لا تخرج ايها المواطن الطيب الى اي مظاهرة لانها شرك

Quote: Quote: أربا بعطبراوية ثورية رضعت من لبن الثورات والمناضلين مثلك ان تعتبر خروج المظلومين للشارع ترف ودرع واقي للبعض ،،

Quote: عشان انا عطبراوية بعرف متين لما الموضوع يكون شرك ولا يكون نضال بالجد الحاصل دا اسع شرك لا غير لانهم عارفين ذاكرة الشعب ضعيفة عايزين كمية من الدم تملا ذاكرته حين تكون الانتخابات بعد كم شهر بدل يستعدو ليها من بدري حصل ليهم فاجاني النهار طوالي مشو لبلان بي نحنا نخلي الشعب يطلع عشان الدستور والحرية وشنو يلا يضرب ويموتو لما الانتخابات تجي تكون ذكرى الدم والضرب فرش في اذهان الناس ودي دعاية مجانية ضد الكيزان والا بربك يا حيدر قولي دا وقت مظاهرات والناس بتسجل للانتخابات؟ الدستور دا موضوع الليلة ولا امبارح الحكومة دي جاثمة في انفاس الناس ما خلت ليها فرضا ناقص في ازلال الشعب ما عملته 20 سنة وجزء منها الحجل بالرجل مع الحركة الشعبية اسع حبكت بس نبقى احرار ونغير الدستور والانتخابات فاضل ليها شهور؟ عشان كدا انا قلت دا شرك وحذرت الناس ما تقع فيه والحمدلله طلعو تفتيحة جدا الشعب دا ما هين تب..

