعة و الحيشان الكبيرة و الماهلة ما ذى امدرمانكم الكلها حفر و غبار و زحمة .....عليك الله بيوت اهلك فى اب روف , ود درو و حى مكى فيها سهلة تنوموا فيها يا اخى قوم لف ..........
و لا بتقدروا تنوموا فى الحوش فى واشنطن تحت الشجرة .........اها دى بنعملها هنا فى اريزونا اسال منها ود ابوسن العجبوا عنقريبى تحت الشجرة فى اريزونا و اصبر شوية بصوره ليك و انا لابس عراقى البركسى من البركس بس الايام دى عندنا حبة صقت جاى من جليدكم الكرهنا امريكيا دى........... والله الاستاذ فتحى الضو نام فى الحوش بتاعنا لمن قربت تفوته الطيارة و قال ما نام فى حوش طوال العشرين سنة التى قضاها فى امريكا
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 ينائر 2010 (Re: النذير حجازي)
|
| Quote: وحوش البقر ده فيهو أعظم فريقين حاليا |
شكرا جزيلا يا ود نجيلة بإعترافك الظريف بوجود الحوش
بقر يعني و كدا
يا أب صلعة ياخ في زول في القرن 21 بقول عنقريب و شجرة
و كمان نوم. ما دا هو زاتو الخلا السودان كلو منذ الإستقلال نااااااائم
ما ممكن تجي أمريكا و تنوم تحت شجرة. الكلام دا أعملو في حوش البقر هناك في الحلفايا........ود العم أوباما قال: ولا تنوموا تحت الشجر لأنو ود دبرق حا يشخ فيكم.
يا خدر أسمعني
ما تنزل لمستويات زي دي
و بعدين إنتا معاك أسرتك الصغيرة و خاصة البنية الحلوة دي
مش من واجبك تحافظ على نفسياتهم
يعني ما ممكن واشنطون و بعدين دردرب أريزونا
ما معقول ياخي
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 ينائر 2010 (Re: Magdi Ahmed Elsheikh)
|
Quote: اسمها حلفاية الملوك...
اتدري لماذا ؟؟ |
شوف يا جيك
الحلفايا دي بتجيب لينا اللبن في أم درمان
و نشكرهم على ذلك
أما ملوك و سلاطين دي حاجة بتاعتكم أنتم
نحن ما عندنا فيها دخل
أسع عليك الله في زول نصيح كدا و عندو عضنين و كرعين يقول أنا ساكن في الحلفايا!!!
حوش بقر و شجر و عناقريب و ود دبرق
و كمان هبايب و دبايب و أب صلعة
عليك الله يا دكتور ما بتخجل من الخواجات لمن تقول ليهم
I am from Halfaya
We have trees and 3ngharaibs and wad Dabraks
ما تحرجونا ياخ مع الأجانب
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 ينائر 2010 (Re: Kostawi)
|
هي يا كوستاوي
ايعد من الحلفايا وناسا
الحلفايا دي الفيها في امريكا دي مافي
دي حلفاية الملوك والاجر على الله
الدنيا كريسماس وراس سنه والله ناس الحلفايا ديل لو دورو ليك هنا يروحوا عليك الاتنين ..
الثلج نحنا ناس كندا ما بنابا لكن الفيك اتعرفت ..
ياقريبي
قلته لي عنقريب وعراقي .. والله دي بالغته فيها عديل ..
كوستاوي ده الظاهر ما شاف الحلفايا
ابقوا عافيه
ويا خدر انشاء الله نلاقيك ياخي في المولد ده .. انشاء الله في الحلفايا ذاتو
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 ينائر 2010 (Re: النذير حجازي)
|
حبيبنا النذير حجازى
بيت الجالوص ده سعر يساوى ثلاث اضعاف البيت العادى فى اريزونا لانو بقلل استعمال الكهرباء و سهل الصيانة بالاضافة اى انو بارد فى الصيف و يسكنه الميسوربن من الامريكان هنا لانو بحتاج الى بنائن بصفات معينة يعنى زبالبن ذى زبالين السودان حتى اخوك فكر يستورد زبالين من الحلفاية لاريزونا ....وش ضاحك
يا خردة قلت لى لبنكم من الحلفاية كويس الاعترفت ب دى و ما تنسى المنقة و البطيخ من مزارع الحلفاية
يا ربى الخردة سمع بكبرى الحلفاية....ناس الحكومة قالوا يعملوا ليكم كبرى مع الحلفاية علشان تعرفوا اصل حضارة السودان و عاصمته الاولى حلفايا الملوك
| |
|
|
|
|
|
|
|
|
 Re: الفنان طارق ابوعبيدة يغنى فى اريزونا الجمعة 1 يناير 2010 (Re: Elmosley)
|
Quote: ليك الله يا دكتور ما بتخجل من الخواجات لمن تقول ليهم
I am from Halfaya
We have trees and 3ngharaibs and wad Dabraks |
والله اقول ليهم كدة الاعمي يشيل المكسر...
