|
|
|
 Re: مِطرت بيك وغسلت إحساس الوجع ... (Re: عروة علي موسى)
|
Quote: يا حاضنة لي وهج الحنين منك طلع
وبديت ألقط كل احساسي الرجع
حاملك وجع ..
شفتك مع البرق الشلع
وشميت عبيرك في الولع
ومِطرت بيك ..
وغسلت إحساس الوجع |
بلل نداك من سماك
كل المساحات الوطن
عطرو فاح بانشراح
انشرا فوق الدار سكن
اتمدد الكون فى سكون
عريسا مجرتق بالحنن
برشو المفرش ليه سيرة
شالو المطرز بالحريرة
والفنجرية ام ضفيرة
صندلها المكنون ضريرة
وشبالها معطون من عبيرا
وجيت تبشر بالعديل
الفيهو خيرا
طلتك سمحة بالحيل اخوى عروة
النبى فيك كان تخلى بكرى يأرشف القصيده دى
كلمو اليخليها لينا
باقى تحت شديرتها فى غنا كتيير كان رايح
خلينا النلملو بعد الاؤشفة
وليك الامنيات المترفة
| |
  
|
|
|
|
|
|
|
|
Re: مِطرت بيك وغسلت إحساس الوجع ... (Re: soma)
|
Quote: واتشتت كل الاحاسيس الفي القليب ..
فوق ساحة البت الدلع
|
لملم أحاسيسك وهيم....فى لجة البحر البهيم...
وكتر حروفك زى ده النضم...خلينا نغرق فى الجمال إحساس نبيل..
أمطرت جد وجانا الجمال يهدر هدر....كلمات تعبر بأخلاص تفرح تسر..
شكرآ ياعروة...لقد أبدعت تسلم..تكفى أختنا سوما مرور..لك ولها التحية......
| |
|
|
|
|
|
|
|
|
|
Re: مِطرت بيك وغسلت إحساس الوجع ... (Re: soma)
|
أسماء الجنيد يا زولة يا شاعرة وبس ..
ما هذه الحروف التي تضج في دواخلك ... وطناً
لغة تمازج دفقة الإحساس بالشوق العنيد
حبا يكابد لوعة المنفي بقافية القصيد
حياك يا وطنا تميّز باللغات ... هذا النشيد
:
:
ولمناسبة الأرشفة لا شك أن هذه القصيدة في طريقها لخور لأني كنت قد اخترت ( قطفتو نداكي من حرفاً بقالي ضنين )
ولكن هي الآن دعوة ورجاء للعزيز بكري لاستثناء هذه القصيدة من الخورنة
وجزيل الشكر سيدتي على لفت النظر
وتسلمي ليّا يا بت أمي
عروة ،،،
(عدل بواسطة عروة علي موسى on 12-27-2009, 05:04 PM)
| |
|
|
|
|
|
|
|
|
|
Re: مِطرت بيك وغسلت إحساس الوجع ... (Re: عروة علي موسى)
|
Quote: :
ولمناسبة الأرشفة لا شك أن هذه القصيدة في طريقها لخور لأني كنت قد اخترت ( قطفتو نداكي من حرفاً بقالي ضنين )
ولكن هي الآن دعوة ورجاء للعزيز بكري لاستثناء هذه القصيدة من الخورنة
وجزيل الشكر سيدتي على لفت النظر
وتسلمي ليّا يا بت أمي
عروة |
تسلم يابا
لكن ياخوى من حقك برضو تطلب اكتر من عمل
وبكرى متأكده ما بقصر معاك
انا كان ممكن اشيل البوست ده وجرى امد قرعتى اشحد بكرى
لكن ما ممكن الا صاحب العمل نفسو
فيا اخى العزيز امشى لى دار بوست سوف نارشف والذى منو
ولصق ليهم القصيدة دى
خلينا النضمن سنتنا الجديده
اما كونك تقول تخاطب سيد الحوش من البكان ده ..
وحاتك لا بخبر ولا حاجة ولو فاضى يحوم بى جاى
الايام دى بكون مزنوووق الف
شكرا يا ود امى وتسلم لى انت يابا
| |
|
|
|
|
|
|
|
|
|
Re: مِطرت بيك وغسلت إحساس الوجع ... (Re: عروة علي موسى)
|
عروة على موسى ...سلام
وحده الشعر هو الواحة التى تصد عنا الهجير
ووحده الشعر هو السحابة التى لا تكذب..
