ماقادره أمسك نفسي من الضحك رغم كبر المأساه .. يعني محمد فؤاد ده كان خوااااااااااف كده الجابوا السودان شنو؟ مامكن قاعد يصرررخ: احكي مييييييين احنا بنمووووووووووووت.. احكي ايه وللا ايه ايه اللي يتحكي مافيش حاجه تتحكي الناس بتمووووووووووووت احنا في مكان ماقدرش أقوللك علييييييييييه بستنجد بيك ياعمر أنا معايا 130 واحد ممكن يتقتلوا في نص ساعه ..
والله البيسمع الكلام ده يقول فتحوا ليهو راسو وبينزف, والمعاهو شرطوهم بالسكاكين !!!!!!
الناس ديل طيب بيطولوا لسانهم في الاعلام ليه لما خوافين كده, لزوم نازل اعلامهم شتيمه في الجزائريين شنو لما هم خوافين؟ ..
ياخي نحن فيييييي جامعة الخرطوم دي, بنات, كان الاحتياطي المركزي لما يقتحم الجامعه ويضرب البنات, بنتصرف تصرف سليم وبنهدأ وبنطمن أهلنا لغاية مالحكايه تعدي, معقوله يثيروا الفزع عبر التلفزيونات في قلوب أهل المصريين الفي السودان بالطريقه دي؟ وفي النهايه كللللللهم رجعوا سالمين ومافيهم خدشه ؟
امبارح أثناء برنامج بحث عن هدف لميرفت حسين, نقلوا علي الهواء مباشرة مداخلة جمال الوالي مع ابراهيم حجازي في برنامجه .. قال فيها انو التنظيم كان غير مسبوق, لكن حدثت تفلتات ودي حاجه طبيعيه, وأشار لي انو فرنسا أعلنت حالة الطوارئ وانو السودان سيطر علي الوضع وخرج بالمباراه الي بر الأمان بدون خسائر, أها أثناء مداخلة جمال الوالي المهذبه ومحترمه وراقيه جدا, الكنترول أدي اشاره لابراهيم حجازي انو الرئيس المصري استدعي السفير السوداني وشكروا علي مجهود السودان في انجاح المباراه, طوالي ابراهيم حجازي غيّر نغمتو واعتذر لي جمال الوالي وقال لما الريس يقول حاجه يبقي كل القلنا امبارح والنهارده يترمي عالأرض !!!!! يعني ديل مش بس كذابين ومدّعين وخوّافين ديل ابليس ذاتو حيروهو بعمايلهم لكن طبعا لازم يتمها قلة أدب, قال يعني السودان "وأشر لي تحت" حيبقي الأمن فيه أحسن من فـــــــــرنــــــــــــــسا "وأشر لي فوق" ده بيقولك -يقصد جمال الوالي- الجزائريين فرنسا مش عارفه تسيطر عالجزائريين دول ناس بتوع شغب هم السودانيين حيعملوا ايه أكتر ماللي عملوهو -مامعناهو- يعني اخرتها عايز يقّول جمال الوالي كلام ما قالوا ويوقعوا في الجزائريين ..
غايتو أخير نضحك .. صحي شر البلية مايضحك ..
11-20-2009, 12:19 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
ياخي متعة الفيديو بتاع الفيس بوك المصممه سوداني داك
وضحكني اكتر المذيع الجزائري في الجزيرة الرياضية في المباراة وائل جمعة لما وقع مسك رجل وهو بقوم ماسك راسه قال ليه ياعمك بطل سينما الضربة في الراس ولا في الرجل
ايام ممتعة والله
تحياتي أماني
11-20-2009, 12:29 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
قمربوبا ياصديق : والله امبارح اليوم كلو راسي بيغلي من عمايل المصريين, لولا برنامج الاعلاميه الناجحه ميرفت حسين في النيل الأزرق, اللي اتكلموا فيهو معتصم جعفر نائب رئيس الاتحاد السوداني لكرة القدم, والناطق الرسمي للشرطه, ومزمل أبو القاسم .. واتداخلوا فيهو العديد من الصحفيين المغبونين الناس ديل وصّلوا صوتنا للعالم وعبّروا عننا ..
