|
|
 كم بوست اتفتح هنا شكيتو فيهو عن معاناة مريض وأسرته ..بقت على عصام دهب؟
|
كم بوست إتفتح في المنبر هنا يحكي حالة مريض إما صديق ليكم أو من ذوي القربى أو والد صديقكم أو ود حلتكم أو حتى من باب فعل الخير..
كم تقرير طبي تم نشره هنا في المنبر ؟؟؟
كم حالة مرضية ذهبتم فيها للتحليل وكللللللكم عملتو دكاترة ويا هناي نصيحتي ليك تودوهو الأردن يا هناية أدوهو امبسلين مع بروتين بيبقا كويس!!!
لكن نسوي شنو للعقلية السودانية المريضة فيييييييييي كنكوجا ده !!
الملاريا مرض وعااادي تنضممو فيهو ..
الكلى مرض وعاااادي تجي تقولوا فلان عايز كلية وفرتكان يحتاج للغسيل..
ياخ إنتو لحدددددي الأمراض الجنسية دي بتجو تنطوا وتتكلموا بلا خجل ولا استحياء ..
لكن ده ماااااااااااااااا مرض نفسي !!!
اللي هو مفروض يكون ما مرض مش؟؟
ومفروض ماف زول ينضم فيهو عشان معناها جنون والمجنون ده مفروض يكتفوهو في شجرة نيم بي الجنازير وما يكلمو ناس الحلة إنو ولدهم عيان لأنو ممكن عااادي عريس يطير من بتهم أو سمعتهم تبقا بطالة !!
ياهو فهمكم العاملين فيها إنكم إنسانيين ونظام إنتو خايفين على سمعة وكرامة ود خالة عصام أكتر من عصام زااااتو ..
ياهو فهمكم اللي خلاكم تتصدروا الإنسانية وتجو تدو الراجل درووووس في كيفية نشر الخصوصية ..
ياهو فهمكم اللي مجرد إنو الزول لو جاتو هيستريا ولا الملاريا طلعت ليهو في راسو ساااي وودوهو التجاني الماحي وبكرة طلعوهو تاني بتعاينو ليهو بي نظرات الجن والشفقة ..
إتخيلو معاي السناريو ده ووروني كان حا يحصل شنو :
عصام دهب يكتب بوست طويييل عريض قبل شهر كده يكون عنوانو :
ساهموا في علاج إبن خالتي المريض نفسياً ..
وقام جوة البوست كتب كللللللللللل المعلومات اللي ذكرها ليكم دي باستثناء طبعاً قصة إنو ضرب الرئيس دي لأنو وقتها ما كان حصلت ..يلا تعالوا شوفو النفاق بتاعكم يا ناس قرف اون لاين ..
أوووووووول مداخلة :
يااااااااااااه يا عصام كم أحزنني حال إبن خالتك وتلك الأسرة ..دعواتي له بالشفاء..
تاني مداخلة :
الأخ عصام راجع مسنجرك الخاص ودعواتي له بالشفاء..
المداخلة التالتة :
وجعتني بالجد يا عصام ووجعني ود خالتك جووووووة وقول لي خالتك اصبري وولدك حا يبقا كويس بي دعوة ملايين السودانيين البيقرو في سودانيز اسة ..
المداخلة الرابعة :
اخونا عصام نسقنا نحن بورداب الرياض مع بوداب الدوحة لعمل زيارة لي ابن خالتك ..لي مزيد من التواصل نرجو ان تمدنا بي تلفونك..
المداخلة الخامسة :
تحدثت مع صديقي الدكتور بشارة حسب الرسول وهو استشاري طب نفسي في امريكا ووعد بتقديم المساعدة ..الأخ عصام نرجو مدنا بي مزيد من التفاصيل والتقارير عن حالة المريض وده إيميلي ..
وبكرة بكري الله يديهو العافية يشنقل لينا بوست عصام ده فووووووووووووووووووووووق وبي البونت العريض :
ساهموا في علاج إبن خالة عصام ..
وفلانة تستلم لموضوع وعلانة ترزف الدموع وفرتكان يجي يحكي عن عظمة هذا الشعب وفلان يجي يقول لينا ياااااه كم انتم عظماء يا بورداب سودانيز ..
تخريمة :
ود جيرانا عندو حبن ممكن افتح ليهو بوست ؟
|
|
  
|
|
|
|
|
| |
عمر الفاروق
فيصل نوبي
Balla Musa
الرفاعي عبدالعاطي حجر
فيس بوك
تويتر
انستقرام
يوتيوب
بنتيريست