|
|
|
 Re: (5) امتداد الدرجة الثالثة ذلك الحي المتفرد (Re: سارة كرودى)
|
Quote: انت الناس ديل لقيتم وين .. ..
ياخى سلم على خالد وقوليهو الف سلامة وكفارة وماتشوف شر انشاءالله .. ..
خالد لولو كل الناس بتتفق عليه انو راجل طيب وبسيط واخو اخوان .. .. .. ..
تخريمة .. ..
ياكع على وزن شبكوتةمافى تانى .. .. وش حزين للفطه ؟ |
العالم مردومه في حفرة اسمه السعوديه وبالتحديد الركن الشمالي الجنوبي من مدينه الرياض ..
لولو فاكها فيكيم واللا شنو ؟ نصيح وما عندو اي عوجه ..
حتي ضحكتو ذاته سمينه ما شالله عينا بارده ..طيب وخلاق ميه الميه
بس عيبو الوحيد جنو شمار ....
يا السرة
((غير السرة ماعندنا يا السرة ( ضم السين ) ))
| |
 
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: سارة كرودى)
|
Quote: ابو قصي
غايتو مرقت روحك برااااااااااااحة من حكاية بت وولد دي
طيب بحاول انزل ليكم شي من حتى للفنان عماد عويس |
دي ما مكنه علي قول كع لأني تداخلت معكي في بوست آخر وأعرف تماماً وماكنت لا أعرفه أنكِ من سكان الأمتداد ومربع 3 ديل أصحابي جدا وبالذات عماد محمود ومعتصم غلاب وناااس ثلاثه ديل أنا حافظهم كلهم ناااس النجوم قبل الربيع وصديقي أسامة ود لندن وصلاح قسم الله والمرحوم مدثر قطبي وناااس حافظ وود المكي وزاهر حمد ونااااس ناصر جبريل ومطاعيمو وعمر عبداللطيف ووائل دسوقي ومعاوية طمب باااي رحمة الله علية ياالله دي زمن جميل خالص أريتو يعود حتي لو علي أسافير حروفنا الجميلة بس كدي أنت ما طولتي الغيبة بقوم أشوف معاوية محمد برسل لي كل حفلات عماد محفوظة عندوا .
كع
سارة
معاذ
وين بت جمال من ما دخلت مكة أحتُجبت تماماً
عادل عوض بلال دبابوا ده خرج بيهو من الكرة الأرضية
صديق حمدتو تاوق وشتت تاني
وفيصل ظهر وبان وبرضو عرج علي الصحافات
العمده أدانا طله وعمل نائم
بالله ياكع خالد عمر حسين (لولو) وين اراجل ده مشفر أيه آر تي ألف سلامة ليهو ياخي
عمر عبدالعزيز جاي جده للعمل نرحب بيهو
،،،،أبوقصي،،،،
| |
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
Quote:
بالله ياكع خالد عمر حسين (لولو) وين اراجل ده مشفر أيه آر تي ألف سلامة ليهو ياخي
|
الزول قاعد في امن وامان .. اتقابلنا قبل كم يوم في حاجه كدا ما معروفه هي شنو
حفلة زواج واللا استقبال واللا وداع ..
المهم : اتونسنا ذين وقطعنا لينا جنس قطيعه ... استغفر الله
وهو متابع جيد للامتداد المتفرد .. وحملني السلام لكل الشباب هنا
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: سارة كرودى)
|
كتب ود حلتنا عبدالله الكعكعوتي
| Quote: فيصل يا طويل يا ملولو- مالك مسجل غياب في دنيا الاسافير ........ هلالابي اكيد طالما وردي هلالابي ! |
انا ما عنديش في الكورة
لكن هلالابي لانو اخوي الكبير عصام الدين محمد خليل
هلالابي
هو انتو ما بتجوش ليه?
ما تبقو تجو
مع تحيات استديو جادالله
| |
|
|
|
|
|
|
|
|
 Re: (5) امتداد الدرجة الثالثة ذلك الحي المتفرد (Re: فيصل محمد خليل)
|
لكم جميعا كثير سلامي ومحبتي ..