Quote: التحية لسلفا .. والعار على جلاديها !! حين سقط على ظهرها السوط الأول، والثاني، والثالث، لم يتحمل جسدها البض، وارتعدت فرائصه دون ارادتها، وقد شغلها عن الألم الشديد، محاولتها ان تكتم في صدرها صراخها، وآهاتها، في شجاعة ، لعلها استمدتها من تفكيرها في أهلها، وفي ابطال وبطلات الزاندي، الذين كانت تسمع وهي صغيرة، قصصهم من أمها، وهي تهدهدها لتنام على حجرها .. ولكنها مهما جاهدت، لم تستطع ان تخفي دموع غزيرة انسابت من عينيها، ولم تستطع ان تثبت في مكان واحد، فتحركت هنا وهناك، تحاول ان تتقي لهب السياط، والشرطية الصارمة، تطاردها وتضربها، حتى أكملت خمسين سوطاً !! وإذ رجعت بذاكرتها لساعة ، تحاول ان تدرك ماذا حدث قبل ان تحضر امام القاضي، ويأمر بجلدها خمسين جلدة ، ترى نفسها، وقد خرجت من بيت أهلها، وكانت أمها قد ارسلتها لتشتري اشياء من سوق الكلاكلة ، فإذا برجل يسير خلفها لمسافة طويلة ، وهو يعاكسها بعبارات نابية ، سمعتها كثيراً ، في المواصلات العامة ، من كثير من الصعاليك .. وحين التفتت اليه، وواجهته بسوء فعلته، لابد انها قالت له كلمات اوجعته، ولابد ان الشارع انتبه الى ذلك الكلام ، فما كان من الرجل -الذي لا يلبس أي زي عسكري- الا ان يمسك يدها، ويصرخ بأنه من شرطة النظام العام، وانه سيفتح عليها بلاغاً .. ثم اخذ يمسكها ويجرها بيده، وسط دهشة المارة، وعدم مقدرتهم على التدخل، لأنه قال انه من الشرطة، وان هذا البنت ارتكبت جريمة .. ويبدو انه حتى تلك اللحظة ، لم يحدد ما كان يود ان يلصقه به، الا حين وصل الى زملائه في القسم ، فرأوا انسب ما يبرر دعواهم، ويخرج صاحبهم من جريرته، ان يفتحوا البلاغ تحت قانون النظام العام، الفضفاض، وتحت مادة الزي الفاضح وخدش الحياء .. لقد ذهبوا بها الى قاضي محاكم النظام العام الايجازية، فلم يعطها حق استدعاء محامي، بل منعها حتى من الاتصال بأمها، التي تعمل في القضائية ( والدها متوفي) .. ولم يأبه هذا القاضي العجيب لما ذكرته له من انها ليست مسلمة، وانها جاءت من الجنوب قبل أيام، ولا تعرف لماذا يشكل لبسها هذا جريمة تستحق عقوبة .. ولم تجعله كل هذه الملابسات يتردد، فيتحرى عن دينها أو عمرها، ولو فعل لعلم انها تعتبر بحسب القانون طفلة، لا ينطبق عليها موضوع الزي الفاضح، ولعلم انها مسيحية، لا تقييد بشريعة المسلمين واعرافهم .. إن سلفا كاشف أبوللو الفتاة الجنوبية المسيحية التي عمرها دون الثامنة عشر كانت ترتدي (اسكيرت) طويل ( وبلوزة) نصف كم، ولم تكن تغطي رأسها .. فما هي مرجعية القاضي، التي بموجبها قام بجلدها؟! إن القاضي الذي حكم على لبنى الصحفية المشهورة، قال ان مرجعيته لتحديد الزي الفاضح، هي الشريعة الإسلامية، وقرأ من القرآن آية ( وليضربن بخمرهن على وجوههن ) ، فهل كان من الممكن ان يقول ما قال، لو لم تكن لبنى مسلمة ؟! ثم ما هو مبرر قاضي سلفا، لجلدها خمسون جلدة ؟! إن حد السكر في الشريعة الإسلامية اربعين جلدة .. وعقوبة الزي الفاضح في قانون النظام العام الجلد اربعين جلدة كحد أفقصى فلماذا تجاوز القاضي ما علم من الدين بالضرورة وما ورد في القانون الذي امامه وجلد سلفا خمسين جلدة ؟! ترى ما هي الصورة، التي رسمتها سلفا بنت الستة عشر عاماً ، للشرطية الذي قامت بجلدها، والقاضي الذي حكم عليها، وكل المواطنين الشماليين الذي حضروا ولم يستنكروا هذه الجريمة النكراء ؟! هل يتوقع من سلفا، أو أهلها، واصدقائها، أن يصوتوا في الاستفتاء للوحدة أم لانفصال الجنوب ؟! إن روح فلسفة العقاب في الدين، وفي القانون الوضعي، هي ان يفهم المعاقب جرمه، ويقتنع بانه يستحق العقوبة المقررة عليه، وانها تناسب ما ارتكب من خطأ .. وذلك حتى تنشأ في نفسه بجانب خوف العقوبة، قناعة تساعده على عدم تكرارها .. ويجب ان تتم المحاكمة، بصورة علنية ، تحقيقاً لهذا الغرض، ويمنح المتهم كافة الفرص، التي تعينه على الدفاع عن نفسه مباشرة او بواسطة محامي .. ويجب ان تستمع أي محكمة محترمة، بصبر وأناة ، الى دفاع المتهم مثلما استمعت الى قضية الإدعاء، وشهادة الشهود ، ثم تأخذ الوقت الكافي، الذي يمكنها من المقارنة وتحليل الادلة، والترجيح بينها، حتى تخلص الى الحكم الصحيح، الذي يكون أقرب الى تحقيق العدالة . وهي في عملها هذا، ترعى الى جانب تحقيق العدالة، الكرامة الانسانية للمتهم، فلا تحط من قدره ، ولا تحكم عليه سلفاً، ولا تقضي بغير البينات .. فماذا تم في محاكمة سلفا ؟! لقد قبض عليها، وحكم عليها، واعطى القاضي الأمر بالتنفيذ ، ونفذ الحكم، ورجعت الى بيتها بالمواصلات العامة، خلال ساعتين فقط !! فهل يبرر هذه العجلة، المهدرة للحقوق، والمهينة لانسانية الإنسان ، كون محاكم النظام العام محاكم إيجازية سريعة، تلاحق ما يجري في المجتمع بسرعة قبل ان ينفرط عقد الأمن ؟! إن ما حدث للإبنة سلفا، ليس حماية للنظام أو الاخلاق، وانما هو اهدار للقيم، واستبداد على الناس، وتشفي، واستغلال للقانون لتغطية أمراض النفوس، وحماية المتورطين في التحرش الشهواني، الذي أصبح اصحابه يملكون سلطة، بعد ان التحقوا بحزب الحكومة، ودخلوافي قواتها النظامية . ولقد طال هذا الظلم الفادح، قبل سلفا الكثيرات، من بنات جنسها وها هي تلحق بركب طويل ، ضم في عام 2008م وحده 43 ألف إمراة سودانية، جلدن، وغرمن، وحبسن، بتهمة الزي الفاضح .. وكان معظمهن يلبسن ( البنطلون)، ولم يعف كثير منهن، انهن كن يغطين رؤوسهن، كما رأينا في قضية لبنى، كما لم يعف كثير منهن، انهن غير مسلمات، ولا ينتمين الى التراث العربي الاسلامي، الذي يفرض على المرأة ان تغطي جسدها .. إن قانون النظام العام، إنما يشوه الشريعة، ويشوه الإسلام، وينفر عنهما أشد التفير .. ولو كان النظام حريصاً على الإسلام، لألغى هذا القانون، من هذا الباب وحده ، واعاد شرطته، الى اقسام الشرطة الأخرى.. أما تشويهه للشريعة ، فإنما يجئ من ان عقوباته القاسية تتشبه عقوبات الشريعة، من حيث شدتها ، ولكنها لا تشبهها .. وذلك لأن الشريعة تحرص على دقة تحري للعدالة ، وعلى اظهار الحق ، وتطبق على جميع الناس دون تمييز بينهم .. وكان الخلفاء الراشدون – وهم وحدهم من طبق الشريعة بعد النبي صلى الله عليه وسلم - يبدأون بتطبيق العقوبات على أهلهم، وذويهم قبل بقية الناس .. وأما تشويهه للاسلام، فإنه يجئ من الجهل باهداف الاسلام السامية ، التي عبرت عنها أصوله، بأكثر مما عبرت عنها الشريعة .. هذه الأصول، التي تركز على الحرية الفردية، والكرامة الانسانية، بصورة لا يدانيها فهم آخر .. وفي أمر الاخلاق، فإن التربية يجب ان تتم بالنموذج، لا بالخطب الرنانة، والمواعظ المكرورة . وفي حالة سلفا، فإن النموذج الذي ضربه لها شرطي النظام العام - حسب روايتها- قد كان نموذج معتدي ، ومتحرش جنسي، لا علاقة له بالدين ، أو الاخلاق .. أما القاضي، فلم يكن نموذجاً للعدالة والانصاف، وانما كان عكس ذلك تماماً .. ولما كانت سلفا، قد افهمت ان جلدها، وإهانتها، قد تم وفق قوانين، مرجعيتها الإسلام ، فإنها بلا شك ، قد انطبعت في عقلها ، صورة قاتمة لهذا الدين، الذي يجلد الأطفال، بسبب ما يلبسون !! فلمصلحة من تفعل الحكومة كل ذلك ؟ هل يتم لمصلحة الاسلام، أو لمصلحة حزب المؤتمر الوطني، وهو مقبل على الانتخابات ، التي يريد ان يكسبها بكل سبيل، حتى يقنع المجتمع الدولي، بالتفاف الشعب حول قادته ؟! لقد واجهت الصحفية الشجاعة، لبنى أحمد حسين، هذا القانون البشع، وشرطته، مواجهة كبيرة .. فقد اصرت على ان زيها ليس فاضحاً ، وجاءت به الى قاعة المحكمة ، ورغم ان القاضي قال ان مرجعيته هي الشريعة ، فإنها لم تسعفه، لأن لبنى كانت تغطي شعرها، ونحرها ويديها ولم يجد في الشريعة أي نص يمنع لبس البنطلون .. ولقد افلحت لبنى، في تعبئة الرأي العام الداخلي والخارجي، حتى صارت سيرتها في كل صحف، واذاعات، وقنوات العالم .. فتعاطفت معها الأمم المتحدة، ورؤساء بعض الدول، وثار الحديث عن الجلد كعقوبة مهينة للانسانية ، فلم يملك القاضي الا ان يتجاوز الجلد ويحكم بالغرامة !! ولو كان أمر قانون النظام العام، أمر دين، يقوم على الصدق، لأصر القاضي على جلد لبنى، مهما تعاطف العالم معها ، ولما حاول ان يجد مخرجاً ساهلاً بالغرامة .. ولكن لبنى لوعيها بالصراع، رفضت دفع الغرامة، وفضلت السجن .. وبالفعل رحلت الى سجن كوبر، ولم تمكث فيه الا يوم واحد، ثم اطلق سراحها ، رغم ان قرار القاضي هو شهر سجن .. فمن الذي اطلق سراح لبنى وكسّر قرار القاضي ؟! ولماذا قبض عليها أصلاً ؟! ولماذا جلدت سلفا ولم تجلد لبنى ؟! وكيف تخاف هذه الدولة ولا تختشي ؟! وأين هي سيادة حكم القانون ؟! وهل يجوز ان يبقى مثل هذا القانون، مسلطاً على رقابنا، ومهدداً لأمن وسلامة بناتنا، وأولادنا، ويصر المؤتمر الوطني على عدم تغييره، أو تعديله ، ويبقي على القوانين المماثلة كالقانون الجنائي، وقانون الأمن الوطني ، ثم نوافق على الانتخابات التي يديرها، والتسجيل الذي زيفه كما شاء، ظناً منا ، اننا برغم كل هذا ، يمكن ان نهزمه في الانتخابات ؟! إن أسرة سلفا لم ترض بهذا الظلم، وكلفت محامي لرفع قضية تسترد بها بنتها حقها، فقد حوكمت كشخص بالغ، وهي لا تزال طفلة، وحكم عليها وفق مرجعية إسلامية وهي مسيحية .. ومن حيث العرف، فإن قبيلة الزاندي، التي تنتمي اليها، لا تستنكر زيها، ولا ترى فيه أي مفارقة للاخلاق . ولكن هل ستجد هذه الأسرة المكلومة ، في محكمة الاستئناف، من يقف بجانب الحق، ويدين قاضي النظام العام ؟! إن كل التجارب مع محكمة الاستئناف، منذ مجئ حكومة الانقاذ، في عام 1989م، أنها كانت تقف باستمرار، في القضايا العامة، وقضايا النقابات، والحريات، مع الحكومة، فهي مسيسة تماماً. وقد درجت على شطب قضايا الاستئناف، منذ قضية اساتذة جامعة الخرطوم، وحتى قضية الرقابة القبلية على الصحف. فقد استأنف بعض الصحفيين، قرار الرقابة القبلية ، وطالبوا برفع الرقابة ، لتعارضها مع إتفاقية السلام الشامل ومع الدستور الانتقالي . فشطبت محكمة الاستئناف الطلب، وذكر قاضيها في حيثياته، انه نظر الى القوانين السودانية فلم يجد فيها ما يمنع الرقابة على الصحف !! هذا بدلاً من ان ينظر الى ابواب الحريات في الدستور، ويجد منها حرية التعبير، فيأمر برفع الرقابة لتعارضها مع الدستور .. ولقد ظن قاضي محكمة الاستئناف، انه بقراره هذا، سيفرح الحكومة ، ولكن الحسابات السياسية، كانت خارج نطاق تصوره، ومتعلقة بمسائل خارج السودان .. ولهذا قام رئيس جهاز الأمن، برفع الرقابة على الصحف، وقال انه يعلم ان قرار محكمة الاستئناف، يعطيه الحق في الاستمرار في الرقابة، ولكنه قرر رفعها، لأنه لا يريد ان يكون ( متعسفاً ) مثل المحكمة !! إن التغيير الذي تحتاج اليه بلادنا، حتى تتجنب ما يهددها الآن من مجاعة، ومن صراعات وحروب، وانفصالات تشير الى تمزق الوطن، واهدار طاقاته وموارده، ليس اصلاحاً قانونياً، في نظام أكل الفساد لحمه وعظمه، وانما اصلاح سياسي، يغير هيكل السلطة ، وطبيعتها ، وأهدافها وممارساتها، ويضبطها بما تم الاتفاق عليه من تحول ديمقراطي .. ولأن المؤتمر الوطني لا يريد هذا التغيير، فإنه لن يجعله يتم من خلال انتخابات، هو المشرف الوحيد عليها .. لهذا ليس أمام الأحزاب السودانية، إن كانت جادة، وغير طامعة في فتات المؤتمر الوطني، الا مقاطعة الانتخابات، ورفض نتائجها منذ اليوم، إذا خاضها المؤتمر الوطني وحده، ثم رفض ما يترتب على هذه النتائج ، وعدم الاعتراف بالحكومة ، التي تجئ في اطار القوانين المقيدة للحريات، لأن قوانينها هذه ، لا تعترف بالشعب، فلماذا يعترف الاشعب بها ؟! والاحزاب السياسية ، يجب ان توعي جماهيرها، بالمقاطعة، واسبابها، وتحثهم على التأكد من انها شاملة ، بدلاً من ان تدعوهم للتسجيل، رغم علمها بما جرى من تزوير في التسجيل، رفضت مفوضية الانتخابات تصحيحه، بعد ان رفعت اليها الاحزاب شكواها .. فقد جاء ( استنكر فاروق أبو عيسى البطء في الوفاء باستحقاقات الانتخابات الحرة النزيهة ومنها تعديل قانون الانتخابات كما استنكر تجاهل مفوضية الانتخابات لمذكرة القوى السياسية حول خروقات التسجيل الانتخابي ) ( اجراس الحرية 2/12/2009م ) . فإذا كانت الاحزاب ترى ان التسجيل به خروقات، وتزوير، فلماذا تدعوا جماهيرها للاستمرار فيه ؟! إن واجبها هو رفع قضية الوطن فوق خدعة الانتخابات، وتكثيف النشاط حول قضايا الوطن الكبرى، مثل عدم تنفيذ اتفاقية السلام، والاستفتاء وحق تقرير المصير، وقضية الانفصال السلمي ، وقضية دارفور، وشبح المجاعة التي تهدد البلاد، وقضية الحريات العامة ، ومواجهة المؤتمر الوطني، بدوره السالب، في كل هذه القضايا الجوهرية، وفقده بذلك مبررات بقائه . د. عمر القراي

