|
|
 عيد ميلاد دكاكيني !!
|
امس اكملت البنية حولين كاملين
ونسبة للانشغال الشديد عملت عيد ميلاد دكاكيني كده وماعزمت اي زول
اها واتذكرت انو في عيد ميلاد الولد نزلت ليهو بوست بتلك المناسبة
وطبعا زاتوو مابيفرق بين البت والولد وقلنا لازم نساوي بين الطفل والطفلة ومانهضم حقوقها
اصلو البنات اليومين ديل لو احسن بي اي تهميش الله قال بي قولك وقلنا الظروف مامعروفة يمكن بعدين
النساء يمسكوا البلد والبنية تقوم تفتح مكتبة ابوها بعد مابكوري يتكرم لينا بي مكتبة وماتلاقي تهنئة في عيد ميلادها الثاني وتقوم تفتح في ابوها بلاغ تهميش ذكوري بعدم انزال بوست تهنئة في عامها الثاني كما فعلت مع الولد
عشان كده وعشان الواحد ضميروا يكون مرتاح نزلت البوست ده وارجو كل من شاركوني في عيد ميلاد الولد ان يشاركوني في عيد ميلاد البت والناس الماشاركت برضو ممكن تشارك
كل سنة وانتي طيبة البنية السكرية حلاوة لبن
والعاقبة عندكم في المسرات 
تحياتي
زاتوووو
|
|
 
|
|
|
|
|
|
|
|
Re: عيد ميلاد دكاكيني !! (Re: ALZOLZATOO)
|
ما شاركنا في الاول لكن لو كلمتونا كان جينا بمنقتنا ..لووووول ..
وكل سنة والعسل بالف خير وتطفئ الشمعة المية يا رب ..
** تحجز يا زااااتو شكلي كدة عاوز اقرأ فممكن ارجاها ليك بمزااااج 
| |
|
|
|
|
|
|
|
|
|
Re: عيد ميلاد دكاكيني !! (Re: HAIDER ALZAIN)
|
حبيبنا حيدر
الله يبارك فيك ياحبيبنا
والله احبطني ياخي انا اسع قلت حيدر الزين ده يقوم يعرس ويمشي بي نظرية قدم الكيشة والحقو ويجي يجيب تيمان وتاني تيمان ويفوتنا بي هناك
لكن لو مصر بضم الميم ممكن نحجزها ليك عادي جدا يعني الفرق كلو ح يكون كم وتلانين سنة بتحصل في ارقى العائلات بس شرطي الوحيد ح اوديك الفحص الدوري نعمل ليك جك اب عشان انت عارف قلب الوالد وكده بعدين الرطوبة دي بتلجن سرييييييييع
الف مرحب بيك تعال بي حالتك الراهنة دي نشوف بطيختك دي حمراء ولا بيضاء
ارقد عافية
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: عزاز شامي)
|
| Quote: كل سنة و بنّوتك بخير و تكبر و تفرح بيها |
اختنا عزاز شامي
شرفتني بوستنا عقبال بيك نفرح يازينة ونشرب شرباتك يازينة واليوم داك زاتووو حالف يضبح تووور
تحياتي
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: مريم عبد الله)
|
ستنا مريم عبدالله
حمد الله على السلامة وربنا مايحرمنا من طلاتك البهية
عقبال مية سنة لي اي زول بتعرفيهو
ربنا يمتعك بالصحة والعافية ونبارك ليك في السمح
تحياتي
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: لؤى)
|
Quote: أه يا خائن
كُلّ سنة والبنّوتة والولد بألف خير |
حبيبنا لؤي
تصدق انا كنت مفكر اعملو في الويك اند لكن تعرضت لضغط شديد من الحكومة المركزية
قلت يوم سبت يوم سبت وقلت اصاحبنا الواحد ممكن يقنعهم اهم حاجة يحافظ علي كرامتو لوووووووولز
ياخي انت بس تعال ومعك اخرون مش الطورته والشمع والهتش البعلقوهو ده بنعملو ليك وتعال يارمز الفن ياسيدي وفيك وجدت الدر قصيدي تعاااااااااال
تحياتي
زاتوووو
| |
|
|
|
|
|
|
|
|
 Re: عيد ميلاد دكاكيني !! (Re: ALZOLZATOO)
|
ممكن اهدي يا دكتور ..؟
حسع عليك الله مقنطر نفسك كدا مالك من الصباح ؟؟
في حالة زي دي مفترض تعمل رايح .. لانو بوست زي دا بعد سنوات ح يدخلك في حتات ضيقة .. وزي ما عارف الارشيف حق البورد دا قاعد يمشي مكتبة البيت الأبيض .. يعني الجماعة ديل ح يرسلو ليك اتنين تلاتة كدا يدخلوك في حتات ضيقة لي نظرتك الذكورية دي واحتمال يدفعوك بدل عيد ميلاد بي اثر رجعي ..
الآن إنت مطالب بي انك تعمل ليها عيد ميلاد جامبوووو .. يعني عيدين ميلاد في واحد حق السنة الفاتت الاستكردتها فوقو دا وحق السنة دي ..
كل سنة والأمورة بالف خير .. يااارب تكبر وتطلع ليك بعدين الكرسي بره الشارع هي ووليداته.. نوعك دا بيكون خرفو كعب خلاص .. إلا (يصبو) ليهو الكرسي جمب العمود
| |
|
|
|
|
|
|
|
|
 Re: عيد ميلاد دكاكيني !! (Re: Dalal Ezzaldin)
|
يا زااتوو،،
تصدق جيتى المنبر الايام دى عزيزة و غالية،
بس قلت لازم أشاركم أفراحكم،،،
كل سنة و الامورة بالف خير و سعادة يا رب،
و تفرحوا بيها إنشالله بأعلى الشهادات،،،
هدية منى ليها الوردة دى 
| |
|
|
|
|
|
|
|
|
|
Re: عيد ميلاد دكاكيني !! (Re: Hala Hassan)
|
كل سنة والزاتوووووووووووية الصغيرونة بالف خير
وعقبال الشمعة الجلبغمية
وياريتني لو كنت معرس وعندي وليدات
كان خطبتها ليهم من هسع
لكن للاسف تراني زي تمبس دا
خالص الود
| |
|
|
|
|
|
|
|
|
|
Re: عيد ميلاد دكاكيني !! (Re: Hala Hassan)
|
Quote: يا زااتوو،،
تصدق جيتى المنبر الايام دى عزيزة و غالية،
بس قلت لازم أشاركم أفراحكم،،،
كل سنة و الامورة بالف خير و سعادة يا رب،
و تفرحوا بيها إنشالله بأعلى الشهادات،،،
هدية منى ليها الوردة دى |
الغالية هالة حسن
يااختي انتي كل جياتك عزيزة وغالية حتى لو بين المداخلة والمداخلة عملتي مداخلة
لاحظت غيابك وقلنا اكيد مشغوليات
وانتي بالف خير عقبال مانشاركك كل النجاحات والمناسبات السعيدة
شكرا على الوردة هدية من ايدك مقبولة لكن الفيك اتعرفت
تحياتي
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: Dalal Ezzaldin)
|
Quote: بتك معاي سوا سوا يا زاتو ..
وانا اقول الناس ما جات حفلة عيد ميلاداتي لي
تقول لي دكاني ؟
كل سنه هي وانا طيبات |
اختنا دلال عز الدين
كل سنة وانتي طيبة وعقبال 94 شمعة خلاص عيد ميلادك اتحفظ في الهاردسك والفلاش ميموري
مع كل عيد ميلاح ح نتذكر عيد ميلادك ونبارك ليك من على البعد وح نزيد من سعة الطورته شوية ح نعملها طورته نفرين
طيب ماعملتي بوست لي شنو الغتاته في الاعياد ماكويسة خسوسا اليومين ديل البورد محتاج حفلات وايام مفتوحه
عقبال تفرحي بي اولاد وبنات اولادك وبناتك
تحياتي
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: GamarBoBa)
|
Quote: يا دكتور
دي شنو المطالب التعسفية دي
عموما الجماعة ناس زامير ديل بسلموا عليكو
قالوا ليك لو كان هنا كان جاوكو الاوركسترا وسوا للبنية ربة |
ياقمرنا
مش بيقولوا ماضاع حق وراهو مطالب
لكن في الاجازة ح نحاول نشوف لينا اي مناسبة عشان نشوفكم
قول ليهم ماتتعبوا نفسكم نحن بنجيب طورتنا وبنجي لي عندكم
ارقد عافية
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: ALZOLZATOO)
|
Quote: كل سنة والزاتوووووووووووية الصغيرونة بالف خير
وعقبال الشمعة الجلبغمية
وياريتني لو كنت معرس وعندي وليدات
كان خطبتها ليهم من هسع
لكن للاسف تراني زي تمبس دا
خالص الود |
حبيبنا ياسر بناوي
لاحولة ولاقوة بعد الرطب ده كلو عزابي انا اسع قلت الراجل ده كاتل الجداده وخامي رطبها كااااااك
انت برضو بنوصيك تعرج على النيل الازرق بشرط بتكون بتعرف تعوووم وده انا ماعندي فيهو شك لكن بشك في عوووم تمبس لانو تمبس متعود على العوم في خور ابوعنجة وعوم الخور بيختلف عن عوم النيل حتى لو كان تامبا بيتلب من فوق الكوبري
يازول اتزوج مامعروف يمكن تجيبهم كلهم بنات ونقعد نتلفت مع بعض ربنا يرزقك كده بي زوجة صالحة وذرية مباركة
قال سقراط لأحد تلاميذه: تزوج يابني .. فإنك إن رزقت بإمرأة صالحة .. أصبحت أسعد مخلوق على وجه الأرض .. وإذا كانت شريرة.. صرت فيلسوفآ
شاكرين ياود بناوي
تحياتي
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: ALZOLZATOO)
|
تقبل الله يا واتو
و كل سنة و البنية طيبة و ناجحة و رافعة راسكـ
زي ما قالوا الشباب
اولادنا ديل بعدين حا يراجعوا ارشيف بكري
غما عندنا خيار إلا نتحجج بهجمات الهكر
اللخبطت تواريخ البوستات في المنبر
| |
|
|
|
|
|
|
|
|
|
Re: عيد ميلاد دكاكيني !! (Re: خدر)
|
خدوري من واشنطون عديل كده
الله يبارك فيك ياخدر وعقبال مانشوف اولادك حاملين اعلى الشهادات
نتمنى لك التوفيق في رحلتك الفنية
نحن ياحبيبنا الارشيف بتاعنا نضيف لكن المشكلة في ناس لو اولادهم طلعوا لي امهاتهم ح يفتحوا فيهم نيران وكمان لو طلعوا زيهم منو العوض وعليه العوض
تحياتي الاكيدة
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: عبدالرازق الطيب يس)
|
| Quote: اوووووووه ولد. وكمان بت. والله واحد يتذكر البكي داك قبال العرس. و الله نحنا عجزنا. كل سنه و البنيه واخوها وأمها وأبوها بخير |
باش مهندس ابو احمد
انت مشكلتك مابتعمل اب ديت ده كمان حالتو عاملين SLOW DOWN
ياخي الولد على اعتاب المدرسة ، بعدين البكاء لسه مستمر بس بنسرق الدمع في الجيوب حياء وبناء مابناء من الاشواق لوووووووووووول يكه
تحياتي للمدام واحمد والامورة البنسى اسمها طوالي لانو بعتنا في السماية
دم بخير
زاتووووو
| |
|
|
|
|
|
|
|
|
|
Re: عيد ميلاد دكاكيني !! (Re: abdalla osman)
|
Quote: كل سنة وانتو طيبين وتتحقق امانيكم
ربنا يخلي ليك الامورة يا دكتور ويسعدك بي عيالك ..
