|
|
 Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
سلام اهلنا
والله مشتاقة ليكم كتييييييييييييييييييييييييير
وما قطعني عننكم الا الشديد القوي
كيف اخباركم واحوالكم انشاء الله كلكم بخير
طبعا لسة ما دخلت النت علي البيت عشان كدا مقطوعة منكم
لكن انشاء الله عن قريب بكون متواصلة معاكم
والف الف مبروك موقع الامتداد وانشاء مزدهر علي طوووووووووووووووول
تحياتي
| |
 
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
دعاء لمرة واحدة بالعمر
روي عن رسول الله (صلى الله عليه واله وسلم) مضمون الحديث
انه قال: من قرأ الدعاء في أي وقت فكأنه
حج 360 حجة
وختم 360 ختمه
وأعتق 360 عبدا
وتصدق ب 360 دينار
وفرج عن 360 مغموما
وبمجرد أن قال رسول الله (صلى الله عليه واله وسلم) الحديث نزل جبرائيل (عليه السلام) وقال: يا رسول الله أي عبد من عبيد الله سبحانه وتعالى أو أي أحد من أمتك يا محمد قرأ الدعاء ولو مرة واحدة في العمر بحرمتي و جلالي ضمنت له سبعة أشياء :
رفعت عنه الفقر
أمنته من سؤال منكر و نكير
أمررته على الصراط
حفظته من موت الفجأة
حرمت عليه دخول النار
حفظته من ضغطة القبر
حفظته من غضب السلطان الجائر والظالم
الدعاء:
لا اله إلا الله الجليل الجبار لا اله إلا الله الواحد القهار,
لا اله إلا الله الكريم الستار لا اله إلا الله الكبير المتعال, لا اله إلا الله وحده لا شريك له إلها واحدا ربا وشاهدا أحدا وصمدا ونحن له مسلمون, لا اله إلا الله وحده لا شريك له إلها واحدا ربا وشاهدا أحدا وصمدا ونحن له عابدون لا اله إلا الله وحده لا شريك له إلها واحدا ربا وشاهدا أحدا وصمدا ونحن له قانتون, لا اله إلا وحده لا شريك له إلها واحدا ربا وشاهدا أحدا وصمدا ونحن له صابرون, لا اله إلا الله محمد رسول الله , اللهم إليك فوضت أمري وعليك توكلت يا أرحم الراحمين
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
نسرين
ساره كرودي
مجدي فضل
عبد الله كع
عادل عوض بلال
شبكة
ودقرجاج
طارق جبريل الراقي
وبقية العقد الفريد
لقيت البوست بتاعكم ده واقع في خور جانقى قلت ارفعوا ليكم ياشباب بوستات الاحياء زي علم الحرب لازم يكون في المقدمة وطال ما قلتوا حي الامتداد متفرد لازم يمشي الخور لان الامتداد وطن والوطن غالي ونحن ترعرعنا في هذا الحي المفضال .
ياجماعة اهلنا القُدام قالوا الزيت لو ماكفى البيت حرام على الجار .
بشوف كل شباب الحي بين البوستات ويهملون عنوانهم وهو (امتداد الوطن)
لو واحد بس دخل وقال السلام عليكم او عمل زي كع البوست كل صباح بكون في المقدمة ونحن متابعنكم من زمن بعيد ومتابعين ابداعاتكم ولا ما كده يامجدي وعادل .
بجيكم صادي وبحكي ليكم عن عظمة حيكم
سلام سلام
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: وليد عبد اللطيف)
|
وليد عبداللطيف
يااااخي جينا البيت ودقينا جرس الباب وشخبطنا فيهو بفحم من دكان بت كريم
معزات ياغالي رهيفات بالحيل تجيبني من 14 لحد 13 وبعرج لخور الصحافة عشان أجيك راجع تااااني
للدرجة الفوقه ربينا وتبتبنا علي الجيران وكل الأحباب حتي الرحلوا ونسماتم بينا موده وولف
أبقي في قيف الخور تحسبا لأي غرق للبيت المعمور بناااسوا.