(عدل بواسطة لطفي علي لطفي on 12-08-2009, 04:33 PM)
(عدل بواسطة لطفي علي لطفي on 12-08-2009, 04:34 PM)

Quote: اولا ضحايا المظاهرة هم حيكونوا من الشعب السودانى المسكين ثانى حاجة زعماء الأحزاب هم الحيكونوا ابطال الفيلم يعنى لو واحد فيهم دخل السجن ضامن نفسه حيطلع لكن زول الشارع المسكين ده الحيطلعوا منوا من الزنزانة ؟ دائما شعب السوادن المسكين هو البيدفع الثمن فى انقلاب الإنقاذ قبضوا على كل زعماء الأحزاب واليوم هم طلقاء احرار يتجولون فى انتفاضة 6 ابريل قبضوا المسؤلين فى حكومة نميري واليوم هم طلقاء واحرار فى اى واحد منكم يقدر يخرج فى المظاهرة دى ويضمن لنفسه انه يطلع من السجن ؟ المحاميين بيشتغلوا مع الناس العندهم قدرة لدفع القروش ما بيدافعوا عن الغلابة والمساكين عشان كده لو طلع المظاهرة واحد من شعب السودان المسكين يمكن تانى ما يشوف بيته ليه المظاهرة ما يطلع فيها قادة الأحزاب كلهم ويمشوا فى الشمس ويشيلوا اللافاتات زيهم وزى الناس ولا بس قاعدين ينظروا فى المايكرفونات ويدوا تصريحيات للقنوات الفضائية عشان الواحد يلطع بطل قدام الناس المفروض قادة الأحزاب هم اليطلعوا للمظاهرات دى وهم اليقودوها وهم المفروض يكونوا قدوة للجميع فى هذه المعركة اليس هم الذين ينادون بالحريات ونزاهة الحكم ؟ يقدموا الشعب المسكين عشان هم يجوا يلقوها باردة ويقعدوا يت

Quote: فاق عدد المقبوضين الذين اودعوا حراسة القسم الشمالي الخرطوم الستين معتقل.. بعضهم لحظة خروجه بالضمان عند منتصف الليل مازال ينزف وعليه اثار الاعياء وضرب الهراوات وشيخ هرم يفارق الحياة اثر تعرضه لاستنشاق البمبان في محكمة الخرطوم شمال ادين البعض بالسجن لفترات تراوحت بين شهر وشهرين الغرامات تراوحت بين 300 الف و 200 الف جنيه ............. المعارضة تقول انها سكتت طيلة الفترة الماضية وتحركت الان اثر استفزاز نافع لقدرتها. المعارضة التي منحها الدستور حق تعديل القوانين وحق الغاء القوانين المقيدة للحريات تتحجج بان النظام غير جاد في التحول الديمقراطي