أجمل مداخله بالتلفون كانت من محمد موسي الفنان الكوميدي .. قال المصري في التلفزيون يقول: بناتنا مطاردينهم وبيهدلوا فيهم .. قال ليهو طيب انت بناتكم مطاردينهم انت رجعت كيف؟ انت رجعت مصر سليم وبناتكم طاردوهن ؟ مامشيت دافعت عنهن ليه؟
المهم بعد البرنامج ده حتي اتفشيت وبديت استشعر المتعه اللي المصريين متّعونا ليها بتمثيلهم ده .. أوسكاااااااااار ياقمر بوبا, بنطالب بأوسكار للشعب المصري بس أوسكار حقت التمثيل الركيك ..
Quote: ياخي متعة الفيديو بتاع الفيس بوك المصممه سوداني داك
دع مالاقاني لسه, الرابط سريع ياقمربوبا عليك الله, وللا الفيديو نفسه ..
11-20-2009, 12:44 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
المصريين ديل حقوا يشدوا حيلهم شويه .. ماممكن مافي فرق بين رجالهم ونسوانهم كلهم قاعدين يصوتوا في التلفزيونات, الواحد يسألوهو انت وين يقول نحن في فيلا بتاعت واحد سوداني, وبهناك نازل شتيمه في السودانيين, هسي السوداني الانت في بيته ده كان قبّل عليك تمشي وين؟
يازول الجزائريين ديل عافين منهم لله والرسول .. هم زاتهم قالوا النيل عجبهم وجايين يسكنوا هنا, عشان تاني مصري يهوب ناحيتنا مافي ..
11-20-2009, 12:48 PM
هواري نمر هواري نمر
تاريخ التسجيل: 04-29-2009
مجموع المشاركات: 1833
الحــــــمــــــــد لله اه والله والله العظيم يعني النهارده لو كسبنا لكنا حنبات حزنا كلنا وفي ستين داهيه كاس عالم وتلات ماتشات وترجع شوف براك: هسي المعني كده هم باتوا مبسوطين لأنهم اتغلبوا يعني ..
Quote: والله خجلت ليهم .... بعدين المصريين ديل من ناحية خوافين خوافين ودى ما دايرة كلام
غايتو يا أميره الستره والفضيحه متباريات .. زي ديل مايمرقوهم من بلدهم خطوه ,,
أسمعي نورهــــــــــان : حضرتك مش واخد بالك من حاجه .. ان الوفد الجزائري خلاص وصل المطار في كارثه في مدبحه في المطار دي كارثه هم كانوا لازم يدخلونا بسرعه كان لازم يبقي الباب الحديد ده فاصل مابيننا ومابين الجزائريين الجزائريين ياجماعه ماشيين بسلاح أبيض في الشوارع السودانيين أصلا خايفين والسودانيين ابتدوا يشتمونا معاهم
السودانيين برضو الخايفين يانورهان ؟
عمرو أديب طوااااااالي عشان نورهان قالت كده قال صحو الرئيس السوداني وقولولوا حد يفتح البوابه في المطار .. انتي عمر أديب ده بالجد بيجيب الجراءه دي من وين ؟ عمر البشير ده مسئول بوابة المطار في جمهورية مصر فرع السودان وللا شنو؟
ياخ أنا لسه مصره انو أظرف زول أحمد بتاع: حـــــــــد يتــــــــكلم يعمــــــــــــلوا اتصـــــــــــالات
(عدل بواسطة Amany Elamin on 11-20-2009, 01:15 PM) (عدل بواسطة Amany Elamin on 11-20-2009, 01:24 PM) (عدل بواسطة Amany Elamin on 11-20-2009, 01:49 PM)
11-20-2009, 12:53 PM
محمد مختار جعفر محمد مختار جعفر
تاريخ التسجيل: 11-15-2005
مجموع المشاركات: 4927
Quote: بنات جامعة الخرطوم ديل رجال عدييييل كده احتج مقارنتهم بالمصرييين
ياسيدي جامعة الخرطوم خليها , السودان ده مروا عليهو ذكريات أيام سود كتيره وموت ورعب حقيقي , منّها يوم الاثنين الأسود, ومعركة أمدرمان .. أصلوا لاشفنا لاسمعنا بي زول واحد شكا وللا بكا ..
والله نحن شعب يستحق جائزة أكتر شعب صبور في العالم ..
Quote: ام اسم على اسم
اسم علي اسم ..
