|
|
|
 Re: شارع السيد علي (الزمان ) (Re: willeim andrea)
|
Quote: تعرف بنحب نسميعها البوابه لا عبدالقيوم ولا ابو العلا ... وداخل البوابه احواش واحواش الزمن الجميل
|
وممكن تدخل من البوابة من شارع السيد على وتخرج في شارع أبوروف(short cut)
محمودأبونا-زمبة-جمال يوسف(بيبي) -حمزة الظريف
| |
 
|
|
|
|
|
|
|
|
Re: شارع السيد علي (الزمان ) (Re: Ridhaa)
|
الحبيب رضا
فعلا الشوت كت والدخول لشارع ابو رؤف دي خاصه خالص باولاد الحوش
وحقو برضو نجيب سير الشراع الموازي اكان ابو رؤف والا ضلع المثلث وراء بيوت ناس ابو غالب لانو فعلا فيهو شخصيات من تاريخ البلد
وعلي سبيل المثال الاستاذ المربي الشاعر المرحوم الهادي ادم
... يالله ايدكم معانا ولي قدام
| |
|
|
|
|
|
|
|
|
|
Re: شارع السيد علي (الزمان ) (Re: Ridhaa)
|
نعم يا وليم،
البوابة هي بوابة ناس أبو العلا كما قال Ridhaa،
لا أظن أن مساحة كتلك جمعت من الأجناس المختلفة عرقيا مثلما جمعت المساحة التي رسمتها،
عندما كنا طلبة في الأهلية الثانوية العامة المواجهة لبيت الأزهري كان مسارنا، راجلين أو راكبين،
يمر يوميا بتلك المنطقة وذلك الشارع وكان أمرا عاديا لايلفت النظر أن نجد الهنود والأثيوبيين
والإغريق والأقباط وكافة قبائل السودان هناك في تلاحم وتواد وتراحم قبل أن ندخل غيابة الجب.
يا وليم ، إشتريت ردا مدرسه كاكي استاكبورد من سانتي الهندي جوار الطيب سيد مكي واستوديو الوادي؟
| |
|
|
|
|
|
|
|
|
Re: شارع السيد علي (الزمان ) (Re: willeim andrea)
|
تسمع صوت الخرطوش .... تطلع الشارع تلقي كومر البوليس وعمك الصول طنون .... في حمله ضد الكلاب الضاله (محاربة السعر )
صوره حضاريه في موضوع الوقايه
.......
مابرضو عمنا الصول طنون ساكن في شارع بيصب في شارع السيد علي والا انا ذاكرتي طشاش يا رضا
| |
|
|
|
|
|
|
|
|
|
Re: شارع السيد علي (الزمان ) (Re: willeim andrea)
|
بعد جامع الضرير .... في اتجاه الغرب ميدان ..... ميدان الحديد....
في العصر شباب وصبيا وكرة شراب عجاجته في السماء ....
في المساء .. ضو القمر وخالتنا بت الفضل والفانوس وطبلية العشاء .... ياسلام ...
العشاء علي ايديها الحنينه ... تعاملنا كا اولادها...
الف رحمه علي روحك الطاهره
زمن كان زي الدهب
| |
|
|
|
|
|
|
|
|
|
Re: شارع السيد علي (الزمان ) (Re: Ridhaa)
|
مقابل ميدان الحديد طابونة عمنا ختام .... ياربي دنقلاوي من ناس القطينه
والعم بيلو .... رئيس عمال .... ياربي نيجيري
تعامل بادب وذوق عالي حتي ايام ازمات الرغيف
| |
|
|
|
|
|
|
|
|
 Re: شارع السيد علي (الزمان ) (Re: willeim andrea)
|
الأخ الـحـبيـب الـحـبـوب،
willeim andrea
تـحياتي ومـودتي،
وكل عام وانتـم بـخيـر، وجـعله الله تعالي لكم عامآ مليئآ بالصحة والسعادة.
