Quote: تعيش معظم الثعالب حوالي سنتين أو ثلاثة في البريّة، ولكنها قد تعمّر إلى 10 سنوات أو أكثر في الأسر.يبلغ حجم معظم الفصائل حجم القطط المستأنسة حيث تعتبر الثعالب أصغر أعضاء فصيلة الكلبيّات، ومن الصفات الخارجيّة المميزة الأخرى الخطم الدقيق والذيل الكثّ الكثيف، وتختلف بعض الصفات الأخرى طبقاً للمسكن أو البيئة التي تقطنها الفصيلة فمثلاً يمتلك ثعلب الفنك أذنين كبيرتين وفراءً قصيراً بينما يمتلك الثعلب القطبيّ أذنين قصيرتين وفراءً سميكاً عازلاً.الثعالب حيوانات متوحدة على عكس العديد من الكلبيّات الأخرى، وهي مفترسات منتهزة للفرص تقتات على مجموعة متنوّعة من الأغذية مثل القوارض بشكلٍ خاص بالإضافة للجنادب والفواكه والأعناب.تعتبر الثعالب حيوانات حذرة ولا تقرب البشر في العادة، كما لا يحتفظ بها كحيوانات أليفة بالرغم من أن الثعلب الفضّي دجّن بنجاح في روسيا بعد 45 سنة من التزاوج الإنتقائي.تتواجد الثعالب الآن في بعض المناطق في المدن والحدائق المنزليّة.
02-09-2010, 11:52 AM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
العزيز ابو عبد الله ،، تحياتى .. مالك الايام دى متخصص حيوانات .. وجد انا دار بذهنى انك ح تعمل بوست مرادف تسميهو حملان المنبر .. على عكسية ضباع المنبر ... لانه المنبر ملىء بالحملان الوديعة... والشاهد هنا الوداعه التى تميز بعض البورداب الذين لا ناقة لهم ولا جمل و لاحول لهم ولا قوة مع ضباع وذئاب المنبر ... لكن شايفك انتقلت للثعالب ... اتمنى اعطاء الحملان حقهم من التناول ... ومتابعين...
02-09-2010, 12:59 PM
Faisal Elrasheed Faisal Elrasheed
تاريخ التسجيل: 07-02-2008
مجموع المشاركات: 4713
Quote: ابدا والله يا البدري انا قاصد الناس البيض .. من باض يبيض فهو بيض او بيضه .. او كما قال وهبه (اختصاصي الكشف عن البيض)..
غايتو با فيصل انا عملت العلي ..اسوي ليك شنو تاني ..اصلو قالوا من ترك عادته قلّت سعادته ..يالله شد حيلك مع الهجمات المرتدة وخليك حريف ما تبقى لينا زي كرومي في موقعة سادومبا المسماة ذات الجنبتين
Quote: وين خالك امين ياسمين ..ووين اعتذارك
خالك قالوا نايم او كما زعم ..وشايف لي واحد بهناك قال نوم الظالم عبادة
02-09-2010, 03:21 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
هو يا حيدر الزين ما تغير لينا مسار البوست بالله ...انت لو بتقرا كويس كان عرفت انو البوست موضوعو علمي بحت ..وما ليه اي علاقة بالحاجات الفي راسكم انت وفيصل الرشيد واخرون اعلمهم تمام العلم...عالم تحب المشاكل
انت يا حيدر الطرائد كملت في البلد دي ولا شنو ؟!! شايفكم اتلميتوا بي جاي!!
02-09-2010, 03:40 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
ياخ إنتو ناس ما عندكم حس فني .. الثعلب ده حيوان راقي جداً و أكثر حاجة بتعجبني فيهو إنو نظييييييييف أربعة و عشرين ساعة دي بعملها كيف ما عارف !!! الثعلب مقتنع إنو حجموا ما بيأكلو عيش فقال لازم يستعمل مخو عشان يعيش ( عقابلكم يا ضباع )
الثعلب الأزرق
شوف الوجاهة دي عليكـ الله يا حيدر الزين يا حاقد ...
02-09-2010, 07:36 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
يا ابو علوة بالله اعيد واكرر انو الغرض من البوست ده علمي بحت ..واي تشابه في الصفات او الاشكال سوف يكون مجرد مصادفة ليس الا ...فبالله ما تولع لينا النيران ياخ..
02-09-2010, 06:00 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
البدري يا عمك، من البوست الفات، أمين وعلي ديل شايلين حسي ساكت، يمين الغنماية "تلحس" عشاي.. ____ أنا الأيامات دي طالب قانون، وداير إجتهد، بكرة من الصباح، بمشي الفلي ماركت، أو الفاليو فيليدج، أيهما أرخص، أجيب بدلة وكرفتتين، واحدة حمراء والتانية لونا "رقراقي"، وبعد داك أشوف لي أقرب ست شاي أأجر لي منها بمبر، والموت جاكم، شي طعون، وشي سلبطة ساكت، وشي توثيق، وأسعارنا لا تضاهى، مجانية، كباية شاي، فطرة، حق التمباك، حق السجاير، حق المواصلات، و حق المدايِّد لمن إستطاع إليه سبيلا..
02-09-2010, 07:54 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
Quote: بالله ياالبدري لمن تصل لي بوست "الغزلان" قول عوووك ..غالبا بنكون في المراعي الحولك
واللييييييييييييييييييييلة ..بالغتي يا اختنا داليا ..ده شنو العملتيهو ده ..ياخ انتي ما كلموك انو جميع الفصائل المتوحشة تعاني من قلة الطرائد والفرائس اليومين ديل ..ياخ ديل والله يشموا ريحة فيل ساي يجوا كابسين in no time خلي يسمعوا انو في غزال عدييييييييل حايم في المراعي كمان ..غايتو هسي بيكونوا اتلملموا وجو طايرين طيران ..