اه ماقلنا ليك ياابوقصي ..لكن الحمدلله جاءت سليمة
ياسارة ويامعاذ وكعكوعي براحة وبهداوة بالتي هي احسن
الشريط بجيكم ,,,
يااخت شبكا الناس دي كلها في الغربة والغربة نارها حار شديد بلخبط سلوك
الراس وبخلي الواحد دائما مجلي اه مابالك زول ليهو قرابة الـ18 سنة برة
تفتكري حيتذكر عمك؟؟ لكن اقوليك ..اكتبي ليهو اسم عمك وين يسكن ونشوف ذاكرته
وبعدين عماد عويس ماعنده غنا حقة مقلد يعني ماممكن تطلقي عليهو فنان ولكن بحق كان موعود ب6
اغنيات من السنوي الضوي وابراهيم ابوديه الله يرحمة(ثنائ العاصمة) لكن ترك البلد وسكن الغربة
غايتو نحن في انتظارك وانتظار الزمن الجميل,,ياكعكوعي المابعود تاني ونوم علي كدة
كثير اشواقي وودادي
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عماد شمت)
|
عماد عويس
الغنية كانت بدر سامي علاه ياربي لسة بتغنيها زي زمان
عمي متوكل شريف كان في دار النشر الزمن داك
ومعاكم في بلد الغرب عفيفي احمد الشيخ واذا عرفت ديل بجيك بباقي الشلة
ناس مبارك وداعة وياسر محمد الحسن والشابي ودي كلها شلة عمي دا
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: moaz elsir)
|
| Quote: يا معاذ رايك شنو نقوم نرجع للامتداد بلا غربه ووجع راس ؟ |
هذه الابيات للشاعر الرائع محمد سعيد دفع الله يشكي لابنه حاله فى الغربة:
مليت مـن الغـربه آعلى ياولدى ياايدى اليمين
داير الرجوع بس كيف يكون يكون وتفكيرى فيهو أنا من متين
كل ما أقول اصبر شوي باكر تكون الحالة زيـن
القي الظروف ياها الظروف بل زايده سوء بحلف يمين
وآخد لى لفته على الزمان القاها مرت كم سنين
لمتين بتتفك القيود القاسي قلبها ما بيلين
جيت فاكر أنى أكون سعيد بى مال بيجرى على اليدين
لكنو مقسوم ياالعزاز رزقا يكون دايما ضنين
والشى العجيب مما وصل ولليلى فوق اكتافى دين
حسره وهموم متواليات والدمعه يوت هالابه عين
نيران مولعى فى القلب مسكين فقد لضرا الأمين
كان عيشتو هاديه قبل يجى وفى بيتو كان قوتو اليقين
والليله في الأهوال دوام يصرخ ومو لاقى البعين
وينك بعدتى على ليه وأنا ليكى كاتلنى الحنين
يالسمحه سموكى القرير والناس تجيك من وين ووين
وأنا قمت منك شن أقول غير ده المسطر في الجبين
يادرة الوطن العزيز ياالنادره ياالماليك وزين
عشمى ومناي ارجع واجيك أنا غيرهواك متل السجين
داير اكون بين الاهل محضون وحاضن اعز طين
داير حياتى مع الصحاب واللقمه مابين العوين
يالوبه شمر للضراع والليلى جيت أوصيك دحين
كونك تقصرمااظن وأنا عارفو طبعك ياالخزين
يات من معلم درسك شاكرك علم وخلقا يزين
ما عليك خوف مادام معاك زولا مسمى الزين وزين
آنت البتعرف للأصول كاسب رضاء الوالدين
من قمت درفونا صغير ماكت يوم نيا عجين
دايما مواظب ومجتهد في الجانبين دنيا ودين
ورافع السماوات غير عمد داعيهو ينصر وليك يعين
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: moaz elsir)
|
Quote: مليت مـن الغـربه آعلى ياولدى ياايدى اليمين
داير الرجوع بس كيف يكون يكون وتفكيرى فيهو أنا من متين
كل ما أقول اصبر شوي باكر تكون الحالة زيـن
القي الظروف ياها الظروف بل زايده سوء بحلف يمين
وآخد لى لفته على الزمان القاها مرت كم سنين |
وحاة النبي .. خلاس فاض ..والعمر شتت
Quote: والشى العجيب مما وصل ولليلى فوق اكتافى دين
حسره وهموم متواليات والدمعه يوت هالابه عين
نيران مولعى فى القلب مسكين فقد لضرا الأمين |
الله المستعان .. اللهم اعنا علي همومنا
Quote: عشمى ومناي ارجع واجيك أنا غير هواك متل السجين
داير اكون بين الاهل محضون وحاضن اعز طين
داير حياتى مع الصحاب واللقمه مابين العوين |
((صحن بوش ))
ــــــــــــــــــــــــــــــــــــ
مفصله تفصيل يا معاز ... مقاسي ميه الميه
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: فيصل محمد خليل)
|
Quote: لكن هلالابي لانو اخوي الكبير عصام الدين محمد خليل
هلالابي
هو انتو ما بتجوش ليه?
