|
|
|
 Re: نصيحة رجل لإمرأة (Re: HAYDER GASIM)
|
الاخ المحترم حيدر قاسم....
طبعا دي بالظبط طريقة تفكير الرجال هههههههههه
يخلوا المشكلة الاساسية ويمسكوا في حاجة فرعية..وفي رايهم العربية بتكون اهم!
هسه كان عملت استفتاء تلات ارباع الرجال ديل بيكونوا شايفين صاحبك دا حريف
واحتمال يكونوا حاسدنوا ومن ضمنهم بيكون الكاتب بتاع العمود ولسان حالهم
(اقبض قبيضك واحمد سيدك):)
| |
 
|
|
|
|
|
|
|
|
Re: نصيحة رجل لإمرأة (Re: رشا سالم)
|
محاولة للترجمة
الرسالة:
عزيزي ... جون
أرجو أن تساعدني, فذات يوم خرجت للعمل وتركت زوجي في المنزل وكان يشاهد التلفزيون.
في الطريق توقفت عربتي بعد سيرها لميل واحد, فإضطررت للعودة إلى المنزل طلبا لعون
زوجي. ولما وصلت لم أصدق ما رأته عيناي, فقد كان زوجي في غرفة النوم يضاجع بنت
الجيران! فأنا أبلغ من العمر 32 عاما وزوجي 34 عاما, بينما بنت الجيران تبلغ من العمر
19 سنة, وعمر زواجنا عشر سنوات. واجهت زوجي وإعترف بأنه مارس الجنس مع بنت
الجيران خلال الستة أشهر الماضية, وأنه لا يتعزم الجلوس للإستشارة . فأنا خائفة ومنهارة
وأحتاج لنصيحة عاجلة. فهل في إمكانك مساعدتي؟
مخلصتك, شيلي
الرد
عزيزتي ... شيلي
توقف العربة بعد مسافة صغيرة من السير, يمكن أن يعود لعد أسباب متعلقة بالماكينة, فأبدئي
بإختبار خط الوقود وتأكدي من عدم وجود نز فيه, فإن كان سليما فأختبري أنابيب الهواء
وخراطيش السحب في المانيفولد. كذلك راجعي الأسلاك الأرضية, وإذا لم تحل كل هذه
المحاولات المشكلة, فربما تكون مضخة الوقود متعطبة, الأمر الذي يقلل الضغط الواصل
لموزعات الوقود. أتمنى أن هذا يساعد.
جون
| |
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
الاخ المحترم حيدر قاسم
Quote: بطبيعة الموضوع, فمن الأفضل أن نلجه
من باب الفكاهة, وأعتقد أن هذا هو
المطلوب... أو هذا ما إفتهمته.
|
ودا برضو الانا فهمتو ..عشان كدا لو قريت ملاحظتي حتلقاها في نفس
السياق
Quote: الاخ المحترم حيدر قاسم....
طبعا دي بالظبط طريقة تفكير الرجال هههههههههه
يخلوا المشكلة الاساسية ويمسكوا في حاجة فرعية..وفي رايهم العربية بتكون اهم!
هسه كان عملت استفتاء تلات ارباع الرجال ديل بيكونوا شايفين صاحبك دا حريف
واحتمال يكونوا حاسدنوا ومن ضمنهم بيكون الكاتب بتاع العمود ولسان حالهم
(اقبض قبيضك واحمد سيدك):) |
| |
|
|
|
|
|
|
|
|
|
Re: نصيحة رجل لإمرأة (Re: رشا سالم)
|
الزول دا أداها نصيحه في محلها appropriate advice عساها تستبين النصح إن هي قرأت ما بين السطور
ليس بالضرورة على المستوى الحسي.
ودقاسم سلامات ياخ،
| |
|
|
|
|
|
|
|
|
|
Re: نصيحة رجل لإمرأة (Re: Egbal Elmardi)
|
حيدر ازيك
الحمد لله الذى جعلنا "عزابة "
واخرجنا من دوامات النصائح
لكين نصيحة فى "السلك "
تنفع جدا
ونسى يقول ليها
لازم من تغيير الزيت "
كل كم ميل كدا
نصيحة وجيهة خالس
| |
|
|
|
|
|
|
|
|
|
Re: نصيحة رجل لإمرأة (Re: سلمى الشيخ سلامة)
|
Quote: الزول دا أداها نصيحه في محلها appropriate advice عساها تستبين النصح إن هي قرأت ما بين السطور
ليس بالضرورة على المستوى الحسي.
