|
Re: يا مزمـــــل ليكـ حق ( تسكـ ) الشكوى في سادومبا . (Re: حيدر بشير)
|
Quote: ياخى المرة دى رقصة اكرم كانت كدباية من نوع جديد ممكن نحفظ ليه حقوق التأليف |
تعرف يا حيدر دقست في العنوان .. مفروض نضيف يوجد توثيق لكل الرقصات .. رقصات أكرم الهادي ( تار شخصي من رقصتو الفاتت) ورقصات شباب الهلال أثناء الهدفين وبعد انتهاء المباراة .. ياخي رقيص خمج عديل كده
______________ وينكـ يا تمبس مع المولد ده
| |
|
|
|
|
|
|
Re: يا مزمـــــل ليكـ حق ( تسكـ ) الشكوى في سادومبا . (Re: عمران حسن صالح)
|
Quote: بالأمس رد ولدنا سادومبا وكان رده بياناً بالعمل بما ظل يكتبه كبيرهم الذي علمهم السحر .... مزمل أبو القاسم .... في عموده المقروء كبت الحقيقة ... تارةً مستهزئاً به وذلك من خلال ختمه لعموده شبه يومياً بعبارة ......... سا سا سا ..... سازومبا ... وتارة ً اخرى برفيق دربه كابوندي .... كا كا ... ما عارف إيه كدا ..... فكان نعم الرد بأحلى قونين سهلين بلدغة عقرب محترف قام برش الواد كرومي الرقاص بدم بارد رحمنا بهما من مشاهدة الرقص على وحده ونص وبالطرحة كمان !!!!! فأكرمنا سادومبا بعدم مشاهدة تلك الرقصات القبيحة ورحم أعيننا من مشاهدة تلك الأذية ... وللذكرى والتاريخ فإن الحاج مزمل سبق وأن نصح إدارة الهلال بعد خسارة فريقهم من ناسروا النيجيري بثلاثية في 2007م وألمح لهم بعدم إشراك كلتشي وقودوين في مباراة الرد بالمقبرة مشككاً في ولائهم لهلال الملايين فكان رد كلتشي له بهدف سريع ركض بعده ناحية الكاميرا وهو يشير لمكان إصابته في فخذه المربوط برباط طبي وتخيلته وقتها يقول وين مزمل دا عشان أخنقوا !!!! أتمنى من ود أبو القاسم أن يرعوي ويبطل خطرفات وجعجعة في الفاضي فرد الواد سادومبا اللعاب أتمنى أن يكون أخرسه ويتوب من الإستهزاء بالعقارب الباردة ... وذلك حتى يسلم ويسلم فريقه الهلكان من ردة الأفعال للمستهزئون بهم على صفحات جرائدهم ... والمجرب قرصة العقرب يخاف من فحيح الأفعى !!!!!! |
| |
|
|
|
|
|
|
Re: يا مزمـــــل ليكـ حق ( تسكـ ) الشكوى في سادومبا . (Re: عمران حسن صالح)
|
سا سا شنو .. سا سادومبا .. يا ولد إنت هناك أقيف في الصف .. إنت قايلو صف رغيف .. لا يا أستاذ دا صف رقيص .. رقيص في عينك .. إنتو يا ناس الهلال خليتو أي حاجة وقبلتو على الرقيص .. يا أستاذ الرقيص دا قاعدين يدخلو ليهو مدارس .. يا ولد إنت مالك فصيح كده عامل رأسك الماكن دا .. إنت ما شفت أمس ناس الهلال .. مالم ناس الهلال عملو شنو تاني .. ياخي الإستاد كلو يرقص .. والنجيلة الصناعية زاتا بترقص .. يعني أمس كان يوم الرقيص ونحن ما عارفين .. رقصة التابا يا أكرم كديابا .. عشان ما تقوم تاني ترقص في حضرة سيد البلد .. لأنو أسياد البلد ديل كعبين شديد .. لما يقومو على الرقيص برقصوك على واحدة ونص .. يعني نفهم من كده إنو سادومبا دا كان في روسيا .. هسي عليك الله روسيا الدخله هنا شنو .. لا لا ياخ الزول دا مشى ليهو كورس رقيص هناك .. إنت ما عارف إنو روسيا فيها مدارس رقيص .. لكن ما على الواحدة ونص ..
أرقصكم ..
مبروك يا أبومحمد .. مبروك لشعب الهلال ولأسياد البلد ..
| |
|
|
|
|
|
|
Re: يا مزمـــــل ليكـ حق ( تسكـ ) الشكوى في سادومبا . (Re: عفاف الصادق بابكر)
|
يباركو ليك السمح يا عفاف .. مبروك لأسياد البلد في كل مكان .. أمس كانت فرحة لا تعادلها فرحة .. فرحة الجمع بالبطولتين والقونين في كرومي الشين .. والرقصة كانت رقصتين ..
أكتر حاجة كانت مريحاني في مباراة الأمس دي إنبطاحت كرومي الرقاص .. ياخي دا أخد ليهو إنبطاحتين إلا يمشي ليهو لبتاع فلايت يمرق ليهو القونين ديل أقصد الفليتين
أيامك كلها أفراح يا رب .. كل التحايا يا عفاف ..
| |
|
|
|
|
|
|
|