|
Re: يا ناس امريكا دايرين لينا H1 VISA (Re: waleed nayel)
|
سلامات وليد اظنك قاصد H-1B visa و دى بتاعة الموظفين ...صح؟ http://en.wikipedia.org/wiki/H-1B_visa و للاسف الفيزا دى ما بتقدر تقدم ليها براك. لازم شركة امريكية تديك وظيفة و بعدين الشركة تقدم ليك. الاجراءات طويلة جدا و معقدة و غالبا بتحتاج لمحامى. مثلا الشركة مطالبة تثبت انو ما فى زول امريكى قدم للوظيفة دى. و مطالبين يعلنوا عن الوظيفة فى تلات جهات . مثل الجرائد و الانترنت. و لو واحد امريكى قدم للوظيفة لازم يعملوا ليه انترفيو و لو حظك طلع طين و الزول الامريكى طلع مؤهل للوظيفة لازم الشركة تعينو. عشان كده الشركات فى اعلان الوظيفة بيحاولوا يفصلوا الوظيفة على زولهم. المهم دى كلها ما مشلكة...اصلا الشركات الامريكية لو فى امريكى بيشتغل شغلك ده ما بيعينوك من الاول .المشكلة انو فى كوته معينه كل سنة للفيزا دى... لكن العدد قليل ..و فى اول يوم للتقديم بتصل لادراة الهجرة 3 و مرات 10 اضعاف الكوته..بيقوموا يعملوا قرعة....شفت الكلام ده ؟؟؟ يعنى حتى لو كل الامور تسهلت ..لازوم حظك يكون حلو ....او خلينا نقول الموضوع كله توفيق من رب العالمين
حظ سعيد!
| |
|
|
|
|
|
|
Re: يا ناس امريكا دايرين لينا H1 VISA (Re: smart_ana2001)
|
ألأخ وليد تحياتى smart_ana2001
قدمت معلومة وافية. حسب علمى التخصصات التى كان عليها رغبة لإستقدام عمالة بفيزا H-1 مبرمجى كمبيوتر و مهندسى إتصالات موبايل RF Engineers ، أو مهندسين فى مجالات معينة أخرى. وحتى المهندسين الأن ليس عليهم طلب. و عموماً أسهل الحصول على وظيفة وفيزا H-1 فى حالة التواجد بداخل أمريكا.
الجامعات لحملة شهادات الدكتوراة فى مجالات معينة أيضاً عليهم طلب فى المجالات العلمية العلوم، الطب، الهندسة، كأساتذة و للبحوث العلمية كمشروعات مدفوعة التكاليف للجامعات من شركات كبرى مستفيدة من المشروعات.
هنالك أيضاً حرف وخبرات تخصصية متعلقة بالجاليات المختلفة، مثلاً صاحب مطعم عربى أو سودانى يبحث عن طباخ معلم شاورمة .. أو معلم أكلات سودانية، قد تكون فرصة للفيزا وإن كانت إجراءاتها قد تطول.
ولكن عموماً الوضع الإقتصادى الآن فى أمريكا صعب، وفرص التوظيف ضعيفة إن لم تكن معدومة. وإن لم يكن الغرض من حضورك لأمريكا إلتئام الشمل مع بعض أفراد أسرتك بأمريكا، فنصيحتى أنها الآن ليست المكان الأفضل نسية للتدهور الإقتصادى والغلاء.
| |
|
|
|
|
|
|
Re: يا ناس امريكا دايرين لينا H1 VISA (Re: نادر الفضلى)
|
الأخ وليج، كلم الأخوة الفوق ضعـه فى إطاره، بأنو ما فى شئ ساهل زى شـراب موية، لكن ممكن جدا بعد بذل المجهود المطلوب، وإلا ما ممكن كل من هب ودب من الاف المهنيين يجى أمريكا كل سنـة بهـذه الفيزا.
بالرغم من كلام الأخوة الفوق، فإن الفيزا يمكن الحصول عليها، والاف الفيزات تطلع كل سنـة.
المهم لا بد من محامى والمحامى يوجد لك الشركـة بعد دراسـة المؤهلات. والاف الوظائف لا يستطيع القيام بها أمريكان.. شفت ليك أمريكى يترجم دنقلاوى؟
وحسب المؤهلات، يمكن أن تبحث عن الوظيفـة بنفسك فى الإنترنت، وهناك شركات تعلن إستعددادها للتبنى وإسنخراج الفيزا ودفع كل تكاليفها. ما عارف تخصصك ولكن هـذه ممكنة جدا.
| |
|
|
|
|
|
|
Re: يا ناس امريكا دايرين لينا H1 VISA (Re: Abureesh)
|
عملية معقدة اكثر من كونها مكلفة وتتطلب الكثير من الأوراق والإثباتات ومؤخرا اصبحت هذه الفيزا محل انتقاد شديد من الكونجرس الذي يطلب بتشريعات لتقييدها اكثر ونتيجة لذلك اصبحت ادارة الهجرة اكثر استعدادا لرفض الطلبات لأتفه الأسباب.
اذا كنت متواجدا خارج امريكا فالقضية اصعب الا اذا كانت مؤهلاتك استثنائية ولكن هناك فيزا L-1 تتيح لك العمل داخل امريكا بشروط اسهل طالما انك تعمل في شركة عالمية لها فرع في امريكا
| |
|
|
|
|
|
|
Re: يا ناس امريكا دايرين لينا H1 VISA (Re: waleed nayel)
|
Quote: العزيز نادر مشكور علي المعلومات القيمه. عندي واحد صاحبي جاييني زياره داير اكسر ركبه مشكلتو جوازو انجليزي |
الأخ وليد تحياتى
صاحبك الجوازه إنجليزى طبعاً بيدخل .. لكن ما حيعفيه من حاجات المطار الذكرها ود الصايم إلا إذا كان زولك دا خواجة إنجليزى وما سودانى الأصل.
وذكرت أنه صيدلى .. لمزاولة مهنة الصيدلة يحتاج لرخصة مزاولة لمهنته تصدرها له الولاية التى سيعمل بها (يجلس لإمتحان) .. جوازه الإنجليزى لا يسهل عليه الحصول على إقامة بطرق أخرى متاحة لمن يستحقها من حملة الجوازات السودانية .. فأمله فى فرصة عمل بفيزا H1 تتيح له بعد سنة التقديم للقرينكارت
أمنياتى بالتوفيق لصاحبك
| |
|
|
|
|
|
|
Re: يا ناس امريكا دايرين لينا H1 VISA (Re: waleed nayel)
|
يا عزيزى الجواز الانجليزى يكفى يازول . فى أمريكا لو كنت محظوظ جدا تستلم الجواز فى 6 سنوات . وبعدين الجواز الامريكى بعد الازمة الاقتصادية دى عشان شنو ؟؟؟ يا صاحب لندن دى كلها 7 ساعات وأنت فى قلب الخرطوم . 8 ساعات فى نص الرياض ودبى والقاهرة . مالك ومال التهجول والتضهب . يا أخى هو العمر كلو كم ؟؟ لو ما عندك جواز انجليزى كان ممكن الواحد يشجعك . انشاءالله ربنا يوفقك . تحياتى
| |
|
|
|
|
|
|
|