11-20-2009, 01:29 PM
خالد كدودي خالد كدودي
تاريخ التسجيل: 10-15-2009
مجموع المشاركات: 284
تصدق أنا مضحكني في المصريين, انهم جايين المباراه ببصاتهم المكندشه ويأشروا للناس من خلف القزاز, وسوداني كده ملا عينهم عشان يتكلموا معاهو مافي .. الجزائريين حايمين ليك "بسفنجاتهم" في السوق العربي واخر انسجام مع السودان والسودانيين . البشوفهم يقول بينزلوا السودان كلو ويك-اند ههههه
ماتعرف المصريين ديل جايين يشجعوا كوره وللا جايين يتفلهموا علينا,
قال شجع مصر قال !!!!!
11-21-2009, 02:05 AM
bob bob
تاريخ التسجيل: 03-03-2002
مجموع المشاركات: 3353
Quote: اولادنا بتقتلواو في السوداااااااااااااااااااااان حد يعمل حاااااااااقة..... ماتقولش انت فين يا محمد ، ماااتقولش انت فين,,,,,,
هههههههههههههههههههههههه يعني هسي القااااااصد محمد ده بالذااااااااات منو؟ الجزائري لو دقا ليهو أي مصري من طرف بتفشي ههههههههه مالازم محمد ده بالذات يعني هههههههههههههه
Quote: انا بستنجد بيك يا عمر.......انا بسسسسسسسسسسسسسسستنجد بيك.
شفتيهو في فيديو مطار القاهره, متكل في الزول الجنبو, ما قادر يشيل حيلو من الخلعه ..
شئ عجيب ..
11-20-2009, 02:41 PM
Haytham Abdulaziz Haytham Abdulaziz
تاريخ التسجيل: 05-28-2006
مجموع المشاركات: 2899
Quote: احكي مييييييين احنا بنمووووووووووووت.. احكي ايه وللا ايه ايه اللي يتحكي مافيش حاجه تتحكي الناس بتمووووووووووووت احنا في مكان ماقدرش أقوللك علييييييييييه بستنجد بيك ياعمر أنا معايا 130 واحد ممكن يتقتلوا في نص ساعه ..
إزيك يا أماني.... ومبروك للجزائر...
تعرفي أنا واحد من الناس إنو مقتنع إقتناعاَ تام بإنو المصريين.... ديل دايرين العين الحمراء... و الطيبة و السذاجة ما بتنفع معاهم... يعني بتصريحات الخايب محمد فؤاد دا نسفت جهود كل القطاعات الأمنية.. و الحكومية و إتحاد الكرة لتنظيم تلك المباراة...
أنا بشاهد في عالم الرياضة الآن و الأخ رضا مستضيف سكرتير الإتحاد... مجدي شمس الدين و سعادة الفريق محمد الحافظ مدير شرطة ولاية الخرطوم... الذي قال بانه تلقى إتصال في الثالثة صباحاً و هو كان بشاهد قناة النايل سبورت... من مسؤول سوداني وهو بشجع مصر و على الفور... أمر بتحريك دوريتين و معاهم طبيب .... و إسعاف و لمن وصلو مكان محمد فؤاد و جماعتو تفاجأوا بأن الجميع بخير و بادروا بالإعتذار وهنا كان من المفروض.. يا سعادة الفريق أن نثبت موقف وتقوموا بتصوير محمد فؤاد و من معه.... و عمل تسجيل صوتي لهم بأن ينفوا.. ما قالوهو و أنهم بخير...و أن يسجلوا إعتذارهم...
Quote: وللا الاسمو هيثم شاكر "أصلا ما سمعته بي انو في فنان اسمو هيثم شاكر قبل اليوم ده" :
امانى كيفك .....الاسمو هيثم دة معروف جدا بفضيحة الهروب من التجنيد فى مصر بالتزوير مع المغنى المشهور تامر حسنى وطبعا اتسجن بتهمة التزوير , فيا اختى المصريين فشلواحتى فى التمثيل ولا ما كان يجيبوا ليهم واحد مزوراتى.
كنت من مناصرى المنتخب المصرى ولكن ضد بجاحتهممهما كان الوضع.
بس لقيتك يا امانى مووووبالغة فى الشماتة ( وجه متضامن مع الشماتة)
Quote: الاسمو هيثم دة معروف جدا بفضيحة الهروب من التجنيد فى مصر بالتزوير مع المغنى المشهور تامر حسنى وطبعا اتسجن بتهمة التزوير
يعني شغّااااااال اتصالات بالتلفزيونات ليه وهو حياتو في خطر ؟ غايتو البسمع عمايلو دي وهروب من تجنيد وتزوير يقول عليهو شفت ومفتح, حقو يشد حيلو شويه غايتو ههههه ..