02-09-2010, 08:36 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: سلامات يالبدري البدري هوووي انت زول بتاع مشاكل وفتن بتدردق في الناس يكتبو الأسامي مش
اصبحنا واصبح الملك لله.. انتو يا ناس تنوموا وتصحوا وبرضو ما تبطلوا الفتن وسؤ الظن ..اسامي شنو يا مرتضى ..البوست ده علمييييييييييييييي ومن اجل المعرفة فقط لا غير ...
02-10-2010, 10:21 AM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
Quote: تشبه معظم أنواع الثعالب صغار الكلاب، الا أن للثعلب ذيلا كثيفا ، كما أن له أذنين مدببتين وخطما طويلا حادا. ويبلغ طول معظم الثعالب 60 الى 70 سم ، اضافة الى 35 الى 40 سم لطول الذيل. ويزن الثعلب نحو 5 – 7 كيلوجراما . وللثعلب سمع حاد وحاسة شم قوية، وهو يعتمد بشكل خاص على هاتين الحاستين من أجل تحديد الفريسة. ويستطيع الثعلب الأحمر سماع صوت الفأر على بعد 30م . وتشاهد الثعالب الأشياء المتحركة ولكن ربما لا تستيطع ملاحظة الأشياء الثابتة غير المتحركة . وللثعلب أربع أصابع وإصبع داخلية لا وظيفة لها في كل من القدمين الأماميتين . والاصبع الداخلية هي ابهام غير متحرك ولا يلامس الأرض. ويوجد في كل قدم خلفية أربع أصابع ، وعند المشي أو الجري فان كفي القدمين الخلفيتين تقعان على إثر القدمين الأماميتين. وترفع معظم الثعالب ذيولها بشكل مستقيم أثناء الجري وتخفضها عند المشي. وربما ينام الثعلب وذيله فوق أنفه وفوق راحة أقدامه الأمامية. ويمتلك معظم الثعالب غددا للرائحة تفرز منها رائحة خاصة مميزة.
02-10-2010, 10:41 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
ماسمعت انتا بى سؤال المسطول لى اخوهو المسطول لمن قال ليهو - الثعلب دا بيبيض ولا بيلد
المسطول التانى قال ليهو والله الثعلب دا مكار ممكن يبيض وممكن يلد .. اصلو ما مضمون
اها عمك امين دا مثال ممكن يبيض ليك بوستيك زى الما حصل حاجه وممكن يلد ليك المحن فى بوستيك لمن تأمن
يا ابو علوة ياخ الله يهديك مشاكلكم انت والخال امين حلوها بعيد من البوست ده ...ياخ انا اعيد واكرر انو الهدف من الموضوع ده العلم والمعرفة ..يعني كونو تجي انت تتهم امين انو من الثعالب وما عارف شنو ..عشان عندك معاهو ضغينة ومشاكل قديمة ..ويجي هو كمان يتهمك بانك ضبع ..والقصة تجوط والبوست يتكعوج زي الماحاصل شي ...الموضوع ده انا ما برضاه والله ...وفي الاول وفي الاخر انتو الاتنين ناس اخوان وعيب تفرجوا خلق الله عليكم ..ارجو ان يلقى رجائي استجابة من (كليكما ).
02-10-2010, 11:29 AM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
Quote: حياة الثعالب تعيش الثعالب في مجموعات عائلية أثناء تربية الصغار، وفي الأوقات الأخرى تعيش بشكل منفرد ، ولا تشكل أسرابا كما تفعل الذئاب. ويتم التزاوج بين الذكر والانثى في بداية فصل الشتاء حيث تسودهما روح المداعبة والتعاون في الصيد. واذا ما تم الامساك بأحد الزوجين من قبل عدو فان الآخر يهرب مسرعا من مخبئة ويعيش تائها ملاحقا .
العادات تتصل الثعالب ببعضها عن طريق الدمدمة والعواء وكذلك تقوم بعمل محطات للرائحة عن طريق التبول عند نقاط متعددة، وتنبه محطات الرائحة هذه الثعالب في المنطقة الى وجود ثعلب آخر.
02-10-2010, 02:27 PM
Faisal Elrasheed Faisal Elrasheed
تاريخ التسجيل: 07-02-2008
مجموع المشاركات: 4713
عملته لينا شنو في موضوع البيض... شايفك بتتزاوغ ليك يومين...
يا فيصل ياخ ..والله انت وباقي الجماعة مصرين انو تكعوجو البوست ده ليه انا ما عارف ؟!!..ياخ انا برضو بقول ليك نفس الكلام القلتو ليك يوم داك ..انو الاعتذار من شيم الاقوياء ..فيعني مافي داعي للوساطات والتشفير والرندوك وكدة ..امشي اعتذر دوغري ياخ ..وانا متاكد انو الزول داك وباقي الجماعة حيقبلوا اعتذارك بكل اريحية وطيب خاطر ..فيا حبوب الموضوع ما بيستاهل اللفة الطويلة دي كلها ..اضافة الى انو اخوك تعب من قصة الوساطات وانو كلو مرة يمشي يعتذر بالنيابة عن واحد فيكم ..
