|
Re: ترشيح العمدة تاج السر ابراهيم الخليفة كمستقل في الدائرة خمسة الباوقة الجغرافيةضربة للمؤتم (Re: المسافر)
|
Quote:
هو حاليا رئيس المحكمة القروية وعمدة الباوقة الرسمي وبخلاف تعينه من السلطات المحلية هو من ابناء العمد ومن عيون الهمزياب
|
المرحوم فرح علي بابكر في عهد مايو كان رئيس الاتحاد الإشتراكي ورئيس المحكمة القروية ورئيس اتحاد المزارعين لكن ما في حد جاب سيرة إنو هو عمدة ولا من عيون القبيلة...
وكما طلب منك خالك حنين..
إنت نزل السيرة الذاتية... وحبوباتي برضو لو سألتهم .. مافي عوجة ... يدنك ليهو صافي بلا بتاب.. والكلام بلهجة أهلنا.. ولو كان قريت الكتبتو ليك زمان كان ببساطة ما محتاج تسأل منو الزول ولا تخت ليك علامات استفهام..
وأنا عشان استفيد من الناس بشيل الكلام الكويس وأخلي الباقي عشان ما أقفل الخط على الجايات ، وده عشان الناس البهمها تقرأ وتعرف وتتطلع..
انت نزل السيرة الذاتية للعمدة ده بس ما تنسى تذكر فيها انه كان متهم بقتل أخوه في الله وإنه الاتهام جاء لأنه صرح صراحة بهذه النوايا بشهادة آخرين
وانت لما تعرض أشياء للنقاش لو كنت صادق في ذلك ما تتوقع الناس تصفق ليك لأنه لو اتفاعلوا جد جد مع كتابتك بحركو حواجبهم اندهاشاً من الواقع ده
أما حكاية إنه سوف يحاكمني دي خليها مافي داعي ليها عشان البيناتنا تكون عامرة وما ينعقد لساني من الخوف.. ويمكن تلقى عندي المتكن في المطامير...
| |
|
|
|
|
|
|
Re: ترشيح العمدة تاج السر ابراهيم الخليفة كمستقل في الدائرة خمسة الباوقة الجغرافيةضربة للمؤتم (Re: وليد شريف)
|
السيرة الذاتية للعمدة تاج السر الاسم ..... تاج السر ابراهيم الخليفة الموطن ... الباوقة الميلاد ... 1956م المراحل التعليمية .. الباوقة جنوب الابتدائية .... الباوقة الشعبية المتوسطة ... حلفا الجديدة الزراعية ... معهد شمبات الزراعي . العمل ... محطة الابحاث الزراعية الحديبة لمدة خمسة اعوام ثم تفرقت للزراعة . العمل العام... رئيس مجلس ادارة مشروع الباوقة سابقاً ... ريس وحلية الباوقة سابقاً .. ريس اللجنة الشعبية بالباوقة سابقاً .. عضو المجلس التشريعي لولاية نهر النيل ... عمدة الباوقة حالياً ..
| |
|
|
|
|
|
|
Re: ترشيح العمدة تاج السر ابراهيم الخليفة كمستقل في الدائرة خمسة الباوقة الجغرافيةضربة للمؤتم (Re: وليد شريف)
|
Quote: فالك طيب
وانا كذلك أعرفه من السبعينات
وفي النهاية هو من عناصر الجبهة
ولو نزل مستقل في الباوقة معروف أن الباوقة وحدها لا تحسم هذه الدائرة
أكيد المؤتمر الوطني سوف ينزل منافس آخر معه يجوط الحكاية
سوف يكون مرشحها الأساسي نازل من ناحية الرباطاب وكذلك معه ثلاثة منافسين..
ويتم حسم اللعبة في الساعة الأخيرة من فتح الصناديق.. |
ما قُتلك بنحتاجك؟ بس روقوا المنقة إنت وود شريف المناكفة ما في مصلحتنا...
ملحوظة: تاج السر أب عجاج، ليس له ناقة أو جمل في حادثة وفاة المرحوم همزة، وأُخل السجن نتيجة مُؤامرة لتعطيل مشروع كان يتزعمه هو والمرضي ود عبده في الباوقة...
| |
|
|
|
|
|
|
Re: ترشيح العمدة تاج السر ابراهيم الخليفة كمستقل في الدائرة خمسة الباوقة الجغرافيةضربة للمؤتم (Re: معاوية المدير)
|
Quote: ما قُتلك بنحتاجك؟ بس روقوا المنقة إنت وود شريف المناكفة ما في مصلحتنا... |
الاخ معاوية تحياتي ليست لي مناكفات مع الاخ المسافر والظاهر انو بيعرف اهلنا كويس وسبق قبل كده قلت ليهو في احدي مداخلاتي معاهو في احدي البوستات ان يوجهنا حسب خبرته لو نحن ضلينا الطريق لكن الظاهر انو توجيهاته لا تأتي الا بالهمز واللمز وحتى الآن نحن في انتظار خبرته وسنضع نصب اعيننا كل توجيه يأتي في المصلحة العامة ... اما بخصوص ترشيح العمدة تاج السر فهذه قناعات ليس لأحد الحق في حجرها علي احد ...
| |
|
|
|
|
|
|
|