|
|
 سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل ساااااااى
|
ما اجمل ان تحزم حقائبك وانت تحمل الهدايا الى اهلك الحنان في السودان .
ما اجمل ان يصفر كابتن الطائرة منبها ببداية الاقلاع وانت تسمع سبحان الذى سخر لنا هذا ..
ما اجمل ان تجلس على مقعدك في الطائرة وتاتيك الحسناوات بالاكل والقهوة وتقول كدى تتمطى وتتجدع وتسل الطاولة من جوة المقعد الامامك عشان تخت فيها وجبة الطائرة تاكل حاجة وتنسى حاجة نامن تتدشى وتترع .
ما اجمل ان تمسح يديك وخديك بالفوطة البيضاء والنضييييييييفة البتشبه قماش ترمجيات ايام زمان .
ما اجمل ان تجلس مقابل شباك الطائرة لترى السحب التراكمية كالعهن المنفوش تحت اجنحة الطائرة
نواصل
|
|
 
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: Elfadil Sabeil)
|
العزيز ود عمي الشفيع
كيفك والله الشوق ليك بحور وحياتك ات ما بتقصر طب ودى المحرية فيك علا السنة البقر شين طاااااااااب وحاة خوتك كيلو اللحمة عندنا بقى بقرشين .
الاخ ابو بكر ابو القاسم
يا اخي سلامي ليك بالقناطير - حاولت الاتصال بك في السودان لكن باقي لي مشغول بتقرمش ساى في قصب السكر مع السمحة ام عيالك .
| Quote: " التقول الطيارة دخلت فى رملة "" والحمد لله وصلنا بالســــلامة وطلعت عينو باردة |
والله كلام بشرى صاح يا القاسم اخوى انا راكب الطائرة من البحرين للخرطوم قامت نطت ونزلت زى الهامور في الدميرة .
الاخ الفاضل سبيل
الله يخليك ويغطيك ويحفظ لك اهلك الكبار وصغار
| |
|
|
|
|
|
|
|
|
 Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: عروة علي موسى)
|
حبيبنا شيخ العرب ودشيقوق الف حمدلله على السلامة..
العنكوليب هيج فى ذكريات جميلة جدا جدا
دحين ياخوى وليدات الزمن ده باقى ليك بعرفوا العنكوليب
والموليتة والحنبك التمر هندى والتبش و كعكول الصمغ؟
آآآآآآخ يا شيقا ياخ ذكرتنى زمنا كنا نلعب فيه بى كورة الشراب ولما اتطوّرنا شوية جمعنا اشتراكات مع اولاد الحلة واشترينا كفر اب بوز تنفخ الانبوبة وتحشيها جواهه وعنده رباط زى الجزمة والمادافع اشتراك مايلعب والكفر كان بى طرّادة.
مرة اخرى الف حمدلله على السلامة يا الطيب
لكم ودى المقيم
| |
|
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: الطيب شيقوق)
|
ود غور
سلام
| Quote: المرة التانية لما تجى بجيب ليك عفووس ..وكول ...بتعرف العفوس والكول ؟ |
يمكن اخضر قاعد او المشروم - اقول ليك حاجة لقيت ليك المشروم دا اغلى حاجة في الخليج - كدى راخي ليك اضاني وريني سرو شنو
Quote: فى الغرب بنشكر الكول بنقول ليهو :
ودميسر
تاكلو بالايمن
تشمو فى الايسر !! |
عرفتو ليك بكون فسيخ الخواجات ولا كيف ؟
Quote: ألعفووس تقوم بتعمل ليهو حبة دكوة
وشطه ...وحاجات كده شنو شنو ..بيطاع سكلنص
تضرب ألعفووس بالدكوة والشطة عينك تبقى حمرآآآآآ
وعاد هاك يا ردحى ! |
Ya3ani the latest version of the so called MAZA
Ligitni keik?