***- دخلت البوست بتاعك عشان اهنـئ، وتانيآ عشان اقول لك برضو كان عندنا في الخرطوم شارع باسم الحرية قاموا قلبوه لشارع السيد علي الميرغني، والغريب انو شارع الميرغني عامل تقاطع مع شارع السيد عبدالرحمن المهدي. وعشان اكون دقيق في الوصف شارع الحرية الفيه كوبري الحرية ويوديك علي نمرة ثلاتة ده شارع السيد علي الميرغني، والشارع الفيه نادي النيل وتمشي غربآ حتي السينما الوطنية بالخرطوم ده شارع السيد عبدالرحمن المهدي، والشارعين علي هيئة صليب، من الشمال للجنوب شارع الميرغني ( الحرية )،والتاني من الشرق للغرب ده شارع عبدالرحمن.
***- وشكرآ انك طلعت المنبر من رتابة المواضيع!!!
***- ملحـوظة: انت كتبت ( شارع السيد علي )، ولكن ماقلت علي منو?..علي الميرغني .. ولا علي عبدالرحمن بتاع حزب الشعب الديمقراطي، ولا علي السيد ، ولاعلي شـمو، ولاعلي مـهدي، ولابتقصـد علي الحاج بتاع خلوها مستورة?)!!...وضـح..افصـح!!
***- ***- لك مودتي-
| |
|
|
|
|
|
|
|
|
|
Re: شارع السيد علي (الزمان ) (Re: بكري الصايغ)
|
الحبيب بكري
مشكور علي المداخله والمعلومه القيمه
تقصد شارع الحريه البينتهي بالسجانه
اسم الشارع موضوع البوست شارع السيد علي الميرغني وعلي ما اذكر كانت هناك لوحة معدنيه صغيره تحمل هذا الاسم مثبتة في بداية الشارع بعد تقاطع شارع الخليفه في اتجاه الغرب في جدار المنزل الشمالي من الشارع ( بيت الصيني يارضا )( ما تقول لي الخليفه منو:) ) بس ازيد شويه شارع الخليفه بينتهي بميدان الخليفه اكيد عرفته :)
اما المقصود من الشارع هي تلك الخارطه المتعددة الاعراق المتجانسه لحد اكثر من رائع كما ذكر اخونا محمد المرتضي
احترامي وتقديري
| |
|
|
|
|
|
|
|
|
|
Re: شارع السيد علي (الزمان ) (Re: Ridhaa)
|
| Quote: نضقل بأولاد الخرطوم |
بس
الحبيب رضا من الشارع ده وفي مساحة الزمن
تعال نعدد افراد لعبو في الفرق الاولي:
من الهلال اتنين:
محجوب الضب وهاشم ابوغالب
غايتو بكري بيكون مشي يجيب الكور
:)
| |
|
|
|
|
|
|
|
|
|
Re: شارع السيد علي (الزمان ) (Re: بكري الصايغ)
|
| Quote: محمودأبونا-زمبة-جمال يوسف(بيبي) -حمزة الظريف |
وياسر ، ومولانا جعفر ، وابراهيم طربوش ، وأحمد نصرالدين ،،
وأبوعبيده الجعفري ،
ودور كوتشينة كارب بخرخرة بوخها يلوي ، ووجبة غداء تخرج متنوعة
من تلك بيوت الحارة الكريمة ، وختام في جوف ليل صافي مع نقرشات عود عبد السلام
{ سُلم} داخل براح حوش عمنا محمود عبد السلام الرجل الراقي سليل ال أبوالعلا ..
لهم ولكم التحيات
وشكلي كده عرفتك يا( رضا)  ..
