|
Re: بعيـداً عن السياســة: نطالب بتكريــم البروفسـور سميــر قبريـال (Re: Abureesh)
|
نبصم بالمليون د سمير قبريال المشرف على مشروع تخرجي (ما تسأل سنة كم؟) صاحب العلم الغزير والتواضع الجم والسيارة القديمة،، كان ينشر بحوثه في المجلات العلمية في الثمانينات من القرن الماضي ...سألته عندما ظهرت موضة الأغتراب لماذا لا يذهب لتحسين وضعه المالي أجاب بأن لدي ما أريد معملي وكتبي
عجبا لبلد يكرم فيها اللصوص وأمثال سمير قبريال لا
ملعون أبوكي بلد
| |
|
|
|
|
|
|
Re: بعيـداً عن السياســة: نطالب بتكريــم البروفسـور سميــر قبريـال (Re: بكري الصايغ)
|
أبو الريش، سلامات،،
فعلا، إحنا لما فكرنا فى تكريم بروف سمير فى اليوم الحار رمضان قبل الماضى، كان الهدف هو حشد الجهود لتكريم رسمى على مستوى عالى يقام بمعاونة تلاميذه،،
و مبدئيا تم تخصيص يوم كامل فى المنبر و تم إخراجه بمشاركة الزملاء بأمريكا و كندا و السعودية،، الخ،، كان الفضل الاكبر يعود فيه للاخ طارق أحمد خالد للتفانى فى الإعداد،،
لكن لعنة الله على الهكر، فقد أفنى كل الجهود و أصابنا بالإحباط،،،
نضم صوتنا لندائك يا أبو الريش، شكرا للمبادرة و شكرا لكل من اثنى عليها،،،
| |
|
|
|
|
|
|
Re: بعيـداً عن السياســة: نطالب بتكريــم البروفسـور سميــر قبريـال (Re: Elmoiz Abunura)
|
شكـرا للجميـع على إعادة هـذه الذكرى العطـرة..
الأخ طارق،
ياخى الفيديو أبى يفتح معاى كلو كلو.. يا ريت لو رسلتو لى بالإيميل sudanorg at yahoo dot com
الأخت هالة،
سلام ووين الحى بيك... طبعا من شهرين فى بلاد الأخ افو.
برضو لو ممكن بالإيميل موضوع (الأسباب الوجيهة دى.. هى أكيد وجيهة والثقة متوفرة.. بس للعلم)
أحكى هنا طرفـة فى معمل الإلكترونيات، وأكيد أبطال الطرفـة معنا هنا ولكنى لا أتذكر الأسماء.. البروف يديهم المشكلة ويقول ليهم عايز الساعـة 4 بعد الظهر فى بيتو فى الخرطوم جنوب (تصحيح)، لما يفتح الراديو ويضبطوا على الكارير فريكونسى الأداها ليهم، عايز يسمـع التون بتاع 1 كيلوهيرتز!! ويدور عربيتو ويمشى فى نهاية اليوم. ومرة كانوا فى المعمل الصغيـر فوق لاب المكنات، يعفروا فى الراديو ومحاولات تيوننج.. مشـروع التخريج والبانل قرب.. مر عليهم د. معتصـم.. عاين ليهم كدا وقال ليهم، غايتو فى البرزنتيشن، راديكم دا إلا تغنوا فيهو براكم!
ما متذكر كويس لما بروف سميـر دخل القاعة فى بداية السنـة، وسأل "نحن فى رابعـة واللا فى خامسـة"! بالمناسبة أنا زاتى ربت فى الإبتدائى لكن لأسباب خارج الإرادة.
بالمناسبـة: ولمن يتساءل... دا انا محمد عثمان. (أبو الريش) دا كان شغال من 1983 - 1989 (فراش متطوع) فى لاب الإلكترونيات الكبير الفاتح على النيل (فوق الهايدرولك) ولو تذكرون فى أسبوع المهندس الرابع شاركت باللافتة المتحركة running LEDlights باللغة العربية ترحب بزوار القسـم ومعاها لعبة معركة جوية فى شاشـة ضخمـة رسم مناظرها الطبيعية بألوان الزيت الأخ الفنان خلف الله عبود، وكنت سميتها قاعـدة حلايب الجويـة.
ولمن منكم فى الســودان الان بلغوا سلامى للأخوة الفنيين، فى المعمل عوض و الزين. ومن أولجنى بوابة الدجتال وهندسـة المايكروبرسسور د. الرشيـد عثمان خضر ومن وقف على تدريبى الدكاترة: محمد على عباس وسامى شريف وحسن عبد الله .. بلإضافة لبروف سمير الذى أعطانى من وقته وفى مكتبه ومعمله الكثير وبكل اريحية وإخلاص.. مدين لكم جميعا أيتها الجبال الراسخـة، وإن شـاء الله سنساهم جميعـا لقول شكرا بالطريقـة المناسبـة.
| |
|
|
|
|
|
|
|