Quote: لا تنسو ما حدث في مظاهرة اغسطس الخايبة

Quote: الكلام ده ما سليم نهائي كنت من بين المعتقلين قبل يوم من المظاهرة تحديداً كنا اربعة شيوعيين عديل خرجنا بعد أكثر من اسبوع رأيت بأم عيني في المحاكم التي تلت التظاهرات شكل التضامن مع المعتقلين (سياسيين ومواطنين) رأيت كيف تحركت السودانوية في نفوس المتابعين رأيت كي خرج الناس بضمانات من لا يلتقوهم الا في الهم الوطني النبيل

Quote: irst they ignore you. Then they laugh at you. Then they fight you. Then you win.”

Quote: الجيلي بصراحة هل تجد ان هذه المظاهرة المفروض تقوم بالاجندة المطروحة دي؟

Quote: ياتو حق دستوري دا مع الحكومة دي؟ قال حق دستوري قال

Quote: الحكومة (حفظها الله) .. لا تثريب عليها

Quote: الحكومة (حفظها الله) .. لا تثريب عليها

Quote: وهذا أدهشني !!!!!! Quote: الحكومة (حفظها الله) .. لا تثريب عليها ماهذا التناقض يا دكتوره !!

Quote: ياتو حق دستوري دا مع الحكومة دي؟ قال حق دستوري قال

Quote: ولا يهمك يا دكتوره أجيبوا ليك بطريقه أخري هذا كان ردي للأخ نصر الدين وأعتزر للخلط

Quote: نصر الدين عثمان يا حبيب سلام Quote: الشعب الطيب .. متهم بالانقياد الأعمى الشعب الطيب دا كان زمان قبال يجي عشرين سنة هسة بقى مقرم وواقع من السماء مية مرة! Quote: حرية التظاهر والتعبير أكذوبة كبرى نعم اكذوبة كبرى تروج لها الحكومة ويجب اختبارها و فضحها. Quote: حق الترشح والتصويت في الانتخابات القادمة مكفول للجميع أنا واحد من الناس و مثلي 31,000 مامكفول لينا تصويت ولا يحزنون و تم تخديرنا بوعود زائفة بانشاء مراكز للتسجيل.. لا شفنا مراكز ولا شفخانات و لا حتى عيادات متحركة!

Quote: وأعتزر للخلط

Quote: هل هناك خلط؟ زول يجيب كوت طاير كدا من محل وين ما عارفة وينسبو لي بعداك تقولي خلط

Quote: عارف يا قيقا جيت جاريه اشوف تعليقك انت بالذات شنو

Quote: ليس هنالك وصاية من قبل حزب او شخص علي اي مواطن سوداني . فالذين دعوا للمسيرة ظنوا فيها اداة سياسية للتعبير عن موقف سياسي محدد و الية للضغط علي المؤتمر الوطني لاجازة قوانين تعتبر جوهرية فى مسيرة التحول الديمقراطي. حديثك اعلاه الذي اقتبسته من ردك علي الاخت اميمة يؤكد انك اما لم تكوني علي علم باسباب المظاهرة او انك تمارسين نوع من "مسك العصاية من النص"، فكيف لك ان تدعين الي انتظار قيام انتخابات و "اصبع بنفسجي" و ما الي ذلك .

Quote: اتمني ان تتوقفي مع نفسك طويلا حول ارائك و طرحك حول كثير من القضايا فليس هنالك غضاضة فى أن يكون الفرد سلفي طالما وعي بذلك و ارتضي ذلك خيارا و لكن هذا التلون و الانتقائية فى المواقف ان تعكس انما تعكس حالة الصراع الفكري و النفسي الذي يعانيه الكثيرون من خريجي الثقافة الاسلاموعروبية ومثل هذا الطرح يظل مزعجا لانه مليء بالتناقضات و لا يبشر برؤية جديدة بل يعيد انتاج الازمات و بشكل دائري علي الدوام.

Quote: اسئلة لك للتفكير و ليست للاجابة - هل تؤمنين بالديمقراطية منهجا والية للحكم و للتبادل السلمي للسلطة؟ هل ترين فى الانقاذ بشكلها الراهن و بما خبرناه عنها منذ عقدين من الزمان اي بارقة امل فى تحول ديمقراطي سلمي دون ضغط سياسي؟ - اذا رفضت الانقاذ و ظلت تتعنت ماهي الحلول فى وجهة نظرك؟ هل ننتظر ملائكة الرحمة ام نذهب لليابان لتصميم سم للكيزان علي وزن سم للفيران؟ وهل و هل وهل - لماذا انت حانقة علي الناس فى اختياراتهم فكل له الحق فى التعبير عن ارائه بالشكل الذي يراه او تراه بما فى ذلك اختيار التغرب؟ هل الذين يعيشون بعيدا عن السودان لا يملكون الحق فى الاسهام بارائهم و مقترحاتهم حول كيفية التعامل مع السلطة؟ اتمني لك يوما سعيدا بكري الجاك

اجمل من الكلام دا الا كلام ياسر عرمان المقتبس من مداخلة " مرتضى جعفر " المطنشنها لحدي اسي برضو :