ودقاسم سلامات ياخ، |
عزيزي ... محمد المرتضى حامد ... تسلم,
كويس ياخ مريت علينا, فهل تعلم كم نشتاقك؟
قلت لي نصيحة في محلها, كلام ... بس بين
السطور ده دايرة حنكة شديدة وخيال مهيل
وربما دوائر لغوية وأخرى قانونية.
... ونتعلم
توقع مني رسالة خاصة.
... وأبقى طيييب
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
Quote: سلامات يا حيدر
وكل الإحترام
عملت زى رشا ...ناقشت الموضوع بعقلانيه..مع إنها النكته واضحه...( بعد نبهتنا ليها...)
وزى ما قال الأخ أمين فى أحد البوستات صاحب الحق أرعن...
حتى النكت بقت تفوت علينا...هههههه
لذا لزم التعديل...
تحياتى وكل الود
إقبال |
إقبال المرضي ... تسلمي,
ياخ ولا إهمك, كلنا بقينا { رعن }
ولما توخذنا إبر الحق ما ظل غائبا.
شايف أخونا محمد المرتضى أدى الموضوع
بعد آخر ... وهو فهيم. بالمناسبة مش
في ناس بقولوا { أديهو في التنك } طيب
ده ما العربية زاتا.
حليل زمن الصبا
... مع وافر تحياتي
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
Quote: حيدر ازيك
الحمد لله الذى جعلنا "عزابة "
واخرجنا من دوامات النصائح
لكين نصيحة فى "السلك "
تنفع جدا
ونسى يقول ليها
لازم من تغيير الزيت "
كل كم ميل كدا
نصيحة وجيهة خالس |
سلمي الشيخ ... تسلمي,
والحمد لله الذي لا يحمد على مكروه سواه.
عندنا واحد صاحبنا في كندا, زوجتو إتعلمت
قيادة السيارة وطلعت رخصة ومااااشة في الدرب.
قام صاحبنا مشى مدينة أخرى لظروف العمل, ولمن
جاء راجع إختبر العربية ولقى ما فيها ولا نقطة
زيت, فإستغرب وتسآءل , فقالت له زوجته... هي
العربية بتشتغل بالزيت ... إخربني.
فالزيت مهم ... عشان ما تتطلع زيوت أخرى
... ولي قدام
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
Quote: شايف أخونا محمد المرتضى أدى الموضوع
بعد آخر ... وهو فهيم. بالمناسبة |
بُعد محمد المرتضى الفِهّيم ده ما بشتغل كان بقى الزوج فلسان...
إلا يكون حنك محامين ساكت....ولا ما كده يا محمد.....
عشان تعمل فيها شاهد ما شافش حاجه لازم تكون فى مصلحه
تحياتى ليكم
إقبال
| |
|
|
|
|
|
|
|
|
|
Re: نصيحة رجل لإمرأة (Re: Egbal Elmardi)
|
أنا في رأيي كان ينصحها بعربية جديدة ..
معقول كل مرة تقوم عربية السجم دي تخسر يعني ؟؟
الحكاية دي فيها تلتلة للزولة دي ياخ .
........
19 يا حيدر ؟؟
لا لا لا .. لازم عربية جديدة ..
قطع شك .
| |
|
|
|
|
|
|
|
|
|
Re: نصيحة رجل لإمرأة (Re: Emad Abdulla)
|
| Quote: بُعد محمد المرتضى الفِهّيم ده ما بشتغل كان بقى الزوج فلسان... |
أمممممك ... الكلام دخل الحوش,
إقبال ... ده شنو ده؟
خلاص ... أرجي الراجيك.
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
Quote: أنا في رأيي كان ينصحها بعربية جديدة ..
معقول كل مرة تقوم عربية السجم دي تخسر يعني ؟؟
الحكاية دي فيها تلتلة للزولة دي ياخ .
........
19 يا حيدر ؟؟
لا لا لا .. لازم عربية جديدة ..