اها اسع في اربعة ح يمشوا معاي عشان يشوفوا الفلكلور السوداني دة يا جدو............!!
هينين نحن والا هينين ...!!
نحن اولاد ملوك النيل .............!!
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Magdi Ahmed Elsheikh)
|
طارق والموصلي في اريزونا!!!!؟
دي حاتكون أجمل سنة مرت علينا في الدنيا..
دا كوريك من الجمال الذي نفتقد
ملعقته..
وياكوستاوي بطل حساده
نحنا بلدكم شفناها
وعارفنها..
بس ساكتين ليكم ساكت
والله تجينا هنا تنسى انك
مشرد ومغرب
ومهاجر..
تحس بي انك في بحري
بس ..
اتخيل بحري ونظام دمقراطي
والله ينسيك قضيتك ذاتو..
تجي اريزونا تحس بانو ماعندك
اي وطن تاني..
عشان كدا شايف الناس هنا
ماعندها اي تفاعل
مع قضايا الساعة..
نايمين على العسل..
هسه نحنا هنا عندنا شجر دوم وبرتقال
وتمر، ومسكيت ، وضريسه
وسيسبان الروكه..
وقريب فروت..
ليمون، دا كلو فرييييييييي.Free مجان
في شارع الله واكبر..
كدي قولي اسم شجرة واحدة
من شجركم..القدام البيت.
ياخي انتو احساسكم بالشجر
يتلخص في مفردة واحدة بس،
تريييي...Tree
شجرة نكرة..والشجر ذاتو
عندكم اليومين ديل
ما عندو اي إحساس ..محتوت
شبحي..
ـــــــ
الموصلي والله حوش بكري الواقعي أمهل من
من حوشه الإفتراضي، ولو مليت منه وما أظن
عيوننا ..وبيوتنا تشيل قبيلة
خاصة لو كانت قبيلة فن
ولو عايزين بيوت شعر كمان
بنسكنكم..بدون قيد
وبدون حصار..
يامراحب بكم
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Elmosley)
|
نرحب بعزيزنا الموصلي و أسرته في فينيكس
وحقيقة يا موصلي سوء حظ أنني فقدت أل Red Phone مباشرة بعد لقائي معك في توسان آخر مرة وضاعت معظم أرقام الهواتف ودي داتا قيمة ثمرة سنوات طويلة وهي إحدى عيوب التكنلوجي التي جعلتنا ننسي وسائل نقل المعلومة الأولية من قلم وورق و كراس ونوته .. ونسينا درس المدونة القيم وتسجيل الأحداث اليومية/الطعام/أخبار/إجتماع/رياضة ..
و من عيوب التكنلوجيا إيضآ أكتشفت فجأة أن خطي أصبح قبيحآ بعد أن كان مضربآ للأمثال وذلك لإعتمادي و لفترة طويلة على الكي بورد وإعتمادي على التصحيح الآلى للأخطاء النحوية أل spell check .. ومرة أخرى نلتقيك والإبنة الصاعدة أريج ..
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: عادل نجيلة)
|
Quote: منعم ود ابراهيم ود الحاج
حرم ما بتقصر
وباذن الله نتلاقي
وكمان بتي اريج حتشارك بي مقطوعتين للكمان
بمصاحبة الاورغن عشان خاطركم
رسل لي بالله تلفون
بابكر الفرجوني في الماسنجر عشان
اختار معاهو المقطوعتين
ونكتب النوتة لي اريج
تحياتي |
والله ياموصلي دا أظن حايكون مهرجان
إبداع ..مرحبا بالإبنة سليلة الفن
ووالموسيقى أريج
والمبدع ميكا..
راجع الماسينجر ولا تندهش
لا تضحك ..
لك التحية ..
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Elmosley)
|
حظ الارزوناب .
أناشيد الاستقلال عند خدر عندها طعم تانى .
.. أصبح الصبح
ولا السجن
ولا السجن
ولا السجان باقى
واذا الفجر جناحان يرفان عليك
واذا الحزن الذى كحل ها تيك المآقى .
والذى شد وثاقا لوثاقى
والذى بعثرنا
بعثرنا .... بعثرنا الى حدود اريزونا والخوف من المكسيك .