وهادي رفعه وسيظل الأمتداد الراية الخافق في قلوبنا.
،،،،أبوقصي،،،،
| |
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
وليد ياود بحرى احترماتى
كلما الاقيك فى مساحة تراودنى مدينة بحرى
وبالاخص (حى الدناقله) والله بحب الحى ده جنس حب وبموت
فى التراب الجنب الديار ديك وبعشق شجرتين النيمه البره
وتمنيت لو جلست بالايام تحت اى شجرة منهم وانتظرت ساعات
صدقنى لن امل الانتظار فعندما يغادر قلبك ويبرح قفصك الصدرى
وينطلق ليسكن تلك الديار لاشك انك ستحاول ان تستعيده مهماكان
الثمن..شربت كثيرا من ذلك السبيل بجوار منزلهم،، عندهم بابين
باب كبير لونو اسود والتانى صغير ضلفه واحده،، وهو بابهم الذى
اعتادوا الخروج منه وكنت فيما مضى لا اعرف ماذا كان يقصد الحلنقى
حين يغنى محمد الامين( لو وشوش صوت الريح فى الباب يسبقنا الشوق قبلى
العينين)الا فى تلك اللحظات وفى تلكم الايام الخوالى وعندما يلمحوننى
يتدثرون بثيابهم مخافة ان اراهم وهم لايدركون ان القمر لايمكنها ان تبتعد
عن ناظريها ومهما فعلت لاتستطيع ان تذهب الا من سماء الى سماء يعنى
مافى طريقه وطبعا شفناهو شفناهو ...كنت المح نظرات عتاب على جلوسى
فى هذا المكان واحسها وبتغاظ من نفسى شديد لكننى سرعان ماادندن للطيب
عبد الله (غصبا عنى ياامل حياتى لقيت خطاى سايقانى ليك ) فتبتعد عنى
تلك الهواجس المصحوبه بتأنيب الضمير...كنت دائما مااحسد عمك بتاع
الدكان الجنبهم لانه يحظى باكثر من ربع ساعه كامله فى الحديث معهم
مش كده وبس كان الحديث لايخلو من ضحكات عاليه ومجلجله تجعلنى اطلق
زفرة قويه واقول بينى وبين نفسى ياخ عمك ده مالو داير يقفله معانا
وكنت الاحظ انه يبدو اكثر شبابا وحيويه حين يراهم وما ان يذهبوا حتى
يعود للبطء الشديد فى الحركه والحديث بصوت خافت وانحناء الظهر فادرك
حينها انو عمك ده ماساهل ويمكن ان يشكل خطر حقيقى لكن سرعان ماابتسم
واطرد الفكرة ....لكن برضو عمك مامطمن... كانو دايما بشتروا صابونتين
وظهرتين واظنهم اجمل صابونتين وظهرتين فى مدينة بحرى ياوليد...
غايتو انارقه زى دى ماشفتها خصوصا لمن يكونوا داخلين واللفته الاخيرة
دى ممكن تموت زول عديل كده ...