قطع شك . |
عماد عبدالله ... كيفنك يابا,
قبل فترة مشينا الإسبتالية, لنتحمدل
السلامة لي زول عمل عملية قلب,
وكانت زوجته ولفيف من أهله وأصدقائه
حاضرين, وتحت دروخة البنج زولك شبكنا
new life new wife لامن إتعقدنا زاتو.
أها دحين أكان العربية الجديدة بتحل
المشكلة إبقى ما في مشكلة, لكن قلب
جديد ده ما في ليها طريقة.
بعدين ياخ العربية الجديدة بتوصل الشغل,
فيما الأهم بقى ألا تصل الشغل, وترجع سررريع
البيت ... وإلا حانبقى مع موديل 19 وجنس
خرت وخرخرة.
| |
|
|
|
|
|
|
|
|
|
Re: نصيحة رجل لإمرأة (Re: ندى عثمان حسن)
|
| Quote: he is very smart advisor |
كييييف؟
ندى ياخ مرحب بيك بكل مزاج.
وإستبانة النصح لازمة أحيانا,
... بس ما ضحى الغد ... بعدما
الرماد يكيل حماد.
... ولي قدام
| |
|
|
|
|
|
|
|
|
|
Re: نصيحة رجل لإمرأة (Re: ندى عثمان حسن)
|
حيدر سلامات
اتنين من عربنا ناس البادية انقطعوا في السفر ونزلوا عن واحد في حلة على الدرب
بعد ما اكلوا احمدهما شاف حتة كسرة على دقن اخوه وداير انبهو دون علم مضيفهما
فقال له : ود اب عيش يسلم عليك ومسح على دقنه مكان حتة الكسرة في دقن الاخر
فرد عليه صاحبه : الله يسلموا ومسح على دقنه منظفا كل اثارها
ولكي يتأكد اردف قائلا : اها لسع في بكانو داك ولا رحل
فرد عليه صاحبه شاكرا جميل صنعه وسرعة بديهته : رحل الله اسلمو
| |
|
|
|
|
|
|
|
|
|
Re: نصيحة رجل لإمرأة (Re: عبدالله ود البوش)
|
الأخ حيدر تحياتي
لم أجد هذا في النص الأصلي بالإنجليزية
Quote: فقد كان زوجي في غرفة النوم يضاجع بنت
الجيران! |
ولا حتى هذا :
Quote: وإعترف بأنه مارس الجنس مع بنت
الجيران خلال الستة أشهر الماضية |
إنجليزي كندا دا براه ولا شنو ؟
لكن وجدت هذه الترجمة موفقة :
| Quote: فذات يوم خرجت للعمل وتركت زوجي في المنزل وكان يشاهد التلفزيون. |
وأيضا موضوع الــــcounseling لافت للانتباه
بالمناسبة أرهقني البحث عن خيطك الذي يتناول تظاهرة المثليين الشذاذ
____________
شكرا
| |
|
|
|
|
|
|
|
|
|
Re: نصيحة رجل لإمرأة (Re: Mohamed E. Seliaman)
|
Quote: لم أجد هذا في النص الأصلي بالإنجليزية
Quote: فقد كان زوجي في غرفة النوم يضاجع بنت
الجيران! |
Quote: ولا حتى هذا :
وإعترف بأنه مارس الجنس مع بنت
الجيران خلال الستة أشهر الماضية |
|
المفروض يكون في صور !!
وارفاق شهادة ميلاد بنت الجيران (ان امكن ذلك) 
_____
تحياتي ياحيدر قاسم
| |
|
|
|
|
|
|
|
|
|
Re: نصيحة رجل لإمرأة (Re: Mohamed E. Seliaman)
|
| Quote: تقرأ بإضنيك بامتياز |
شوف يامحمد الحسن
انا شايفك اليومين دي بديت ترجع
لحركاتك الزمان شوية شوية| Quote: He was in our bedroom with thr neighbor's daughter |
اها دا الكلام اتنين راجل ومرة
في بدروم واحدة تفتكر بسووا شنو
بيلعبوا استغماية ؟!! ..