| |
|
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: هاشم أحمد خلف الله)
|
عثمان ود موسي الحنيّن كيفك
| Quote: اها وخبر البترول الطلع شنو . |
وحاتك الناس ديل جو حفروا زيييييين وسددوا الحفرة بالشمع الاحمر وورونا عرض اكتافهم
الموضوع اسرار لم تكشف بعد
الناس ما فرتقوا كلهم خلوا ليهم ناس حابسين الحفرة زى تلنغ الحابس الرمة
| Quote: انا عندى ولد أختى شغال توصيلات كهرباء فى بلادكم وقال لى البترول بحر . |
قول ليهو في كفة ولا الف طائرة - احسن ليك تمشي تنكت في وطاط دهبكم ديك
Quote: بعدين اعمل حسابك من العنكوليب بعمل ال DIABETES .
يا الطيب قلت لى عمى زمان العنكوليب بعملك ال DIABETES وهو ما عارف الدايبيتز
هو شنو . قام قال لى الدايبيتز حبابو عشرة . |
امانة ما اكلناهو ليل ونهار ما سوى التكتحة يا عثمان اخوى - كان يزيد مروتك ويخليك تهنق زى ال ....
| |
|
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: الطيب شيقوق)
|
الزعيم على ود سر الختم
كيفك وكيف عولك؟
| Quote: العنكوليب هيج فى ذكريات جميلة جدا جدا |
ات براك يا اخي انا خلاني اجن وازيد في الجن عديل كدا
يا حليل ايام زمان - تلقى العيش معيش والبلاد زى الغابة يقولوا ليك ديك العنكوليبة ما تقدر تصلها
الناس الكرام زمان بزرعوهو في شوارع السدرة للضهاري عشان يفك الريق للسدار - والناس الفناجر بسوهوهو ارصفة تلقاهو صف زى عيدان الكهرباء من بعيد
Quote: دحين ياخوى وليدات الزمن ده باقى ليك بعرفوا العنكوليب
والموليتة والحنبك التمر هندى والتبش و كعكول الصمغ؟ |
ديل ديل مسانيح بدخلوا قوقل ويخمشوا المعاني ويمشوا يعملوا بيها الماجستيرات والدكتوراة
| Quote: آآآآآآخ يا شيقا ياخ ذكرتنى زمنا كنا نلعب فيه بى كورة الشراب ولما اتطوّرنا شوية جمعنا اشتراكات مع اولاد الحلة واشترينا كفر اب بوز تنفخ الانبوبة وتحشيها جواهه وعنده رباط زى الجزمة والمادافع اشتراك مايلعب والكفر كان بى طرّادة. |
اخوك زمان درع ليك الرباط دا في كراعو واتلهم القون القيامة قايمة وراهو نامن توووووووش دخلنا الاتنين والقون كان مبين بلدايتين
تعرف اللّداية؟
| |
|
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: الطيب شيقوق)
|
الاستاذ هاشم اب احمد
يا اخي الشوق ليك عنكلب ( دى جمع عنكوليب عند اهلنا العرب) يعني عشان تقراها صاح يا ود الصحافة بتكون كدا anaklub
عشان لما تمر بشارع 61 وتلقى عولنا فارشين العنكلب 3anaklub ما تغلط تقول ليهم هات عناكليب
Quote: شيقا الحبيب وربي مشتاق ليك وإتصلت عليك كذا مرة وجوالك مسكر
اتاريك متجدع في الهبايب والاهل والحبان يا حظك ياخ
بس كان تعمل لينا مس كول عشان نكلمك في السودان
حمداً لله على سلامتك يا حبيب ؟ |
وحياتك يا غالي الاجازة كانت ضيقة شديد والعول متحوشني يمين وشمال انا قلت عايزين ينزلوني في الانتخابات لكن لقيت ليك الشي عوج ومجاعة سااااااى .
بس الجايات اكتر من الرايحات والسترة والفضيحة متباريات وامسحها لي في وشي ومحل رهيفة تنقد .
| |
|
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: الطيب رحمه قريمان)
|
اخونا شيقوق
حمدا لله على سلامتك وانشاء الله العقب خليتم كويسين
قلتى شغل نظيف تاكل فى العنكوليب الحرمة تنقى وانت تاكل ( والله دى فيها كلام كثير بقولك ليك براك ) لكن وين سنونك مركب طقم انت
العيش كلة السنة دى طلع عنكوليب المشروع كلة يبيعوه واقف للبهائم تركتوا العيش وركزتوا على العنكوليب الناس بقت عندكم ناقصة سكريات وسوائل .
