فيديو(حلايب) سودانيه ...يحدث ثوره أعلاميه شعبيه حول قضية حلايب ...ستؤتي .كلها قريبا!

Quote: أم حازم ليك التحية و الله ما قصرتي حلايب سودانية و ستظل سودانية و لن نتنازل عنها. ذكرتني بي قصة طريفة لمن تعرضتي للأفلام و السخف الذي يعرض في ما يسمى بالسنما و التلفزيون المصري و الإستهزاء بالشخصية السودانية. في اواخر التسعينيات كنت شغال في الشارقة بدولة الإمارات. و كان في ذلك الوقت شخصية تجتوج في قناة عجمان للأخ تاج السر السوداني. هذا قبل ان ينتقل إلى قناة الم بي سي. المهم مرة من المرات قابلني زميل في العمل مصري. قال لي : "أيه يازول ، أيه العبط ده البعمل فيهو تجتوج في قناة عجمان" رديت عليهو " عبط أيه ده فن و تمثيل. رد علي : فن إيه يا عم ده عبط. ما سكت ليه طبعا. قلت ليهو بيفرق إيه تجتوج من إسماعيل يس. المصري زعل زعل شديد. و قال : يا عم حرام عليك! ده إسماعيل يس عبقري. قلت ليه: عبقري إيه ده راجل اهبل ما عندو اي حاجة في الفن. المصري زعل زعل شديد جدا : حرام عيلك ، يا جماعة إسمعوا الزول ده بيقول إيه ، آل إيه تجتوج زي إسماعيل يس. لا ده أنت راجل طيب أكيد بتهزر. طوالي دخلت ليك فيهو: قلت ليهو: شوف يا زول إنت . و إحترم نفسك ، أنا نا سألتك إنت براك جيتني و هاجمت تجتوج. و انا ما شايف اي فرق بينو و بين إسماعيل يس. بل بالعكس تاج السر إنسان محترم و أحسن منو كمانز الإثنين إستغلوا ميزات في منظرهم و عرفوا يستفيدوا منو: إسماعيل يس راجل قبيح الوجه ، عندو جضوم كبار و تلاليش كبيرة و ده كلو راس مالو في التمثيل . تجتوج ، راجل سمين و كرشوا كبيرة و لقى العرب الوهم ديل عاجباهم الحكاية و إنو اسمر بيهز ليهم كرشو و صلبو و الاطفال معجبين بيهو. و بيموتوا كل يوم لحدي ما فقرتو تجي. راجل محترم بيمثل للأطفال ما مشى مثل في البحر و لا حوض سباحة بالمايوه مع العاهرات. زولك جن جن عيدل وقال لي: يا عم إحترم نفسك. رديت عليهو : يا هو ده كلامي و إنت المفروض تحترم نفسك ، لانك إنت البادئ الإنت شايفو فن ده انا شايفو سخف و قلة ادب و عدم إحترام للزوق و الحياء. السبب شنو البيخلي إسماعيل يس عبقري و تجتوج أهبل عشان مصري و ده سوداني ؟ المهم غظتو ليكي المصري ده و ما قدر يقول اي حاجة تاني. و حقيقة فعلا إنو تجتوج راجل محترم و اخو اخوان و مشهور في الإمارات بمساعدة السودانيين. و فعلا ربنا فتحه عليهو لطيبة قلبه و برأته و صار يعمل حفلات أعياد الميلاد لابناء الشيوخ و الاغنياء الساعة الواحدة لا تقل من 5000 درهم. قال ليك كان عندو جدول عديل كل يوم من الساعة كده للساعة كده حفل عيد ميلاد بنت الشيخ فلان. و من كدة لي كدة لمدة ساعتنين في دبي لحفلة عيد ميلاد أحد أبناء الاثرياء. و الله قالوا الاطفال ديل بيجو مخصوص للفقرة بتاعتو و لمن يظهر ليهم يقربوا يجنوا. تحياتي ليك و لظيوفك الكرام. ======================== تحت تحت: شايفك ما قصرتي و عملتي إقتباس من كلام حسين خوجلي . ها ها