ياخ قوم لف كدا عامل لي نضاراتك ديQuote: لو أعملت عقلك عوضا عن أذنيك
لرأيت أن مداخلتك هذه تتفق مع تعليقي ! |
طبعا مستحيل اتفق معاك
هل يستوي الاعمى والبصير
_____
اما سؤالك عن البوست الما لاقيهو
قد تكون قاصد بيهو شي تاني .. فأنت رجل مشهود لك بأنك طعّان
والعياذ بالله
| |
|
|
|
|
|
|
|
|
|
Re: نصيحة رجل لإمرأة (Re: Mohamed E. Seliaman)
|
انتو ما تمرقو النصحية وادوها للبنيه
اسألوها ما مشت المدرسة ليه
وما حفظت درس الـ ...
يا آبنتى ان اردتى آيه حسن وجمالا" يزين جسما" وعقلا
فانبذى عادة التبرج نبذا ... فجمال النفوس اسمى واغلى
يا حليلك يا ود قاسم
مشتاقييين والله
لما اشوف اسمك ببكى واتحسر على بوست الصحافة داااك
| |
|
|
|
|
|
|
|
|
|
Re: نصيحة رجل لإمرأة (Re: Mohamed E. Seliaman)
|
Quote: طيب ما إنت كدا متفق معاي تماما
يعني كاتب النص الإنجليزي وصل المعنى دون أن يذكر
عبارات مثل " يضاجع بنت الجيران" و " مارس الجنس مع بنت الجيران"
الخواجة استطاع أن يصور ما يريده ويعكس الطرافة دون أن يقول مثل ذلك !
وفعلا لا يستوي الاعمى والبصير |
اترفع عن الرد على امثالك !!
__
من أين أتى هذا ؟
| |
|
|
|
|
|
|
|
|
|
Re: نصيحة رجل لإمرأة (Re: عبد الدائم سيد أحمد)
|
Quote: حيدر سلامات
اتنين من عربنا ناس البادية انقطعوا في السفر ونزلوا عن واحد في حلة على الدرب
بعد ما اكلوا احمدهما شاف حتة كسرة على دقن اخوه وداير انبهو دون علم مضيفهما
فقال له : ود اب عيش يسلم عليك ومسح على دقنه مكان حتة الكسرة في دقن الاخر
فرد عليه صاحبه : الله يسلموا ومسح على دقنه منظفا كل اثارها
ولكي يتأكد اردف قائلا : اها لسع في بكانو داك ولا رحل
فرد عليه صاحبه شاكرا جميل صنعه وسرعة بديهته : رحل الله اسلمو |
عبدالله ود البوش ... سلامي يغريك,
مداخلة عميقة ... وإيحاء بمؤونة
عالية مستطردة في نفح هذا البوست
من كل فج.
... وتقبل تقديري
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
Quote: الأخ حيدر تحياتي
لم أجد هذا في النص الأصلي بالإنجليزية
Quote: فقد كان زوجي في غرفة النوم يضاجع بنت
الجيران!
ولا حتى هذا :
Quote: وإعترف بأنه مارس الجنس مع بنت
الجيران خلال الستة أشهر الماضية
إنجليزي كندا دا براه ولا شنو ؟
لكن وجدت هذه الترجمة موفقة :
Quote: فذات يوم خرجت للعمل وتركت زوجي في المنزل وكان يشاهد التلفزيون.
وأيضا موضوع الــــcounseling لافت للانتباه
بالمناسبة أرهقني البحث عن خيطك الذي يتناول تظاهرة المثليين الشذاذ
____________
شكرا |
أخي محمد E سليمان ... طبت,
لو لاحظت فقد قدمت ترجمتي للعربية بكونها { محاولة }
وهذا ما ينبغي وأن يوفر موضوعيا The benefit of doubt
لحسب رأي الفرنجة. ثم أني أحاول أن أشرك كل الناس عبر
التسهيل الترجماني الذي توليت, وهذا كان أهم لي من تحسين
الترجمة, فما أنا بجالس على إمتحان ... بقدرما هو بوست
إخترت أن يكون متساوقا مع المزاج الإجتماعي الأنسوي
الممكن, وبدون قرضمة ولا تعالي ولا لغة عجمى ولا فصحى ولا
يحزنون... .Quote: لم أجد هذا في النص الأصلي بالإنجليزية
Quote: فقد كان زوجي في غرفة النوم يضاجع بنت
الجيران! |
طيب ... الزوج وبت الجيران في غرفة نوم النوم,
وهذا غير منكور عربيا ولا إنجليزيا, الفرق في كلمة
{ مضاجعة } وأعترف أنها لم ترد في النص الإنجليزي,
لكنه تقديري وتحكيمي الذي يعبر عن لسان حال الزوجة
المدهومة, وهي تقول بمقدار وتوحي بآخر, ليكمل المستمع
أو القارئي المشهد... لاحظ أن صدر الموضوع بالإنجليزية
هو الأصل ... وترجمتي نافلة... كنت أعتقدها زيادة خير.Quote: ولا حتى هذا :
Quote: وإعترف بأنه مارس الجنس مع بنت
الجيران خلال الستة أشهر الماضية |
لا بقى هنا حقو تكون أمين مع نفسك والآخرين،
فعبارة: have an affair لها مدلولها الشمال
أمريكي المرتبط بالخلوة والممارسة الجنسية.