كان فيك خير كان رسلتنا معاك ربطة عنكوليب لاهلك ناس السعودية بس على قول اخونا المحرب شكلك بقيت تقوم بالعكوليب
اخونا ابوبكر البركة الوصلت بالسلامة كيف العقب ان شاء كلهم كويسين
السنة الجاية نعمل حسابنا نزل معاكم فى موسم العنكوليب
تحياتى ومودتى لكم ولاهلنا كلهم فى الصعيد الدندر والدالى والمزموم والعيش الفشل وخرب البيوت والبركة فى العنكلويب البسط ود شيقوق
هههههههههههههههه
| |
|
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: الطيب شيقوق)
|
الليييييييييييلة بت الهناء المسنوحة جاتنا
تكفيني رسالة من حروفك تكشف عن شمس تزيح اشعتها دياجير الوهم من ذلك المرض اللئيم
نحمدك يا رب العالمين
Quote: و انا افتش فيك قلت الزول ده مشى وين؟؟
اتاريك في السودان؟؟؟ بختك و الله |
اخخخخخخ يا لها من لحظات
Quote: أها بي الجمبه كدي ...
عنكوليب ده شنو كمان؟؟؟ |
عنكوليب يا جكسوية يعني عود المنقة المشوى بالنار
الكلام دا بيمشي قوقل كلو عشان بنات البندر واولاد البندر يخمشوا المعاني لزوم التحضير للماجستير
| Quote: ترجم لو سمحت ... معانا أجانب |
ما عليك الا تمشي قوقل وتخمشي التفسير اعلاه بس don`t quote me please
| Quote: غايتو سودانيز اون لاين دي اتاريها طلعت دايفرستي |
No cyclopedia يا الحبيبة
| |
|
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: الطيب شيقوق)
|
الاخ ابو سنينة
| Quote: قلتى شغل نظيف تاكل فى العنكوليب الحرمة تنقى وانت تاكل ( والله دى فيها كلام كثير بقولك ليك براك ) لكن وين سنونك مركب طقم انت |
بطل الحسادة يا مسنوح
| Quote: العيش كلة السنة دى طلع عنكوليب المشروع كلة يبيعوه واقف للبهائم تركتوا العيش وركزتوا على العنكوليب الناس بقت عندكم ناقصة سكريات وسوائل . |
والله يا يوسف اخوى انت فعلا متابع الاوضاع كويس والصورة الختيتها دى هي الواقع الحقيقي الذي يعيشه مزارعونا ورعاتنا اليوم . العيش حرّق وهو لتيب وبقى علف للبهائم وكمان علف بدون فائدة غذائية للحيوان . الناس عشمها الوحيد تتجاوز الشهور دى ويتلافاهم خريف مبكر وزى ما قال لي واحد ( نحن خايفين السنة الشينة دى تردف لينا)
| Quote: كان فيك خير كان رسلتنا معاك ربطة عنكوليب لاهلك ناس السعودية بس على قول اخونا المحرب شكلك بقيت تقوم بالعكوليب |
هو عنكوليب ولا قورو يا مسنوح ؟
| |
|
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: سمية الحسن طلحة)
|
محمد عثمان
يا اخلا كل عام وانت والاولاد بالف خير
| Quote: الناس في شنو الحسانية في شنو |
والعنكوليب مالو يا سعادتك؟
محمد الامين موسى
| Quote: مررنا بعيد العيد على مسقط الجمال والجبال...وافتقدناكم... عندما مررت بجوار سوق مسقط للأوراق المالية تذكرت قول الشاعر: قفا نجري!... (من ذكرى ديون دبي العالمية!!) |
ضحكتني يا اخي بس بجدك جيت السلطنة ؟ والله لو عملت كدا وما خبرت بورداب مسقط تكون اتلومت بالحيل يا ود اللمين .