---- مافي شماته, دي بس شر البلية ما يضحك ...
11-20-2009, 03:39 PM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
و الله العظيم انا بخجل للمصريين ( الرجال المصريين) تحديدا ما حصل شفناهم في زنقة الا ووااااااااااى اصلو ما بيدسو الجرسة تقولى ستة اكتوبر يا ربي تكون دي كلشر نحنا ما قرونا ليها؟؟؟ ما عندهم دلاليك و غنا زى ( دخلوها و صقيرا حام) و ناس علمو الجبل الثبات؟؟؟ نرسل ليهم شوية شرايط و لا شنو؟؟
11-20-2009, 04:19 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
Quote: انت فين دلوقتي؟ احنا في السودان احنا مش عارفين فين
لووووووووووول مبالغة
Quote: طيب ما تسأل ليك سوداني تقول ليهو نحن وين؟ ده عدم تصرف وللا كذب وللا نسميهو شنو؟
لا يا امانى هو لو اتكلم بى مكان وجوده ده ما خطر كبير عليه هم مستخبيين انتى ناسية لووووووووووووووووول منتهى الجبن والعار .. العالم دى ما بتخجل اصلو اطفال ما يعملوا عمايلهم دى.. سجم رماد حريمهم كان راجيات من وراهم رجا
وكيل وزارة الإعلام ده جادى؟؟؟!!! القنوات المصرية الكانت شغالة ديل قنوات رسمية يعنى صوت الحكومة المصرية!!! شنو الحكومة المصرية ما ممكن تقول كلام زى ده؟؟؟
Quote: وكيل وزارة الإعلام ده جادى؟؟؟!!! القنوات المصرية الكانت شغالة ديل قنوات رسمية يعنى صوت الحكومة المصرية!!! شنو الحكومة المصرية ما ممكن تقول كلام زى ده؟؟؟
انت سألت أهم سؤال في الموضوع ده.. الهجوم اللي اتعرض ليهو السودان في الاعلام المصريه, هل من الممكن يكون بعدم رضا السلطات عندهم؟
11-20-2009, 04:51 PM
Yassir Tayfour Yassir Tayfour
تاريخ التسجيل: 08-18-2005
مجموع المشاركات: 10899
Quote: و الله العظيم انا بخجل للمصريين ( الرجال المصريين) تحديدا ما حصل شفناهم في زنقة الا ووااااااااااى اصلو ما بيدسو الجرسة تقولى ستة اكتوبر يا ربي تكون دي كلشر نحنا ما قرونا ليها؟؟؟ ما عندهم دلاليك و غنا زى ( دخلوها و صقيرا حام) و ناس علمو الجبل الثبات؟؟؟ نرسل ليهم شوية شرايط و لا شنو؟؟
الكلام ده فعلا الظاهر ما مر عليهم !!!!!!! ولا بخجلوا من حركاتهم دي .. وبعد ده لسانهم طويل ..
Quote: مجدي شمس الدين و سعادة الفريق محمد الحافظ مدير شرطة ولاية الخرطوم... الذي قال بانه تلقى إتصال في الثالثة صباحاً و هو كان بشاهد قناة النايل سبورت... من مسؤول سوداني وهو بشجع مصر و على الفور... أمر بتحريك دوريتين و معاهم طبيب .... و إسعاف و لمن وصلو مكان محمد فؤاد و جماعتو تفاجأوا بأن الجميع بخير و بادروا بالإعتذار ..
مظبوط شفت التصريح ده, محمد فؤاد ده في تقديري كان خايف شديد, وحب يهوّل الموضوع عشان يلحقوهو بسرعه ..
Quote: وضح الاستاذ رضا مقدم برنامج الرياضة في التلفزيون بأن اللقطة التي بثها تلفزيون النيل المصري امس والتي ظهر فيها بعض الجمهور يحمل سكاكين ومطاوي ، اوضح بأنها ليست في السودان وأن اللقطة منشورة على موقع جزائري منذ أكثر من شهر ، واضاف ان الخرطوم ليست بها سحب ولا أستاد المريخ به أشجار ولا بلاط أبيض واسود كما ظهر في الصورة ، وليس هنالك من بين المشجعين من يرتدي شعار الجزائر او يحمل علمها.