ما تبقو تجو
مع تحيات استديو جادالله |
كيف ما عنك في كوورة !؟
يا عزيزي كل السودان مقسوم علي 2 - يعني تلتو مريخاب والتلتين الاخرين صفوة( ابوالهل )
بعدين عمري ما شفته لي حلفاوي مريخابي ..
اعلاه لتاكيد هلاليتك يا شيخه
استديو جادالله راح في غضب الله ..
الله يرحم سيدو
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
آب
عشان اللمه الحلوه الفوق دي
سلام من 1 حتي 14 والحدود الجنوبية ناااااس الصحافة وما جاورها يافيصل دافينشي في السلك يديك العافية فيصل
العمده ود عويس معاوية محمد تنزل فيما مضي أغاني لك جميلة جدا بس بكري حرمنا من الأغاني وحتي الأماني الفي السفر .
كع بطل جُرسه وخليك من سيد جرسه ده رمضان علي الأبواب وكده
،،،،أبوقصي،،،،
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
ياأحمد خضر وين أراضيك وأطراف بحري أم ضريوة كيف في الصيف
مشتاااااقون يارجل.
العمده ود عويس شبكا دي ماناااويه تجيب الغناء أليلك ولا شنو علي قول طارق جبريل مختفي مالوا حرد البوست من شاف خروف البورداب أم جلدا مبرص شوق ماعادي طارق.
خلتني أتذكر آمنة عبدالكريم ليه ما عارف ؟؟؟
خليك معانا شوية ياالبعيد في دبي!!!!
تاني عتاله مجانية ياكعكعوي علي قول فيصل
،،،،أبوقصي،،،،
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: moaz elsir)
|
Quote: أمشى شوفو إذا لقيتو مافى سوقو جيبو ، إذا لقيتو فى خلى تعال ، مشيت شفتو لقيتو مافى ، سايقو جايبو رجع منى ، رجعت أجيبو لقيتو فى ، خليتو جيت
(إثنين مساطيل عاوزين يسرقو خروف جارهم) |
معاذ
هاك دي
حلفاوي عندو دكان جاهو واحد فلاتي وقام قال ليو : بالله أديينا كيت ( خيط)
الحلفاوي ما فهمو وبعد تعب شديد الفلاتي خش الدكان وشال الخيط . الحلفاوي زعل منو شديد وقال ليو : هريقة فيكم يا خي قبل ما يفكوكم في الشوارع ما حقو يألموكم الأربي يا شيخنا ده ما إسمو كيت ده إسمو هيت هيييييييييييييييييييييييت
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: SHIBKA)
|
عويس
الغنية كانت بدر سامي علاه ياربي لسة بتغنيها زي زمان
ما قاعد اغنيها لكن لوغنيتها حاغنيهاعشان خاطرك بس وفي الحفلة
الجاية في روما يوم 15/8 بس انت كمان مطلوب منك تجيبي لينا الشريط
عمي متوكل شريف كان في دار النشر الزمن داك
ومعاكم في بلد الغرب عفيفي احمد الشيخ واذا عرفت ديل بجيك بباقي الشلة
ناس مبارك وداعة وياسر محمد الحسن والشابي ودي كلها شلة عمي دا
لاحولة ولا قوة الا بالله ديل جبتيهم من وين ؟؟؟؟
متوكل شريف عمك؟؟الكارثة لا حولة ...شفتي اول ماقلتي كلامك داك انا راسي اول شي مشا
لي الشلة دي, واصلو انا عندي كم شلة,, ديل اسمهم شلة الانس..انا عمك كنابنعمل جنس مقالب..