02-10-2010, 02:51 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: يا ابو علوة ياخ الله يهديك مشاكلكم انت والخال امين حلوها بعيد من البوست ده ...ياخ انا اعيد واكرر انو الهدف من الموضوع ده العلم والمعرفة ..يعني كونو تجي انت تتهم امين انو من الثعالب وما عارف شنو ..عشان عندك معاهو ضغينة ومشاكل قديمة ..ويجي هو كمان يتهمك بانك ضبع ..والقصة تجوط والبوست يتكعوج زي الماحاصل شي ...الموضوع ده انا ما برضاه والله ...وفي الاول وفي الاخر انتو الاتنين ناس اخوان وعيب تفرجوا خلق الله عليكم ..ارجو ان يلقى رجائي استجابة من (كليكما ).
قرقرقرقرقرقرقرقرقر
خلاص داير تزوغ من الموضوع يا البدرى وتوكرنى انا ياخ انا امين ياسمين دا حبيبى عديل كدا والبيناتنا عامره
المشكله عندك يا البدرى شفت ( إنا لله ) الختاها ليك ومشى دى دى ما ياها البيضه زاتا ولادة المحن بتجيك بعدين , لمن يفضى ويجيك راجع
انا بى دورى بخلى البوست دا فووق طوالى عشان نشوف ثعلبة امين دى كيف كمان
02-10-2010, 02:59 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: والله يا علي نفس الشعور .. ما شفتني لبدت كيف طوالي من قريتها ..
يآخ امين دا صعب جداً وقت يقوم يزعل ويتنفخ خاصة ولو على زول وصفه بالثعلب..
حتى انت يا ود الزين ..والله انتو عالم بطنكم غريقة خلاص !!! يعني مشكلتك الزمان مع الخال لسة ما نسيتها ..ياخ في كلام بتقال في ساعة غضب والزول بيكون ما قاصد ..ياخ عليك الله انعل الشيطان انت برضو وما تقعد تحرش لينا ابو علوة ده ..يعني كونو ابو علوة يتكلم عن ثعلبة الخال فاكيد الشيطان وسوس ليه بحكم خلافاتم الزمان ..الراجل هسي بيراجع في نفسو ..ما تجي انت تولع النيران ياخ !!
02-10-2010, 03:11 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
يا ابو علوة شايفك لسة مصر انك تصفي حساباتك القديمة مع امين في البوست ده !!!!..ياخ والله امين ده راجل طيب وحقاني واخو اخوان (وانت برضو كمان) ...انت بس فاهمو غلط ...كدي انت خت الكورة واطة والامور كلها بتمشي تمام ..مافي مشكلة ما عندها حل في الدنيا دي .. كدي الله يهديكم انعلوا الشيطان واتصالحوا ..ياخ الدنيا دي اخرة كوم تراب ..
02-10-2010, 04:06 PM
بشري الطيب بشري الطيب
تاريخ التسجيل: 11-29-2004
مجموع المشاركات: 1157
البدري سلامات .... يحكي في البركلين وما جاورهما أن أحدهم جننتو الصبرة بهجومها يومياً على (كفاج الجداد) فشركلها بي الكجامة وقبضا وجاب الزردية قلعلها سنونا وفكاها وقالها بعد ده الجداد ده إلا تسويه شوربة.
02-10-2010, 04:59 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
بشرى يا ابن العم سلامات وشوق كتير والله ..تعرف اخوك كايس ليك ليهو زمن ..بجيك راجع بي رواقة ان شاء الله ..
Quote: يحكي في البركلين وما جاورهما أن أحدهم جننتو الصبرة بهجومها يومياً على (كفاج الجداد) فشركلها بي الكجامة وقبضا وجاب الزردية قلعلها سنونا وفكاها وقالها بعد ده الجداد ده إلا تسويه شوربة
تعرف يا بشرى والله هنا في كترة صبار الله يلمني فيهن ..حلف بالله قليع السنون ما يفش بطني ابدا ..اخوك عندو افكار جهنمية...بس كدي خلي الكجامة تقبض ..
02-10-2010, 05:20 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: شكراً يا على محمد علي بشير وإنت تقحم نفسك في خط لمحاولة تلطيف الاجواء حتي لا تولع حرب بين الاخوان ديل
شكرا اخوى حيدر على الشعور الطيب والنبيل دا تجاهنا واخجلت تواضعنا .. وربنا يقدرنا نلطف الاجواء بين الاخوان
لكن يا حيدر اخوى البدرى دا ما قاعد يساعدنى فى تلطيف الاجواء تتخيل بعد تعبى دا كلو جيت داخل البوست تانى تتخيل لقيتو مهبب شنو
اها عليك الله يا حيدر اقرا كلامه الموجهه للخال امين ياسمين واحكم انتا براك بس
Quote: تعرف يا بشرى والله هنا في كترة صبار الله يلمني فيهن ..حلف بالله قليع السنون ما يفش بطني ابدا ..اخوك عندو افكار جهنمية...بس كدي خلي الكجامة تقبض ..
اتخيل انتا بس يا حيدر البدرى جايب ليهو كجامه ومشرك للخال امين وحالف بى الله الا يقلع ليهو سنونو اها يعنى امين دا تانى العجور الا يخلطوهو ليهو والا كيف
مشاكل غايتو ..