ياوليد للحلم بقيه بس حاتكون عندكم هناك فى بحرى طراوه فهذا جزء بسيط
من حلم طويل حلمته فى احدى الايام وانا فى حى الدناقله اوع عقلك يمشى
لى بعيد ...ولو سألت علاء الدين حايقول ليك ماعندو شى فى بحرى ده حلم ساكت
حكيتو ليهو قبلى كده
مودتى لكل اهل بحرى والامتداد دايما فووووووووووووووووووق
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: SHIBKA)
|
يااخوانا المريخ خزلنا وحول احلامنا من تعادل
الى هزيمة نكراء...وفضحنا وشرط عينه وكرعينه
بقى ماعندهم امل غير يفسحوا المجال لى سيد
البلد عشان يرد الاعتبار ليهم ولكل
البلد ويالله ياحبيب الملايين منتظرين دورى
الاربعه على ناااااااااااار
....ابوقصى ربنا يصبركم على هذا البلاء
كع ...............اللهم لاشماته
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: moaz elsir)
|
Quote: ياقرجاج
اللهم لاشماته
انا بتقبل العزاء بالنيابة عن الجماعة!! |
كتر خيرك يامعاذماقصرت والله
لكن مافى زول رفع راسو لشنو
انشالله المانع خير ...وين الروح
الرياضيه... اخوانا المريخاب
عند المصايب والمحن مانستسلم
ودايما نردد لاحوله ولاقوة الابالله
اللهم لانسألك رد القضاء لكن اللطف
فيه...............وعندها سيزول البلاء
وقلبى يتمزق من اجلكم...
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
الاخوان
مجدي فضل
وعبد الله كع
مدثر قرجاج
مشكورين كتر بالترحيب ولاتنسو بيت جدنا عباس عبد الرحمن في مربع 13 من اوائل البيوت في الامتداد وكذلك بيت ناس قرجاج وكم بيت بنعمل ليكم توثيق لهذا الحي المفضال ان شاء الله
وعشان حيكم الجميل تاني جيت رفعت ليكم البوست (وين طارق جبريل مشى رحلة ولا شنو )
ود قرجاج
ياخي ماتحكي لشباب الامتداد ذكرياتكم وقعداتكم مع الراحل المقيم (عثمان حسين ) وكيف تأثر بكلمات وكاد ان يبكي .
ياودقرجاج اذكر زمان سمعنا كان عندك 4 روايات وانت في الثانوي العالي وسبق انا كتبت الكلام ده في المنبر العام في احدى البوستات المفتوحه وانت لم تجيب وتتحفنا بواحده منها.
ياخي ماتغذي البوست بتاع الامتداد عشان مايهبط للدرجة الثانية بواحده من روايعك يارائع .
سلام سلام
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
حبيبنا وليد عبد اللطيف
ياخي مرحب بيك شديد
ونورت البوست بي طلاتك البهية
ويا ريت تكتب انت ذكرياتك عن الحي المتفرد
وقرجاج دة انا لسة منتظر منه الكثير في البوست دة لانه فعلا راجل كتاب شديد
ما زينا ديل بنجي شايتين ضفاري ساكت
يا كع والله زهجة المريخ روحتنا من البوست
تقول شنو بس ما خلونا ذاتو ندافع عنهم
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
ياوليد ياسلام على ابو عفان وايامو الحلوة
وانشاالله لو الناس استحملتنا ممكن
نكتب عن تلك الايام ..
...............................
...............................
طارق جبريل والله ماشفنا ليك شوت
ضفارى الا غايتو تكون بشجع المريخ
ياهو ده البطش بيك
....
ابوقصى خلاص يااخوى جفف دموعك وتعال
واقتنع انو الوصيف يظل وصيف للطش
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
نحن في المريخ أخوة ولا نرضي بغير الشهب علا
ومازلنا لكم بالمرصاد وبكره بتكونوا تحت رحمتنا ياقرجاج ونسمع كع كرع وبتقولوا أبوقصي قال!
لا ترقص فوق جراح الآخرين فغدا تكونوا البيشن ونحن المعالجين !