لا بالحيل غنيت ليكم كتير ...اه حنة متوكل و وبدرية ..انت ماشه ياسر محمدالحسن ونجاة
غنيت ليهم في عطبرة يومين لامن صوتنا شالو الهوي..
اه كل مرة متوكل يجيب لي اصحابة بتاعيين النشر..وياسر ناس كلية الطب ..وعفيفي خليهو ساكت
سمعت بزواجة ,, مبارك وداعة كان وديع شوية وكمان معانا مولانا يوسف العبيد ..
ياشبكا انا بعرف اسرتكم كلها ومازالت الصورة حية ..
عليك الله جيبي لي تلفوناتهم طيب عفيفي جنبي هنا في المانيا وانا ماعارفه !!
ياسلام ذكرتيني ايام لا تعود ولا في الاحلام ..ايام فيها الصفاء والنقاء والمحبة والبساطه
اها بعد ده كله دايرين نشوف الزمن داك ..
كدي ارجع لينا وقولي الباقيين عشان علي الاقل الواحد يرجع وينشط الذاكرة مع العلم كثبرمن
الفايلات اتمسحت ..
ماتنسي التلفونات لحدي ماارجع ..
اه ياكعكوعي الغربة حارة وحارة انت يادوب حسيت بيها ..كان كده انت صحيت ..
سلام وتحية وشوق
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
قال ليك
واحد واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . .
قعـد محلــــــــــــــها !!!
شايقى قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
عبد الله
هاك ديل
وصلوني الليلة
مسطول قال لصاحبه :
شنو ياخي
الوالد مما اتوفى بقينا ما بنشوفو ؟
في الحافلة فجأة شريط المسجل وقف
المسطول سأل الراكب جنبو:
اسمع يا أخي ود اللمين ده نزل ولاشنو؟
مسطول جاء داخل بيتهم بالليل....
ابوهو صحي بيه ...
وعمل معاهو مشكلة
وطردو من البيت....وقفل الباب....
قام المسطول كتب علي الباب بي فحمة...
منزل الدكتور خليل ابراهيم
قال ليك حلفاوين قاعدين يحضرو مسلسل
والزمن داك ماكان في كهرباء في حلفا
بشغلو االتلفزيون بي بطارية العربيه
المهم المسلسل شغال
والجماعه مندمجين للنهاية
فجأة قطعوا المسلسل للاذان
وانتو عارفين الاذان بجر
واحد فيهم قام بحرقه وقال:
ياهو دا الحيطلع ديــــــــــن البطاريه
(انا جاتني كدا يعني انا بررررررررررة)
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عماد شمت)
|
Quote: لاحولة ولا قوة الا بالله ديل جبتيهم من وين ؟؟؟؟
متوكل شريف عمك؟؟الكارثة لا حولة ...شفتي اول ماقلتي كلامك داك انا راسي اول شي مشا
لي الشلة دي, واصلو انا عندي كم شلة,, ديل اسمهم شلة الانس..انا عمك كنابنعمل جنس مقالب..
لا بالحيل غنيت ليكم كتير ...اه حنة متوكل و وبدرية ..انت ماشه ياسر محمدالحسن ونجاة
غنيت ليهم في عطبرة يومين لامن صوتنا شالو الهوي..
اه كل مرة متوكل يجيب لي اصحابة بتاعيين النشر..وياسر ناس كلية الطب ..وعفيفي خليهو ساكت
سمعت بزواجة ,, مبارك وداعة كان وديع شوية وكمان معانا مولانا يوسف العبيد ..
ياشبكا انا بعرف اسرتكم كلها ومازالت الصورة حية ..
عليك الله جيبي لي تلفوناتهم طيب عفيفي جنبي هنا في المانيا وانا ماعارفه !!
ياسلام ذكرتيني ايام لا تعود ولا في الاحلام ..ايام فيها الصفاء والنقاء والمحبة والبساطه
اها بعد ده كله دايرين نشوف الزمن داك ..
كدي ارجع لينا وقولي الباقيين عشان علي الاقل الواحد يرجع وينشط الذاكرة مع العلم كثبرمن
الفايلات اتمسحت ..