| Quote: وأيضا موضوع الــــcounseling لافت للانتباه |
اللافت شنو؟ ... فقط هو إجتهادي ما أخطأت أو أصبت.
ولو عندك الأفضل منه ... فقدمه للناس.
... ولي قدام
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
شكرا على التعقيب
فقط قصدت الإشارة إلى الفرق بين النص الإنجليزي وبين الترجمة
اللافت هو أمر الاستشارة في حد ذاتها !
استشارة كيف يعني !
الأمر إما جريمة وخيانة وإما لا !
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
وهبة... تسلم عزيزي,
ياخ وصلتك فتران ونعسان,
لكني ولا شك أقدرك وأرحب
بك مقيما في هذا البوست
ما سمحت ظروفك... ففي
جنس شرا. بس الحمام
بي وين.
... وقول يا لطيف
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
انا حآخد نصيحته بصورة جاده .... اهم حاجه تصلّح عربيتها لسببين:
1- محتاجه لعربية شغّاله تمام عشان تخم العفش وتمشي تحرد في بيت أهلها... وتطلب الطلاق... وتبهدله في المحاكم.
2- عشان ما تحتاج ليه تاني يصلّحها ليها.. وتعرف تصلّحها براها كان خربت...
الاخ حيدر .. تحية .. وشكرا على الموضوع الدمه خفيف
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
كيفك يا حيدر
الغريبه إنو أنا وبعد العمر دا كلو ولحدي يوم الليله كنت بفتكر العكس - إنو النسوان هم الكدا.
يعني بتاعات تفاصيل و شرحو وتوضيحو - ولا كييييييييييف!؟؟
في مسألة المنطق المعكوس هذه تحضرني قصه حقيقيه لا يمكن أن تكون إلا سودانيه!
زمااااان كنت مره راكب بص أبورجيله الما بغباك داك. ركبت من محطة الغالي وماشين علي الخرتوم. طبعا لوتتذكر الكمساري كان بكتب للناس الباقي في ضهر التذكره. في أثنين بشبهو بعض, يعني لابسين جلاليب نفس اللون وطولهم 5 قدم و 6 بوصه وكده. واحد دفع جنيه (قدر الأسترليني حق الزمن دالك) وواحد دفع ريال (مابتعني راجل ياناس الشهاده العربيه, لكن عشرة قروش). الكمساري كتب ليهم قيمة الباقي في التذكره. لمن جا راجع قام لخبط بينهم, فأدي صاحب الريال - المفروض باقيه يكون 5 قروش - أداه باقي الجنيه - 95 قرش (التذكره كانت بي شلن = 5 قروش).
الزول مسك القروش وسكت, بعد شوية الجوطة قامت. سيد الجنيه الأصلي طبعا إحتج وهاج, قام الكمساري رجع لسيد الريال.
ياخينا إنت دفعت كم, طيب وشلته باقي الجنيه لييه. فكان الرد العبقري, تصور قال للكمساري:
أنا عارف تذكرتكم دي بي كم؟ (يعني إلا تكون بالسالب, هذه القيمه عشان الباقي داك يكون حلالو)
ودمت
زين
| |
|
|
|
|
|
|
|
|
|
Re: نصيحة رجل لإمرأة (Re: Mohamed E. Seliaman)
|
أخى حيدر قاسم..السلام عليكم..
هناك مقولة فى التفاصيل يكمن الشيطان.......فالزول ده ما مر للتفاصيل...