Quote: إن محاولة شخصنة القضايا العامة والتى درج عليها البعض لاتفيد فى حل الازمة الحالية ومن المهم التصدى بعقلانية وموضوعية للمعضلات التى تواجهنا الان وبصورة لم نختبرها من قبل

----------

لوجه الحقيقة و التاريخ ، و عرفان للفرصة و امتنان الصدفة ، بكري الجاك ، مرتضى جعفر ، مها عبدالله ديل شباب عاصرتهم في الجامعة في النصف الاول من التسعينات آوان سعر الانقاذ للتمكين . شباب جسور جداً و مصادم . بكري الجاك الواحد الهنا دا ، كان بتوسط حشود الطلاب لاقامة ركن نقاش في ظل منع ممارسة النشاط السياسي في داخل الحرم الجامعي ،( يعني محرض من يومو ، مرتضى جعفر اعتقل لاكثر من شهر في تظاهرات طلاب جامعة الخرطوم احتجاجاً على تزوير انتخابات " KUSU " عام 1994 م .
اما مها عبد الله المسكتي في " خطأ " غير مقصود و بقيتي تلتي و تعجني فيهو ، ظناً منك انو بخارجك من الورطة الورطتي نفسك فيها بإتخاذ موقف غريب !! الزولة دي زول دغرية جداً ، أخطات في تقويلك ما لم تقوليه لكنها قطعاً ليست مجرمة يا دكتورة ، و هدي عملت باصلها و اعتذرت عن خطأها ، اها تاني شنو ؟
يا دكتورة عصرتي على الشغلة دي كتير ، اصلاً اعداءك ما محتاجين يدسوا عليك ، او منتظرنها من البرلومة مها !!
ياخ انتي اديتيهم ليها مملحة و معاها صحن شطة كمان بموقفك الغريب هنا دا !! . .
لوووووووووووول . . اصحى يا بريش
موقفك غير متسق و متناقض . . .
الا يكون على قول اهلنا " القالوا ليهو ( طيب ) دسوا منو العوارة !!
غير كدا كلنا شايفين تناقض و عدم اتساق

الا هل بلغت ؟ . . اللهم فاشهد


------------

Quote: (عدل بواسطة doma on 09-12-2009, 01:17 م)

لوووووووووول
و الله فايتاني بنهاك في التعديل

Quote: رايك شنو في كسر يد زميلنا حافظ حسن ، كسر مركب . . اها حافظ طلع مظاهرة الاتنين بخيارو الحر الواعي برضو معارضة ضل بارد ؟

Quote: في بدايات البوست خلطي بين ردك للأخ عمر سعد والأخ عمر صديق وخاطبتي الأول بأنه ( الكوز ) عمر صديق ، هذه ليست نقطة خلاف وكنت أتمني أن توضحي نقاطي الأخري لتناقضك الغريب ولقد قام الأخ الفاضل نصر الدين بتوضيح رأئيه بمداخلته الأخيره!

Quote: وايه رايك انو كبار قيادات التنظيما ت كانوا حريصين علي المساكين القلتيهم ديل وبهدوء شديد بمرقوا من الاجتماع الفي دار الحركة عشان يضمنوا انو كل واحد حتي لو كان في اي مكان انو يمرق من الزنزانة ويمشي يتعالج وبكون معاه كم نفر مرافقين وعارضين علاج في كل الحتات . وموكلين ليهم دكاترة عديل يتابعوهم ويمشو معاهم عشان فحوصات زي الاشعة والموجات الصوتية . ومثال ين ماثيو وغيروا بفتشوا في الناس واحد واحد لو عندك اي اصابة او الم عشان تلقا علاجك . وانو الناس حريصة علي علاج المصابين اول حاجة . دكتورة نجاة البشوف ما زي البيسمع وصدقي انو المعوقين الكانوا في المسيرة الناس حريصة عليهم وبتقيف مع بعض بدون فرز من الجنوب ومن الشمال وبغض النظر عن انت منو وعمرك كم وحزبك شنو حركات دارفور والاحزاب كلها بما فيها الحركة الشعبية . قياداتها في تواضع كبير وسط جماهيرهم ما في بيناتهم حاجز. ممكن تتلفت تلقي جمبك اي واحد منهم بدون تكبر وغرور وبدون خوف .

Quote: سيبك من المظاهرة وانت في ماليزيا اثبتي أو انفي ( موضوع الفلل الفخمة لاعضاء الحكومة في ماليزيا ) المتجمعه في حي فاخر ....واي تهرب من الاجابة المباشرة سوف يوضح للبورد هويتك ......

Quote: عايزين يشركو بالشعب عشان الحكومة تضربهم بالرصاص ويجو يبكو هنا ويعلقو الصور وتتأرشف البوستات ويتنسى اللي مات الزم بيتك ايها المواطن واترك القادة والمعارضة تحارب لاجلكí

Quote: يا دكتورة استحي. ولنتذكر أنه عندما آلت دكتاتورية مايو للسقوط في لحظات تشبه ما يحل بالإنقاذ الآن، أصدر أحمد البلال الطيب (لوحده) جريدة الأيام بعنوان ضخم يقول: "مايو باقية" ويدعو الشعب السوداني لعدم الخروج في المظاهرات بنفس الحجج السخيفة الساذجة. لكن الشعب السوداني لم يلتفت للأصوات المدسوسة وسط الإعلام وفعلها. ولتكن الثورة الثالثة لإسقاط الدكتاتورية الثالثة، فمزبلة التاريخ تسع كل عفانات الأرض والبشر

