|
اعتزار واجب .....
|
اعتزر عما بدر منى من سوء سلوك وخروج عن المالوف
اكرر عزرى واسفى الشديدين
قاسم المهداوى
|
|
|
|
|
|
|
|
Re: اعتزار واجب ..... (Re: عامر باضاوي)
|
اجمل حاجة في المنبر دا الواحد يقول الفي قلبه كله ويطلع كل امراض النفوس الجواهو وبعد فترة يجي يعتذر وبعدها يتحول الي بطل قومي مباشرة
المشكلة عارف يا قاسم مافي حسن السير ولا سؤ السلوك , المشكلة انه وانت بتعتذر الحاجة دي جواك, نفس الاحساس الكتبت بيهو البوست هو ما تحسه تجاه اصحاب البشرة المختلفة عن بشرتك او العرقية المختلفة عن عرقك , انا تقريبا اعتذارك دا شايفه كلام فاضي ساكت , لانك اعتذرت عن سؤ سلوك , في الوقت الما اسئت فيهو السلوك ولا كنت في حوار غاضب وفاقد السيطرة مع زول تاني , بل انت صحيت من الصباح وعبرت عن الجواك بكل صدق وكتبته بوست بدون اي دوافع خارجية او ضغوط واضحة . وقبل الاعتذار لابد لك من الوصول الي مرحلة الندم النابع من الداخل في انه المسلك دا يجب تنقية نفسك منه ومعالجتها يعني انت اكتر من الاعتذار محتاج تعالج دواخلك وتخليها تشوف بطريقة اخري , لانه اعتذارك دا واضح جدا لاي مغفل انه نابع عن ضغوطات من الاخرين واثارتك للجو العام ضدك , ولو دا ما حصل كان اسهبت في بوستك دا وطلعت المكشن بلا بصل . او كمان تقنعنا انه صلاح غريبة وحسين ملاسي في اللحظة دي احب اليك من اخوك وود عمك ومن جواك الما بتقبله في اخوك وود عمك ما بتقبله فيهم
| |
|
|
|
|
|
|
Re: اعتزار واجب ..... (Re: اساسي)
|
الاخ والصديق العزيز قاسم مهداوي حسنا قد لذت لفضيلة الاعتذار وهو من شيم الفضلاء والعظماء ولكن ارجو قراءة مداخلة اساسي بتمعن وليس بيقين وهي من باب وجهات النظر او من باب اسمع كلام الببكيك ولكن ياصديق كما هو معروف أن البشر ليسوا اشباها متماثلين وإنما اشخاص شتى تختلف طباعهم ورؤاهم وشخصياتهم،وسحناتهم ونحمد الله ان حبانا في السودان بكل الانواع والالوان وهذه تعتبر ميزة اكرمنا بها الله وفضلنا بها علي كثير من العالمين ايضا اعتبر اعتذارك خطوة صحيحة وشجاعة وليس كما هو شائع ان الاعتذار دائما بغيض هذا خطأ محكم وقد تقدمت باعتذار هو عين الصواب والحكمة وبالاشارة الي حديث شريف رواه الشيخان وأبوداود والترمذي ويقول إن الله قد تجاوز لأمتي عما حدثت به نفسها ما لم تتكلم أو تعمل به . واكتفي بهذا القدر، معتمدا علي فطنتك وفطنة القاري الحصيف
| |
|
|
|
|
|
|
Re: اعتزار واجب ..... (Re: بريمة محمد)
|
أخي العزيز / قاسم تحياتي ،
شكراً لك إذ تمتلك الشجاعة لتقول لمن ظلمته أو أخطأت في حقه أنك تعتذر عما بدر منك تجاهه .. وهذا شئ جميل وخصلة يجب أن نتحلى بها جميعنا .. ولكن أحسب أن حديث الأخ أساسي لك أعلاه جدير بأن تتمعنه جيدا ، فلقدأصاب كبد الحقيقة .
ومن ناحية ثانية .. تصحيح بسيط وتنبيه واجب : (اعتذار) بحرف الذال وليس الزاي .