02-10-2010, 06:43 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
شكرا اخوى حيدر على الشعور الطيب والنبيل دا تجاهنا واخجلت تواضعنا .. وربنا يقدرنا نلطف الاجواء بين الاخوان
لكن يا حيدر اخوى البدرى دا ما قاعد يساعدنى فى تلطيف الاجواء تتخيل بعد تعبى دا كلو جيت داخل البوست تانى تتخيل لقيتو مهبب شنو
اها عليك الله يا حيدر اقرا كلامه الموجهه للخال امين ياسمين واحكم انتا براك بس
Quote: تعرف يا بشرى والله هنا في كترة صبار الله يلمني فيهن ..حلف بالله قليع السنون ما يفش بطني ابدا ..اخوك عندو افكار جهنمية...بس كدي خلي الكجامة تقبض ..
اتخيل انتا بس يا حيدر البدرى جايب ليهو كجامه ومشرك للخال امين وحالف بى الله الا يقلع ليهو سنونو اها يعنى امين دا تانى العجور الا يخلطوهو ليهو والا كيف
مشاكل غايتو .
إنا لله وإنا اليه راجعون... البدري والله بالغ وزودها حبتين .. نعم الاتنين اصحابي وبقدرهم بس يا البدري كمان مافي داعي لفجور في الخصومة كدة والترصد والتربص بخصومك في اي زقاق.. سبحان الله غايتو يا علي محمد علي نسأل الله الهداية لاخونا بدري ويخلي حتة انه يقعد يترصد لامين ياسمين ويشتغل معاهو شغل الكديسة مع الفار في البحر او شغل الكايسك في الضلمة يحدر .. لكن من هنا ومن وسط متن بوست الثعالب بدعو لإدانة شاملة لاخونا بدري في التصريح دا خاصة وإنو جاي خاشي البوست دا وخاتي ليهو كجامة داسيها وراء ضهروا عاوز يقلع سنون امين الياسمين .... كدي يا علي اتخيل امين رجع السودان اجازة وقابلو وهبة وعزمو قندهار والبدري قلع سنونو بالكجامة ..!!اها يكد العضام ( كما سبق ) بسنون منو؟! .. قول العوض المسلمي قال يلاكا جبل اولياء نضرب سمك .. شوك السمك ينضفوا كيف.. يعملو ليهو العزومات كلها في حليوة يعني ويشرب قهوة وشاي ويتخارج !!! .. يا البدري يآخ انت كددة بتطفش ابناء الوطن من سبل العودة الطوعية لهم لحظيرة الوطن بطريقتك دي... سبحان الله .. ارجو جاد من جميع الاخوة اللذين تهمهم صفاء العلاقات بين البورداب ومن الحادبين على حقوق الانسان ومن اصدقاء البيئة إجبار البدري على إلقاء كجماته ارضاً بمواجهة امين محمد سليمان ولنجعل المواجهة يداً بمخلب فقط...
ــــــــــــــــ يا علي والله يوم شكرك ما يجي ومشكور نبهتنا مرة اخري للمخطط الشيطاني الذي يتبعه البدري لشج راس وسنون امين سليمان وبذا وجب التحذير ..
دمت مع محبتي
02-10-2010, 06:48 PM
بشري الطيب بشري الطيب
تاريخ التسجيل: 11-29-2004
مجموع المشاركات: 1157
Quote: بشرى يا ابن العم سلامات وشوق كتير والله ..تعرف اخوك كايس ليك ليهو زمن ..بجيك راجع بي رواقة ان شاء الله ..
ود عمي كيفنك والشوق من هنا لي عندك ... وحبابك ألف في أي وقت وإنت ما الزول اليكوس أدنا خبر وتلقانا حضور.
Quote: تعرف يا بشرى والله هنا في كترة صبار الله يلمني فيهن ..حلف بالله قليع السنون ما يفش بطني ابدا ..اخوك عندو افكار جهنمية...بس كدي خلي الكجامة تقبض ..
طبعاً معروف إنو الصُبار في البرد حركتها بتزيد لذا يجب الإحتراز بي الكجامة ودي لازم تغيير محلها كل يوم وإن ما قبضت لازم تصحى الصباح بدري (تهبّرا) عشان ما تعوق لها زول ساكت... وإن بقيت داير تفش بطنك شوفلك مُسلي وخيطلها خشما بي خيط الرمل حق السنارة عشان إن بقى دايرة تفتح خشما إلا تشوفلها نقلتي.
كن بخير
02-10-2010, 07:04 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
أخانا حيدر الزين سلاماتنا وأشواقنا يارجل.. الكجامة ياها الشرك ويصنعها الحدادين من الياي عادة وهي حسب معجمك تعادل "الفرنيب" أما الشئ الجاب سيرة السنون والزردية فهو القصة هذه:
Quote: يحكي في البركلين وما جاورهما أن أحدهم جننتو الصبرة بهجومها يومياً على (كفاج الجداد) فشركلها بي الكجامة وقبضا وجاب الزردية قلعلها سنونا وفكاها وقالها بعد ده الجداد ده إلا تسويه شوربة.
كن بخير...
أخانا البدري ... يحكى أيضاً أن مصطفى البدوي (رحمه الله) قبض صبرة بكجامته ولكن كعادتها أطلقت الروائح النتة وإنتفخ جسمها فظنها ميتة ففكها من الكجامة فإنطلقت جرياً وهي تصيح صياحها المألوف طااااااااااطاااااااااا فقال لها انتي مرقتي لكن خربتي علي أخواتك وفي المرة القادمة ما كان منه إلا أن كسر كرعيها الأربعة وتركها.