.. كل عام والجميع بخير
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: عادل نجيلة)
|
بكور
سلامات يا فنان , حا تكون رحلة جميلة جهز العراريق و العناقريب الهبابي
مجدي
عادل
منعم
سعيد جدا انو حا نتلاقي تاني من جديد و نغني و نقضي ليلة جميلة مع اهل اريزونا
يا معلم
خبر حلو انو حا نسمع البنات وصلوا وين في المزيكة (نوت الموصلي المكربة ديك)
و فرحت جد انو حا الاقيهم و اسمعهم
(قلت ليك بلاقيك قبل ما ارجع , ما صدقتني , و شكرا بكري ابوبكر ان جعل ذلك ممكننا) 
عذرا للتلغرافات في الردود , طالع لي برنامج بعد شوية
سأعود لاحقا للونسة
وشكرا علي حفاوة الترحيب يا فنانيين
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Elmosley)
|
كل سنة والجميع بخير ..ومباركة اعياد الكريستماس ..
التحية لكل الزملاء .. وياطارق بالله جيبلي العود
بتاعي من عليش معاك ..قليهو في زول بيدين
ليهو عود خمسة سنة ..
غايتو ياعليش لو مارسلت العود مع طارق
عفيتو ليك دنيا وآخرة ..وانشاء الله
تفعد قدام باب الجنة
بعدين وتنقرش بيهو
قدام بنات الحور
وترقصن التقيل ولا القرد ذاتو..
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Nasser Mousa)
|
Quote: يا ناس حوش البقر
إنتوا لسع مصرين على حضور السيد طارق بن عبيدة ?
يعني بتقدروا على الصدمات الحضارية الحا يجيبا معاه?
خدر بلبس قمصان بنفسجية و ما أظن الحاجات دي بتنفع معاكم
و مع عراريقكم و شجركم الكلو أشواك و ود دبرقكم
أنا خايف عليكم
أيه رأيكم نرسل ليكم بت قضيم? |
هسة ياكوستاوي
مالك علينا ياخي
اريزونا دي بلد كاوبويز
وشاركت في
صناعة السينما
العالمية
نيران
تقد الشاشة
ديجانقو..
وأميقو
..
كدي امشي صلح
"إمشكم" ديك دخلوا ليهم
كهربا
وخلوهم يتمدمو شوية..
يحدي هسة يزرعوا
الحصين الوحشية "
wild horses
ويحصدوا بيها
عليك الله
روح" لانكستر"
ولا
"قاب"
أو ضواحي
ميرلاند
القريبة منكم
دي..
حوش بقر قال
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Kostawi)
|
Quote: كفاية إنو طلعنا أغنى ولاية في أمريكا
و عندنا NASA
و عندنا Camp David
و عندنا ال (National Institutes of Health (NIH
وعندنا القاعدة الحربية الرئاسية Andrews Air Force
و عندنا الحور العين
|
اللستة الفوق دي يا كوستاوي بتوضح بأن ولايتكم دي أكبر تكلفة
على حساب دافع الضريبة الأمريكي .. يعني Unproductive State.. زمان كان عندكم سوق النخاسة و زراعة التبغ وكانوا بسموهوا ال Recycle Economy وكما ذكر أليكس هيلي في الجذور .. Tabacco --- cotton ---- slaves
أما كامب ديفيد فدي راحة رئيس الدولة و إيضا على حساب دافع الضرائب الأمريكي .. ياأخي إنتو ولاية خصم على الإقتصاد الأمريكي تقول لينا أغنى ولاية!
يعني نا نيويورك و تكساس و كلفورنيا و تشيكاغو يقولو شنو..! غايتو يا كوستاوي فاكنها في روحكم..
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: عبد المنعم ابراهيم الحاج)
|
لا حولا يا منعم .. الولاية برضو ليها أسرارها
مافي داعي نطلع ورقنا كلو..
ويا طارق أبوعبيدة .. الكرمبا كوستاوي ده ما كلمك بي تاريخنا
ـ أول ولاية نظمت حفل لوردي و بفرقة متكاملة 13 عازف في 8 أبريل عام 2000
وكان السودانيون لا يتجاوز عددهم 40 شخصآ.
ـ وتوالى الفنانون .. سامي المغربي .. بركات .. أكثر من 10 مرات وبعدين
حمد الريح ـ حفلتين ـ سميرة دنيا ـ عمر إحساس ـ عاصم البنا ـ نانسي عجاج ..