نهواك في كل الظروف 
ياحمم من ناااااااااار الحروق ويانجم تجرف كل الشروق
،،،،أبوقصي،،،،
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: SHIBKA)
|
الأخ العزيز عبد الله عوض "كع"
شكرا ليك كثير على تفقدك للجميع وسؤالك عن الغائبين
أنا بخير والحمد لله وأستعد للسفر للسودان لقضاء شهر رمضان والعيد مع الأهل بالامتداد ونسأل المولى عز وجل أن يعيد علينا رمضان بالخير والصحة والعافية واللمة الحلوة
والتحية للجميع بدءا من الأخ العزيز طارق جبريل وإنتهاءا بآخر المنضمين لهذا المنبر الأخ العزيز مدثر قرجاج
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
Quote: شكرا ليك كثير على تفقدك للجميع وسؤالك عن الغائبين
أنا بخير والحمد لله وأستعد للسفر للسودان لقضاء شهر رمضان والعيد مع الأهل بالامتداد ونسأل المولى عز وجل أن يعيد علينا رمضان بالخير والصحة والعافية واللمة الحلوة |
سلام صديق حمدتو .. اخبارك واخبار العيال والله شوق كتير .. نسال الله ان يجمعنا في ساعات خير ..
ياخي .. ربنا يوصلك بالف سلامه انت والاولاد ويبارك لك في صيامك وقيامك ويجعل ايامك كلها اعياد .
تحياتي لك شباب الامتداد وخاصه والاخـــــــــــــوان في مربعنا الحبيب .
بلغ سلامي للدكتور حاتم واولاده
وكل سنه وانتم طيبين
هاردلك - ليك واحده ولامير الجمري 16 مرة
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
طال غيابنا ولا حد سأل
شكلكم يا طارق جبريل مع من حضر (ذي ما رحلنا من الامتداد نقوم نرحل من البوست دا ) بس سلامنا
احمد جمعه - جومو اذيك ياخي وكيف الحال - كدي اتذكر
مصطفي سري كيف حالك واحوالك وبرضو كدي اتذكر
فيصل محمد خليل ود حلتنا طالت الغيبه
ياسر ادريس والله مشتاقين نسمع اخباركم وتحياتي لطارق ادريس كثير
عادل عوض بلال -العربيه ذقللت عيونا اظهر يا اخي
................................................ازهري محمد موسي
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: Azhari Mohamed)
|
بابكر التوم شكرا على كلامك الحلو
والبوست اكثر عمقا بيكم انتو
...........................
ازهرى ود حلتنا خليك قريب ياخ
ومرات ومرات ناس البوست سألو منك
..............................
عادل عوض بلال عليك الله طله صغيره
كده ياخ انشاالله ترفع البوست لكن
بس طمنا....
...............................
ويتواصل مسلسل انسلاخ جمهور المريخ
والانضمام لنادى الهلال وسط حفاوة
سيد البلد اخر الاحصائيات بينت ان
مايقارب من خمسمائة مشجع للمريخ(سابقا)
انضموا لسيد البلد
ابوقصى لاادرى ماذا تنتظر؟!!!!!!!!!!!!!
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
يا طارق يا حبيبنا
الغياب كان بسبب وشاية كاذبة من شخص هنا في جده انني شخص وهمي وليست من بورداب جده والسبب أننا نقول الحقيقه ولا نخشي في الحق لومة لائم ......
تحياتي لكم جميعا ..
مدثر قرجاج ... اذيك ياحبيب ..بس يا طارق في حد يسيب المفخرة ويمشي المقبره يا مدثر قاعدين ترفعو الفاتحه لما تدخلوا المقبرة
تحياتي للجميع
....................................ازهري محمد موسي
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: سارة كرودى)
|
(اهلي وعشيرتي ابناء الامتداد)
إن سبقتوني فأنتم الكرام ابناء الكرام
وإن سبقتكم فمنكم تعلمت الاحترام
فأسأل الله الذي أهل الهلال وأرسى الجبال
أن يبلغكم ماتتمنوه وأنتم في أحسن حال..
وبأصدق التهاني أهنئكم بقدوم شهر رمضان المبارك
اللهم اجعل أبواب الجنة الثمانية تفتح لهم..
وقلوب الناس ترتاح لهم ..
وكل حسنة تتضاعف لهم ..
وكل خير في الدنيا يوهب لهم ..