ووحده الشعر هو المطية التى نسافر بها الى
عوالم من ماضيات الزمن...
اكيد انك رجعت ورا
واكيد انك مبحلق
فى عيون ناسن من الزمن الحلو ونديان
لمن كانت الضحكة بتكفى البيت
وتطلع منو بالنفاج على الجيران
وللسابع...تصل مبلولة زى زهرات من الوديان
عليك الشوق:
شنو الفضّل من الزمن الخلى ومليان؟؟؟
===============================
نطمع فى وجودك المستمر مع ناس الزقازيق
لك الود
| |
|
|
|
|
|
|
|
|
|
Re: مِطرت بيك وغسلت إحساس الوجع ... (Re: محمد صديق)
|
| Quote: تكفى أختنا سوما مرور..لك ولها التحية |
العزيز اخوى اسماعيل ود عباس
يعظم شانك يا فخرنا وتاج الراس
يعلا مقامك ان شاء الله وتلقى مرادك
ديمة مخدردروبنا محنة
الله يخدر دربك وين ما تقبل
وشكرا مارقة من الجوف
ولك التحية اضعافها
كل سنة وانت واهلك بخير وعافية
| |
|
|
|
|
|
|
|
|
|
Re: مِطرت بيك وغسلت إحساس الوجع ... (Re: عروة علي موسى)
|
تشكر يا عروة على الهدية...الرائعة...
حقيقة..الفضل يرجع لآخى الجميل هاشم..فى لفت نظرى لما تكتب...ووجدتك حقيقة ووجدتك مجاز...
| Quote: ورويحها ترد الروح لي نسمة مطر الفجر النادي |
للمطر معك حكاية...شميت معاك ريحة الدعاش...خلينا نتلفح حروفك من الرزاز...
شايلين الصبر..لمطر قادم..((((ما مطر قادم زميلنا الجميل الفى المنبر)))
خالص تقديرى ومودتى...
| |
|
|
|
|
|
|
|
|
|
Re: مِطرت بيك وغسلت إحساس الوجع ... (Re: عروة علي موسى)
|
Quote:
غايتو الواحد لقى ليه واحة
يمشي يخوزق ويعوفر بي هناك
ويجي (جم) يرتاح هنا |
العم زميل المهنة أحمد موسى
سلام يغشاك
خذ راحتك ياحبيب ...
واجعلها استراحة محارب أضناه السعي لوضع الأمور في نصابها ..
:
:
ويمين الله بدأت معافرتنا لهذا النظام من يوم 30/6/1989هـ وحتى الآن وحتى النصر ..
وقد تكون معافرتنا بشكل مختلف لم يألفه البعض ...
لكن لنا موقف ..
تعجبني هنا معافرة بن العم هشام هباني جداً ..
عموماً ألف مرحب بيك يا حبيب ونزلت سهلاً
وهذه واحدة من معافراتي تجدها هنا
متهم يا هذا ...
عروة ،،،
| |
|
|
|
|
|
|
|
|
|
Re: مِطرت بيك وغسلت إحساس الوجع ... (Re: اناهيد كمال)
|
Quote:
--وغلست احساس الوجع--
شكراجميلا
على الواحة الظليلة
ولسع الوجع
يغلغل فى الجوف
ومحكر |
أناهيد كمال
واسمك المحتشد بكل روائع الجمال
سلام ومحبة
غريبة حكاية الوجع البشب تلويح
إناغم زولو نص الليل
وإتوسد غنا (الكاهلي) الحنين وفصيح :ـ
( برق القبلي طراني أم جمالا زايد
تضوي لموعو زي سن العزيزة أم قايد
رعدو الحامي يزبد فوق الليالي مقايد
ينزل خيرو سيلن عم البلود بي الفايد )
وغريبة حكاية الريدة البقت تجريح
تكوس الهمسة من ذاتاً
بقت مربوطة بي زولاً ضنين وشحيح
نسيمات العتامير الهاجة طول الليل
تجرجر في أساها كسيح
تولول .. صوت بكاها وحيح
مناها تقابل الالرفقة التشد وتريح ..
عروة ،،،
| |
|
|
|
|
|
|
| |
ismeil abbas
محمد صديق
هاشم أحمد خلف الله
Ahmed musa
اناهيد كمال
فيس بوك
تويتر
انستقرام
يوتيوب
بنتيريست