Quote: لوووووووووول ياقيقا الحاجةالحمرة طلعت لسان؟ انا افتكرته ابو القدح مقلع قدحو وقاعد امفكو بابوالقدحية هاههاهها ما قلت ليك رسم التابة واليابة,,

Quote: سلام يا دكترة برضو مصرّة انو الرسم هو المبشتن ؟ او على حد قولك " رسم التابة واليابة " !! احمد المرضي فنان كبير . . و عندو رؤية و رأي طيب ما في احتمال انو تكون قرايتك للرسمة غلط ؟ مجرد احتمال ؟ . . سيسي بس ؟ آي قاصد قراية . . من قرأ يقرأ فهو قارئ . . قراءة بالفصحى ،إذا كان اللوحة بقروها – و العهدة على " اقتراح " عاطف خيري - من باب أولى الكاريكاتير بقروه . . و بقروه . . وبقروه .، و اللون اللحمر من الالوان الاساسية البتمنح اللوحة ازدواجية القراية . . . انا غايتو قارئ عادي من أمة " إقرأ " ، و ما انا بناقد لو الكاركتير غاظك ؟ فدا المطلوب اصلاً . و شنافك ليهو ما بحلك . تقومي طوالي تتدرعي اللافتة البتناسبك ، و تسمعي كلام اللسان اللحمر داك تدسي البخرة ، مايشوفها ( المواطنين الطيبين ) كمان . . سمح ؟ ياخ ما تراكي فقعتي مرارتنا بكتابك دا ! انا شخصياً عملتي لي قرحة في المصران الاعور خليتيهو ما اعور و لا حاجة ذاتو ! بقى بعينين عديل . و بشوف شعاع كمان !! ياخ ( أطيب ) ** ( مواطن ) الافتراض انو حصيف و حذق ، و واعي جداً . نحن المطمبرين جوّة الدارة دي يانا الغبيانين . نتراقص عراة إلا من منطق ، و استقامة رأي يقمن صلب مقالنا ، و يسترن عورة حديثنا. فليكتب كلٌ منا كتابه ، و لنحتكم للجماهير دي . و هي ما بتظلم زول . حقك يا عزيزة تعتقدي و تستنتجي ، تحلمي ، تتخيلي . تتوهمي و تغلطي ذاتو . و الأهم من دا كلو انك تكوني رأي و تعبري عنو ، و دا حق دونه المهج و الأرواح . و هنا الرك . دا الطلعوا ليهو ناس ( حافظ حسن ) و دا السالت ليهو دماؤهم الطاهرة ، و تعفرت أرجلهم بتراب عشقوهو . الغلط وين هنا ؟ في حق تاني برضو ضمنتو لي و ليك و لكل انسان ، صحائف و مواثيق حقوق الانسان ، و الدساتير الوطنية ، بما فيها دستور السودان القومي الانتقالي 2005 م ( نيفاشا ) ، هو حق التنظيم و التبشير بالرأي بطرق سلمية ، و مكفول للكل . المشكلة وين لما ادعوا الناس لتظاهرة سلمية . ما دا رأي زيو و زي رأيك بعدم الطلوع ، و الاتنين بعبرن عن موقف ( سياسي ) المشكلة شنو ؟ و ليه ما ادعو أي زول بتفق معاي – في حد ادنى ، على الحقوق الأساسية – المشكلة شنو في إني ادعوه للنزول للشارع ؟ الاداك الحق انت تدعيهو لعدم الخروج ( مستبطنة رضى عن الحكومة ، او متذرعة بخوف منها ) و حرمني من الحق رفض الاستبداد و التسلط دا منو او شنو ؟ تاني نرجع لسيرة البحر ؟ أما تشكيكك في الناس الاتوزعتا المنافي ، فدي دعوة أساسها باطل و غير مستقيمة أساسا . و نفس المنطق الواقف على راسو بتاع الحكومة كعبة و شينة . . . و اووووك اررووك . . الخ. من الله خلقنا ما شفنا لينا حكومة شرط ! و لا شرط اصلاً انو الحكومة تكون شابة و جميلة . دا تسطيح بالموضوع ساي يا فردة ! قلنا ليكم المواطن ( الطيب ) دا ما طيب شديييييييد لدرجة ريالة قدر دا كمان ! و قنابير ذاتو مافي الزمن دا ! يا ستي الناس البرة دي يوماً ما كانت جوة ، و جوة المعمعة دي و دفعت استحقاق رأيها دا كاملة *، لانها اتعودت انها تنشروا و تصدح بالحق – حسبما تراه – و بطرق ديمقراطية . ليه مزانقاهم في ابداء آراءهم . ما هو دي انت برّة و بتعبري عن آراءك المنعك منو ؟ لما تستهزئي بآراء الناس ، من حقهم يسخروا من رائك برضو ، و لا شنو يا الركاب ؟ لما تقولي مناتلين ، و مناضلي كيبورد ، و معارضة ضل بارد . من حقهم يطلعوك كوزة و أمنجية كمان ، و بتنفذي في خطة " جاهز المنابر " – العهدة على الفنان احمد المرضي - . و بتدعمي الجلادين ، بسكوتك عن الحق ، و ذر الرماد على عيون " المواطن الطيب " و تغبيش رؤيتة ، و إلزامه بالنظر للحقيقة من الزاوية العاوزا الجلاد ! قلت لي حكومة دموية ؟! اها تقترحي علينا شنو مع الحكومة ( الدموية ) دي ؟ بس نركز و نردد " احدٌ . . احد ؟ ياخ ما ترانا 20 سنة نعاني العسف ، و نسام سوء العذاب ! حدو وين الكلام دا ؟ التغيير ح يجي كيف ؟ و من وين ؟ يعني بس نخاف و نشوف لينا زاوية نلعق فيها جراحنا ساي ؟! البخوفنا شنو ؟ و المقابل شنو ؟ كان تلايقيها بشوية خطاب ديني اقلو بتبقى مبلوعة ، و بتنهضم لينا برا عطرون ! بس ننتظر الثواب في الدار الآخرة ساي ، او نخاف الوقوع في الاثم( شرعاً ) النسخة الأصلية لبيان هيئة علماء السودان: تكفير كل من يقوم بمسيرات سلمية!!! بمخالفة الحاكم بإسم الله . . ظل الله في الارض ! لا يا دكترة . . و بنرددا في وجه الظلم لا القبل منك كان قوي كان اقوي جتة و اعتي جبروت وينو اسي ؟ . . . يمهل و لا يهمل و ين سدنة نظامو ؟ و ين حارقي البخور و ماسحي الجوخ ؟ عشان نلم المداخلة الطالت و استطالت دي ، نقوم نقول : ببساطة ممكن نمايز بين موقفين لا ثالث لهما في موضوع مظاهرات الاثنين 7 ديسمبر ، من جهة الطلوع او عدمو . و كل موقف كطبيعة المواقف السياسية ليهو مناقب و ( مسالب ) مثالب . يلا تسقط رخص هنا مامعانا ! البكتش كامل – الجمل بما حمل - بخيرو و شرّو . التشِبِح بين الموقفين دا او ما اسماه بكري الجاك " مسك العصاية من النص " مرفوض . كلو زول يختار البناسبو ، و برضي ضميرو ، و يدفع ضريبتو . الصفوف انفرزت تماماً . يا معانا يا مع الخيانة . . المسالة بالبساطة دي يادكتورة . الموقف العاوزة تقيفيهو هنا مفرداتو ما بتتراكب . بس ---------- * في ردي لماما دوما ح احكي ليكم عن تلاتة شباب هنا دا في بوستيك دا من الناس البرة المابتكلموا ساي الحاجة الوحيدة الممكن اوافقك فيها في طرحك هناالرسالة الضمنية الموجهة لقادة و جماهير تنظيمات و كيانات المعارضة: " قل ما تشاء . . كن ما تقول "