02-10-2010, 07:40 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
Quote: يحكى أيضاً أن مصطفى البدوي (رحمه الله) قبض صبرة بكجامته ولكن كعادتها أطلقت الروائح النتة وإنتفخ جسمها فظنها ميتة ففكها من الكجامة فإنطلقت جرياً وهي تصيح صياحها المألوف طااااااااااطاااااااااا فقال لها انتي مرقتي لكن خربتي علي أخواتك وفي المرة القادمة ما كان منه إلا أن كسر كرعيها الأربعة وتركها
02-10-2010, 09:09 PM
waleed dawash waleed dawash
تاريخ التسجيل: 06-04-2007
مجموع المشاركات: 1541
Quote: والله مافي زول عايز تضامن غير سيد البوست ده !! قاعد مبسوووووط ، ما عارف حاجه ساي !!!
ده شنو كمان ده يا خال ؟!!! انت نسيت مشاكلك مع الجماعة وقبلت علي ولا شنو ؟ وانا المسكين اشيل واحامي ليك ..لكن برضو عشمي فيك ما كمل ..كدي روق المنقة شوية ..وانظر لي اللوحة من منظور استاطيقي واكيد حتعرف تقراها صاااح...
02-10-2010, 11:48 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
البدري عندنا واحد متفلهم من قرايبنا، جاء من السعودية، وقال داير يعمل ليهو مزرعة بتاعت دواجن، يا زول جاب ليك الحديد والإسمنت والنملية التقيلة، مساحة بتاعت 50 متر في 5 أمتار، وملاها ليك جداد، لو بني آدم داير يسرق، لازم يجيب ليهو عدة عشان يقطع بيها الحديد والنملية، يا زول بعد كم شهر كده جات صبرة، تفتيحة أكتر من سيد الجداد، أظنها جاية من أوروبا، فحفرت ليك نفق مسافة متر، وجات داخلة للجداد بي مترو الأنفاق، صاحبك، لما جاء الصباح يلم البيض، لقى ليك الجداد كلو مفنقل، إفتكروا نائم، شويتين كده عرف الجداد أصابو مكروه، لكن دخل ليهو بي وين، ما عرف، يا زول الناس إتلمّت فيهو كفارة كفاره، واحد شليق لفّ بي ضهر القفص، أكان يلقى ليك النفق، ثمّ أردف: لكن والله دي صبرة شاطرة شطارة..
02-11-2010, 07:13 AM
Faisal Elrasheed Faisal Elrasheed
تاريخ التسجيل: 07-02-2008
مجموع المشاركات: 4713
نعم اخي ياسر .. اتمني ان يعي البدري هذا الدرس كما كبسور من قبله .. واتمني ان يترجم هذه العظه الي اعتذار يحقن به الدماء ..
كما ارجو من الاخ امين ياسمين بصفته احد اجاويد البورد بالتدخل السريع لمنع البدري من ايراد اسماء (حميده ووهبه وتمبس وحيدر الزين) فهؤلاء لم يعتدو عليك يا البدري ولم يتداخلو معك وارجو ان يكون بينكم الاحترام فقط.. اخي البدري ..لا اريد ذكر ما دار بيننا في المسنجر اذ ان شغلانية المديده لا تصلح هنا .. ارجوك يا اخ امين ان تتدخل حتي لا يتحول البورد الي ساحة حرب .. خصوصا وانه كان قد شار الي اتصال بينكم وتعليقات صدرت منك لا ارضاها في حق هؤلاء الاخوه .. فعيب عليك وانت الخال والكبير هنا ان تقوم بمثل هذه الالاعيب ومحاولة دس السم في البتاع .. ارجو من الاخوة الذين تم ذكر اسماؤهم ان يتحلو بضبط النفس حتي يتمكن الاخ البدري من الاعتذار وكده .. اي نعم هو انسان شليق لكن اهو الحصل حصل .. ما قاله البدري من اهانة في حقكم لا يغير نظرتنا واحترامنا لكم ابدا .. ارجو ان تسامحوه واعتبروه ود سغيروني وما عنده خبره في الحته دي.. اما اذا تعنت وابي الاعتذار فليكم اللحم والعضم امين .. الموضوع د امانة في رقبتك .. لو حسيت انه بدا يتدلدل من رقبتك حاول شوف ليك صباع امير يا حبل تيل .. والله لا يضيع اجر من احسن عملا..
02-11-2010, 07:48 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: با لله عليك يا فيصل , اخونا البدرى عمل الحاجات دى كلها غايتو البدرى دا ما فضل ليهو الا يشرب السجاير
اااييه يا علي ..السواهو البدري ما سبقو عليه زول .. نقول شنو ونخلي شنو ... غايتو ربنا يهديه ويوفق خالك امين لاثناءه عن ما ينوي ... البدري ده احتمال يجيبه ضقله يكركب ..حينها لن يكفيه ماء الدنيا كلها ...
امين ياخ ما تتصرف سرعة قبل الموضوع يكبر .. انا حيدر ووهبه ديل ما بضمنهم ليك اكتر من كده ..
