|
|
 تحية الى الانقاذ والحكومة في تصرفها تجاه مسيرة المعارضة
|
ان التغيير سنة الحياة ومجافاة الحق باطل لايرضاه الله ، اليوم اشهد بحسن حكمة الانقاذ وقيادتها الظافرة ومسئوليتها الالهية تجاه هذا الشعب المسكين الذي تتخبطه حركات مسلحة ومجاميع متمردة وشيوعيون حمر وانصار لرؤسهم مكربين وختمية لرقيباتهم خانقون وشعبي بلغ قائده من العمر ارزله.
ان حكومة الانقاذ وبحسمها لمظاهرة اليوم في مهدها انما تؤسس لمرحلة جديدة في بناء هذا الوطن مرحلة السلم والتحول الديموقراطي وكفالة حرية التعبير دون اي خروج عن النص، صحيح ان الانقاذ اتت عن طريق ثورة يسميها البعض انقلاب وحتى ان كانت انقلاباً فالتائب من الذنب كمن لاذنب له فمبالك بتوية اناس الهيين اختصهم رب العزة بجوامع الكلم واسكن من مات منهم حواصل طير خضر في جنانه العلا؟
ايها الشعب المارق في مظاهرات اليوم؟ ماذا تريد؟ اكل وماكلين وشراب وشاربين ونايمين قايمين في امانة الله، اموالكم امانة لنا عندكم نعطيكم اياه يوم القيامة، واولادكم عندنا في معسكرات الخدمة الوطنية، اما صحيح انتوا كفرة وجبلة، لكن نقول شنو العين ما يملاها الا التراب.
اما انتم ايها القابضون على الجمر ايها الصحابة الجدد فنعاهدكم مش لو اتوقعت نيقاشا او ابوجا او نيروبي او القاهرة نعاهدكم انه لو وقعنا اتفاقية في كل دولة وعاصمة ومدينة وقرية وحلة وفريق وزقاق وحيات اخوانكم الشهدا الماتوا قدامكم بعد ما نجضت مابنديها بغاث الطير.
الحركة الشعبية خلوها تمشي تشتكي محل ما دايرا، والناس المتلمين معاها كلها يومين والجنوب ينفصل والحركة تطير وبعد داك بنادبهم، اما ناس دارفور فوالله ما مصير اللاحقين باحسن من مصير السابقين دا كان رضينا نوقع معاهم اتفاق.
الخلاصة
وحياتكم يا غاليين تمرقوا مظاهرة تطيروا تركوا نحن من سهرة 30 يونيو ديك والتعب التعبناه فيها كان قايلننا بنديكم ياها بالساهل تكونوا بتهظروا، نحن هسي بعد ما دبلنا وثلثنا وربعنا جيبنا جهلاء صغار نعيشهم ليكم من وين؟ هو نحن عندنا حاجة غير خزينة الدولة دي؟ ولا يرضيكم نشحد يعني؟ يخسي عليكم يا معندكم رحمة وانسانية.
يا حكومة الفجرة في الخصومة ويا حكومة الالغاء ويا حكومة جيب بندقيتك وتعال ويا حكومة البجيك عريان استناه متشمر، ارجي الراجيك.
اما انت يا حركة يا شعبية فكدي امشوا امرقوا ياسر عرمان وبعدين بنتفاهم.
|
|
 
|
|
|
|
محمد عمر الفكي
فيس بوك
تويتر
انستقرام
يوتيوب
بنتيريست