Quote: قبل فترة مشينا الإسبتالية, لنتحمدل
السلامة لي زول عمل عملية قلب,
وكانت زوجته ولفيف من أهله وأصدقائه
حاضرين, وتحت دروخة البنج زولك شبكنا
new life new wife لامن إتعقدنا زاتو. |
إفصاح العقل الباطنى غالبآ صادق......لك تحياتى..
| |
|
|
|
|
|
|
|
|
|
Re: نصيحة رجل لإمرأة (Re: بكري عباس علي)
|
حيدر وكل المستكينين للنصائح الميكانيكية
وصلتنى النصائح ادناة من واحد مطموس
فبالاضافة للمكنكة
جابت ليها شراب السجار ولعب الكورة
-------
ولما سألوا خبير في التدخين عن أنواع النساء أجاب :
· المرأة من سن 15 إلى 20 مثل الغليون حلوة بس صعب توليعها وإذا ولعتها صعب تطفيها ·
من 21 إلى 30 مثل المالبورو الأحمر طعمها حلو بس بتتعبك ·
من 31 إلى 40 مثل المعسل ما بتنترك ·
من 41 إلى 50 مثل الميرت الأزرق بتسود وجهك وكأنك ما عم تدخن ·
من 51 إلى 60 مثل السيجار الكوبي كل مابتولعها بتطفي
وأما لما سألوا المعلق الرياضي عن أنواع النساء أجاب:
· من 15 إلى 20 مثل كرة القدم 22 واحد بيجري وراها ·
من 21 إلى 30 مثل كرة اليد 14 بيجروا وراها ·
من 31 إلى 40 مثل كرة السلة 10 بيجروا وراها ·
من 41 إلى 50 مثل كرة الجولف واحد بس بيجري وراها ·
من 51 إلى 60 مثل كرة التنس كل واحد يحدفها على الثاني
وأخيراً سألوا خبير في السيارات عن أنواع النساء فأجاب:
· من 14 إلى 18 مثل البورش والهامر مابيفكر فيها غير الشباب الطايشين ·
من 18 إلى 25 مثل البي ام دبليو مناسبة لجميع الأعمار اللي بتحب التسارع ·
من 25 إلى 35 مثل البويك رجالية و حلوة وفخمة بس لحلقلها بنزين ·
من 35 إلى 45 مثل الليموزين مرتبة كتير بس سواقها لازم يكون معلم ·
من 45 إلى 50 مثل المرسيدس الشبح مابيقتنيها غير الكبار ·
من 50 إلى 55 مثل سيارات الشرطة مابتلاقيها غير عبتطارد وعنانتها بتصرع ·
من 55 إلى 65 مثل سيارات الأمن عيونك مغمضة فيها وعمتاكل قتل ·
من 65 إلى 75 مثل سيارات الجيش مابتشوفها غير بالتصليح .
تصور كيف يكون الحال لو ما كنت.....
تسلمو
هاشم احمد الحسن
سيدنى
7/2/2010
| |
|
|
|
|
|
|
|
|
|
Re: نصيحة رجل لإمرأة (Re: طارق جبريل)
|
ياحيدر تحياتى يأخ ,,
شايفكم كلكم مركزين على الزوج المسكين ده !
ونسيتوا جون !
إنت قايل شيلى دى كانت ماشه وين بالعربيه
الإتعطلت بيها دى ؟
| |
|
|
|
|
|
|
|
|
 Re: نصيحة رجل لإمرأة (Re: كمال سالم)
|
في موديلات قديمة ماشة زي الفل ..لكن برضو الرجال بعاينو لموديلات بنات الجيران الحديثة ..
الموضوع ده حلو بس في الإحتساب ..
ــــــــــ
بوست لطيف يا استاذ حيدر ..
| |
|
|
|
|
|
|
|
|
|
Re: نصيحة رجل لإمرأة (Re: خدر)
|
أعزائي ...
ندى عثمان حسين
عبدالله ود البوش
عبدالدائم سيدأحمد
مريم بت الحسين
زين العابدين الطيب
إسماعيل عباس
بكري عباس على
هاشم أحمد الحسن
طارق جبريل
كمال سالم
داليا حافظ
... وخدر
ياخ والله عاجز عن شكركم وتثمين مشاركتكم,
وأنا في الأحوال العادية حريص على الرد بالمفرد.