ماتنسي التلفونات لحدي ماارجع ..
|
عماد عويس
طالما اتذكرت شلة الانس
معناه ممكن تتخيل كمية الشرايط العندي ليك
هنا في الدوحة عندي شرايط عريس متوكل وسامية
لكن في السودان ممكن القى شرايط تانية في نفس الفترة
بالله انت كنت بتاع مقالب
انا بتذكرك شكلك هادي
انا وقتها في الابتدائي لكن بتذكر شكلك ولغاية وقت قريب متوكل عارف انك في سويسرا لما تجي سيرة الونسة
وزي ما قلت متوكل كارثة
اولادو الكبار اتنين منهم في الجامعة هسة بقوا كوارث زي ابوهم
وابوهم ما مقصر طبعا
عفيفي مافي المانيا موجود في هولندا وزوجته كانت في السودان رجعت الاسبوع الفات
اتخيلي البوست دا اتغير مسارو من الامتداد لشلة الانس
وبجيني طارق جبريل هسة يقول لي ما تغيري مسار البوست
مبارك وداعة كان هادي لما كانوا شلة الانس في العلالي هسة بقي هو الكارثة ومنهم من هدا زي ياسر
بجيب ليك تلفونات البشر دي لكها في رسالة
متوكل اكيد معاي
خليني اتاكد من الشيخ عفيفي احمد الشيخ من تلفون ابوه
مبارك وداعة من متوكل
رجعت بك زي عشرين سنة لورا صاح؟
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: SHIBKA)
|
الاخوة الامتداديون انشاالله طيبين وكويسين وتامين
سعيد وانا بينكم ..لكم كل الود
الحمدلله نحن كويسين وسعيدين بوجودك معنا حبرك رصين منتظريين منك الكتير ...
يبدو ان بكري يادوب صحي ..علي كل حمدالله علي السلامة بين اهلك واحبابك ..
لا ياشبكا الريس حنيييين ومابتحمل التليش ..
كدي غايتو اخد لي لفة واجيكم تاني ..
سلام
| |
|
|
|
|
|
|
|
|
 Re: (5) امتداد الدرجة الثالثة ذلك الحي المتفرد (Re: عماد شمت)
|
قال زعلان من مرتو : رجل غاضب يطارد كلباً بالخرطوم| Quote: صباح أمس والكل يتفقد ماذا فعلت المطرة بالشوارع والبيوت ، تفاجأ سكان حي الأزهري جنوب الخرطوم بمطاردة شرسة بين رجل يسك كلباً وسط البرك التي فعلتها الأمطار . وبعد ان هدأت أنفاس الرجل وشتت الكلب بكل ما اوتي من قوة عاد الرجل وهو في اربعينيات عمره و(نفسو قائم) يلعن الكلب جهراً . وذكر انه كان يعبر الشارع في طريقه للعمل . قرفان من المطر ومافعلته بمنزله الذي تحول لبركة مياه مما حدا بزوجته أن تشتجر معه مطالبة إياه بردم المنزل قبل الذهاب للعمل فرفض ذلك وقابله الكلب بعد خروجه غاضباً فتم الناقصة بنباح وتحرش مما رفع وتيرة الغضب عند الرجل وقام بمطاردته لمسافة بعيدة وسط دهشة الكلب وناس الحلة الذين وصفوا الكلب بالشراسة وإنو اول مرة يخاف ليهو من زول وليس العكس . المطاردة انتهت بفرار الكلب غير مفكر في الرجعة للحلة حالياً . وبحسب صحيفة حكايات اضطر الرجل للعودة لمنزله لتغيير ملابسه . وربما تفريغ شحنة غضبه من نباح الكلب وقومة النفس واتساخ الملابس وفرجة الفراجة في من نقنقت فيه قبيل . |
الضحك كاتلني (مــبالغة) اتخيلت المنظر
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
معاذ
تعرف الحال الوصل بالناااس في وطن حدادي مدادي ومابيبنهو فرادي
لكن دي حصلت زمان مع أخونا فيصل محجوب نورين الزول ده كان طويل وسريع الكلب ساكيهو وهو من شدة ما طائر الكلب دخل بتحت رجلينو وهو بدل يرجع ساكي الكلب حتي الآن الله يديهو العافية ونسمع عندو كل خير وهو من الناااس الفقدم الأمتداد مربع 10 ومقيم في هولندا ولكل أخوانه تحياتنا مجدي وأمير ومعز وأخواتهم.
