|
|
 Re: تقرير: "اللوتري الأمريكي" يفرغ السودان من شبابه..و165 ألف سوداني قدموا طلبات للقر (Re: بكري الصايغ)
|
الأخ الـحـبيـب الـحـبـوب،
سيف النصر محي الدين محمد أحمد،
تـحياتي ومـودتي،
وسـررت لزيارتك الكـريـمة، ومشاركتك القيـمة ونصـيحتك للشباب السوداني (سافروا ففي السفر سبع فوائد ).
***- تعرف ياأخ سيف، وبعيدآ عن موضـوع (القرين كارد )، في ملاحظة غريبة عاوز اتكلم فيها،وهـي ظاهرة هـجرة الوزراء السودانيين وكبار المسؤولين السودانيين من السودان بعد احالتهم للمعاش او للصالح العام!!!، لما انا كنت شغال بوزارة الثقافة والاعلام في سنوات السبعنيات والتمانينيات،كان الرئيس الراحل كل يوم يطرد له وزير او وزيرين من الحكومة بدون سابق انذار او اخطار، وطوالي القاهم بعد كم يوم لملموا اسرهم وعـفشهم وهاجـروا لبريطانيا!!!
***- انا عايشت المرحلة دي وكل يوم كان بكون عندنا وزير اعلام جـديد، يقعد كم يوم ويلحقه سـوط التغيير الوزاري، ويروح علي بيته ومنها (وتـحـديـدآ) الي لندن هـجـرة نهائية!!!،.... بريطانيا الليلة فيها اكتر من 500 وزيرووزير دولة ومستشار وقاضي سابق درجة اولي ووكلاء وناس كبار شغلو مناصـب رفيعة في سنوات نميري،...... في وزير اعلام انقاذي لجأ لبريطانيا وعايش هناك علي حساب ضرائب المواطن البريطاني!!!،
***- طبعآ ياسيـف النصر مابقول الكلام ده جزافآ، ولكن لاني عايش هنا في اوروبا تجـدني في قلب المعرفة باخبار الوزراء القدامي والجـدد ولندن مازالت علي علي استعداد لقبول المزيد من السودانيين الكبار العطا لي طالما وعنـدهم فلوس مدنكلة وارصـدة بالملاييـن!!!
***- لك مودتي اخي سيف النصـر.
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست