|
Re: يا خبر البوردابى الوجيه يسرى معتصم عريسا (Re: الصادق الزين)
|
الصادق الزين ..سلامات ..واهلاً بيك في المنبر ...
الف مبروك لصديقي الكسلاوي يسري ...اخيراً لحق نفسه !!! ....الزول ده كان جايب لينا احراج كبير لانه ماصغير واتأخر في الزواج ..الحمدلله ..ونسأل الله ان يتم له على خير ...
شكراً ياجميل ..
فايزالقاضي
| |
|
|
|
|
|
|
Re: يا خبر البوردابى الوجيه يسرى معتصم عريسا (Re: الصادق الزين)
|
الصادق
سلام
Quote: يوم السبت 14 اكتوبر |
كدي يااخوي اول حاجة
وقع لينا دي عشان نجي
نبارك بالباب عديييييييل
اصلو الزول ده زولا مو هين
شرقاوي.....كسلاوي
صفوي.....مريخابي
عليك الله في احسن من كده
يسري.....
شايفك تسكلب بي هناك
ياخوي ماتخاف الارباب ده
بتاع مكنات سااااااااااااكت
وسفاري ...ضماااااااااااان....!!!!!
| |
|
|
|
|
|
|
Re: يا خبر البوردابى الوجيه يسرى معتصم عريسا (Re: haroon diyab)
|
الاعزاء: كباشى , فايز , غباشى و دياب
لكم كل الود
الود يسرى دا نحن ساكنو اربعه سنين نمن و قع اهو !!
بعدين حكاية ما صغير دى خليها مستوره بس , نحن عايزين نلحقو القطر ان
شاء الله يقيف.
بقى لو قراب نشوفكم بهناك يا دياب يوم 14 نوفمبر , دايرين نخفى البرلمه لكنها ظهرت نعمل
شنو بس!!
مع اكيد احتراماتى
الصادق
| |
|
|
|
|
|
|
Re: يا خبر البوردابى الوجيه يسرى معتصم عريسا (Re: خالد العبيد)
|
الاعزاء:
سيف عبدالعزيز , عمادالدين , اسماعيل, تراجى , عماد خليفه , ايمن , هيثم و خالد
انابة عن يسرى اشكركم جميعا, و عايزين فرحتنا تزيد بحضوركم..
تراجى مرحب بعودتك نحن ظهرنا فى فترة غيابكم , يالله خلى
حضورك يكون قوى زى زمان..
الاخ سيف و الله سلامات , بدلة سموءل دى يا اخى ناسها كتار,
انحنا جلابية و سروال اهلك دى المحمدانا نعمل شنو بس؟
تحياتى للاسره و نشوفكم هناك .
الصادق
| |
|
|
|
|
|
|
Re: يا خبر البوردابى الوجيه يسرى معتصم عريسا (Re: الصادق الزين)
|
الأخ الصادق
الف مبروك للأخ يسرى
وعقبال بيك نفرح يا (زينا) ونشرب شرباتك يا (زينا)
Quote: ألف ألف مبروك ليسرى تهانينا وربنا يتم ليك على خير أها انت متين يالصادق الزين, شايف سمؤل بيجهز ليهو فى بدلة جديدة بس لو انت تقول حاجه |
ياخوى هو الصادق وحدو
فى واحد فوق هنا برضو عايز ليهو فكى يبركوا لينا
تنقرو لى ا منو؟
| |
|
|
|
|
|
|
Re: يا خبر البوردابى الوجيه يسرى معتصم عريسا (Re: الصادق الزين)
|
الأخوة والأخوات الكرام السلام عليكم ورحمة الله وبركاته شكرآ جميلآ لكل من مر عبر بوست الأنسان الجميل الراقى حبيبنا الصادق الزين. وهذه بمثابة دعوة للجميع من الأحباب داخل الولايات المتحده خصوصآ بورداب الحوش الكبير سودانيز أونلاين بداية من الحبيب الأخ بكرى وجميع الأخوان ... مرحبآ بكم جميعآ ليلة السبت ..... أخونا غباشى وينك تلفونك على الخاص محبتى وودى للجميع
| |
|
|
|
|
|
|
Re: يا خبر البوردابى الوجيه يسرى معتصم عريسا (Re: Amira Elsheikh)
|
كل التهاني القلبيه للوجيه يسري بزواج ميمون ... جعله الله لك مباركا بالزريه الصالحه ...
نيابة عن جميع الأهل والبيوتات بكسلا الميرغنيه وكل الأحبه والأصدقاء نرسل لك أصدق التهاني والتبريكات ..
كل المحاولات الجاده فشلت في أن نكون حضورا للمشاركه في هذا الحدث السعيد ...
شكرا لك يازين ولكل الذين أحتفو بعريسنا التوم .. وأدام الله أفراح الجميع ..
| |
|
|
|
|
|
|
|