علاء السلاوي أكثر من مرة ـ أحمد باص ـإكثر من مرة ـ محمود ريحان ـ نهلة عبدالمنعم .. دي غير حفلاتناالداخلية والتي يحيها أولاد الفرجوني الأعزاء عبدالله و بابكر ـ و عبدالعزيز الرباطابي وخالد الطاهر وديل شباب الولاية,,
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: عادل نجيلة)
|
Quote: يا نجيلة
.. كلمات شيخنا ود الرضى .. خدر بجنن ابوها .
خلى يغنى :
ليالى الخير جادن .. من المحبوب
نسايم الليل عادن .. من المحبوب
شفت فى الاحلام ظبى بتهادن برخيم نغمات خلى تنادن
عبرات الشوق بى اذدادن تلكم احلام ليت تمادن .
..
يا نجيلة خدر كان تغنى بتلك الأغنية المجنونة . اريزونا كلها بتصبح فى ام درمان .
|
ياالله يا عثمان يا موسى ياخي ..
الأغنية دي بالذات بطلع ذاتي من جواي وتخليني رهيف ..
طبعآ أغنية صعبة الكلمات و كثيرة الصور البلاغية وبالإضافة إلى لحنها العالي التطريب .. بالمناسبة ما أي فنان إقدر أغنيها .. ومن الذين تغنوا بها من الفنانين الشباب و أجادها إجادة تامة كان إيمن دقلة ..
يا سلام يا عثمان ياخ الله يجيب يوم الحفلة ده ..
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Elmosley)
|
Quote: والله حفلتك الفي دي سي لو ما عثمان موسى حضر كان توثيقها راح شمار في مرقة!
كتر خيرك يا عثمان موسى أنقذت التوثيق |
أيوه نحن بنجيب ناس محايدين زي ناس الأستاذ عثمان موسى عشان يتكلموا عننا و يوثقوا لنا
ما بنتكلم عن نفسنا.....شفت الشفافية و الرقي دا كيف!!
تعلموا مننا يا ناس حوش البقر
عالم ما بتتطور كلو كلو
عشان كدا سموها زقلونا
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Elmosley)
|
Quote: أيوه نحن بنجيب ناس محايدين زي ناس الأستاذ عثمان موسى عشان يتكلموا عننا و يوثقوا لنا
ما بنتكلم عن نفسنا.....شفت الشفافية و الرقي دا كيف!!
تعلموا مننا يا ناس حوش البقر
عالم ما بتتطور كلو كلو
عشان كدا سموها زقلونا |
قرقرررر.. والله يا ناس ميري لاند ما فضل ليكم إلا ناسا nasa و لسان كوستاوي !
وقديما قال النابغة الذبياني قصيدته الشهيرة لهجاء بني تغلب في شخص شاعرها عمر بن كلثوم:
قد تلهى بني تغلب في كل قصيدة قالها عمر بن كلثوم ..!
و أقول لسودانيي ميري لاند ـ تكتب هكذا ـ لا بالإلصاق مثل ميريلاند!!!!
قد تلهى بنوتنا في الميري لاند ... عن كل مكرمة قالها كوستاوي!!
و في شأن الزقل البعيد فما زلت أذكر مؤلف البرفسور الجليل سعيد عبد الكريم في مؤلفه الفريد (جلالين الرحمونا من زقلونا لأريزونا) وهو مؤلف (بفتح اللام و تشديدها ) وهو يحكي قصة الإنسان السوداني البسيط والذي قذفت به أيادي الزمان بفعل عوامل القهر و السياسات الهادمة ألى أقصى الجنوب الغربي من الكرة الأرضية في أريزونا .. وهي رحلة فريدة لا سيما أن أبطالها الذين ضاق بهم و طنهم قد إستقروا في تلك البقعة المسماة أريزونا..
وفي شأن الزقل إيضآ أذكر مجلة الأستاذ أحمد على بقادي والتي كان يصدرها في أريزونا بنفسه حيث يكتب مادتها و يجمعها و يطبعها و يوزعها وكان إسمها (زقلونا) .. والجدير بالذكر كان يصدرها في أريزونا .. و مازلت أحتفظ بكل الأعداد التي أصدرها .. وهي بالفعل مواد دسمة و هامة .. فلا أغضب حين يصف بعضهم أريزونا بزقلونا..
و في زقلونا كان يعيش أستاذي د عبدالمحسن صالح أستاذ الدراسات النقدية ولعله الوحيد في ذلك المجال الهام إن لم يكن أحسنهم على الإطلاق .. و من هنا أطلق خالص تحياتي للبروف سعيد عبدالكريم و الأستاذ أحمد على بقادي و للدكتور عبد المحسن مصطفى وأسأل العلى القدير أن يمتعهم بالصحة و العافية.