وكل نعيم في الجنة يعطى لهم ..
وفي كل خطوة الملائكة تدعو لهم ..
وفي كل ليلة يغفر لهم ..
رمضــآن كريم وكل عام وأنتم بخير
مـعــاذ الســر
| |
|
|
|
|
|
|
|
|
 Re: (5) امتداد الدرجة الثالثة ذلك الحي المتفرد (Re: بابكر التوم)
|
Quote: مدثر قرجاج ... اذيك ياحبيب ..بس يا طارق في حد يسيب المفخرة ويمشي المقبره يا مدثر قاعدين ترفعو الفاتحه لما تدخلوا المقبرة
تحياتي للجميع
|
ياازهرى حبابك المقبره سميناها مقبره من كترت مادفناكم فيها
وكان للمفخره عملتوها بقروش الحكومه............والفاتحه عليكم
فى الدورى وفى الابطال واخر دعوانا ان شتت شملهم واجمع شملنا
.........................................................
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
طارق جبريل واهل الامتداد هوى كل سنة وانتوا بخير
بالامس القريب الدرب ودانى هناك لاكن جنس لساتك فى ميادينكم حاجة لا تسر الناظرين اقصد اللساتك وما تفهمونا غلط .
تخريمة
اقتح ضرب اللساتك بالوان تتفقوا عليها عشان شبكة ما تزعل وتقول هلال ومريخ
كونوا بخير
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: Rashid Ali)
|
Quote: طارق جبريل واهل الامتداد هوى كل سنة وانتوا بخير
بالامس القريب الدرب ودانى هناك لاكن جنس لساتك فى ميادينكم حاجة لا تسر الناظرين اقصد اللساتك وما تفهمونا غلط .
تخريمة
اقتح ضرب اللساتك بالوان تتفقوا عليها عشان شبكة ما تزعل وتقول هلال ومريخ
كونوا بخير
|
حامد رمضان كريم ياخ
اللساتك دي عشان العربات ما تدخل الميادين ياخي
راشد ابنعوف
ياخي الف سلامة وين كنت غاتس
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: ahmed khidir)
|
رمضان هنا عندنا كسح أسبوعه الأول ونلتقي العام القادم ونحن أكثر ترابط وإخاء
كع والفنايل الكُحلية الشاربه موية مطره بكره بنقول رجع الصدي وعاد لي حكايتو وردده !!!!!!!
الزول الأسموا راشد علي ده مالوا ياكع ماقاعد تفطروه ولا شنو !! أوع تكون نسيت الكِتابه سطور مخفيه
راشد ود جبريل يااااااااخي بالغت عديل كده.
شبكة رمضان يتعاد علينا وعليكِ بكل الخيران وتخضر ميادين القطبين شروق وبيني وبينك مافي كأس للسودان في البطولة دي إلا إذ عاد الأمر الوهااااااااااج دي لبابكر التوم وأحمد خضر وأشرف الباقر وبدر الدين يعقوب وعبدالغفار في تاني رشاشة في الخرطة ولا تقيفوا في السبعه دي.
سارة كرودي يديك ألف عافية ورمضان كريم عليكِ وعلي الأسرة الضغيرةوالكبيرة
معاذ السر الدوحة كيف ورمضان كريم ياسيدي لك وللأسرة جاي عمره ولا أنفلونزا الخنازير مجهجهاك أخبارك ياراقي.
فيصل محمد خليل سيخ مربعي الودود سلام ورمضان كريم مسكاقمي يااااخي النقابي العجوز ده ليهو وحشة كبيرة وبسأل عليهو لي فترة بندي بكري لكزه عبر الميل هنا هرشنا مانكتب تااااااني لوووووووووول.