ود القرشي
طلتك جميلة على البوست وبالتاكيد رفعت مؤشر المتابعة والاهتمام به
الاخ ود الحلاوي
ات ما بجيبك الا العنكوليب؟
بت طلحة
حباب بت العز بالحيل ما بتقصري وزارتنا البركة والله .
| |
|
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: الطيب شيقوق)
|
شيقــــــــــــــــــــــــــــــــــــــــــــا
الف حمدا لله علي السلامة
وان شاء الله خليت الجماعة كوووووووووووووولهم سالمين وطيبين
أها
ما قلنا ترجع عن طريق الدوحة ان شاء الله في المطار
انت عارف الحكي الاسفيري دا ما بينفع معاي
وفي كلام ما بتحكي هنا
رتبت ليك اوضة في البيت وملايات جديدة وبطانية اسبانية ومخدتين وبشكير وشامبو وفرشة اسنان ومعجون اسنان وشبشب وكمان فتيل ريحة من النوع الملكي البريطاني
وساعلن عن جيتكم في كل صحف الدوحة ( اصلو عندي اصحاب كتار من المحررين )
نقعد برانا في الاوضة وانت تحكي وانا اسمع
وما تنسي تجيب معاك عونكوليبي ( كمية اوع تغشني وتقول لي وزعت منو كتير )
لمن تجي بحكي ليك كيف كان عيدنا
وين اخونا الحبيب ود الخليل ؟
وكل عام وانتم بخير ،،،،
| |
|
|
|
|
|
|
|
|
|
Re: سلام اخوتى / فقد كنت في السودان مع السمحة ام ولدى تنقي لي في العنكوليب وانا آكل سااااااا (Re: حسن طه محمد)
|
الخال حسن طه
كيييييييييييييفك وكل عام وانت وعولك بالف خير
Quote: ما قلنا ترجع عن طريق الدوحة ان شاء الله في المطار
انت عارف الحكي الاسفيري دا ما بينفع معاي
وفي كلام ما بتحكي هنا |
يا زول لقيت لي حاجة حلوة في المطار طبقتها وجيت بيها مطار السيب الدولي مباشرة - يعني بعتكم بعتكم انا ناوي العرس وبفتش في الحسناوات تقول لي الدوحة يا عمو .
| Quote: رتبت ليك اوضة في البيت وملايات جديدة وبطانية اسبانية ومخدتين وبشكير وشامبو وفرشة اسنان ومعجون اسنان وشبشب وكمان فتيل ريحة من النوع الملكي البريطاني |
هيييييييييع عافي منك دنيا واخرة بس اهم حاجة سبت الذبالة ما تنساهو لازم يكون جنب كراع الهباب
| Quote: نقعد برانا في الاوضة وانت تحكي وانا اسمع |
بقوم بقطع ليك في ضحية وبملاك ذنوب ساى يا خال
| |
|
|
|
|
|
|
| |
الطيب شيقوق
عبدالرحمن الحلاوي
أبوبكر أبوالقاسم
أيمن مبارك أبو الحسن
الطيب رحمه قريمان
خالد المحرب
عمر صديق
هويدا شرف الدين
سيف بخيت موسي
Abuelgassim Gor
محمد أحمد الخضر
الصادق خليفة
khaleel
الزاكى عبد الحميد
Osman Musa
Ali Sirelkhatim
الفاتح ميرغني
سيف الدولة كامل
سيف عبد العزيز
هشام المجمر
هاشم أحمد خلف الله
محمد الأمين موسى
Yousif A Abusinina
Abdlaziz Eisa
فيصل محمد خليل
محمد عثمان محمود
Ahmed al Qurashi
عزام حسن فرح
طارق جبريل
أحمد طراوه
حسن طه محمد
عبد الرحيم حسب الرسول
خالد علي محجوب المنسي
AnwarKing
سلمى الشيخ سلامة
فيس بوك
تويتر
انستقرام
يوتيوب
بنتيريست