هل يكون هو ختام الرحلة ..؟؟؟
سودانيز اون لاين ... ذلك الصرح الشامخ الذي طالما تمنيت ان اكون احد اعضائه ... واحد اقلامه ... وكان عندي بمثابة الموقع الذي اذا انضممت اليه لا تحتاج لان تكون عضوا في اي موقع آخر ... بعد رحلة مضنية وتنقل بين المنتديات والمنابر ... رحلت تخللتها النقائض .. ما بين المهاجمات والاشادات ... والتشجيع والتخزيل .. النجاحات والاخفاقات .. قررت اخيرا ان احط رحالي هنا ... في الموقع الذي تمنيت عضويته منذ ان وقع نظري عليه ... ولم تفتر همتي حتي نلت شرف عضويته ... اخيرا كنت من الزوار الدائمين للموقع متابع له وكثير ما استفدت منه في عملي وصار لي مرجعا وكانت اراء الكثيرين منكم حاضرة معي وانا امارس مهنتي .. مهنة البحث عن المتاعب لم اجد موقعا فيه احترام الرأي والرأي الاخر مثل سودانيز اون لاين .. لم اجد اعضاء عندهم من الشجاعه ما يجعل احدهم يموت من اجل مبادئه مثل اعضاء سودانيز اون لاين... وكان لابد لي ان اكون واحد من هذه الكوكبة .... ووفقني الله وها انا بينكم وكل املي ان اكون مثلكم... كل الحب... وافر الاحترام... كامل التقدير ... وخالص الامنيات ان اجد ضالتي عندكم .. واجد المكان الذي طالما تمنيت ان اكون احد اعضائة كما ظننت واظن دائما... ودمتم بس يا سناير براحة علينا ... ( اخدونا ) معاكم كدة لما نلحقكم ... حينها لن يكون (اعلمه الرماية كل يوم فلما اشتد ساعده رماني...) (عدل بواسطة ابراهيم الصغير on 11-08-2009, 04:13 PM)

11-08-2009, 04:20 PM

haroon diyab

haroon diyab
تاريخ التسجيل: 06-20-2007
مجموع المشاركات: 23215

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هل يكون هو ختام الرحلة ..؟؟؟ (Re: ابراهيم الصغير)
الف مراحب الاخ ابراهيم عضو فاعل وصديق عزيز واخ كريم...... حوش بكري واااااااااسع ويسع الجميع ......... اتمني ان يطيب لك المقام بيننا وصدقني هنا السنير مش بالاقدمية بكن بالمشاركات الفاعلة والموضوعية وقبول الاخر وعدم المهاترات والتجريح واهم شي البعد عن شخصنة المواضيع والاساءات الشخصية واهم حاجة..... انك تكون من الصفوة......هههههههههههه كل الود

11-08-2009, 04:40 PM

عبود عبد الرحيم

عبود عبد الرحيم
تاريخ التسجيل: 03-14-2008
مجموع المشاركات: 5434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هل يكون هو ختام الرحلة ..؟؟؟ (Re: haroon diyab)

يبدو انه شهر المفاجآت
وبعد (مكتبتنا) بالأمس
فانني اليوم افاجأ بزميلي في الصحيفة الاخ ابراهيم الصغير عضوا في سودانيز
وهي بالتاكيد مفاجأة سعيدة ، ولم أكن أعلم أنه قدم طلب عضوية في المنبر

مرحبا بالاخ الزميل أبراهيم الصغير
والامنيات له بالتوفيق في العالم الاسفيري

ثم انني لن ازيد فيما قاله الاخ الحبيب هارون دياب في وصيته لك

Quote: وصدقني هنا السنير مش بالاقدمية

بكن بالمشاركات الفاعلة والموضوعية

وقبول الاخر وعدم المهاترات والتجريح

واهم شي البعد عن شخصنة المواضيع

والاساءات الشخصية

Quote: واهم حاجة.....

انك تكون من الصفوة......هههههههههههه

نعم وللاسف الشديد ياهارون صاحبنا الجديد طلع من عنديكم

هلالابي زعلان

تتخيل ياهارون ابراهيم الصغير مريخابي

11-08-2009, 05:16 PM

ابراهيم الصغير

ابراهيم الصغير
تاريخ التسجيل: 11-08-2009
مجموع المشاركات: 404

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هل يكون هو ختام الرحلة ..؟؟؟ (Re: haroon diyab)
شكرا استاذ هارون... ابدأ ليك من الاخيرة... انا صفوة وافتخر و.... لن نوالي غير الوالي ... كدة كيف....؟ كمان ما تجمع... ثانيا ... والله انضمامي لسودانيز اون لاين جاء بعد ان عرفته جيدا وعرفت ان فيه من هم اعلم مني و ..(افهم ) مني... اتيت لاستفيد من اراء اناس طالما تمنيت الحديث اليهم والقرب منهم ... ولذا لن تكون هنالك مهاترة او غيرها .. بالنسبة لقبول الرأي الاخر.... والله دي نحن اهلها ... حوووش بكري والله واسع بالجد ... كفاية انو شايل الما قدر السودان (كللللللو) يشيلهم تحياتي واتمني ان تجدوني عند حسن ظنكم وشكرا علي التشجيع

11-08-2009, 05:30 PM

ابراهيم الصغير

ابراهيم الصغير
تاريخ التسجيل: 11-08-2009
مجموع المشاركات: 404

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: هل يكون هو ختام الرحلة ..؟؟؟ (Re: ابراهيم الصغير)
استاذي عبود عبدالرحيم...؟ الم اقل لك يا هارون ان هنالك من هم اعلم وافهم مني...؟؟؟ هل في حضرة امثال استاذ عبود هنالك من يهاتر...؟؟؟ وهل هنالك من لا يتقبل اراء كتاب منهم انت وعبود عبدالرحيم....؟؟؟ ارقد قفا يا هارون من الناحية دي..... استاذ عبود شكرا للتشجيع وذكرتني اول يوم دخلت فيهو الجامعه وانا اتهيب مجرد وجودي بين السناير .... واسأل نفسي ... هل يأتي علي يوم اكون مثلهم ....؟؟ اضحك ... وانكت .... وامارس النشاط السياسي واتحدث في الاركان مثلهم واجادل واناقش .....؟؟؟ كان الوضع جد مختلف هناك.... بعد اربعه ايام وجدت نفسي (شايت كولنغ) دي بلغة الطلبة طبعا لسة روحنا روح طلبة ... انتهي الركن واول ركن نقاش اشترك فيه ينتهي بي شكلة .... واول طوبة (تتفك) كانت في رأسي انا .... البرلوم (اتعوق) وطبعا حزبي وما تسألوني هو شنو... كنا 5 وللا 6... بس كل الحزب حتي الفي الداخلية... في مواجهة كتيبة من قوات الميل اربعين وللا خمسين ما عارف ... وعينك ما تشوف الا النور ... انتهت اول درجات سلم (السنيرة) بالمستشفي.... اتمني ان يختلف الحال هنا (الحال بقي ما زي زمان وبقينا ما حمل مشاكل وطوب) كانت ايام جميلة استاذ عبود انا مريخابي ومريخابي صارخ .... والمريخ يجري في دمي.... وسيظل المريخ داخلي (سبب يذهب الحزن ولا يذهب) تاني شكرا للترحيب والتشجيع ودمت...اا (عدل بواسطة ابراهيم الصغير on 11-08-2009, 05:33 PM)

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]