في آخر أخبار الديار والأمطار قد تساقطة البيوت تباعا وربنا يستر الغلابة ويحفظ بيوتنا ويصلح الحال وقد يكون الضرر أكبر إن أستمر الهطول أكثر من كده وسوف نحتاج لناااس الداخل قرجاج وصحبه وجومو لتقيم الوضع علي الأرض وإفادتنا عبر البوست ولنتفاعل من أجل 14 مربع نملك فيه 300م .
،،،،أبوقصي،،،،
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
والله ياشباب جنس غرق هو؟! المويه من كل الجوانب
وكميه من الحيط والابيار والغرف سقطت تحت وطاة
المياه انا شخصيا هرعت مفزوعا بعد سقوط غرفه
كامله للجيران هنا وضجيج وصراخ وناس تقرف وناس
تحفر وناس فى مربع 14 استنجدوا بناس الدفاع المدنى
وناس الدفاع المدنى زاتم غرقانين والمبنى حقهم محاصر
بالمياه يعنى وضع صعب شديد...ومافضلت فسحه فى الامتداد الا
وبقت مسبح بس دعواتكم
بقى ان تعرفو ان والى الخرطوم حفظه الله ركب طياره هيلكوبتر
وبتفقد فى الخرطوم والمناطق المتاثرة من الجو عشان مابقدر يمشى فى الطين
وقد حمل المواطنين المسئوليه لانهم قفلوا المصارف على حد قوله عليكم الله ده ماشى يضحك
ولا معليش شى يبكى ويدعو للحيره المواطن يقول انى اغرق
اغرق والحكومه تحملو المسئوليه ...طيب ياسعادة الوالى
النفق الجنب عفراء ده برضو السبب فيهو المواطن تخيلوا
يااخونا نفق لم يمضى عليه عامان يغرق ويغرق العربات معاهو
نفق طول بى عرض مافيه تصريف نحن فى الامتداد حايجينا التصريف
من وين ؟؟...غايتو الله معانا.............
............
اخر الكلام
استاذ المريخ المفخره الرد كاسل وماعارف شنو من باقى الاسماء
برضو غرق ويتنفس الان تحت الماء ...شى عجيب!!!!!!!!!!
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مدثر قرجاج)
|
شكرا يا مدثر ..
لعكس الواقع واتمنى انو توضح حجم الاضرار للناس الاكثر تضررا ،،،
وأكيد يحتاجوا لدعم مادى عاجل ،،،
حتى يكون بداية لكى يأتى البوست أكلة ،،،
ويكون نبراس لتفعيل الصندوق
هيا لنأصل بان امتداد الدرجة الثالثة حى متفرد
واتمنى من الجميع الحضور للمساهمة وعمل آلية لمساعدة المتضررين ،،،
ويكون البوست هو المحرك لمن بالداخل يوجد تصاريف بالامتداد ولكن تنقص المعينات ،،،
واتمنى ان لانتجادل بمن المسئول الحكومة أو الشعب منذ عشرون عاما ليس لدينا حكومة
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
سلام يا شباب
عطفا على احتجاج جميل من اخونا بدر الدين يعقوب في بوست سابق
وعطفا على كلمات طيبات من اخونا عبد الحليم
وعطفا على مداخلة سابقة لاخونا مدثر قرجاج
وعطفا على ملتمس من اخونا بابكر التوم
يا شباب لو البوست دة ما ادى وظيفته الاساسية بعد الصلات الاجتماعية وهي محاولة تقديم يد العون لحي احتضننا جميعا
وقدم لنا الكثير الكثير... بنكون واقفين في نقطة ما قادرين نطلع منها...