ولك كل الود والتقدير .
( ليمو )
| |
|
|
|
|
|
|
Re: اعتزار واجب ..... (Re: abdulhalim altilib)
|
Quote: اعتذار) بحرف الذال وليس الزاي .
|
مشكله كبيره مالاقين ليها حل بتفكرنى بمشكلة الباعوض فى منطقة جبره والله ياليمو فى اعلان من مؤسسه تربويه كبيره معلق فى الشوارع كاتبين اطفالنافلزات اكبادنا بدل فلذات اها دى يحلوها كيف غايتو فى المنبر ممكن الكى بورد يخستك بيك لكن ناس فلزات ديل الحاصل ليهم شنو؟؟؟؟
| |
|
|
|
|
|
|
Re: اعتزار واجب ..... (Re: مدثر قرجاج)
|
Quote: مشكله كبيره مالاقين ليها حل بتفكرنى بمشكلة الباعوض فى منطقة جبره والله ياليمو فى اعلان من مؤسسه تربويه كبيره معلق فى الشوارع كاتبين اطفالنافلزات اكبادنا بدل فلذات اها دى يحلوها كيف غايتو فى المنبر ممكن الكى بورد يخستك بيك لكن ناس فلزات ديل الحاصل ليهم شنو؟؟؟؟ |
ههههه يا مدثر قلتا لي اطفالنا شنو؟ انا يتخيلى انو "الذول" ولا "الزول" العمل الزين والذال دا، اليوم ديك كان زهجان وقال يخترع ليهو حاجة.. اسي عليك الله فارقة كتير لو بقت "ذ" ولا "ز" ولا P او B . .
قاسم اخوي ازيكـ.. حقيقة ما متابع الحاصل هنا في الفترة الفاتت دي.. لكن البعرفو الأعتذار ما حاجة ساهلة وما اي زول بيقدر عليها.. وبالاخص الشعب السوداني.. لمحدودية الفهم او خلل الجهاز المفاهيمي لدي البعض.. الاعتذار يعني لهم الانهزام.
فياعزيزي هنئاً لك بالتحلي بهذه الميزة التي يفتقر لها الكثير منا.. . .
العزيز أساسي، السماني ابوي.. كيفنكــ.. اتفق معك في اغلبية ما تطرقت اليه.. بس وقفتني الحته دي:
Quote: انا تقريبا اعتذارك دا شايفه كلام فاضي ساكت , لانك اعتذرت عن سؤ سلوك , في الوقت الما اسئت فيهو السلوك ولا كنت في حوار غاضب وفاقد السيطرة مع زول تاني , بل انت صحيت من الصباح وعبرت عن الجواك بكل صدق وكتبته بوست بدون اي دوافع خارجية او ضغوط واضحة . |
هل تفتكر ياعزيزي انو "دايماً" الواحد لمن يقوم من الصباح ، بيقوم في شكل متزن الدواخل؟ كم مرة سمعت زول قال انا صحيت من النوم مدبرس دون سبب ؟ ما اي انسان ممكن يقدر يحدد شكل دواخل الآخر بهذه الطريقة والا ان تكون انت ساكن دواخل الزول داك.. في حين انو الزول داك نفسه ربما يعجز عن تفسير تلك الظواهر ويقول "ما عارف اني قمت مدبرس مالي". والكلام دا لسبب بسيط وهو شايكية دواخل الانسان. وكشف وتحليل الانفرادية يتطلب الكثير، ربما يكون مشروع بحث يتطلب من الباحث قبل البد فيه الالمام والدراسة العميقة في علم نفس السلوك الفردي، علم النفس النقدي، وعلم نفس الخواص ومحرضات السلوك العدواني ، علم النفس البيولوجي، علم النفس المعرفي، علم النفس الإرشادي،علم نفس الشخصية، وعلم النفس الاجتماعي... الخ.