،،،،أبوقصي،،،،
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: moaz elsir)
|
سلام لكل الناس الحلوين ....
مزيدا من التالق ياشباب ومليون مراحب باخونا مدثر قرجاج ...
وشرفت الديار شبكة ...
| Quote: بابكر التوم وينك؟؟؟؟ |
شكرا معاذ ...
وصلت قبل ساعات من ديار المحنة ...
بس ختامها طين والحمدلله اشكالية باقامة الاولاد معى صغيرى فقط (عزابى بطفل) تخيلها ...
بتصل عليك ياحبيب ...
الشوق بحر ياشباب
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: moaz elsir)
|
| Quote: يا كــع شكلوا الجمــاعة راح يتلموا 3 ايام لحدي يرفعو الصيوان. |
3 يوم ما بتحلهم .... لحدي 2010 حيكون العزاء
كيفكم بالله ؟
انشالله كويسين ؟
الاخبار كيف تمام انشالله ؟
قال ليك:
مصري زعلان من سوداني قال :
روح يا عم سلامكم الكلو اساله ده !!
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: طارق جبريل)
|
في حالة كدي دايره دراسة الجماعة ديل يوم غلبوا الهدف الواحد داك زووول كده بالغلط ماكتب وعملوا حمد لبد
لكن لمن سيد البلد ينقلب تظهر ضروس العقل من شدة الفرح العارم (معاذ الجكة طويل ياأخوي رمم البرك حقتكم دي وتعال أشمت!)
مرحبا أختنا سارة محجوب كرودي أشرقت فوانيس مربعات الأمتداد وهلا الشهر المبارك بتباريح القيام والصيام
وتحية للجميع .
ملحوظة
راجع البورد بعد كورة الهلال من كتب عنها ولكن عندما يتعسر سيد البلد الرشاشات كلها بتشتغل ري نتري يعني بالواضح كده أنتو بتشجعوا المريخ وسوف تبقوا لافين حول هذا الكوكب العظيم
أنا عنهم معاز السر يارشاشه !!! خليك من أبراهيم غيابوا من زمان ونحن النجوم لا نغيب أبدا
،،،،أبوقصي،،،،
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
Quote: أهل الحي المتفرد يا متفردين...
سلام...
قلنا نزوركم في دياركم نطايبكم,
واوعدكم إنو الزيارة الجاية حا تكون
في إمتداد الدرجة التالتة بمشيئة الله...
باقي إنتو ناساٍما هينين... |
حباب ود المدير وحباب جيتو
يا زول ان ما شالتك الارض رؤوسنا تشيلك
كل سنة وكعكوعي الصغير بالف خير
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: احمد جمعه)
|
Quote: كتيرة فاقداك ياكع
نحن قايتو برسل تذاكر للاولاد فقط فى رمضان |
جومو يا حبوب :
قسما بالله انا انتهيت مني عديل كدا وانت قاعــــــد تجيب لينا في افلام الدافوري والطين
والمطرة والفجخيبه حقت السودان ....
يا زول الخريف الجاي انشالله بتلاقاني انا والاولاد خايجين في مويه المطرة معاكم
صدقني يا ابو احميد اشتقته لي ريحة المطرة لمن تدق بيوت الزباله - واشتقته لي فتح السبلوقه
ولي حفر المجري حق البيت والمطرة نازلة في ضهريي - حاجه غريبه الغنم كانو بتدسو في المطرة
تلقاهم لابدين تحت الحيط - ونحنا نتجاري زي الطير - ......................... ..........
تحيات مطرة للكل الناس الرائيعين في الامتداد
يا جومو و كل الناس الطيبين - ربنا لاكتب عليكم الغربه وعفانته
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: احمد جمعه)
|
Quote: يا مجدي ...
ليه ما نفرح وانتو مظعمين 3/ صفر !!! اخ واحد
ما انتو زاتكم لمن الهلال يتغلب بتعملو ليكم بارتي عديل ..
من حقنا نفرح .. ولكن نشجع المريريخ المستحيلات
|
أنتو يا جماعة مالكم بتنسو مسماااااااااار إيداهو الفي قفتكم طوااااااالي ومن هسي وبيقت تنسي الله يعينك ياكع!