يؤسفني انني قرأت أن من بين ضحايا الفياضانات الأخيرة شخص من الامتداد
وخلال متابعة حثيثة مع اهلي في الداخل وهم يتوزعون في مربعات عديدة (3/10/11/9) اتضح لي ان هناك اشكالية كبيرة
في عملية تصريف المياه... هناك أسر قضت اليومين السابقين دون نوم في محاولة منع دخول المياه الى منازلها
عشان كدة وبالبلدي لو ما ساعدنا الناس الديل التراب في خشمنا وحا نكون بُطان مانا نافعين شي
وعليه ارتأيت ان انزل عليكم بقرارات دكتاتورية ويجب أن تنفذ فورا ودون حتى الحق في المناقشة
أولا كل فرد من ابناء الامتداد خارج الوطن مطلوب منه مساهمة عاجلة حددتها في مبلغ 30 دولارا (ثلاثون دولارا) ومن أراد أن يزيد فالله يجزيه خيرا
تتكون لجنة من الداخل من الآيتة اسماءهم:
- عوض الله (رئيس نادي الامتداد) رئيسا
- صلاح تيتاوي عضوا
- مدثر قرجاج عضوا
- احمد جمعة (جومو) عضوا
- على حسين خلف الله عضوا
تقوم هذه اللجنة في اسرع وقت ممكن بحصر الخسائر في الحي
وتحدد كيفية شق الطرق والخيران التي ستساعد في تصريف المياه عن الحي
ومساعدة الأسر التي تحتاج إلى مساعدة عاجلة
تكوين مندوبي المناطق:
- منطقة جدة: ابو قصي
- الرياض: بدر الدين يعقوب
- قطر: بابكر التوم
- الامارات: عصام احمد علي (ابو دية)
- امريكا: احمد خضر
- كندا: بكري الخليفة
- سويسرا والمانيا: عماد عويس
- هولندا: محمد مصطفى
- بريطانيا: عوض كمبا
- المغرب العربي: طارق جبريل
وكل منطقة لم اذكرها لم يحضر في ذهني شخص بها
وعليه ناس كل منطقة غير مذكورة يحددوا شخص لجمع المبلغ
وأقصى حد لاستلام المبلغ هو يوم 21 سبتمبر الجاري
على اساس في نهاية الشهر تحول جميع المبالغ للجنة الداخل للقيام بذلك
وعشان الامور تكون فيها نوع من الشفافية لجنة الداخل
حا تحيطنا علما بكل المبالغ التي صرفت واين وسننشرها هنا وفي منتدى الامتداد
بخصوص الداخل كل من يرى انه قادر على المساهمة ولو جنيه واحد كتر خيرو
آثرت ان انشر هذه المبادرة هنا لانه الموقع دة بيقروه ناس كتار
وسوف انشر نفس المبادرة في موقع الامتداد
وعليه اي زول حا يدخل هنا ويسجل اسمه دة بيعتبر التزام منه بدفع المبغ قبل التاريخ المحدد
وحتى الناس الما عندهم اشتراك هنا في سودانيز ممكن يأكدوا مساهمتهم من خلال الايميل:
[email protected]
فقط ارجو منهم كتابة الاسم كاملا مع ذكر المربع
بسم الله نبدأ:
(1) طارق جبريل- مربع 3
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
يا سلااااااااااااااااااااام!
اسمحوا لي اني قلت يا سلاااااااام قبل ما اسلم عليكم واقول ليكم .. رمضان كريم
الامتداد مربع 11
ذكريات لا تنسى
هناك الحبوبات يجلسن على قارعة الطريق وحينما تلقي عيهن السلام يرددن الكلمة الجميلة: كيفنك ابوي..
الشارع يفيض بالأطفال فيما اضحى معروفاً بـ(شارع المليون طفل)..
ذكريات الدراسة في معهد صلاح!
أبخرة الأقاشي تتصاعد في الشامية!! ومحطة 7 باقية في الوجدان!!
اكثر ما كان يميز ذلك الحي المتفرد هو ترابط اهله والصلة غير الطبيعية بين الجيران والتي تجعلك للوهلة الاولى تظن انه تربطهم صلة الرحم والدم الواحد!
الألقاب التي لا يفلت منها أي شاب! فهذا حسن شلوفة وذاك خالد كشوش وهكذا تستمر الالقاب!