الحاجة التانية: اشرت في مطلع حديثك عن عدم تقبلك للأعتذار لسبب انو أعتذار قاسم كان عن سؤ سلوك بدر منه او كما قال . يا استاذي للسلوك معني وهو" كل ما يفعله الفرد او يقوله "
لكل منا قواعد داخلية يتبعها في مسيرة حياته اليومية. يحدث احياناً خرق لتك القواعد والتي يتم تفسيرها ذاتياً او اجتماعياً بسؤ السلوكـ. ربما ما يصدر مني يعني لك سؤ سلوك في حين انو لا يعني لي ذلك او العكس. تتوقف علي امكانية قبول قواعدك الداخليه لتلك السلوك او رفضها. فكل ما يصدر منا سلوك. لكن ما يحدث بعد السلوك هو "تفسير" أما سلوك سوي أو غير سوي. عندما يكون "التفسير" غير سوي يتكون الشعور عند الشخص بخروجه عن السلوك المالوف ويبدا في صراعات داخلية متمثلة في عدم التكيف الاجتماعي وذلك لعدم تقبله لل Norms او الانظمة والقوانين الاجتماعية والذي يؤدي بدوره لسوء التكيف الشخصي والذي يتمثل في الصراع بين الفرد ونفسه وعدم الرضا عنها.
بعد ذلك تاتي مرحلة تعامل الفرد مع تلك الصراعات والخروج منها. للبعض المقدرة الفائقة للتعامل والبحث عن طرق للتخلص من تلك الصراعات بشكل تسامحي يرضي الكثير. في حين يُخفق "الكثير" في ايجاد حلول لتلك الصراعات الفردية، والتي في اغلب الاحوال تذهب بصاحبها للتمادي في سلك تلك السلوك الغير سوية او إختيار الإنعـزال او الإسراف في تعاطي الكحول، او ادمان المخضرات، وفي احياناً كثر الجنون.
ختاماً، اتبع قاسم طريقة الخروج من تلك الصراعات بشكل سلمي وتسامحي جداً، يتطلب منا الشكر والقبول بدل اللوم والرفض.
مع فائق احترامي راني السماني
| |
|
|
|
|
|
|
Re: اعتزار واجب ..... (Re: اساسي)
|
اساسى سلامات وكيفنك او كيف أنك !!
Quote: اجمل حاجة في المنبر دا الواحد يقول الفي قلبه كله ويطلع كل امراض النفوس الجواهو وبعد فترة يجي يعتذر وبعدها يتحول الي بطل قومي مباشرة
المشكلة عارف يا قاسم مافي حسن السير ولا سؤ السلوك , المشكلة انه وانت بتعتذر الحاجة دي جواك, نفس الاحساس الكتبت بيهو البوست هو ما تحسه تجاه اصحاب البشرة المختلفة عن بشرتك او العرقية المختلفة عن عرقك , انا تقريبا اعتذارك دا شايفه كلام فاضي ساكت , لانك اعتذرت عن سؤ سلوك , في الوقت الما اسئت فيهو السلوك ولا كنت في حوار غاضب وفاقد السيطرة مع زول تاني , بل انت صحيت من الصباح وعبرت عن الجواك بكل صدق وكتبته بوست بدون اي دوافع خارجية او ضغوط واضحة . وقبل الاعتذار لابد لك من الوصول الي مرحلة الندم النابع من الداخل في انه المسلك دا يجب تنقية نفسك منه ومعالجتها يعني انت اكتر من الاعتذار محتاج تعالج دواخلك وتخليها تشوف بطريقة اخري , لانه اعتذارك دا واضح جدا لاي مغفل انه نابع عن ضغوطات من الاخرين واثارتك للجو العام ضدك , ولو دا ما حصل كان اسهبت في بوستك دا وطلعت المكشن بلا بصل . او كمان تقنعنا انه صلاح غريبة وحسين ملاسي في اللحظة دي احب اليك من اخوك وود عمك ومن جواك الما بتقبله في اخوك وود عمك ما بتقبله فيهم |