،،،،أبوقصي،،،،
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
عمر سعيد وبخت أحلي من أبوهوا يارب
بالنسبة للعيدين ياجميل الآخير أحلي ده لو إتفك عارضـــنا بيكون حاجه كده زي حلم الأماسي قول يارب
ودالمدير سلام وطيب من طيب ولك الأمتداد مهاد وسلم عليهوا بيت بيت وشارع شارع وعمود عمود دي زمنا كان بنلعب حرينا بين العِمدان
كع طبعا صغمبوتي ماحضرنا ناااس كع ربطوا كورة الشراب بي حبل وديقوها ولو لمستم بيتخارج من اللعبه مش يا صحبي.
والتحايا للتجمهر الجميل الممهور بطيب المداد ده ونواصلـــ
،،،،أبوقصي،،،،
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
عامر تيتاوي ............. اخبارك
بكري الخليفه ....... تحيات طيبات
معتصم العربي ........ سألين منك
نسرين .... طولتي الغيبات
العادلين ........... انقطاع تماما ؟
سيد سيدنا ...... اييييييييييييييك ذمن ؟
ناصر - راشد جبريل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كمباء برضو استفهامات كميه
البقيه كلكم يعني .... ما وحشناكمش
ــــــــــــــــــــــــــــــــ
اللهم قسم لي الخير حيث كان .. ولكم ايضا اخواني
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: moaz elsir)
|
Quote: صباح النور .. ..
مدثر اخيرا عرفتنى بى ويتا كيف هم مستمر وله شتته زى .. ..
منتظرين كتاباتك .. ..
والف مرحب بيك .. .. |
والله اخيرا ياسارة عرفتك لانو اسم كرودى جديد على
واتذكرت التقارير بتاعت الدقيق والرده الصباحيه
والترحيل المخستك ...انا شتته زمان البلد ديك مابتنقعد نهائى
شكرا على الترحيب ...
| |
|
|
|
|
|
|
|
|
|
Re: (5) امتداد الدرجة الثالثة ذلك الحي المتفرد (Re: عبدالله كع)
|
اهلنا الحلوين قبيلة السودانيين
رمضان كريم وكل عام وانتم بخير
Quote:
عامر تيتاوي ............. اخبارك
بكري الخليفه ....... تحيات طيبات
معتصم العربي ........ سألين منك
نسرين .... طولتي الغيبات
العادلين ........... انقطاع تماما ؟
سيد سيدنا ...... اييييييييييييييك ذمن ؟
ناصر - راشد جبريل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كمباء برضو استفهامات كميه
البقيه كلكم يعني .... ما وحشناكمش
ــــــــــــــــــــــــــــــــ
اللهم قسم لي الخير حيث كان .. ولكم ايضا اخواني |
اخونا العزيز عبدالله كع
شكرا كثيييييييييييييييير فعلا زمن لكن الشواغل هى المصيبه
ثم الاحساس بالمراره من كتابات كثييييييره تخليك تغير رايك
فى المواصله لكن بحق اجمل ما فى الموقع هو العنوان الحقيقى
امتداد الدرجة الثالثة ذلك الحي المتفرد
|
والشبيبه التى حملت العزيمه من الجنسين وجعلتنا ندور بين
حينا الجميل دون كلل ونتزود بما يردنا من الداخل لنجدد عشقنا
لكل صديق وعزيز وجار واهل واحباب
الترحيب الحار لكل المشاركين الجدد واخرهم ساره كردى التى
جلست على مقعد نسرين جمال التى نأمل لها عوده سريعه.
العذر كله للانقطاع مع كامل اشواقنا وتحياتنا للكل بالداخل والخارج
اخوكم
ســــيد ســــيدنا
تحياتـــــى
| |
|
|
|
|
|
|
|
عبدالله كع
مجدي عبدالرحيم فضل
فيصل محمد خليل
عماد شمت
SHIBKA
ahmed khidir
moaz elsir
طارق جبريل
مدثر قرجاج
omer abdelsalam
بابكر التوم
معاوية المدير
بدرالدين يعقوب
سيد محمد احمد سيدنا
فيس بوك
تويتر
انستقرام
يوتيوب
بنتيريست