ـــــ
02-11-2010, 08:00 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: كما ارجو من الاخ امين ياسمين بصفته احد اجاويد البورد بالتدخل السريع لمنع البدري من ايراد اسماء (حميده ووهبه وتمبس وحيدر الزين) فهؤلاء لم يعتدو عليك يا البدري ولم يتداخلو معك وارجو ان يكون بينكم الاحترام فقط.. اخي البدري ..لا اريد ذكر ما دار بيننا في المسنجر اذ ان شغلانية المديده لا تصلح هنا .. ارجوك يا اخ امين ان تتدخل حتي لا يتحول البورد الي ساحة حرب .. خصوصا وانه كان قد شار الي اتصال بينكم وتعليقات صدرت منك لا ارضاها في حق هؤلاء الاخوه .. فعيب عليك وانت الخال والكبير هنا ان تقوم بمثل هذه الالاعيب ومحاولة دس السم في البتاع .. ارجو من الاخوة الذين تم ذكر اسماؤهم ان يتحلو بضبط النفس حتي يتمكن الاخ البدري من الاعتذار وكده .. اي نعم هو انسان شليق لكن اهو الحصل حصل .. ما قاله البدري من اهانة في حقكم لا يغير نظرتنا واحترامنا لكم ابدا .. ارجو ان تسامحوه واعتبروه ود سغيروني وما عنده خبره في الحته دي.. اما اذا تعنت وابي الاعتذار فليكم اللحم والعضم امين .. الموضوع د امانة في رقبتك .. لو حسيت انه بدا يتدلدل من رقبتك حاول شوف ليك صباع امير يا حبل تيل .. والله لا يضيع اجر من احسن عملا..
البدري طغي و تجبر و كان من العاليين ، لكن إن شاء الواحد الأحد بكره بعد بكره بنزلو !!! يا فيصل الزول ده بكري المستضيفو و مدي باسويرد ما احترمو ، و الماسنجرات قااااعده و كلامو فيها وااااضح و فااااضح و كلو بوقتو !
------ إنت يا البدري فصاحتك الفي الماسنجرات دي ، مالك ما بتعملها هنا ؟!!
02-11-2010, 08:07 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: يا فيصل الزول ده بكري المستضيفو و مدي باسويرد ما احترمو ، و الماسنجرات قااااعده و كلامو فيها وااااضح و فااااضح و كلو بوقتو !
تصدق و تامن بالله يا فيصل ، البدري مرسل لي أول امبارح ماسنجر قال لي إنت بكري بالقروش الكتيره البيعملها من الإعلانات دي ما يمشي يزرع شعرو في كوبا !! بالله ده الفاظ ده ؟!!!
------ بكري راجل حبوب و ما بزعل ، لكن كلامو في بشاشا أنا زعلني !
02-11-2010, 08:12 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: تصدق و تامن بالله يا فيصل ، البدري مرسل لي أول امبارح ماسنجر قال لي إنت بكري بالقروش الكتيره البيعملها من الإعلانات دي ما يمشي يزرع شعرو في كوبا !! بالله ده الفاظ ده ؟!!!
كاااااااااااااااااااااك
والله لكن البدرى بيبالغ موبالغات عجيبه جدا يا امين بالله لى بكرى سيد الحوس وصل ليهو
بس بالجمبه كدا يا امين البدرى صنف بكرى شنو ؟
ضبع ام ثعلب ام اقطبوط ؟
02-11-2010, 08:15 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
لا لا لا لا كدة تاني زول بيقدر يقيف معاهو مافي .. أمين وفيصل الرشيد وطيفور هينين
لكن ابصلعة دا كعب عديييل كدة
هو البدري عندو كبير؟! البدري يا الطريفي ما خاف الله في الناس : الله يكسر وهبه حته حته لو نزلت ليك كلامو عنك في الماسنجر ذاكرتك ترجع في التو و اللحظه !!
02-11-2010, 08:27 AM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
والله البوست ده بقى زي دول ال LDCs او الدول الاقل نموا ..الرئيس يقول يمشي ياخد ليه نومة يجي يلقى مية محاولة بتاعة انقلاب في غضون سويعات ..(الواحد تاني ما يمشي ينوم ولا شنو ؟ ) ..
02-11-2010, 09:08 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: تصدق و تامن بالله يا فيصل ، البدري مرسل لي أول امبارح ماسنجر قال لي إنت بكري بالقروش الكتيره البيعملها من الإعلانات دي ما يمشي يزرع شعرو في كوبا !! بالله ده الفاظ ده ؟!!!
للتوثيق .. يجب عليك ان تعتذر للباشمهندس قبل ما يشوف الكلام دا ويوديك الرج
Quote: تصدق و تامن بالله يا فيصل ، البدري مرسل لي أول امبارح ماسنجر قال لي إنت بكري بالقروش الكتيره البيعملها من الإعلانات دي ما يمشي يزرع شعرو في كوبا !!
دي بي كم كرت يا خال ؟
02-23-2010, 07:45 AM
Faisal Elrasheed Faisal Elrasheed
تاريخ التسجيل: 07-02-2008
مجموع المشاركات: 4713
Quote: عندنا واحد متفلهم من قرايبنا، جاء من السعودية، وقال داير يعمل ليهو مزرعة بتاعت دواجن، يا زول جاب ليك الحديد والإسمنت والنملية التقيلة، مساحة بتاعت 50 متر في 5 أمتار، وملاها ليك جداد، لو بني آدم داير يسرق، لازم يجيب ليهو عدة عشان يقطع بيها الحديد والنملية، يا زول بعد كم شهر كده جات صبرة، تفتيحة أكتر من سيد الجداد، أظنها جاية من أوروبا، فحفرت ليك نفق مسافة متر، وجات داخلة للجداد بي مترو الأنفاق، صاحبك، لما جاء الصباح يلم البيض، لقى ليك الجداد كلو مفنقل، إفتكروا نائم، شويتين كده عرف الجداد أصابو مكروه، لكن دخل ليهو بي وين، ما عرف، يا زول الناس إتلمّت فيهو كفارة كفاره، واحد شليق لفّ بي ضهر القفص، أكان يلقى ليك النفق، ثمّ أردف: لكن والله دي صبرة شاطرة شطارة..