ممكن اقول عليهو اقصد هذا (الحكى) ... ناتج الحمولة الايديلوجية السالبة ومعزرة للغياب ... اسباب صحية حالت دون الرد ولكن راجع ليك ... فقط شوية صبر
قاسم المهداوى
| |
|
|
|
|
|
|
Re: اعتزار واجب ..... (Re: عامر باضاوي)
|
عامر باضاوى سلااام يا صديق وهابى نيو كريسماس اها وين انتا مكرمس ؟؟؟؟؟
Quote: أن تخطئ مرة لا يعني .. أنك إنسان سيئ |
شكرا عميقا وعزرا مكرر( بصدق وامانة )
قاسم المهداوى
| |
|
|
|
|
|
|
Re: اعتزار واجب ..... (Re: Tragie Mustafa)
|
ويا قاسم الهداوي
واحمد عبد العاطي
Quote: ولكن لك التحية وانت تمارس النقد الذاتي وتمتلك شجاعة الاعتزارمشتاق ليك كتيييييييييييير |
ما تكرهونا الدينا يا اخي اسمها
اعتذار وليس اعتزار
وامشوا اقروا بوست راويه العباسي وشوف الناس بقلوا شنو عن مثل هذا الخطأ
وبعدين يا قاسم يا اخوي انت من جيلنا احمد ده ما بعرف عمره
اها زماننا كانت اعتذار البقها اعتزار الانقاذين دي في كتابتك(هههههه)
| |
|
|
|
|
|
|
Re: اعتزار واجب ..... (Re: Tragie Mustafa)
|
لاص ياتراجي القضايا كملت بس فضلت القضية الكبري اني استبدلت حرف باخر يابت الناس كثيرون استبدلوا مواقفهم واخلاقهم ودينهم تتركيهم وتجيني عشان استبدلت فد حرف بعدين دي لغة عربية وانتي (التي) انك غير عربية خلي اهلها يدافعوا ولك(اتزاري) ا(ازا) كان كلامي قاسيا
| |
|
|
|
|
|
|
Re: اعتزار واجب ..... (Re: ahmed abdelati)
|
العزيز احمد عبد العاطي
Quote: لاص ياتراجي القضايا كملت بس فضلت القضية الكبري اني استبدلت حرف باخر يابت الناس كثيرون استبدلوا مواقفهم واخلاقهم ودينهم تتركيهم وتجيني عشان استبدلت فد حرف بعدين دي لغة عربية وانتي (التي) انك غير عربية خلي اهلها يدافعوا ولك(اتزاري) ا(ازا) كان كلامي قاسيا |
يا حبيب و حياتك لما قلت لكم كرهتونا باعتباركم اخوتي وكاسره الحاوجز معاكم..فاعذرني ان لم تهضمها.
وتبقى الاخوة وطظ في (العربيه)!
| |
|
|
|
|
|
|
Re: اعتزار واجب ..... (Re: Ahmed Osman)
|
الاخ احمد عثمان تحايا واشواق
Quote: الاخ الكريم قاسم المهداوى
اعتذر لك اعتذارا صادقا باننى كنت عنيف النقد فى ما كتبته
وكلنا نعانى من مرضك ونحاول جاهدين العلاج والعلاج يحتاج للممارسة مثل بوستك ذاك ضالة منشودة لامثالنا فرصة لنمارس فيها انسانية نتمناها ونسعى اليها بالممارسة والنقد الاذع - فالعلاج ايضا يحتاج لممارسة وكنت انت كبش فداء لى شخصيا فاعذرنى يا اخى
|
يا صديق صافية لبن وكما الحليب مودتى وتقديرى
قاسم المهداوى
| |
|
|
|
|
|
|
Re: اعتزار واجب ..... (Re: ahmed abdelati)
|
احمد عبد العاطى يا راجل اين انت
Quote: الغالي قاسم لا اعرف خطأك ولكن لك التحية وانت تمارس النقد الذاتي وتمتلك شجاعة الاعتزار مشتاق ليك كتيييييييييييير |
تحايا يا صديق وعساك طيب ممنون حتى الثمالة شكرا عميقا انك هنا
قاسم المهداوى
| |
|
|
|
|
|
|
|