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: خدر)
|
Quote: والله يا كوستاوي ناس اريزونا ادوك سيك في قبولك
الفنانيين ديل حولو بوستهم بي ردودهم عليك لي مادة دسمة جدا
للتعريف بأريزونا و إبداعات سودانيي اريزونا
شكرا علي غزارة المعلومات يا شباب و علي التعريف الضافي
اريزونا weyaaaaaaaaaaaa |
هي كذلك العزيز خدر ....
أريزونا و يييييي ييي
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: عادل نجيلة)
|
و كنت في طفولتي و التي قضيتها ما بين منزلنا في الهاشماب بأمدرمان و حي الركابية شارع المسالمة حيث منزل جدي لأمي .. السيد/ عابدين الخانجي مفتش مركز أمدرمان آنذاك قد غرمت بأفلام الكاوبويز و الهنود الحمر .. و لم أدر أن الزمان سيجئ و يحملني لتلك الديار و التي رأيتها فنآ ثم أصبحت واقعآ ملموسآ حنانيك إيها الفتى الضليل ..!
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: عادل نجيلة)
|
Maryland is ranked as richest state
N.J. a close second in household income under census estimate
It's the kind of statistic that makes politicians and economic development gurus cheer: Maryland ranked as the richest state in the nation last year, according to estimates released yesterday by the U.S. Census Bureau.
The state's proximity to Washington's lucrative jobs, its abundance of workers with advanced degrees, and solid health and research opportunities in the Baltimore area continually keep Maryland at the peak of the economic charts, experts said.
"We are able to access a level of job opportunities that are simply not available to the balance of the nation," said Anirban Basu, chief executive of the Baltimore economic consulting firm Sage Policy Group Inc. "That doesn't mean that Maryland doesn't have some degree of impoverishment in rural areas and in Baltimore City. But what Maryland has that many states do not have is pockets of
كرمبا صاح
http://www.baltimoresun.com/news/local/bal-te.md.census...ug29,0,3537917.story
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Kostawi)
|
Quote: والله يا كوستاوي ناس اريزونا ادوك سيك في قبولك
الفنانيين ديل حولو بوستهم بي ردودهم عليك لي مادة دسمة جدا
للتعريف بأريزونا و إبداعات سودانيي اريزونا
شكرا علي غزارة المعلومات يا شباب و علي التعريف الضافي
اريزونا weyaaaaaaaaaaaa |
حكمتو عجيبة!!
كمان شوف الخردة دا
أنا بنصح فيك عشان ما تضربك إنفلونزا حوش البقر
تجي تقول لي زقلونا في أريزونا.
أمشي أريزونا...
بس أوعك تجي تشتكي و تقولى عفصتني جاموسة في صلعتي
الحسنة في....
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Osman Musa)
|
الدنيا صنت
والشباب فزعوا
مشوا يشوفوا السنة الجديدة دى رتسها غليد ولا مطاول ولا مقودس
وانا الام
مصنقرة جنب كمبيوتر ابكم
قلت اتونس مع خيالات ريسين السنين الفاتت
لما كنا بنفرش المراتب فى الواطة فى الصالون ونعمل العشا ويجوا الاخوان والاخوات والاصدقاء والاقارب
ونبدا الغنا الحنين ...والقفشات الحلوة ...ونكتر الدخلة والمرقة ...بين المطبخ والصالون ...
وامى ترفع راسها كل مرة ...وتقول لينا السهر ده لزومو شنو؟؟ نقول ليها لسه راس السنة ماجة ...ونفضل نفرفش ونقرمش ونقرقر وننقرش لحدى ماراس السنة يجى ونعد ليهو من عشرة لحدى واحد، ونهنى بعض ونتمنى لى بعض احلى الامانى ...وبعد داك نصدح بالغنا الطيب
ونبدا بصوت واحد نغنى "لن ننسى اياما مضت" ونكسرها بى "اليوم نرفع راية استقلالنا" و"اصبح الصبح" و"الملحمة"
ويحلو الغنا
نمر على كل الاغانى الوطنية الجياشة للعواطف ..."مش الجياشة ديلك الما بندورهم" .... ونشعر باننا مالكين الوطن ..والروح
روح الاسرة وروح الصداقة وروح المحبة وروح الفن ...نغنى ونغنى ونغنى لمن يفتر الغنا
ونتبعثر ..ناس تمشى بيوتها وناس تتعب .بالنعاس وبالكسل ...ونجرى على السراير ..ناس فى الحوش القدام وناس فى الحوش الكبير وناس فى الزقاق ...مخدات مراتب اغطية ..وحجز وقرقرة
ونبدا نتونس ونحن راقدين ..نعاين للنجوم ونتذكر الاشعار الجميلة والمواقف المضحكة والقصص الحصلت فى السهرة والقصص العايشة معانا وباقيى هدانا ..اهلنا يطنطنوا ..ونحن نحكى ....ونحكى ونحكى
لغاية ما تختفى أخر نجمة
وتتدس فى ضهر القمر .
يعلبنا النوم .وننوم تعابى وفى قلوبنا أمل وفى خيالنا مليون حكاية ..وتصبح سنة جديدة ...حلوة وفرحانة ....
قلت احكى ليك الحكوة دى يا طارق ابوعبيدة ...اكيد عندك واحدة زيها ، ذكرى مدفونة فى بحة صوتك ومحبوسة فى النغمة الحتغنيها بكرة
اصلو انا ما حضرت حفلاتك ...لكن شعاعات الكريات دى ما "بايدا جواز سفر"
غنى ياخ
غنى واطرب وغنى وانت طربان ..واطرب الشاهدين عليك
غنى ليهم واطربهم ...ونحن بنحس من بعيد ...مافى شى بفوت على الاخوان اى شى بحسوهو لوغنوا وبكوا ..اى شى بحسوه ولو كان من بعيد
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: عبد المنعم ابراهيم الحاج)
|
شوف الجنى و شوف فعالو في الجنيات مافيش مثالو
اللقطة من حوش بكري في أريزونا أخذت اليوم 1/1/2010 الساعة الثانية ظهرآ
فور وصول طارق لم يصدق بأن يرى هذا الجو المشمس والسرير التحت شجرة البرتكان .. قال لينا ماداير زول يشاغلو لأنه عايز ينوم في السرير ده لغاية ميعاد الحفلة .. قال ليهو سنين طويلة ما لبس سروال و عراقي ونام في حوش.
نام يا خدر وأشبع نوم في بلد الكابويات والهنود الحمر .. وسط أهلك و حبانك
وواصل جولتك في أميركا الجدجد حتى كلفورنيا في مونترى الجميلة مدينة اللغات العالمية.
وطلعت القمرة جميلة مدورة لامع ضوؤها الفضي وكأنما تمد لسانها لي ناس كوستاوي أنا موجودة فقط في أريزونا في معية النجوم!
طلعت القمرا والخير يا عشايا تودينا لي أهلنا ... بسألوك مننا..
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: عادل نجيلة)
|
سنايتورنا العظيم جون مكين رئيس لجنة الجيش و الأمن القومي الأمريكي في الكونجرس .. يعني يا كوستاوي الخردة أريزونا هي حامية الأمن القومي الأمريكي
و بالتالي أمن العالم كله في إيدينا .. تقول لي جيدا معرسها ويل إسميث ورواد فضاء و ملاكمين و شنو كده..
حاكمة أريزونا المحبوبة جانيت نابلتانو والتي إختارها الريس أوباما وزيرة الأمن الداخلى الأمريكي ... يعني يا كرمبا أريزونا هي صاحبة الفضل في حفظ الأمن الأمريكي و ترتيب أمن العالم قال ناسا قال ..!
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Kostawi)
|
Quote: الدنيا صنت
والشباب فزعوا
مشوا يشوفوا السنة الجديدة دى رتسها غليد ولا مطاول ولا مقودس
وانا الام
مصنقرة جنب كمبيوتر ابكم
قلت اتونس مع خيالات ريسين السنين الفاتت
لما كنا بنفرش المراتب فى الواطة فى الصالون ونعمل العشا ويجوا الاخوان والاخوات والاصدقاء والاقارب
ونبدا الغنا الحنين ...والقفشات الحلوة ...ونكتر الدخلة والمرقة ...بين المطبخ والصالون ...
وامى ترفع راسها كل مرة ...وتقول لينا السهر ده لزومو شنو؟؟ نقول ليها لسه راس السنة ماجة ...ونفضل نفرفش ونقرمش ونقرقر وننقرش لحدى ماراس السنة يجى ونعد ليهو من عشرة لحدى واحد، ونهنى بعض ونتمنى لى بعض احلى الامانى ...وبعد داك نصدح بالغنا الطيب
ونبدا بصوت واحد نغنى "لن ننسى اياما مضت" ونكسرها بى "اليوم نرفع راية استقلالنا" و"اصبح الصبح" و"الملحمة"
ويحلو الغنا
نمر على كل الاغانى الوطنية الجياشة للعواطف ..."مش الجياشة ديلك الما بندورهم" .... ونشعر باننا مالكين الوطن ..والروح
روح الاسرة وروح الصداقة وروح المحبة وروح الفن ...نغنى ونغنى ونغنى لمن يفتر الغنا
ونتبعثر ..ناس تمشى بيوتها وناس تتعب .بالنعاس وبالكسل ...ونجرى على السراير ..ناس فى الحوش القدام وناس فى الحوش الكبير وناس فى الزقاق ...مخدات مراتب اغطية ..وحجز وقرقرة
ونبدا نتونس ونحن راقدين ..نعاين للنجوم ونتذكر الاشعار الجميلة والمواقف المضحكة والقصص الحصلت فى السهرة والقصص العايشة معانا وباقيى هدانا ..اهلنا يطنطنوا ..ونحن نحكى ....ونحكى ونحكى
لغاية ما تختفى أخر نجمة
وتتدس فى ضهر القمر .