. |
حبيبنا عبدالله عثمان
وانت طيب ويحقق امانيكم جميعا ويسعدك ان شاء الله بس قصة يادكتور دي ماتركز عليها كتير لانها شهادة مضروبة لوووووووول كان مغالطنا ومامصدقنا اسال ايمن دياب الماري جمب بيتنا
تحياتي الغالية ياعبدالله
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: داليا الكباشى)
|
Quote: زاتووو يا ملك
كل سنه والبنوته بخير .. تفرح بي جديدها انشالله يابا
احب اهدي غونيه لي صاحبك اللي حا يبقى فيلسوف ... لووووووووووول
|
الملكة داليا الكباشي
ربنا يكتر مناسبات السعيدة
شكلك كده ح تغني كتير لانو ان معظم اصحابي فلاسفة
والمامعرسين برضوح يكونوا فلاسفة ماعدا ياسر بناوي
تحياتي الاكيدة
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: أيمن دياب)
|
Quote: مبروك للدكتورة بت الدكتور..
عقبال ما تفرح بيها عروس يا بكور..
بالمناسبة كنت في الدمام اسبوع بس والله ماعندي رقمك. |
حبيبنا ايمن دياب
وعقبال مانفرح بي جميع مناسبات السعيدة
ياخي كان تسال اي زول تقول ليهو الاقي زاتو وين ح يوصلك طوالي
التلفون ارسل لك بالماسنجر الداخلي وشغال 24 ساعة ماعدا في حالة السفر بالطيران وهي نادرة
ارقد عافية
زاتوووو
| |
|
|
|
|
|
|
|
|
 Re: عيد ميلاد دكاكيني !! (Re: Sidig Rahama Elnour)
|
ماشاء الله علي البنية السكرية..
عمرها سنتين؟؟
أكبر من ياسين بتلاتة شهور تقريبا..
ومن يوسف بسنة وأربعة شهور..
اسه نخطبها لياتو فيهم؟؟
كل سنة هي واخوها وأمهم حلوين في حياتك وطيبين..
قلت ليك..
من المية جنيه حقتي العندك..أديها خمسين جنيه
بتنا دي ما بنبخل عليها اصلو..
شكرا
| |
|
|
|
|
|
|
|
|
|
Re: عيد ميلاد دكاكيني !! (Re: Muna Khugali)
|
Quote: ماشاء الله علي البنية السكرية..
عمرها سنتين؟؟
أكبر من ياسين بتلاتة شهور تقريبا..
ومن يوسف بسنة وأربعة شهور..
اسه نخطبها لياتو فيهم؟؟
كل سنة هي واخوها وأمهم حلوين في حياتك وطيبين..
قلت ليك..
من المية جنيه حقتي العندك..أديها خمسين جنيه
بتنا دي ما بنبخل عليها اصلو..
