|
ود إبر عين الخُلعــة ..
|
في الروح.. تهبِّش عصب الخُلعه.. إبراً داقّه شفايف الدم يا طايشه ونايشه مفاصل الوجعه في منفاك الزول بي كم ؟ أشري حواس الحزن الرجعة بيعي ربيع الشوق التم يا لابسه تِياب الشوق بالقلبه وصاكّه مسامع النيل بالجَلَبه.. نبض شهيقك .. ما زال حي رغم نبيحو ( أبو التَي تَي ).. نداك .. ما بطّل الغلبه.. ولا في شرعك موت الفجعة.. ككيف بيشرَق دمِك؟ وليه تتدّبي فوق راس نمِك ؟ سامعِك.. حِسِك زي ود عمِك قلنا طشاشِك .. شوف باكِرنا.. شاطي بيطرح قولاً ني .. قيفه تهِد الخوف في الدمعه.. ما كلّمتِك عن ود عينِك.. لما يعافِر مُشبَك شوفِك .. قولو ( غميس ) .. زي ما تقول الدنيا خميس أو إنزيم الكلمه الميس .. فيا ود عينه .. صبيب العِينه .. القِبلي بِعينه .. أمشاكا.. نفك الريق أرحكاكا .. ورانا شهيق يلاكا .. قعادنا بعيق قوماكا .. نشُر الضيق .. علي حبل العصب نجعه نشذب لي طوايل الليل نهِد قيف السموم في النيل نخلي الغيمه خط رجعه وزي ما تدور تهبِّش سو قفاك مسنود بِشِعبة ضو موتده في العقَاب هجعه فيا جيب البلد شُومَك مفارق حتي ( أبو نومك ) .. مسلّة غلّه .. مُنذلّه طايشه ورايحه في كومك تضاري عِراك طول يومك تفتِّش مرقه بي هدُومك إبارك يا تقاة الجو ولا إبريز شقا النجعه أرحكاكا.. أرحكاكا.. أ ر ح ك ا ك ا .
|
|
|
|
|
|
|
العنوان |
الكاتب |
Date |
ود إبر عين الخُلعــة .. | فاروق أبوحوه | 11-14-09, 05:28 PM |
Re: ود إبر عين الخُلعــة .. | مدثر محمد ادم | 11-14-09, 05:58 PM |
Re: ود إبر عين الخُلعــة .. | فاروق أبوحوه | 11-15-09, 10:43 AM |
Re: ود إبر عين الخُلعــة .. | فاروق أبوحوه | 11-17-09, 01:22 PM |
Re: ود إبر عين الخُلعــة .. | فاروق أبوحوه | 11-18-09, 01:08 PM |
Re: ود إبر عين الخُلعــة .. | فاروق أبوحوه | 11-23-09, 12:52 PM |
Re: ود إبر عين الخُلعــة .. | فاروق أبوحوه | 12-05-09, 08:05 PM |
Re: ود إبر عين الخُلعــة .. | حبيب نورة | 12-05-09, 08:09 PM |
Re: ود إبر عين الخُلعــة .. | فاروق أبوحوه | 12-06-09, 04:18 PM |
Re: ود إبر عين الخُلعــة .. | فاروق أبوحوه | 12-19-09, 07:36 PM |
|
|
|