|
Re: حبيبى انفخ لى وانا بنفخ ليك ..صفة المنبر فى 2009 .. تعالوا شوفو النفاخين ديل ...جنس نفخ (Re: عادل عبدالعزيز عبد الرحيم)
|
Quote: يفتح عبدالكريم 0 كيكى ) بوست تلقى خليل جا من هناك تنقش تنقش شايل بطانيته وجايب معاه رغيفيتين وحبة لبن شوية ويقيل ويبايت ويهايت شى بيحقة وشى ملحوت ساكت ويمسك المنفاخ ( الكيبورد ) وهاك يا نفخ اوف اوف اوف اوف لمن البوست يدور يطرشق ويبقى بلونة العيد بس حتن يخليه |
هلا يا عادل وانت عارف ابو خليل ده احسن زول في العالم بيعرف يجدع الباص الاسفيري (اسكرو) ودائما بلقي روحي اتوماتيكي ميال للعمل الاسفيري معه وممارسة (الون تو) لانو بجدع ليك الباص الصاح في المكان الصاح والزمن الصاح... اشتغلنا معا اليوم الحار الما بندار فدور ذلك البوست وسارت به الركبان ولد منبر عديل كده.. مع طيلة الهارموني بقيت اعرف متين اجدع ليهو الباص ووين.. خليل دهشة ياخي ولو غاب من المنبر ده يوم يومين شغلنا فيهو بقيف فالرجل صداقة بركس وميدان غربي وشرقي وايام صعبة وتلاقح اخيلة في الغربة
| |
|
|
|
|
|
|
Re: حبيبى انفخ لى وانا بنفخ ليك ..صفة المنبر فى 2009 .. تعالوا شوفو النفاخين ديل ...جنس نفخ (Re: عادل عبدالعزيز عبد الرحيم)
|
Quote: يقوم ود الباوقة يهطرق ليه هطريقة كده فى سد مروى ولا كبرى جديد كده مش عارف فين عملوه ترضية لوزير ساى كده كان زعلان وهدد بيكم حاجة كده حا يقولم ... يقوم عصام دقداق وعلا الدين يوسف وود بشير يصدقوا ويجو شايلين السيخ اقصد المنافيخ وهاك يا اف اف اف اف لمن البوست يصل دار المؤتمر الوطنى فى بحرى ويقوموا يرسلو ليهم المعلوم فى ظروف بيضاء مكتوب عليها نفخكم تمام التمام ... واصلو على كده . |
واللهِ يا عادِل حقُّو الواحد يسيب كُل شُلّة المتنوضلين و المتنوهضين و يقبِّل عليك لمّن تجيب لينا الظرف دة لزوم إثبات ، بس علي اليمين أنا محتاج ليهو (كظرِف للظرِف) أكر مِن إثبات للثابتة. قُتّة شِنو؟
| |
|
|
|
|
|
|
Re: حبيبى انفخ لى وانا بنفخ ليك ..صفة المنبر فى 2009 .. تعالوا شوفو النفاخين ديل ...جنس نفخ (Re: عادل عبدالعزيز عبد الرحيم)
|
Quote: يقوم ود الباوقة يهطرق ليه هطريقة كده فى سد مروى ولا كبرى جديد كده مش عارف فين عملوه ترضية لوزير ساى كده كان زعلان وهدد بيكم حاجة كده حا يقولم ... يقوم عصام دقداق وعلا الدين يوسف وود بشير يصدقوا ويجو شايلين السيخ اقصد المنافيخ وهاك يا اف اف اف اف لمن البوست يصل دار المؤتمر الوطنى فى بحرى ويقوموا يرسلو ليهم المعلوم فى ظروف بيضاء مكتوب عليها نفخكم تمام التمام ... واصلو على كدا |
عادل .. يا زول كيلو السمك في بربر عن (مولود ) بي ثلاثة جنيه محمر ومقمر وانت قاعد هنا مع المطازيز والمفطح وماجايب جايب خبر ..