ـــ
وهل من عودة هل ؟!! ...
| |
|
|
|
|
|
|
|
|
|
Re: شارع السيد علي (الزمان ) (Re: محمد الجزولي)
|
الحبيب محمد الجزولي
ياخي انا لسعه في بداية الشارع ايدكم معانا علشان نتذكر الزمن السمح وناسه السمحه
وتصبيره كده لحدة ما نصل البوابه بالا ضافه لزومه والمرسيدس وفيصل كركنك اولاد عمك البطري ( عبد المنعم وعبدالعزبز وعبدالحليم) واكيد ابونا.... والظريف سلامه ... واحمد صلاح الصيني الله يرحمهم .... ويرحمنا من عذاب الغربه والشوق
محبتي
| |
|
|
|
|
|
|
|
|
|
Re: شارع السيد علي (الزمان ) (Re: willeim andrea)
|
| Quote: ياخي انا لسعه في بداية الشارع ايدكم معانا علشان نتذكر الزمن السمح وناسه السمحه |
الحبيب وليم اندريا
خلاص أنت أبداء من اليافطة بس أوعى تعفص الخالة نفيسة الاثيوبية النائمة تحتها .. وأنا برجاك في دكان
عمي عبد الرحمن أشرب موية باردة من زيرو وأشوفو عمل لي شنو في الجلابية ..
والله يعتق غربتنا من جنس الهضربة دي ..
ووافر محبتي ..
| |
|
|
|
|
|
|
|
|
|
Re: شارع السيد علي (الزمان ) (Re: محمد الجزولي)
|
يا وليم اندرية سلام ومالك بتقلب علينا المواجع.............................. في شارع السيد علي
قصاد بيت حسن معني علي ما ازكر في كان حجر مربع دقيقة اقصد صخرة مربعة عجيبة الشكل
وكل يوم حوالي الساعة ستة مساء عمك علي اليماني كان يجلس بجوار تلك الصخرة العجيبة وامامة صاج
غلي الطعمية وتحت نورعامود النور نقف لشراء الطعمية التي طالت سخونتها ايادينا قبل السنتنا ونحن
نقول يا عم علي كتر الدقة وكان عم علي تتميز طعميتة ودقتة بمزاق لم اجدة في اي بلد زرتها في العالم
| |
|
|
|
|
|
|
|
|
|
Re: شارع السيد علي (الزمان ) (Re: نادر السوداني)
|
الحبيب نادر مرحب بيك في شارعك ...
عم علي وولده محمد ... ما برضو كنا بنتكلم عن التجانس الرائع بين الاعراق في هذا الشارع الرائع
يماني بطبع وعراقي سوداني \ يماني ... لدرجة انتو متزوج من سودانيه عندو منها محمد وشكله هو الماسك الدكان دي الوقت ؟
بس لسعه نحن في بداية الشارع ايدك معانا علشان نتذكر الناس السمحه
محبتي
| |
|
|
|
|
|
|
|
|
|
Re: شارع السيد علي (الزمان ) (Re: willeim andrea)
|
تاريخ اليوم..... 1 والشهر يناير
السنه ... ما متاكد بس متاكد انو الواحد كان طوله حوالي ركب الناس الكبار...
بداية الشارع من الناحيه الشرقيه البيت كبير وابيض
دور واحد بس .... دور ارضي بالتحديد
ظاهر للعين سلم حلزوني ابيض لسطوح البيت
الباب الفاتح علي شارع شبمات مفتوح ولمة ناس وجلاليب بيضاء ناصعه تبعث الفرح والجمال بتدخل
من الباب وعادي جدا كانك داخل بيت الجيران وكعادة الصبيا بندخل اي بيت فيهو لمه :)
البيت معروف لناس امدرمان
بيت الزعيم الراحل اسماعيل الازهري
دخلتا مع الداخلين في شنو ولي شنو .... ... مافي شي محدد بساطةفهم صبي في ذاك الزمان السمح
وسط الجمع اتقدم في اتجاه حركة الناس الكبار لداخل البيت وفجاء لفت انتباهي الناس الكبار هنا هنا سلم سلم
ارفع راسي وانا امام الزعيم في جلاباب ابيض وامدي يدي وبكل بساطه وعفويه الاطفال في يدالزعيم الاب وفي وجهه اشراقه تبعث الجمال في كل روح
موقف لن انساه تهنئه الناس العامه بعيد الاستقلال لرافع علم الاستقلال ..... عندمااقارنه بهذا الزمان
حرس وناس مكشره ونظارات سوداء ولبس كيف كيف
وهل تعود طيبتنا وبيوتنا المفتوحه وسماحتنا
القصد من الكلمات اعلاه مدي السماحه والطيبه عند اهلنا الكبار في ذاك الزمان وبعيد عن اي غرض او مرض
محبتي الاكيده لذاك الزمان السمح
| |
|
|
|
|
|
|
|
|
|
Re: شارع السيد علي (الزمان ) (Re: willeim andrea)
|
| Quote: ملحـوظة: انت كتبت ( شارع السيد علي )، ولكن ماقلت علي منو?..علي الميرغني .. ولا علي عبدالرحمن بتاع حزب الشعب الديمقراطي، ولا علي السيد ، ولاعلي شـمو، ولاعلي مـهدي، ولابتقصـد علي الحاج بتاع خلوها مستورة?)!!...وضـح..افصـح!! |
والله عجبتني ال screw دي يا أستاذ بكري،
وليم بكون قاصد علي بتاع الزيت.
| |
|
|
|
|
|
|
|
|
|
Re: شارع السيد علي (الزمان ) (Re: محمد المرتضى حامد)
|
الحبيب وليم
أنت بادي شارع "السيد علي المرغني" ده من وين ؟
ـــ
شايفك باديهو من الأخر !
الشارع ببداء من مرقد الخالة المكششة (نفيسة الأثيوبية) وهو بداية المجرى للطراحات بحري
ومحل اليافطة في ناصية دكان خالنا (عبد الكريم على عبد الكريم) سابقاً ..
بدية غير دي ! مابتفق معاك فيها ..
| |
|
|
|
|
|
|
|
|
|
Re: شارع السيد علي (الزمان ) (Re: willeim andrea)
|
وصلنا لحدة مدرسة شيخ الطاهر هذه المحطه المهمه في وسط امدرمان القديمه
واستاذنا الجليل خالد ابو الروس احد اعمدة الادب والمسرح في ذاك الزمان الجميل
ولصق هذه المدرسه العريقه
محطة مهمه
منزل الاميرلاي عبدالله خليل بك
فتره مهمه من تاريخنا
منزل جميل ناصيه يفتح في امتداد شارع السيد الجنوبي كما يفتح في شارع الخليفه
تقاطع مهم في تاريخنا
من غير السيره وكتب التاريخ لا اذكر الكتير
غير عندما يفتح الباب الغربي
اشاهد تلك العربيه الجميل
مرسيدس ذات الزمان باللون الازرق الغامق .... روعه وفخامه
كما شاهدنا امير والمرحوم ابراهيم عبدالله خليل ( الله يرحمه)
... محطه مهمه
في ركن هذا البيت الجميل محطة
لبص الرهبات ( ياناس الرهبات وكمبوني ذاك الزمان )
تختلط الذكريات بس الحقيقه
كلها جميله وبديعه
ونواصل
| |
|
|
|
|
|
|
|
|
|
Re: شارع السيد علي (الزمان ) (Re: willeim andrea)
|
قبل ان اقطع شارع الخليفه
عايز ارجع وراء شويه
ميدان الحديد
الشارع المتفرع غرب ميدان الحديد الاتجاه جنوب
اول تقاطع تاني بيت جنوبي شرقي
محطه
بيت عبدالخالق محجوب
لا اعرف الكتير غير مشاهدات صبي
للمرحوم عبدالخالق محجوب وهو قائد عربية الفلوكسواجن (بيتل ) بيضاء
محطه
ونواصل
| |
|
|
|
|
|
|
| |
willeim andrea
Ridhaa
محمد المرتضى حامد
محمد الجزولي
نادر السوداني
فيس بوك
تويتر
انستقرام
يوتيوب
بنتيريست