يذكر أن الطائرة التي كانت تحوم في سماء استاد المريخ تبين ان السماء كانت صافية تماماً.
الأخ عامر باضاوي: ما أتيت به صحيح, المصريون أتوا بتسجيل قديم ونسبوه الي استاد المريخ .. ويريدون منع الفريق الجزائري بواسطة الفيفا من الذهاب الي المونديال بتلفيقهم وكذبهم هذا, معقوله دوله تلعب بسمعتها كده وتضحك عليها حتي الفيفا !!!!!!! لاحظ للفرق ده التسجيل المزعوم واللي ماعنده علاقه بالسودان:
Quote: وفى مداخلة للفنان محمد فؤاد فى كثير من القنوات التلفزيونية اكد ان السائق السودانى قام بعمل بطولى بانه تلقى طوبة فى وجهه ونزف ودمائه اغرقت قميصه ومع ذلك رفض الوقوف والهروب وقال محمد فؤاد انه لولا هذا لكانوا الآن مذبوحين ولذلك قرر محمد فؤاد احياء حفل فى السودان وتخصيص دخل هذا الحفل بالكامل لهذا السائق .
أول شئ محمد فؤاد ده ما يعرض علينا نهائي بعد العملو, والسودانيين ما مستنيين قروش منك يامحمد فؤاد ..
بعدين ياقمربوبا محمد فؤاد براهو, أمبارح المصريين كلهم واقعين اعتذارات في السودان .. لكن نحن لن نرضي بأقل من محاسبه رادعه لعمر أديب وابراهيم حجازي وكل من خاض في سمعة السودانيين بالباطل ..
--- بيني وبينك متــــعه والله .. راحه شديده ياقول شول
11-21-2009, 09:43 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
غايتو لقيت عليكم جنس شماتة أولاً لم يسعدني فوز الجزائريين .. ولم تحزنني خسارة المصريين .. العالم دي أنا كلها مكجنه كده لله في لله .. رغم غضبي الشديد للهجوم الذي تعرض له الشعب السوداني من قبل الإعلام المصري ( العبيط ) .. وأعلنت عليهم الحرب ساعتها .. إلا أنني لم أتمالك نفسي من الضحك بعد الأحداث .. أها زيك كده يا أماني بقيت شمتان ليك جنس شماته .. ياخي ديل بعلمهم أو بدونه ضحكّوا عليهم العالم .. عليك الله فايدة الرجالة شنو كان بقعدو يجارو ويخلو بناتهم وراهم .. يا دي الخيااااااابة بعدين اعلام الخيابة ديل ما بختشوش فضحوا نفسهم وأظهروا ضعفهم الاعلامي .. لا أدري ماذا يقولون الآن بعد كذبهم وإفتراءتهم ..
Quote: ياخي ديل بعلمهم أو بدونه ضحكّوا عليهم العالم ..
والله متقمصين دور الضحيه جنس تقمّص .. وماخجلانين يامعتصم, الناس ديل نخجل ليهم نحن يعني؟ كرامتهم ما هبشوها الجزائريين, كرامتهم انتهوا منها برااااااهم بالانهيار والبكا والجرسه في التلفزيونات,
بس لزوم طولة اللسان شنو, كان ما قدرها ؟
المهم, شعار المرحله: الرجال ماتوا في وهران
وتحيات كتار يامعتصم ..
11-21-2009, 11:06 AM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3515
أمس بعد منتصف الظهر كنت استمع إلى إعادة لبرنامج مصري على إحدى القنوات
وأجد السيد الباشا المستشار ذو الهندام يقول مزمجراً :
- لقد دخل 70 ألف جزائري إلى السودان. - كلهم قادمون من السجون. - كلهم أصدرت جوازاتهم في نفس يوم السفر.(أكيد معلومة مفبركة زي كل معلوماتهم). - كان معهم ستمائة كوماندوز جزائري لم يدخلوا المباراة وكانوا مختبئين فوق الأشجار في الخرطوم - تخيلوا ستمائة كوماندوز مختبئين فوق الأشجار في خارطوم جانقل هههههههههههههههههههههههههههه -
للعلم فقط هذا الشخص الكريه لم يصدر اي اغنية منذ اكثر من سبع سنوات ولذلك كانت هذه فرصة ذهبية اعلامية. و ازيدكم محمد فؤاد قد قام بسرقة اغنية من الفنان شرحبيل احمد و القضيةلم يحكم فيها بعد لمدة تقارب 10 سنوات
Quote: للعلم فقط هذا الشخص الكريه لم يصدر اي اغنية منذ اكثر من سبع سنوات ولذلك كانت هذه فرصة ذهبية اعلامية. و ازيدكم محمد فؤاد قد قام بسرقة اغنية من الفنان شرحبيل احمد و القضيةلم يحكم فيها بعد لمدة تقارب 10 سنوات
والله يا مريم البسمع مداخلته مع عمر أديب, يقول شايف عزرائيل قدامه !!!!!!