شكرا |
الملكة منى خوجلي
لا بتنا مابنديها لي اولاد اصغر منها لكن بنعمل ليكم طلب خاص سريييييييع كده
ونجيب ليكم واحده حسب طلبكم عايزنها باب واحد او فور ويل درايف
بعدين الاسم تختاروهو انتو شايف ماشاء الله الاسامي كلها قرانية ياسين ويوسف ونحن ماعلينا الا التنفيذ
تسموها مريم او امراة العزيز او حتى حمالة الحطب ماعندنا مشكلة المهم تعرسوها وبعد تلتين سنة كده ح تلاقي بوست كبير يافرحنا ابوي زاتوو في لندن كاااااااااك ونمشي نشوف ناس لندن السمحين ديل
بعدين المية جنيه دي فاضحاني بيها مالك في العالم السايبري ده نحن ناس نسب وكده بعدين ماكنت متخيل متذكره الموضوع لسه كنت عملت عيد الميلاد كل اربع سنوات لووووووول يكه
شاكرين حسن قدومك الكريم وباقي ليك خمسين جنيه
تحياتي للاسرة
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: Sidig Rahama Elnour)
|
Quote: الزول زاتو كل سنة وبنتنا طيبة وأسرتكـ طيبة .... وياريت لو كلمتنا
لكـ شكري وتقديري |
حبيبنا صديق
والله امسحها لي في وشي بس اليوم كان يوم سبت وقلنا الناس بتكون طالعة من شغل وكده مافي داعي للازعاج
اسمع كلم صاحبك يوم الخميس حيدر عازمنا حناء في الخبر ماعارف برنانجكم شنو
عقبال مانفرح بي اعياد ميلاد اولادك وبناتك
تحياتي
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: بكري عباس علي)
|
Quote: الحبيب زاتو
كل سنة وهي وانت واخوها وامهم بكل خير
وعقبال ما تفرح بتخرجهم من الجامعة يا رب
بكري |
العزيز بكوري
عقبالك كمان بس لسع ماعرفناك متزوج ولا عزابي على العموم
ان شاء الله تفرح بي اولاد اولادك
تحياتي ياوجيه
زاتووووو
| |
|
|
|
|
|
|
|
|
|
Re: عيد ميلاد دكاكيني !! (Re: Nader Abu Kadouk)
|
| Quote: كل سنة وانتي طيبة البنية السكرية حلاوة لبن |
حبيبنا نادر ابو كدوك
وانت بالف خير وين مطول الغيبة ان شاء الله المانع خير
ربنا يمتعك بالصحة والعافية ويكتر ليك من المناسبات السعيدة
تحياتي
زاتوووو
| |
|
|
|
|
|
|
|
|
|
Re: عيد ميلاد دكاكيني !! (Re: ALZOLZATOO)
|
الزول زاتوو ... سلامات ..
وعيد ميلاد سعيد لابنتنا العسولة (هي ماعندها اسم ) .. وعقبال الشمعة المية ...
تحياتي لصديق وحيدر ..وهم ينوبون عني في المناسبات المشابهة ..
ودالقاضي ..
| |
|
|
|
|
|
|
|
|
|
Re: عيد ميلاد دكاكيني !! (Re: فايزودالقاضي)
|
Quote: الزول زاتوو ... سلامات ..
وعيد ميلاد سعيد لابنتنا العسولة (هي ماعندها اسم ) .. وعقبال الشمعة المية ...
تحياتي لصديق وحيدر ..وهم ينوبون عني في المناسبات المشابهة ..
ودالقاضي .. .. |
الله يبارك فيك ياود القاضي ياخي
ربنا يسعدك ويفرحك ، اسم البت داسنو من العزابة الكتار في البورد تصدق كل يوم بتفاجا بي عزابي جديد
ربنا يعرس ليهم جميعا ان شاء الله ويرزقهم بالبنين والبنات الصالحين والصالحات البت اسمها لجين طال عمرك
قلت لي حيدر بينوب عنك في المناسبات والاشساء الماشبهة ركز علي صديق حيدر خليهو لووول
تحياتي
زاتوووو
| |
|
|
|
|
|
|
| |
ALZOLZATOO
HAIDER ALZAIN
لؤى
مريم عبد الله
tmbis
Dalal Ezzaldin
ياسر بيناوي
GamarBoBa
خدر
انعام عبد الحفيظ
داليا الكباشى
abdalla osman
عبدالرازق الطيب يس
Sidig Rahama Elnour
Muna Khugali
Nader Abu Kadouk
بكري عباس علي
ماجدة عوض خوجلى
فايزودالقاضي
فيس بوك
تويتر
انستقرام
يوتيوب
بنتيريست