لكن وحاتكم ما لقيت خاطري المره ده.
... فلست أكتب إلا وخيالي مترع بجيوش الأحباء
والأصفياء من أمثالكم.
فعودوا وعاودوا ... ولن يطيب المقام إلا بكم.
... مع عاطر ودي
أها الموضوع ماش كيف ...
لصالح المكنة ول الميكانيكي.
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
Quote: طبعا دي بالظبط طريقة تفكير الرجال هههههههههه
يخلوا المشكلة الاساسية ويمسكوا في حاجة فرعية..وفي رايهم العربية بتكون اهم! |
فعلا العربية اهم 
سلام استاذ حيدر
| |
|
|
|
|
|
|
|
|
|
Re: نصيحة رجل لإمرأة (Re: ismeil abbas)
|
عمران حسن وإسماعيل عباس ... تسلمان,
العربية الجديدة تغني عن العمرة والبعبصة,
والزوجة محتاجة إكبو ليها مكنة, عشان تستغنى
عن خدمات الميكانيكي.
... وحكاية يا جماعة لزة.
| |
|
|
|
|
|
|
|
|
 Re: نصيحة رجل لإمرأة (Re: HAYDER GASIM)
|
الأخ العزيز حيدر قاسم
وضيوفه الكرام
لكم مني التحية والتجلة ووافر الإحترام
نشكرك أولاً لهذا الطرح الذكي، فهو عندي أكثر بكثير من كونه طرفه. واتفق مع الأخ محمد المرتضى في أن الرجل قد نصحها نصيحة "مجرب" ، وقد أراد أن يقول: أن العطب الذي أصابك وزوجك ناتج عن بعض الأمور التي لم تعيها سابقاً ، وعليك بمراجعة علاقتك بزوجك في جميع أوجهها، وعمل كل الإصلاحات اللازمة لعودة الزيوت (أقصد المياه) إلى مجاريها. أو هكذا فهمت.
مع خالص تحياتي
د. صلاح البشير
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
Quote: الأخ العزيز حيدر قاسم
وضيوفه الكرام
لكم مني التحية والتجلة ووافر الإحترام
نشكرك أولاً لهذا الطرح الذكي، فهو عندي أكثر بكثير من كونه طرفه. واتفق مع الأخ محمد المرتضى في أن الرجل قد نصحها نصيحة "مجرب" ، وقد أراد أن يقول: أن العطب الذي أصابك وزوجك ناتج عن بعض الأمور التي لم تعيها سابقاً ، وعليك بمراجعة علاقتك بزوجك في جميع أوجهها، وعمل كل الإصلاحات اللازمة لعودة الزيوت (أقصد المياه) إلى مجاريها. أو هكذا فهمت.
مع خالص تحياتي
د. صلاح البشير |
د. صلاح البشير ... تسلم يابا,
تعرف جنس كلام أخونا محمد المرتضى داير
تفكيك, وإعاد تفسير وتركيب وهملجرا...
لكني أوافقكما من حيث المبدأ على وجود
مشروع رمزي لحل القضية قيد البحث.
... وكن بخير
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
العزيز حيدر , فقط بالضغط علي الصوره ظهرت بوضوح في صفحه منفصله
just by clicking on the picture it poped up in good readable size on a new page
cheers
Zein
| |
|
|
|
|
|
|
|
|
|
Re: نصيحة رجل لإمرأة (Re: Zien Elabdin Eltayeb)
|
Quote: العزيز حيدر , فقط بالضغط علي الصوره ظهرت بوضوح في صفحه منفصله
just by clicking on the picture it poped up in good readable size on a new page
cheers
Zein |
زين ... تسلم,
وتشكر على إهدائك أيقونة لبراح أفضل.
بالمناسبة ... الدينا عندنا { عيد الحب }
... فماذا تشيل سحائبكم؟
ولك عاطر مودتي
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
والله يا حيدر الحب في السودان دا بقي موضوع بتاع تساهيل.
ونحن بعد الزمن الكتير دا بقينا ناس bottom line ساكت!
