جنجاويد الشرق من يكونون.....؟

Quote: ادعيت انك بجاوي وبعدين قلت بترفض النضال المسلح البجا الانا بعرفهم والله سكينهم كان مرقت ما بترجع الا بدمها. كان البجا عندكم مختلفين ده كلام ثاني. لمصلحة من ادعيت تقسيم الشرق لكسلا وبورتسودان اولا يا سيدي ناس كسلا المعانا هنا والله نحن سمن على عسل اخوة افاضل بيشلوا السلاح قبالنا. لكن ناس كسلا بتوع البورد حاجه ما مفهومه بالنسبه لي؟؟؟؟؟؟؟؟؟ حاولت ان اجد سبب لذلك وهذا مجرد اجتهاد شخصي..... وهو ربما:انه نوع النشاط الاقتصادي الذي يمارسه البشر يؤثر في طريقة التفكير وشكل المقاومه يعني النشاط في كسلا زراعي يعني الغالبيه مزارعين وعمال زراعه. نحن في بورتسودان الاقتصاد يقوم على الميناء وبالتالي نحن طبقتين مخلصين جمارك (وشوية التكنوقراط الموظفين) وعمال ميناء وطبعا الغالبيه المسحوقه من عمال الميناء وبالتالي الوعي السياسي في بورتسودان وعي نقابات. ونقابة عمال الميناء من اقوى النقابات. يعني نحن يسار بالفطره وعلى فكره اقوى واكبر نقابات عماليه بعد عطبره كانت في بورتسودان. اها لينا حق نكون مختلفين ام لا؟؟؟؟؟؟؟؟؟ هذا لا يمنع التعاون ولكن نضجنا السياسي مختلف لانه معاناتنا مختلفه وسبابها مختلفه. ولك الود ايها المختلف وانا طبعا امرأه مختلفه. تراجي.