Quote: برضو مصرّة انو الرسم هو المبشتن ؟ او على حد قولك " رسم التابة واليابة " !! احمد المرضي فنان كبير . . و عندو رؤية و رأيr

Quote: وأكد أن اجتماع قادة المعارضة قرر المواصلة في المواكب السلمية وعدم التراجع عنها. وذكر انهم اعتبروا الأحداث التي صاحبت الموكب «اعلاناً مبطناً لحال الطوارئ»، وأشار إلى مقتل شاب وإصابة آخر في التظاهرة.

Quote: خضر قمتا على الارجاف تاني؟ نصدقك انت ولانصدق على عجب المحامي الكان بدافع عن الناس ديل؟ اصلو ديمقراطيتكم يا الشيوعين نحنا ما عايزنها.. لانها من النوع دا All animals are equal but some animals are more equal than others وكمان من جرب المجرب ركب الندامة نسيتو يا مايو يا شيف الفدا المسلول والعدل الثوري وهلم جرا

Quote: نعم .. هكذا تكون الحريات و هكذا تترسخ الديمقراطيات! فهم جديد و درس جديد نتلقاه من السادة الرفاق.. رفاق الحركة الشعبية الذين تتفطر قلوبهم ألماً على حال الحريات في شمال السودان و يدفعون ببعض السذج و المغشوشين للتظاهر من أجل الحريات في الشمال ! والله إنها لمسخرة .. و استخفاف بعقول الناس .. عسكر الحركة الشعبية و بتوجيهات السادة الرفاق يضيقون الخناق على كل الأحزاب الجنوبية و يكبتون حرياتها حتى في بيوت العزاء فبالأمس تعرض موكب السيد بونا ملوال (رئيس حزب مشارك في حكومة الجنوب) تعرض موكبه للتوقيف و المنع من المشاركة في حفل تأبين أقيم في ولاية واراب لتأبين أحد السلاطين و أجبر السيد بونا ملوال على العودة من حيث أتى .. مجرد حديث في بيت عزاء ممنوع و حرام حتى على رؤساء الأحزاب المشاركة في الحكومة .. هذا ما يحدث في الجنوب المكلوم و المأزوم .. في الوقت الذي نجد فيه باقان و عرمان يبرطعون و يلعلعون في اللقاءات و الندوات و يتنقلون من دار حزب لآخر .. و بعد كل هذا يا رفاق تتباكون على الحريات في الشمال؟ هكذا يقدم لنا رفاق الحركة الشعبية دروساً مجانية في تنزيل الحريات و تطبيق الديمقراطية في جنوب السودان