مودتي ..
| |
|
|
|
|
|
|
Re: حبيبى انفخ لى وانا بنفخ ليك ..صفة المنبر فى 2009 .. تعالوا شوفو النفاخين ديل ...جنس نفخ (Re: جمال الباقر)
|
يا لفكي ريمون تثبت قصايدي في الصفحة الاولي ---------------------------------------------
أرفع القصيدة من الصفحة السابعة أجيبا الصفحة الاولي فجأة تغفلني تتملص فت ألقاها في الصفحة العاشرة ... اجيبا من الصفحة العاشرة للصفحة الاولي فوق أول موضوع تنزل فوووووو الصفحة الخمسطاشر !!!!!!! أها وكت تعبت من الحكاية دي قتّ اسأل واحد صاحبي عندو خبرة في المسألة دي ومن خلال خبرتو أقيس عليها . قام صاحبي سألني قال لي قصايدك دي بتاعت حب يعني بتكتب عن الجكس ، قت ليهو لا . قال لي بتكتب بي لغة الهوسة ، قت ليهو لا. بتكتب بالهروغلفية ، قت ليهو لا . بتكتب بأهلين أبو أهلينك ، قت ليهو لا . قام صاحبي وصف لي فكي اسمو (الفكي ريمون) فكي هندي أحمر كارب ، قالوا بفك السحر والكجة . أها.. مشيت للفكي ريمون الحقنا وافزعنا وانجدنا ... حكيت ليهو كل القصة ، انشحطتا قدامو.... رفعت ايديا قت ليهو يا شيخنا أعطيني ما يقربهم مني ) ... أها الشيخ قال لي مشكلتك دي صعبة شديد ، في سحرة في قواتمالا ضاربين الخلا والصّي منهم الشيخ " فرناندو" الوحيدين الممكن يفكوا الكجر والسبر ، بعرفوا سر السحر وسر الريح والضوء......... ولازم تصلهم بالليل . المهم جهزت نفسي :- أها... سريت بالليل براري التيه سبع وهاد وسبع بحور نزلت ودي مرابع الصي سندت لساني في قلبي سردت قصايدي للسحرة البسايسوا الريح بعرفوا سر مسارب الضي فركوا النار علي الحجار شالوا رمادة من قلبي قطعة لكنة من حلقي معاها ندم وحفنة هم جسوا ترابة شموا خطاي عوجوا لساني رطنوا معاي " فيك حسرة وعليك حسرة ركبت دروب سرج مقلوب أناك نكرة وغناك نكرة شن راجيهو من بكره وصدي الذكري شن راجيهو من بكرة وصدي الذكري "
أها.. بعد دا كلو السحرة قالوا لي احتمال تتعالج . جابوا لي طشت كبير كبوا فيهو موية ، قالوا لي عاين في الموية الفي الطشت بتشوف شنو . عاينت في الطشت ... ناس المنبر كلهم قدامي عديل . قالوا لي عرفت منهم منو . قت ليهم عرفت فلان وفلان وفلانة وفلانة ....... قال لي قول ليهم كلهم الفي المنبر .... شيخ " فرناندو" قال ليكم ادخلوا ارفعوا القصايد دي فوق وباللون الاحمر.... أها... بعد داك أدوني بخرات، وحبات رملة، وشعرات ، وعرق محبة . حبات الرملة تشتتا في الكي بورد . البخرات بتثبت ليك القصايد في الصفحة الاولي لمدة شهر ، وأي زول يقرأ القصيدة يغطس قبلو مايفوت من القصيدة لو ما كتب مداخلة أو مداخلتين واحتمال ما يفوت كلو كلو، حتي لو فات يكون عندو عقدة ذنب يجي راجع تاني . أما الشعيرات ديل من ضنب جمل اسمو السّمع موجود في بلدكم في البطانة الجمل دا امو ناقة وأبوهو شيطان في الجري مابتسابق ، الشعيرات دي بتخليك تكتب فللي ، ومن دربك دا تمشي تدخل كل البوستات من غير فرز . قت ليهو ياشيخنا حتي البوست لو ماعاجبني . قال لي شوف عجبك ما عجبك تدخل أسمع كلامي دا كويس وتكتر من التحلية في الكلام من امثال :- يسلم احساسك يا رائع ..... انت من زمان وين ....... دا بوست اجنن........ منتظرين الكتير يا رايع ياسلام عليك نورت البوست شيخ "فرناندو" قال لي " انت ما بتعرف تواجب في ثقافتكم المرأة لو ما جات للتانية في طهور بتها التانية ما بتجيها في عرس ولدا . و الما بجيني في بوستي لبكاء أبوهو مابمشي . أي واحد يدخل البوست دا معناها جابو الفكي" فرناندو
| |
|
|
|
|
|
|
|