يعلبنا النوم .وننوم تعابى وفى قلوبنا أمل وفى خيالنا مليون حكاية ..وتصبح سنة جديدة ...حلوة وفرحانة ....
قلت احكى ليك الحكوة دى يا طارق ابوعبيدة ...اكيد عندك واحدة زيها ، ذكرى مدفونة فى بحة صوتك ومحبوسة فى النغمة الحتغنيها بكرة
اصلو انا ما حضرت حفلاتك ...لكن شعاعات الكريات دى ما "بايدا جواز سفر"
غنى ياخ
غنى واطرب وغنى وانت طربان ..واطرب الشاهدين عليك
غنى ليهم واطربهم ...ونحن بنحس من بعيد ...مافى شى بفوت على الاخوان اى شى بحسوهو لوغنوا وبكوا ..اى شى بحسوه ولو كان من بعيد |
لا حولا ولا قوة إلا بالله
خافي الله فينا يا تمادر من دفق الحنين ده
(دخلتينا مدرسة) او كما قال عبدالعظيم
____
بخاف من كلامك السمح انا يا تمادر وانت عااااارفه
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Kostawi)
|
Quote: كبير خرد واشنطن
هل تعلم ان احسن و اجمل سكن فى الخرطوم هو فى الحلفاية من حيث الطراوة , قلة الزحمة و الشوارع الواسعة و الحيشان الكبيرة و الماهلة ما ذى امدرمانكم الكلها حفر و غبار و زحمة .....عليك الله بيوت اهلك فى اب روف , ود درو و حى مكى فيها سهلة تنوموا فيها يا اخى قوم لف .......... |
الاخوان بكري ومجدي الشيخ
ياخي شن جاب لجاب زي مابقولو
امدرمان مدينة عمرها 100سنه
معقول تقارنوها بحلفاية الملوك
تفكوني احكي ليكم عن تاريخ الحلفاية واهلها
ولا مافي داعي
---------------
ياخي ونستكم جميلة والف تحية لكل المتداخلين
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Kostawi)
|
Quote: الحلفايا
كانت عبارة عن قطيتين و 3 بقرات و معزة
|
يا Kostawi
وضيف عندك
عمارة دنقس وعبد الله جماع
و اظرف رجل في تاريخ السودان الراحل المقيم الدكتور عوض دكام
عون الشريف قاسم
ادريس جماع
الشاعرة اسماء
حمكة يسن
خوجلي عثمان
عوض بابكر (حقيبة الفن )
يازول ناس بكري ودكتور مجدي ساكنين في حلة
فيها كمية من الاعلام البارزة
تدخل فيها داير ونسة يونسوك داير سياسة يحيروك
عايز تغني يطربوك كمية من المواهب والله ماتعمل حسابك
تجيك جلطة
-------------------------------
Kostawi اعمل حسابك الناس ديل ايدهم واصله
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: وليد عبد اللطيف)
|
يا خردة
اريزونا دي ما فيها جليد نوهائي
ياخي دي بلد تحس انك حايم في الخرطوم
اول مارس .. جو حلو و شمس حنينة
و سودانيين حلوين
مشكلتها الوحيدة اريزونا دي انو احمد العربي (احمد إنجليزي)
طلعني مديون من السودان , قال خالة مقبولة ( ست الشاي في معهد المزيكا)
طالباني حق كباية شاي قال انا سافرت من السودان و ما دفعتو
الحاسد بدل ما يدفع لي ديني علي الاقل عشان انا سينيرو
انتظرني اجي اريزونا عشان يكلمني بيهو
شكرا تاني يا مواطني اريزونا علي الترحاب الجميل
و شكرا بكور لجعل ذلك ممكنا
حقيقي سعدت جدا بالزيارة و بالتلاقي و الونسة الجميلة
شكرا دكتورة هالة علي كل الضيافة و الترحاب
شكرا كتير و يا كوستاوي الجية الجاية نمشي اريزونا سوا
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: خدر)
|
| Quote: ياخي دي بلد تحس انك حايم في الخرطوم |