ـــــــــــــــــــــــــــــــــ
تقبلوا وجودي بينكم وتقبلوا تحياتي
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
ابو الخل حمدا لله على السلام
وليك ولي هيثم السلام
وين الصور والتوثيق
وما زال الامتداد في انتظار ابنائه:
(1) طارق جبريل- مربع 3
(2) بابكر التوم - مربع (1)
(3) عبدالله عوض عبدالله احمد (( كع )) مربع 8 - 11
(4) محمد عبد الله مختار مربع 11
(5) معــاذ الــسـر مربع 13
(6) مجدي عبدالرحيم فضل محمد مربع 14 منزل رقم 4
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: صديق حمدتو)
|
العزيز صديق حمدتو
والله الشوق مطر عدييييييييييل، الا حبسنا الشديد القوي
ان شاغلنا ولما قلنا نرجع لقينا روحنا مع المرافيد :) غايتو بعد مجابدة حت(ن) ادونا الباسوورد
كيف اخبارك واحوالك؟
ويا مرحبا بياسر ادريس ابن الرابطة، خليتني اجتر الذكريات واذكر ابام الرابطة في رمضان وطربيزة والوست والجرسة تحت الدش والخرطوش، اسيكوك تمشي تقعد تحت الدش في الحمام لغاية ما يجي قيمك، البذكره انت وياسر كان ما شاء الله عليكم (محظوظين) :) ورقكم دايما محمل :) وحفلات العشاء في ليالي رمضان، كانت ايام جميلة ياخ يا حليلها
والله ايام يا زمان
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: Yassir7anna)
|
المتمرد هنا رجع يا جدعان
وما زال الامتداد في انتظار ابنائه:
(1) طارق جبريل- مربع 3
(2) بابكر التوم - مربع (1)
(3) عبدالله عوض عبدالله احمد (( كع )) مربع 8 - 11
(4) محمد عبد الله مختار مربع 11
(5) معــاذ الــسـر مربع 13
(6) مجدي عبدالرحيم فضل محمد مربع 14 منزل رقم 4
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
Quote: وما زال الامتداد في انتظار ابنائه:
(1) طارق جبريل- مربع 3
(2) بابكر التوم - مربع (1)
(3) عبدالله عوض عبدالله احمد (( كع )) مربع 8 - 11
(4) محمد عبد الله مختار مربع 11
(5) معــاذ الــسـر مربع 13
(6) مجدي عبدالرحيم فضل محمد مربع 14 منزل رقم 4
|
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: moaz elsir)
|
| Quote: - قطر: بابكر التوم |
شكرا ياريس على الثقة وهى تكليف وليس تشريف ....
انا بقترح يكون مندوب قطر اخونا العزيز معاذ السر ....
انا طبعا ساكن بعيد (جوبا - قطر) 
ومعاذ يعمل فى موقع استراتيجى وكل السبل متاحة من ناحية التحويل ...
لعناية شبكة وعامر تيتاوى واخونا أحمد بنقر مابوردابى لكن مساهم ...
يلا يامعاذ اشرع فى ابلاغ كل شباب 13و14 وباقى شباب الامتداد بالدوحة ...
ولبقية الشباب مازال الامتداد فى انتظار ابنائة
| |
|
|
|
|
|
|
| |
عبدالله كع
بدرالدين يعقوب
مجدي عبدالرحيم فضل
فيصل محمد خليل
SHIBKA
وليد عبد اللطيف
مدثر قرجاج
بابكر التوم
moaz elsir
omer osman
طارق جبريل
صديق حمدتو
Azhari Mohamed
حامد محمد حامد
Rashid Ali
ahmed khidir
محمد عبدالله مختار
mohmed khalail
ابراهيم محمد موسي
Yassir7anna
فيس بوك
تويتر
انستقرام
يوتيوب
بنتيريست