تعرف يا ود طيفور الثعالب والصبار الحايمة في المنبر تمتلك تكتيكات تتقاصر امامها صبرة قريبك المفتحة ..ياخ اول مرة اشوف لي صبار عندها برشوت ..عليك الله شفت جنس المحن دي ..؟
02-11-2010, 10:01 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
اتمني من الاخ البدري كتابة اعتذار وافي للذين اساء في حقهم .. وليعلم ان الاعتذار من شيم الشرفاء .. ومافيها حاجه ..غدا ستفقد باسوردك وتبقي سيرتك هنا بيننا ...فانصحك بأن تجعل سيرتك موضوع خير .. قذفك لاخوانك هنا وزملائك في المنبر بأسوأ الاهانات لا يزيدك الا عزلة ويجعل الناس ينتظرون يوم (تشتيتك).. اخي البدري .. كلنا خطاؤن وخير الخطاؤن التوابون .. فأجعل هذا شعارك للمرحلة القادمة ..وحاول ان تتصالح مع نفسك .. هذه النصيحة اهديهالك وانت الذي طلبت مني ان اقول لحيدر الزين ان يتصالح مع نفسه ولا ادري ماذا فعل ولكني اظنك مخطئ يا اخي ... اما ما قلته في حق الاخ امين فهو لم يغضب ولم يزعل منك ..وفد صارحني بأنه لم ولم يؤاخذك لمعرفته بنواياك .. ولكن ماذا عسانا نقول عنك لندافع عنك امام من اتهمتهم زورا وبهاتانا .. نقول شنو للاسد العجوز ونقول شنو لوهبه وحميضه ...بل نقول شنو لتمبس الذي طوال عمره ما جاب سيرتك لا بي كعب ولا بطال .. ياخ انت بعد شوية احتمال ترسل لي ماسنجر تضحك فيه علي انوركنج كمان ..والله يا هو الفضل .. مع العلم انني لازلت احتفظ لك باميلك الذي قلت فيه ان انور كنج وموضوعه بتاع تيد ده عبارة فرقعه اعلامية وانه لا يسوي ما كتب به ... يا أخي ارجوك ابعدني عن هذا الهمز واللمز وتذكر ان الله يراك ويسمعك .. فما تعمل من خير تجده وما تعمل من شر تجده عند الله .. خاف الله يا البدري وتذكر يوم الحساب الاكبر ..اي نعم انت تعيش في بلجيكا وامين يعيش في البحرين لكن لا اري ان تدخل شخص يعيش في كوريا في صراعك هذا.. ارجوك اخي البدري ..انت لا تعلم كما نحن الي متي تعيش ومتي تموت ..فأعمل لاخرتك كأنك تموت غدا ...
اخي البدري خذ العبرة من هذه القصة : لا اله الا الله رب السموات السبع ورب العرش العظيم
أحد السلف كان أقرع الرأس أبرص البدن أعمى العينين مشلول القدمين واليدين وكان يقول: "الحمد لله الذي عافاني مما ابتلى به كثيراً ممن خلق، وفضلني تفضيلاً". فمر به رجل فقال له: مما عافاك؟ أعمى وأبرص وأقرع ومشلول فمما عافاك؟ فقال: ويحك يا رجل؛ جعل لي لساناً ذاكراً، وقلباً شاكراً، وبدناً على البلاء صابراً، اللهم ما أصبح بي من نعمه أو بأحد من خلقك فمنك وحدك لا شريك لك، فلك الحمد ولك الشكـر. قال تعالى: {وَمَن يَعْشُ عَن ذِكْرِ اْلرَّحْمَنِ نُقَيِّضْ لَهُ شَيْطَاناً فَهُوَ لًهُ قَرِينٌ} الزخرف 36.
قال رسول الله صلى الله عليه وآله وسلم: ((عشرة تمنع عشرة))
سورة الفاتحة ..... تمنع غضب الله
سورة يس ..... تمنع عطش يوم القيامة
سورة الواقعة ..... تمنع الفقر
سورة الدخان ..... تمنع أهوال يوم القيامة
سورة الملك ..... تمنع عذاب القبر
سورة الكوثر ..... تمنع الخصومة
سورة الكافرون ..... تمنع الكفر عند الموت
سورة الإخلاص ..... تمنع النفاق
سورة الفلق تمنع ..... الحسد
سورة الناس ..... تمنع الوسواس
ساعة أو ساعتين في اليوم ماهي كثير و اذا كنت مشغول في العمل تقدر تطبعها و تاخذها معاك و تقراها أي وقت
فأعلم اخي انك بعملك وطريقتك هذه سوف تفتح ابواب لن تستطيع علي اقفالها مرة اخري ... الا تعلم ان العقاب الهرم رجل مشغول بقضايا وطنية وليس لديه الوقت لمهاتراتك ..فتقوم تفتح معاي باب للقطيعة كمان في شخص يحترمه الجميع ... ثم ما دخل تراجي في هذا الموضوع ؟؟ تراجي تلك الاخت الكريمة والتي ان اختلفنا معها سياسيا فهذا لمصلحة الوطن ولكن ان يصل بك الحد لدرجه ان تقول فيها ما قلت .. والله لا نقبلها منك يا البدري...حتي وان رفعت علم دولة اسرائيل صديقتها البدري استغفر ربك وعد الي رشدك .. سأعود لك بعد ان افرغ من بعض مشاغل الدنيا الزائلة عسي ربي ان يهديك السبيل .. الاخ امين ..ارجو ان تقوم بدعمه ببعض كتب السلف الصالح ..