و الخرطوم شن سماحتها بعد ما إتملت عرب جزيرة و عرب حلفايا
زي أريزونا واحد
و كمان أديتنا مثال بالعربي بتاعك بتاع ست الشاي
يعني ما خذلتني
بل أكدت كلامي
أنا غايتو لو من أوباما
أشحن عرب أريزونا كلهم بطيارة نقل درجة خامسة و أكبهم في الحلفايا
و البفضل أكبو في أب قوتة
يلا بلا حوش بقر معاكم
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Kostawi)
|
Quote: يا Kostawi
وضيف عندك
عمارة دنقس وعبد الله جماع
و اظرف رجل في تاريخ السودان الراحل المقيم الدكتور عوض دكام
عون الشريف قاسم
ادريس جماع
الشاعرة اسماء
حمكة يسن
خوجلي عثمان
عوض بابكر (حقيبة الفن )
يازول ناس بكري ودكتور مجدي ساكنين في حلة
فيها كمية من الاعلام البارزة
تدخل فيها داير ونسة يونسوك داير سياسة يحيروك
عايز تغني يطربوك كمية من المواهب والله ماتعمل حسابك
تجيك جلطة
|
وناس الحلفايا أسسوا موقع سودانيز أون لاين و مقرو حوش البقر أريزونا..
وموقع sudansoccer برضو من أريزونا .. و موقع الزول دوت كوم www.alzol.com برضو في أريزونا .. و موقع sudandiscussion برضو من أريزونا .. و موقع lostboys.com برضو في أريزونا .. يعني أكبر المواقع السودانية في الإنترنت من أريزونا .. أها يا خردة رأيك شنو.
| |
|
|
|
|
|
|
|
|
|
Re: الفنان طارق ابوعبيدة يغنى فى اريزونا الجمعة 1 يناير 2010 (Re: Kostawi)
|
Quote: و الخرطوم شن سماحتها بعد ما إتملت عرب جزيرة و عرب حلفايا
زي أريزونا واحد
و كمان أديتنا مثال بالعربي بتاعك بتاع ست الشاي
يعني ما خذلتني
بل أكدت كلامي
أنا غايتو لو من أوباما
أشحن عرب أريزونا كلهم بطيارة نقل درجة خامسة و أكبهم في الحلفايا
و البفضل أكبو في أب قوتة
يلا بلا حوش بقر معاكم |
في الوثيقة التاريخية عن نشأت مدينة كوستي وجدت الآتي:
باع حسين أبوتياه بك ألف فدان من حظيرة البقر و الخيول خاصته للخواجة كوستي بابيس بمبلغ 1000 ريال مجيدي .. ولكن مكر الخواجة كوستي بابيس فأضاف من عنده كلمة (ألف) أخرى ليصبح عقد البيع شاملآ لمساحة(ألف ألف) فدان وهذا مالم يبعه حسين أبو تياه بك للخواجة كوستي بابيس . نستخلص من هذه الوثيقة التاريخية الآتي:
1 ـ كوستي تاريخيا كانت حظيرة للبقر و الخيول تخص حسين أبوتياه بك.
2 ـ نشأت مدينة كوستي نتاج لبيعة مضروبة إستولى عليها و نسبها لإسمه بدون وجه حق الخواجة كوستي بابيس.
3 ـ من حق آل أبوتياه وورثته بإعادة تركة جدهم مرة أخرى لحظيرتهم ونقض البيع الذي سلبهم فيه الخواجة كوستي بابيس 999000 فدان حتة واحدة.
ملحوظة:
هذه الوثيقة غير متوفرة في محرك البحث الشهير بقوقول .. فالرجاء لأصحاب القوقلة توفير وقتهم ومحاولة البحث في دار الوثائق المركزية تحت عنوان
(الأرض في زمن سلطنة الفونج).. (الأرض في زمن التركية السابقة ـ العهد العثماني ).. تاريخ المواقع والأماكن في السودان.
إيها يا كوستاوي عرفت حوش البقر وين..!
| |
|
|
|
|
|
|
| |
بكرى ابوبكر
Kostawi
Magdi Ahmed Elsheikh
Osman Musa
النذير حجازي
Aymen Tabir
Elmosley
يحي ابن عوف
محمد زكريا
خدر
سجيمان
AttaAli
Tumadir
وليد عبد اللطيف
Mohammed Awad
فيس بوك
تويتر
انستقرام
يوتيوب
بنتيريست