شئ عجيب !!
11-21-2009, 11:21 AM
نجاة محمد بابكر نجاة محمد بابكر
تاريخ التسجيل: 09-10-2009
مجموع المشاركات: 571
والله يااخوانا كنا مستمتعين الايام الفاتت بالمصريين وعمايلهم على قولة الاخت امانى بالتمثيل الركيك جايبين ليهم اتوبيس واحد مصوارهو كل القنوات المصرية ماعندهم حاجة غير البكاء الممثلين فى كل قناة اجو ابكو بس ناقصاهم خيمةبكاء
ناس عجيبين لكن بينى وبينكم ونسونا
وزى مابقولو الشباب خليهم اقومو الفو
11-21-2009, 02:47 PM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: كل القنوات المصرية ماعندهم حاجة غير البكاء الممثلين فى كل قناة اجو ابكو بس ناقصاهم خيمةبكاء
المزعلني يانجاة انهم بيحاولوا يحشروا السودانيين في الموضوع بالقوه, يعني عايزين السودانيين يشهدوا ليهم ويكذبوا معاهم, السودان بيقول الاشتباكات طفيفه, هم يقولوا السودانيين شاهدين علي العنف الجزائري ..
Quote: وما ركزوا على كلام: - 70 الف جزائري ولا 52 الف والجوازات دي طلعت كلها في نفس اليوم كيف؟ وهم عرفوا المعلومة دي كيف؟ أها والستمائة كوماندوز المتدسين فوق اشجار أم درمان والخرطوم ديل وآخر واحد أمس قال إنه الجيش الجزائري هو من قام بهذا أرسو على بر الجيش ولا المساجين ؟
المصريين ما قدروا لحدي الان يثبتوا حادثه واحده بالصوره !!!! وبعد كده معلوم انو أي فيديو يظهر حيكون مصدره مدينة الانتاج الاعلامي
حنين: عملت سيرش في اليوتيوب ولقيتو, عليك الله الراجل ده ما بيخجل؟ معقول قاعدين في مكان زي ده والمعاهو كلّلللهم كويسين وقاعد يصرّخ في التلفزيونات احنا بنموووووووووووووووت !!!!!! لأ وعايني الواقف جنبو ده المدعو هيثم شاكر بتاع حياتنا في خطر !!! ديل مفروض الشرطه السودانيه ترفع فيهم قضية اشانة سمعه
المهم جبت الفيديو:
دراما مصريه رديئه
11-21-2009, 06:24 PM
سيف الدولة كامل سيف الدولة كامل
تاريخ التسجيل: 03-29-2009
مجموع المشاركات: 4349
أماني يسأل عليك الخير .. كل التحايا والأماني الطيبة ..
قلتي لي الرجال ماتوا في وهران غايتو راحت عليهم أولاد بمبة ياخي ديل طلعوا أي كلام .. تاني خلي واحد يجي يتكلم عن حرب التحرير .. ونحن اللي عبرنا القناة عالم جبانات .. الموت في شوارع الخرطوم دي مالو عيبوهو لي ..
11-21-2009, 07:06 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بريمة محمد
GamarBoBa
شول اشوانق دينق
عبدالكريم الامين احمد
bob
welyab
هواري نمر
محمد مختار جعفر
doma
Haytham Abdulaziz
Yassir Tayfour
MAHJOOP ALI
Tagelsir Elmelik
عبد المنعم سيد احمد
Faisal Elrasheed
حبيب نورة
أمين محمد سليمان
عامر باضاوي
معتصم دفع الله
Hani Arabi Mohamed
نجاة محمد بابكر
محمد عبد الماجد الصايم
طارق عمر مكاوي
سيف الدولة كامل
Alfarwq
فيس بوك
تويتر
انستقرام
يوتيوب
بنتيريست