يعني هسع الأيام دي نحنا في حالة إستكانه خرافيه:
درجات الحراره معتدلة, اللحمه والخدار راقدين, الكهربا ما قاعد تقطع, الحكومه مافاضيه لينا, وأهو غايتو الناس بتصنع في الفرح بوسائلها البلديه المعروفه
ودامت أيامكم حبا حبااا
| |
|
|
|
|
|
|
|
|
|
Re: نصيحة رجل لإمرأة (Re: HAYDER GASIM)
|
INSTALLING HUSBAND!!
A woman writes to the IT Technical support Guy
Dear Tech Support,
Last year I upgraded from Boyfriend 5.0 to Husband 1.0 and I! noticed a
distinct slowdown in the overall system performance, particularly in the
flower and jewellery applications, which operated flawlessly under
Boyfriend 5.0.
In addition, Husband 1.0 uninstalled many other valuable programs, such
as Romance 9.5 and Personal Attention 6.5, and then installed
undesirable programs such as NEWS 5.0, MONEY 3.0 and SOCCER 4.1.
Conversation 8.0 no longer runs, and House cleaning 2.6 simply crashes
the system.
Please note that I have tried running Nagging 5..3! to fix these
problems, but to no avail.
What can I do?
Signed,
_________ _________ _________ _________
Reply
DEAR Madam,
First, keep in mind, Boyfriend 5.0 is an Entertainment Package, while
Husband 1.0 is an operating system.
Please enter command: ithoughtyoulovedme. html and try to download Tears
6.2 and do not forget to install the Guilt 3.0 update.
If that application works as designed, Husband1.0 should then
automatically run the applications Jewellery 2.0 and Flowers3.5..
However, remember, overuse of the above application can cause Husband
1.0 to default to Silence 2.5 or Beer 6.1.
Please note that Beer 6.1 is a very bad program that will download the
Snoring Loudly Beta.
Whatever you do, DO NOT under any circumstances install Mother-In-Law
1.0 (it runs a virus in the background that will eventually seize
control of all your system resources.)
In addition, please do not attempt to reinstall the Boyfriend 5.0
program. These ar! e unsupported applications and will crash Husband
1.0.
In summary, Husband 1.0 is a great program, but it does have limited
memory and cannot learn new applications quickly.
You might consider buying additional software to improve memory and
performance.
We recommend: Cooking 3.0 and Hot Looks 7.7.
Good Luck Madam!
IT SUPPORT DESK i
| |
|
|
|
|
|
|
|
|
|
Re: نصيحة رجل لإمرأة (Re: Zien Elabdin Eltayeb)
|
Quote: والله يا حيدر الحب في السودان دا بقي موضوع بتاع تساهيل.
ونحن بعد الزمن الكتير دا بقينا ناس bottom line ساكت!
يعني هسع الأيام دي نحنا في حالة إستكانه خرافيه:
درجات الحراره معتدلة, اللحمه والخدار راقدين, الكهربا ما قاعد تقطع, الحكومه مافاضيه لينا, وأهو غايتو الناس بتصنع في الفرح بوسائلها البلديه المعروفه
ودامت أيامكم حبا حبااا |
يا زين ... تسلم,
ياخ كلنا بقينا بوتم لاين ساكت! لكن أهو ... بنحاول
نرمم ما تبقى من الأماني وما يمكن أن يصلحه العطار!
عشان ما نواكب الأحوال ونستر الحال والله غالب.
فكم ترانا { نظلع } ول أظنها limbing في الإنجليزية,
لنرى الضوء من زاوية منفرجة ... لكن أفضل حاجة الزول
إعيش في السودان ... عشان الزول ما إتوهمو.
يعنى كده عيد الحب حا إروح شمار في مرقة!
هو الراح علينا ول على السودان ... هين؟
... وتقبل تحياتي
| |
|
|
|
|
|
|
| |
HAYDER GASIM
رشا سالم
محمد المرتضى حامد
Egbal Elmardi
سلمى الشيخ سلامة
Emad Abdulla
ندى عثمان حسن
عبدالله ود البوش
Mohamed E. Seliaman
عبدالوهاب علي الحاج
عبد الدائم سيد أحمد
مريم بنت الحسين
ismeil abbas
بكري عباس علي
طارق جبريل
كمال سالم
داليا حافظ
خدر
عمران حسن صالح
فيس بوك
تويتر
انستقرام
يوتيوب
بنتيريست