ــــــــــ
02-11-2010, 10:39 AM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
Quote: وينوا الموضوع العلمى ؟؟؟؟؟؟؟؟ دا بقا موضوع معلمين يااخوى
علمي شنو يا ابو السارة ؟ ياخ البوست ده لم ليك فيه القطيع قرب يلحقوا امات طه ...لكن اخوك هسي في مرحلة ما بعد الكجامة والشرك (بفتح الشين) ..يعني معظم الوحوش تم القبض عليها تقريبا الا القليل منها والذي تمكن من الفرار ...وان شاء الله ننتهي ليك من باقي القطيع ده ومن ثم نلتفت للمسائل العلمية ..
02-11-2010, 02:25 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
تسمعوا كلامى ولو ما انكم اخوان وحبايب وبيهمنى امركم ما نصحتكم.
اسع بدل الخلعه دى والمتاوقه ما اخير منها الاستسلام للبدرى
تانى بالله ما ترسلوا لى ماسنجرات للوساطه....... الزول دا كلامه واضح اعتذار وبس ويا دار ما جاك شر
قلبى معاكم فى محنتكم.
والله يا ريس الجماعة ديل كلمتهم زي الف مرة انو امرهم بقى مكشوف للغاشي والماشي ..لكن تقول شنو ؟ علي كيفم بعدين بيرجعوا ويقولوا ياريتنا لو سمعنا النصيحة ...عموما اتمنى انو يسمعوا كلامك بصفتك زول محايد وكدة ..وما عندك اي علاقة بالموضوع عدا المصلحة العامة ..ربنا يديم المعروف ويكتر من امثالك ..
02-11-2010, 02:47 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
التحايا للريس بكري ابو بكر وهو يثبت حنكته الإدارية وطول باله
أرسل لي الريس بكري ماسنجر يقول فيه :
Quote: الأخ حيدر الزين ..
لك التحية والتجلة والتقديــر لما تبذله من مجهود لتقريب وجهات النظر أنت والاخ العزيز امين محمد سليمان خال حمور زيادة
يا حيدر يا عزيزي ..
تابعت بل انتباه ويقظة ما يحاول ان يفعله البدري عبد الله من زرع بذور الفتنة بالبورد وبث الكراهية والبغضاء بين اعضائه وذلك مرة بتصنيفهم كضباع ومرة اخري بتصنيفهم ثعالب ورابعة ببهتاني باني امتلك صلعة ... ويعلم الله يا حيدر انا شعري نازل لغاية الجبهة شاشي كابور بس لكن ماذا نقول في المغرضين من امثال البدري عبد الله وانا لو احتجت لزراعة شعر ( في حال امتلاكي صلعة رغم شعري العامل قُصة في الجبهة ) لكن لن استخدم قروش الاعلانات ويكفيني بوست فقط افتحه نداء واجب للبورداب ..
يا حيدر اخي وصديقي العزيز - الذي يمكن ان اشاوره قبل مجازفة اي باسوورد لأي بوردابي ولو كان وهبة - يا حيدر رجاءاً كلم بدري عبد الله دا اني والله ما مستحمل باسوورده الا مراعاة لمن توسط له لكي يناله .. كما إن الاخ امين - جزاه الله خيراً - كلمني سابقاً انه سيحاول ان يردع البدري تجاه استخدام كلمات حادة كهذه تجاه الإدارة وانا انظر بعين العطف والرحمة لمبادرات امين لكن إذا استمر البدري في غيه لا تلوموني ..
ولك المودة يا حيدر صديقي العزيز وبلغ كل تحياتي للقريبين منك وبيقدروك وما يقولوا ليك يا ضبع :
مخلصك بكري ابو بكر ..
ملحوظة :-
بالله يا حيدر كلم فيصل الشيد دا .. يآخ انا شاميهو ومكجنه لله في الله .. ولو ما توسطت انت ووهبة باسوورده دا كان يشمو قدحة .. فبالله كلمو تاني ما يقعد يشبك الناس الادارة وبكري .. وقول ليهو بكري ماعاوزك نهائي لكنك زول متسلق وصاحبت قامات زي وهبة وحيدر الزين :) قاتلك الله ..
02-11-2010, 02:55 PM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
بالله يا حيدر كلم فيصل الرشيد دا .. يآخ انا شاميهو ومكجنه لله في الله .. ولو ما توسطت انت ووهبة باسوورده دا كان يشمو قدحة .. فبالله كلمو تاني ما يقعد يشبك الناس الادارة وبكري .. وقول ليهو بكري ماعاوزك نهائي لكنك زول متسلق وصاحبت قامات زي وهبة وحيدر الزين :) قاتلك الله .
اها يا فيصل الرشيد( صم وخم) ...انا كلمتك زماااااااااان لكن انت ابيت تسمع نصيحتي..
02-11-2010, 02:45 PM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
البدري عبد الله
Faisal Elrasheed
HAIDER ALZAIN
خالد عبد الله محمود
mayada kamal
داليا حافظ
على محمد على بشير
Yassir Tayfour
ممدوح أبارو
حمزه بابكر الكوبي
أمين محمد سليمان
مرتضى احمد عبد القادر
بشري الطيب
waleed dawash
معاوية عوض الكريم
Sidgi mattar
فيس بوك
تويتر
انستقرام
يوتيوب
بنتيريست